॥ Sri Svayambhagavattvashtakam Bengali Lyrics ॥
॥ শ্রীস্বয়ংভগবত্ত্বাষ্টকম্ ॥
স্বজন্মন্যৈশ্বর্যং বলমিহ বধে দৈত্যবিততে-
র্যশঃ পার্থত্রাণে য়দুপুরি মহাসম্পদমধাত্ ।
পরং জ্ঞানং জিষ্ণৌ মুষলমনু বৈরাগ্যমনু য়ো
ভগৈঃ ষড্ভিঃ পূর্ণঃ স ভবতু মুদে নন্দতনয়ঃ ॥ ১ ॥
চতুর্বাহুত্বং য়ঃ স্বজনি সময়ে য়ো মৃদশনে
জগত্কোটীং কুক্ষ্যন্তরপরিমিতত্বং স্ববপুষঃ ।
দধিস্ফোটে ব্রহ্মণ্যতনুত পরানন্ততনুতাং
মহৈশ্বর্যঃ পূর্ণঃ স ভবতু মুদে নন্দতনয়ঃ ॥ ২ ॥
বলং বক্যাং দন্তচ্ছদনবরয়োঃ কেশিনি নৃগে
নিঋপে বাহ্বোরঙ্ঘ্রেঃ ফণিনি বপুষঃ কংসমরুতোঃ ।
গিরিত্রে দৈত্যেষ্বপ্যতনুত নিজাস্ত্রস্য য়দতো
মহৌজোভিঃ পূর্ণঃ স ভবতু মুদে নন্দতনয়ঃ ॥ ৩ ॥
অসঙ্খ্যাতো গোপ্যো ব্রজভুবি মহিষ্যো য়দুপুরে
সুতাঃ প্রদ্যুম্নাদ্যাঃ সুরতরুসুধর্মাদি চ ধনম্ ।
বহির্দ্বারি ব্রহ্মাদ্যাপি বলিবহং স্তৌতি য়দতঃ
শ্রিয়াং পূরৈঃ পূর্ণঃ স ভবতু মুদে নন্দতনয়ঃ ॥ ৪ ॥
য়তো দত্তে মুক্তিং রিপুবিততয়ে য়ন্ নরজনি-
র্বিজেতা রুদ্রাদেরপি নতজনাধীন ইতি য়ত্ ।
সভায়াং দ্রৌপদ্যা বরকৃদতিপূজ্যো নৃপমখে
য়শোভিস্তত্পূর্ণঃ স ভবতু মুদে নন্দতনয়ঃ ॥ ৫ ॥
ন্যধাদ্গীতারত্নং ত্রিজগদতুলং য়ত্প্রিয়সখে
পরং তত্ত্বং প্রেম্ণোদ্ধবপরমভক্তে চ নিগমম্ ।
নিজপ্রাণপ্রেস্ঠাস্বপি রসভৃতং গোপকুলজা-
স্বতো জ্ঞানৈঃ পূর্ণঃ স ভবতু মুদে নন্দতনয়ঃ ॥ ৬ ॥
কৃতাগস্কং ব্যাধং সতনুমপি বৈকুণ্ঠমনয়ন্
মমত্বস্যৈকাগ্রানপি পরিজনান্ হন্ত বিজহৌ ।
য়দ্যপ্যেতে শ্রুত্যা ধুবতনুতয়োক্তাস্তদপি হা
স্ববৈরাগ্যৈঃ পূর্ণঃ স ভবতু মুদে নন্দতনয়ঃ ॥ ৭ ॥
অজত্বং জন্মিত্বং রতিররতিতেহারহিততা
সলীলত্বং ব্যাপ্তিঃ পরিমিতিরহংতামমতয়োঃ ।
পদে ত্যাগাত্যাগাবুভয়মপি নিত্যং সদুররী
করোতীশঃ পূর্ণঃ স ভবতু মুদে নন্দতনয়ঃ ॥ ৮ ॥
সমুদ্যত্সন্দেহজ্বরশতহরং ভেষজবরং
জনো য়ঃ সেবেত প্রথিতভগবত্ত্বাষ্টকমিদম্ ।
তদৈশ্বর্যস্বাদৈঃ স্বধিয়মতিবেলং সরসয়ন্
লভেতাসৌ তস্য প্রিয়পরিজনানুগ্যপদবীম্ ॥ ৯ ॥
ইতি শ্রীবিশ্বনাথচক্রবর্তিঠক্কুরবিরচিতস্তবামৃতলহর্যাং
শ্রীশ্রীস্বয়ংভগবত্ত্বাষ্টকং সম্পূর্ণম্ ।
– Chant Stotra in Other Languages –
Sri Svayam Bhagavattva Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil