॥ Sree Sathyanarayana Ashtakam Odia Lyrics ॥
॥ ସତ୍ୟନାରାୟଣାଷ୍ଟକମ୍ ॥
ଆଦିଦେଵଂ ଜଗତ୍କାରଣଂ ଶ୍ରୀଧରଂ ଲୋକନାଥଂ ଵିଭୁଂ ଵ୍ୟାପକଂ ଶଙ୍କରମ୍ ।
ସର୍ଵଭକ୍ତେଷ୍ଟଦଂ ମୁକ୍ତିଦଂ ମାଧଵଂ ସତ୍ୟନାରାୟଣଂ ଵିଷ୍ଣୁମୀଶଂ ଭଜେ ॥ ୧ ॥
ସର୍ଵଦା ଲୋକ-କଲ୍ୟାଣ-ପାରାୟଣଂ ଦେଵ-ଗୋ-ଵିପ୍ର-ରକ୍ଷାର୍ଥ-ସଦ୍ଵିଗ୍ରହମ୍ ।
ଦୀନ-ହୀନାତ୍ମ-ଭକ୍ତାଶ୍ରୟଂ ସୁନ୍ଦରଂ ସତ୍ୟନାରାୟଣଂ ଵିଷ୍ଣୁମୀଶଂ ଭଜେ ॥ ୨ ॥
ଦକ୍ଷିଣେ ୟସ୍ୟ ଗଙ୍ଗା ଶୁଭା ଶୋଭତେ ରାଜତେ ସା ରମା ୟସ୍ୟ ଵାମେ ସଦା ।
ୟଃ ପ୍ରସନ୍ନାନନୋ ଭାତି ଭଵ୍ୟଶ୍ଚ ତଂ ସତ୍ୟନାରାୟଣଂ ଵିଷ୍ଣୁମୀଶଂ ଭଜେ ॥ ୩ ॥
ସଙ୍କଟେ ସଙ୍ଗରେ ୟଂ ଜନଃ ସର୍ଵଦା ସ୍ଵାତ୍ମଭୀନାଶନାୟ ସ୍ମରେତ୍ ପୀଡିତଃ ।
ପୂର୍ଣକୃତ୍ୟୋ ଭଵେଦ୍ ୟତ୍ପ୍ରସାଦାଚ୍ଚ ତଂ ସତ୍ୟନାରାୟଣଂ ଵିଷ୍ଣୁମୀଶଂ ଭଜେ ॥ ୪ ॥
ଵାଞ୍ଛିତଂ ଦୁର୍ଲଭଂ ୟୋ ଦଦାତି ପ୍ରଭୁଃ ସାଧଵେ ସ୍ଵାତ୍ମଭକ୍ତାୟ ଭକ୍ତିପ୍ରିୟଃ ।
ସର୍ଵଭୂତାଶ୍ରୟଂ ତଂ ହି ଵିଶ୍ଵମ୍ଭରଂ ସତ୍ୟନାରାୟଣଂ ଵିଷ୍ଣୁମୀଶଂ ଭଜେ ॥ ୫ ॥
ବ୍ରାହ୍ମଣଃ ସାଧୁ-ଵୈଶ୍ୟଶ୍ଚ ତୁଙ୍ଗଧ୍ଵଜୋ ୟେଽଭଵନ୍ ଵିଶ୍ରୁତା ୟସ୍ୟ ଭକ୍ତ୍ୟାଽମରା ।
ଲୀଲୟା ୟସ୍ୟ ଵିଶ୍ଵଂ ତତଂ ତଂ ଵିଭୁଂ ସତ୍ୟନାରାୟଣଂ ଵିଷ୍ଣୁମୀଶଂ ଭଜେ ॥ ୬ ॥
ୟେନ ଚାବ୍ରହ୍ମବାଲତୃଣଂ ଧାର୍ୟତେ ସୃଜ୍ୟତେ ପାଲ୍ୟତେ ସର୍ଵମେତଜ୍ଜଗତ୍ ।
ଭକ୍ତଭାଵପ୍ରିୟଂ ଶ୍ରୀଦୟାସାଗରଂ ସତ୍ୟନାରାୟଣଂ ଵିଷ୍ଣୁମୀଶଂ ଭଜେ ॥ ୭ ॥
ସର୍ଵକାମପ୍ରଦଂ ସର୍ଵଦା ସତ୍ପ୍ରିୟଂ ଵନ୍ଦିତଂ ଦେଵଵୃନ୍ଦୈର୍ମୁନୀନ୍ଦ୍ରାର୍ଚିତମ୍ ।
ପୁତ୍ର-ପୌତ୍ରାଦି-ସର୍ଵେଷ୍ଟଦଂ ଶାଶ୍ଵତଂ ସତ୍ୟନାରାୟଣଂ ଵିଷ୍ଣୁମୀଶଂ ଭଜେ ॥ ୮ ॥
ଅଷ୍ଟକଂ ସତ୍ୟଦେଵସ୍ୟ ଭକ୍ତ୍ୟା ନରଃ ଭାଵୟୁକ୍ତୋ ମୁଦା ୟସ୍ତ୍ରିସନ୍ଧ୍ୟଂ ପଠେତ୍ ।
ତସ୍ୟ ନଶ୍ୟନ୍ତି ପାପାନି ତେନାଽଗ୍ନିନା ଇନ୍ଧନାନୀଵ ଶୁଷ୍କାଣି ସର୍ଵାଣି ଵୈ ॥ ୯ ॥
ଇତି ସତ୍ୟନାରାୟଣାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vishnu Slokam » Sri Satyanarayana Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil