॥ Vidya Geetaa Bengali Lyrics ॥
॥ বিদ্যাগীতা ॥
ত্রিপুরা রহস্যে জ্ঞানখণ্ডে
অথ বিংশোধ্যায়ঃ ।
অত্র তে বর্তয়িষ্যামি পুরা বৃত্তং শ্রুণুষ্ব তৎ ।
পুরা ব্রহ্মসভামধ্যে সত্যলোকেঽতিপাবনে ॥ ১ ॥
জ্ঞানপ্রসঙ্গঃ সমভূৎ সূক্ষ্মাৎসূক্ষ্মবিমর্শনঃ ।
সনকাদ্যা বসিষ্ঠশ্চ পুলস্ত্যঃ পুলহঃ ক্রতুঃ ॥ ২ ॥
ভৃগুরত্রিরঙ্গিরাশ্চ প্রচেতা নারদস্তথা ।
চ্যবনো বামদেবশ্চ বিশ্বামিত্রোঽথ গৌতমঃ ॥ ৩ ॥
শুক্রঃ পরাশরো ব্যাসঃ কণ্বঃ কাশ্যপ এব চ ।
দক্ষঃ সুমন্তুঃ শঙ্খশ্চ লিখিতো দেবলোঽপি চ ॥ ৪ ॥
এবমন্যে ঋষিগণা রাজর্ষিপ্রবরা অপি ।
সর্বে সমুদিতাস্তত্র ব্রহ্মসত্রে মহত্তরে ॥ ৫ ॥
মীমাংসাং চক্রুরত্যুচ্চৈঃ সূক্ষ্মাৎসূক্ষ্মনিরূপিণৈঃ ।
ব্রহ্মাণং তত্র পপ্রচ্ছুরৃষয়ঃ সর্ব এব তে ॥ ৬ ॥
ভগবন্ জ্ঞানিনো লোকে বয়ং জ্ঞাতপরাবরাঃ ।
তেষাং নো বিবিধা ভাতি স্থিতিঃ প্রকৃতিভেদতঃ ॥ ৭ ॥
কেচিৎ সদা সমাধিস্থাঃ কেচিন্মীমাংসনে রতাঃ ।
অপরে ভক্তিনির্মগ্নাশ্চান্যে কর্মসমাশ্রয়াঃ ॥ ৮ ॥
ব্যবহারপরাস্ত্বেকে বহির্মুখনরা ইব ।
তেষু শ্রেয়ান্ হি কতম এতন্নো বক্তুমর্হসি ॥ ৯ ॥
স্বস্বপক্ষং বয়ং বিদ্মঃ শ্রেয়াংসমিতি বৈ বিধে ।
ইতি পৃষ্টোঽবদদ্ ব্রহ্মা মৎবাঽনাশ্বস্তমানসান্ ॥ ১০ ॥
মুনীন্দ্রা নাহমপ্যেতদ্বেদ্মি সর্বাত্মনা ততঃ ।
জানীয়াদিমমর্থং তু সর্বজ্ঞঃ পরমেশ্বরঃ ॥ ১১ ॥
তত্র যামোঽথ সম্প্রষ্টুমিত্যুক্ত্বা তত্র তৈরয়ৌ ।
সঙ্গম্য দেবদেবেশং বিষ্ণুনাভিসমাগতম্ ॥ ১২ ॥
পপ্রচ্ছ ঋষিমুখ্যানাং প্রশ্নং তং লোকসৃড্বিধিঃ ।
প্রশ্নং নিশম্য চ শিবো জ্ঞাৎবা বিধিমনোগতম্ ॥ ১৩ ॥
মৎবাঽনাশ্বস্তমনস ঋষীন্ দেবো ব্যচিন্তয়ৎ ।
কিঞ্চিদুক্তং ময়াঽত্রাপি ব্যর্থমেব ভবেন্ননু ॥ ১৪ ॥
স্বপক্ষৎবেন জানীয়ুরৃষয়োঽশ্রদ্ধয়া যুতাঃ ।
ইতি মৎবা প্রত্যুবাচ দেবদেবো মহেশ্বরঃ ॥ ১৫ ॥
শ্রুণুধ্বং মুনয়ো নাহমপ্যেতদ্বেদ্মি সুস্ফুটম্ ।
অতো বিদ্যাং ভগবতীং ধ্যায়ামঃ পরমেশ্বরীম্ ॥১৬ ॥
তৎপ্রসাদান্নিগূঢার্থমপি বিদ্মস্ততঃ পরম্ ।
ইত্যুক্তা মুনয়ঃ সর্বে বিধিবিষ্ণুশিবৈঃ সহ ॥ ১৭ ॥
দধ্যুর্বিদ্যাং মহেশানীং ত্রিপুরাং চিচ্ছরীরিণীম্ ।
এবং সর্বৈরভিধ্যাতা ত্রিপুআরা চিচ্ছরীরিণী ॥ ১৮ ॥
আবিরাসীচ্চিদাকাশময়ী শব্দময়ী পরা ।
অভবদ্ মেঘগম্ভীরনিঃস্বনো গগনাঙ্গণে ॥ ১৯ ॥
বদন্ত্বৃষিগণাঃ কিং বো ধ্যাতা তদ্দ্রুতমীহিতম্ ।
মৎপরাণাং হি কেষাঞ্চিন্ন হীয়েতাভিবাঞ্ছিতম্ ॥ ২০ ॥
ইতি শ্রুৎবা পরাং বাণীং প্রণেমুর্মুনিপুঙ্গবাঃ ।
ব্রহ্মাদয়োঽপি তদনু তুষ্টুবুর্বিবিধৈঃ স্তবৈঃ ॥ ২১ ॥
অথ প্রোচুরৃষিগণা বিদ্যাং তাং ত্রিপুরেশ্বরীম্ ।
নমস্তুভ্যং মহেশানি শ্রীবিদ্যে ত্রিপুরেশ্বরি ॥ ২২ ॥
অশেষোৎপাদয়িত্রী ৎবং স্থাপয়িত্রী নিজাত্মনি ।
বিলাপয়িত্রী সর্বস্য পরমেশ্বরি তে নমঃ ॥ ২৩ ॥
অনূতনা সর্বদাঽসি যতো নাস্তি জনিস্তব ।
নবাত্মিকা সদা ৎবং বৈ যতো নাস্তি জরা তব ॥ ২৪ ॥
সর্বাঽসি সর্বসারাঽসি সর্বজ্ঞা সর্বহর্ষিণী ।
অসর্বাঽসর্বগাঽসারাঽসর্বজ্ঞাঽসর্বহর্ষিণী ॥ ২৫ ॥
দেবি ভূয়ো নমস্তুভ্যং পুরস্তাৎ পৃষ্ঠতোঽপি চ ।
অধস্তাদূর্ধ্বতঃ পার্শ্বে সর্বতস্তে নমো নমঃ ॥ ২৬ ॥
ব্রূহি যত্তেঽপরং রূপমৈশ্বর্যং জ্ঞানমেব চ ।
ফলং তৎসাধনং মুখ্যং সাধকং সিদ্ধমেব চ ॥ ২৭ ॥
সিদ্ধেস্তু পরমাং কাষ্ঠাং সিদ্ধেষূত্তমমেব চ ।
দেব্যেতৎ ক্রমতো ব্রূহি ভূয়স্তুভ্যং নমো নমঃ ॥ ২৮ ॥
ইত্যাপৃষ্টা মহাবিদ্যা প্রবক্তুমুপচক্রমে ।
দয়মানা ঋষিগণে স্পষ্টার্থং পরমং বচঃ ॥ ২৯ ॥
শ্রুণুধ্বমৃষয়ঃ সর্বং প্রবক্ষ্যামি ক্রমেণ তৎ ।
অমৃতং হ্যাগমাম্ভোধে সমুদ্ধৃত্য দদামি বঃ ॥ ৩০ ॥
যত্র সর্বং জগদিদং দর্পণপ্রতিবিম্ববৎ ।
উৎপন্নং চ স্থিতং লীনং সর্বেষাং ভাসতে সদা ॥ ৩১ ॥
যদেব জগদাকারং ভাসতেঽবিদিতাত্মনাম্ ।
যদ্যোগিনাং নির্বিকল্পং বিভাত্যাত্মনি কেবলম্ ॥ ৩২ ॥
গম্ভীরস্তিমিতাম্ভোধিরিব নিশ্চলভাসনম্ ।
যৎ সুভক্তিঐরতিশয়প্রীত্যা কৈতববর্জনাৎ ॥ ৩৩ ॥
স্বভাবস্য স্বরসতো জ্ঞাৎবাপি স্বাদ্বয়ং পদম্ ।
বিভেদভাবমাহৃত্য সেব্যতেঽত্যন্ততৎপরৈঃ ॥ ৩৪ ॥
অক্ষান্তঃকরণাদীনাং প্রাণসূত্রং যদান্তরম্ ।
যদভানে ন কিঞ্চিৎ স্যাদ্যচ্ছাস্ত্রৈরভিলক্ষিতম্ ॥ ৩৫ ॥
পরা সা প্রতিভা দেব্যাঃ পরং রূপং মমেরিতম্ ।
ব্রহ্মাণ্ডানামনেকানাং বহিরূর্ধ্বে সুধাম্বুধৌ ॥ ৩৬ ॥
মণিদ্বীপে নীপবনে চিন্তামণিসুমন্দিরে ।
পঞ্চব্রহ্মময়ে মঞ্চে রূপং ত্রৈপুরসুন্দরম্ ॥ ৩৭ ॥
অনাদিমিথুনং যত্তদপরাখ্যমৃষীশ্বরাঃ ।
তথা সদাশিবেশানৌ বিধিবিষ্ণুত্রিলোচনাঃ ॥ ৩৮ ॥
গণেশস্কন্দদিক্পালাঃ শক্তয়ো গণদেবতাঃ ।
যাতুধানাঃ সুরা নাগা যক্ষকিম্পুরুষাদয়ঃ ॥ ৩৯ ॥
পূজ্যাঃ সর্বা মম তনূরপরাঃ পরিকীর্তিতাঃ ।
মম মায়াবিমূঢাস্তু মাং ন জানন্তি সর্বতঃ ॥ ৪০ ॥
পূজিতাঽহমেব সর্বৈর্দদামি ফলমীহিতম্ ।
ন মত্তোঽন্যা কাচিদস্তি পূজ্যা বা ফলদায়িনী ॥ ৪১ ॥
যথা যো মাং ভাবয়তি ফলং মৎ প্রাপ্নুয়াত্তথা ।
মমৈশ্বর্যমৃষিগণা অপরিচ্ছিন্নমীরিতম্ ॥ ৪২ ॥
অনপেক্ষ্যৈব যৎকিঞ্চিদ্ অহমদ্বয়ীচিন্ময়ী ।
স্ফুরাম্যনন্তজগদাকারেণ ঋষিপুঙ্গবাঃ ॥ ৪৩ ॥
তথা স্ফুরন্ত্যপি সদা নাত্যেম্যদ্বৈতচিদ্বপুঃ ।
এতন্মে মুখ্যমৈশ্বর্যং দুর্ঘটার্থবিভাবনম্ ॥ ৪৪ ॥
মমৈশ্বর্যং তু ঋষয়ঃ পশ্যধ্বং সূক্ষ্ময়া দৃশা ।
সর্বাশ্রয়া সর্বগতা চাপ্যহং কেবলা স্থিতা ॥ ৪৫ ॥
স্বমায়যা স্বমজ্ঞাৎবা সংসরন্তী চিরাদহম্ ।
ভূয়ো বিদিৎবা স্বাত্মানং গুরোঃ শিষ্যপদং গতা ॥ ৪৬ ॥
নিত্যমুক্তা পুনর্মুক্তা ভূয়ো ভূয়ো ভবাম্যহম্ ।
নিরুপাদানসম্ভারং সৃজামি জগদীদৃশম্ ॥ ৪৭ ॥
ইত্যাদি সন্তি বহুধা মমৈশ্বর্যপরম্পরাঃ ।
ন তদ্ গণয়িতুং শক্যং সহস্রবদনেন বা ॥ ৪৮ ॥
শ্রুণ্বন্তু সঙ্গ্রহাদ্ বক্ষ্যে মদৈশ্বর্যস্য লেশতঃ ।
জগদ্যাত্রা বিচিত্রেয়ং সর্বতঃ সম্প্রসারিতা ॥ ৪৯ ॥
মম জ্ঞানং বহুবিধং দ্বৈতাদ্বৈতাদিভেদতঃ ।
পরাপরবিভেদাচ্চ বহুধা চাপি তৎফলম্ ॥ ৫০ ॥
দ্বৈতজ্ঞানং তু বিবিধং দ্বিতীয়ালম্বনং যতঃ ।
ধ্যানমেব তু তৎপ্রোক্তং স্বপ্নরাজ্যাদিসম্মিতম্ ॥ ৫১ ॥
তচ্চাপি সফলং জ্ঞেয়ং নিয়ত্যা নিয়তং যতঃ ।
অপরং চাপি বিবিধং তত্র মুখ্যং তদেব হি ॥ ৫২ ॥
প্রোক্তমুখ্যাপরময়ং ধ্যানং মুখ্য ফলক্রমম্ ।
অদ্বৈতবিজ্ঞানমেব পরবিজ্ঞানমীরিতম্ ॥ ৫৩ ॥
মামনারাধ্য পরমাং চিরং বিদ্যাং তু শ্রীমতীম্ ।
কথং প্রাপ্যেত পরমাং বিদ্যামদ্বৈতসংজ্ঞিকাম্ ॥ ৫৪ ॥
তদেবাদ্বৈতবিজ্ঞানং কেবলা যা পরা চিতিঃ ।
তস্যাঃ শুদ্ধদশামর্শো দ্বৈতামর্শাভিভাবকঃ ॥ ৫৫ ॥
চিত্তং যদা স্বমাত্মানং কেবলং হ্যভিসম্পতেৎ ।
তদেবানুবিভাতং স্যাদ্ বিজ্ঞানমৃষিসত্তমাঃ ॥ ৫৬ ॥
শ্রুতিতো যুক্তিতো বাপি কেবলাত্মবিভাসনম্ ।
দেহাদ্যাত্মাবভাসস্য নাশনং জ্ঞানমুচ্যতে ॥ ৫৭ ॥
তদেব ভবতি জ্ঞানং যজ্জ্ঞানেন তু কিঞ্চন ।
ভাসমানমপি ক্বাপি ন বিভায়াৎ কথঞ্চন ॥ ৫৮ ॥
তদেবাদ্বৈতবিজ্ঞানং যদ্বিজ্ঞানেন কিঞ্চন ।
অবিজ্ঞাতং নৈব ভবেৎ কদাচিল্লেশতোঽপি চ ॥ ৫৯ ॥
সর্ববিজ্ঞানাত্মরূপং যদ্বিজ্ঞানং ভবেৎ খলু ।
তদেবাদ্বৈতবিজ্ঞানং পরমং তাপসোত্তমাঃ ॥ ৬০ ॥
জাতে যাদৃশবিজ্ঞানে সংশয়াশ্চিরসম্ভৃতাঃ ।
বায়ুনেবাভ্রজালানি বিলীয়ন্তে পরং হি তৎ ॥ ৬১ ॥
কামাদিবাসনাঃ সর্বা যস্মিন্ সন্তি ন কিঞ্চন ।
স্যুর্ভগ্নদংষ্ট্রাহিরিব তদ্বিজ্ঞানং পরং স্মৃতম্ ॥ ৬২ ॥
বিজ্ঞানস্য ফলং সর্বদুঃখানাং বিলয়ো ভবেৎ ।
অত্যন্তাভয়সম্প্রাপ্তির্মোক্ষ ইত্যুচ্যতে ফলম্ ॥ ৬৩ ॥
ভয়ং দ্বিতীয়সঙ্কাল্পাদদ্বৈতে বিদিতে দৃঢম্ ।
কুতঃ স্যাদ্ দ্বৈতসঙ্কল্পস্তমঃ সূর্যোদয়ে যথা ॥ ৬৪ ॥
ঋষয়ো ন ভয়ং ক্বাপি দ্বৈতসঙ্কল্পবর্জনে ।
অতো যৎফলান্যৎ স্যাত্তদ্ভয়ং সর্বথা ভবেৎ ॥ ৬৫ ॥
অন্তবত্তু দ্বিতীয়ং স্যাদ্ ভূয়ো লোকে সমীক্ষণাৎ ।
সান্তে ভয়ং সর্বথৈবাভয়ং তস্মাৎ কুতো ভবেৎ ॥ ৬৬ ॥
সংয়োগো বিপ্রয়োগান্তঃ সর্বথৈব বিভাবিতঃ ।
ফলয়োগোঽপি তস্মাদ্ধি বিনশ্যেদিতি নিশ্চয়ঃ ॥ ৬৭ ॥
যাবদন্যৎ ফলং প্রোক্তং ভয়ং তাবৎপ্রকীর্তিতম্ ।
তদেবাভয়রূপং তু ফলং সর্বে প্রচক্ষতে ॥ ৬৮ ॥
যদাত্মনোঽনন্যদেব ফলং মোক্ষঃ প্রকীর্তিতঃ ।
জ্ঞাতা জ্ঞানং জ্ঞেয়মপি ফলং চৈকং যদা ভবেৎ ॥ ৬৯ ॥
তদা হি পরমো মোক্ষঃ সর্বভীতিবিবর্জিতঃ ।
জ্ঞানং বিকল্পসঙ্কল্পহানং মৌঢ্যবিবর্জিতম্ ॥ ৭০ ॥
জ্ঞাতুঃ স্বচ্ছাত্মরূপং তদাদাবনুপলক্ষিতম্ ।
উপলক্ষক এবাতো গুরুঃ শাস্ত্রং চ নেতরৎ ॥ ৭১ ॥
এতদেব হি বিজ্ঞেয়স্বরূপমভিধীয়তে ।
জ্ঞাতৃজ্ঞানজ্ঞেয়গতো যাবদ্ ভেদোঽবভাসতে ॥ ৭২ ॥
তাবজ্জ্ঞাতা জ্ঞানমপি জ্ঞেয়ং বা ন ভবেৎ ক্বচিৎ ।
যদা ভেদো বিগলিতো জ্ঞাত্রাদীনাং মিথঃ স্থিতঃ ॥ ৭৩ ॥
তদা জ্ঞাত্রাদিসম্পত্তিরেতদেব ফলং স্মৃতম্ ।
জ্ঞাত্রাদিফলপর্যন্তং ন ভেদো বস্তুতো ভবেৎ ॥ ৭৪ ॥
ব্যবহারপ্রসিদ্ধ্যর্থং ভেদস্তত্র প্রকল্পিতঃ ।
অতোঽপূর্বং লভ্যমত্র ফলং নাস্ত্যেব কিঞ্চন ॥ ৭৫ ॥
আত্মৈব মায়যা জ্ঞাতৃজ্ঞানজ্ঞেয়ফলাত্মনা ।
যাবদ্ভাতি ভবেত্তাবৎ সংসারো হ্যচলোপমঃ ॥ ৭৬ ॥
যদা কথঞ্চিদেতত্তু ভায়াদ্ ভেদবিবর্জিতম্ ।
সংসারো বিলয়ং যায়াচ্ছিন্নাভ্রমিব বায়ুনা ॥ ৭৭ ॥
এবংবিধমহামোক্ষে তৎপরৎবং হি সাধনম্ ।
তৎপরৎবে তু সম্পূর্ণে নান্যৎ সাধনমিষ্যতে ॥ ৭৮ ॥
অপূর্ণে তৎপরৎবে তু কিং সহস্রসুসাধনৈঃ ।
তস্মাত্তাৎপর্যমেব স্যান্মুখ্যং মোক্ষস্য সাধনম্ ॥ ৭৯ ॥
তাৎপর্যং সর্বথৈতত্তু সাধয়ামীতি সংস্থিতিঃ ।
যস্তাৎপর্যেণ সংয়ুক্তঃ সর্বথা মুক্ত এব সঃ ॥ ৮০ ॥
দিনৈর্মাসৈর্বৎসরৈর্বা মুক্তঃ স্যাদ্বাঽন্যজন্মনি ।
বুদ্ধিনৈর্মল্যভেদেন চিরশীঘ্রব্যবস্থিতিঃ ॥ ৮১ ॥
বুদ্ধৌ তু বহবো দোষাঃ সন্তি সর্বার্থনাশনাঃ ।
যৈর্জনাঃ সততং ৎবেবং পচ্যন্তে ঘোরসংসৃতৌ ॥ ৮২ ॥
তত্রাদ্যঃ স্যাদনাশ্বাসো দ্বিতীয়ঃ কামবাসনা ।
তৃতীয়ো জাড্যতা প্রোক্তা ত্রিধৈবং দোষসঙ্গ্রহঃ ॥ ৮৩ ॥
দ্বিবিধঃ স্যাদনাশ্বাসঃ সংশয়শ্চ বিপর্যযঃ ।
মোক্ষোঽস্তি নাস্তি বেত্যাদ্যঃ সংশয়ঃ সমুদাহৃতঃ ॥ ৮৪ ॥
নাস্ত্যেব মোক্ষ ইত্যাদ্যো ভবেদত্র বিপর্যযঃ ।
এতদ্দ্বয়ং তু তাৎপর্যে মুখ্যং স্যাৎ প্রতিবন্ধকম্ ॥ ৮৫ ॥
বিপরীত নিশ্চয়েন নশ্যেদেতদ্ দ্বয়ং ক্রমাৎ ।
অত্রোপায়ো মুখ্যতমো মূলচ্ছেদো ন চাপরঃ ॥ ৮৬ ॥
অনাশ্বাসস্য মূলং তু বিরুদ্ধতর্কচিন্তনম্ ।
তৎপরিত্যজ্য সত্তর্কাবর্তনস্য প্রসাধনে ॥ ৮৭ ॥
বিপরীতো নিশ্চয়ঃ স্যাদ্ মূলচ্ছেদনপূর্বকঃ ।
ততঃ শ্রদ্ধাসমুদয়াদনাশ্বাসঃ প্রণশ্যতি ॥ ৮৮ ॥
কামাদিবাসনা বুদ্ধেঃ শ্রবণে প্রতিবন্ধিকা ।
কামাদিবাসনাবিষ্টা বুদ্ধির্নৈব প্রবর্ততে ॥ ৮৯ ॥
লোকেঽপি কামী কাম্যস্য সদা ধ্যানৈকতৎপরঃ ।
পুরঃস্থিতং ন পশ্যেচ্চ শ্রোত্রোক্তং শ্রুণুয়ান্ন চ ॥ ৯০ ॥
কামাদিবাসিতস্যৈবং শ্রুতং চাশ্রুতসম্মিতম্ ।
কামাদিবাসনাং তস্মাজ্জয়েদ্ বৈরাগ্যসম্পদা ॥ ৯১ ॥
সন্তি কামক্রোধমুখা বাসনাস্তু সহস্রশঃ ।
তত্র কামো মূলভূতস্তন্নাশে নহি কিঞ্চন ॥ ৯২ ॥
ততো বৈরাগ্যসংয়োগাদ্ নাশয়েৎ কামবাসনাম্ ।
আশা হি কামঃ সম্প্রোক্ত এতন্মে স্যাদিতি স্থিতা ॥ ৯৩ ॥
শক্যেষু স্থূলভূতা সা সূক্ষ্মাঽশক্যেষু সংস্থিতা ।
দৃঢবৈরাগ্যযোগেন সর্বাং তাং,প্রবিনাশয়েৎ ॥ ৯৪ ॥
তত্র মূলং কাম্যদোষপরামর্শঃ প্রতিক্ষণম্ ।
বৈমুখ্যং বিষয়েভ্যশ্চ বাসনা নাশয়েদিতি ॥ ৯৫ ॥
যস্তৃতীয়ো বুদ্ধিদোষো জাড্যরূপো ব্যবস্থিতঃ ।
অসাধ্যঃ সোঽভ্যাসমুখৈঃ সর্বথা ঋষিসত্তমাঃ ॥ ৯৬ ॥
যেন তাৎপর্যতশ্চাপি শ্রুতং বুদ্ধিমনারুহেৎ ।
তজ্জাড্যং হি মহান্ দোষঃ পুরুষার্থবিনাশনঃ ॥ ৯৭ ॥
তত্রাত্মদেবতাসেবামৃতে নান্যদ্ধি কারণম্ ।
সেবায়াস্তারতম্যেন জাড্যং তস্য হরাম্যহম্ ॥ ৯৮ ॥
জাড্যাল্পানল্পভাবেন সদ্যো বা পরজন্মনি ।
ভবেত্তস্য ফলপ্রাপ্তির্জাড্যসংয়ুক্তচেতসঃ ॥ ৯৯ ॥
সর্বসাধনসম্পত্তির্মমৈব প্রণিধানতঃ ।
উপয়াতি চ যো ভক্ত্যা সর্বদা মামকৈতবাৎ ॥ ১০০ ॥
স সাধনপ্রত্যনীকং বিধূয়াশু কৃতী ভবেৎ ।
যস্তু মামীশ্বরীং সর্ববুদ্ধিপ্রসরকারিণীম্ ॥ ১০১ ॥
অনাদৃত্য সাধনৈকপরঃ স্যাদ্ মূঢভাবতঃ ।
পদে পদে বিহন্যেত ফলং প্রাপ্যেত বা ন বা ॥ ১০২ ॥
তস্মাত্তু ঋষয়ো মুখ্যং তাৎপর্যং সাধনং ভবেৎ ।
এবং তাৎপর্যবানেব সাধকঃ পরমঃ স্মৃতঃ ॥ ১০৩ ॥
তত্র মদ্ভক্তিয়ুক্তস্তু সাধকঃ সর্বপূজিতঃ ।
সিদ্ধিরাত্মব্যবসিতির্দেহানাত্মৎবভাবনা ॥ ১০৪ ॥
আত্মৎবভাবনং নূনং শরীরাদিষু সংস্থিতম্ ।
তদভাবনমাত্রং তু সিদ্ধির্মৌঢ্যবিবর্জিতম্ ॥ ১০৫ ॥
আত্মা ব্যবসিতঃ সর্বৈরপি নো কেবলাত্মনা ।
