॥ Sri Sachi Sutashtakam Bengali Lyrics ॥
॥ শচীসুতাষ্টকম্ ॥
নবগৌরবরং নবপুষ্পশরং
নবভাবধরং নবলাস্যপরম্ ।
নবহাস্যকরং নবহেমবরং
প্রণমামি শচীসুতগৌরবরম্ ॥ ১ ॥
নবপ্রেময়ুতং নবনীতশুচং
নববেশকৃতং নবপ্রেমরসম্ ।
নবধা বিলসত্ শুভপ্রেমময়ং
প্রণমামি শচীসুতগৌরবরম্ ॥ ২ ॥
হরিভক্তিপরং হরিনামধরং
করজপ্যকরং হরিনামপরম্ ।
নয়নে সততং প্রণয়াশ্রুধরং
প্রণমামি শচীসুতগৌরবরম্ ॥ ৩ ॥
সততং জনতাভবতাপহরং
পরমার্থপরায়ণলোকগতিম্ ।
নবলেহকরং জগত্তাপহরং
প্রণমামি শচীসুতগৌরবরম্ ॥ ৪ ॥
নিজভক্তিকরং প্রিয়চারুতরং
নটনর্তননাগররাজকুলম্ ।
কুলকামিনিমানসলাস্যকরং
প্রণমামি শচীসুতগৌরবরম্ ॥ ৫ ॥
করতালবলং কলকণ্ঠরবং
মৃদুবাদ্যসুবীণিকয়া মধুরম্ ।
নিজভক্তিগুণাবৃতনাত্যকরং
প্রণমামি শচীসুতগৌরবরম্ ॥ ৬ ॥
য়ুগধর্ময়ুতং পুনর্নন্দসুতং
ধরণীসুচিত্রং ভবভাবোচিতম্ ।
তনুধ্যানচিতং নিজবাসয়ুতং
প্রণমামি শচীসুতগৌরবরম্ ॥ ৭ ॥
অরুণং নয়নং চরণং বসনং
বদনে স্খলিতং স্বকনামধরম্ ।
কুরুতে সুরসং জগতঃ জীবনং
প্রণমামি শচীসুতগৌরবরম্ ॥ ৮ ॥
ইতি সার্বভৌমভট্টাছর্যবিরচিতং শচীসুতাষ্টকং সম্পূর্ণম্ ।
– Chant Stotra in Other Languages –
Sri Krishna slokam » Srila Sarvabhauma Battacarya’s Sri Saci Suta Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil