॥ Sri Shankaracharya Ashtakam Bengali Lyrics ॥
॥ শ্রীশঙ্করাচার্যাষ্টকম্ ॥
শ্রীগণেশায় নমঃ ।
অথ শ্রীশঙ্করাচার্যাষ্টকম্ ।
ধর্মো ব্রহ্মেত্যুভয়বিষয়ং জ্ঞাপয়ত্যেব বেদো
নায়ং লোকে পুরুষমতিজঃ কাব্যকল্পানুকল্পঃ ।
প্রামাণ্যং চ স্বয়মিহ ভবেদিত্যনূদ্দিষ্টবন্তং
ভাষ্যাচার্যং প্রণমত সদা শঙ্করং ন্যাসিবর্যম্ ॥ ১ ॥
ধর্মো নিত্যং বিধিবিষয়তো জ্ঞাপয়ত্যেষ বেদ-
স্তস্মিন্নিষ্ঠা দ্বিবিধমুদিতা কামজাকামজাভ্যাম্ ।
কাম্যং কর্ম ত্রিদিবভুবনায়েত্যনূদ্দিষ্টবন্তং
ভাষ্যাচার্যং প্রণমত সদা শঙ্করং ন্যাসিবর্যম্ ॥ ২ ॥
কামাপেতং ভবতি মনসঃ শোধনায়াত্র লোকে
তস্মান্নূনং বিবিদিষতি না সাধনৈঃ সংয়ুতঃ সন্ ।
তস্মাদ্ধর্মং চরত মনুজা ইত্যনূদ্দিষ্টবনতং
ভাষ্যাচার্যং প্রণমত সদা শঙ্করং ন্যাসিবর্যম্ ॥ ৩ ॥
বেদো য়স্মিন্ বিধিমুখভিদা ষড্বিধঃ শাস্ত্রসিদ্ধো
বৈধো ভেদো দশহতশতং পূর্বতন্ত্রে প্রসিদ্ধঃ ।
ধর্মাদ্যর্থঃ প্রমিতিপুরতশ্চেত্যনূদ্দিষ্টবন্তং
ভাষ্যাচার্যং প্রণমত সদা শঙ্করং ন্যাসিবর্যম্ ॥ ৪ ॥
অদ্বৈতার্থগ্রহণপটুতাং পূর্বতন্ত্রানুকূলং
শাস্ত্রাজ্জ্ঞাত্বা কুরুত সুধিয়ো ধর্মচর্যাং য়থার্থম্ ।
নোচেত্কষ্টং নরকগমনং চেত্যনূদ্দিষ্টবন্তং
ভাষ্যাচার্যং প্রণমত সদা শঙ্করং ন্যাসিবর্যম্ ॥ ৫ ॥
দ্বৈতং মিথ্যা য়দি ভবতি চেত্প্রাপ্যতেঽদ্বৈতসিদ্ধি-
স্তস্যাঃ প্রাপ্ত্যৈ প্রথমমধুনা সাধ্যতে দ্বৈতনিষ্ঠম্ ।
মিথ্যাত্বং য়চ্ছ্রুতিশতগতং চেত্যনূদ্দিষ্টবন্তং
ভাষ্যাচার্যং প্রণমত সদা শঙ্করং ন্যাসিবর্যম্ ॥ ৬ ॥
নানা নেহেত্যুপদিশতি বাগ্দ্বৈতমিথ্যাত্বসিদ্ধ্যৈ
দ্বৈতং মিথ্যা পরিমিতিগতের্দৃশ্যতঃ স্বপ্নবত্স্যাত্ ।
এবংরূপা হ্যনুমিতিমিতিশেত্যনূদ্দিষ্টবন্তং
ভাষ্যাচার্যং প্রণমত সদা শঙ্করং ন্যাসিবর্যম্ ॥ ৭ ॥
এবং মিথ্যা জগদিদমিতি জ্ঞায়তাং নিশ্চয়েন
ব্রহ্মাহং চেত্যলমনুভবঃ প্রাপ্যতাং বেদবাক্যাত্ ।
শান্তো ভূয়াত্ তদনু চ সুখং চেত্যনূদ্দিষ্টবন্তং
শান্ত্যানন্দঃ প্রণমতি য়তিঃ শঙ্করাচার্যমূর্তিম্ ॥ ৮ ॥
শান্ত্যানন্দসরস্বত্যা কৃতং শাঙ্করমষ্টকম্ ।
য়ঃ পঠেদ্ভক্তিসংয়ুক্তঃ স সর্বাং সিদ্ধিমাপ্নুয়াত্ ॥ ৯ ॥
ইতি শ্রীপরমহংসপরিব্রাজকাচার্যশ্রীশান্ত্যানন্দসরস্বতিবিরচিতং
শ্রীশঙ্করাচার্যাষ্টকং সমাপ্তম্ ॥
– Chant Stotra in Other Languages –
Sri Shankaracharya Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil