॥ Sri Siddhasarayustotrashtakam Bengali Lyrics ॥
শ্রীসিদ্ধসরয়ূস্তোত্রাষ্টকম্
শ্রীরামনামমহিমানমুদীরয়ন্তী
তদ্ধাম-সাম-গুণ-গৌরবমুদ্গীরন্তী ।
আপূর-পূর-পরিপূত-গভীরঘোষা
দোষাটবী-বিঘটনং সরয়ূস্তনোতু ॥ ১ ॥
শ্রীভারতীয়-বিজয়-ধ্বজ-শৈলরাজ-
প্রোড্ডীয়মান-কলকেতন-কীর্তিবল্লী ।
শ্রীমানসোত্তরসরঃ-প্রভবাদ্যশক্তি-
র্মূর্তা নদীশতনুতা সরয়ূর্বিভাতি ॥ ২ ॥
সাকেত-গৌরবগিরঃ পরিবৃংহয়ন্তী
শ্রীরাঘবেন্দ্রমভিতঃকিল দর্শয়ন্তী ।
গঙ্গাং ভৃগুপ্রবরতীর্থমনুস্রবন্তী
ধন্যা পুনাতু সরয়ূর্গিরিরাজকন্যা ॥ ৩ ॥
ইক্ষ্বাকুমুখ্য-রবিবংশ-সমর্চিতাঙ্ঘ্রি-
র্দিব্যাবদাত-জলরাশি-লসত্প্রবাহা ।
পাপৌঘ -কাননঘটা -দহনপ্রভাবা
দারিদ্র্য-দুঃখ-দমনী সরয়ূর্ধিনোতু ॥ ৪ ॥
ত্রৈলোক্যপুণ্যমিব বিদ্রুতমেকনিষ্ঠং
নিস্তন্দ্র-চন্দ্রকিরণামৃত-লোভনীয়ম্ ।
সর্বার্থদং সকল-মঙ্গল-দানদক্ষং
বন্দে প্রবাহমতুলং ললিতং সরয়্বাঃ ॥ ৫ ॥
নিত্যং সমস্ত-জন-তাপহরং পবিত্রং
দেবাসুরার্চিতমুদগ্র -সমগ্রধারম্ ।
হারং হরের্হরিণ-রেণুবিলাসকূলং
শ্রীসারবং সলিলমুদ্ধমুপঘ্নমীডে ॥ ৬ ॥
বন্যাঃ সরিদ্-দ্রুমলতা-গজ-বাজি-সিংহা
হংসাঃ শুকা হরিণ-মর্কট-কোল-কীটাঃ ।
মত্স্যা ভুজঙ্গ-কমঠা অপি সংশ্রিতাস্ত্বাং
পূজ্যা ভবন্তি জগতাং মহিতা মহার্হাঃ ॥ ৭ ॥
একাদশীমথ মহানবমীং ভজন্তো
দিব্যাবগাহনরতা সমুপেত্য ধীরাঃ ।
শ্রীজানকীশচরণাম্বুজ -দত্তচিত্তা-
নাবর্তয়ন্তি ভবমত্র জলে সরয়্বাঃ ॥ ৮ ॥
পুণ্যৈর্ধন্যৈর্বসিষ্ঠাদিভিরথ মুনিভিঃ সেবিতাং দিব্যদেহাং
গৌরাঙ্গীং স্বর্ণরত্নোজ্জ্বল-পটল-লসদ্-ভূষণাখ্যাং দয়ার্দ্রাম্ ।
শ্রীনাগেশাভিমুখ্যাং সুরবরঝরিণীং সর্বসিদ্ধিপ্রদাত্রীং
তোষ্টয়ে ব্রহ্মরূপ-প্রকটিত-সরয়ূং কোটিসূর্য-প্রকাশাম্ ॥ ৯ ॥
দেব্যাঃ সরয়্বাঃ স্তবনং সর্বমঙ্গল-মঙ্গলম্ ।
শ্রীরামেশ্বরয়োঃ সদ্যো বশীকরণমুত্তমম্ ॥ ১০ ॥
কাশীপীঠাধিনাথেন শঙ্করাচার্যভিক্ষুণা ।
মহেশ্বরেণ রচিতঃ স্তবোঽয়ং সত্সু রাজতাম্ ॥ ১১ ॥
ইতি কাশীপীঠাধীশ্বর-জগদ্গুরু শঙ্করাচার্য-স্বামি-
শ্রীমহেশ্বরানন্দসরস্বতীবিরচিতং সিদ্ধসরয়ূস্তোত্রাষ্টকং সম্পূর্ণম্ ।
– Chant Stotra in Other Languages –
Sri Siddhasarayustotrashtakam Lyrics in Sanskrit » English » Gujarati » Kannada » Malayalam » Odia » Telugu » Tamil