॥ River Yamuna Ashtakam 10 Odia Lyrics ॥
॥ ଶ୍ରୀୟମୁନାଷ୍ଟକମ୍ ॥
ଭ୍ରାତୁରନ୍ତକସ୍ୟ ପତ୍ତନେଽଭିପତ୍ତିହାରିଣୀ
ପ୍ରେକ୍ଷୟାତିପାପିନୋଽପି ପାପସିନ୍ଧୁତାରିଣୀ ।
ନୀରମାଧୁରୀଭିରପ୍ୟଶେଷଚିତ୍ତବନ୍ଧିନୀ
ମାଂ ପୁନାତୁ ସର୍ଵଦାରଵିନ୍ଦବନ୍ଧୁନନ୍ଦିନୀ ॥ ୧॥
ହାରିଵାରିଧାରୟାଭିମଣ୍ଡିତୋରୁଖାଣ୍ଡଵା
ପୁଣ୍ଡରୀକମଣ୍ଡଲୋଦ୍ୟଦଣ୍ଡଜାଲିତାଣ୍ଡଵା ।
ସ୍ନାନକାମପାମରୋଗ୍ରପାପସମ୍ପଦନ୍ଧିନୀ
ମାଂ ପୁନାତୁ ସର୍ଵଦାରଵିନ୍ଦବନ୍ଧୁନନ୍ଦିନୀ ॥ ୨॥
ଶୀକରାଭିମୃଷ୍ଟଜନ୍ତୁଦୁର୍ଵିପାକମର୍ଦିନୀ
ନନ୍ଦନନ୍ଦନାନ୍ତରଙ୍ଗଭକ୍ତିପୂରଵର୍ଧିନୀ ।
ତୀରସଙ୍ଗମାଭିଲାଷିମଙ୍ଗଲାନୁବନ୍ଧିନୀ
ମାଂ ପୁନାତୁ ସର୍ଵଦାରଵିନ୍ଦବନ୍ଧୁନନ୍ଦିନୀ ॥ ୩॥
ଦ୍ଵୀପଚକ୍ରଵାଲଜୁଷ୍ଟସପ୍ତସିନ୍ଧୁଭେଦିନୀ
ଶ୍ରୀମୁକୁନ୍ଦନିର୍ମିତୋରୁଦିଵ୍ୟକେଲିଵେଦିନୀ ।
କାନ୍ତିକନ୍ଦଲୀଭିରିନ୍ଦ୍ରନୀଲଵୃନ୍ଦନିନ୍ଦିନୀ
ମାଂ ପୁନାତୁ ସର୍ଵଦାରଵିନ୍ଦବନ୍ଧୁନନ୍ଦିନୀ ॥ ୪॥
ମାଥୁରେଣ ମଣ୍ଡଲେନ ଚାରୁଣାଭିମଣ୍ଡିତା
ପ୍ରେମନଦ୍ଧଵୈଷ୍ଣଵାଧ୍ଵଵର୍ଧନାୟ ପଣ୍ଡିତା ।
ଊର୍ମିଦୋର୍ଵିଲାସପଦ୍ମନାଭପାଦଵନ୍ଦିନୀ
ମାଂ ପୁନାତୁ ସର୍ଵଦାରଵିନ୍ଦବନ୍ଧୁନନ୍ଦିନୀ ॥ ୫॥
ରମ୍ୟତୀରରମ୍ଭମାଣଗୋକଦମ୍ବଭୂଷିତା
ଦିଵ୍ୟଗନ୍ଧଭାକ୍କଦମ୍ବପୁଷ୍ପରାଜିରୂଷିତା ।
ନନ୍ଦସୂନୁଭକ୍ତସଙ୍ଘସଙ୍ଗମାଭିନନ୍ଦିନୀ
ମାଂ ପୁନାତୁ ସର୍ଵଦାରଵିନ୍ଦବନ୍ଧୁନନ୍ଦିନୀ ॥ ୬॥
ଫୁଲ୍ଲପକ୍ଷମଲ୍ଲିକାକ୍ଷହଂସଲକ୍ଷକୂଜିତା
ଭକ୍ତିଵିଦ୍ଧଦେଵସିଦ୍ଧକିନ୍ନରାଲିପୂଜିତା ।
ତୀରଗନ୍ଧଵାହଗନ୍ଧଜନ୍ମବନ୍ଧରନ୍ଧିନୀ
ମାଂ ପୁନାତୁ ସର୍ଵଦାରଵିନ୍ଦବନ୍ଧୁନନ୍ଦିନୀ ॥ ୭॥
ଚିଦ୍ଵିଲାସଵାରିପୂରଭୂର୍ଭୁଵଃସ୍ଵରାପିନୀ
କୀର୍ତିତାପି ଦୁର୍ମଦୋରୁପାପମର୍ମତାପିନୀ ।
ବଲ୍ଲଵେନ୍ଦ୍ରନନ୍ଦନାଙ୍ଗରାଗଭଙ୍ଗଗନ୍ଧିନୀ
ମାଂ ପୁନାତୁ ସର୍ଵଦାରଵିନ୍ଦବନ୍ଧୁନନ୍ଦିନୀ ॥ ୮॥
ତୁଷ୍ଟବୁଦ୍ଧିରଷ୍ଟକେନ ନିର୍ମଲୋର୍ମିଚେଷ୍ଟିତାଂ
ତ୍ଵାମନେନ ଭାନୁପୁତ୍ରି! ସର୍ଵଦେଵଵେଷ୍ଟିତାମ୍ ।
ୟଃସ୍ତଵୀତି ଵର୍ଧୟସ୍ଵ ସର୍ଵପାପମୋଚନେ
ଭକ୍ତିପୂରମସ୍ୟ ଦେଵି! ପୁଣ୍ଡରୀକଲୋଚନେ ॥ ୯॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଶ୍ରୀୟମୁନାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
River Yamuna Ashtakam » Sri Yamunashtakam 10 Lyrics in Sanskrit » English » Bengali » Gujarati » Kannada » Malayalam » Telugu » Tamil