॥ Swami Brahmananda’s Govindashtakam Bengali Lyrics ॥
॥ গোবিন্দাষ্টকং স্বামিব্রহ্মানন্দকৃতম্ ॥
শ্রী গণেশায় নমঃ ॥
চিদানন্দাকারং শ্রুতিসরসসারং সমরসং
নিরাধারাধারং ভবজলধিপারং পরগুণম্ ।
রমাগ্রীবাহারং ব্রজবনবিহারং হরনুতং
সদা তং গোবিন্দং পরমসুখকন্দং ভজত রে ॥ ১ ॥
মহাম্ভোদিস্থানং স্থিরচরনিদানং দিবিজপং
সুধাধারাপানং বিহগপতিয়ানং য়মরতম্ ।
মনোজ্ঞং সুজ্ঞানং মুনিজননিধানং ধ্রুবপদম্
সদা তং গোবিন্দং পরমসুখকন্দং ভজত রে ॥ ২ ॥
ধিয়া ধীরৈর্ধ্যেয়ং শ্রবণপুটপেয়ং য়তিবরৈঃ
মহাবাক্যৈজ্ঞেয়ং ত্রিভুবনবিধেয়ং বিধিপরম্ ।
মনোমানামেয়ং সপদি হৃদি নেয়ং নবতনুং
সদা তং গোবিন্দং পরমসুখকন্দং ভজত রে ॥ ৩ ॥
মহামায়াজালং বিমলবনমালং মলহরং
সুবালং গোপালং নিহতশিশুপালং শশিমুখম্ ।
কলাতীতং কালং গতিহতমরালং মুররিপুং
সদা তং গোবিন্দং পরমসুখকন্দং ভজত রে ॥ ৪ ॥
নভোবিম্বস্ফীতং নিগমগণগীতং সমগতিং
সুরৌঘে সম্প্রীতং দিতিজবিপরীতং পুরিশয়ম্ ।
গিরাং পন্থাতীতং স্বদিতনবনীতং নয়করং
সদা তং গোবিন্দং পরমসুখকন্দং ভজত রে ॥ ৫ ॥
পরেশং পদ্মেশং শিবকমলজেশম্ শিবকরং
দ্বিজেশং দেবেশং তনুকুটিলকেশং কলিহরম্ ।
খগেশং নাগেশং নিখিলভুবনেশং নগধরং
সদা তং গোবিন্দং পরমসুখকন্দং ভজত রে ॥ ৬ ॥
রমাকান্তং কান্তং ভবভয়লয়ান্তং ভবসুখং
দুরাশান্তং শান্তং নিখিলহৃদি ভান্তং ভুবনপম্ ।
বিবাদান্তং দান্তং দনুজনিচয়ান্তং সুচরিতং
সদা তং গোবিন্দং পরমসুখকন্দং ভজত রে ॥ ৭ ॥
জগজ্জ্যেষ্ঠং শ্রেষ্ঠং সুরপতিকনিষ্ঠং ক্রতুপতিং
বলিষ্ঠং ভূয়িষ্ঠং ত্রিভুবনবরিষ্ঠং বরবহম্ ।
স্বনিষ্ঠং ধার্মিষ্ঠং গুরুগুণগরিষ্ঠং গুরুবরং
সদা তং গোবিন্দং পরমসুখকন্দং ভজত রে ॥ ৮ ॥
গদাপাণেরেতদ্দুরিতদলনং দুঃখশমনং
বিশুদ্ধাত্মা স্তোত্রং পঠতি মনুজো য়স্তু সততম্ ।
স ভুক্ত্বা ভোগৌঘং চিরমিহ ততোঽপাস্তবৃজিনো
বরং বিষ্ণোঃ স্থানং ব্রজতি খলু বৈকুণ্ঠভুবনম্ ॥
॥ ইতি শ্রী পরমহংস স্বামি ব্রহ্মানন্দ বিরচিতং
শ্রী গোবিন্দাষ্টকং সম্পূর্ণম্ ॥
– Chant Stotra in Other Languages –
Swami Brahmananda’s Govindashtakam Lyrics in Sanskrit » English » Gujarati » Kannada » Malayalam » Odia » Telugu » Tamil