॥ Tripura Sundari Ashtakam Odia Lyrics ॥
॥ ତ୍ରିପୁରସୁନ୍ଦରୀ ଅଷ୍ଟକଂ ॥
କଦମ୍ବଵନଚାରିଣୀଂ ମୁନିକଦମ୍ବକାଦମ୍ବିନୀଂ
ନିତମ୍ବଜିତ ଭୂଧରାଂ ସୁରନିତମ୍ବିନୀସେଵିତାମ୍ ।
ନଵାମ୍ବୁରୁହଲୋଚନାମଭିନଵାମ୍ବୁଦଶ୍ୟାମଲାଂ
ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରୟେ ॥ ୧ ॥
କଦମ୍ବଵନଵାସିନୀଂ କନକଵଲ୍ଲକୀଧାରିଣୀଂ
ମହାର୍ହମଣିହାରିଣୀଂ ମୁଖସମୁଲ୍ଲସଦ୍ଵାରୁଣୀମ୍ ।
ଦୟାଵିଭଵକାରିଣୀଂ ଵିଶଦଲୋଚନୀଂ ଚାରିଣୀଂ
ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରୟେ ॥ ୨ ॥
କଦମ୍ବଵନଶାଲୟା କୁଚଭରୋଲ୍ଲସନ୍ମାଲୟା
କୁଚୋପମିତଶୈଲୟା ଗୁରୁକୃପାଲସଦ୍ଵେଲୟା ।
ମଦାରୁଣକପୋଲୟା ମଧୁରଗୀତଵାଚାଲୟା
କୟାଽପି ଘନନୀଲୟା କଵଚିତା ଵୟଂ ଲୀଲୟା ॥ ୩ ॥
କଦମ୍ବଵନମଧ୍ୟଗାଂ କନକମଣ୍ଡଲୋପସ୍ଥିତାଂ
ଷଡମ୍ବୁରୁହଵାସିନୀଂ ସତତସିଦ୍ଧସୌଦାମିନୀମ୍ ।
ଵିଡମ୍ବିତଜପାରୁଚିଂ ଵିକଚଚଂଦ୍ରଚୂଡାମଣିଂ
ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରୟେ ॥ ୪ ॥
କୁଚାଞ୍ଚିତଵିପଞ୍ଚିକାଂ କୁଟିଲକୁନ୍ତଲାଲଂକୃତାଂ
କୁଶେଶୟନିଵାସିନୀଂ କୁଟିଲଚିତ୍ତଵିଦ୍ଵେଷିଣୀମ୍ ।
ମଦାରୁଣଵିଲୋଚନାଂ ମନସିଜାରିସଂମୋହିନୀଂ
ମତଙ୍ଗମୁନିକନ୍ୟକାଂ ମଧୁରଭାଷିଣୀମାଶ୍ରୟେ ॥ ୫ ॥
ସ୍ମରପ୍ରଥମପୁଷ୍ପିଣୀଂ ରୁଧିରବିନ୍ଦୁନୀଲାମ୍ବରାଂ
ଗୃହୀତମଧୁପାତ୍ରିକାଂ ମଦଵିଘୂର୍ଣନେତ୍ରାଞ୍ଚଲାଂ ।
ଘନସ୍ତନଭରୋନ୍ନତାଂ ଗଲିତଚୂଲିକାଂ ଶ୍ୟାମଲାଂ
ତ୍ରିଲୋଚନକୁଟୁଂବିନୀଂ ତ୍ରିପୁରସୁନ୍ଦରୀମାଶ୍ରୟେ ॥ ୬ ॥
ସକୁଙ୍କୁମଵିଲେପନାମଲକଚୁଂବିକସ୍ତୂରିକାଂ
ସମନ୍ଦହସିତେକ୍ଷଣାଂ ସଶରଚାପପାଶାଙ୍କୁଶାମ୍ ।
ଅଶେଷଜନମୋହିନୀମରୁଣମାଲ୍ୟ ଭୂଷାମ୍ବରାଂ
ଜପାକୁସୁମଭାସୁରାଂ ଜପଵିଧୌ ସ୍ମରାମ୍ୟମ୍ବିକାମ୍ ॥ ୭ ॥
ପୁରଂଦରପୁରଂଧ୍ରିକାଂ ଚିକୁରବନ୍ଧସୈରଂଧ୍ରିକାଂ
ପିତାମହପତିଵ୍ରତାଂ ପଟପଟୀରଚର୍ଚାରତାମ୍ ।
ମୁକୁନ୍ଦରମଣୀମଣୀଲସଦଲଂକ୍ରିୟାକାରିଣୀଂ
ଭଜାମି ଭୁଵନାଂବିକାଂ ସୁରଵଧୂଟିକାଚେଟିକାମ୍ ॥ ୮ ॥
॥ ଇତି ଶ୍ରୀମଦ୍ ଶଂକରାଚାର୍ୟଵିରଚିତଂ
ତ୍ରିପୁରସୁନ୍ଦରୀଅଷ୍ଟକଂ ସମାପ୍ତଂ ॥
– Chant Stotra in Other Languages –
Sri Durga Slokam » Tripura Sundari Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil