॥ Sri Surya Mandala Ashtakam 3 Odia Lyrics ॥
॥ ସୂର୍ୟାଷ୍ଟକମ୍ ୩ ॥
ୟସ୍ୟୋଦୟେନାବ୍ଜଵନଂ ପ୍ରସନ୍ନଂ ପ୍ରୀତୋ ଭଵତ୍ୟାଶୁ ରଥାଙ୍ଗଵର୍ଗଃ ।
ଗାଵୋ ମୃଗାସ୍ସମ୍ମୁଦିତାଶ୍ଚରନ୍ତି ମାର୍ତଣ୍ଡମାକାଶମଣିଂ ତମୀଡେ ॥ ୧ ॥
ଆଶାଃ ସମସ୍ତା ମୁଦିତା ଭଵନ୍ତି ଗାଢଂ ତମୋ ଦ୍ୟୌର୍ଵିଜହାତି ଵିଷ୍ଵକ୍ ।
ଗ୍ରାମ୍ୟା ଜନାଃ କର୍ମଣି ସଂପ୍ରଵୃତ୍ତାଃ ମାର୍ତ୍ତଣ୍ଡମାକାଶମଣିଂ ତମୀଡେ ॥ ୨ ॥
ସ୍ଵାହା-ସ୍ଵଧାକାରର୍ରଵଂ ଦ୍ଵିଜେନ୍ଦ୍ରାଃ କୁର୍ଵନ୍ତି କୁତ୍ରାପି ଚ ଵେଦପାଠମ୍ ।
ପାନ୍ଥା ମୁଦା ସର୍ଵଦିଶୋ ଵ୍ରଜନ୍ତି ମାର୍ତ୍ତଣ୍ଡମାକାଶମଣିଂ ତମୀଡେ ॥ ୩ ॥
ଦେଵାଲୟେ କ୍ଵାପି ନରାଶ୍ଚ ନାର୍ୟଃ ପୁଷ୍ପାଦିଭିର୍ଦେଵଵରଂ ୟଜନ୍ତି ।
ଗାୟନ୍ତି ନୃତ୍ୟନ୍ତି ନମନ୍ତି ଭକ୍ତ୍ୟା ମାର୍ତ୍ତଣ୍ଡମାକାଶମଣିଂ ତମୀଡେ ॥ ୪ ॥
ଛାତ୍ରାଃ ସତୀର୍ଥ୍ୟୈରଥଵା ଵୟସ୍ୟୈଃ ସାର୍ଧଂ ହସନ୍ତୋ ନିକଟଂ ଗୁରୂଣାମ୍ ।
ଗଚ୍ଛନ୍ତି ଵିଦ୍ୟାଧ୍ୟୟନାୟ ଶୀଘ୍ରଂ ମାର୍ତ୍ତଣ୍ଡମାକାଶମଣିଂ ତମୀଡେ ॥ ୫ ॥
ଶୀତାର୍ତଦେହା ମନୁଜାଃ ପ୍ରସନ୍ନାଃ କୁର୍ଵନ୍ତି କାର୍ୟାଣି ସମୀହିତାନି ।
ଵିଦ୍ୟାଂ ୟଥା ପ୍ରାପ୍ୟ ଵିଦଃ ପ୍ରଭଗ୍ନା ମାର୍ତ୍ତାଣ୍ଡମାକାଶମଣିଂ ତମୀଡେ ॥ ୬ ॥
ୟେନୈହିକାମୁଷ୍ମିକ -କାର୍ୟଜାତଂ ଦେଵାଦିସନ୍ତୋଷକରଂ ଵିଭାତି ।
ୟୋଽସୌ ଵିଵସ୍ଵାନ୍ ସକଲାର୍ଥଦାତା ମାର୍ତ୍ତାଣ୍ଡମାକାଶମଣିଂ ତମୀଡେ ॥ ୭ ॥
ବ୍ରହ୍ମେଶ-ହର୍ୟାଦି-ସମସ୍ତଦଵାଃ ଶ୍ରୁତା ହି ନୋ ଚାକ୍ଷୁଷଗୋଚରାସ୍ତେ ।
ସାକ୍ଷାଦସୌ ଦୃଷ୍ଟିପୁରାଗତୋ ୟୋ ମାର୍ତ୍ତାଣ୍ଡମାକାଶମଣିଂ ତମୀଡେ ॥ ୮ ॥
ସୂର୍ୟାଷ୍ଟକମିଦଂ ପୁଣ୍ୟଂ ଧ୍ୟାତ୍ଵା ସୂର୍ୟଂ ପଠେଦ୍ୟଦି ।
ରୋଗାଃ ସର୍ଵେ ଵିନଶ୍ୟନ୍ତି ନୂନଂ ସୂର୍ୟପ୍ରସାଦତଃ ॥ ୯ ॥
ଇତି ଶ୍ରୀମଦନନ୍ତାନନ୍ଦସରସ୍ଵତୀଵିରଚିତଂ ଶ୍ରୀସୂର୍ୟାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Surya Bhagavan Slokam » Surya Mandala Ashtakam 3 Lyrics in Sanskrit » English » Bengali » Gujarati » Kannada » Malayalam » Telugu » Tamil