অত এব তু সম্প্রাপ্তা মহানর্থপরম্পরা ॥ ১০৬ ॥
তস্মাৎ কেবলচিন্মাত্রং যদ্ দেহাদ্যবভাসকম্ ।
তন্মাত্রাত্মব্যবসিতিঃ সর্বসংশয়নাশিনী ॥ ১০৭ ॥
সিদ্ধিরিত্যুচ্যতে প্রাজ্ঞৈর্নাতঃ সিদ্ধিরনন্তরা ।
সিদ্ধয়ঃ খেচরৎবাদ্যা অণিমাদ্যাস্তথৈব চ ॥ ১০৮ ॥
আত্মবিজ্ঞানসিদ্ধেস্তু কলাং নার্হন্তি ষোডশীম্ ।
তাঃ সর্বাস্তু পরিচ্ছিন্নাঃ সিদ্ধয়ো দেশকালতঃ ॥ ১০৯ ॥
ইয়ং স্যাদপরিচ্ছিন্নাঃ স্বাত্মবিদ্যা শিবাত্মিকা ।
স্বাত্মবিদ্যাসাধনেষু তাঃ সর্বাঃ সুপ্রতিষ্ঠিতাঃ ॥ ১১০ ॥
আত্মবিদ্যাবিধাবেতাস্ত্বন্তরায়প্রয়োজকাঃ ।
কিং তাভিরিন্দ্রজালাত্মসিদ্ধিতুল্যাভিরীহিতম্ ॥ ১১১ ॥
যস্য সাক্ষাদ্ ব্রহ্মপদমপি স্যাত্তৃণসম্মিতম্ ।
কিয়ন্ত্যেতাঃ সিদ্ধয়ো বৈ কালক্ষপণহেতবঃ ॥ ১১২ ॥
তস্মাৎ সিদ্ধির্নেতরা স্যাদাত্মবিজ্ঞানসিদ্ধিতঃ ।
যয়াঽত্যন্তশোকনাশো ভবেদানন্দসান্দ্রতা ॥ ১১৩ ॥
সৈব সিদ্ধির্নেতরা তু মৃত্যুগ্রাসবিমোচিনী ।
ইয়মাত্মজ্ঞানসিদ্ধির্বিবিধাভ্যাসভেদতঃ ॥ ১১৪ ॥
বুদ্ধিনৈর্মল্যভেদাচ্চ পরিপাকবিভেদতঃ ।
সংক্ষেপতস্তু ত্রিবিধা চোত্তমা মধ্যমাঽধমা ॥ ১১৫ ॥
লোকে দ্বিজানামৃষয়ঃ পঠিতশ্রুতিসম্মিতা ।
মেধয়া চ মহাভ্যাসাদ্ ব্যাপারশতসঙ্কুলা ॥ ১১৬ ॥
অপ্যস্খলিতবর্ণা যা পঠিতা শ্রুতিরুত্তমা ।
সমাহিতস্য ব্যাপারেঽসমাহিতস্য চান্যদা ॥ ১১৭ ॥
পূর্ববদ্যাঽপ্যস্খলিতা পঠিতা মধ্যমা শ্রুতিঃ ।
যা সদা হ্যনুসন্ধানয়োগাদেব ভবেত্তথা ॥ ১১৮ ॥
পঠিতা শ্রুতিরত্যন্তাস্খলিতা ৎবধমা হি সা ।
এবমেবাত্মবিজ্ঞানসিদ্ধিরুক্তা ত্রিধর্ষয়ঃ ॥ ১১৯ ॥
যা মহাব্যবহারেষু প্রতিসন্ধানবর্জনে ।
অন্যদা তদ্বর্জনে বা সর্বদা প্রতিসন্ধিতঃ ॥ ১২০ ॥
অন্যূনাধিকভাবা স্যাৎসোত্তমা মধ্যমাঽধমা ।
অত্রোত্তমৈব সংসিদ্ধেঃ পরা কাষ্ঠা নিরূপিতা ॥ ১২১ ॥
স্বপ্নাদিষ্বপ্যবস্থাসু যদা স্যাৎপরমা স্থিতিঃ ।
বিচারক্ষণতুল্যেব সিদ্ধিঃ সা পরমোত্তমা ॥ ১২২ ॥
সর্বত্র ব্যবহারেষু যত্নাৎ সংস্কারবোধতঃ ।
যদা প্রবৃত্তিঃ সিদ্ধেঃ সা পরা কাষ্ঠা সমীরিতা ॥ ১২৩ ॥
অয়ত্নেনৈব পরমে স্থিতিঃ সংবেদনাত্মনি ।
অব্যাহতা যদা সিদ্ধিস্তদা কাষ্ঠাং সমাগতা ॥ ১২৪ ॥
ব্যবহারপরো ভাবান্ পশ্যন্নপি ন পশ্যতি ।
দ্বৈতং তদা হি সা সিদ্ধিঃ পূর্ণতামভিসঙ্গতা ॥ ১২৫ ॥
জাগরাদৌ ব্যবহরন্নপি নিদ্রিতবদ্ যদা ।
স্থিতিস্তদা হি সা সিদ্ধিঃ পূর্ণতামভিসঙ্গতা ॥ ১২৬ ॥
এবং সিদ্ধিমনুপ্রাপ্তঃ সিদ্ধেষূত্তম উচ্যতে ।
ব্যবহারপরো নিত্যং ন সমাধিং বিমুঞ্চতি ॥ ১২৭ ॥
কদাচিদপি মেধাবী স সিদ্ধেষূত্তমো মতঃ ।
জ্ঞানিনাং বিবিধানাং চ স্থিতিং জানাতি সর্বদা ॥ ১২৮ ॥
স্বানুভূত্যা স্বান্তরেব স সিদ্ধেষূত্তমো মতঃ ।
সংশয়ো বাপি কামো বা যস্য নাস্ত্যেব লেশতঃ ॥ ১২৯ ॥
নির্ভয়ো ব্যবহারেষু স সিদ্ধেষূত্তমো মতঃ ।
সর্ব সুখঞ্চ দুঃখঞ্চ ব্যবহারঞ্চ জাগতম্ ॥ ১৩০ ॥
স্বাত্মন্যেবাভিজনাতি স সিদ্ধেষূত্তমো মতঃ ।
অত্যন্তং বদ্ধমাত্মানং মুক্তং চাপি প্রপশ্যতি ॥ ১৩১ ॥
যঃ স্বাত্মনি তু সর্বাত্মা স সিদ্ধেষূত্তমো মতঃ ।
যঃ পশ্যন্ বন্ধজালানি সর্বদা স্বাত্মনি স্ফুটম্ ॥ ১৩২ ॥
মোক্ষং নাপেক্ষতে ক্বাপি স সিদ্ধেষূত্তমো মতঃ ।
সিদ্ধোত্তমোঽহমেবেহ ন ভেদস্ত্বাবয়োঃ ক্বচিৎ ॥ ১৩৩ ॥
এতদ্বা ঋষয়ঃ প্রোক্তং সুস্পষ্টমনুয়ুক্তয়া ।
এতন্ময়োক্তং বিজ্ঞায় ন ক্বচিৎ পরিমুহ্যতি ॥ ১৩৪ ॥
ইত্যুক্ত্বা সা পরা বিদ্যা বিররাম ভৃগুদ্বহ ।
শ্রুৎবৈতদৃষয়ঃ সর্ব সন্দেহমপহায় চ ॥ ১৩৫ ॥
নৎবা শিবাদীন্ লোকেশান্ জগ্মুঃ স্বং স্বং নিবেশনম্ ।
বিদ্যাগীতা ময়ৈষা তে প্রোক্তা পাপৌঘনাশিনী ॥ ১৩৬ ॥
শ্রুতা বিচারিতা সম্যক্ স্বাত্মসাম্রাজ্যদায়িনী ।
বিদ্যাগীতাঽত্যুত্তমেয়ং সাক্ষাদ্বিদ্যানিরূপিতা ॥ ১৩৭ ॥
পঠতাং প্রত্যহং প্রীতা জ্ঞানং দিশতি সা স্বয়ম্ ।
সংসারতিমিরাম্ভোধৌ মজ্জতাং তরণির্ভবেৎ ॥ ১৩৮ ॥
ইতি শ্রীত্রিপুরারহস্যে জ্ঞানখণ্ডে
বিদ্যাগীতানাম বিংশতিতমোঽধ্যায়ঃ ॥
– Chant Stotra in Other Languages –
Vidya Gita in Sanskrit – English – Bengali – Gujarati – Kannada – Malayalam – Odia – Telugu – Tamil