॥ River Yamuna Ashtakam 10 Bengali Lyrics ॥
ভ্রাতুরন্তকস্য পত্তনেঽভিপত্তিহারিণী
প্রেক্ষয়াতিপাপিনোঽপি পাপসিন্ধুতারিণী ।
নীরমাধুরীভিরপ্যশেষচিত্তবন্ধিনী
মাং পুনাতু সর্বদারবিন্দবন্ধুনন্দিনী ॥ ১ ॥
হারিবারিধারয়াভিমণ্ডিতোরুখাণ্ডবা
পুণ্ডরীকমণ্ডলোদ্যদণ্ডজালিতাণ্ডবা ।
স্নানকামপামরোগ্রপাপসম্পদন্ধিনী
মাং পুনাতু সর্বদারবিন্দবন্ধুনন্দিনী ॥ ২ ॥
শীকরাভিমৃষ্টজন্তুদুর্বিপাকমর্দিনী
নন্দনন্দনান্তরঙ্গভক্তিপূরবর্ধিনী ।
তীরসঙ্গমাভিলাষিমঙ্গলানুবন্ধিনী
মাং পুনাতু সর্বদারবিন্দবন্ধুনন্দিনী ॥ ৩ ॥
দ্বীপচক্রবালজুষ্টসপ্তসিন্ধুভেদিনী
শ্রীমুকুন্দনির্মিতোরুদিব্যকেলিবেদিনী ।
কান্তিকন্দলীভিরিন্দ্রনীলবৃন্দনিন্দিনী
মাং পুনাতু সর্বদারবিন্দবন্ধুনন্দিনী ॥ ৪ ॥
মাথুরেণ মণ্ডলেন চারুণাভিমণ্ডিতা
প্রেমনদ্ধবৈষ্ণবাধ্ববর্ধনায় পণ্ডিতা ।
ঊর্মিদোর্বিলাসপদ্মনাভপাদবন্দিনী
মাং পুনাতু সর্বদারবিন্দবন্ধুনন্দিনী ॥ ৫ ॥
রম্যতীররম্ভমাণগোকদম্বভূষিতা
দিব্যগন্ধভাক্কদম্বপুষ্পরাজিরূষিতা ।
নন্দসূনুভক্তসঙ্ঘসঙ্গমাভিনন্দিনী
মাং পুনাতু সর্বদারবিন্দবন্ধুনন্দিনী ॥ ৬ ॥
ফুল্লপক্ষমল্লিকাক্ষহংসলক্ষকূজিতা
ভক্তিবিদ্ধদেবসিদ্ধকিন্নরালিপূজিতা ।
তীরগন্ধবাহগন্ধজন্মবন্ধরন্ধিনী
মাং পুনাতু সর্বদারবিন্দবন্ধুনন্দিনী ॥ ৭ ॥
চিদ্বিলাসবারিপূরভূর্ভুবঃস্বরাপিনী
কীর্তিতাপি দুর্মদোরুপাপমর্মতাপিনী ।
বল্লবেন্দ্রনন্দনাঙ্গরাগভঙ্গগন্ধিনী
মাং পুনাতু সর্বদারবিন্দবন্ধুনন্দিনী ॥ ৮ ॥
তুষ্টবুদ্ধিরষ্টকেন নির্মলোর্মিচেষ্টিতাং
ত্বামনেন ভানুপুত্রি! সর্বদেববেষ্টিতাম্ ।
য়ঃস্তবীতি বর্ধয়স্ব সর্বপাপমোচনে
ভক্তিপূরমস্য দেবি! পুণ্ডরীকলোচনে ॥ ৯ ॥
ইতি শ্রীরূপগোস্বামিবিরচিতস্তবমালায়াং শ্রীয়মুনাষ্টকং সম্পূর্ণম্ ।
– Chant Stotra in Other Languages –
River Yamuna Ashtakam » Sri Yamunashtakam 10 Lyrics in Sanskrit » English » Gujarati » Kannada » Malayalam » Odia » Telugu » Tamil