॥ Vraja Raja Suta Ashtakam Odia Lyrics ॥
॥ ଵ୍ରଜରାଜସୁତାଷ୍ଟକମ୍ ॥
ନଵନୀରଦନିନ୍ଦିତକାନ୍ତିଧରଂ
ରସସାଗରନାଗରଭୂପଵରମ୍ ।
ଶୁଭଵଙ୍କିମଚାରୁଶିଖଣ୍ଡଶିଖଂ
ଭଜ କୃଷ୍ଣନିଧିଂ ଵ୍ରଜରାଜସୁତମ୍ ॥ ୧ ॥
ଭ୍ରୁଵିଶଙ୍କିତଵଙ୍କିମଶକ୍ରଧନୁଂ
ମୁଖଚନ୍ଦ୍ରଵିନିନ୍ଦିତକୋଟିଵିଧୁମ୍ ।
ମୃଦୁମନ୍ଦସୁହାସ୍ୟସୁଭାଷ୍ୟୟୁତଂ
ଭଜ କୃଷ୍ଣନିଧିଂ ଵ୍ରଜରାଜସୁତମ୍ ॥ ୨ ॥
ସୁଵିକମ୍ପଦନଙ୍ଗସଦଙ୍ଗଧରଂ
ଵ୍ରଜଵାସିମନୋହରଵେଶକରମ୍ ।
ଭୃଶଲାଞ୍ଛିତନୀଲସରୋଜ ଦୃଶଂ
ଭଜ କୃଷ୍ଣନିଧିଂ ଵ୍ରଜରାଜସୁତମ୍ ॥ ୩ ॥
ଅଲକାଵଲିମଣ୍ଡିତଭାଲତଟଂ
ଶ୍ରୁତିଦୋଲିତମାକରକୁଣ୍ଡଲକମ୍ ।
କଟିଵେଷ୍ଟିତପୀତପଟଂ ସୁଧଟଂ
ଭଜ କୃଷ୍ଣନିଧିଂ ଵ୍ରଜରାଜସୁତମ୍ ॥ ୪ ॥
କଲନୂପୁରରାଜିତଚାରୁପଦଂ
ମଣିରଞ୍ଜିତଗଞ୍ଜିତଭୃଙ୍ଗମଦମ୍ ।
ଧ୍ଵଜଵଜ୍ରଝଷାଙ୍କିତପାଦୟୁଗଂ
ଭଜ କୃଷ୍ଣନିଧିଂ ଵ୍ରଜରାଜସୁତମ୍ ॥ ୫ ॥
ଭୃଶଚନ୍ଦନଚର୍ଚିତଚାରୁତନୁଂ
ମଣିକୌସ୍ତୁଭଗର୍ହିତଭାନୁତନୁମ୍ ।
ଵ୍ରଜବାଲଶିରୋମଣିରୂପଧୃତଂ
ଭଜ କୃଷ୍ଣନିଧିଂ ଵ୍ରଜରାଜସୁତମ୍ ॥ ୬ ॥
ସୁରଵୃନ୍ଦସୁଵନ୍ଦ୍ୟମୁକୁନ୍ଦହରିଂ
ସୁରନାଥଶିରୋମଣିସର୍ଵଗୁରୁମ୍ ।
ଗିରିଧାରିମୁରାରିପୁରାରିପରଂ
ଭଜ କୃଷ୍ଣନିଧିଂ ଵ୍ରଜରାଜସୁତମ୍ ॥ ୭ ॥
ଵୃଷଭାନୁସୁତାଵରକେଲିପରଂ
ରସରାଜଶିରୋମଣିଵେଶଧରମ୍ ।
ଜଗଦୀଶ୍ଵରମୀଶ୍ଵରମୀଡ୍ୟଵରଂ
ଭଜ କୃଷ୍ଣନିଧିଂ ଵ୍ରଜରାଜସୁତମ୍ ॥ ୮ ॥
ଇତି ଵ୍ରଜରାଜସୁତାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Vraja Raja Suta Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil