॥ Ramashtaprasa Stutih Bengali Lyrics ॥
॥ শ্রীরামাষ্টপ্রাসস্তুতিঃ ॥
কর্তা কঞ্জভবাত্মনা ত্রিজগতাং ভর্তা মুকুন্দাত্মনা
হর্তা য়শ্চ হরাত্মনাঘমখিলং স্মর্তা চ য়স্যোজ্ঝতি ।
ধর্তারং ধনুষঃ শরৈস্সহ তমাদর্তারমার্তান্বয়ং
সর্তারোঽপ্যপথে শ্রিতা রঘুপতিং বর্তামহে নির্ভয়াঃ ॥ ১ ॥
কারাগারসমানসংসৃতিনিরাকারায় সচ্চিন্ময়ং
ধীরা য়ং শরণং ব্রজন্তি ভুবনে নীরাগমোহস্ময়াঃ ।
তারাদেবরমুখ্যবানরপরীবারায় নীরাকর-
স্ফারাটোপহরায় রাবণজিতে বীরায় তস্মৈ নমঃ ॥ ২ ॥
কিং দেবৈরিতরৈঃ প্রপন্নভরণে সন্দেহকৃদ্ভির্নৃণাং
বিন্দেয়ং য়দি তান্ বিমূঢ ইতি মাং নিন্দেয়ুরার্যা ন কিম্ ।
কিং দেয়ং কিমদেয়মিত্যবিদুরং তং দেহিনামিষ্টদং
বন্দে কঞ্চন বঞ্চনামৃগরিপুং মন্দেতরশ্রেয়সে ॥ ৩ ॥
গাত্রেষু শ্রমমগ্নিমান্দ্যমুদরে নেত্রে জডত্বং সহ
শ্রোত্রেণাদিশতী জরা বিশতি চেত্ কোঽত্রেরয়েন্মাস্ত্বিতি ।
দাত্রে য়ত্তু নমোঽধুনাঽপি কলয়ে স্তোত্রেণ বিত্তাশয়া
মৈত্রে জন্মজুষে কুলে কৃতনতির্নেত্রে তদুজ্ঝাম্যহম্ ॥ ৪ ॥
জাতো য়ো মিহিরান্বয়ে নিয়মিনা নীতো মখং রক্ষিতুং
শাতোদর্যপি য়েন গৌতমমুনেঃ পূতোপলত্বং জহৌ ।
ছাতোমাপতিকার্মুকং সদসি য়ং সীতোপলেভে পতিং
নাতো রাঘবতোঽপরং শরণমিত্যাতোদ্যমাঘোষয়ে ॥ ৫ ॥
নাহং পুত্রকলত্রমিত্রবিষয়ে স্নেহং বিহাতুং ক্ষমঃ
সাহঙ্কারমিদং মনশ্চ ন কৃতোত্সাহং গুরূপাসনে ।
দেহং নশ্বরমন্তকস্য ন দয়া হা হন্ত তেনোজ্ঝিতুং
মোহং নৌমি রুচা বিডম্বিতপয়োবাহং রঘূণাং পতিম্ ॥ ৬ ॥
শ্রীহীনং ব্যথয়ন্তি য়ে ধনমদাদেহীতি য়াহীতি তান্
বাহীকানিব ন স্মরাম্যপি পতীন্ দোহীয়সীনাং গবাম্ ।
দেহীতীরিতমন্তরেণ দদতে য়ো হীহিতং দেহিনাং
পাহীতি ব্রুবতো রঘূদ্বহ দয়াবাহী স সেব্যোঽসি মে ॥ ৭ ॥
শ্রুত্বা বেদশিরাংসি তন্নিগদিতং মত্বা য়থাবন্নরঃ
স্মৃত্বাঽভীক্ষ্ণমিদং লভেত বিশয়ং হিত্বাঽঽত্মসাক্ষাত্কৃতিম্ ।
য়ত্ত্বাহ ক্রমমিত্থমাগমশিরস্তত্ত্বাববোধোদয়ে
সত্ত্বাকার তদেব রাম সুলভং ন ত্বামনত্বা নৃণাম্ ॥ ৮ ॥
হন্তুং প্রাক্তনদুষ্কৃতানি জগতাং মন্তুং ভৃশানিত্যতাং
কন্তুং জেতুমমুত্র চেহ সমুপারন্তুং ফলেষ্বাদরাত্ ।
য়ন্তুং সেন্দ্রিয়জাতমাগমশিরো গন্তুং চ বক্ত্রাদ্গুরোঃ
তন্তুং চণ্ডকরান্বয়স্য কলয়ে তং তুঙ্গচাপং প্রভুম্ ॥ ৯ ॥
ইতি শ্রীরামাষ্টপ্রাসস্তুতিঃ সমাপ্তা ।
– Chant Stotra in Other Languages –
Sri Vishnu Stotram » Rama Ashtakam Stuti Lyrics in Sanskrit » English » Gujarati » Kannada » Malayalam » Odia » Telugu » Tamil