॥ Utathya Geetaa Bengali Lyrics ॥
॥ উতথ্যগীতা ॥ (Mahabharata Shantiparva Rajadharma, chapters 90-91)
অধ্যায়ঃ ৯১
যানঙ্গিরাঃ ক্ষত্রধর্মানুতথ্যো ব্রহ্ম বিত্তমঃ ।
মান্ধাত্রে যৌবনাশ্বায় প্রীতিমানভ্যভাষত ॥ ১ ॥
স যথানুশশাসৈনমুতথ্যো ব্রহ্ম বিত্তমঃ ।
তত্তে সর্বং প্রবক্ষ্যামি নিখিলেন যুধিষ্ঠির ॥ ২ ॥
ধর্মায় রাজা ভবতি ন কামকরণায় তু ।
মান্ধাতরেবং জানীহি রাজা লোকস্য রক্ষিতা ॥ ৩ ॥
রাজা চরতি বৈ ধর্মং দেবৎবায়ৈব গচ্ছতি ।
ন চেদ্ধর্মং স চরতি নরকায়ৈব গচ্ছতি ॥ ৪ ॥
ধর্মে তিষ্ঠন্তি ভূতানি ধর্মো রাজনি তিষ্ঠতি ।
তং রাজা সাধু যঃ শাস্তি স রাজা পৃথিবীপতিঃ ॥ ৫ ॥
রাজা পরমধর্মাত্মা লক্ষ্মীবান্পাপ উচ্যতে ।
দেবাশ্চ গর্হাং গচ্ছন্তি ধর্মো নাস্তীতি চোচ্যতে ॥ ৬ ॥
অধর্মে বর্তমানানামর্থসিদ্ধিঃ প্রদৃশ্যতে ।
তদেব মঙ্গলং সর্বং লোকঃ সমনুবর্ততে ॥ ৭ ॥
উচ্ছিদ্যতে ধর্মবৃত্তমধর্মো বর্ততে মহান্ ।
ভয়মাহুর্দিবারাত্রং যদা পাপো ন বার্যতে ॥ ৮ ॥
ন বেদাননুবর্তন্তি ব্রতবন্তো দ্বিজাতয়ঃ ।
ন যজ্ঞাংস্তন্বতে বিপ্রা যদা পাপো ন বার্যতে ॥ ৯ ॥
বধ্যানামিব সর্বেষাং মনো ভবতি বিহ্বলম্ ।
মনুষ্যাণাং মহারাজ যদা পাপো ন বার্যতে ॥ ১০ ॥
উভৌ লোকাবভিপ্রেক্ষ্য রাজানমৃষয়ঃ স্বয়ম্ ।
অসৃজন্সুমহদ্ভূতময়ং ধর্মো ভবিষ্যতি ॥ ১১ ॥
যস্মিন্ধর্মো বিরাজেত তং রাজানং প্রচক্ষতে ।
যস্মিন্বিলীয়তে ধর্মং তং দেবা বেষলং বিদুঃ ॥ ১২ ॥
বৃষো হি ভগবান্ধর্মো যস্তস্য কুরুতে হ্যলম্ ।
বৃষলং তং বিদুর্দেবাস্তস্মাদ্ধর্মং ন লোপয়েৎ ॥ ১৩ ॥
ধর্মে বর্ধতি বর্ধন্তি সর্বভূতানি সর্বদা ।
তস্মিন্হ্রসতি হীয়ন্তে তস্মাদ্ধর্মং প্রবর্ধয়েৎ ॥ ১৪ ॥
ধনাৎস্রবতি ধর্মো হি ধারণাদ্বেতি নিশ্চয়ঃ ।
অকার্যাণাং মনুষ্যেন্দ্র স সীমান্ত করঃ স্মৃতঃ ॥ ১৫ ॥
প্রভবার্থং হি ভূতানাং ধর্মঃ সৃষ্টঃ স্বয়ং ভুবা ।
তস্মাৎপ্রবর্ধয়েদ্ধর্মং প্রজানুগ্রহ কারণাৎ ॥ ১৬ ॥
তস্মাদ্ধি রাজশার্দূল ধর্মঃ শ্রেষ্ঠ ইতি স্মৃতঃ ।
স রাজা যঃ প্রজাঃ শাস্তি সাধু কৃৎপুরুষর্ষভঃ ॥ ১৭ ॥
কামক্রোধাবনাদৃত্য ধর্মমেবানুপালয়েৎ ।
ধর্মঃ শ্রেয়ঃ করতমো রাজ্ঞাং ভরতসত্তম ॥ ১৮ ॥
ধর্মস্য ব্রাহ্মণা যোনিস্তস্মাত্তান্পূজয়েৎসদা ।
ব্রাহ্মণানাং চ মান্ধাতঃ কামান্কুর্যাদমৎসরী ॥ ১৯ ॥
তেষাং হ্যকাম করণাদ্রাজ্ঞঃ সঞ্জায়তে ভয়ম্ ।
মিত্রাণি চ ন বর্ধন্তে তথামিত্রী ভবন্ত্যপি ॥ ২০ ॥
ব্রাহ্মণান্বৈ তদাসূয়াদ্যদা বৈরোচনো বলিঃ ।
অথাস্মাচ্ছ্রীরপাক্রামদ্যাস্মিন্নাসীৎপ্রতাপিনী ॥ ২১ ॥
ততস্তস্মাদপক্রম্য সাগচ্ছৎপাকশাসনম্ ।
অথ সোঽন্বতপৎপশ্চাচ্ছ্রিয়ং দৃষ্ট্বা পুরন্দরে ॥ ২২ ॥
এতৎফলমসূয়ায়া অভিমানস্য চাভিভো ।
তস্মাদ্বুধ্যস্ব মান্ধাতর্মা ৎবা জহ্যাৎপ্রতাপিনী ॥ ২৩ ॥
দর্পো নাম শ্রিয়ঃ পুত্রো জজ্ঞেঽধর্মাদিতি শ্রুতিঃ ।
তেন দেবাসুরা রাজন্নীতাঃ সুবহুশো বশম্ ॥ ২৪ ॥
রাজর্ষয়শ্চ বহবস্তস্মাদ্বুধ্যস্ব পার্থিব ।
রাজা ভবতি তং জিৎবা দাসস্তেন পরাজিতঃ ॥ ২৫ ॥
স যথা দর্পসহিতমধর্মং নানুসেবতে ।
তথা বর্তস্ব মান্ধাতশ্চিরং চেৎস্থাতুমিচ্ছসি ॥ ২৬ ॥
মত্তাৎপ্রমত্তাৎপোগণ্ডাদুন্মত্তাচ্চ বিশেষতঃ ।
তদভ্যাসাদুপাবর্তাদহিতানাং চ সেবনাৎ ॥ ২৭ ॥
নিগৃহীতাদমাত্যাচ্চ স্ত্রীভ্যশ্চৈব বিশেষতঃ ।
পর্বতাদ্বিষমাদ্দুর্গাদ্ধস্তিনোঽশ্বাৎসরীসৃপাৎ ॥ ২৮ ॥
এতেভ্যো নিত্যযত্তঃ স্যান্নক্তঞ্চর্যাং চ বর্জয়েৎ ।
অত্যায়ং চাতি মানং চ দম্ভং ক্রোধং চ বর্জয়েৎ ॥ ২৯ ॥
অবিজ্ঞাতাসু চ স্ত্রীষু ক্লীবাসু স্বৈরিণীষু চ ।
পরভার্যাসু কন্যাসু নাচরেন্মৈথুনং নৃপঃ ॥ ৩০ ॥
কুলেষু পাপরক্ষাংসি জায়ন্তে বর্ণসঙ্করাৎ ।
অপুমাংসোঽঙ্গহীনাশ্চ স্থূলজিহ্বা বিচেতসঃ ॥ ৩১ ॥
এতে চান্যে চ জায়ন্তে যদা রাজা প্রমাদ্যতি ।
তস্মাদ্রাজ্ঞা বিশেষেণ বর্তিতব্যং প্রজাহিতে ॥ ৩২ ॥
ক্ষত্রিয়স্য প্রমত্তস্য দোষঃ সঞ্জায়তে মহান্ ।
অধর্মাঃ সম্প্রবর্তন্তে প্রজা সঙ্করকারকাঃ ॥ ৩৩ ॥
অশীতে বিদ্যতে শীতং শীতে শীতং ন বিদ্যতে ।
অবৃষ্টিরতি বৃষ্টিশ্চ ব্যাধিশ্চাবিশতি প্রজাঃ ॥ ৩৪ ॥
নক্ষত্রাণ্যুপতিষ্ঠন্তি গ্রহা ঘোরাস্তথাপরে ।
উৎপাতাশ্চাত্র দৃশ্যন্তে বহবো রাজনাশনাঃ ॥ ৩৫ ॥
অরক্ষিতাত্মা যো রাজা প্রজাশ্চাপি ন রক্ষতি ।
প্রজাশ্চ তস্য ক্ষীয়ন্তে তাশ্চ সোঽনু বিনশ্যতি ॥ ৩৬ ॥
দ্বাবাদদাতে হ্যেকস্য দ্বয়োশ্ চ বহবোঽপরে ।
কুমার্যঃ সম্প্রলুপ্যন্তে তদাহুর্নৃপ দূষণম্ ॥ ৩৭ ॥
মমৈতদিতি নৈকস্য মনুষ্যেষ্ববতিষ্ঠতে ।
ত্যক্ত্বা ধর্মং যদা রাজা প্রমাদমনুতিষ্ঠতি ॥ ৩৮ ॥
অধ্যায়ঃ ৯২
কালবর্ষী চ পর্জন্যো ধর্মচারী চ পার্থিবঃ ।
সম্পদ্যদৈষা ভবতি সা বিভর্তি সুখং প্রজাঃ ॥ ১ ॥
যো ন জানাতি নির্হন্তুং বস্ত্রাণাং রজকো মলম্ ।
রক্তানি বা শোধয়িতুং যথা নাস্তি তথৈব সঃ ॥ ২ ॥
এবমেব দ্বিজেন্দ্রাণাং ক্ষত্রিয়াণাং বিশাম্ অপি ।
শূদ্রাশ্চতুর্ণাং বর্ণানাং নানা কর্মস্ববস্থিতাঃ ॥ ৩ ॥
কর্ম শূদ্রে কৃষির্বৈশ্যে দণ্ডনীতিশ্চ রাজনি ।
ব্রহ্মচর্যং তপো মন্ত্রাঃ সত্যং চাপি দ্বিজাতিষু ॥ ৪ ॥
তেষাং যঃ ক্ষত্রিয়ো বেদ বস্ত্রাণামিব শোধনম্ ।
শীলদোষান্বিনির্হন্তুং স পিতা স প্রজাপতিঃ ॥ ৫ ॥
কৃতং ত্রেতা দ্বাপরশ্চ কলিশ্চ ভরতর্ষভ ।
রাজবৃত্তানি সর্বাণি রাজৈব যুগমুচ্যতে ॥ ৬ ॥
চাতুর্বর্ণ্যং তথা বেদাশ্চাতুরাশ্রম্যমেব চ ।
সর্বং প্রমুহ্যতে হ্যেতদ্যদা রাজা প্রমাদ্যতি ॥ ৭ ॥
রাজৈব কর্তা ভূতানাং রাজৈব চ বিনাশকঃ ।
ধর্মাত্মা যঃ স কর্তা স্যাদধর্মাত্মা বিনাশকঃ ॥ ৮ ॥
রাজ্ঞো ভার্যাশ্চ পুত্রাশ্চ বান্ধবাঃ সুহৃদস্তথা ।
সমেত্য সর্বে শোচন্তি যদা রাজা প্রমাদ্যতি ॥ ৯ ॥
হস্তিনোঽশ্বাশ্চ গাবশ্চাপ্যুষ্ট্রাশ্বতর গর্দভাঃ ।
অধর্মবৃত্তে নৃপতৌ সর্বে সীদন্তি পার্থিব ॥ ১০ ॥
দুর্বলার্থং বলং সৃষ্টং ধাত্রা মান্ধাতরুচ্যতে ।
অবলং তন্মহদ্ভূতং যস্মিন্সর্বং প্রতিষ্ঠিতম্ ॥ ১১ ॥
যচ্চ ভূতং স ভজতে ভূতা যে চ তদন্বয়াঃ ।
অধর্মস্থে হি নৃপতৌ সর্বে সীদন্তি পার্থিব ॥ ১২ ॥
দুর্বলস্য হি যচ্চক্ষুর্মুনেরাশীবিষস্য চ ।
অবিষহ্য তমং মন্যে মা স্ম দুর্বলমাসদঃ ॥ ১৩ ॥
দুর্বলাংস্তাত বুধ্যেথা নিত্যমেবাবিমানিতান্ ।
মা ৎবাং দুর্বলচক্ষূংষি প্রদহেয়ুঃ স বান্ধবম্ ॥ ১৪ ॥
ন হি দুর্বলদগ্ধস্য কুলে কিং চিৎপ্ররোহতি ।
আমূলং নির্দহত্যেব মা স্ম দুর্বলমাসদঃ ॥ ১৫ ॥
অবলং বৈ বলাচ্ছ্রেয়ো যচ্চাতি বলবদ্বলম্ ।
বলস্যাবল দগ্ধস্য ন কিং চিদবশিষ্যতে ॥ ১৬ ॥
বিমানিতো হতোৎক্রুষ্টস্ত্রাতারং চেন্ন বিন্দতি ।
অমানুষ কৃতস্তত্র দণ্ডো হন্তি নরাধিপম্ ॥ ১৭ ॥
মা স্ম তাত বলে স্থেয়া বাধিষ্ঠা মাপি দুর্বলম্ ।
মা ৎবা দুর্বলচক্ষূংষি ধক্ষ্যন্ত্যগ্নিরিবাশ্রয়ম্ ॥ ১৮ ॥
যানি মিথ্যাভিশস্তানাং পতন্ত্যশ্রূণি রোদতাম্ ।
তানি পুত্রান্পশূন্ঘ্নন্তি তেষাং মিথ্যাভিশাসতাম্ ॥ ১৯ ॥
যদি নাত্মনি পুত্রেষু ন চেৎপৌত্রেষু নপ্তৃষু ।
ন হি পাপং কৃতং কর্ম সদ্যঃ ফলতি গৌরিব ॥ ২০ ॥
যত্রাবলো বধ্যমানস্ত্রাতারং নাধিগচ্ছতি ।
মহান্দৈবকৃতস্তত্র দণ্ডঃ পততি দারুণঃ ॥ ২১ ॥
যুক্তা যদা জানপদা ভিক্ষন্তে ব্রাহ্মণা ইব ।
অভীক্ষ্ণং ভিক্ষুদোষেণ রাজানং ঘ্নন্তি তাদৃশাঃ ॥ ২২ ॥
রাজ্ঞো যদা জনপদে বহবো রাজপূরুষাঃ ।
অনয়েনোপবর্তন্তে তদ্রাজ্ঞঃ কিল্বিষং মহৎ ॥ ২৩ ॥
যদা যুক্তা নয়ন্ত্যর্থান্কামাদর্থবশেন বা ।
কৃপণং যাচমানানাং তদ্রাজ্ঞো বৈশসং মহৎ ॥ ২৪ ॥
মহাবৃক্ষো জায়তে বর্ধতে চ
তং চৈব ভূতানি সমাশ্রয়ন্তি ।
যদা বৃক্ষশ্ছিদ্যতে দহ্যতে বা
তদাশ্রয়া অনিকেতা ভবন্তি ॥ ২৫ ॥
যদা রাষ্ট্রে ধর্মমগ্র্যং চরন্তি
সংস্কারং বা রাজগুণং ব্রুবাণাঃ ।
তৈরেবাধর্মশ্চরিতো ধর্মমোহাৎ
তূর্ণং জহ্যাৎসুকৃতং দুষ্কৃতং চ ॥ ২৬ ॥
যত্র পাপা জ্যায়মানাশ্ চরন্তি
সতাং কলির্বিন্দতি তত্র রাজ্ঞঃ ।
যদা রাজা শাস্তি নরান্নশিষ্যান্
ন তদ্রাজ্ঞ্য বর্ধতে ভূমিপাল ॥ ২৭ ॥
যশ্চামাত্যং মানয়িৎবা যথার্হং
মন্ত্রে চ যুদ্ধে চ নৃপো নিয়ুজ্ঞ্যাৎ ।
প্রবর্ধতে তস্য রাষ্ট্রং নৃপস্য
ভুঙ্ক্তে মহীং চাপ্যখিলাং চিরায় ॥ ২৮ ॥
অত্রাপি সুকৃতং কর্ম বাচং চৈব সুভাষিতাম্ ।
সমীক্ষ্য পূজয়ন্রাজা ধর্মং প্রাপ্নোত্যনুত্তমম্ ॥ ২৯ ॥
সংবিভজ্য যদা ভুঙ্ক্তে ন চান্যানবমন্যতে ।
নিহন্তি বলিনং দৃপ্তং স রাজ্ঞো ধর্ম উচ্যতে ॥ ৩০ ॥
ত্রায়তে হি যদা সর্বং বাচা কায়েন কর্মণা ।
পুত্রস্যাপি ন মৃষ্যেচ্চ স রাজ্ঞো ধর্ম উচ্যতে ॥ ৩১ ॥
যদা শারণিকান্রাজা পুত্র বৎপরিরক্ষতি ।
ভিনত্তি ন চ মর্যাদাং স রাজ্ঞো ধর্ম উচ্যতে ॥ ৩২ ॥
যদাপ্ত দক্ষিণৈর্যজ্ঞৈর্যজতে শ্রদ্ধয়ান্বিতঃ ।
কামদ্বেষাবনাদৃত্য স রাজ্ঞো ধর্ম উচ্যতে ॥ ৩৩ ॥
কৃপণানাথ বৃদ্ধানাং যদাশ্রু ব্যপমার্ষ্টি বৈ ।
হর্ষং সঞ্জনয়ন্নৄণাং স রাজ্ঞো ধর্ম উচ্যতে ॥ ৩৪ ॥
বিবর্ধয়তি মিত্রাণি তথারীংশ্চাপকর্ষতি ।
সম্পূজয়তি সাধূংশ্চ স রাজ্ঞো ধর্ম উচ্যতে ॥ ৩৫ ॥
সত্যং পালয়তি প্রাপ্ত্যা নিত্যং ভূমিং প্রয়চ্ছতি ।
পূজয়ত্যতিথীন্ভৃত্যান্স রাজ্ঞো ধর্ম উচ্যতে ॥ ৩৬ ॥
নিগ্রহানুগ্রহৌ চোভৌ যত্র স্যাতাং প্রতিষ্ঠিতৌ ।
অস্মিঁল্লোকে পরে চৈব রাজা তৎপ্রাপ্নুতে ফলম্ ॥ ৩৭ ॥
যমো রাজা ধার্মিকাণাং মান্ধাতঃ পরমেশ্বরঃ ।
সংয়চ্ছন্ভবতি প্রাণান্ন সংয়চ্ছংস্তু পাপকঃ ॥ ৩৮ ॥
ঋৎবিক্পুরোহিতাচার্যান্সৎকৃত্যানবমন্য চ ।
যদা সম্যক্প্রগৃহ্ণাতি স রাজ্ঞো ধর্ম উচ্যতে ॥ ৩৯ ॥
যমো যচ্ছতি ভূতানি সর্বাণ্যেবাবিশেষতঃ ।
তস্য রাজ্ঞানুকর্তব্যং যন্তব্যা বিধিবৎপ্রজাঃ ॥ ৪০ ॥
সহস্রাক্ষেণ রাজা হি সর্ব এবোপমীয়তে ।
স পশ্যতি হি যং ধর্মং স ধর্মঃ পুরুষর্ষভ ॥ ৪১ ॥
অপ্রমাদেন শিক্ষেথাঃ ক্ষমাং বুদ্ধিং ধৃতিং মতিম্ ।
ভূতানাং সত্ত্বজিজ্ঞাসাং সাধ্বসাধু চ সর্বদা ॥ ৪২ ॥
সঙ্গ্রহঃ সর্বভূতানাং দানং চ মধুরা চ বাক্ ।
পৌরজানপদাশ্চৈব গোপ্তব্যাঃ স্বা যথা প্রজাঃ ॥ ৪৩ ॥
ন জাৎবদক্ষো নৃপতিঃ প্রজাঃ শক্নোতি রক্ষিতুম্ ।
ভরো হি সুমহাংস্তাত রাজ্যং নাম সুদুষ্করম্ ॥ ৪৪ ॥
তদ্দণ্ডবিন্নৃপঃ প্রাজ্ঞঃ শূরঃ শক্নোতি রক্ষিতুম্ ।
ন হি শক্যমদণ্ডেন ক্লীবেনাবুদ্ধিনাপি বা ॥ ৪৫ ॥
অভিরূপৈঃ কুলে জাতৈর্দক্ষৈর্ভক্তৈর্বহুশ্রুতৈঃ ।
সর্বা বুদ্ধীঃ পরীক্ষেথাস্তাপসাশ্রমিণাম্ অপি ॥ ৪৬ ॥
ততস্ত্বং সর্বভূতানাং ধর্মং বেৎস্যসি বৈ পরম্ ।
স্বদেশে পরদেশে বা ন তে ধর্মো বিনশ্যতি ॥ ৪৭ ॥
ধর্মশ্চার্থশ্চ কামশ্ চ ধর্ম এবোত্তরো ভবেৎ ।
অস্মিঁল্লোকে পরে চৈব ধর্মবিৎসুখমেধতে ॥ ৪৮ ॥
ত্যজন্তি দারান্প্রাণাংশ্চ মনুষ্যাঃ প্রতিপূজিতাঃ ।
সঙ্গ্রহশ্চৈব ভূতানাং দানং চ মধুরা চ বাক্ ॥ ৪৯ ॥
অপ্রমাদশ্চ শৌচং চ তাত ভূতিকরং মহৎ ।
এতেভ্যশ্চৈব মান্ধাতঃ সততং মা প্রমাদিথাঃ ॥ ৫০ ॥
অপ্রমত্তো ভবেদ্রাজা ছিদ্রদর্শী পরাত্মনোঃ ।
নাস্য ছিদ্রং পরঃ পশ্যেচ্ছিদ্রেষু পরমন্বিয়াৎ ॥ ৫১ ॥
এতদ্বৃত্তং বাসবস্য যমস্য বরুণস্য চ ।
রাজর্ষীণাং চ সর্বেষাং তত্ত্বমপ্যনুপালয় ॥ ৫২ ॥
তৎকুরুষ্ব মহারাজ বৃত্তং রাজর্ষিসেবিতম্ ।
আতিষ্ঠ দিব্যং পন্থানমহ্নায় ভরতর্ষভ ॥ ৫৩ ॥
ধর্মবৃত্তং হি রাজানং প্রেত্য চেহ চ ভারত ।
দেবর্ষিপিতৃগন্ধর্বাঃ কীর্তয়ন্ত্যমিতৌজসঃ ॥ ৫৪ ॥
স এবমুক্তো মান্ধাতা তেনোতথ্যেন ভারত ।
কৃতবানবিশঙ্কস্তদেকঃ প্রাপ চ মেদিনীম্ ॥ ৫৫ ॥
ভবানপি তথা সম্যঙ্মান্ধাতেব মহীপতিঃ ।
ধর্মং কৃৎবা মহীং রক্ষন্স্বর্গে স্থানমবাপ্স্যসি ॥ ৫৬ ॥
॥ ইতি উতথ্যগীতা সমাপ্তা ॥
– Chant Stotra in Other Languages –
Utathya Gita in Sanskrit – English – Bengali – Gujarati – Kannada – Malayalam – Odia – Telugu – Tamil