॥ Sri Vidya Atirtha Ashtakam in Odia॥
॥ ଶ୍ରୀଵିଦ୍ୟାତୀର୍ଥାଷ୍ଟକମ୍ ॥
ଵର୍ଣଚତୁଷ୍ଟୟମେତଦ୍ଵିଦ୍ୟାତୀର୍ଥେତି ୟସ୍ୟ ଜିହ୍ଵାଗ୍ରେ ।
ଵିଲସତି ସଦା ସ ୟୋଗୀ ଭୋଗୀ ଚ ସ୍ୟାନ୍ନ ତତ୍ର ସନ୍ଦେହଃ ॥ ୧ ॥
ଲମ୍ବିକାୟୋଗନିରତମମ୍ବିକାପତିରୂପିଣମ୍ ।
ଵିଦ୍ୟାପ୍ରଦଂ ନତୌଘାୟ ଵିଦ୍ୟାତୀର୍ଥମହେଶ୍ଵରମ୍ ॥ ୨ ॥
ପାପଗଧକାରସୂର୍ୟଂ ତାପାମ୍ଭୋଧିପ୍ରଵୃଦ୍ଧବଡଵାଗ୍ନିମ୍ ।
ନତହୃନ୍ମାନସହଂସଂ ଵିଦ୍ୟାତୀର୍ଥଂ ନମାମି ୟୋଗୀଶମ୍ ॥ ୩ ॥
ପଦ୍ୟାଵଲିର୍ମୁଖାବ୍ଜାଦୟତ୍ନତୋ ନିଃସରେଚ୍ଛୀଘ୍ରମ୍ ।
ହୃଦ୍ୟା ୟତ୍କୃପୟା ତଂ ଵିଦ୍ୟାତୀର୍ଥଂ ନମାମି ୟୋଗୀଶମ୍ ॥ ୪ ॥
ଭକ୍ତ୍ୟା ୟତ୍ପଦପଦ୍ମଂ ଭଜତାଂ ୟୋଗଃ ଷଡଙ୍ଗୟୁତଃ ।
ସୁଲଭସ୍ତଂ କରୁଣାବ୍ଧିଂ ଵିଦ୍ୟାତୀର୍ଥଂ ନମାମି ୟୋଗୀଶମ୍ ॥ ୫ ॥
ହୃଦ୍ୟା ଵିଦ୍ୟା ଵୃଣୁତେ ୟତ୍ପଦନମ୍ରଂ ନରଂ ଶୀଘ୍ରମ୍ ।
ତଂ କାରୁଣ୍ୟପୟୋଧିଂ ଵିଦ୍ୟାତୀର୍ଥଂ ନମାମି ୟୋଗୀଶମ୍ ॥ ୬ ॥
ଵିଦ୍ୟାଂ ଦତ୍ତ୍ଵାଵିଦ୍ୟାଂ କ୍ଷିପ୍ରଂ ଵାରୟତି ୟଃ ପ୍ରଣମ୍ରାଣାମ୍ ।
ଦୟୟା ନିସର୍ଗୟା ତଂ ଵିଦ୍ୟାତୀର୍ଥଂ ନମାମି ୟୋଗୀଶମ୍ ॥
ଵିଦ୍ୟାରଣ୍ୟପ୍ରମୁଖୈର୍ଵିଦ୍ୟାପାରଙ୍ଗତୈଃ ସେଵ୍ୟମ୍ ।
ଅଦ୍ୟାପି ୟୋଗନିରତଂ ଵିଦ୍ୟାତୀର୍ଥଂ ନମାମି ୟୋଗୀଶମ୍ ॥ ୮ ॥
ଵିଦ୍ୟାତୀର୍ଥାଷ୍ଟକମିଦଂ ପଠନ୍ଭକ୍ତିପୁରଃସରମ୍ ।
ଵିଦ୍ୟାମନନ୍ୟସାମାନ୍ୟାଂ ପ୍ରାପ୍ୟ ମୋଦମଵାପ୍ନୁୟାତ୍ ॥ ୯ ॥
ଇତି ଶୃଙ୍ଗେରି ଶ୍ରୀଜଗଦ୍ଗୁରୁ ଶ୍ରୀସଚ୍ଚିଦାନନ୍ଦଶିଵାଭିନଵନୃସିଂହ-
ଭାରତୀସ୍ଵାମିଭିଃ ଵିରଚିତଂ ଶ୍ରୀଵିଦ୍ୟାତୀର୍ଥାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Vidyatirtha Slokam » Sri Vidyatirtha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil