॥ Sri Vraja Navina Yuva Dvandvastaka Bengali Lyrics ॥
॥ শ্রীব্রজনবীনয়ুবদ্বন্দ্বাষ্টকম্ ॥
শ্রীরাধাকৃষ্ণৌ জয়তঃ ।
অদুর্বিধবিদগ্ধতাস্পদবিমুগ্ধবেশশ্রিয়ো-
রমন্দশিখিকন্ধরাকনকনিন্দিবাসস্ত্বিষোঃ ।
স্ফুরত্পুরটকেতকীকুসুমবিভ্রমাভ্রপ্রভা
নিভাঙ্গমহসোর্ভজে ব্রজনবীনয়ূনোর্যুগম্ ॥ ১ ॥
সমৃদ্ধবিধুমাধুরীবিধুরতাবিধানোদ্ধুরৈ-
র্নবাম্বুরুহরম্যতামদবিডম্বনারম্ভিভিঃ ।
বিলিম্পদিব কর্ণকাবলিসহোদরৈর্দিক্তটী
মুখদ্যুতিভরৈর্ভজে ব্রজনবীনয়ূনোর্যুগম্ ॥ ২ ॥
বিলাসকলহোদ্ধতিস্খলদমন্দসিন্দূরভা-
গখর্বমদনাঙ্কুশপ্রকরবিব্র্হমৈরঙ্কিতম্ ।
মদোদ্ধুরমিবোভয়োর্মিথুনমুল্লসদ্বল্লরী
গৃহোত্সবরতং ভজে ব্রজনবীনয়ূনোর্যুগম্ ॥ ৩ ॥
ঘনপ্রণয়নির্ঝরপ্রসরলব্ধপূর্তের্মনো
হ্রদস্য পরিবাহিতামনুসরদ্ভিরস্রৈঃ প্লুতম্ ।
স্ফুরত্তনুরুহাঙ্কুরৈর্নবকদম্বজৃম্ভশ্রিয়ং
ব্রজত্তদনিশং ভজে ব্রজনবীনয়ূনোর্যুগম্ ॥ ৪ ॥
অনঙ্গরণবিভ্রমে কিমপি বিভ্রদাচার্যকং
মিথশ্চলদৃগঞ্চলদ্যুতিশলাকয়া কীলিতম্ ।
জগত্যতুলধর্মভির্মধুরনর্মভিস্তন্বতো-
র্মিথো বিজয়িতাং ভজে ব্রজনবীনয়ূনোর্যুগম্ ॥ ৫ ॥
অদৃষ্টচরচাতুরীচলচরিত্রচিত্রায়িতৈঃ
সহ প্রণয়িভির্জনৈর্বিহরমানয়োঃ কাননে ।
পরস্পরমনোমৃগং শ্রবণচারুণা চর্চরী
চয়েন রজয়দ্ ভজে ব্রজনবীনয়ূনোর্যুগম্ ॥ ৬ ॥
মরন্দভরমন্দিরপ্রতিনবারবিন্দাবলি
সুগন্ধিনি বিহারয়োর্জলবিহারবিস্ফূর্জিতৈঃ ।
তপে সরসি বল্লভে সলিলবাদ্যবিদ্যাবিধৌ
বিদগ্ধভুজয়োর্ভজে ব্রজনবীনয়ূনোর্যুগম্ ॥ ৭ ॥
মৃষাবিজয়কাশিভিঃ প্রথিতচ্তুরীরাশীভি-
র্গ্লহস্য হরণং হঠাত্ প্রকটয়দ্ভিরুচ্চৈর্গিরা ।
তদক্ষকলিদক্ষয়োঃ কলিতপক্ষয়োঃ সাক্ষিভিঃ
কুলৈঃ স্বসুহৃদাং ভজে ব্রজনবীনয়ূনোর্যুগম্ ॥ ৮ ॥
ইদং বলিততুষ্টয়ঃ পরিপঠন্তি পদ্যাষ্টকং
দ্বয়োর্গুণবিকাশি য়ে ব্রজনবীনয়ূনোর্জনাঃ ।
মুহুর্নবনবোদয়াং প্রণয়মাধুরীমেতয়ো-
রবাপ্য নিবসন্তি তে পদসরোজয়ুগ্মান্তিকে ॥ ৯ ॥
ইতি শ্রীরূপগোস্বামিবিরচিতস্তবমালায়াং
শ্রীব্রজনবীনয়ুবদ্বন্দ্বাষ্টকং সম্পূর্ণম্ ।
– Chant Stotra in Other Languages –
Sri Vraja Navina Yuva Dvandvastaka Lyrics in Sanskrit » English » Gujarati » Kannada » Malayalam » Odia » Telugu » Tamil