॥ Sri Vallabhashtakam 2 Bengali Lyrics ॥
॥ শ্রীবল্লভাষ্টকম্ ২ ॥
প্রথয়িতুমচ্যুতচরণাম্বুজরসপানৈকসংশ্রয়ং বর্ত্ম ।
শ্রীমল্লক্ষ্মণতনুজো জগতি শ্রীবল্লভো জয়তি ॥ ১ ॥
য়দনুগ্রহেণ জন্তূন্ ব্রজমতিরপ্যাত্মনো মনুতে ।
নিঃসাধনানসাধ্যো জগতি শ্রীবল্লভো জয়তি ॥ ২ ॥
বিশ্বোদ্ধারবিচারপ্রকটিতকরুণোত্তরঙ্গপাথোভিঃ ।
দিশি দিশি বিদিতবিভূতির্জগতি শ্রীবল্লভো জয়তি ॥ ৩ ॥
মায়ামতাদ্রিপক্ষং সর্বং ব্রহ্মেতি বাদবজ্রেণ ।
চিচ্ছেদাদ্ভুতবীর্যো জগতি শ্রীবল্লভো জয়তি ॥ ৪ ॥
বিতরতি কৃষ্ণকথামৃতধনমবিনাশ্যং সুদুর্লভং বহুলম্ ।
অর্থিষু তদুদিতকীর্তির্জগতি শ্রীবল্লভো জয়তি ॥ ৫ ॥
কমলাকরয়ুগলালিতবিমলাশয়সেবিতাঙ্ঘ্রিয়ুগ্মঃ ।
অচলাচলবহুচরিতো জগতি শ্রীবল্লভো জয়তি ॥ ৬ ॥
নাশয়তি শব্দসৃষ্টের্যত্তজ্জ্ঞনাংশুমাংস্তমোঽজ্ঞানম্ ।
অঘতূলরাশিদহনো জগতি শ্রীবল্লভো জয়তি ॥ ৭ ॥
সহজাসুরজনতায়া দুঃখোদর্কায় বক্রতর্কেণ ।
অবিদিতমার্গদিগর্কো জগতি শ্রীবল্লভো জয়তি ॥ ৮ ॥
ইতি শ্রীদেবকীনন্দনজীকৃতং শ্রীবল্লভাষ্টকম্ ২ সম্পূর্ণম্ ।
– Chant Stotra in Other Languages –
Sri Vallabha Ashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil