॥ Sri Valli Bhuvaneshwari Ashtakam Bengali Lyrics ॥
॥ শ্রীবল্লীভুবনেশ্বর্যষ্টকম্ ॥
শ্রীচিত্রাপুরবাসিনীং বরভবানীশঙ্করত্বপ্রদাং
ওতপ্রোতশিবান্বিতাং গুরুময়ীং গাম্ভীর্যসন্তোষধাম্ ।
হৃদ্গুহ্যাঙ্কুরকল্পিতং গুরুমতং স্রোতায়তে তাং সুধাং
শ্রীবল্লীং ভুবনেশ্বরীং শিবময়ীমৈশ্বর্যদাং তাং ভজে ॥ ১॥
চিন্মুদ্রাঙ্কিতদক্ষিণাস্যনিহিতাং শ্রীভাষ্যকারশ্রিয়ং
তাং হস্তামলকপ্রবোধনকরীং ক্ষেত্রে স্থিতাং মাতৃকাম্ ।
শ্রীবল্ল্যুদ্ভবপুষ্পগন্ধলহরীং সারস্বতত্রায়িকাং
শ্রীবল্লীং ভুবনেশ্বরীং শিবময়ীমৈশ্বর্যদাং তাং ভজে ॥ ২॥
শ্রীবিদ্যোদিতকৌমুদীরসভরাং কারুণ্যরূপাত্মিকাং
মূর্তীভূয় সদা স্থিতাং গুরুপরিজ্ঞানাশ্রমাশ্বাসনাম্ ।
সান্নিধ্যাঙ্গণশিষ্যরক্ষণকরীং বাত্সল্যসারাস্পদাং
শ্রীবল্লীং ভুবনেশ্বরীং শিবময়ীমৈশ্বর্যদাং তাং ভজে ॥ ৩॥
তন্বীং রক্তনবার্কবর্ণসদৃশীং খণ্ডেন্দুসম্মণ্ডিতাং
পীনোত্তুঙ্গকুচদ্বয়ীং কুটিকটীং ত্র্যক্ষাং সদা সুস্মিতাম্ ।
পাশাভীতিবরৈশ্বরাঙ্কুশধরাং শ্রীপর্ণপাদাং পরাং
শ্রীবল্লীং ভুবনেশ্বরীং শিবময়ীমৈশ্বর্যদাং তাং ভজে ॥ ৪॥
শ্রীমচ্ছঙ্করসদ্গুরুর্গণপতির্বাতাত্মজঃ ক্ষেত্রপঃ
প্রাসাদে বিলসন্তি ভূরি সদয়ে নিত্যস্থিতে হ্রীংময়ি ।
য়ুষ্মত্স্নেহকটাক্ষসৌম্যকিরণা রক্ষন্তি দোগ্ধ্রীকুলং
শ্রীবল্লীং ভুবনেশ্বরীং শিবময়ীমৈশ্বর্যদাং তাং ভজে ॥ ৫॥
গোপ্ত্রীং বত্সসুরক্ষিণীং মঠগৃহে ভক্তপ্রজাকর্ষিণীং
য়াত্রাদিব্যকরীং বিমর্শকলয়া তাং সাধকে সংস্থিতাম্ ।
প্রায়শ্চিত্তজপাদিকর্মকনিতাং জ্ঞানেশ্বরীমম্বিকাং
শ্রীবল্লীং ভুবনেশ্বরীং শিবময়ীমৈশ্বর্যদাং তাং ভজে ॥ ৬॥
শ্রীসারস্বতগেয়পেয়জননীং জ্ঞানাদিবিদ্যাপ্রদাং
লোকে ভক্তসুগুপ্তিতারণকরীং কার্পণ্যদোষাপহাম্ ।
আর্যত্বপ্রবিকাসলাসনকরীং হৃত্পদ্মবিদ্যুত্প্রভাং
শ্রীবল্লীং ভুবনেশ্বরীং শিবময়ীমৈশ্বর্যদাং তাং ভজে ॥ ৭॥
ক্ষুদ্রা মে ভুবনেশ্বরি স্তুতিকথা কিং বা মুখে তে স্মিতং
য়াঽসি ত্বং পদবর্ণবাক্যজননী বর্ণৈঃ কথং বর্ণ্যতাম্ ।
বাসস্তে মম মানসে গুরুকৃপে নিত্যম্ ভবেত্ পাবনি
নান্যা মে ভুবনেশ্বরি প্রশমিকা নান্যা গতির্হ্রীংময়ি ॥ ৮॥
ইতি শ্রীসদ্যোজাত শঙ্করাশ্রমস্বামিবিরচিতং
শ্রীবল্লীভুবনেশ্বর্যষ্টকং সম্পূর্ণম্ ।
– Chant Stotra in Other Languages –
Sri Valli Bhuvaneshwari Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil