Upashantyashtakam In Bengali

॥ Upashantyashtakam Bengali Lyrics ॥

॥ উপশান্ত্যষ্টকম্ ॥
অনুপাসাদিতসুগুরোরবিচারিতবেদশীর্ষতত্ত্বস্য ।
কথমুপশান্তিঃ স্যাদ্ভো সততং সত্সঙ্গরহিতস্য ॥ ১ ॥

অন্নময়াদিষু পঞ্চস্বহম্মতিং য়াবদেষ ন জহাতি ।
তাবত্কথমুপশান্তেঃ পাত্রং প্রভবেচ্ছুকাদিতুল্যোঽপি ॥ ২ ॥

চরতামক্ষাশ্বানাং রূপপ্রমুখেষু বিষমবিষয়েষু ।
দোষবিমর্শকশাহতিমকুর্বতঃ স্যাত্কথং শান্তিঃ ॥

তত্ত্বাববোধমণিবরভূষণহীনং য়দীয়হৃদয়ং স্যাত্ ।
কথমুপশান্তির্বৃণুয়াত্তং পুরুষং সাদরং লোকে ॥ ৪ ॥

নক্তন্দিবং পরাচি প্রবণস্বান্তস্য দেহসক্তধিয়ঃ ।
কথমুপশান্তিঃ পুংসঃ প্রভবেদপি কল্পকোটিশতৈঃ ॥ ৫ ॥

য়োগাখ্যগারুডমনুপ্রবরেণ কৃতো ন য়েন রদভঙ্গঃ ।
তৃষ্ণাকৃষ্ণভুজঙ্গ্যাঃ কথমুপশান্তির্ভবেত্তস্য ॥ ৬ ॥

সুতগেহমিত্রতরুণীপ্রভৃতিষু য়স্যাস্তি দৃঢতরঃ স্নেহঃ ।
স কথমুপশান্তিবিষয়ামপি গাথাং গাতুমীশ্বরঃ স্যাদ্ভো ॥ ৭ ॥

সন্ত্যজতি নৈব কর্মাণ্যখিলান্যবিগীতমার্গেণ ।
সশিখং চ য়জ্ঞসূত্রং য়ঃ স কথং শান্তিভাজনং প্রভবেত্ ॥ ৮ ॥

ইতি শৃঙ্গেরি শ্রীজগদ্গুরু শ্রীসচ্চিদানন্দশিবাভিনবনৃসিংহ-
ভারতীস্বামিভিঃ বিরচিতং উপশান্ত্যষ্টকং সম্পূর্ণম্ ।

– Chant Stotra in Other Languages –

Upashantyashtakam Lyrics in Sanskrit » English » Gujarati » Kannada » Malayalam » Odia » Telugu » Tamil

See Also  Sri Bhujangaprayat Ashtakam In Telugu