॥ Tulaja Ashtakam Bengali Lyrics ॥
॥ তুলজাষ্টকম্ ॥
দুগ্ধেন্দু কুন্দোজ্জ্বলসুন্দরাঙ্গীং
মুক্তাফলাহারবিভূষিতাঙ্গীম্ ।
শুভ্রাম্বরাং স্তনভরালসাঙ্গীং
বন্দেঽহমাদ্যাং তুলজাভবানীম্ ॥ ১ ॥
বালার্কভাসামতিচারুহাসাং
মাণিক্যমুক্তাফলহারকণ্ঠীম্ ।
রক্তাম্বরাং রক্তবিশালনেত্রীং
বন্দেঽহমাদ্যাং তুলজাভবানীম্ ॥ ২ ॥
শ্যামাঙ্গবর্ণাং মৃগশাবনেত্রাং
কৌশেয়বস্ত্রাং কুসুমেষু পূজ্যাম্ ॥
কস্তূরিকাচন্দনচর্চিতাঙ্গীং
বন্দেঽহমাদ্যাং তুলজাভবানীম্ ॥ ৩ ॥
পীতাম্বরাং চম্পককান্তিগৌরীং
অলঙ্কৃতামুত্তমমণ্ডনৈশ্চ ।
নাশায় ভূতাং ভুবি দানবানাং
বন্দেঽহমাদ্যাং তুলজাভবানীম্ ॥ ৪ ॥
চন্দ্রার্কতাটঙ্কধরাং ত্রিনেত্রাং
শূলং দধানামতিকালরূপাম্ ।
বিপক্ষনাশায় ধৃতায়ুধাং তাং
বন্দেঽহমাদ্যাং তুলজাভবানীম্ ॥ ৫ ॥
ব্রহ্মেন্দ্র নারায়ণরুদ্রপূজ্যাং
দেবাঙ্গনাভিঃ পরিগীয়মানাম্ ।
স্তুতাং বচোভির্মুনিনারদাদ্যৈঃ
বন্দেঽহমাদ্যাং তুলজাভবানীম্ ॥ ৬ ॥
অষ্টাঙ্গয়োগে সনকাদিভিশ্চ
ধ্যাতাং মুনীন্দ্রৈশ্চ সমাধিগম্যাম্ ।
ভক্তস্য নিত্যং ভুবি কামধেনুং
বন্দেঽহমাদ্যাং তুলজাভবানীম্ ॥ ৭ ॥
সিংহাসনস্থাং পরিবীজ্যমানাং
দেবৈঃ সমস্তৈশ্চ সুচামরৈশ্চ ।
ছত্রং দধানামতিশুভ্রবর্ণাং
বন্দেঽহমাদ্যাং তুলজাভবানীম্ ॥ ৮ ॥
পূর্ণঃ কটাক্ষোঽখিললোকমাতু-
র্গিরীন্দ্রকন্যাং ভজতাং সুধন্যাম্ ।
দারিদ্র্যকং নৈব কদা জনানাং
চিন্তা কুতঃ স্যাদ্ভবসাগরস্য ॥ ৯ ॥
তুলজাষ্টকমিদং স্তোত্রং ত্রিকালং য়ঃ পঠেন্নরঃ ।
আয়ুঃ কীর্তির্যশো লক্ষ্মী ধনপুত্রানবাপ্নুয়াত্ ॥ ১০ ॥
॥ ইতি শ্রীমচ্ছঙ্করাচার্য বিরচিতং তুলজাষ্টকম্ সম্পূর্ণম্ ॥
– Chant Stotra in Other Languages –
Tulaja Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil