॥ Vichakhnu Geetaa Bengali Lyrics ॥
॥ বিচখ্নুগীতা ॥
অধ্যায়ঃ ২৫৭
ভী
অত্রাপ্যুদাহরন্তীমমিতিহাসং পুরাতনম্ ।
প্রজানামনুকম্পার্থং গীতং রাজ্ঞা বিচখ্নুনা ॥ ১ ॥
ছিন্নস্থূনং বৃষং দৃষ্ট্বা বিরাবং চ গবাং ভৃশম্ ।
গোগ্রহে যজ্ঞবাতস্য প্রেক্ষমাণঃ স পার্থিবঃ ॥ ২ ॥
স্বস্তি গোভ্যোঽস্তু লোকেষু ততো নির্বচনং কৃতম্ ।
হিংসায়াং হি প্রবৃত্তায়ামাশীরেষানুকল্পিতা ॥ ৩ ॥
অব্যবস্থিত মর্যাদৈর্বিমূঢৈর্নাস্তিকৈর্নরৈঃ ।
সংশয়াত্মভিরব্যক্তৈর্হিংসা সমনুকীর্তিতা ॥ ৪ ॥
সর্বকর্ম স্বহিংসা হি ধর্মাত্মা মনুরব্রবীৎ ।
কামরাগাদ্বিহিংসন্তি বহির্বেদ্যাং পশূন্নরাঃ ॥ ৫ ॥
তস্মাৎপ্রমানতঃ কার্যো ধর্মঃ সূক্ষ্মো বিজানতা ।
অহিংসৈব হি সর্বেভ্যো ধর্মেভ্যো জ্যায়সী মতা ॥ ৬ ॥
উপোষ্য সংশিতো ভূৎবা হিৎবা বেদ কৃতাঃ শ্রুতীঃ ।
আচার ইত্যনাচারাঃ কৃপণাঃ ফলহেতবঃ ॥ ৭ ॥
যদি যজ্ঞাংশ্চ বৃক্ষাংশ্চ যূপাংশ্চোদ্ধিশ্য মানবাঃ ।
বৃথা মাংসানি খাদন্তি নৈষ ধর্মঃ প্রশস্যতে ॥ ৮ ॥
মাংসং মধু সুরা মৎস্যা আসবং কৃসরৌদনম্ ।
ধূর্তৈঃ প্রবর্তিতং হ্যেতন্নৈতদ্বেদেষু কল্পিতম্ ॥ ৯ ॥
কামান্মোহাচ্চ লোভাচ্চ লৌল্যমেতৎপ্রবর্তিতম্ ।
বিষ্ণুমেবাভিজানন্তি সর্বয়জ্ঞেষু ব্রাহ্মণাঃ ।
পায়সৈঃ সুমনোভিশ্চ তস্যাপি যজনং স্মৃতম্ ॥ ১০ ॥
যজ্ঞিয়াশ্চৈব যে বৃক্ষা বেদেষু পরিকল্পিতাঃ ।
যচ্চাপি কিং চিৎকর্তব্যমন্যচ্চোক্ষৈঃ সুসংস্কৃতম্ ।
মহাসত্ত্বৈঃ শুদ্ধভাবৈঃ সর্বং দেবার্হমেব তৎ ॥ ১১ ॥
য্
শরীরমাপদশ্চাপি বিবদন্ত্যবিহিংসতঃ ।
কথং যাত্রা শরীরস্য নিরারম্ভস্য সেৎস্যতি ॥ ১২ ॥
ভী
যথা শরীরং ন গ্লায়েন্নেয়ান্মৃত্যুবশং যথা ।
তথা কর্মসু বর্তেত সমর্থো ধর্মমাচরেৎ ॥ ১৩ ॥
॥ ইতি বিচখ্নুগীতা সমাপ্তা ॥
– Chant Stotra in Other Languages –
Vichakhnu Gita in Sanskrit – English – Bengali – Gujarati – Kannada – Malayalam – Odia – Telugu – Tamil