॥ Sri Tripurarnavokta Varganta Stotram Odia Lyrics ॥
॥ ଶ୍ରୀତ୍ରିପୁରାର୍ଣଵୋକ୍ତଵର୍ଗାନ୍ତସ୍ତୋତ୍ରଂ ॥
କ୍ଷ୍ମାମ୍ବ୍ଵଗ୍ନୀରଣଖାର୍କେନ୍ଦୁୟଷ୍ଟ୍ଟପ୍ରାୟୟୁଗାକ୍ଷରୈଃ ।
ମାତୃଭୈରଵଗାଂ ଵନ୍ଦେ ଦେଵୀଂ ତ୍ରିପୁରଭୈରଵୀମ୍ ॥ ୧ ॥
କାଦିଵର୍ଗାଷ୍ଟକାକାରସମସ୍ତାଷ୍ଟକଵିଗ୍ରହାମ୍ ।
ଅଷ୍ଟଶକ୍ତ୍ୟାଵୃତାଂ ଵନ୍ଦେ ଦେଵୀଂ ତ୍ରିପୁରଭୈରଵୀମ୍ ॥ ୨ ॥
ସ୍ଵରଷୋଡଶକାନାଂ ତୁ ଷଟ୍ ତ୍ରିଂଶଦ୍ଭିଃ ପରାପରୈଃ ।
ଷଟ୍ ତ୍ରିଂଶତ୍ତତ୍ଵଗାଂ ଵନ୍ଦେ ଦେଵୀଂ ତ୍ରିପୁରଭୈରଵୀମ୍ ॥ ୩ ॥
ଷଟ୍ ତ୍ରିଂଶତ୍ତତ୍ଵସଂସ୍ଥାପ୍ୟଶିଵଚନ୍ଦ୍ରକଲାସ୍ଵପି ।
କାଦିତତ୍ତ୍ଵାନ୍ତରାଂ ଵନ୍ଦେ ଦେଵୀଂ ତ୍ରିପୁରଭୈରଵୀମ୍ ॥ ୪ ॥
ଆ ଈ ମାୟା ଦ୍ଵୟୋପାଧିଵିଚିତ୍ରେନ୍ଦୁକଲାଵତୀମ୍ ।
ସର୍ଵାତ୍ମିକାଂ ପରାଂ ଵନ୍ଦେ ଦେଵୀଂ ତ୍ରିପୁରଭୈରଵୀମ୍ ॥ ୫ ॥
ଷଡଧ୍ଵପିଣ୍ଡୟୋନିସ୍ଥାଂ ମଣ୍ଡଲତ୍ରୟକୁଣ୍ଡଲୀମ୍ ।
ଲିଙ୍ଗତ୍ରୟାତିଗାଂ ଵନ୍ଦେ ଦେଵୀଂ ତ୍ରିପୁରଭୈରଵୀମ୍ ॥ ୬ ॥
ସ୍ଵୟମ୍ଭୂହୃଦୟାଂ ବାଣଭ୍ରୂକାମାନ୍ତଃସ୍ଥିତେତରାମ୍ ।
ପ୍ରାଚ୍ୟାଂ ପ୍ରତ୍ୟକ୍ଚିତିଂ ଵନ୍ଦେ ଦେଵୀଂ ତ୍ରିପୁରଭୈରଵୀମ୍ ॥ ୭ ॥
ଅକ୍ଷରାନ୍ତର୍ଗତାଶେଷନାମରୂପାଂ କ୍ରିୟାପରାମ୍ ।
ଶକ୍ତିଂ ଵିଶ୍ଵେଶ୍ଵରୀଂ ଵନ୍ଦେ ଦେଵୀଂ ତ୍ରିପୁରଭୈରଵୀମ୍ ॥ ୮ ॥
ଵର୍ଗାନ୍ତେ ପଠିତଵ୍ୟଂ ସ୍ୟାତ୍ ସ୍ତୋତ୍ରମେତତ୍ସମାହିତୈଃ ।
ସର୍ଵାନ୍ କାମାନଵାପ୍ନୋତି ଅନ୍ତେ ସାୟୁଜ୍ୟମାପ୍ନୁୟାତ୍ ॥ ୯ ॥
ଇତି ଶ୍ରୀତ୍ରିପୁରାର୍ଣଵୋକ୍ତଵର୍ଗାନ୍ତସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Sri Tripurarnavokta Varganta Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil