॥ Uttara Geetaa Odia Lyrics ॥
॥ ଉତ୍ତରଗୀତା ॥
ଅଖଣ୍ଡଂ ସଚ୍ଚିଦାନନ୍ଦମବାଙ୍ମନସଗୋଚରମ୍ ।
ଆତ୍ମାନମଖିଲାଧାରମାଶ୍ରୟେଽଭୀଷ୍ଟସିଦ୍ଧୟେ ॥
ଅର୍ଜୁନ ଉବାଚ –
ଯଦେକଂ ନିଷ୍କଲଂ ବ୍ରହ୍ମ ବ୍ୟୋମାତୀତଂ ନିରଞ୍ଜନମ୍ ।
ଅପ୍ରତର୍କ୍ୟମବିଜ୍ଞେୟଂ ବିନାଶୋତ୍ପତ୍ତିବର୍ଜିତମ୍ ॥ ୧ ॥
କାରଣଂ ଯୋଗନିର୍ମୁକ୍ତଂ ହେତୁସାଧନବର୍ଜିତମ୍ ।
ହୃଦୟାମ୍ବୁଜମଧ୍ୟସ୍ଥଂ ଜ୍ଞାନଜ୍ଞେୟସ୍ୱରୂପକମ୍ ॥ ୨ ॥
ତତ୍କ୍ଷଣାଦେବ ମୁଚ୍ୟେତ ଯଜ୍ଜ୍ଞାନାଦ୍ବ୍ରୂହି କେଶବ ।
ଶ୍ରୀଭଗବାନୁବାଚ –
ସାଧୁ ପୃଷ୍ଟଂ ମହାବାହୋ ବୁଦ୍ଧିମାନସି ପାଣ୍ଡବ ॥ ୩ ॥
ଯନ୍ମାଂ ପୃଚ୍ଛସି ତତ୍ତ୍ୱାର୍ଥମଶେଷଂ ପ୍ରବଦାମ୍ୟହମ୍ ।
ଆତ୍ମମନ୍ତ୍ରସ୍ୟ ହଂସସ୍ୟ ପରସ୍ପରସମନ୍ୱୟାତ୍ ॥ ୪ ॥
ଯୋଗେନ ଗତକାମାନାଂ ଭାବନା ବ୍ରହ୍ମ ଚକ୍ଷତେ ।
ଶରୀରିଣାମଜସ୍ୟାନ୍ତଂ ହଂସତ୍ୱଂ ପାରଦର୍ଶନମ୍ ॥ ୫ ॥
ହଂସୋ ହଂସାକ୍ଷରଂ ଚୈତତ୍କୂଟସ୍ଥଂ ଯତ୍ତଦକ୍ଷରମ୍ ।
ତଦ୍ୱିଦ୍ୱାନକ୍ଷରଂ ପ୍ରାପ୍ୟ ଜହ୍ୟାନ୍ମରଣଜନ୍ମନୀ ॥ ୬ ॥
କାକୀମୁଖଂ କକାରାନ୍ତମୁକାରଶ୍ଚେତନାକୃତିଃ ।
ମକାରସ୍ୟ ତୁ ଲୁପ୍ତସ୍ୟ କୋଽର୍ଥଃ ସମ୍ପ୍ରତିପଦ୍ୟତେ ॥ ୭ ॥
କାକୀମୁଖକକାରାନ୍ତମୁକାରଶ୍ଚେତନାକୃତିଃ ।
ଅକାରସ୍ୟ ତୁ ଲୁପ୍ତସ୍ୟ କୋଽର୍ଥଃ ସମ୍ପ୍ରତିପଦ୍ୟତେ ॥ ୭ ॥
ଗଚ୍ଛଂସ୍ତିଷ୍ଠନ୍ସଦା କାଲଂ ବାୟୁସ୍ୱୀକରଣଂ ପରମ୍ ।
ସର୍ୱକାଲପ୍ରୟୋଗେନ ସହସ୍ରାୟୁର୍ଭବେନ୍ନରଃ ॥ ୮ ॥
ଯାବତ୍ପଶ୍ୟେତ୍ଖଗାକାରଂ ତଦାକାରଂ ବିଚିନ୍ତୟେତ୍ ।
ଖମଧ୍ୟେ କୁରୁ ଚାତ୍ମାନମାତ୍ମମଧ୍ୟେ ଚ ଖଂ କୁରୁ ।
ଆତ୍ମାନଂ ଖମୟଂ କୃତ୍ୱା ନ କିଂଚିଦପି ଚିନ୍ତୟେତ୍ ॥ ୯ ॥
ସ୍ଥିରବୁଦ୍ଧିରସଂମୂଢୋ ବ୍ରହ୍ମବିଦ୍ବ୍ରହ୍ମଣି ସ୍ଥିତଃ ।
ବହିର୍ୱ୍ୟୋମସ୍ଥିତଂ ନିତ୍ୟଂ ନାସାଗ୍ରେ ଚ ବ୍ୟବସ୍ଥିତମ୍ ।
ନିଷ୍କଲଂ ତଂ ବିଜାନୀୟାଚ୍ଛ୍ୱାସୋ ଯତ୍ର ଲୟଂ ଗତଃ ॥ ୧୦ ॥
ପୁଟଦ୍ୱୟବିନିର୍ମୁକ୍ତୋ ବାୟୁର୍ୟତ୍ର ବିଲୀୟତେ ॥ ୧୧ ॥
ତତ୍ର ସଂସ୍ଥଂ ମନଃ କୃତ୍ୱା ତଂ ଧ୍ୟାୟେତ୍ପାର୍ଥ ଈଶ୍ୱରମ୍ ॥ ୧୨ ॥
ନିର୍ମଲଂ ତଂ ବିଜାନୀୟାତ୍ଷଡୂର୍ମିରହିତଂ ଶିବମ୍ ।
ପ୍ରଭାଶୂନ୍ୟଂ ମନଃଶୂନ୍ୟଂ ବୁଦ୍ଧିଶୂନ୍ୟଂ ନିରାମୟମ୍ ॥ ୧୩ ॥
ସର୍ୱଶୂନ୍ୟଂ ନିରାଭାସଂ ସମାଧିସ୍ତସ୍ୟ ଲକ୍ଷଣମ୍ ।
ତ୍ରିଶୂନ୍ୟଂ ଯୋ ବିଜାନୀୟାତ୍ସ ତୁ ମୁଚ୍ୟେତ ବନ୍ଧନାତ୍ ॥ ୧୪ ॥
ସ୍ୱୟମୁଚ୍ଚଲିତେ ଦେହେ ଦେହୀ ନ୍ୟସ୍ତସମାଧିନା ।
ନିଶ୍ଚଲଂ ତଦ୍ୱିଜାନୀୟାତ୍ସମାଧିସ୍ଥସ୍ୟ ଲକ୍ଷଣମ୍ ॥ ୧୫ ॥
ଅମାତ୍ରଂ ଶବ୍ଦରହିତଂ ସ୍ୱରବ୍ୟଞ୍ଜନବର୍ଜିତମ୍ ।
ବିନ୍ଦୁନାଦକଲାତୀତଂ ଯସ୍ତଂ ବେଦ ସ ବେଦବିତ୍ ॥ ୧୬ ॥
ପ୍ରାପ୍ତେ ଜ୍ଞାନେନ ବିଜ୍ଞାନେ ଜ୍ଞେୟେ ଚ ହୃଦି ସଂସ୍ଥିତେ ।
ଲବ୍ଧଶାନ୍ତିପଦେ ଦେହେ ନ ଯୋଗୋ ନୈବ ଧାରଣା ॥ ୧୭ ॥
ଯୋ ବେଦାଦୌ ସ୍ୱରଃ ପ୍ରୋକ୍ତୋ ବେଦାନ୍ତେ ଚ ପ୍ରତିଷ୍ଠିତଃ ।
ତସ୍ୟ ପ୍ରକୃତିଲୀନସ୍ୟ ଯଃ ପରଃ ସ ମହେଶ୍ୱରଃ ॥ ୧୮ ॥
ନାବାର୍ଥୀ ଚ ଭବେତ୍ତାବଦ୍ୟାବତ୍ପାରଂ ନ ଗଚ୍ଛତି ।
ଉତ୍ତୀର୍ଣେ ଚ ସରିତ୍ପାରେ ନାବୟା କିଂ ପ୍ରୟୋଜନମ୍ ॥ ୧୯ ॥
ଗ୍ରନ୍ଥମଭ୍ୟସ୍ୟ ମେଧାବୀ ଜ୍ଞାନବିଜ୍ଞାନତତ୍ପରଃ ।
ପଲାଲମିବ ଧାନ୍ୟାର୍ଥୀ ତ୍ୟଜେଦ୍ଗ୍ରନ୍ଥମଶେଷତଃ ॥ ୨୦ ॥
ଉଲ୍କାହସ୍ତୋ ଯଥା କଶ୍ଚିଦ୍ଦ୍ରବ୍ୟମାଲୋକ୍ୟ ତାଂ ତ୍ୟଜେତ୍
ଜ୍ଞାନେନ ଜ୍ଞେୟମାଲୋକ୍ୟ ପଶ୍ଚାଜ୍ଜ୍ଞାନଂ ପରିତ୍ୟଜେତ୍ ॥ ୨୧ ॥
ଯଥାମୃତେନ ତୃପ୍ତସ୍ୟ ପୟସା କିଂ ପ୍ରୟୋଜନମ୍ ।
ଏବଂ ତଂ ପରମଂ ଜ୍ଞାତ୍ୱା ବେଦୈର୍ନାସ୍ତି ପ୍ରୟୋଜନମ୍ ॥ ୨୨ ॥
ଜ୍ଞାନାମୃତେନ ତୃପ୍ତସ୍ୟ କୃତକୃତ୍ୟସ୍ୟ ଯୋଗିନଃ ।
ନ ଚାସ୍ତି କିଞ୍ଚିତ୍କର୍ତବ୍ୟମସ୍ତି ଚେନ୍ନ ସ ତତ୍ତ୍ୱବିତ୍ ॥ ୨୩ ॥
ତୈଲଧାରାମିବାଚ୍ଛିନ୍ନଂ ଦୀର୍ଘଘଣ୍ଟାନିନାଦବତ୍ ।
ଅବାଚ୍ୟଂ ପ୍ରଣବସ୍ୟାଗ୍ରଂ ଯସ୍ତଂ ବେଦ ସ ବେଦବିତ୍ ॥ ୨୪ ॥
ଆତ୍ମାନମରଣିଂ କୃତ୍ୱା ପ୍ରଣବଂ ଚୋତ୍ତରାରଣିମ୍ ।
ଧ୍ୟାନନିର୍ମଥନାଭ୍ୟାସାଦେବଂ ପଶ୍ୟେନ୍ନିଗୂଢବତ୍ ॥ ୨୫ ॥
ତାଦୃଶଂ ପରମଂ ରୂପଂ ସ୍ମରେତ୍ପାର୍ଥ ହ୍ୟନନ୍ୟଧୀଃ ।
ବିଧୂମାଗ୍ନିନିଭଂ ଦେବଂ ପଶ୍ୟେଦନ୍ତ୍ୟନ୍ତନିର୍ମଲମ୍ ॥ ୨୬ ॥
ଦୂରସ୍ଥୋଽପି ନ ଦୂରସ୍ଥଃ ପିଣ୍ଡସ୍ଥଃ ପିଣ୍ଡବର୍ଜିତଃ ।
ବିମଲଃ ସର୍ୱଦା ଦେହୀ ସର୍ୱବ୍ୟାପୀ ନିରଞ୍ଜନଃ ॥ ୨୭ ॥
କାୟସ୍ଥୋଽପି ନ କାୟସ୍ଥଃ କାୟସ୍ଥୋଽପି ନ ଜାୟତେ ।
କାୟସ୍ଥୋଽପି ନ ଭୁଞ୍ଜାନଃ କାୟସ୍ଥୋଽପି ନ ବଧ୍ୟତେ ॥ ୨୮ ॥
କାୟସ୍ଥୋଽପି ନ ଲିପ୍ତଃ ସ୍ୟାତ୍କାୟସ୍ଥୋଽପି ନ ବାଧ୍ୟତେ ।
ତିଲମଧ୍ୟେ ଯଥା ତୈଲଂ କ୍ଷୀରମଧ୍ୟେ ଯଥା ଘୃତମ୍ ॥ ୨୯ ॥
ପୁଷ୍ପମଧ୍ୟେ ଯଥା ଗନ୍ଧଃ ଫଲମଧ୍ୟେ ଯଥା ରସଃ ।
କାଷ୍ଠାଗ୍ନିବତ୍ପ୍ରକାଶେତ ଆକାଶେ ବାୟୁବଚ୍ଚରେତ୍ ॥ ୩୦ ॥
ତଥା ସର୍ୱଗତୋ ଦେହୀ ଦେହମଧ୍ୟେ ବ୍ୟବସ୍ଥିତଃ ।
ମନସ୍ଥୋ ଦେଶିନାଂ ଦେବୋ ମନୋମଧ୍ୟେ ବ୍ୟବସ୍ଥିତଃ ॥ ୩୧ ॥
ମନସ୍ଥଂ ମନମଧ୍ୟସ୍ଥଂ ମଧ୍ୟସ୍ଥଂ ମନବର୍ଜିତମ୍ ।
ମନସା ମନ ଆଲୋକ୍ୟ ସ୍ୱୟଂ ସିଧ୍ୟନ୍ତି ଯୋଗିନଃ ॥ ୩୨ ॥
ଆକାଶଂ ମାନସଂ କୃତ୍ୱା ମନଃ କୃତ୍ୱା ନିରାସ୍ପଦମ୍ ।
ନିଶ୍ଚଲଂ ତଦ୍ୱିଜାନୀୟାତ୍ସମାଧିସ୍ଥସ୍ୟ ଲକ୍ଷଣମ୍ ॥ ୩୩ ॥
ଯୋଗାମୃତରସଂ ପୀତ୍ୱା ବାୟୁଭକ୍ଷଃ ସଦା ସୁଖୀ ।
ଯମମଭ୍ୟସ୍ୟତେ ନିତ୍ୟଂ ସମାଧିର୍ମୃତ୍ୟୁନାଶକୃତ୍ ॥ ୩୪ ॥
ଊର୍ଧ୍ୱଶୂନ୍ୟମଧଃଶୂନ୍ୟଂ ମଧ୍ୟଶୂନ୍ୟଂ ଯଦାତ୍ମକମ୍ ।
ସର୍ୱଶୂନ୍ୟଂ ସ ଆତ୍ମେତି ସମାଧିସ୍ଥସ୍ୟ ଲକ୍ଷଣମ୍ ॥ ୩୫ ॥
ଶୂନ୍ୟଭାବିତଭାବାତ୍ମା ପୁଣ୍ୟପାପୈଃ ପ୍ରମୁଚ୍ୟତେ ।
ଅର୍ଜୁନ ଉବାଚ-
ଅଦୃଶ୍ୟେ ଭାବନା ନାସ୍ତି ଦୃଶ୍ୟମେତଦ୍ୱିନଶ୍ୟତି ॥ ୩୬ ॥
ଅବର୍ଣମସ୍ୱରଂ ବ୍ରହ୍ମ କଥଂ ଧ୍ୟାୟନ୍ତି ଯୋଗିନଃ ।
ଶ୍ରୀଭଗବାନୁବାଚ-
ଊର୍ଧ୍ୱପୂର୍ଣମଧଃପୂର୍ଣଂ ମଧ୍ୟପୂର୍ଣଂ ଯଦାତ୍ମକମ୍ ॥ ୩୭ ॥
ସର୍ୱପୂର୍ଣଂ ସ ଆତ୍ମେତି ସମାଧିସ୍ଥସ୍ୟ ଲକ୍ଷଣମ୍ ।
ଅର୍ଜୁନ ଉଅବାଚ-
ସାଲମ୍ବସ୍ୟାପ୍ୟନିତ୍ୟତ୍ୱଂ ନିରାଲମ୍ବସ୍ୟ ଶୂନ୍ୟତା ॥ ୩୮ ॥
ଉଭୟୋରପି ଦୁଷ୍ଠତ୍ୱାତ୍କଥଂ ଧ୍ୟାୟନ୍ତି ଯୋଗିନଃ ।
ଶ୍ରୀଭଗବାନୁବାଚ-
ହୃଦୟଂ ନିର୍ମଲଂ କୃତ୍ୱା ଚିନ୍ତୟିତ୍ୱାପ୍ୟନାମୟମ୍ ॥ ୩୯ ॥
ଅହମେବ ଇଦଂ ସର୍ୱମିତି ପଶ୍ୟେତ୍ପରଂ ସୁଖମ୍ ।
ଅର୍ଜୁନ ଉବାଚ-
ଅକ୍ଷରାଣି ସମାତ୍ରାଣି ସର୍ୱେ ବିନ୍ଦୁସମାଶ୍ରିତାଃ ॥ ୪୦ ॥
ବିନ୍ଦୁଭିର୍ଭିଦ୍ୟତେ ନାଦଃ ସ ନାଦଃ କେନ ଭିଦ୍ୟତେ ।
ଶ୍ରୀଭଗବାନୁବାଚ-
ଅନାହତସ୍ୟ ଶବ୍ଦସ୍ୟ ତସ୍ୟ ଶବ୍ଦସ୍ୟ ଯୋ ଧ୍ୱନିଃ ॥ ୪୧ ॥
ଧ୍ୱନେରନ୍ତର୍ଗତଂ ଜ୍ୟୋତିର୍ଜ୍ୟୋତିରନ୍ତର୍ଗତଂ ମନଃ ।
ତନ୍ମନୋ ବିଲୟଂ ଯାତି ତଦ୍ୱିଷ୍ଣୋଃ ପରମଂ ପଦମ୍ ॥ ୪୨ ॥
ଓଁକାରଧ୍ୱନିନାଦେନ ବାୟୋଃ ସଂହରଣାନ୍ତିକମ୍ ।
ନିରାଲମ୍ବଂ ସମୁଦ୍ଦିଶ୍ୟ ଯତ୍ର ନାଦୋ ଲୟଂ ଗତଃ ॥ ୪୩ ॥
ଅର୍ଜୁନ ଉବାଚ-
ଭିନ୍ନେ ପଞ୍ଚାତ୍ମକେ ଦେହେ ଗତେ ପଞ୍ଚସୁ ପଞ୍ଚଧା ।
ପ୍ରାଣୈର୍ୱିମୁକ୍ତେ ଦେହେ ତୁ ଧର୍ମାଧର୍ମୌ କ୍ୱ ଗଚ୍ଛତଃ ॥ ୪୪ ॥
ଶ୍ରୀଭଗବାନୁବାଚ-
ଧର୍ମାଧର୍ମୌ ମନଶ୍ଚୈବ ପଞ୍ଚଭୂତାନି ଯାନି ଚ ।
ଇନ୍ଦ୍ରିୟାଣି ଚ ପଞ୍ଚୈବ ଯାଶ୍ଚାନ୍ୟାଃ ପଞ୍ଚ ଦେବତାଃ ॥ ୪୫ ॥
ତାଶ୍ଚୈବ ମନସା ସର୍ୱେ ନିତ୍ୟମେବାଭିମାନତଃ ।
ଜୀବେନ ସହ ଗଚ୍ଛନ୍ତି ଯାବତ୍ତତ୍ତ୍ୱଂ ନ ବିନ୍ଦତି ॥ ୪୬ ॥
ଅର୍ଜୁନ ଉବାଚ-
ସ୍ଥାବରଂ ଜଙ୍ଗମଂ ଚୈବ ଯତ୍କିଂଚିତ୍ସଚରାଚରମ୍ ।
ଜୀବା ଜୀବେନ ସିଧ୍ୟନ୍ତି ସ ଜୀବଃ କେନ ସିଧ୍ୟତି ॥ ୪୭ ॥
ଶ୍ରୀଭଗବାନୁବାଚ-
ମୁଖନାସିକୟୋର୍ମଧ୍ୟେ ପ୍ରାଣଃ ସଂଚରତେ ସଦା ।
ଆକାଶଃ ପିବତେ ପ୍ରାଣଂ ସ ଜୀବଃ କେନ ଜୀବତି ॥ ୪୮ ॥
ଅର୍ଜୁନ ଉବାଚ-
ବ୍ରହ୍ମାଣ୍ଡବ୍ୟାପିତଂ ବ୍ୟୋମ ବ୍ୟୋମ୍ନା ଚାବେଷ୍ଟିତଂ ଜଗତ୍ ।
ଅନ୍ତର୍ବହିଶ୍ଚ ତଦ୍ୱ୍ୟୋମ କଥଂ ଦେବୋ ନିରଞ୍ଜନଃ ॥ ୪୯ ॥
ଶ୍ରୀଭଗବାନୁବାଚ-
ଆକାଶୋ ହ୍ୟବକାଶଶ୍ଚ ଆକାଶବ୍ୟାପିତଂ ଚ ଯତ୍ ।
ଆକାଶସ୍ୟ ଗୁଣଃ ଶବ୍ଦୋ ନିଃଶବ୍ଦୋ ବ୍ରହ୍ମ ଉଚ୍ୟତେ ॥ ୫୦ ॥
ଅର୍ଜୁନ ଉବାଚ-
ଦନ୍ତୋଷ୍ଠତାଲୁଜିହ୍ୱାନାମାସ୍ପଦଂ ଯତ୍ର ଦୃଶ୍ୟତେ ।
ଅକ୍ଷରତ୍ୱଂ କୁତସ୍ତେଷାଂ କ୍ଷରତ୍ୱଂ ବର୍ତତେ ସଦା ॥ ୫୧ ॥
ଅଘୋଷମବ୍ୟଞ୍ଜନମସ୍ୱରଂ ଚା-
ପ୍ୟତାଲୁକଣ୍ଠୋଷ୍ଠମନାସିକଂ ଚ ।
ଅରେଖଜାତଂ ପରମୂଷ୍ମବର୍ଜିତଂ
ତଦକ୍ଷରଂ ନ କ୍ଷରତେ କଥଂଚିତ୍ ॥ ୫୨ ॥
ଅର୍ଜୁନ ଉବାଚ-
ଜ୍ଞାତ୍ୱା ସର୍ୱଗତଂ ବ୍ରହ୍ମ ସର୍ୱଭୂତାଧିବାସିତମ୍ ।
ଇନ୍ଦ୍ରିୟାଣାଂ ନିରୋଧେନ କଥଂ ସିଧ୍ୟନ୍ତି ଯୋଗିନଃ ॥ ୫୩ ॥
ଶ୍ରୀଭଗବାନୁବାଚ-
ଇନ୍ଦ୍ରିୟାଣାଂ ନିରୋଧେନ ଦେହେ ପଶ୍ୟନ୍ତି ମାନବାଃ ।
ଦେହେ ନଷ୍ଟେ କୁତୋ ବୁଦ୍ଧିର୍ବୁଦ୍ଧିନାଶେ କୁତୋ ଜ୍ଞତା ॥ ୫୪ ॥
ତାବଦେବ ନିରୋଧଃ ସ୍ୟାଦ୍ୟାବତ୍ତତ୍ତ୍ୱଂ ନ ବିନ୍ଦତି ।
ବିଦିତେ ତୁ ପରେ ତତ୍ତ୍ୱେ ଏକମେବାନୁପଶ୍ୟତି ॥ ୫୫ ॥
ଭବଚ୍ଛିଦ୍ରକୃତା ଦେହାଃ ସ୍ରବନ୍ତି ଗଲିକା ଇବ ।
ନୈବ ବ୍ରହ୍ମ ନ ଶୁଦ୍ଧଂ ସ୍ୟାତ୍ପୁମାନ୍ବ୍ରହ୍ମ ନ ବିନ୍ଦତି ॥ ୫୬ ॥
ଅତ୍ୟନ୍ତମଲିନୋ ଦେହୋ ଦେହୀ ଚାତ୍ୟନ୍ତନିର୍ମଲଃ ।
ଉଭୟୋରନ୍ତରଂ ଜ୍ଞାତ୍ୱା କସ୍ୟ ଶୌଚଂ ବିଧୀୟତେ ॥ ୫୭ ॥
ଇତି ଉତ୍ତରଗୀତାୟାଂ ପ୍ରଥମୋଽଧ୍ୟାୟଃ ॥
॥ ଦ୍ୱିତୀୟୋଽଧ୍ୟାୟଃ ॥
ଅରୂଢସ୍ୟାରୁରୁକ୍ଷୋଶ୍ଚ ସ୍ୱରୂପେ ପରିକୀର୍ତିତେ ।
ତତ୍ରାରୂଢସ୍ୟ ବିମ୍ବୈକ୍ୟଂ କଥଂ ସ୍ୟାଦିତି ପୃଚ୍ଛତି ॥
ଅର୍ଜୁନ ଉବାଚ-
ଜ୍ଞାତ୍ୱା ସର୍ୱଗତଂ ବ୍ରହ୍ମ ସର୍ୱଜ୍ଞଂ ପରମେଶ୍ୱରମ୍ ।
ଅହଂ ବ୍ରହ୍ମେତି ନିର୍ଦେଷ୍ଟୁଂ ପ୍ରମାଣଂ ତତ୍ର କିଂ ଭବେତ୍ ॥ ୧ ॥
ଶ୍ରୀଭଗବାନୁବାଚ-
ଯଥା ଜଲଂ ଜଲେ କ୍ଷିପ୍ତଂ କ୍ଷୀରେ କ୍ଷୀରଂ ଘୃତେ ଘୃତମ୍ ।
ଅବିଶେଷୋ ଭବେତ୍ତଦ୍ୱଜ୍ଜୀବାତ୍ମପରମାତ୍ମନୋଃ ॥ ୨ ॥
ଜୀବେ ପରେଣ ତାଦାତ୍ମ୍ୟଂ ସର୍ୱଗଂ ଜ୍ୟୋତିରୀଶ୍ୱରମ୍ ।
ପ୍ରମାଣଲକ୍ଷଣୈର୍ଜ୍ଞେୟଂ ସ୍ୱୟମେକାଗ୍ରବେଦିନା ॥ ୩ ॥
ଅର୍ଜୁନ ଉବାଚ-
ଜ୍ଞାନାଦେବ ଭବେଜ୍ଜ୍ଞେୟଂ ବିଦିତ୍ୱା ତତ୍କ୍ଷଣେନ ତୁ ।
ଜ୍ଞାନମାତ୍ରେଣ ମୁଚ୍ୟେତ କିଂ ପୁନର୍ୟୋଗଧାରଣା ॥ ୪ ॥
ଶ୍ରୀଭଗବାନୁବାଚ-
ଜ୍ଞାନେନ ଦୀପିତେ ଦେହେ ବୁଦ୍ଧିର୍ବ୍ରହ୍ମସମନ୍ୱିତା ।
ବ୍ରହ୍ମଜ୍ଞାନାଗ୍ନିନା ବିଦ୍ୱାନ୍ନିର୍ଦହେତ୍କର୍ମବନ୍ଧନମ୍ ॥ ୫ ॥
ତତଃ ପବିତ୍ରଂ ପରମେଶ୍ୱରାଖ୍ୟ-
ମଦ୍ୱୈତରୂପଂ ବିମଲାମ୍ବରାଭମ୍ ।
ଯଥୋଦକେ ତୋୟମନୁପ୍ରବିଷ୍ଟଂ
ତଥାତ୍ମରୂପୋ ନିରୁପାଧିସଂସ୍ଥଃ ॥ ୬ ॥
ଆକାଶବତ୍ସୂକ୍ଷ୍ମଶରୀର ଆତ୍ମା
ନ ଦୃଶ୍ୟତେ ବାୟୁବଦନ୍ତରାତ୍ମା ।
ସ ବାହ୍ୟମଭ୍ୟନ୍ତରନିଶ୍ଚଲାତ୍ମା
ଜ୍ଞାନୋଲ୍କୟା ପଶ୍ୟତି ଚାନ୍ତରାତ୍ମା ॥ ୭ ॥
ଯତ୍ର ଯତ୍ର ମୃତୋ ଜ୍ଞାନୀ ଯେନ କେନାପି ମୃତ୍ୟୁନା ।
ଯଥା ସର୍ୱଗତଂ ବ୍ୟୋମ ତତ୍ର ତତ୍ର ଲୟଂ ଗତଃ ॥ ୮ ॥
ଶରୀରବ୍ୟାପିତଂ ବ୍ୟୋମ ଭୁବନାନି ଚତୁର୍ଦଶ ।
ନିଶ୍ଚଲୋ ନିର୍ମଲୋ ଦେହୀ ସର୍ୱବ୍ୟାପୀ ନିରଞ୍ଜନଃ ॥ ୯ ॥
ମୁହୂର୍ତମପି ଯୋ ଗଚ୍ଛେନ୍ନାସାଗ୍ରେ ମନସା ସହ ।
ସର୍ୱଂ ତରତି ପାପ୍ମାନଂ ତସ୍ୟ ଜନ୍ମ ଶତାର୍ଜିତମ୍ ॥ ୧୦ ॥
ଦକ୍ଷିଣେ ପିଙ୍ଗଲା ନାଡୀ ବହ୍ନିମଣ୍ଡଲଗୋଚରା ।
ଦେବୟାନମିତି ଜ୍ଞେୟା ପୁଣ୍ୟକର୍ମାନୁସାରିଣୀ ॥ ୧୧ ॥
ଇଲା ଚ ବାମନିଶ୍ୱାସସୋମମଣ୍ଡଲଗୋଚରା ।
ପିତୃୟାନମିତି ଜ୍ଞେୟଂ ବାମମାଶ୍ରିତ୍ୟ ତିଷ୍ଠତି ॥ ୧୨ ॥
ଗୁଦସ୍ୟ ପୃଷ୍ଠଭାଗେଽସ୍ମିନ୍ୱୀଣାଦଣ୍ଡସ୍ୟ ଦେହଭୃତ୍ ।
ଦୀର୍ଘାସ୍ତି ମୂର୍ଧ୍ନିପର୍ୟନ୍ତଂ ବ୍ରହ୍ମଦଣ୍ଡୀତି କଥ୍ୟତେ ॥ ୧୩ ॥
ତସ୍ୟାନ୍ତେ ସୁଷିରଂ ସୂକ୍ଷ୍ମଂ ବ୍ରହ୍ମନାଡୀତି ସୂରିଭିଃ ।
ଇଲାପିଙ୍ଗଲୟୋର୍ମଧ୍ୟେ ସୁଷୁମ୍ନା ସୂକ୍ଷ୍ମରୂପିଣୀ ।
ସର୍ୱଂ ପ୍ରତିଷ୍ଠିତଂ ଯସ୍ମିନ୍ସର୍ୱଗଂ ସର୍ୱତୋମୁଖମ୍ ॥ ୧୪ ॥
ତସ୍ୟ ମଧ୍ୟଗତାଃ ସୂର୍ୟସୋମାଗ୍ନିପରମେଶ୍ୱରାଃ ।
ଭୂତଲୋକା ଦିଶଃ କ୍ଷେତ୍ରସମୁଦ୍ରାଃ ପର୍ୱତାଃ ଶିଲାଃ ॥ ୧୫ ॥
ଦ୍ୱୀପାଶ୍ଚ ନିମ୍ନଗା ବେଦାଃ ଶାସ୍ତ୍ରବିଦ୍ୟାକଲାକ୍ଷରାଃ ।
ସ୍ୱରମନ୍ତ୍ରପୁରାଣାନି ଗୁଣାଶ୍ଚୈତେ ଚ ସର୍ୱଶଃ ॥ ୧୬ ॥
ବୀଜଂ ବୀଜାତ୍ମକାସ୍ତେଷାଂ କ୍ଷେତ୍ରଜ୍ଞାଃ ପ୍ରାଣବାୟବଃ ।
ସୁଷୁମ୍ନାନ୍ତର୍ଗତଂ ବିଶ୍ୱଂ ତସ୍ମିନ୍ସର୍ୱଂ ପ୍ରତିଷ୍ଠିତମ୍ ॥ ୧୭ ॥
ନାନାନାଡୀପ୍ରସବକଂ ସର୍ୱଭୂତାନ୍ତରାତ୍ମନି ।
ଊର୍ଧ୍ୱମୂଲମଧଃ ଶାଖଂ ବାୟୁମାର୍ଗେଣ ସର୍ୱଗମ୍ ॥ ୧୮ ॥
ଦ୍ୱିସପ୍ତତିସହସ୍ରାଣି ନାଡ୍ୟଃ ସ୍ୟୁର୍ୱାୟୁଗୋଚରାଃ ।
କର୍ମମାର୍ଗେଣ ସୁଷିରାସ୍ତିର୍ୟଞ୍ଚଃ ସୁଷିରାତ୍ମକାଃ ॥ ୧୯ ॥
ଅଧଶ୍ଚୋର୍ଧ୍ୱଗତାସ୍ତାସୁ ନବଦ୍ୱାରାଣି ଶୋଧୟନ୍ ।
ବାୟୁନା ସହ ଜୀବୋର୍ଧ୍ୱଜ୍ଞାନୀ ମୋକ୍ଷମବାପ୍ନୁୟାତ୍ ॥ ୨୦ ॥
ଅମରାବତୀନ୍ଦ୍ରଲୋକୋଽସ୍ମିନ୍ନାସାଗ୍ରେ ପୂର୍ୱତୋ ଦିଶି ।
ଅଗ୍ନିଲୋକୋ ହୃଦି ଜ୍ଞେୟଶ୍ଚକ୍ଷୁସ୍ତେଜୋବତୀ ପୁରୀ ॥ ୨୧ ॥
ଯାମ୍ୟା ସଂୟମନୀ ଶ୍ରୋତ୍ରେ ଯମଲୋକଃ ପ୍ରତିଷ୍ଠିତଃ ।
ନୈରୃତୋ ହ୍ୟଥ ତତ୍ପାର୍ଶ୍ୱେ ନୈରୃତୋ ଲୋକ ଆଶ୍ରିତଃ ॥ ୨୨ ॥
ବିଭାବରୀ ପ୍ରତୀଚ୍ୟାଂ ତୁ ପୃଷ୍ଠେ ବାରୁଣିକା ପୁରୀ ।
ବାୟୋର୍ଗନ୍ଧବତୀ କର୍ଣପାର୍ଶ୍ୱେ ଲୋକଃ ପ୍ରତିଷ୍ଠିତଃ ॥ ୨୩ ॥
ସୌମ୍ୟା ପୁଷ୍ପବତୀ ସୌମ୍ୟେ ସୋମଲୋକସ୍ତୁ କଣ୍ଠତଃ ।
ବାମକର୍ଣେ ତୁ ବିଜ୍ଞେୟୋ ଦେହମାଶ୍ରିତ୍ୟ ତିଷ୍ଠତି ॥ ୨୪ ॥
ବାମେ ଚକ୍ଷୁଷି ଚୈଶାନୀ ଶିବଲୋକୋ ମନୋନ୍ମନୀ ।
ମୂର୍ଧ୍ନି ବ୍ରହ୍ମପୁରୀ ଜ୍ଞେୟା ବ୍ରହ୍ମାଣ୍ଡଂ ଦେହମାଶ୍ରିତମ୍ ॥ ୨୫ ॥
ପାଦାଦଧଃ ଶିବୋଽନନ୍ତଃ କାଲାଗ୍ନିପ୍ରଲୟାତ୍ମକଃ ।
ଅନାମୟମଧଶ୍ଚୋର୍ଧ୍ୱଂ ମଧ୍ୟମଂ ତୁ ବହିଃ ଶିବମ୍ ॥ ୨୬ ॥
ଅଧଃ ପଦୋଽତଲଂ ବିଦ୍ୟାତ୍ପାଦଂ ଚ ବିତଲଂ ବିଦୁଃ ।
ନିତଲଂ ପାଦସନ୍ଧିଶ୍ଚ ସୁତଲଂ ଜଙ୍ଘମୁଚ୍ୟତେ ॥ ୨୭ ॥
ମହାତଲଂ ତୁ ଜାନୁ ସ୍ୟାଦୂରୁଦେଶୋ ରସାତଲମ୍ ।
କଟିସ୍ତାଲତଲଂ ପ୍ରୋକ୍ତଂ ସପ୍ତ ପାତାଲସଂଜ୍ଞୟା ॥ ୨୮ ॥
କାଲାଗ୍ନିନରକଂ ଘୋରଂ ମହାପାତାଲସଂଜ୍ଞୟା ।
ପାତାଲଂ ନାଭ୍ୟଧୋଭାଗୋ ଭୋଗୀନ୍ଦ୍ରଫଣିମଣ୍ଡଲମ୍ ॥ ୨୯ ॥
ବେଷ୍ଟିତଃ ସର୍ୱତୋଽନନ୍ତଃ ସ ବିଭ୍ରଜ୍ଜୀବସଂଜ୍ଞକଃ ।
ଭୂଲୋକଂ ନାଭିଦେଶଂ ତୁ ଭୁବର୍ଲୋକଂ ତୁ କୁକ୍ଷିତଃ ॥ ୩୦ ॥
ହୃଦୟଂ ସ୍ୱର୍ଗଲୋକଂ ତୁ ସୂର୍ୟାଦିଗ୍ରହତାରକାଃ ।
ସୂର୍ୟସୋମସୁନକ୍ଷତ୍ରଂ ବୁଧଶୁକ୍ରକୁଜାଙ୍ଗିରାଃ ॥ ୩୧ ॥
ମନ୍ଦଶ୍ଚ ସପ୍ତମୋ ହ୍ୟେଷ ଧ୍ରୁବୋଽତଃ ସ୍ୱର୍ଗଲୋକତଃ ।
ହୃଦୟେ କଲ୍ପୟନ୍ୟୋଗୀ ତସ୍ମିନ୍ସର୍ୱସୁଖଂ ଲଭେତ୍ ॥ ୩୨ ॥
ହୃଦୟସ୍ୟ ମହର୍ଲୋକଂ ଜନୋଲୋକଂ ତୁ କଣ୍ଠତଃ ।
ତପୋଲୋକଂ ଭ୍ରୁବୋର୍ମଧ୍ୟେ ମୂର୍ଧ୍ନି ସତ୍ୟଂ ପ୍ରତିଷ୍ଠିତମ୍ ॥ ୩୩ ॥
ବ୍ରହ୍ମାଣ୍ଡରୂପିଣୀ ପୃଥ୍ୱୀ ତୋୟମଧ୍ୟେ ବିଲୀୟତେ ।
ଅଗ୍ନିନା ପଚ୍ୟତେ ତୋୟଂ ବାୟୁନା ଗ୍ରସ୍ୟତେଽନଲଃ ॥ ୩୪ ॥
ଆକାଶଂ ତୁ ପିବେଦ୍ୱାୟୁଂ ମନଶ୍ଚାକାଶମେବ ଚ ।
ବୁଦ୍ଧ୍ୟହଙ୍କାରଚିତ୍ତଂ ଚ କ୍ଷେତ୍ରଜ୍ଞଃ ପରମାତ୍ମନି ॥ ୩୫ ॥
ଅହଂ ବ୍ରହ୍ମେତି ମାଂ ଧ୍ୟାୟେଦେକାଗ୍ରମନସା ସକୃତ୍ ।
ସର୍ୱଂ ତରତି ପାପ୍ମାନଂ କଲ୍ପକୋଟିଶତୈଃ କୃତମ୍ ॥ ୩୬ ॥
ଘଟସଂବୃତମାକାଶଂ ନୀୟମାନେ ଘଟେ ଯଥା ।
ଘଟୋ ନଶ୍ୟତି ନାକାଶଂ ତଦ୍ୱଜ୍ଜୀବ ଇହାତ୍ମନି ॥ ୩୭ ॥
ଘଟାକାଶମିବାତ୍ମାନଂ ବିଲୟଂ ବେତ୍ତି ତତ୍ତ୍ୱତଃ ।
ସ ଗଚ୍ଛତି ନିରାଲମ୍ବଂ ଜ୍ଞାନାଲୋକ୍ୟଂ ନ ସଂଶୟଃ ॥ ୩୮ ॥
ତପେଦ୍ୱର୍ଷସହସ୍ରାଣି ଏକପାଦସ୍ଥିତୋ ନରଃ ।
ଏକସ୍ୟ ଧ୍ୟାନୟୋଗସ୍ୟ କଲାଂ ନାର୍ହନ୍ତି ଷୋଡଶୀମ୍ ॥ ୩୯ ॥
ଆଲୋଡ୍ୟ ଚତୁରୋ ବେଦାନ୍ଧର୍ମଶାସ୍ତ୍ରାଣି ସର୍ୱଦା ।
ଯୋ ବୈ ବ୍ରହ୍ମ ନ ଜାନାତି ଦର୍ୱୀ ପାକରସଂ ଯଥା ॥ ୪୦ ॥
ଯଥା ଖରଶ୍ଚନ୍ଦନଭାରବାହୀ
ସାରସ୍ୟ ବାହୀ ନ ତୁ ଚନ୍ଦନସ୍ୟ ।
ଏବଂ ହି ଶାସ୍ତ୍ରାଣି ବହୂନ୍ୟଧୀତ୍ୟ
ସାରଂ ତ୍ୱଜାନନ୍ଖରବଦ୍ୱହେତ୍ସଃ ॥ ୪୧ ॥
ଅନନ୍ତକର୍ମ ଶୌଚଂ ଚ ଜପୋ ଯଜ୍ଞସ୍ତଥୈବ ଚ ।
ତୀର୍ଥୟାତ୍ରାଦିଗମନଂ ଯାବତ୍ତତ୍ତ୍ୱଂ ନ ବିନ୍ଦତି ॥ ୪୨ ॥
ଗବାମନେକବର୍ଣାନାଂ କ୍ଷୀରଂ ସ୍ୟାଦେକବର୍ଣକମ୍ ।
କ୍ଷୀରବଦ୍ଦୃଶ୍ୟତେ ଜ୍ଞାନଂ ଦେହିନାଂ ଚ ଗବାଂ ଯଥା ॥ ୪୩ ॥
ଅହଂ ବ୍ରହ୍ମେତି ନିୟତଂ ମୋକ୍ଷହେତୁର୍ମହାତ୍ମନାମ୍ ।
ଦ୍ୱେ ପଦେ ବନ୍ଧମୋକ୍ଷାୟ ନ ମମେତି ମମେତି ଚ ॥ ୪୪ ॥
ମମେତି ବଧ୍ୟତେ ଜନ୍ତୁର୍ନ ମମେତି ବିମୁଚ୍ୟତେ ।
ମନସୋ ହ୍ୟୁନ୍ମନୀଭାବାଦ୍ଦ୍ୱୈତଂ ନୈବୋପଲଭ୍ୟତେ ।
ଯଦା ଯାତ୍ୟୁନ୍ମନୀଭାବଂ ତଦା ତତ୍ପରମଂ ପଦମ୍ ॥ ୪୫ ॥
ହନ୍ୟାନ୍ମୁଷ୍ଟିଭିରାକାଶଂ କ୍ଷୁଧାର୍ତଃ କଣ୍ଡୟେତ୍ତୁଷମ୍ ।
ନାହଂ ବ୍ରହ୍ମେତି ଜାନାତି ତସ୍ୟ ମୁକ୍ତିର୍ନ ଜାୟତେ ॥ ୪୬ ॥
ଇତି ଉତ୍ତରଗୀତାୟାଂ ଦ୍ୱିତୀୟୋଽଧ୍ୟାୟଃ ॥
॥ ତୃତୀୟୋଽଧ୍ୟାୟଃ ॥
ଯୋଗୀ ବ୍ୟର୍ଥକ୍ରିୟାଲାପପରିତ୍ୟାଗେନ ଶାନ୍ତଧୀଃ ।
ତୃତୀୟେ ଶରଣଂ ଯାୟାଦ୍ଧରିମେବେତି କୀର୍ତ୍ୟତେ ॥
ଶ୍ରୀଭଗବାନୁବାଚ-
ଅନନ୍ତଶାସ୍ତ୍ରଂ ବହୁବେଦିତବ୍ୟ-
ମଲ୍ପଶ୍ଚ କାଲୋ ବହବଶ୍ଚ ବିଘ୍ନାଃ ।
ଯତ୍ସାରଭୂତଂ ତଦୁପାସିତବ୍ୟଂ
ହଂସୋ ଯଥା କ୍ଷୀରମିବାମ୍ବୁମିଶ୍ରମ୍ ॥ ୧ ॥
ପୁରାଣଂ ଭାରତଂ ବେଦଶାସ୍ତ୍ରାଣି ବିବିଧାନି ଚ ।
ପୁତ୍ରଦାରାଦିସଂସାରୋ ଯୋଗାଭ୍ୟାସସ୍ୟ ବିଘ୍ନକୃତ୍ ॥ ୨ ॥
ଇଦଂ ଜ୍ଞାନମିଦଂ ଜ୍ଞେୟଂ ଯଃ ସର୍ୱଂ ଜ୍ଞାତୁମିଚ୍ଛତି ।
ଅପି ବର୍ଷସହସ୍ରାୟୁଃ ଶାସ୍ତ୍ରାନ୍ତଂ ନାଧିଗଚ୍ଛତି ॥ ୩ ॥
ବିଜ୍ଞେୟୋଽକ୍ଷରତନ୍ମାତ୍ରଂ ଜୀବିତଂ ଚାପି ଚଞ୍ଚଲମ୍ ।
ବିହାୟ ଶାସ୍ତ୍ରଜାଲାନି ଯତ୍ସତ୍ୟଂ ତଦୁପାସ୍ୟତାମ୍ ॥ ୪ ॥
ପୃଥିବ୍ୟାଂ ଯାନି ଭୂତାନି ଜିହ୍ୱୋପସ୍ଥନିମିତ୍ତିକମ୍ ।
ଜିହ୍ୱୋପସ୍ଥପରିତ୍ୟାଗେ ପୃଥିବ୍ୟାଂ କିଂ ପ୍ରୟୋଜନମ୍ ॥ ୫ ॥
ତୀର୍ଥାନି ତୋୟପୂର୍ଣାନି ଦେବାନ୍ପାଷାଣମୃନ୍ମୟାନ୍ ।
ଯୋଗିନୋ ନ ପ୍ରପଦ୍ୟନ୍ତେ ଆତ୍ମଧ୍ୟାନପରାୟଣାଃ ॥ ୬ ॥
ଅଗ୍ନିର୍ଦେବୋ ଦ୍ୱିଜାତୀନାଂ ମୁନୀନାଂ ହୃଦି ଦୈବତମ୍ ।
ପ୍ରତିମା ସ୍ୱଲ୍ପବୁଦ୍ଧୀନାଂ ସର୍ୱତ୍ର ସମଦର୍ଶିନାମ୍ ॥ ୭ ॥
ସର୍ୱତ୍ରାବସ୍ଥିତଂ ଶାନ୍ତଂ ନ ପ୍ରପଶ୍ୟେଜ୍ଜନାର୍ଦନମ୍ ।
ଜ୍ଞାନଚକ୍ଷୁର୍ୱିହୀନତ୍ୱାଦନ୍ଧଃ ସୂର୍ୟମିବୋଦିତମ୍ ॥ ୮ ॥
ଯତ୍ର ଯତ୍ର ମନୋ ଯାତି ତତ୍ର ତତ୍ର ପରଂ ପଦମ୍ ।
ତତ୍ର ତତ୍ର ପରଂ ବ୍ରହ୍ମ ସର୍ୱତ୍ର ସମବସ୍ଥିତମ୍ ॥ ୯ ॥
ଦୃଶ୍ୟନ୍ତେ ଦୃଶି ରୂପାଣି ଗଗନଂ ଭାତି ନିର୍ମଲମ୍ ।
ଅହମିତ୍ୟକ୍ଷରଂ ବ୍ରହ୍ମ ପରମଂ ବିଷ୍ଣୁମବ୍ୟଯମ୍ ॥ ୧୦ ॥
ଦୃଶ୍ୟତେ ଚେତ୍ଖଗାକାରଂ ଖଗାକାରଂ ବିଚିନ୍ତୟେତ୍ ।
ସକଲଂ ନିଷ୍କଲଂ ସୂକ୍ଷ୍ମଂ ମୋକ୍ଷଦ୍ୱାରେଣ ନିର୍ଗତମ୍ ॥ ୧୧ ॥
ଅପବର୍ଗସ୍ୟ ନିର୍ୱାଣଂ ପରମଂ ବିଷ୍ଣୁମବ୍ୟଯମ୍ ।
ସର୍ୱଜ୍ୟୋତିର୍ନିରାକାରଂ ସର୍ୱଭୂତଗୁଣାନ୍ୱିତମ୍ ॥ ୧୨ ॥
ସର୍ୱତ୍ର ପରମାତ୍ମାନଂ ଅହମାତ୍ମା ପରମବ୍ୟଯମ୍ ।
ଅହଂ ବ୍ରହ୍ମେତି ଯଃ ସର୍ୱଂ ବିଜାନାତି ନରଃ ସଦା ।
ହନ୍ୟାତ୍ସ୍ୱୟମିମାନ୍କାମାନ୍ସର୍ୱାଶୀ ସର୍ୱବିକ୍ରୟୀ ॥ ୧୩ ॥
ନିମିଷଂ ନିମିଷାର୍ଧଂ ବା ଶୀତାଶୀତନିବାରଣମ୍ ।
ଅଚଲା କେଶବେ ଭକ୍ତିର୍ୱିଭବୈଃ କିଂ ପ୍ରୟୋଜନମ୍ ॥ ୧୪ ॥
ଭିକ୍ଷାନ୍ନଂ ଦେହରକ୍ଷାର୍ଥଂ ବସ୍ତ୍ରଂ ଶୀତନିବାରଣମ୍ ।
ଅଶ୍ମାନଂ ଚ ହିରଣ୍ୟଂ ଚ ଶାକଂ ଶାଲ୍ୟୋଦନଂ ତଥା ॥ ୧୫ ॥
ସମାନଂ ଚିନ୍ତୟେଦ୍ୟୋଗୀ ଯଦି ଚିନ୍ତ୍ୟମପେକ୍ଷତେ ।
ଭୂତବସ୍ତୁନ୍ୟଶୋଚିତ୍ୱଂ ପୁନର୍ଜନ୍ମ ନ ବିଦ୍ୟତେ ॥ ୧୬ ॥
ଆତ୍ମୟୋଗମବୋଚଦ୍ୟୋ ଭକ୍ତିୟୋଗଶିରୋମଣିମ୍ ।
ତଂ ବନ୍ଦେ ପରମାନନ୍ଦଂ ନନ୍ଦନନ୍ଦନମୀଶ୍ୱରମ୍ ॥
ଇତି ଉତ୍ତରଗୀତାୟାଂ ତୃତୀୟୋଽଧ୍ୟାୟଃ ॥
– Chant Stotra in Other Languages –
Uttara Gita in Sanskrit – English – Bengali – Gujarati – Kannada – Malayalam – Odia – Telugu – Tamil