Shastastutida Ashtakam in Telugu

॥ Sri Shastastutida Ashtakam Telugu Lyrics ॥

 ॥ శ్రీశాస్తాస్తుతిదశకం ॥ 
ఆశానురూపఫలదం చరణారవిన్ద-
భాజామపారకరుణార్ణవపూర్ణచన్ద్రమ్ ।
నాశాయ సర్వవిపదామపి నౌమి నిత్య-
మీశానకేశవభవం భువనైకనాథమ్ ॥ ౧ ॥

పిఞ్ఛావలీ వలయితాకలితప్రసూన-
సఞ్జాతకాన్తిభరభాసురకేశభారమ్ ।
శిఞ్జానమఞ్జుమణిభూషణరఞ్జితాఙ్గం
చన్ద్రావతంసహరినన్దనమాశ్రయామి ॥ ౨ ॥

ఆలోలనీలలలితాళకహారరమ్య-
మాకమ్రనాసమరుణాధరమాయతాక్షమ్ ।
ఆలమ్బనం త్రిజగతాం ప్రమథాధినాథ-
మానమ్రలోకహరినన్దనమాశ్రయామి ॥ ౩ ॥

కర్ణావలమ్బిమణికుణ్డలభాసమాన-
గణ్డస్థలం సముదితాననపుణ్డరీకమ్ ।
అర్ణోజనాభహరయోరివ మూర్తిమన్తం
పుణ్యాతిరేకమివ భూతపతిం నమామి ॥ ౪ ॥

ఉద్దణ్డచారుభుజదణ్డయుగాగ్రసంస్థం
కోదణ్డబాణమహితాన్తమతాన్తవీర్యమ్ ।
ఉద్యత్ప్రభాపటలదీప్రమదభ్రసారం
నిత్యం ప్రభాపతిమహం ప్రణతో భవామి ॥ ౫ ॥

మాలేయపఙ్కసమలఙ్కృతభాసమాన-
దోరన్తరాళతరళామలహారజాలమ్ ।
నీలాతినిర్మలదుకూలధరం ముకున్ద-
కాలాన్తకప్రతినిధిం ప్రణతోఽస్మి నిత్యమ్ ॥ ౬ ॥

యత్పాదపఙ్కజయుగం మునయోఽప్యజస్రం
భక్త్యా భజన్తి భవరోగనివారణాయ ।
పుత్రం పురాన్తకమురాన్తకయోరుదారం
నిత్యం నమామ్యహమమిత్రకులాన్తకం తమ్ ॥ ౭ ॥

కాన్తం కళాయకుసుమద్యుతిలోభనీయ-
కాన్తిప్రవాహవిలసత్కమనీయరూపమ్ ।
కాన్తాతనూజసహితం నిఖిలామయౌఘ-
శాన్తిప్రదం ప్రమథయూథపతిం నమామి ॥ ౮ ॥

భూతేశ భూరికరుణామృతపూరపూర్ణ-
వారాన్నిధే, వరద, భక్తజనైకబన్ధో । పరమభక్త
పాయాద్భవాన్ ప్రణతమేనమపారఘోర-
సంసారభీతమిహ మామఖిలామయేభ్యః ॥ ౯ ॥

హే భూతనాథ భగవన్, భవదీయచారు-
పాదామ్బుజే భవతు భక్తిరచఞ్చలా మే ।
నాథాయ సర్వజగతాం భజతాం భవాబ్ధి-
పోతాయ నిత్యమఖిలాఙ్గభువే నమస్తే ॥ ౧౦ ॥

ఇతి శ్రీ శఙ్కరభగవద్పాద విరచితం
శ్రీ శాస్తాస్తుతి దశకం సమ్పూర్ణమ్ ॥

– Chant Stotra in Other Languages –

Lord Ayyappan Slokam » Sri Shastastutida Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil

Share this

Leave a Reply

Your email address will not be published. Required fields are marked *