Sri Shakambhari Ashtakam In Bengali

॥ Shakambari Ashtakam Bengali Lyrics ॥

॥ কম্ভর্যষ্টকম্ ॥
শক্তিঃ শাম্ভববিশ্বরূপমহিমা মাঙ্গল্যমুক্তামণি-
র্ঘণ্টা শূলমসিং লিপিং চ দধতীং দক্ষৈশ্চতুর্ভিঃ করৈঃ ।
বামৈর্বাহুভিরর্ঘ্যশেষভরিতং পাত্রং চ শীর্ষং তথা
চক্রং খেটকমন্ধকারিদয়িতা ত্রৈলোক্যমাতা শিবা ॥ ১ ॥

দেবী দিব্যসরোজপাদয়ুগলে মঞ্জুক্বণন্নূপুরা
সিংহারূঢকলেবরা ভগবতী ব্যাঘ্রাম্বরাবেষ্টিতা ।
বৈডূর্যাদিমহার্ঘরত্নবিলসন্নক্ষত্রমালোজ্জ্বলা
বাগ্দেবী বিষমেক্ষণা শশিমুখী ত্রৈলোক্যমাতা শিবা ॥ ২ ॥

ব্রহ্মাণী চ কপালিনী সুয়ুবতী রৌদ্রী ত্রিশূলান্বিতা
নানা দৈত্যনিবর্হিণী নৃশরণা শঙ্খাসিখেটায়ুধা ।
ভেরীশঙ্খক্ষ্ মৃদঙ্গক্ষ্ ঘোষমুদিতা শূলিপ্রিয়া চেশ্বরী
মাণিক্যাঢ্যকিরীটকান্তবদনা ত্রৈলোক্যমাতা শিবা ॥ ৩ ॥

বন্দে দেবি ভবার্তিভঞ্জনকরী ভক্তপ্রিয়া মোহিনী
মায়ামোহমদান্ধকারশমনী মত্প্রাণসঞ্জীবনী ।
য়ন্ত্রং মন্ত্রজপৌ তপো ভগবতী মাতা পিতা ভ্রাতৃকা
বিদ্যা বুদ্ধিধৃতী গতিশ্চ সকলত্রৈলোক্যমাতা শিবা ॥ ৪ ॥

শ্রীমাতস্ত্রিপুরে ত্বমব্জনিলয়া স্বর্গাদিলোকান্তরে
পাতালে জলবাহিনী ত্রিপথগা লোকত্রয়ে শঙ্করী ।
ত্বং চারাধকভাগ্যসম্পদবিনী শ্রীমূর্ধ্নি লিঙ্গাঙ্কিতা
ত্বাং বন্দে ভবভীতিভঞ্জনকরীং ত্রৈলোক্যমাতঃ শিবে ॥ ৫ ॥

শ্রীদুর্গে ভগিনীং ত্রিলোকজননীং কল্পান্তরে ডাকিনীং
বীণাপুস্তকধারিণীং গুণমণিং কস্তূরিকালেপনীম্ ।
নানারত্নবিভূষণাং ত্রিনয়নাং দিব্যাম্বরাবেষ্টিতাং
বন্দে ত্বাং ভবভীতিভঞ্জনকরীং ত্রৈলোক্যমাতঃ শিবে ॥ ৬ ॥

নৈরৃত্যাং দিশি পত্রতীর্থমমলং মূর্তিত্রয়ে বাসিনীং
সাম্মুখ্যা চ হরিদ্রতীর্থমনঘং বাপ্যাং চ তৈলোদকম্ ।
গঙ্গাদিত্রয়সঙ্গমে সকুতুকং পীতোদকে পাবনে
ত্বাং বন্দে ভবভীতিভঞ্জনকরীং ত্রৈলোক্যমাতঃ শিবে ॥ ৭ ॥

See Also  108 Names Of Matangi Devi In Telugu

দ্বারে তিষ্ঠতি বক্রতুণ্ডগণপঃ ক্ষেত্রস্য পালস্ততঃ
শক্রেড্যা চ সরস্বতী বহতি সা ভক্তিপ্রিয়া বাহিনী ।
মধ্যে শ্রীতিলকাভিধং তব বনং শাকম্ভরী চিন্ময়ী
ত্বাং বন্দে ভবভীতিভঞ্জনকরীং ত্রৈলোক্যমাতঃ শিবে ॥ ৮ ॥

শাকম্ভর্যষ্টকমিদং য়ঃ পঠেত্প্রয়তঃ পুমান্ ।
স সর্বপাপবিনির্মুক্তঃ সায়ুজ্যং পদমাপ্নুয়াত্ ॥ ৯ ॥

ইতি শ্রীমচ্ছঙ্করাচার্যবিরচিতং শাকম্ভর্যষ্টকং সম্পূর্ণম্ ॥

– Chant Stotra in Other Languages –

Adi Shankaracharya slokam » Shakambhari Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil