॥ Sri Ruchirashtakam 1 Bengali Lyrics ॥
॥ শ্রীরুচিরাষ্টকম্ ১ ॥
সর্বত্র য়ঃ প্রকটয়ন্ ভুবি সদ্গুণান্ স্বান্
শ্রীবিঠ্ঠলো হরিরিহ স্বয়মেব য়োঽভূত্ ।
তং নিত্যকান্তমথ সর্বগুণৈকরূপং
শ্রীবল্লভপ্রভুমহং সততং স্মরামি ॥ ১ ॥
রূপামৃতানি নিজসেবিজনায় দাতুং
য়ঃ সন্দধার স হি লৌকিকচারুদেহম্ ।
আনন্দমাত্রনিখিলাবয়বস্বরূপং
ভূয়ো ভজামি সুভগং ভুবি গোকুলেশম্ ॥ ২ ॥
পুষ্পোচিতস্মিতলসল্ললনালতাভি-
রালিঙ্গিতং নিজজনেপ্সিতসত্ফলাঢ্যম্ ।
শৃঙ্গারকল্পতরুমত্র কমপ্যনল্পং
শ্রীগোকুলোদিতমহং সততং ভজামি ॥ ৩ ॥
য়োষিদ্ভিরদ্ভুতমশেষহৃষীকপাত্রৈঃ
পেপীয়মানপরিপূর্ণরসস্বরূপম্ ।
ব্রহ্মাদিদুর্লভমনন্যজনৈকলভ্যং
শ্রীবল্লভং তমনিশং সুভগং ভজামি ॥ ৪ ॥
সৌভাগ্যভূমিজনিতং ত্রিজগদ্বধূনাং
লাবণ্যসিন্ধুলহরীপরিষিক্তগাত্রম্ ।
শৃঙ্গারশেখরমনন্তয়শঃস্বরূপং
শ্রীগোকুলেশ্বরমেব সদা ভজামি ॥ ৫ ॥
সৌন্দর্যপদ্মমধুবঞ্চিতমানসৈস্তু
সংসেবিতং মধুকরৈঃ ক্ষিতিসুন্দরীণাম্ ।
আনন্দকন্দমরবিন্দদলায়তাক্ষং
তং গোকুলাবনিগতং নিভৃতং ভজামি ॥ ৬ ॥
শৃঙ্গারসারনিজরূপরসং পদাব্জং
ভৃঙ্গায়িতেভ্য ইহ পায়য়িতুং জনেভ্যঃ ।
সৌন্দর্যসীমনিকষং দধতং স্ববেশং
শ্রীগোকুলেশমনিশং তমহং ভজামি ॥ ৭ ॥
শৃঙ্গারমেব বনিতোত্সবমূর্মিন্তং
ভাগ্যেন কেনচিদিহাবতরন্তমুর্ব্যাম্ ।
শ্রীবিঠ্ঠলাঙ্গজনুপং স্বকুলাবতংসে
সন্তং ভজামি সততং প্রভুগোকুলেশম্ ॥ ৮ ॥
ইত্থং প্রভোর্নিজপ্রভাতুলমাতুলস্য
শ্রীবল্লভস্য রুচিরাষ্টকমাদরেণ ।
শ্রীকৃষ্ণরায়কৃতমিষ্টদমেতদীয়-
পাদারবিন্দয়ুগলস্মরণেন জপ্যম্ ॥ ৯ ॥
ইতি শ্রীকৃষ্ণরায়বিরচিতং রুচিরাষ্টকং সমাপ্তম্ ।
– Chant Stotra in Other Languages –
Sri Ruchir Ashtakam 1 Lyrics in Sanskrit » English » Gujarati » Kannada » Malayalam » Odia » Telugu » Tamil