॥ Vishwakarma Ashtakam Bengali Lyrics ॥
॥ বিশ্বনাথাষ্টকম্ ॥
গঙ্গাতরংগরমণীয়জটাকলাপং
গৌরীনিরন্তরবিভূষিতবামভাগম্ ।
নারায়ণপ্রিয়মনংগমদাপহারং
বারাণসীপুরপতিং ভজ বিশ্বনাথম্ ॥
বাচামগোচরমনেকগুণস্বরূপং
বাগীশবিষ্ণুসুরসেবিতপাদপীঠম্ ।
বামেনবিগ্রহবরেণকলত্রবন্তং
বারাণসীপুরপতিং ভজ বিশ্বনাথম্ ॥
ভূতাধিপং ভুজগভূষণভূষিতাংগং
ব্যাঘ্রাজিনাংবরধরং জটিলং ত্রিনেত্রম্ ।
পাশাংকুশাভয়বরপ্রদশূলপাণিং
বারাণসীপুরপতিং ভজ বিশ্বনাথম্ ।
শীতাংশুশোভিতকিরীটবিরাজমানং
ভালেক্ষণানলবিশোষিতপংচবাণম্ ।
নাগাধিপারচিতভাসুরকর্ণপূরং
বারাণসীপুরপতিং ভজ বিশ্বনাথম্ ॥
পংচাননং দুরিতমত্তমতঙ্গজানাং
নাগান্তকং দনুজপুংগবপন্নগানাম্ ।
দাবানলং মরণশোকজরাটবীনাং
বারাণসীপুরপতিং ভজ বিশ্বনাথম্ ॥
তেজোময়ং সগুণনির্গুণমদ্বিতীয়ং
আনন্দকন্দমপরাজিতমপ্রমেয়ম্ ।
নাগাত্মকং সকলনিষ্কলমাত্মরূপং
বারাণসীপুরপতিং ভজ বিশ্বনাথম্ ॥
রাগাদিদোষরহিতং স্বজনানুরাগং
বৈরাগ্যশান্তিনিলয়ং গিরিজাসহায়ম্ ।
মাধুর্যধৈর্যসুভগং গরলাভিরামং
বারাণসীপুরপতিং ভজ বিশ্বনাথম্ ॥
আশাং বিহায় পরিহৃত্য পরস্য নিন্দাং
পাপে রতিং চ সুনিবার্য মনঃ সমাধৌ ।
আদায় হৃত্কমলমধ্যগতং পরেশং
বারাণসীপুরপতিং ভজ বিশ্বনাথম্ ॥
বারাণসীপুরপতেঃ স্তবনং শিবস্য
ব্যাখ্যাতমষ্টকমিদং পঠতে মনুষ্যঃ ।
বিদ্যাং শ্রিয়ং বিপুলসৌখ্যমনন্তকীর্তিং
সম্প্রাপ্য দেহবিলয়ে লভতে চ মোক্ষম্ ॥
বিশ্বনাথাষ্টকমিদং য়ঃ পঠেচ্ছিবসন্নিধৌ ।
শিবলোকমবাপ্নোতি শিবেন সহ মোদতে ॥
॥ ইতি শ্রীমহর্ষিব্যাসপ্রণীতং শ্রীবিশ্বনাথাষ্টকং সম্পূর্ণম্ ॥
-Chant Stotra in Other Languages –
Biswakarma Ashtakam » Vishwakarma Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil