॥ Sri Rajarajeshwari Ashtakam Odia Lyrics ॥
॥ ଶ୍ରୀରାଜରାଜେଶ୍ଵର୍ୟଷ୍ଟକମ୍ ॥
॥ ଅଥ ଶ୍ରୀରାଜରାଜେଶ୍ଵର୍ୟଷ୍ଟକମ୍ ॥
ଅମ୍ବା ଶାମ୍ଭଵି ଚନ୍ଦ୍ରମୌଲିରବଲାଽପର୍ଣା ଉମା ପାର୍ଵତୀ
କାଲୀ ହୈମଵତୀ ଶିଵା ତ୍ରିନୟନୀ କାତ୍ୟାୟନୀ ଭୈରଵୀ ।
ସାଵିତ୍ରୀ ନଵୟୌଵନା ଶୁଭକରୀ ସାମ୍ରାଜ୍ୟଲକ୍ଷ୍ମୀପ୍ରଦା
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ ୧ ॥
ଅମ୍ବା ମୋହିନି ଦେଵତା ତ୍ରିଭୁଵନୀ ଆନନ୍ଦସଂଦାୟିନୀ
ଵାଣୀ ପଲ୍ଲଵପାଣିଵେଣୁମୁରଲୀଗାନପ୍ରିୟା ଲୋଲିନୀ ।
କଲ୍ୟାଣୀ ଉଡୁରାଜବିମ୍ବ ଵଦନା ଧୂମ୍ରାକ୍ଷସଂହାରିଣୀ
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ ୨ ॥
ଅମ୍ବା ନୂପୁରରତ୍ନକଙ୍କଣଧରୀ କେୟୂରହାରାଵଲୀ
ଜାତୀଚମ୍ପକଵୈଜୟଂତିଲହରୀ ଗ୍ରୈଵେୟକୈରାଜିତା ।
ଵୀଣାଵେଣୁ ଵିନୋଦମଣ୍ଡିତକରା ଵୀରାସନେ ସଂସ୍ଥିତା
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ ୩ ॥
ଅମ୍ବା ରୌଦ୍ରିଣି ଭଦ୍ରକାଲି ବଗଲା ଜ୍ଵାଲାମୁଖୀ ଵୈଷ୍ଣଵୀ
ବ୍ରହ୍ମାଣୀ ତ୍ରିପୁରାନ୍ତକୀ ସୁରନୁତା ଦେଦୀପ୍ୟମାନୋଜ୍ଵଲା ।
ଚାମୁଣ୍ଡା ଶ୍ରିତରକ୍ଷପୋଷଜନନୀ ଦାକ୍ଷାୟଣୀ ଵଲ୍ଲଵୀ
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ ୪ ॥
ଅମ୍ବା ଶୂଲଧନୁଃ କଶାଙ୍କୁଶଧରୀ ଅର୍ଧେନ୍ଦୁବିମ୍ବାଧରୀ
ଵାରାହୀମଧୁକୈଟଭପ୍ରଶମନୀ ଵାଣୀ ରମାସେଵିତା ।
ମଲ୍ଲଦ୍ୟାସୁରମୂକଦୈତ୍ୟମଥନୀ ମାହେଶ୍ଵରୀ ଚାମ୍ବିକା
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ ୫ ॥
ଅମ୍ବା ସୃଷ୍ଟଵିନାଶପାଲନକରୀ ଆର୍ୟା ଵିସଂଶୋଭିତା
ଗାୟତ୍ରୀ ପ୍ରଣଵାକ୍ଷରାମୃତରସଃ ପୂର୍ଣାନୁସଂଧୀ କୃତା ।
ଓଙ୍କାରୀ ଵିନତାସୁତାର୍ଚିତପଦା ଉଦ୍ଦଣ୍ଡ ଦୈତ୍ୟାପହା
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ ୬ ॥
ଅମ୍ବା ଶାଶ୍ଵତ ଆଗମାଦିଵିନୁତା ଆର୍ୟା ମହାଦେଵତା
ୟା ବ୍ରହ୍ମାଦିପିପୀଲିକାନ୍ତଜନନୀ ୟା ଵୈ ଜଗନ୍ମୋହିନୀ ।
ୟା ପଞ୍ଚପ୍ରଣଵାଦିରେଫଜନନୀ ୟା ଚିତ୍କଲା ମାଲିନୀ
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ ୭ ॥
ଅମ୍ବାପାଲିତଭକ୍ତରାଜଦନିଶଂ ଅମ୍ବାଷ୍ଟକଂ ୟଃ ପଠେତ୍
ଅମ୍ବାଲୋଲକଟାକ୍ଷଵୀକ୍ଷ ଲଲିତଂ ଚୈଶ୍ଵର୍ୟମଵ୍ୟାହତମ୍ ।
ଅମ୍ବା ପାଵନମନ୍ତ୍ରରାଜପଠନାଦନ୍ତେ ଚ ମୋକ୍ଷପ୍ରଦା
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ ୮ ॥
॥ ଇତି ଶ୍ରୀରାଜରାଜେଶ୍ଵର୍ୟଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sri Durga Stotram » Sri Rajarajeshwari Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil