Sri Siddhivinayak Stotram In English

॥ Sri Siddhivinayak Stotram English Lyrics ॥

॥ śrī siddhivināyaka stōtram ॥
vighnēśa vighnacayakhaṇḍananāmadhēya
śrīśaṅkarātmaja surādhipavandyapāda ।
durgāmahāvrataphalākhilamaṅgalātman
vighnaṁ mamāpahara siddhivināyaka tvam ॥ 1 ॥

satpadmarāgamaṇivarṇaśarīrakāntiḥ
śrīsiddhibuddhiparicarcitakuṅkumaśrīḥ ।
vakṣaḥsthalē valayitātimanōjñaśuṇḍō
vighnaṁ mamāpahara siddhivināyaka tvam ॥ 2 ॥

pāśāṅkuśābjaparaśūṁśca dadhaccaturbhi-
-rdōrbhiśca śōṇakusumasragumāṅgajātaḥ ।
sindūraśōbhitalalāṭavidhuprakāśō
vighnaṁ mamāpahara siddhivināyaka tvam ॥ 3 ॥

kāryēṣu vighnacayabhītaviriñcamukhyaiḥ
sampūjitaḥ suravarairapi mōdakādyaiḥ ।
sarvēṣu ca prathamamēva surēṣu pūjyō
vighnaṁ mamāpahara siddhivināyaka tvam ॥ 4 ॥

śīghrāñcanaskhalanatuṅgaravōrdhvakaṇṭha-
-sthūlēndurudragaṇahāsitadēvasaṅghaḥ ।
śūrpaśrutiśca pr̥thuvartulatuṅgatundō
vighnaṁ mamāpahara siddhivināyaka tvam ॥ 5 ॥

yajñōpavītapadalambhitanāgarāja
māsādipuṇyadadr̥śīkr̥tar̥kṣarājaḥ ।
bhaktābhayaprada dayālaya vighnarāja
vighnaṁ mamāpahara siddhivināyaka tvam ॥ 6 ॥

sadratnasāratatirājitasatkirīṭaḥ
kausumbhacāruvasanadvaya ūrjitaśrīḥ ।
sarvatramaṅgalakarasmaraṇapratāpō
vighnaṁ mamāpahara siddhivināyaka tvam ॥ 7 ॥

dēvāntakādyasurabhītasurārtihartā
vijñānabōdhanavarēṇa tamō:’pahartā ।
ānanditatribhuvanēśa kumārabandhō
vighnaṁ mamāpahara siddhivināyaka tvam ॥ 8 ॥

iti śrīmudgalapurāṇē śrīsiddhivināyaka stōtraṁ sampūrṇam ॥

– Chant Stotra in Other Languages –

Sri Ganesha Stotram » Sri Siddhi Vinayaka Stotram in Lyrics in Sanskrit » Kannada » Telugu » Tamil

See Also  Sri Sankatahara Ganapathi Stotram In Gujarati