॥ Sri Viththaleshashtakam Bengali Lyrics ॥
॥ শ্রীবিঠ্ঠলেশাষ্টকম্ ॥
রঘুনাথকৃতং
শ্রীগণেশায় নমঃ ।
কুরুসদসি কৃতাভূদ্দ্রৌপদীবস্ত্রশেষা
সকলনৃপবরেন্দ্রা য়ত্র বক্তুং ন শক্তাঃ ।
হরিচরণরতাঙ্গী য়েন তত্রাত্মধীরা
স ভবতু মম ভূত্যৈ বিঠ্ঠলেশঃ সহায়ঃ ॥ ১ ॥
প্রথমজননপাপপ্রাপ্তসম্প্রেতদেহৌ
সময় ইহ মমাস্মিন্কৃষ্ণভক্ত্যা সমেতৌ ।
গলিতপতিতবেষাবুদ্ধতৌ য়েন সদ্যঃ
স ভবতু মম ভূত্যৈ বিঠ্ঠলেশঃ সহায়ঃ ॥ ২ ॥
কমলদলসুনেত্রেণৈব ভূতেশমায়া-
ততিভিরিব হি য়েন ভ্রামিতঃ সর্বলোকঃ ।
অখিলজগতি সর্বস্বীয়ভক্তাঃ কৃতার্থাঃ
স ভবতু মম ভূত্যৈ বিঠ্ঠলেশঃ সহায়ঃ ॥ ৩ ॥
সকলয়দুকুলেন্দ্রো য়েন কংসো হতোঽভূত্
জননসময়পূর্বং দেবকীশূরয়োশ্চ ।
পরিহৃতমপি দুঃখং য়ামিকা মোহিতাশ্চ
স ভবতু মম ভূত্যৈ বিঠ্ঠলেশঃ সহায়ঃ ॥ ৪ ॥
তপনদুহিতুরন্তঃ কালিয়ো মারিতঃ সন্
অলিগণসুহিতেঽস্মিংস্তত্ফণে য়েন নৃত্যম্ ।
কৃতমপি চ তদম্ভো লম্ভিতং নির্বিষত্বং
স ভবতু মম ভূত্যৈ বিঠ্ঠলেশঃ সহায়ঃ ॥ ৫ ॥
কপটকৃতশরীরা পূতনা প্রাপিতাঽভ্রং
ব্রজপতিগৃহসুপ্তাবেকপাদেন য়েন ।
শকট অসুরবেষঃ প্রেষিতঃ স্থাননাশং
স ভবতু মম ভূত্যৈ বিঠ্ঠলেশঃ সহায়ঃ ॥ ৬ ॥
পদনতিয়ুতহস্তা তোষিতা য়েন কুন্তী
হ্যসুরকুলসমূহা হিংসিতা বীর্যবন্তঃ ।
অখিলভুবনভারঃ প্রেষিতঃ সংলঘুত্বং
স ভবতু মম ভূত্যৈ বিঠ্ঠলেশঃ সহায়ঃ ॥ ৭ ॥
অখিলসুরকুলেন্দ্রস্যৈব য়েনাভিমানো
গিরিবরধরণেন ক্ষীণতাং প্রাপিতশ্চ ।
জলধরভবধারাঃ সংহৃতা গ্রাবয়ুক্তাঃ
স ভবতু মম ভূত্যৈ বিঠ্ঠলেশঃ সহায়ঃ ॥ ৮ ॥
বিট্ঠলেশাষ্টকমিদং প্রাতরুত্থায় য়ঃ পঠেত্ ।
ভক্ত্যা নত্বা চ সুমনাঃ স য়াতি পরমাং গতিম্ ॥ ৯ ॥
ইতি রঘুনাথকৃতং শ্রীবিঠ্ঠলেশাষ্টকং সম্পূর্ণম্ ।
– Chant Stotra in Other Languages –
Sri Viththalesha Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil