Vyasagita Kurma Purana 12-46 In Bengali

Chaudhuri Narayan Singh, in his preface to Kurma Purana with Hindi translation 1962 (DLI) says that chapters 12-33 are Vyasa Gita. This is repeated by Anand Swarup Gupta in the critical edition of Kurma Purana (DLI). Some others (V Raghavan’s list, Kurma Purana Calcutta edition 1890) are of the opinion that the complete Uttarabhaga of Kurma Purana is Vyasa Gita. This would mean Ishvara Gita is a part of Vyasa Gita.

॥ Vyasageetaa Kurmapurana 12-46 Bengali Lyrics ॥

॥ ব্যাসগীতা কূর্মপুরাণে অধ্যায় ১২-৪৬ ॥

কূর্মপুরাণএ উত্তরভাগে দ্বাদশোঽধ্যায়ঃ
ব্যাস উবাচ ।
শৃণুধ্বমৃষয়ঃ সর্বে বক্ষ্যমাণং সনাতনম্ ।
কর্ময়োগং ব্রাহ্মণানামাত্যন্তিকফলপ্রদম্ ॥ ১২.১ ॥

আম্নায়সিদ্ধমখিলং বাহ্মণানাং প্রদর্শিতম্ ।
ঋষীণাং শৃণ্বতাং পূর্বং মনুরাহ প্রজাপতিঃ ॥ ১২.২ ॥

সর্বপাপহরং পুণ্যমৃষিসঙ্ঘৈর্নিষেবিতম্ ।
সমাহিতধিয়ো যূয়ং শৃণুধ্বং গদতো মম ॥ ১২.৩ ॥

কৃতোপনয়নো বেদানধীয়ীত দ্বিজোত্তমাঃ ।
গর্ভাষ্টমেঽষ্টমে বাব্দে স্বসূত্রোক্তবিধানতঃ ॥ ১২.৪ ॥

দণ্ডী চ মেখলী সূত্রী কৃষ্ণাজিনধরো মুনিঃ ।
ভিক্ষাহারো গুরুহিতো বীক্ষমাণো গুরোর্মুখম্ ॥ ১২.৫ ॥

কার্পাসমুপবীতার্থং নির্মিতং ব্রহ্মণা পুরা ।
ব্রাহ্মণানাং ত্রিবিৎ সূত্রং কৌশং বা বস্ত্রমেব বা ॥ ১২.৬ ॥

সদোপবীতী চৈব স্যাৎ সদা বদ্ধশিখো দ্বিজঃ ।
অন্যথা যৎ কৃতং কর্ম তদ্ ভবত্যযথাকৃতম্ ॥ ১২.৭ ॥

বসেদবিকৃতং বাসঃ কার্পাসং বা কষায়কম্ ।
তদেব পরিধানীয়ং শুক্লমচ্ছিদ্রমুত্তমম্ ॥ ১২.৮ ॥

উত্তরং তু সমাখ্যাতং বাসঃ কৃষ্ণাজিনং শুভম্ ।
অভাবে দিব্যমজিনং রৌরবং বা বিধীয়তে ॥ ১২.৯ ॥

উদ্ধৃত্য দক্ষিণং বাহুং সব্যে বাহৌ সমর্পিতম্ ।
উপবীতং ভবেন্নিত্যং নিবীতং কণ্ঠসজ্জনে ॥ ১২.১০ ॥

সব্যং বাহুং সমুদ্ধৃত্য দক্ষিণে তু ধৃতং দ্বিজাঃ ।
প্রাচীনাবীতমিত্যুক্তং পৈত্রে কর্মণি যোজয়েৎ ॥ ১২.১১ ॥

অগ্ন্যগারে গবাং গোষ্ঠে হোমে জপ্যে তথৈব চ ।
স্বাধ্যায়ে ভোজনে নিত্যং ব্রাহ্মণানাং চ সন্নিধৌ ॥ ১২.১২ ॥

উপাসনে গুরূণাং চ সংধ্যযোঃ সাধুসংগমে ।
উপবীতী ভবেন্নিত্যং বিধিরেষ সনাতনঃ ॥ ১২.১৩ ॥

মৌঞ্জী ত্রিবৃৎ সমা শ্লক্ষ্ণা কার্যা বিপ্রস্য মেখলা ।
মুঞ্জাভাবে কুশেনাহুর্গ্রন্থিনৈকেন বা ত্রিভিঃ ॥ ১২.১৪ ॥

ধারয়েদ্ বৈল্বপালাশৌ দণ্ডৌ কেশান্তকৌ দ্বিজঃ ।
যজ্ঞার্হবৃক্ষজং বাঽথ সৌম্যমব্রণমেব চ ॥ ১২.১৫ ॥

সায়ং প্রাতর্দ্বিজঃ সংধ্যামুপাসীত সমাহিতঃ ।
কামাল্লোভাদ্ ভয়ান্মোহাৎ ত্যক্তেন পতিতো ভবেৎ ॥ ১২.১৬ ॥

অগ্নিকার্যং ততঃ কুর্যাৎ সায়ং প্রাতঃ প্রসন্নধীঃ ।
স্নাৎবা সংতর্পয়েদ্ দেবানৃষীন্ পিতৃগণাংস্তথা ॥ ১২.১৭ ॥

দেবতাভ্যর্চনং কুর্যাৎ পুষ্পৈঃ পত্রেণ চাম্বুনা ।
অভিবাদনশীলঃ স্যান্নিত্যং বৃদ্ধেষু ধর্মতঃ ॥ ১২.১৮ ॥

অসাবহং ভো নামেতি সম্যক্ প্রণতিপূর্বকম্ ।
আয়ুরারোগ্যসিদ্ধ্যর্থং দ্রব্যাদিপরিবর্জিতম্ ॥ ১২.১৯ ॥

আয়ুষ্ণান্ ভব সৌম্যেতি বাচ্যো বিপ্রোঽভিবাদনে ।
অকারশ্চাস্য নাম্নোঽন্তে বাচ্যঃ পূর্বাক্ষরঃ প্লুতঃ ॥ ১২.২০ ॥

ন কুর্যাদ্ যোঽভিবাদস্য দ্বিজঃ প্রত্যভিবাদনম্ ।
নাভিবাদ্যঃ স বিদুষা যথা শূদ্রস্তথৈব সঃ ॥ ১২.২১ ॥

সব্য্স্তপাণিনা কার্যমুপসংগ্রহণং গুরোঃ ।
সব্যেন সব্যঃ স্প্রষ্টব্যো দক্ষিণেন তু দক্ষিণঃ ॥ ১২.২২ ॥

লৌকিকং বৈদিকং চাপি তথাধ্যাত্মিকমেব বা ।
আদদীত যতো জ্ঞানং তং পূর্বমভিবাদয়েৎ ॥ ১২.২৩ ॥

নোদকং ধারয়েদ্ ভৈক্ষং পুষ্পাণি সমিধস্তথা ।
এবংবিধানি চান্যানি ন দৈবাদ্যেষু কর্মসু ॥ ১২.২৪ ॥

ব্রাহ্মণং কুশলং পৃচ্ছেৎ ক্ষত্রবন্ধুমনাময়ম্ ।
বৈশ্যং ক্ষেমং সমাগম্য শূদ্রমারোগ্যমেব তু ॥ ১২.২৫ ॥

উপাধ্যায়ঃ পিতা জ্যেষ্ঠো ভ্রাতা চৈব মহীপতিঃ ।
মাতুলঃ শ্বশুরস্ত্রাতা মাতামহপিতামহৌ ॥ ১২.২৬ ॥

বর্ণজ্যেষ্ঠঃ পিতৃব্যশ্চ পুংসোঽত্র গুরবঃ স্মৃতাঃ ।
মাতা মাতামহী গুর্বী পিতুর্মাতুশ্চ সোদরাঃ ॥ ১২.২৭ ॥

শ্বশ্রূঃ পিতামহীজ্যেষ্ঠা ধাত্রী চ গুরবঃ স্ত্রিয়ঃ ।
ইত্যুক্তো গুরুবর্গোঽয়ং মাতৃতঃ পিতৃতো দ্বিজাঃ ॥ ১২.২৮ ॥

অনুবর্ত্তনমেতেষাং মনোবাক্কায়কর্মভিঃ ।
গুরুং দৃষ্ট্বা সমুত্তিষ্ঠেদভিবাদ্য কৃতাঞ্জলিঃ ॥ ১২.২৯ ॥

নৈতৈরুপবিশেৎ সার্দ্ধং বিবদেন্নাত্মকারণাৎ ।
জীবিতার্থমপি দ্বেষাদ্ গুরুভির্নৈব ভাষণম্ ॥ ১২.৩০ ॥

উদিতোঽপি গুণৈরন্যৈর্গুরুদ্বেষী পতত্যধঃ ।
গুরূণামপি সর্বেষাং পূজ্যাঃ পঞ্চ বিশেষতঃ ॥ ১২.৩১ ॥

তেষামাদ্যাস্ত্রয়ঃ শ্রেষ্ঠাস্তেষাং মাতা সুপূজিতা ।
যো ভাবয়তি যা সূতে যেন বিদ্যোপদিশ্যতে ॥ ১২.৩২ ॥

জ্যেষ্ঠো ভ্রাতা চ ভর্ত্তা চ পঞ্চৈতে গুরবঃ স্মৃতাঃ ।
আত্মনঃ সর্বয়ত্নেন প্রাণত্যাগেন বা পুনঃ ॥ ১২.৩৩ ॥

পূজনীয়া বিশেষেণ পঞ্চৈতে ভূতিমিচ্ছতা ।
যাবৎ পিতা চ মাতা চ দ্বাবেতৌ নির্বিকারিণৌ ॥ ১২.৩৪ ॥

তাবৎ সর্বং পরিত্যজ্য পুত্রঃ স্যাৎ তৎপরায়ণঃ ।
পিতা মাতা চ সুপ্রীতৌ স্যাতাং পুত্রগুণৈর্যদি ॥ ১২.৩৫ ॥

স পুত্রঃ সকলং ধর্মমাপ্নুয়াৎ তেন কর্মণা ।
নাস্তি মাতৃসমং দৈবং নাস্তি পিতৃসমো গুরুঃ ॥ ১২.৩৬ ॥

তয়োঃ প্রত্যুপকারোঽপি ন কথঞ্চন বিদ্যতে ।
তয়োর্নিত্যং প্রিয়ং কুর্যাৎ কর্মণা মনসা গিরা ॥ ১২.৩৭ ॥

ন তাভ্যামননুজ্ঞাতো ধর্মমন্যং সমাচরেৎ ।
বর্জয়িৎবা মুক্তিফলং নিত্যং নৈমিত্তিকং তথা ॥ ১২.৩৮ ॥

ধর্মসারঃ সমুদ্দিষ্টঃ প্রেত্যানন্তফলপ্রদঃ ।
সম্যগারাধ্য বক্তারং বিসৃষ্টস্তদনুজ্ঞয়া ॥ ১২.৩৯ ॥

শিষ্যো বিদ্যাফলং ভুঙ্ক্তে প্রেত্য বা পূজ্যতে দিবি ।
যো ভ্রাতরং পিতৃসমং জ্যেষ্ঠং মূর্খোঽবমন্যতে ॥ ১২.৪০ ॥

তেন দোষেণ স প্রেত্য নিরয়ং ঘোরমৃচ্ছতি ।
পুংসা বর্ত্মনিতিষ্টেত পূজ্যো ভর্ত্তা তু সর্বদা ॥ ১২.৪১ ॥

অপি মাতরি লোকেঽস্মিন্ উপকারাদ্ধি গৌরবম্ ।
যেনরা ভর্ত্তৃপিণ্ডার্থং স্বান্ প্রাণান্ সংত্যজন্তি হি ॥ ১২.৪২ ॥

তেষামথাক্ষয়াঁল্লোকান্ প্রোবাচ ভগবান্ মনুঃ ।
মাতুলাংশ্চ পিতৃব্যাংশ্চ শ্বশুরানৃৎবিজো গুরূন্ ॥ ১২.৪৩ ॥

অসাবহমিতি ব্রূয়ুঃ প্রত্যুত্থায় যবীয়সঃ ।
অবাচ্যো দীক্ষিতো নাম্না যবীয়ানপি যো ভবেৎ ॥ ১২.৪৪ ॥

ভোভবৎপূর্বকৎবেনমভিভাষেত ধর্মবিৎ ।
অভিবাদ্যশ্চ পূজ্যশ্চ শিরসা বন্দ্য এব চ ॥ ১২.৪৫ ॥

ব্রাহ্মণঃ ক্ষত্রিয়াদ্যৈশ্চ শ্রীকামৈঃ সাদরং সদা ।
নাভিবাদ্যাস্তু বিপ্রেণ ক্ষত্রিয়াদ্যাঃ কথঞ্চন ॥ ১২.৪৬ ॥

জ্ঞানকর্মগুণোপেতা যদ্যপ্যেতে বহুশ্রুতাঃ ।
ব্রাহ্মণঃ সর্ববর্ণানাং স্বস্তি কুর্যাদিতি শ্রুতিঃ ॥ ১২.৪৭ ॥

সবর্ণেষু সবর্ণানাং কাম্যমেবাভিবাদনম্ ।
গুরুরগ্নির্দ্বিজাতীনাং বর্ণানাং ব্রাহ্মণো গুরুঃ ॥ ১২.৪৮ ॥

পতিরেব গুরুঃ স্ত্রীণাং সর্বত্রাভ্যাগতো গুরুঃ ।
বিদ্যা কর্ম বয়ো বন্ধুর্বিত্তং ভবতি পঞ্চমম্ ॥ ১২.৪৯ ॥

মান্যস্থানানি পঞ্চাহুঃ পূর্বং পূর্বং গুরূত্তরাৎ ।
পঞ্চানাং ত্রিষু বর্ণেষু ভূয়াংসি বলবন্তি চ ॥ ১২.৫০ ॥

যত্র স্যুঃ সোঽত্র মানার্হঃ শূদ্রোঽপি দশমীং গতঃ ।
পন্থা দেয়ো ব্রাহ্মণায় স্ত্রিয়ৈ রাজ্ঞে হ্যচক্ষুষে ॥ ১২.৫১ ॥

বৃদ্ধায় ভারমগ্নায় রোগিণে দুর্বলায় চ ।
ভিক্ষামাহৃত্য শিষ্টানাং গৃহেভ্যঃ প্রয়তোঽন্বহম্ ॥ ১২.৫২ ॥

নিবেদ্য গুরবেঽশ্নীয়াদ্ বাগ্যতস্তদনুজ্ঞয়া ।
ভবৎপূর্বং চরেদ্ ভৈক্ষ্যমুপনীতো দ্বিজোত্তমঃ ॥ ১২.৫৩ ॥

ভবন্মধ্যং তু রাজন্যো বৈশ্যস্তু ভবদুত্তরম্ ।
মাতরং বা স্বসারং বা মাতুর্বা ভগিনীং নিজাম্ ॥ ১২.৫৪ ॥

ভিক্ষেত ভিক্ষাং প্রথমং যা চৈনং ন বিমানয়েৎ ।
সজাতীয়গৃহেষ্বেব সার্ববর্ণিকমেব বা ॥ ১২.৫৫ ॥

ভৈক্ষ্যস্য চরণং প্রোক্তং পতিতাদিষু বর্জিতম্ ।
বেদয়জ্ঞৈরহীনানাং প্রশস্তানাং স্বকর্মসু ॥ ১২.৫৬ ॥

ব্রহ্মচারী হরেদ্ ভৈক্ষং গৃহেভ্যঃ প্রয়তোঽন্বহম্ ।
গুরোঃ কুলে ন ভিক্ষেত ন জ্ঞাতিকুলবন্ধুষু ॥ ১২.৫৭ ॥

অলাভে ৎবন্যগেহানাং পূর্বং পূর্বং বিবর্জয়েৎ ॥

সর্বং বা বিচরেদ্ গ্রামং পূর্বোক্তানামসংভবে ॥ ১২.৫৮ ॥

নিয়ম্য প্রয়তো বাচং দিশস্ত্বনবলোকয়ন্ ।
সমাহৃত্য তু তদ্ ভৈক্ষং যাবদর্থমমায়যা ॥ ১২.৫৯ ॥

ভুঞ্জীত প্রয়তো নিত্যং বাগ্যতোঽনন্যমানসঃ ।
ভৈক্ষ্যেণ বর্ত্তয়েন্নিত্যং নৈকান্নাদী ভবেদ্ ব্রতী ॥ ১২.৬০ ॥

ভৈক্ষ্যেণ ব্রতিনো বৃত্তিরুপবাসসমা স্মৃতা ।
পূজয়েদশনং নিত্যমদ্যাচ্চৈতদকুৎসয়ন্ ॥ ১২.৬১ ॥

দৃষ্ট্বা হৃষ্যেৎ প্রসীদেচ্চ ততো ভুঞ্জীত বাগ্যতঃ ১২.৬২ ॥

অনারোগ্যমনায়ুষ্যমস্বর্গ্যং চাতিভোজনম্ ।
অপুণ্যং লোকবিদ্বিষ্টং তস্মাৎ তৎপরিবর্জয়েৎ ॥ ১২.৬৩ ॥

প্রাঙ্মুখোঽন্নানি ভুঞ্জীত সূর্যাভিমুখ এব বা ।
নাদ্যাদুদঙ্মুখো নিত্যং বিধিরেষ সনাতনঃ ॥ ১২.৬৪ ॥

প্রক্ষাল্য পাণিপাদৌ চ ভুঞ্জানো দ্বিরুপস্পৃশেৎ ।
শুচৌ দেশে সমাসীনো ভুক্ত্বা চ দ্বিরুপস্পৃশেৎ ॥ ১২.৬৫ ॥

ইতী শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
দ্বাদশোঽধ্যায়ঃ ॥১২ ॥

কূর্মপুরাণে উত্তরভাগে ত্রয়োদশোঽধ্যায়ঃ

ব্যাস উবাচ ।
ভুক্ত্বা পীৎবা চ সুপ্ত্বা চ স্নাৎবা রথ্যোপসর্পণে ।
ওষ্ঠাবলোমোকৌ স্পৃষ্ট্বা বাসো বিপরিধায় চ ॥ ১৩.১
রেতোমূত্রপুরীষাণামুৎসর্গেঽয়ুক্তভাষণে ।
ষ্ঠীবিৎবাঽধ্যযনারম্ভে কাসশ্বাসাগমে তথা ॥ ১৩.২
চৎবরং বা শ্মশানং বা সমাগম্য দ্বিজোত্তমঃ ।
সংধ্যযোরুভয়োস্তদ্বদাচান্তোঽপ্যাচমেৎ পুনঃ ॥ ১৩.৩
চণ্ডালম্লেচ্ছসংভাষে স্ত্রীশূদ্রোচ্ছিষ্টভাষণে ।
উচ্ছিষ্টং পুরুষং স্পৃষ্ট্বা ভোজ্যং চাপি তথাবিধম্ ॥ ১৩.৪ ॥

আচামেদশ্রুপাতে বা লোহিতস্য তথৈব চ ।
ভোজনে সংধ্যযোঃ স্নাৎবা পীৎবা মূত্রপুরীষয়োঃ ॥ ১৩.৫ ॥

আচান্তোঽপ্যাচমেৎ সুপ্ত্বা সকৃৎসকৃদথান্যতঃ ।
অগ্নের্গবামথালম্ভে স্পৃষ্ট্বা প্রয়তমেব বা ॥ ১৩.৬ ॥

স্ত্রীণামথাত্মনঃ স্পর্শে নীবীং বা পরিধায় চ
উপস্পৃশেজ্জলং বার্দ্রং তৃণং বা ভূমিমেব বা ॥ ১৩.৭ ॥

কেশানাং চাত্মনঃ স্পর্শে বাসসোঽক্ষালিতস্য চ ।
অনুষ্ণাভিরফেনাভিঃ বিশুদ্ধাদ্ভিশ্চ ধর্মতঃ ॥ ১৩.৮ ॥

শৌচেপ্সুঃ সর্বদাচামেদাসীনঃ প্রাগুদঙ্মুখঃ ।
শিরঃ প্রাবৃত্য কণ্ঠং বা মুক্তকচ্ছশিখোঽপি বা ॥ ১৩.৯ ॥

অকৃৎবা পাদয়োঃ শৌচমাচান্তোঽপ্যশুচির্ভবেৎ ।
সোপানৎকো জলস্থো বা নোষ্ণীষী চাচমেদ্বুধঃ ॥ ১৩.১০ ॥

ন চৈব বর্ষধারাভির্ন তিষ্ঠন্ নোদ্ধৃতোদকৈঃ ।
নৈকহস্তার্পিতজলৈর্বিনা সূত্রেণ বা পুনঃ ॥ ১৩.১১ ॥

ন পাদুকাসনস্থো বা বহির্জানুরথাপি বা ।
ন জল্পন্ ন হসন্ প্রেক্ষন্ শয়ানঃ প্রহ্ব এব চ
নাবীক্ষিতাভিঃ ফেনাদ্যৈরুপেতাভিরথাপি বা ।
শূদ্রাশুচিকরোন্মুক্তৈর্ন ক্ষারাভিস্তথৈব চ ॥ ১৩.১২ ॥

ন চৈবাঙ্গুলিভিঃ শস্তং ন কুর্বন্ নান্যমানসঃ ।
ন বর্ণরসদুষ্টাভির্ন চৈব প্রদরোদকৈঃ ॥ ১৩.১৩ ॥

ন পাণিক্ষুভিতাভির্বা ন বহিষ্কক্ষ এব বা ।
হৃদ্গাভিঃ পূয়তে বিপ্রঃ কণ্ঠ্যাভিঃ ক্ষত্রিয়ঃ শুচিঃ ॥ ১৩.১৪ ॥

প্রাশিতাভিস্তথাবৈশ্যঃ স্ত্রীশূদ্রৌ স্পর্শতোঽন্ততঃ ॥

অঙ্গুষ্ঠমূলান্তরতো রেখায়াং ব্রাহ্মমুচ্যতে ॥ ১৩.১৫ ॥

অন্তরাঙ্গুষ্ঠদেশিন্যো পিতৄণাং তীর্থমুত্তমম্ ॥

কনিষ্ঠামূলতঃ পশ্চাৎ প্রাজাপত্যং প্রচক্ষতে ॥ ১৩.১৬ ॥

অঙ্গুল্যগ্রে স্মৃতং দৈবং তদ্দেবার্থং প্রকীর্ত্তিতঃ ।
মূলে বা দৈবমাদিষ্টং গ্নেয়ং মধ্যতঃ স্মৃতম্ ॥ ১৩.১৭ ॥

তদেব সৌমিকং তীর্থমেতজ্জ্ঞাৎবা ন মুহ্যতি ।
ব্রাহ্মেণৈব তু তীর্থেন দ্বিজো নিত্যমুপস্পৃশেৎ ॥ ১৩.১৮ ॥

কায়েন বাঽথ দৈবেন পৈত্রেণ ন তু বৈ দ্বিজাঃ ।
ত্রিঃ প্রাশ্নীয়াদপঃ পূর্বং ব্রাহ্মণঃ প্রয়তস্ততঃ ॥ ১৩.১৯ ॥

সংমৃজ্যাঙ্গুষ্ঠমূলেন মুখং বৈ সমুপস্পৃশেৎ ॥

অঙ্গুষ্ঠানামিকাভ্যাং তু স্পৃশেন্নেত্রদ্বয়ং ততঃ ॥ ১৩.২০ ॥

তর্জন্যঙ্গুষ্ঠয়োগেন স্পৃশেন্নাসাপৃটদ্বয়ম্ ॥

কনিষ্ঠাঙ্গুষ্ঠয়োগেন শ্রবণে সমুপস্পৃশেৎ ॥ ১৩.২১ ॥

সর্বাসামথ যোগেন হৃদয়ং তু তলেন বা ।
স্পৃশেদ্বৈ শিরসস্তদ্বদঙ্গুষ্ঠেনাথবা দ্বয়ম্ ॥ ১৩.২২
ত্রিঃ প্রাশ্নীয়াদ্ যদম্ভস্তু সুপ্রীতাস্তেন দেবতাঃ ।
ব্রহ্মা বিষ্ণুর্মহেশশ্চ ভবন্তীত্যনুশুশ্রুমঃ ॥ ১৩.২৩
গঙ্গা চ যমুনা চৈব প্রীয়েতে পরিমার্জনাৎ ।
সংস্পৃষ্টয়োর্লোচনয়োঃ প্রীয়েতে শশিভাস্করৌ ॥ ১৩.২৪
নাসত্যদস্রৌ প্রীয়েতে স্পৃষ্টে নাসাপুটদ্বয়ে ।
শ্রোত্রয়োঃ স্পৃষ্টয়োস্তদ্বৎ প্রীয়েতে চানিলানলৌ ॥ ১৩.২৫
সংস্পৃষ্টে হৃদয়ে চাস্য প্রীয়ন্তে সর্বদেবতাঃ ।
মূর্ধ্নি সংস্পর্শনাদেব প্রীতঃ স পুরুষো ভবেৎ ॥ ১৩.২৬
নোচ্ছিষ্টং কুর্বতে নিত্যং বিপ্রুষোঽঙ্গং নয়ন্তি যাঃ ।
দন্তান্তর্দন্তলগ্নেষু জিহ্বোষ্টৈর়শুচির্ভবেৎ ॥ ১৩.২৭
স্পৃশান্তি বিন্দবঃ পাদৌ য আচাময়তঃ পরান্ ।
ভূমিকাস্তে সমা জ্ঞেয়া ন তৈরপ্রয়তো ভবেৎ ॥ ১৩.২৮
মদুপর্কে চ সোমে চ তাম্বূলস্য চ ভক্ষণে ।
ফলমূলেক্ষুদণ্ডে ন দোষং প্রাহ বে মনুঃ ॥ ১৩.২৯
প্রচরান্নোদপানেষু দ্রব্যহস্তো ভবেন্নরঃ ।
ভূমৌ নিক্ষিপ্য তদ্ দ্রব্যমাচম্যাভ্যুক্ষয়েৎ তু তৎ ॥ ১৩.৩০
তৈজসং বৈ সমাদায় যদ্যুচ্ছিষ্টো ভবেদ্ দ্বিজঃ ।
ভূমৌ নিক্ষিপ্য তদ্ দ্রব্যমাচম্যাভ্যুক্ষয়েৎ তু তৎ ॥ ১৩.৩১
যদ্যমন্ত্রং সমাদায় ভবেদুচ্ছেষণান্বিতঃ ।
অনিধায়ৈব তদ্ দ্রব্যমাচান্তঃ শুচিতামিয়াৎ ॥ ১৩.৩২
বস্রাদিষু বিকল্পঃ স্যাৎ তৎসংস্পৃষ্ট্বাচমেদিহ ।
অরণ্যেঽনুদকে রাত্রৌ চৌরব্যাঘ্রাকুলে পথি ॥ ১৩.৩৩ ॥

কৃৎবা মূত্রং পুরীষং বা দ্রব্যহস্তো ন দুষ্যতি ।
নিধায় দক্ষিণে কর্ণে ব্রহ্মসূত্রমুদঙ্মুখঃ ॥ ১৩.৩৪ ॥

অহ্নি কুর্যাচ্ছকৃন্মূত্রং রাত্রৌ চেদ্ দক্ষিণামুখঃ ॥

অন্তর্ধায় মহীং কাষ্ঠৈঃ পত্রৈর্লোষ্ঠতৃণেন বা ॥ ১৩.৩৫ ॥

প্রাবৃত্য চ শিরঃ কুর্যাদ্ বিণ্মূত্রস্য বিসর্জনম্ ।
ছায়াকূপনদীগোষ্ঠচৈত্যাম্ভঃ পথি ভস্মসু ॥ ১৩.৩৬ ॥

অগ্নৌ চৈব শ্মশানে চ বিণ্মূত্রে ন সমাচরেৎ ॥

ন গোময়ে ন কৃষ্টে বা মহাবৃক্ষে ন শাড্বলে ॥ ১৩.৩৭ ॥

ন তিষ্ঠন্ বা ন নির্বাসা ন চ পর্বতমস্তকে ।
ন জীর্ণদেবায়তনে ন বল্মীকে কদাচন ॥ ১৩,৩৮ ॥

ন সসত্ত্বেষু গর্তেষু ন গচ্ছন্ বা সমাচরেৎ ॥

তুষাঙ্গারকপালেষু রাজমার্গে তথৈব চ ॥ ১৩.৩৯ ॥

ন ক্ষেত্রে ন বিমলে বাঽপি ন তীর্থে ন চতুষ্পথে ।
নোদ্যানে ন সমীপে বা নোষরে ন পরাশুচৌ ॥ ১৩.৪০ ॥

ন সোপানৎপাদুকো বা ছত্রী বা নান্তরিক্ষকে ॥

ন চৈবাভিমুখে স্ত্রীণাং গুরুব্রাহ্মণয়োর্গবাম্ ॥ ১৩.৪১ ॥

ন দেবদেবালয়যোরপামপি কদাচন ॥

নদীং জ্যোতীংষি বীক্ষিৎবা ন বার্যভিমুখোঽথবা ॥ ১৩.৪২ ॥

প্রত্যাদিত্যং প্রত্যনলং প্রতিসোমং তথৈব চ ॥

আহৃত্য মৃত্তিকাং কূলাল্লেপগন্ধাপকর্ষণাৎ ॥ ১৩.৪৩ ॥

কুর্যাদতন্দ্রিতঃ শৌচং বিশুদ্ধৈরুদ্ধৃতোদকৈঃ ॥

নাহরেন্মৃত্তিকাং বিপ্রঃ পাংশুলান্ন চ কর্দমান্ ॥ ১৩.৪৪ ॥

ন মার্গান্নোষরাদ্ দেশাচ্ছৌচোচ্ছিষ্টাত্তথৈব চ ।
ন দেবায়তনাৎ কূপাদ্ গ্রামান্ন চ জলাৎ তথা ॥ ১৩.৪৫ ॥

উপস্পৃশেৎ ততো নিত্যং পূর্বোক্তেন বিধানতঃ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
ত্রয়োদশোঽধ্যায়ঃ ॥১৩ ॥

কূর্মপুরাণএ উত্তরভাগে ত্রয়োদশোঽধ্যায়ঃ

ব্যাস উবাচ ।
এবং দণ্ডাদিভির্যুক্তঃ শৌচাচারসমন্বিতঃ ।
আহূতোঽধ্যযনং কুর্যাদ্ বীক্ষমাণো গুরোর্মুখম্ ॥ ১৪.১ ॥

নিত্যমুদ্যতপাণিঃ স্যাৎ সন্ধ্যাচারঃ সমন্বিতঃ ।
আস্যতামিতি চোক্তঃ সন্নাসীতাভিমুখং গুরোঃ ॥ ১৪.২ ॥

প্রতিশ্রবণসংভাষে শয়ানো ন সমাচরেৎ ।
নাসীনো ন চ ভুঞ্জানো ন তিষ্ঠন্ন পরাঙ্মুখঃ ॥ ১৪.৩ ॥

নচ শয়্যাসনং চাস্য সর্বদা গুরুসন্নিধৌ ।
গুরোস্তু চক্ষুর্বিষয়ে ন যথেষ্টাসনো ভবেৎ ॥ ১৪.৪ ॥

নোদাহরেদস্য নাম পরোক্ষমপি কেবলম্ ।
ন চৈবাস্যানুকুর্বীত গতিভাষিতচেষ্টিতম্ ॥ ১৪.৫ ॥

গুরোর্যত্র প্রতীবাদো নিন্দা চাপি প্রবর্ত্ততে ।
কর্ণৌং তত্র পিধাতব্যৌ গন্তব্যং বা ততোঽন্যতঃ ॥ ১৪.৬ ॥

দূরস্থো নার্চয়েদেনং ন ক্রুদ্ধো নান্তিকে স্ত্রিয়াঃ ।
ন চৈবাস্যোত্তরং ব্রূয়াৎ স্থিতে নাসীত সন্নিধৌ ॥ ১৪.৭ ॥

উদকুম্ভং কুশান্ পুষ্পং সমিধোঽস্যাহরেৎ সদা ।
মার্জনং লেপনং নিত্যমঙ্গানাং বৈ সমাচরেৎ ॥ ১৪.৮ ॥

নাস্য নির্মাল্যশয়নং পাদুকোপানহাবপি ।
আক্রমেদাসনং চাস্য ছায়াদীন্ বা কদাচন ॥ ১৪.৯ ॥

সাধয়েদ্ দন্তকাষ্ঠাদীন্ লব্ধং চাস্মৈ নিবেদয়েৎ ।
অনাপৃচ্ছ্য ন গন্তব্যং ভবেৎ প্রিয়হিতে রতঃ ॥ ১৪.১০ ॥

ন পাদৌ সারয়েদস্য সংনিধানে কদাচন ।
জৃম্ভাহারস্যাদিকঞ্চৈব কণ্ঠপ্রাবরণং তথা ॥ ১৪.১১ ॥

বর্জয়েৎ সন্নিধৌ নিত্যমবস্ফোচনমেব চ ।
যথাকালমধীয়ীত যাবন্ন বিমনা গুরুঃ ॥ ১৪.১২ ॥

আসীতাধো গুরোর্গচ্ছেৎ ফলকে বা সমাহিতঃ ।
আসনে শয়নে যানে নৈব তিষ্ঠেৎ কদাচন ॥ ১৪.১৩ ॥

ধাবন্তমনুধাবেত্তং গচ্ছন্তমনুগচ্ছতি ।
গোঽশ্বোষ্ট্রয়ানপ্রাসাদপ্রস্তরেষু কটেষু চ ॥ ১৪.১৪ ॥

নাসীত গুরুণা সার্দ্ধং শিলাফলকনৌষু চ ।
জিতেন্দ্রিয়ঃ স্যাৎ সততং বশ্যাত্মাঽক্রোধনঃ শুচিঃ ॥ ১৪.১৫ ॥

প্রয়ুঞ্জীত সদা বাচং মধুরাং হিতভাষিণীম্ ।
গন্ধমাল্যং রসং ভব্যং শুক্লং প্রাণিবিহিংসনম্ ॥ ১৪.১৬ ॥

অভ্যঙ্গং চাঞ্জনোপানচ্ছত্রধারণমেব চ ।
কামং লোভং ভয়ং নিদ্রাং গীতবাদিত্রনর্ত্তনম্ ॥ ১৪.১৭ ॥

আতজ্র্জনং পরীবাদং স্ত্রীপ্রেক্ষালম্ভনং তথা ।
পরোপঘাতং পৈশুন্যং প্রয়ত্নেন বিবর্জয়েৎ ॥ ১৪.১৮ ॥

উদকুম্ভং সুমনসো গোশকৃন্মৃত্তিকাং কুশান্ ।
আহরেদ্ যাবদর্থানি ভৈক্ষ্যং চাহরহশ্চরেৎ ॥ ১৪.১৯ ॥

কৃতং চ লবণং সর্বং বর্জ্যং পর্যুষিতং চ যৎ ।
অনৃত্যদর্শী সততং ভবেদ্ গীতাদিনিঃস্পৃহঃ ॥ ১৪.২০ ॥

নাদিত্যং বৈ সমীক্ষেত ন চরেদ্ দন্তধাবনম্ ।
একান্তমশুচিস্ত্রীভিঃ শূদ্রান্ত্যৈরভিভাষণম্ ॥ ১৪.২১ ॥

গুরূচ্ছিষ্টং ভেষজার্থং প্রয়ুঞ্জীত ন কামতঃ ।
কলাপকর্ষণস্নানং আচরেদ্ধি কদাচন ॥ ১৪.২২ ॥

ন কুর্যান্মানসং বিপ্রো গুরোস্ত্যাগং কদাচন ।
মোহাদ্বা যদি বা লোভাৎ ত্যক্তেন পতিতো ভবেৎ ॥ ১৪.২৩ ॥

লৌকিকং বৈদিকং চাপি তথাধ্যাত্মিকমেব চ ।
আদদীত যতো জ্ঞানং ন তং দ্রুহ্যেৎ কদাচন ॥ ১৪.২৪ ॥

গুরোরপ্যবলিপ্তস্য কার্যাকার্যমজানতঃ ।
উৎপথংপ্রতিপন্নস্য মনুস্ত্যাগং সমব্রবীৎ ॥ ১৪.২৫ ॥

গুরোর্গুরৌ সন্নিহিতে গুরুবদ্ ভক্তিমাচরেৎ ।
ন চাতিসৃষ্টো গুরুণা স্বান্ গুরূনভিবাদয়েৎ ॥ ১৪.২৬ ॥

বিদ্যাগুরুষ্বেতদেব নিত্যা বৃত্তিঃ স্বয়োনিষু ।
প্রতিষেধৎসু চাধর্মাদ্ধিতং চোপদিশৎস্বপি ॥ ১৪.২৭ ॥

শ্রেয়ৎসু গুরুবদ্ বৃত্তিং নিত্যমেব সমাচরেৎ ।
গুরুপুত্রেষু দারেষু গুরোশ্চৈব স্ববন্ধুষু ॥ ১৪.২৮ ॥

বালঃ সংমানয়ন্মান্যান্ বা শিষ্যো বা যজ্ঞকর্মণি ।
অধ্যাপয়ন্ গুরুসুতো গুরুবন্মানমর্হতি ॥ ১৪.২৯ ॥

উৎসাদনং বৈ গাত্রাণাং স্নাপনোচ্ছিষ্টভোজনে ।
ন কুর্যাদ্ গুরুপুত্রস্য পাদয়োঃ শৌচমেব চ ॥ ১৪.৩০ ॥

গুরুবৎ পরিপূজ্যাস্তু সবর্ণা গুরুয়োষিতঃ ।
অসবর্ণাস্তু সম্পূজ্যাঃ প্রত্যুত্থানাভিবাদনৈঃ ॥ ১৪.৩১ ॥

অভ্যঞ্জনং স্নাপনং চ গাত্রোৎসাদনমেব চ ।
গুরুপত্ন্যা ন কার্যাণি কেশানাং চ প্রসাধনম্ ॥ ১৪.৩২ ॥

গুরুপত্নী তু যুবতী নাভিবাদ্যেহ পাদয়োঃ ।
কুর্বীত বন্দনং ভূম্যামসাবহমিতি ব্রুবন্ ॥ ১৪.৩৩ ॥

বিপ্রোষ্য পাদগ্রহণমন্বহং চাভিবাদনম্ ।
গুরুদারেষু কুর্বোত সতাং ধর্মমনুস্মরন্ ॥ ১৪.৩৪ ॥

মাতৃষ্বসা মাতুলানী শ্বশ্রূশ্চাথ পিতৃষ্বসা ।
সম্পূজ্যা গুরুপত্নীচ সমস্তা গুরুভার্যযা ॥ ১৪.৩৫ ॥

ভ্রাতুর্ভার্যাচসংগ্রৃহ্যা সবর্ণাঽহন্যহন্যপি ।
বিপ্রোষ্য তূপসংগ্রাহ্যা জ্ঞাতিসংবন্ধিয়োষিতঃ ॥ ১৪.৩৬ ॥

পিতুর্ভগিন্যা মাতুশ্চ জ্যায়স্যাং চ স্বসর্যপি ।
মাতৃবদ্ বৃত্তিমাতিষ্ঠেন্মাৎ তাভ্যো গরীয়সী ॥ ১৪.৩৭ ॥

এবমাচারসম্পন্নমাত্মবন্তমদাম্ভিকম্ ।
বেদমধ্যাপয়েদ্ ধর্মং পুরাণাঙ্গানি নিত্যশঃ ॥ ১৪.৩৮ ॥

সংবৎসরোষিতে শিষ্যে গুরুর্জ্ঞানমনির্দিশন্ ।
হরতে দুষ্কৃতং তস্য শিষ্যস্য বসতো গুরুঃ ॥ ১৪.৩৯ ॥

আচার্যপুত্রঃ শুশ্রূষুর্জ্ঞানদো ধার্মিকঃ শুচিঃ ।
শক্তোঽন্নদোঽর্থদো সাধুঃ স্বাধ্যায়্যা দেশ ধর্মতঃ ॥ ১৪.৪০ ॥

কৃতজ্ঞশ্চ তথাঽদ্রোহী মেধাবী শুভকৃন্নরঃ ।
আপ্তঃ প্রিয়োঽথ বিধিবৎ ষডধ্যাপ্যা দ্বিজাতয়ঃ ॥ ১৪.৪১ ॥

এতেষু ব্রহ্মণো দানমন্যত্র তু যথোদিতান্ ।
আচম্য সংয়তো নিত্যমধীয়ীত উদঙ্মুখঃ ॥ ১৪.৪২ ॥

উপসংগৃহ্য তৎপাদৌ বীক্ষমাণো গুরোর্মুখম্ ।
অধীষ্ব ভো ইতি ব্রূয়াদ্ বিরামোঽস্ত্বিতি নারভেৎ ॥ ১৪.৪৩ ॥

প্রাক্কূলান্ পর্যুপাসীনঃ পবিত্রৈশ্চৈব পাবিতঃ ।
প্রাণায়ামৈস্ত্রিভিঃ পূতস্তত ওঙ্কারমর্হতি ॥ ১৪.৪৪ ॥

ব্রাহ্মণঃ প্রণবং কুর্যাদন্তে চ বিধিবদ্ দ্বিজঃ ।
কুর্যাদধ্যযনং নিত্যং ব্রহ্মাঞ্জলিকরস্থিতঃ ॥ ১৪.৪৫ ॥

সর্বেষামেব ভূতানাং বেদশ্চক্ষুঃ সনাতনম্ ।
অধীয়ীতাপ্যযং নিত্যং ব্রাহ্মণ্যাচ্চ্যবতেঽন্যথা ॥ ১৪.৪৬ ॥

যোঽধীয়ীত ঋচো নিত্যং ক্ষীরাহুত্যা স দেবতাঃ ।
প্রীণাতি তর্পয়ন্ত্যেনং কামৈস্তৃপ্তাঃ সদৈব হি ॥ ১৪.৪৭ ॥

যজূংষ্যধীতে নিয়তং দধ্না প্রীণাতি দেবতাঃ ।
সামান্যধীতে প্রীণাতি ঘৃতাহুতিভিরন্বহম্ ॥ ১৪.৪৮ ॥

অথর্বাঙ্গিরসো নিত্যং মধ্বা প্রীণাতি দেবতাঃ ।
ধর্মাঙ্গানি পুরাণানি মাংসৈস্তর্পয়েৎসুরান্ ॥ ১৪.৩৯ ॥

অপাং সমীপে নিয়তো নৈত্যিকং বিধিমাশ্রিতঃ ।
গায়ত্রীমপ্যধীয়ীত গৎবাঽরণ্যং সমাহিতঃ ॥ ১৪.৫০ ॥

সহস্রপরমাং দেবীং শতমধ্যাং দশাবরাম্ ।
গায়ত্রীং বৈ জপেন্নিত্যং জপয়জ্ঞঃ প্রকীর্ত্তিতঃ ॥ ১৪.৫১ ॥

গায়ত্রীং চৈব বেদাংস্তু তুলয়াঽতোলয়ৎ প্রভুঃ ।
একতশ্চতুরো বেদান্ গায়ত্রীং চ তথৈকতঃ ॥ ১৪.৫২ ॥

ওংকারমাদিতঃ কৃৎবা ব্যাহৃতীস্তদনন্তরম্ ।
ততোঽধীয়ীত সাবিত্রীমেকাগ্রঃ শ্রদ্ধয়ান্বিতঃ ॥ ১৪.৫৩ ॥

পুরাকল্পে সমুৎপন্না ভূর্ভুবঃস্বঃ সনাতনাঃ ॥ ১৪.৫৪ ॥

মহাব্যাহৃতয়স্তিস্ত্রঃ সর্বাশুভনিবর্হণাঃ ॥ ১৪.৫৫ ॥

প্রধানং পুরুষঃ কালো বিষ্ণুর্ব্রহ্মা মহেশ্বরঃ ।
সত্ত্বং রজস্তমস্তিস্ত্রঃ ক্রমাদ্ ব্যাহৃতয়ঃ স্মৃতাঃ ॥ ১৪.৫৬ ॥

ওংকারস্তৎ পরং ব্রহ্ম সাবিত্রী স্যাৎ তদক্ষরম্ ।
এষ মন্ত্রো মহায়োগঃ সারাৎ সার উদাহৃতঃ ॥ ১৪.৫৭ ॥

যোঽধীতেঽহন্যহন্যেতাং গায়ত্রীং বেদমাতরম্ ।
বিজ্ঞায়ার্থং ব্রহ্মচারী স যাতি পরমাং গতিম্ ॥ ১৪.৫৮ ॥

গায়ত্রী বেদজননী গায়ত্রী লোকপাবনী ।
ন গায়ত্র্যাঃ পরং জপ্যমেতদ্ বিজ্ঞায় মুচ্যতে ॥ ১৪.৫৯ ॥

শ্রাবণস্য তু মাসস্য পৌর্ণমাস্যাং দ্বিজোত্তমাঃ ।
আষাঢ্যাং প্রোষ্ঠপদ্যাং বা বেদোপাকরণং স্মৃতম্ ॥ ১৪.৬০ ॥

উৎসৃজ্য গ্রামনগরং মাসান্ বিপ্রোঽর্দ্ধপঞ্চমান্ ।
অধীয়ীত শুচৌ দেশে ব্রহ্মচারী সমাহিতঃ ॥ ১৪.৬১ ॥

পুষ্যে তু ছন্দসাং কুর্যাদ্ বহিরুৎসর্জনং দ্বিজাঃ ।
মাঘশুক্লস্য বা প্রাপ্তে পূর্বাহ্ণে প্রথমেঽহনি ॥ ১৪.৬২ ॥

ছন্দাংস্যূর্ধ্বমথোভ্যস্যেচ্ছুক্লপক্ষেষু বৈ দ্বিজঃ ।
বেদাঙ্গানি পুরাণানি কৃষ্ণপক্ষে চ মানবঃ ॥ ১৪.৬৩ ॥

ইমান্ নিত্যমনধ্যায়ানদীয়ানো বিবর্জয়েৎ ।
অধ্যাপনং চ কুর্বাণো হ্যনধ্যায়ন্বিবর্জয়েৎ ॥ ১৪.৬৪ ॥

কর্ণশ্রবেঽনিলে রাত্রৌ দিবা পাংশুসমূহনে ।
বিদ্যুৎস্তনিতবর্ষেষু মহোল্কানাং চ সম্প্লবে ॥ ১৪.৬৫ ॥

আকালিকমনধ্যায়মেতেষ্বাহ প্রজাপতিঃ ।
এতানভ্যুদিতান্ বিদ্যাদ্ যদা প্রাদুষ্কৃতাগ্নিষু ।
তদা বিদ্যাদনধ্যায়মনৃতৌ চাভ্রদর্শনে ।
নির্ঘাতে ভূমিচলনে জ্যোতিষাং চোপসর্জনে ॥ ১৪.৬৬ ॥

এতানাকালিকান্ বিদ্যাদনধ্যায়ানৃতাবপি ।
প্রাদুষ্কৃতেষ্বগ্নিষু তু বিদ্যুৎস্তনিতনিস্বনে ॥ ১৪.৬৭ ॥

সজ্যোতিঃ স্যাদনধ্যায়মনৃতৌ চাত্রদর্শনে ।
নিত্যানধ্যায় এব স্যাদ্ গ্রামেষু নগরেষু চ ॥ ১৪.৬৮ ॥

ধর্মনৈপুণ্যকামানাং পূতিগন্ধে চ নিত্যশঃ ।
অন্তঃ শবগতে গ্রামে বৃষলস্য চ সন্নিধৌ ॥ ১৪.৬৯ ॥

অনধ্যায়ো রুদ্যমানে সমবায়ে জনস্য চ ।
উদকে মধ্যরাত্রে চ বিণ্মূত্রে চ বিসর্জনে ॥ ১৪.৭০ ॥

উচ্ছিষ্টঃ শ্রাদ্ধবুক্ চৈব মনসাঽপি ন চিন্তয়েৎ ।
প্রতিগৃহ্য দ্বিজো বিদ্বানেকোদিষ্টস্য কেতনম্ ॥ ১৪.৭১ ॥

ত্র্যহং ন কীর্ত্তয়েদ্ ব্রহ্ম রাজ্ঞো রাহোশ্চ সূতকে ।
যাবদেকোঽনুদিষ্টস্য স্নেহো গন্ধশ্চ তিষ্ঠতি ॥ ১৪.৭২ ॥

বিপ্রস্য বিদুষো দেহে তাবদ্ ব্রহ্ম ন কীর্ত্তয়েৎ ।
শয়ানঃ প্রৌঢপাদশ্চ কৃৎবা চৈচাবসিক্থকাম্ ॥ ১৪.৭৩ ॥

নাধীয়ীতামিষং জগ্ধ্বা সূতকাদ্যন্নমেব চ ।
নীহারে বাণপাতে চ সংধ্যযোরুভয়োরপি ॥ ১৪.৭৪ ॥

অমাবাস্যাং চতুর্দশ্যাং পৌর্ণমাস্যষ্টমীষু চ ।
উপাকর্মণি চোৎসর্গে ত্রিরাত্রং ক্ষপণং স্মৃতম্ ॥ ১৪.৭৫ ॥

অষ্টকাসু ত্র্যহোরাত্রং ঋৎবন্তাসু চ রাত্রিষু ।
মার্গশীর্ষে তথা পৌষে মাঘমাসে তথৈব চ ॥ ১৪.৭৬ ॥

তিস্রোঽষ্টকাঃ সমাখ্যাতা কৃষ্ণপক্ষেতু সূরিভিঃ ।
শ্লেষ্মাতকস্য ছায়ায়াং শাল্মলের্মধুকস্য চ ॥ ১৪.৭৭ ॥

কদাচিদপি নাধ্যেয়ং কোবিদারকপিত্থয়োঃ ।
সমানবিদ্যে চ মৃতে তথা সব্রহ্মচারিণি ॥ ১৪.৭৮ ॥

আচার্যে সংস্থিতে বাঽপি ত্রিরাত্রং ক্ষপণং স্মৃতম্ ।
ছিদ্রাণ্যেতানি বিপ্রাণাংয়েঽনধ্যায়াঃ প্রকীর্তিতাঃ ॥ ১৪.৭৯ ॥

হিংসন্তি রাক্ষসাস্তেষু তস্মাদেতান্ বিবর্জয়েৎ ।
নৈত্যকে নাস্ত্যনধ্যায়ঃ সংধ্যোপাসন এব চ ॥ ১৪.৮০ ॥

উপাকর্মণি কর্মান্তে হোমমন্ত্রেষু চৈব হি ।
একামৃচমথৈকং বা যজুঃ সামাথবা পুনঃ ॥ ১৪.৮১ ॥

অষ্টকাদ্যাস্বধীয়ীত মারুতে চাতিবায়তি ।
অনধ্যায়স্তু নাঙ্গেষু নেতিহাসপুরাণয়োঃ ॥ ১৪.৮২ ॥

ন ধর্মশাস্ত্রেষ্বন্যেষু পর্বাণ্যেতানি বর্জয়েৎ ।
এষ ধর্মঃ সমাসেন কীর্ত্তিতো ব্রহ্মচারিণাম্ ॥ ১৪.৮৩ ॥

ব্রহ্মণাঽভিহিতঃ পূর্বমৃষীণাং ভাবিতাত্মনাম্ ।
যোঽন্যত্র কুরুতে যত্নমনধীত্য শ্রুতিং দ্বিজাঃ ॥ ১৪.৮৪ ॥

স সংমূঢো ন সংভাষ্যো বেদবাহ্যো দ্বিজাতিভিঃ ।
ন বেদপাঠমাত্রেণ সংতুষ্টো বৈ ভবেদ্ দ্বিজঃ ॥ ১৪.৮৫ ॥

পাঠমাত্রাবসন্নস্তু পঙ্কে গৌরিব সীদতি ।
যোঽধীত্য বিধিবদ্ বেদং বেদার্থং ন বিচারয়েৎ ॥ ১৪.৮৬ ॥

স চান্ধঃ শূদ্রকল্পস্তু পদার্থং ন প্রপদ্যতে ।
যদি ৎবাত্যন্তিকং বাসং কর্ত্তুমিচ্ছতি বৈ গুরৌ ॥ ১৪.৮৭ ॥

যুক্তঃ পরিচরেদেনমাশরীরবিমোক্ষণাৎ ।
গৎবা বনং বা বিধিবজ্জুহুয়াজ্জাতবেদসম্ ॥ ১৪.৮৮ ॥

অভ্যসেৎস তদা নিত্যং ব্রহ্মনিষ্ঠঃ সমাহিতঃ
সাবিত্রীং শতরুদ্রীয়ং বেদান্তাংশ্চ বিশেষতঃ ।
অভ্যসেৎ সততং যুক্তে ভস্মস্নানপরায়ণঃ ॥ ১৪.৮৯ ॥

এতদ্ বিধানং পরমং পুরাণং
বেদাগমে সম্যগিহেরিতঞ্চ ।
পুরা মহর্ষিপ্রবরানুপৃষ্টঃ
স্বায়ংভুবো যন্মনুরাহ দেবঃ ॥ ১৪.৯০ ॥

এবমীশ্বরসমর্পিতান্তরো
যোঽনুতিষ্ঠতি বিধিং বিধানবিৎ ।
মোহজালমপহায় সোঽমৃতো
যাতি তৎ পদমনাময়ং শিবম্ ॥ ১৪.৯১ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
চতুর্দশোঽধ্যায়ঃ ॥১৪ ॥

কূর্মপুরাণএ উত্তরভাগে পঞ্চদশোঽধ্যায়ঃ

ব্যাস উবাচ ।
বেদং বেদৌ তথা বেদান্ বিন্দ্যাদ্বা চতুরো দ্বিজাঃ ।
অধীত্য চাভিগম্যার্থং ততঃ স্নায়াদ্ দ্বিজোত্তমাঃ ॥ ১৫.১ ॥

গুরবে তু ধনং দত্ত্বা স্নায়ীত তদনুজ্ঞয়া ।
চীর্ণব্রতোঽথ যুক্তাত্মা সশক্তঃ স্নাতুমর্হতি ॥ ১৫.২ ॥

বৈণবীং ধারয়েদ্ যষ্টিমন্তর্বাসস্তথোত্তরম্ ।
যজ্ঞোপবীতদ্বিতয়ং সোদকং চ কমণ্ডলুম্ ॥ ১৫.৩ ॥

ছত্রং চোষ্ণীষমমলং পাদুকে চাপ্যুপানহৌ ।
রৌক্মে চ কুণ্ডলে বেদং কৃত্তকেশনখঃ শুচিঃ ॥ ১৫.৪ ॥

স্বাধ্যায়ে নিত্যযুক্তঃ স্যাদ্ বহির্মাল্যং ন ধারয়েৎ ।
অন্যত্রকাঞ্চনাদ্ বিপ্রঃ নরক্তাং বিভৃয়াৎ স্ত্রজম্ ॥ ১৫.৫ ॥

শুক্লাম্বরধরো নিত্যং সুগন্ধঃ প্রিয়দর্শনঃ ।
ন জীর্ণমলবদ্বাসা ভবেদ্ বৈ বৈভবে সতি ॥ ১৫.৬ ॥

ন রক্তমুল্বণং চান্যধৃতং বাসো ন কুণ্ডিকাম্ ।
নোপানহৌ স্ত্রজং চাথ পাদুকে ন প্রয়োজয়েৎ ॥ ১৫.৭ ॥

উপবীতকরান্ দর্ভান্ তথা কৃষ্ণাজিনানি চ ।
নাপসব্যং পরীদধ্যাদ্ বাসো ন বিকৃতংঞ্চ যৎ ॥ ১৫.৮ ॥

আহরেদ্ বিধিবদ্ দারান্ সদৃশানাত্মনঃ শুভান্ ।
রূপলক্ষণসংয়ুক্তান্ যোনিদোষবিবর্জিতান্ ॥ ১৫.৯ ॥

অমাতৃগোত্রপ্রভবামসমানর্ষিগোত্রজাম্ ।
আহরেদ্ ব্রাহ্মণো ভার্যাং শীলশৌচসমন্বিতাম্ ॥ ১৫.১০ ॥

ঋতুকালাভিগামী স্যাদ্ যাবৎ পুত্রোঽভিজায়তে ।
বর্জয়েৎ প্রতিষিদ্ধানি প্রয়ত্নেন দিনানি তু ॥ ১৫.১১ ॥

ষষ্ট্যষ্টমীং পঞ্চদশীং দ্বাদশীং চ চতুর্দশীম্ ।
ব্রহ্মচারী ভবেন্নিত্যং তদ্বজ্জন্মত্রয়াহনি ॥ ১৫.১২ ॥

আদধীতাবসথ্যাগ্নিং জুহুয়াজ্জাতবেদসম্ ।
ব্রতানি স্নাতকো নিত্যং পাবনানি চ পালয়েৎ ॥ ১৫.১৩ ॥

বেদোদিতং স্বকং কর্ম নিত্যং কুর্যাদতন্দ্রিতঃ ।
অকুর্বাণঃ পতত্যাশু নরকানতিভীষণান্ ॥ ১৫.১৪ ॥

অভ্যসেৎ প্রয়তো বেদং মহায়জ্ঞাংশ্চ ভাবয়েৎ ।
কুর্যাদ্ গৃহ্যাণি কর্মাণি সংধ্যোপাসনমেব চ ॥ ১৫.১৫ ॥

সখ্যং সমাধিকৈঃ কুর্যাদুপেয়াদীশ্বরং সদা ।
দৈবতান্যপি গচ্ছেত কুর্যাদ্ ভার্যাভিপোষণম্ ॥ ১৫.১৬ ॥

ন ধর্মং খ্যাপয়েদ্ বিদ্বান্ ন পাপং গূহয়েদপি ।
কুর্বীতাত্মহিতং নিত্যং সর্বভূতানুকম্পনম্ ॥ ১৫.১৭ ॥

বয়সঃ কর্মণোঽর্থস্য শ্রুতস্যাভিজনস্য চ ।
বেষবাগ্বুদ্ধিসারূপ্যমাচরন্ বিচরেৎ সদা ॥ ১৫.১৮ ॥

শ্রুতিস্মৃত্যুদিতঃ সম্যক্ সাধুভির্যশ্চ সেবিতঃ ।
তমাচারং নিষেবেত নেহেতান্যত্র কর্হিচিৎ ॥ ১৫.১৯ ॥

যেনাস্য পিতরো যাতা যেন যাতাঃ পিতামহাঃ ।
তেন যায়াৎ সতাং মার্গং তেন গচ্ছন্ তরিষ্যতি ॥ ১৫.২০ ॥

নিত্যং স্বাধ্যায়শীলঃ স্যান্নিত্যং যজ্ঞোপবীতবান্ ।
সত্যবাদী জিতক্রোধো ব্রহ্মভূয়ায় কল্পতে ॥ ১৫.২১ ॥

সংধ্যাস্নানপরো নিত্যং ব্রহ্ময়জ্ঞুপরায়ণঃ ।
অনসূয়ী মৃদুর্দান্তো গৃহস্থঃ প্রেত্য বর্দ্ধতে ॥ ১৫.২২ ॥

বীতরাগভয়ক্রোধো লোভমোহবিবর্জিতঃ ।
সাবিত্রীজাপনিরতঃ শ্রাদ্ধকৃন্মুচ্যতে গৃহী ॥ ১৫.২৩ ॥

মাতাপিত্রোর্হিতে যুক্তো গোব্রাহ্মণহিতে রতঃ ।
দান্তো যজ্বা দেবভক্তো ব্রহ্মলোকে মহীয়তে ॥ ১৫.২৪ ॥

ত্রিবর্গসেবী সততং দেবতানাং চ পূজনম্ ।
কুর্যাদহরহর্নিত্যং নমস্যেৎ প্রয়তঃ সুরান্ ॥ ১৫.২৫ ॥

বিভাগশীলঃ সততং ক্ষমায়ুক্তো দয়ালুকঃ ।
গৃহস্থস্তু সমাখ্যাতো ন গৃহেণ গৃহী ভবেৎ ॥ ১৫.২৬ ॥

ক্ষমা দয়া চ বিজ্ঞানং সত্যং চৈব দমঃ শমঃ ।
অধ্যাত্মনিরত জ্ঞানমেতদ্ ব্রাহ্মণলক্ষণম্ ॥ ১৫.২৭ ॥

এতস্মান্ন প্রমাদ্যেত বিশেষেণ দ্বিজোত্তমঃ ।
যথাশক্তি চরেৎ কর্ম নিন্দিতানি বিবর্জয়েৎ ॥ ১৫.২৮ ॥

বিধূয় মোহকলিলং লব্ধ্বা যোগমনুত্তমম্ ।
গৃহস্থো মুচ্যতে বন্ধাৎ নাত্র কার্যা বিচারণা ॥ ১৫.২৯ ॥

বিগর্হাতিক্রমাক্ষেপহিংসাবন্ধবধাত্মনাম্ ।
অন্যমন্যুসমুত্থানাং দোষাণাং মর্ষণং ক্ষমা ॥ ১৫.৩০ ॥

স্বদুঃখেষ্বিব কারুণ্যং পরদুঃ খেষু সৌহৃদাৎ ।
দয়েতি মুনয়ঃ প্রাহুঃ সাক্ষাদ্ ধর্মস্য সাধনম্ ॥ ১৫.৩১ ॥

চতুর্দশানাং বিদ্যানাং ধারণং হি যথার্থতঃ ।
বিজ্ঞানমিতি তদ্ বিদ্যাদ্ যত্র ধর্মো বিবর্দ্ধতে ॥ ১৫.৩২ ॥

অধীত্য বিধিবদ্ বিদ্যামর্থং চৈবোপলভ্য তু ।
ধর্মকার্যান্নিবৃত্তশ্চেন্ন তদ্ বিজ্ঞানমিষ্যতে ॥ ১৫.৩৩ ॥

সত্যেন লোকাঞ্জয়তি সত্যং তৎপরমং পদম্ ।
যথাভূতপ্রবাদং তু সত্যমাহুর্মনীষিণঃ ॥ ১৫.৩৪ ॥

দমঃ শরীরোপরমঃ শমঃ প্রজ্ঞাপ্রসাদজঃ ।
অধ্যাত্মমক্ষরং বিদ্যাদ্ যত্র গৎবা ন শোচতি ॥ ১৫.৩৫ ॥

যয়া স দেবো ভগবান্ বিদ্যযা বেদ্যতে পরঃ ।
সাক্ষাদ্ দেবো মহাদেবস্তজ্জ্ঞানমিতি কীর্তিতম্ ॥ ১৫.৩৬ ॥

তন্নিষ্ঠস্তৎপরো বিদ্বান্নিত্যমক্রোধনঃ শুচিঃ ।
মহায়জ্ঞপরো বিপ্রো ভবেত্তদনুত্তমম্ ॥ ১৫.৩৭ ॥

ধর্মস্যায়তনং যত্নাচ্ছরীরং পরিপালয়েৎ ।
ন হি দেহং বিনা রুদ্রঃ পুরুষৈর্বিদ্যতে পরঃ ॥ ১৫.৩৮ ॥

নিত্যধর্মার্থকামেষু যুজ্যেত নিয়তো দ্বিজঃ ।
ন ধর্মবর্জিতং কামমর্থং বা মনসা স্মরেৎ ॥ ১৫.৩৯ ॥

সীদন্নপি হি ধর্মেণ ন ৎবধর্মং সমাচরেৎ ।
ধর্মো হি ভগবান্ দেবো গতিঃ সর্বেষু জন্তুষু ॥ ১৫.৪০ ॥

ভূতানাং প্রিয়কারী স্যাৎ ন পরদ্রোহকর্মধীঃ ।
ন বেদদেবতানিন্দাং কুর্যাৎ তৈশ্চ ন সংবদেৎ ॥ ১৫.৪১ ॥

যস্ত্বিমং নিয়তং বিপ্রো ধর্মাধ্যায়ং পঠেচ্ছুচিঃ ।
অধ্যাপয়েৎ শ্রাবয়েদ্ বা ব্রহ্মলোকে মহীয়তে ॥ ১৫.৪২ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
পঞ্চদশোঽধ্যায়ঃ ॥১৫ ॥

কূর্মপুরাণএ উত্তরভাগে ষোডশোঽধ্যায়ঃ

ব্যাস উবাচ ।
ন হিংস্যাৎ সর্বভূতানিনানৃতং বা বদেৎ ক্বচিৎ ।
নাহিতং নাপ্রিয়ং বাক্যং ন স্তেনঃ স্যাদ্ কদাচন ॥ ১৬.১ ॥

তৃণং বা যদি বা শাকং মৃদং বা জলমেব বা ।
পরস্যাপহরঞ্জন্তুর্নরকং প্রতিপদ্যতে ॥ ১৬.২ ॥

ন রাজ্ঞঃ প্রতিগৃহ্ণীয়ান্ন শূদ্রাৎপতিতাদপি ।
ন চান্যস্মাদশক্তশ্চ নিন্দিতান্ বর্জয়েদ্ বুধঃ ॥ ১৬.৩ ॥

নিত্যং যাচনকো ন স্যাৎ পুনস্তং নৈব যাচয়েৎ ।
প্রাণানপহরত্যেষ যাচকস্তস্য দুর্মতিঃ ॥ ১৬.৪ ॥

ন দেবদ্রব্যহারী স্যাদ্ বিশেষেণ দ্বিজোত্তমঃ ।
ব্রহ্মস্বং বা নাপহরেদাপদ্যপি কদাচন ॥ ১৬.৫ ॥

ন বিষং বিষমিত্যাহুর্ব্রহ্মস্বং বিষমুচ্যতে ।
দেবস্বং চাপি যত্নেন সদা পরিহরেৎ ততঃ ॥ ১৬.৬ ॥

পুষ্পে শাকোদকে কাষ্ঠে তথা মূলে ফলে তৃণে ।
অদত্তাদানমস্তেয়ং মনুঃ প্রাহ প্রজাপতিঃ ॥ ১৬.৭ ॥

গ্রহীতব্যানি পুষ্পাণি দেবার্চনবিধৌ দ্বিজাঃ ।
নৈকস্মাদেব নিয়তমননুজ্ঞায় কেবলম্ ॥ ১৬.৮ ॥

তৃণং কাষ্ঠং ফলং পুষ্পং প্রকাশং বৈ হরেদ্ বুধঃ ।
ধর্মার্থং কেবলং গ্রাহ্যং হ্যন্যথা পতিতো ভবেৎ ॥ ১৬.৯ ॥

তিলমুদ্গয়বাদীনাং মুষ্টির্গ্রাহ্যা পথি স্থিতৈঃ ।
ক্ষুধার্তৈর্নান্যথা বিপ্রা ধর্মবিদ্ভিরিতি স্থিতিঃ ॥ ১৬.১০ ॥

ন ধর্মস্যাপদেশেন পাপং কৃৎবা ব্রতং চরেৎ ।
ব্রতেন পাপং প্রচ্ছাদ্য কুর্বন্ স্ত্রীশূদ্রলম্ভনম্ ॥ ১৬.১১ ॥

প্রেত্যেহ চেদৃশো বিপ্রো গর্হ্যতে ব্রহ্মবাদিভিঃ ।
ছদ্মনাচরিতং যচ্চ ব্রতং রক্ষাংসি গচ্ছতি ॥ ১৬.১২ ॥

অলিঙ্গী লিঙ্গিবেষেণ যো বৃত্তিমুপজীবতি ।
স লিঙ্গিনাং হরেদেনস্তির্যগ্যোনৌ চ জায়তে ॥ ১৬.১৩ ॥

বৈডালব্রতিনঃ পাপা লোকে ধর্মবিনাশকাঃ ।
সদ্যঃ পতন্তি পাপেন কর্মণস্তস্য তৎ ফলম্ ॥ ১৬.১৪ ॥

পাখণ্ডিনো বিকর্মস্থান্ বামাচারাংস্তথৈব চ ।
পঞ্চরাত্রান্ পাশুপতান্ বাঙ্মাত্রেণাপি নার্চয়েৎ ॥ ১৬.১৫ ॥

বেদনিন্দারতান্ মর্ত্যান্ দেবনিন্দারতাংস্তথা ।
দ্বিজনিন্দারতাংশ্চৈব মনসাপি ন চিন্তয়েৎ ॥ ১৬.১৬ ॥

যাজনং যোনিসংবন্ধং সহবাসং চ ভাষণম্ ।
কুর্বাণঃ পততে জন্তুস্তস্মাদ্ যত্নেন বর্জয়েৎ ॥ ১৬.১৭ ॥

দেবদ্রোহাদ্ গুরুদ্রোহঃ কোটিকোটিগুণাধিকঃ ।
জ্ঞানাপবাদো নাস্তিক্যং তস্মাৎ কোটিগুণাধিকম্ ॥ ১৬.১৮ ॥

গোভিশ্চ দৈবতৈর্বিপ্রৈঃ কৃষ্যা রাজোপসেবয়া ।
কুলান্যকুলতাং যান্তি যানি হীনানি ধর্মতঃ ॥ ১৬.১৯ ॥

কুবিবাহৈঃ ক্রিয়ালোপৈর্বেদানধ্যযনেন চ ।
কুলান্যকুলতাং যান্তি ব্রাহ্মণাতিক্রমেণ চ ॥ ১৬.২০ ॥

অনৃতাৎ পারদার্যাচ্চ তথাঽভক্ষ্যস্য ভক্ষণাৎ ।
অশ্রৌতধর্মাচরণাৎ ক্ষিপ্রং নশ্যতি বৈ কুলম্ ॥ ১৬.২১ ॥

অশ্রোত্রিয়েষু বৈ দানাদ্ বৃষলেষু তথৈব চ ।
বিহিতাচারহীনেষু ক্ষিপ্রং নশ্যতি বৈ কুলম্ ॥ ১৬.২২ ॥

নাধার্মিকৈর্বৃতে গ্রামে ন ব্যাধিবহুলে ভৃশম্ ।
ন শূদ্ররাজ্যে নিবসেন্ন পাখণ্ডজনৈর্বৃতে ॥ ১৬.২৩ ॥

হিমবদ্বিন্ধ্যযোর্মধ্যে পূর্বপশ্চিময়োঃ শুভম্ ।
মুক্ত্বা সমুদ্রয়োর্দেশং নান্যত্র নিবসেদ্ দ্বিজঃ ॥ ১৬.২৪ ॥

কৃষ্ণো বা যত্র চরতি মৃগো নিত্যং স্বভাবতঃ ।
পুণ্যাশ্চ বিশ্রুতা নদ্যস্তত্র বা নিবসেদ্ দ্বিজঃ ॥ ১৬.২৫ ॥

অর্দ্ধক্রোশান্নদীকূলং বর্জয়িৎবা দ্বিজোত্তমঃ ।
নান্যত্র নিবসেৎ পুণ্যাং নান্ত্যজগ্রামসন্নিধৌ ॥ ১৬.২৬ ॥

ন সংবসেচ্চ পতিতৈর্ন চণ্ডালৈর্ন পুক্কসৈঃ ।
ন মূর্খৈর্নাবলিপ্তৈশ্চ নান্ত্যৈর্নান্ত্যাবসায়িভিঃ ॥ ১৬.২৭ ॥

একশয়্যাসনং পঙ্ক্তির্ভাণ্ডপক্বান্নমিশ্রণম্ ।
যাজনাধ্যাপনং যোনিস্তথৈব সহভোজনম্ ॥ ১৬.২৮ ॥

সহাধ্যায়স্তু দশমঃ সহয়াজনমেব চ ।
একাদশ সমুদ্দিষ্টা দোষাঃ সাঙ্কর্যসংজ্ঞিতাঃ ॥ ১৬.২৯ ॥

সমীপে বা ব্যবস্থানাৎ পাপং সংক্রমতে নৃণাম্ ।
তস্মাৎ সর্বপ্রয়ত্নেন সাঙ্কর্যং পরিবর্জয়েৎ ॥ ১৬.৩০ ॥

একপঙ্ক্ত্যুপবিষ্টা যে ন স্পৃশন্তি পরস্পরম্ ।
ভস্মনা কৃতমর্যাদা ন তেষাং সংকরো ভবেৎ ॥ ১৬.৩১ ॥

অগ্নিনা ভস্মনা চৈব সলিলেন বিশেষতঃ ।
দ্বারেণ স্তম্ভমার্গেণ ষড্ভিঃ পঙ্ক্তির্বিভিদ্যতে ॥ ১৬.৩২ ॥

ন কুর্যাচ্ছুষ্কবৈরাণি বিবাদং চ ন পৈশুনম্ ।
পরক্ষেত্রে গাং চরন্তীং ন চাচক্ষতি কস্যচিৎ ॥ ১৬.৩৩ ॥

ন সংবসেৎ সূতকিনা ন কঞ্চিন্মর্মণি স্পৃশেৎ ।
ন সূর্যপরিবেষং বা নেন্দ্রচাপং শবাগ্নিকম্ ॥ ১৬.৩৪ ॥

পরস্মৈ কথয়েদ্ বিদ্বান্ শশিনং বা কদাচন ।
ন কুর্যাদ্ বহুভিঃ সার্দ্ধং বিরোধং বন্ধুভিস্তয়া ॥ ১৬.৩৫ ॥

আত্মনঃ প্রতিকূলানি পরেষাং ন সমাচরেৎ ।
তিথিং পক্ষস্য ন ব্রূয়াৎ নক্ষত্রাণি বিনির্দিশেৎ ॥ ১৬.৩৬ ॥

নোদক্যামভিভাষেত নাশুচিং বা দ্বিজোত্তমঃ ।
ন দেবগুরুবিপ্রাণাং দীয়মানং তু বারয়েৎ ॥ ১৬.৩৭ ॥

ন চাত্মানং প্রশংসেদ্ বা পরনিন্দাং চ বর্জয়েৎ ।
বেদনিন্দাং দেবনিন্দাং প্রয়ত্নেন বিবর্জয়েৎ ॥ ১৬.৩৮ ॥

যস্তু দেবানৃষীন্ বিপ্রান্বেদান্ বা নিন্দতি দ্বিজঃ ।
ন তস্য নিষ্কৃতির্দৃষ্টা শাস্ত্রেষ্বিহ মুনীশ্বরাঃ ॥ ১৬.৩৯ ॥

নিন্দয়েদ্ বৈ গুরুং দেবং বেদং বা সোপবৃংহণম্ ।
কল্পকোটিশতং সাগ্রং রৌরবে পচ্যতে নরঃ ॥ ১৬.৪০ ॥

তূষ্ণীমাসীত নিন্দায়াং ন ব্রূয়াৎ কিংচিদুত্তরম্ ।
কর্ণৌ পিধায় গন্তব্যং ন চৈতানবলোকয়েৎ ॥ ১৬.৪১ ॥

বর্জয়েদ্ বৈ রহস্যঞ্চ পরেষাং গূহয়েদ্ বুধঃ ।
বিবাদং স্বজনৈঃ সার্দ্ধং ন কুর্যাদ্ বৈ কদাচন ॥ ১৬.৪২ ॥

ন পাপং পাপিনাং ব্রূয়াদপাপং বা দ্বিজোত্তমাঃ ।
স তেন তুল্যদোষঃ স্যান্মিথ্যা দ্দোষবান্ ভবেৎ ॥ ১৬.৪৩ ॥

যানি মিথ্যাভিশস্তানাং পতন্ত্যশ্রূণি রোদনাৎ ।
তানিপুত্রান্ পশূন্ ঘ্নন্তি তেষাং মিথ্যাভিশংসিনাম্ ॥ ১৬.৪৪ ॥

ব্রিহ্মহত্যাসুরাপানে স্তেয়গুর্বঙ্গনাগমে ।
দৃষ্টং বিশোধনং বৃদ্ধৈর্নাস্তি মিথ্যাভিশংসনে ॥ ১৬.৪৫ ॥

নেক্ষেতোদ্যন্তমাদিত্যং শশিনং চানিমিত্ততঃ ।
নাস্তং যান্তং ন বারিস্থং নোপসৃষ্টং ন মঘ্যগম্ ॥ ১৬.৪৬ ॥

তিরোহিতং বাসসা বা নাদর্শান্তরগামিনম্ ।
ন নগ্নাং স্ত্রিয়মীক্ষেত পুরুষং বা কদাচন ॥ ১৬.৪৭ ॥

ন চ মূত্রং পুরীষং বা ন চ সংস্পৃষ্টমৈথুনম্ ।
নাশুচিঃ সূর্যসোমাদীন্ গ্রহানালোকয়েদ্ বুধঃ ॥ ১৬.৪৮ ॥

পতিতব্যঙ্গচণ্ডালানুচ্ছিষ্টান্ নাবলোকয়েৎ ।
নাভিভাষেত চ পরমুচ্ছিষ্টো বাঽবগুণ্ঠিতঃ ॥ ১৬.৪৯ ॥

ন স্পৃশেৎ প্রেতসংস্পর্শং ন ক্রুদ্ধস্য গুরোর্মুখম্ ।
ন তৈলোদকয়োশ্ছায়াং ন পত্নীং ভোজনে সতি ।
নামুক্তবন্ধনাঙ্গাং বা নোন্মত্তং মত্তমেব বা ॥ ১৬.৫০ ॥

নাশ্নীয়াৎ ভার্যযা সার্দ্ধংনৈনামীক্ষেত চাশুচিম্ ।
ক্ষুবন্তীং জৃম্ভমাণাং বা নাসনস্থাং যথাসুখম্ ॥ ১৬.৫১ ॥

নোদকে চাত্মনো রূপং ন কূলং শ্বভ্রমেব বা ।
ন লঙ্ঘয়েচ্চ মূত্রং বা নাধিতিষ্ঠেৎ কদাচন ॥ ১৬.৫২ ॥

ন শূদ্রায় মতিং দদ্যাৎ কৃশরং পায়সং দধি ।
নোচ্ছিষ্টং বা মধু ঘৃতং ন চ কৃষ্ণাজিনং হবিঃ ॥ ১৬.৫৩ ॥

ন চৈবাস্মৈ ব্রতং দদ্যান্ন চ ধর্মং বদেদ্ বুধঃ ।
ন চ ক্রোধবশং গচ্ছেদ্ দ্বেষং রাগং চ বর্জয়েৎ ॥ ১৬.৫৪ ॥

লোভং দম্ভং তথা যত্নাদসূয়াং বিজ্ঞানকুৎসনম্ ।
মানং মোহং তথা ক্রোধং দ্বেষঞ্চ পরিবর্জয়েৎ ॥ ১৬.৫৫ ॥

ন কুর্যাৎ কস্যচিৎ পীডাং সুতং শিষ্যং চ তাডয়েৎ ।
ন হীনানুপসেবেত ন চ তীক্ষ্ণমতীন্ ক্বচিৎ ॥ ১৬.৫৬ ॥

নাত্মানং চাবমন্যেত দৈন্যং যত্নেন বর্জয়েৎ ।
ন বিশিষ্টানসৎকুর্য্যাৎ নাত্মানং বা শংসয়েদ্ বুধঃ ॥ ১৬.৫৭ ॥

ন নখৈর্বিলিখেদ্ ভূমিং গাং চ সংবেশয়েন্ন হি ।
ন নদীষু নদীং ব্রূয়াৎ পর্বতেষু চ পর্বতান্ ॥ ১৬.৫৮ ॥

আবাসে ভোজনে বাঽপি ন ত্যজেৎ হসয়ায়িনম্ ।
নাবগাহেদপো নগ্নো বহ্নিং নাতিব্রজেৎ পদা ॥ ১৬.৫৯ ॥

শিরোঽভ্যঙ্গাবশিষ্টেন তৈলেনাঙ্গং ন লেপয়েৎ ।
ন সর্পশস্ত্রৈঃ ক্রীডেত স্বানি খানি ন সংস্পৃশেৎ ॥ ১৬.৬০ ॥

রোমাণি চ রহস্যানি নাশিষ্টেন সহ ব্রজেৎ ।
ন পাণিপাদাবগ্নৌচ চাপলানি সমাশ্রয়েৎ ॥ ১৬.৬১ ॥

ন শিশ্নোদরচাপল্যং ন চ শ্রবণয়োঃ ক্বচিৎ ।
ন চাঙ্গনখবাদং বৈ কুর্যান্নাঞ্জলিনা পিবেৎ ॥ ১৬.৬২ ॥

নাভিহন্যাজ্জলং পদ্ভ্যাং পাণিনা বা কদাচন ।
ন শাতয়েদিষ্টকাভিঃ ফলানি সফলানি চ ॥ ১৬.৬৩ ॥

ন ম্লেচ্ছভাষাং শিক্ষেত নাকর্ষেচ্চ পদাসনম্ ।
ন ভেদনমধিস্ফোটং ছেদনং বা বিলেখনম্ ॥ ১৬.৬৪ ॥

কুর্যাদ্ বিমর্দনং ধীমান্ নাকস্মাদেব নিষ্ফলম্ ।
নোৎসঙ্গেভক্ষয়েদ্ ভক্ষ্যান্ বৃথা চেষ্টাং চ নাচরেৎ ॥ ১৬.৬৫ ॥

ন নৃত্যেদথবা গায়েন্ন বাদিত্রাণি বাদয়েৎ ।
ন সংহতাভ্যাং পাণিভ্যাং কণ্ডূয়েদাত্মনঃ শিরঃ ॥ ১৬.৬৬ ॥

ন লৌকিকৈঃ স্তবৈর্দেবাংস্তোষয়েদ্ বাহ্যজৈরপি ।
নাক্ষৈঃ ক্রীডেন্ন ধাবেত নাপ্সু বিণ্মূত্রমাচরেৎ ॥ ১৬.৬৭ ॥

নোচ্ছিষ্টঃ সংবিশেন্নিত্যং ন নগ্নঃ স্নানমাচরেৎ ।
ন গচ্ছেন্ন পঠেদ্ বাঽপি ন চৈব স্বশিরঃ স্পৃশেৎ ॥ ১৬.৬৮ ॥

ন দন্তৈর্নখরোমাণি ছিন্দ্যাৎ সুপ্তং ন বোধয়েৎ ।
ন বালাতপমাসেবেৎ প্রেতধূমং বিবর্জয়েৎ ॥ ১৬.৬৯ ॥

নৈকঃ সুপ্যাচ্ছূন্যগৃহে স্বয়ং নোপানহৌ হরেৎ ।
নাকারণাদ্ বা নিষ্ঠীবেন্ন বাহুভ্যাং নদীং তরেৎ ॥ ১৬.৭০ ॥

ন পাদক্ষালনং কুর্যাৎ পাদেনৈব কদাচন ।
নাগ্নৌ প্রতাপয়েৎ পাদৌ ন কাংস্যে ধাবয়েদ্ বুধঃ ॥ ১৬.৭১ ॥

নাতিপ্রসারয়েদ্ দেবং ব্রাহ্মণান্ গামথাপি বা ।
বায়্বগ্নিগুরুবিপ্রান্ বা সূর্যং বা শশিনং প্রতি ॥ ১৬.৭২ ॥

অশুদ্ধঃ শয়নং যানং স্বাধ্যায়ং স্নানভোজনম্ ।
বহির্নিষ্ক্রমণং চৈব ন কুর্বীত কথঞ্চন ॥ ১৬.৭৩ ॥

স্বপ্নমধ্যযনং স্নানমুচ্চারং ভোজনং গতিম্ ।
উভয়োঃ সংধ্যযোর্নিত্যং মধ্যাহ্নে চৈব বর্জয়েৎ ॥ ১৬.৭৪ ॥

ন স্পৃশেৎ পাণিনোচ্ছিষ্টো বিপ্রোগোব্রাহ্মণানলান্ ।
ন চৈবান্নং পদা বাঽপি ন দেবপ্রতিমাং স্পৃশেৎ ॥ ১৬.৭৫ ॥

নাশুদ্ধোঽগ্নিং পরিচরেন্ন দেবান্ কীর্ত্তয়েদৃষীন্ ।
নাবগাহেদগাধাম্বু ধারয়েন্নাগ্নিমেকতঃ ॥ ১৬.৭৬ ॥

ন বামহস্তেনোদ্ধত্য পিবেদ্ বক্ত্রেণ বা জলম্ ।
নোত্তরেদনুপস্পৃশ্য নাপ্সু রেতঃ সমুৎসৃজেৎ ॥ ১৬.৭৭ ॥

অমেধ্যলিপ্তমন্যদ্ বা লোহিতং বা বিষাণি বা ।
ব্যতিক্রমেন্ন স্রবন্তীং নাপ্সু মৈথুনমাচরেৎ ॥ ১৬.৭৮ ॥

চৈত্যং বৃক্ষং ন বৈ ছিন্দ্যান্নাপ্সু ষ্ঠীবনমাচরেৎ ।
নাস্থিভস্মকপালানি ন কেশান্ন চ কণ্টকান্ ।
ওষাংঙ্গারকরীষং বা নাধিতিষ্ঠেৎ কদাচন ॥ ১৬.৭৯ ॥

ন চাগ্নিং লঙ্ঘয়েদ্ ধীমান্ নোপদধ্যাদধঃ ক্বচিৎ ।
ন চৈনং পাদতঃ কুর্যান্মুখেন ন ধমেদ্ বুধঃ ॥ ১৬.৮০ ॥

ন কূপমবরোহেত নাবেক্ষেতাশুচিঃ ক্বচিৎ ।
অগ্নৌ ন প্রক্ষিপেদগ্নিং নাদ্ভিঃ প্রশময়েৎ তথা ॥ ১৬.৮১ ॥

সুহৃন্মরণমার্তিং বা ন স্বয়ং শ্রাবয়েৎ পরান্ ।
অপণ্যং কূটপণ্যং বা বিক্রয়ে ন প্রয়োজয়েৎ ॥ ১৬.৮২ ॥

ন বহ্নিং মুখনিশ্বাসৈর্জ্বালয়েন্নাশুচির্বুধঃ ।
পুণ্যস্নানোদকস্থানে সীমান্তং বা কৃষেন্ন তু ॥ ১৬.৮৩ ॥

ন ভিন্দ্যাৎ পূর্বসময়মভ্যুপেতং কদাচন ।
পরস্পরং পশূন্ ব্যালান্ পক্ষিণো নাববোধয়েৎ ॥ ১৬.৮৪ ॥

পরবাধাং ন কুর্বীত জলবাতাতপাদিভিঃ ।
কারয়িৎবা স্বকর্মাণি কারূন্ পশ্চান্ন বর্জয়েৎ ।
সায়ংপ্রাতর্গৃহদ্বারান্ ভিক্ষার্থং নাবঘাটয়েৎ ॥ ১৬.৮৫ ॥

বহির্মাল্যং বহির্গন্ধং ভার্যযা সহ ভোজনম্ ।
বিগৃহ্য বাদং কুদ্বারপ্রবেশং চ বিবর্জয়েৎ ॥ ১৬.৮৬ ॥

ন খাদন্ব্রাহ্মণস্তিষ্ঠেন্ন জল্পেদ্ বা হসন্ বুধঃ ।
স্বমগ্নিং নৈব হস্তেন স্পৃশেন্নাপ্সু চিরং বসেৎ ॥ ১৬.৮৭ ॥

ন পক্ষকেণোপধমেন্ন শূর্পেণ ন পাণিনা ।
মুখেনৈব ধমেদগ্নিং মুখাদগ্নিরজায়ত ॥ ১৬.৮৮ ॥

পরস্ত্রিয়ং ন ভাষেত নায়াজ্যং যাজয়েদ্ দ্বিজঃ ।
নৈকশ্চরেৎ সভাং বিপ্রঃ সমবায়ং চ বর্জয়েৎ ।
ন দেবায়তনং গচ্ছেৎ কদাচিদ্ বাঽপ্রদক্ষিণম্ ॥ ১৬.৮৯ ॥

ন বীজয়েদ্ বা বস্ত্রেণ ন দেবায়তনে স্বপেৎ ।
নৈকোঽধ্বানং প্রপদ্যেত নাধার্মিকজনৈঃ সহ ॥ ১৬.৯০ ॥

ন ব্যাধিদূষিতৈর্বাপি ন শূদ্রৈঃ পতিতৈর্ন বা ।
নোপানদ্বর্জিতোঽধ্বানং জলাদিরহিতস্তথা ॥ ১৬.৯১ ॥

ন রাত্রৌ বারিণা সার্দ্ধং ন বিনা চ কমণ্ডলুম্ ।
নাগ্নিগোব্রাহ্মণাদীনামন্তরেণ ব্রজেৎ ক্বচিৎ ॥ ১৬.৯২ ॥

নিবৎস্যন্তীং ন বনিতামতিক্রামেৎ ক্বচিদ্ দ্বিজঃ ।
ন নিন্দেদ্ যোগিনঃ সিদ্ধান্ ব্রতিনো বা যতীংস্তথা ॥ ১৬.৯৩ ॥

দেবতায়তনং প্রাজ্ঞো দেবানাং চৈব মন্ত্রিণাম্ ।
নাক্রামেৎ কামতশ্ছায়াং ব্রাহ্মণানাং চ গোরপি ॥ ১৬.৯৪ ॥

স্বাং তু নাক্রময়েচ্ছায়াং পতিতাদ্যৈর্ন রোগিভিঃ ।
নাঙ্গারভস্মকেশাদিষ্বধিতিষ্ঠেৎ কদাচন ॥ ১৬.৯৫ ॥

বর্জয়েন্মার্জনীরেণুং স্নানবস্ত্রঘটোদকম্ ।
ন ভক্ষয়েদভক্ষ্যাণি নাপেয়ং চাপিবেদ্ দ্বিজঃ ॥ ১৬.৯৬ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
ষোডশোঽধ্যায়ঃ ॥১৬ ॥

কূর্মপুরাণএ উত্তরভাগে সপ্তদশোঽধ্যায়ঃ

ব্যাস উবাচ ।
নাদ্যাচ্ছূদ্রস্য বিপ্রোঽন্নং মোহাদ্ বা যদি বাঽন্যতঃ ।
স শূদ্রয়োনিং ব্রজতি যস্তু ভুঙ্ক্তে হ্যনাপদি ॥ ১৭.১ ॥

ষণ্মাসান্ যো দ্বিজো ভুঙ্ক্তে শূদ্রস্যান্নং বিগর্হিতম্ ।
জীবন্নেব ভবেচ্ছূদ্রো মৃতঃ শ্বা চাভিজায়তে ॥ ১৭.২ ॥

ব্রাহ্মণক্ষত্রিয়বিশাং শূদ্রস্য চ মুনীশ্বরাঃ ।
যস্যান্নেনোদরস্থেন মৃতস্তদ্যোনিমাপ্নুয়াৎ ॥ ১৭.৩ ॥

রাজান্নং নর্ত্তকান্নং চ তক্ষ্ণোঽন্নং কর্মকারিণঃ ।
গণান্নং গণিকান্নং চ ষণ্ঢান্নং চৈব বর্জয়েৎ ॥ ১৭.৪ ॥

চক্রোপজীবিরজকতস্করধ্বজিনাং তথা ।
গান্ধর্বলোহকারান্নং সূতকান্নং চ বর্জয়েৎ ॥ ১৭.৫ ॥

কুলালচিত্রকর্মান্নং বার্ধুষেঃ পতিতস্য চ ।
সুবর্ণকারশৈলূষব্যাধবদ্ধাতুরস্যচ ॥ ১৭.৬ ॥

সুবর্ণকারশৈলূষব্যাধবদ্ধাতুরস্য চ ।
চিকিৎসকস্য চৈবান্নং পুংশ্চল্যা দণ্ডিকস্য চ ।
স্তেননাস্তিকয়োরন্নং দেবতানিন্দকস্য চ ॥ ১৭.৭ ॥

সোমবিক্রয়িণশ্চান্নং শ্বপাকস্য বিশেষতঃ ॥

ভার্যাজিতস্য চৈবান্নং যস্য চোপপতির্গৃহে ॥ ১৭.৮ ॥

উৎসৃষ্টস্য কদর্যস্য তথৈবোচ্ছিষ্টভোজিনঃ ।
অপাঙ্ক্ত্যান্নং চ সঙ্ঘান্নং শস্ত্রজীবস্য চৈব হি ॥ ১৭.৯ ॥

ক্লীবসংন্যাসিনোশ্চান্নং মত্তোন্মত্তস্য চৈব হি ।
ভীতস্য রুদিতস্যান্নমবক্রুষ্টং পরিক্ষুতম্ ॥ ১৭.১০ ॥

ব্রহ্মদ্বিষঃ পাপরুচেঃ শ্রাদ্ধান্নং সূতকস্য চ ।
বৃথাপাকস্য চৈবান্নং শাবান্নং শ্বশুরস্য চ ॥ ১৭.১১ ॥

অপ্রজানাং তু নারীণাং ভৃতকস্য তথৈব চ ।
কারুকান্নং বিশেষেণ শস্ত্রবিক্রয়িণস্তথা ॥ ১৭.১২ ॥

শৌণ্ডান্নং ঘাটিকান্নং চ ভিষজামন্নমেব চ ।
বিদ্ধপ্রজননস্যান্নং পরিবেত্রন্নমেব চ ॥ ১৭.১৩ ॥

পুনর্ভুবো বিশেষেণ তথৈব দিধিষূপতেঃ ।
অবজ্ঞাতং চাবধূতং সরোষং বিস্ময়ান্বিতম্ ॥ ১৭.১৪ ॥

গুরোরপি ন ভোক্তব্যমন্নং সংস্কারবর্জিতম্ ।
দুষ্কৃতং হি মনুষ্যস্য সর্বমন্নে ব্যবস্থিতম্ ॥ ১৭.১৫ ॥

যো যস্যান্নং সমশ্নাতি স তস্যাশ্নানি কিল্বিষম্ ।
আর্দ্ধিকঃ কুলমিত্রশ্চ স্বগোপালশ্চ নাপিতঃ ॥ ১৭.১৬ ॥

কুশীলবঃ কুম্বকারঃ ক্ষেত্রকর্মক এব চ
এতে শূদ্রেষু ভোজ্যান্নং দৎবা স্বল্পং পণং বুধৈঃ ।
পায়সং স্নেহপক্বং যদ্ গোরসং চৈব সক্তবঃ ॥ ১৭.১৭ ॥

পিণ্যাকং চৈব তৈলং চ শূদ্রাদ্ গ্রাহ্যং দ্বিজাতিভিঃ ।
বৃন্তাকং নালিকাশাকং কুসুম্ভাশ্মন্তকং তথা ॥ ১৭.১৮ ॥

পলাণ্ডুং লসুনং শুক্তং নির্যাসং চৈব বর্জয়েৎ ।
ছত্রাকং বিড্বরাহং চ শেল়ং পীয়ূষমেব চ ॥ ১৭.১৯ ॥

বিলয়ং সুমুখং চৈব কবকানি চ বর্জয়েৎ ॥

গৃঞ্জনং কিংশুকং চৈব ককুভঞ্চ তথৈব চ ॥ ১৭.২০ ॥

উদুম্বরমলাবুং চ জগ্ধ্বা পততি বৈ দ্বিজঃ ॥

বৃথা কৃশরসংয়াবং পায়সাপূপমেব চ ॥ ১৭.২১ ॥

অনুপাকৃতমাংসং চ দেবান্নানি হবীংষি চ ।
যবাগূং মাতুলিঙ্গং চ মৎস্যানপ্যনুপাকৃতান্ ॥ ১৭.২২ ॥

নীপং কপিত্থং প্লক্ষং চ প্রয়ত্নেন বিবর্জয়েৎ ॥

পিণ্যাকং চোদ্ধৃতস্নেহং দেবধান্য তথৈব চ ॥ ১৭.২৩ ॥

রাত্রৌ চ তিলসংবদ্ধং প্রয়ত্নেন দধি ত্যজেৎ ॥

নাশ্নীয়াৎ পয়সা তক্রং ন বীজান্যুপজীবয়েৎ ॥ ১৭.২৪ ॥

ক্রিয়াদুষ্টং ভাবদুষ্টমসৎসংগং বিবর্জয়েৎ ॥

কেশকীটাবপন্নং চ সুহৃল্লেখং চ নিত্যশঃ ॥ ১৭.২৫ ॥

শ্বাঘ্রাতং চ পুনঃ সিদ্ধং চণ্ডালাবেক্ষিতং তথা ।
উদক্যযা চ পতিতৈর্গবা চাঘ্রাতমেব চ ॥ ১৭.২৬ ॥

অনর্চিতং পুর্যুংষিতং পর্যাভ্রান্তং চ নিত্যশঃ ।
কাককুক্কুটসংস্পৃষ্টং কৃমিভিশ্চৈব সংয়ুতম্ ॥ ১৭.২৭ ॥

মনুষ্যৈরথবাঘ্রাতং কুষ্ঠিনা স্পৃষ্টমেব চ ।
ন রজস্বলয়া দত্তং ন পুংশ্চাল্যা সরোষয়া ॥ ১৭.২৮ ॥

মলবদ্বাসসা বাপি পরবাসোঽথ বর্জয়েৎ ।
বিবৎসায়াশ্চ গোঃ ক্ষীরমৌষ্ট্রং বানির্দশং তথা ॥ ১৭.২৯ ॥

আবিকং সন্ধিনীক্ষীরমপেয়ং মনুরব্রবীৎ ।
বলাকং হংসদাত্যূহং কলবিকং শুকং তথা ॥ ১৭.৩০ ॥

কুররঞ্চচকারঞ্চ জালপাদং চ কোকিলম্ ।
চাষাংশ্চ খঞ্জরীটাংশ্চ শ্যেনং গৃধ্রং তথৈব চ ॥ ১৭.৩১ ॥

উলূকং চক্রবাকং চ ভাসং পারাবতং তথা ।
কপোতং টিট্টিভং চৈব গ্রামকুক্কুটমেব চ ॥ ১৭.৩২ ॥

সিংহং ব্যাঘ্রং চ মার্জারং শ্বানং কুক্কুরমেব চ ।
শৃগালং মর্কটং চৈব গর্দভং চ ন ভক্ষয়েৎ ।
ন ভক্ষয়েৎ সর্বমৃগান্ পক্ষিণোঽন্যান্ বনেচরান্ ॥ ১৭.৩৩ ॥

জলেচরান্ স্থলচরান্ প্রাণিনশ্চেতি ধারণা ।
গোধা কূর্মঃ শশঃ শ্বাবিৎ সল্লকী চেতি সত্তমাঃ ॥ ১৭.৩৪ ॥

ভক্ষ্যাঃ পঞ্চনখা নিত্যং মনুরাহ প্রিজাপতিঃ ।
মৎস্যান্ সশল্কান্ ভুঞ্জীয়ান্ মাংসং রৌরবমেবচ ॥ ১৭.৩৫ ॥

নিবেদ্য দেবতাভ্যস্তু ব্রাহ্মণেভ্যস্তু নান্যথা ।
ময়ূরং তিত্তিরং চৈব কপোতং চ কপিঞ্জলম্ ॥ ১৭.৩৬ ॥

বাধ্রীণসং দ্বীপিনঞ্চ ভক্ষ্যানাহ প্রজাপতিঃ ।
শফরং সিংহতুণ্ডং চ তথা পাঠীনরোহিতৌ ॥ ১৭.৩৭ ॥

মৎস্যেষ্বেতে সমুদ্দিষ্টা ভক্ষণায়া দ্বিজোত্তমাঃ ।
প্রোক্ষিতং ভক্ষয়েদেষাং মাংসং চ দ্বিজকাম্যযা ॥ ১৭.৩৮ ॥

যথাবিধি নিয়ুক্তং চ প্রাণানামপি চাত্যযে ।
ভক্ষয়েদেব মাংসানি শেষভোজী ন লিপ্যতে ॥ ১৭.৩৯ ॥

ঔষধার্থমশক্তৌ বা নিয়োগাদ্যং ন কারয়েৎ ।
আমন্ত্রিতস্তু যঃ শ্রাদ্ধে দৈবে বা মাংসমুৎসৃজেৎ ।
যাবন্তি পশুরোমাণি তাবতো নরকান্ ব্রজেৎ ॥ ১৭.৪০ ॥

অপেয়ং চাপ্যপেয়ং চ তথৈবাস্পৃশ্যমেব চ ।
দ্বিজাতীনামনালোক্যং নিত্যং মদ্যমিতি স্থিতিঃ ॥ ১৭.৪১ ॥

তস্মাৎ সর্বপ্রকারেণ মদ্যং নিত্যং বিবর্জয়েৎ ।
পীৎবা পততি কর্মভ্যস্ত্বসংভাষ্যো ভবেদ্ দ্বিজৈঃ ॥ ১৭.৪২ ॥

ভক্ষয়িৎবা হ্যভক্ষ্যাণি পীৎবাঽপেয়ান্যপি দ্বিজঃ ।
নাধিকারী ভবেৎ তাবদ্ যাবদ্ তন্ন ব্রজত্যধঃ ॥ ১৭.৪৩ ॥

তস্মাৎ পরিহরেন্নিত্যমভক্ষ্যাণি প্রয়ত্নতঃ ।
অপেয়ানি চ বিপ্রো বৈ তথা চেদ্ যাতি রৌরবম্ ॥ ১৭.৪৪ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
সপ্তদশোঽধ্যায়ঃ ॥১৭ ॥

কূর্মপুরাণএ উত্তরভাগে অষ্টাদশোঽধ্যায়ঃ

ঋষয় ঊচুঃ ।
অহন্যহনি কর্ত্তব্যং ব্রাহ্মণানাং মহামুনে ।
তদাচক্ষ্বাখিলং কর্ম যেন মুচ্যেত বন্ধনাৎ ॥ ১৮.১ ॥

ব্যাস উবাচ ।
বক্ষ্যে সমাহিতা যূয়ং শৃণুধ্বং গদতো মম ।
অহন্যহনি কর্তব্যং ব্রাহ্মণানাং ক্রমাদ্ বিধিম্ ॥ ১৮.২ ॥

ব্রাহ্মে মুহূর্তে তূত্থায় ধর্মমর্থং চ চিন্তয়েৎ ।
কায়ক্লেশং তদুদ্ভূতং ধ্যায়েত মনসেশ্বরম্ ॥ ১৮.৩ ॥

উষঃ কালেঽচ সম্প্রাপ্তে কৃৎবা চাবশ্যকং বুধঃ ।
স্নায়ান্নদীষু সুদ্ধাসু শৌচং কৃৎবা যথাবিধি ॥ ১৮.৪ ॥

প্রাতঃ স্নানেন পূয়ন্তে যেঽপি পাপকৃতো জনাঃ ।
তস্মাৎ সর্বপ্রয়ত্নেন প্রাতঃ স্নানং সমাচরেৎ ॥ ১৮.৫ ॥

প্রাতঃ স্নানং প্রশংসন্তি দৃষ্টাদৃষ্টকরং শুভম্ ।
ঋষীণামৃষিতা নিত্যং প্রাতঃ স্নানান্ন সংশয়ঃ ॥ ১৮.৬ ॥

মুখে সুপ্তস্য সততং লালা যাঃ সংস্ত্রবন্তি হি ।
ততো নৈবাচরেৎ কর্ম অকৃৎবা স্নানমাদিতঃ ॥ ১৮.৭ ॥

অলক্ষ্মীঃ কালকর্ণী চ দুঃস্বপ্নং দুর্বিচিন্তিতম্ ।
প্রাতঃ স্নানেন পাপানি পূয়ন্তে নাত্র সংশয়ঃ ॥ ১৮.৮ ॥

অতঃ স্নানং বিনা পুংসাং পাবনং কর্ম সংস্মৃতম্ ।
হোমে জপ্যে বিশেষেণ তস্মাৎ স্নানং সমাচরেৎ ॥ ১৮.৯ ॥

অশক্তাবশিরস্কং বা স্নানমস্য বিধীয়তে ।
আর্দ্রেণ বাসসা বাঽথ মার্জনং কাপিলং স্মৃতম্ ॥ ১৮.১০ ॥

অসামর্থ্যে সমুৎপন্নে স্নানমেবং সমাচরেৎ ।
ব্রাহ্মাদীনামথাশক্তৌ স্নানান্যাহুর্মনীষিণঃ ॥ ১৮.১১ ॥

ব্রাহ্মমাগ্নেয়মুদ্দিষ্টং বায়ব্যং দিব্যমেব চ ।
বারুণং যৌগিকং তদ্বৎ ষোঢা স্নানং প্রকীর্তিতম্ ॥ ১৮.১২ ॥

ব্রাহ্মং তু মার্জনং মন্ত্রৈঃ কুশৈঃ সোদকবিন্দুভিঃ ।
আগ্নেয়ং ভস্মনা পাদমস্তকাদ্দেহধূলনম্ ॥ ১৮.১৩ ॥

গবাং হি রজসা প্রোক্তং বায়ব্যং স্নানমুত্তমম্ ।
যত্তু সাতপবর্ষেণ স্নানং তদ্ দিব্যমুচ্যতে ॥ ১৮.১৪ ॥

বারুণং চাবগাহস্তু মানসং স্বাত্মবেদনম্ ।
যৌগিনাং স্নানমাখ্যাতং যোগাৎবিষ্ণুংবিচিন্তনম্ ॥ ১৮.১৫ ॥

আত্মতীর্থমিতি খ্যাতং সেবিতং ব্রহ্মবাদিভিঃ ।
মনঃ শুচিকরং পুংসাং নিত্যং তৎ স্নানমাচরেৎ ॥ ১৮.১৬ ॥

শক্তশ্চেদ্ বারুণং বিদ্বান্ প্রায়শ্চিত্তে তথৈব চ ।
প্রক্ষাল্য দন্তকাষ্ঠং বৈ ভক্ষয়িৎবা বিধানতঃ ॥ ১৮.১৭ ॥

আচম্য প্রয়তো নিত্যং স্নানং প্রাতঃ সমাচরেৎ ।
মধ্যাঙ্গুলিসমস্থৌল্যং দ্বাদশাঙ্গুলসম্মিতম্ ॥ ১৮.১৮ ॥

সৎবচং দন্তকাষ্ঠং স্যাৎ তদগ্রেণ তু ধাবয়েৎ ।
ক্ষীরবৃক্ষসমুদ্ভূতং মালতীসংভবং শুভম্ ।
অপামার্গং চ বিল্বং চ করবীরং বিশেষতঃ ॥ ১৮.১৯ ॥

বর্জয়িৎবা নিন্দিতানি গৃহীৎবৈকং যথোদিতম্ ।
পরিহৃত্য দিনং পাপং ভক্ষয়েদ্ বৈ বিধানবিৎ ॥ ১৮.২০ ॥

নোৎপাটয়েদ্দন্তকাষ্টংনাঙ্গুল্যা ধারয়েৎ ক্বচিৎ ।
প্রক্ষাল্য ভঙ্ক্ত্বা তজ্জহ্যাচ্ছুচৌদেশে সমাহিতঃ ॥ ১৮.২১ ॥

স্নাৎবা সংতর্পয়েদ্ দেবানৃষীন্ পিতৃগণাংস্তথা ।
আচম্য মন্ত্রবিন্নিত্যং পুনরাচম্য বাগ্যতঃ ॥ ১৮.২২ ॥

সংমার্জ্য মন্ত্রৈরাত্মানং কুশৈঃ সোদকবিন্দুভিঃ ।
আপো হিষ্ঠা ব্যাহৃতিভিঃ সাবিত্র্যা বারুণৈঃ শুভৈঃ ॥ ১৮.২৩ ॥

ওঙ্কারব্যাহৃতিয়ুতাং গায়ত্রীং বেদমাতরম্ ।
জপ্ত্বা জলাঞ্জলিং দদ্যাদ্ ভাস্করং প্রতি তন্মনাঃ ॥ ১৮.২৪ ॥

প্রাক্কূলেষু সমাসীনো দর্ভেষু সুসমাহিতঃ ।
প্রাণায়ামত্রয়ং কৃৎবা ধ্যায়েৎ সংধ্যামিতি শ্রুতিঃ ॥ ১৮.২৫ ॥

যা সংধ্যা সা জগৎসূতির্মায়াতীতা হি নিষ্কলা ।
ঐশ্বরী তু পরাশক্তিস্তত্ত্বত্রয়সমুদ্ভবা ॥ ১৮.২৬ ॥

ধ্যাৎবাঽর্কমণ্ডলগতাং সাবিত্রীং বৈ জপন্ বুধঃ ।
প্রাঙ্মুখঃ সততং বিপ্রঃ সংধ্যোপাসনমাচরেৎ ॥ ১৮.২৭ ॥

সংধ্যাহীনোঽশুচির্নিত্যমনর্হঃ সর্বকর্মসু ।
যদন্যৎ কুরুতে কিঞ্চিন্ন তস্য ফলমাপ্নুয়াৎ ॥ ১৮.২৮ ॥

অনন্যচেতসঃ শান্তা ব্রাহ্মণা বেদপারগাঃ ।
উপাস্য বিধিবৎ সংধ্যাং প্রাপ্তাঃ পূর্বেঽপরাং গতিম্ ॥ ১৮.২৯ ॥

যোঽন্যত্র কুরুতে যত্নং ধর্মকার্যে দ্বিজোত্তমঃ ।
বিহায় সংধ্যাপ্রণতিং স যাতি নরকায়ুতম্ ॥ ১৮.৩০ ॥

তস্মাৎ সর্বপ্রয়ত্নেন সংধ্যোপাসনমাচরেৎ ।
উপাসিতো ভবেৎ তেন দেবো যোগতনুঃ পরঃ ॥ ১৮.৩১ ॥

সহস্রপরমাং নিত্যং শতমধ্যাং দশাবরাম্ ।
সাবিত্রীং বৈ জপেদ্ বিদ্বান্ প্রাঙ্মুখঃ প্রয়তঃ স্থিতঃ ॥ ১৮.৩২ ॥

অথোপতিষ্ঠেদাদিত্যমুদয়ন্তং সমাহিতঃ ।
মন্ত্রৈস্তু বিবিধৈঃ সৌরৈ ঋগ্যজুঃ সামসংভবৈঃ ॥ ১৮.৩৩ ॥

উপস্থায় মহায়োগং দেবদেবং দিবাকরম্ ।
কুর্বীত প্রণতিং ভূমৌ মূর্ধ্না তেনৈব মন্ত্রতঃ ॥ ১৮.৩৪ ॥

ওং ঙ্খদ্যোতায় চ শান্তায় কারণত্রয়হেতবে ।
নিবেদয়ামি চাত্মানং নমস্তে জ্ঞানরূপিণে ॥ ১৮.৩৫ ॥

নমস্তে ঘৃণিনে তুভ্যং সূর্যায় ব্রহ্মরূপিণে ।
ৎবমেব ব্রহ্ম পরমমাপো জ্যোতী রসোঽমৃতম্ ।
ভূর্ভুবঃ স্বস্ত্বমোঙ্কারঃ শর্ব রুদ্রঃ সনাতনঃ ॥ ১৮.৩৬ ॥

পুরুষঃ সন্মহোঽন্তস্থং প্রণমামি কপর্দিনম্ ।
ৎবমেব বিশ্বং বহুধা জাত যজ্জায়তে চ যৎ ।
নমো রুদ্রায় সূর্যায় ৎবামহং শরণং গতঃ ॥ ১৮.৩৭ ॥

প্রচেতসে নমস্তুভ্যং নমো মীঢুষ্টমায় তে ।
নমো নমস্তে রুদ্রায় ৎবামহং শরণং গতঃ ।
হিরণ্যবাহবে তুভ্যং হিরণ্যপতয়ে নমঃ ॥ ১৮.৩৮ ॥

অম্বিকাপতয়ে তুভ্যমুমায়াঃ পতয়ে নমঃ ।
নমোঽস্তু নীলগ্রীবায় নমস্তুভ্যং পিনাকিনে ॥ ১৮.৩৯ ॥

বিলোহিতায় ভর্গায় সহস্রাক্ষায় তে নমঃ ।
নমো হংসায় তে নিত্যমাদিত্যায় নমোঽস্তু তে ॥ ১৮.৪০ ॥

নমস্তে বজ্রহস্তায় ত্র্যম্বকায় নমো নমঃ ।
প্রপদ্যে ৎবাং বিরূপাক্ষং মহান্তং পরমেশ্বরম্ ॥ ১৮.৪১ ॥

হিরণ্ময়ে গৃহে গুপ্তমাত্মানং সর্বদেহিনাম্ ।
নমস্যামি পরং জ্যোতির্ব্রহ্মাণং ৎবাং পরাং গতিম্ ॥ ১৮.৪২ ॥

বিশ্বং পশুপতিং ভীমং নরনারীশরীরিণম্ ॥

নমঃ সূর্যায় রুদ্রায় ভাস্বতে পরমেষ্ঠিনে ॥ ১৮.৪৩ ॥

উগ্রায় সর্বভক্ষায় ৎবাং প্রপদ্যে সদৈব হি ।
এতদ্ বৈ সূর্যহৃদয়ং জপ্ত্বা স্তবমনুত্তমম্ ॥ ১৮.৪৪ ॥

প্রাতঃ কালেঽথ মধ্যাহ্নে নমস্কুর্যাদ্ দিবাকরম্ ।
ইদং পুত্রায় শিষ্যায় ধার্মিকায় দ্বিজাতয়ে ॥ ১৮.৪৫ ॥

প্রদেয়ং সূর্যহৃদয়ং ব্রহ্মণা তু প্রদর্শিতম্ ।
সর্বপাপপ্রশমনং বেদসারসমুদ্ভবম্ ।
ব্রাহ্মণানাং হিতং পুণ্যমৃষিসঙ্ঘৈর্নিষেবিতম্ ॥ ১৮.৪৬ ॥

অথাগম্য গৃহং বিপ্রঃ সমাচম্য যথাবিধি ।
প্রজ্বাল্য বিহ্নিং বিধিবজ্জুহুয়াজ্জাতবেদসম্ ॥ ১৮.৪৭ ॥

ঋৎবিক্পুত্রোঽথ পত্নী বা শিষ্যো বাঽপি সহোদরঃ ।
প্রাপ্যানুজ্ঞাং বিশেষেণ জুহুয়ুর্বা যতাবিধি ॥ ১৮.৪৮ ॥

পবিত্রপাণিঃ পূতাত্মা শুক্লাম্বরধরঃ শুচিঃ ।
অনন্যমানসো বহ্নিং জুহুয়াৎ সংয়তেন্দ্রিয়ঃ ॥ ১৮.৪৯ ॥

বিনা দর্ভেণ যৎকর্ম বিনা সূত্রেণ বা পুনঃ ।
রাক্ষসং তদ্ভবেৎ সর্বং নামুত্রেহ ফলপ্রদম্ ॥ ১৮.৫০ ॥

দৈবতানি নমস্কুর্যাদ্ দেয়সারান্নিবেদয়েৎ ।
দদ্যাৎ পুষ্পাদিকং তেষাং বৃদ্ধাংশ্চৈবাভিবাদয়েৎ ॥ ১৮.৫১ ॥

গুরুং চৈবাপ্যুপাসীত হিতং চাস্য সমাচরেৎ ।
বেদাভ্যাসং ততঃ কুর্যাৎ প্রয়ত্নাচ্ছক্তিতো দ্বিজঃ ॥ ১৮.৫২ ॥

জপেদধ্যাপয়েচ্ছিষ্যান্ ধারয়েচ্চ বিচারয়েৎ ।
অবেক্ষ্য তচ্চ শাস্ত্রাণি ধর্মাদীনি দ্বিজোত্তমঃ ॥ ১৮.৫৩ ॥

বৈদিকাংশ্চৈব নিগমান্ বেদাঙ্গানি বেশিষতঃ ।
উপেয়াদীশ্বরং চাথ যোগক্ষেমপ্রসিদ্ধয়ে ॥ ১৮.৫৪ ॥

সাধয়েদ্ বিবিধানর্থান্ কুটুম্বার্থে ততো দ্বিজঃ
ততো মধ্যাহ্নসময়ে স্নানার্থং মৃদমাহরেৎ ॥ ১৮.৫৫ ॥

পুষ্পাক্ষতান্ কুশতিলান্ গোময়ং শুদ্ধমেব চ ।
নদীষু দেবখাতেষু তডাগেষু সরস্সু চ ।
স্নানং সমাচরেন্নিত্যং গর্তপ্রস্রবণেষু চ ॥ ১৮.৫৬ ॥

পরকীয়নিপানেষু ন স্নায়াদ্ বৈ কদাচন ।
পঞ্চপিণ্ডান্ সমুদ্ধৃত্য স্নায়াদ্ বাঽসংভবে পুনঃ ॥ ১৮.৫৭ ॥

মৃদৈকয়া শিরঃ ক্ষাল্যং দ্বাভ্যাং নাভেস্তথোপরি ।
অধশ্চ তিসৃভিঃ কার্যঃ পাদৌ ষড্ভিস্তথৈব চ ॥ ১৮.৫৮ ॥

মৃত্তিকা চ সমুদ্দিষ্টা সার্দ্রামলকমাত্রিকা ।
গোময়স্য প্রমাণং তৎ তেনাঙ্গং লেপয়েৎ ততঃ ॥ ১৮.৫৯ ॥

লেপয়িৎবা তু তীরস্থস্তল্লিঙ্গৈরেব মন্ত্রতঃ ।
প্রক্ষাল্যাচম্য বিধিবৎ ততঃ স্নায়াৎ সমাহিতঃ ॥ ১৮.৬০ ॥

অভিমন্ত্র্য জলং মন্ত্রৈস্তল্লিঙ্গৈর্বারুণৈঃ শুভৈঃ ।
ভাবপূতস্তদব্যক্তং ধ্যায়ন্ বৈ বিষ্ণুমব্যযম্ ॥ ১৮.৬১ ॥

আপো নারায়ণোদ্ভূতাস্তা এবাস্যায়নং পুনঃ ।
তস্মান্নারায়ণং দেবং স্নানকালে স্মরেদ্ বুধঃ ॥ ১৮.৬২ ॥

প্রেক্ষ্য সোঙ্কারমাদিত্যং ত্রির্নিমজ্জেজ্জলাশয়ে ॥ ১৮.৬৩ ॥

আচান্তঃ পুনরাচামেন্মন্ত্রেণানেন মন্ত্রবিৎ ॥ ১৮.৬৪ ॥

অন্তশ্চরসি ভূতেষু গুহায়াং বিশ্বতো মুখঃ ।
ৎবং যজ্ঞস্ত্বং বষট্কার আপো জ্যোতী রসোঽমৃতম্ ॥ ১৮.৬৫ ॥

দ্রুপদাং বা ত্রিরভ্যস্যেদ্ ব্যাহৃতিংপ্রণবান্বিতাম্ ।
সাবিত্রীং বা জপেদ্ বিদ্বান্ তথা চৈবাঘমর্ষণম্ ॥ ১৮.৬৬ ॥

ততঃ সংমার্জনং কুর্যাদাপোহিষ্ঠা ময়োভুবঃ ।
ইদমাপঃ প্রবহত ব্যাহৃতিভিস্তথৈব চ ॥ ১৮.৬৭ ॥

ততোঽভিমন্ত্র্য তৎ তোয়ং মাপো হিষ্ঠাদিমন্ত্রকৈঃ ।
অন্তর্জলগতো মগ্নো জপেৎ ত্রিরঘমর্ষণম্ ॥ ১৮.৬৮ ॥

ত্রিপদাং বাঽথ সাবিত্রীং তদ্বিষ্ণোঃ পরমং পদম্ ।
আবর্ত্তয়েদ্ বা প্রণবং দেবং বা সংস্মরেদ্ধরিম্ ॥ ১৮.৬৯ ॥

দ্রুপদাদিব যো মন্ত্রো যজুর্বেদে প্রতিষ্ঠিতঃ ।
অন্তর্জলে ত্রিরাবর্ত্য সর্বপাপৈঃ প্রমুচ্যতে ॥ ১৮.৭০ ॥

অপঃ পাণৌ সমাদায় জপ্ত্বা বৈ মার্জনে কৃতে ।
বিন্যস্য মূর্ধ্নি তৎ তোয়ং মুচ্যতে সর্বপাতকৈঃ ॥ ১৮.৭১ ॥

যথাঽশ্বমেধঃ ক্রতুরাট্ সর্বপাপাপনোদনঃ ।
তথাঽঘমর্ষণং সূক্তং সর্বপাপাপনোদনম্ ॥ ১৮.৭২ ॥

অথোপতিষ্ঠেদাদিত্যং মূর্ধ্নি পুষ্পান্বিতাঞ্জলিম্ ।
প্রক্ষিপ্যালোকয়েদ্ দেবমুদ্বয়ং তমসস্পরি ॥ ১৮.৭৩ ॥

উদুত্যং চিত্রমিত্যেতে তচ্চক্ষুরিতি মন্ত্রতঃ ।
হংসঃ শুচিষদন্তেন সাবিত্র্যা সবিশেষতঃ ॥ ১৮.৭৪ ॥

অন্যৈশ্চ বৈদিকৈর্মন্ত্রৈঃ সৌরৈঃ পাপপ্রণাশনৈঃ ।
সাবিত্রীং বৈ জপেৎ পশ্চাজ্জপয়জ্ঞঃ স বৈ স্মৃতঃ ॥ ১৮.৭৫ ॥

বিবিধানি পবিত্রাণি গুহ্যবিদ্যাস্তথৈব চ ।
শতরুদ্রীয়মথর্বশিরঃ সৌরান্ মন্ত্রাংশ্চ সর্বতঃ ॥ ১৮.৭৬ ॥

প্রাক্কূলেষু সমাসীনঃ কুশেষু প্রাঙ্মুখঃ শুচিঃ ।
তিষ্ঠংশ্চেদীক্ষমাণোঽর্কং জপ্যং কুর্যাৎ সমাহিতঃ ॥ ১৮.৭৭ ॥

স্ফাটিকেন্দ্রাক্ষরুদ্রাক্ষৈঃ পুত্রজীবসমুদ্ভবৈঃ ।
কর্তব্যা ৎবক্ষমালা স্যাদুত্তরাদুত্তমা স্মৃতা ॥ ১৮.৭৮ ॥

জপকালে ন ভাষেত নান্যানি প্রেক্ষয়েদ্ বুধঃ ।
ন কম্পয়েচ্ছিরোগ্রীবাং দন্তান্নৈব প্রকাশয়েৎ ॥ ১৮.৭৯ ॥

গুহ্যকা রাক্ষসা সিদ্ধা হরন্তি প্রসভং যতঃ ।
একান্তে সুশুভে দেশে তস্মাজ্জপ্যং সমাচরেৎ ॥ ১৮.৮০ ॥

চণ্ডালাশৌচপতিতান্ দৃষ্ট্বাচৈব পুনর্জপেৎ ।
তৈরেব ভাষণং কৃৎবা স্নাৎবা চৈব জপেৎ পুনঃ ॥ ১৮.৮১ ॥

আচম্য প্রয়তো নিত্যং জপেদশুচিদর্শনে ।
সৌরান্ মন্ত্রান্ শক্তিতো বৈ পাবমানীস্তু কামতঃ ॥ ১৮.৮২ ॥

যদি স্যাৎ ক্লিন্নবাসা বৈ বারিমধ্যগতো জপেৎ ।
অন্যথা তু শুচৌ ভূম্যাং দর্ভেষু সুসমাহিতঃ ॥ ১৮.৮৩ ॥

প্রদক্ষিণং সমাবৃত্য নমস্কৃত্য ততঃ ক্ষিতৌ ।
আচম্য চ যথাশাস্ত্রং শক্ত্যা স্বাধ্যায়মাচরেৎ ॥ ১৮.৮৪ ॥

ততঃ সংতর্পয়েদ্ দেবানৃষীন্ পিতৃগণাংস্তথা ।
অদাবোঙ্কারমুচ্চার্য নামান্তে তর্পয়ামি বঃ ॥ ১৮.৮৫ ॥

দেবান্ ব্রহ্মঋষীংশ্চৈব তর্পয়েদক্ষতোদকৈঃ ।
তিলোদকৈঃ পিতৄন্ ভক্ত্যা স্বসূত্রোক্তবিধানতঃ ॥ ১৮.৮৬ ॥

অন্বারব্ধেন সব্যেন পাণিনা দক্ষিণেন তু ।
দেবর্ষীস্তর্পয়েদ্ ধীমানুদকাঞ্জলিভিঃ পিতন্ ।
যজ্ঞোপবীতী দেবানাং নিবীতী ঋষীতর্পণে ॥ ১৮.৮৭ ॥

প্রাচীনাবীতী পিত্র্যে তু স্বেন তীর্থেন ভাবিতঃ ।
নিষ্পীড্য স্নানবস্ত্রং তু সমাচম্য চ বাগ্যতঃ ।
স্বৈর্মন্ত্রৈরর্চয়েদ্ দেবান্ পুষ্পৈঃ পত্রৈরথাম্বুভিঃ ॥ ১৮.৮৮ ॥

ব্রহ্মাণং শংকরং সূর্যং তথৈব মধুসূদনম্ ।
অন্যাংশ্চাভিমতান্ দেবান্ ভক্ত্যাচারো নরোত্তমঃ ॥ ১৮.৮৯ ॥

প্রদদ্যাদ্ বাঽথ পুষ্পাণি সূক্তেন পৌরুষেণ তু ।
আপো বা দেবতাঃ সর্বাস্তেন সম্যক্ সমর্চিতাঃ ॥ ১৮.৯০ ॥

ধ্যাৎবা প্রণবপূর্বং বৈ দৈবতানি সমাহিতঃ ।
নমস্কারেণ পুষ্পাণি বিন্যসেদ্ বৈ পৃথক্ পৃথক্ ॥ ১৮.৯১ ॥

বিষ্ণ্বারাধনাৎ পুণ্যং বিদ্যতে কর্ম বৈদিকম্ ।
তস্মাদনাদিমধ্যান্তং নিত্যমারাধয়েদ্ধরিম্ ॥ ১৮.৯২ ॥

তদ্বিষ্ণোরিতি মন্ত্রেণ সূক্তেন পুরুষেণ তু ।
ন তাভ্যাং সদৃশো মন্ত্রো বেদেষূক্তশ্চতুর্ষ্বপি ।
তদাত্মা তন্মনাঃ শান্তস্তদ্বিষ্ণোরিতি মন্ত্রতঃ ॥ ১৮.৯৩ ॥

অথবা দেবমীশানং ভগবন্তং সনাতনম্ ।
আরাধয়েন্মহাদেবং ভাবপূতো মহেশ্বরম্ ॥ ১৮.৯৪ ॥

মন্ত্রেণ রুদ্রাগায়ত্র্যা প্রণবেনাথ বা পুনঃ ।
ঈশানেনাথ বা রুদ্রৈস্ত্র্যম্বকেন সমাহিতঃ ॥ ১৮.৯৭ ॥

পুষ্পৈঃ পত্রৈরথাদ্ভির্বা চন্দনাদ্যৈর্মহেশ্বরম্ ।
উক্ত্বা নমঃ শিবায়েতি মন্ত্রেণানেন বা জপেৎ ॥ ১৮.৯৬ ॥

নমস্কুর্যান্মহাদেবং ঋতং সত্যমিতিশ্বরম্ ।
নিবেদয়ীত স্বাত্মানং যো ব্রহ্মাণমিতীশ্বরম্ ॥ ১৮.৯৭ ॥

প্রদক্ষিণং দ্বিজঃ কুর্যাৎ পঞ্চ বর্ষাণি বৈ বুধঃ ।
ধ্যায়ীত দেবমীশানং ব্যোমমধ্যগতং শিবম্ ॥ ১৮.৯৮ ॥

অথাবলোকয়েদর্কং হংসঃ সুচিষদিত্যৃচা ।
কুর্যাৎ পঞ্চ মহায়জ্ঞান্ গৃহং গৎবা সমাহিতঃ ॥ ১৮.৯৯ ॥

দেবয়জ্ঞং পিতৃয়জ্ঞং ভূতয়জ্ঞং তথৈব চ ।
মানুষ্যং ব্রহ্ময়জ্ঞং চ পঞ্চ যজ্ঞান্ প্রচক্ষতে ॥ ১৮.১০০ ॥

যদি স্যাৎ তর্পণাদর্বাক্ ব্রহ্ময়জ্ঞঃ কৃতো ন হি ।
কৃৎবা মনুষ্যযজ্ঞং বৈ ততঃ স্বাধ্যায়মাচরেৎ ॥ ১৮.১০১ ॥

অগ্নেঃ পশ্চিমতো দেশে ভূতয়জ্ঞান্ত এব বা ।
কুশপুঞ্জে সমাসীনঃ কুশপাণিঃ সমাহিতঃ ॥ ১৮.১০২ ॥

শালাগ্নৌ লৌকিকে বাঽথ জলে ভূভ্যামথাপিবা ।
বৈশ্বদেবং কর্তব্যো দেবয়জ্ঞঃ স বৈ স্মৃতঃ ॥ ১৮.১০৩ ॥

যদি স্যাল্লৌকিকে পক্ষে ততোঽন্নং তত্র হূয়তে ।
শালাগ্নৌ তৎপচেদন্নং বিধিরেষ সনাতনঃ ॥ ১৮.১০৪ ॥

দেবেভ্যস্তু হুতাদন্নাচ্ছেষাদ্ ভূতবলিং হরেৎ ।
ভূতয়জ্ঞঃ স বৈ জ্ঞেয়ো ভূতিদঃ সর্বদেহিনাম্ ॥ ১৮.১০৫ ॥

শ্বভ্যশ্চ শ্বপচেভ্যশ্চ পতিতাদিভ্য এব চ ।
দদ্যাদ্ ভূমৌ বলিং ৎবন্নং পক্ষিভ্যো দ্বিজোত্তমঃ ॥ ১৮.১০৬ ॥

সায়ং চান্নস্য সিদ্ধস্য পত্ন্যমন্ত্রং বলিং হরেৎ ।
ভূতয়জ্ঞস্ত্বয়ং নিত্যং সায়ং প্রাতর্বিধীয়তে ॥ ১৮.১০৭ ॥

একং তু ভোজয়েদ্ বিপ্রং পিতৄনুদ্দিশ্য সন্ততম্ ।
নিত্যশ্রাদ্ধং তদুদ্দিষ্টং পিতৃয়জ্ঞো গতিপ্রদঃ ॥ ১৮.১০৮ ॥

উদ্ধৃত্য বা যথাশক্তি কিঞ্চিদন্নং সমাহিতঃ ।
বেদতত্ত্বার্থবিদুষে দ্বিজায়ৈবোপপাদয়েৎ ॥ ১৮.১০৯ ॥

পূজয়েদতিথিং নিত্যং নমস্যেদর্চ্চয়েদ্ দ্বিজম্ ।
মনোবাক্কর্মভিঃ শান্তমাগতং স্বগৃহং ততঃ ॥ ১৮.১১০ ॥

অন্বারব্ধেন সব্যেন পাণিনা দক্ষিণেন তু ।
হন্তকারমথাগ্রং বা ভিক্ষাং বা শক্তিতো দ্বিজঃ ॥ ১৮.১১১ ॥

দদ্যাদতিথয়ে নিত্যং বুধ্যেত পরমেশ্বরম্ ।
ভিক্ষামাহুর্গ্রাসমাত্রমগ্রং তস্যাশ্চতুর্গুণম্ ॥ ১৮.১১২ ॥

পুষ্কলং হন্তকারং তু তচ্চতুর্গুণমুচ্যতে ।
গোদোহমাত্রং কালং বৈ প্রতীক্ষ্যো হ্যতিথিঃ স্বয়ম্ ॥ ১৮.১১৩ ॥

অভ্যাগতান্ যথাশক্তি পূজয়েদতিথীন্ সদা ।
ভিক্ষাং বৈ ভিক্ষবে দদ্যাদ্ বিধিবদ্ ব্রহ্মচারিণে ।
দদ্যাদন্নং যথাশক্তি ৎবর্থিভ্যো লোভবর্জিতঃ ॥ ১৮.১১৪ ॥

সর্বেষামপ্যলাভে ৎবন্নং গোভ্যো নিবেদয়েৎ ।
ভুঞ্জীত বন্ধুভিঃ সার্দ্ধং বাগ্যতোঽন্নমকুৎসয়ন্ ॥ ১৮.১১৫ ॥

অকৃৎবা তু দ্বিজঃ পঞ্চ মহায়জ্ঞান্ দ্বিজোত্তমাঃ ।
ভৃঞ্জীত চেৎ স মূঢাত্মা তির্যগ্যোনিং স গচ্ছতি ॥ ১৮.১১৬ ॥

বেদাভ্যাসোঽন্বহং শক্ত্যা মহায়জ্ঞক্রিয়াক্ষয়া ।
নাশয়ত্যাশু পাপানি দেবানামর্চনং তথা ॥ ১৮.১১৭ ॥

যো মোহাদথবালস্যাদকৃৎবা দেবতার্চনম্ ।
ভুঙ্ক্তে স যাতি নরকং শূকরেষ্বভিজায়তে ॥ ১৮.১১৮ ॥

তস্মাৎ সর্বপ্রয়ত্নেন কৃৎবা কর্মাণি বৈ দ্বিজাঃ ।
ভুঞ্জীত স্বজনৈঃ সার্দ্ধং স যাতি পরমাং গতিম্ ॥ ১৮.১১৯ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
অষ্টাদশোঽধ্যায়ঃ ॥১৮ ॥

কূর্মপুরাণএ উত্তরভাগে একোনবিংশতিতমোঽধ্যায়ঃ

ব্যাস উবাচ ।
প্রাঙ্মুখোঽন্নানি ভুঞ্জীত সূর্যাভিমুখ এব বা ।
আসীনস্বাসনে শুদ্ধে ভূম্যাং পাদৌ নিধায় তু ॥ ১৯.১ ॥

আয়ুষ্যং প্রাঙ্মুখো ভুঙ্ক্তে যশস্যং দক্ষিণামুখঃ ।
শ্রিয়ং প্রত্যঙ্মুখো ভুঙ্ক্তে ঋতং ভুঙ্ক্তে
উদঙ্মুখাঃ ॥ ১৯.২ ॥

পঞ্চার্দ্রো ভোজনং কুর্যাদ্ ভূমৌ পাত্রং নিধায় তু ।
উপবাসেন তত্তুল্যং মনুরাহ প্রজাপতিঃ ॥ ১৯.৩ ॥

উপলিপ্তে শুচৌ দেশে পাদৌ প্রক্ষাল্য বৈ করৌ ।
আচম্যার্দ্রাননোঽক্রোধঃ পঞ্চার্দ্রো ভোজনং চরেৎ ॥ ১৯.৪ ॥

মহাব্যহৃতিভিস্ত্বন্নং পরিধায়োদকেন তু ।
অমৃতোপস্তরণমসীত্যাপোশানক্রিয়াং চরেৎ ॥ ১৯.৫ ॥

স্বাহাপ্রণবসংয়ুক্তাং প্রাণায়াদ্যাহুতিং ততঃ ।
অপানায় ততো ভুক্ত্বা ব্যানায় তদনন্তরম্ ॥ ১৯.৬ ॥

উদানায় ততঃ কুর্যাৎ সমানায়েতি পঞ্চমম্ ।
বিজ্ঞায় তত্ত্বমেতেষাং জুহুয়াদাত্মনি দ্বিজঃ ॥ ১৯.৭ ॥

শেষমন্নং যথাকামং ভুঞ্জীত ব্যংজনৈর্যুতম্ ।
ধ্যাৎবা তন্মনসা দেবমাত্মানং বৈ প্রজাপতিম্ ॥ ১৯.৮ ॥

অমৃতাপিধানমসীত্যুপরিষ্টাদপঃ পিবেৎ ।
আচান্তঃ পুনরাচামেদায়ং গৌরিতি মন্ত্রতঃ ॥ ১৯.৯ ॥

দ্রুপদাং বা ত্রিরাবর্ত্য সর্বপাপপ্রণাশনীম্ ।
প্রাণানাং গ্রন্থিরসীত্যালভেত হৃদয়ং ততঃ ॥ ১৯.১০ ॥

আচম্যাঙ্গুষ্ঠমাত্রেণ পাদাঙ্গুষ্ঠেন দক্ষিণে ।
নিঃস্রাবয়েদ্ হস্তজলমূর্দ্ধ্বহস্তঃ সমাহিতঃ ॥ ১৯.১১ ॥

কৃতানুমন্ত্রণং কুর্যাৎ সন্ধ্যায়ামিতি মন্ত্রতঃ ।
অথাক্ষরেণ স্বাত্মানং যোজয়েদ্ ব্রহ্মণেতি হি ॥ ১৯.১২ ॥

সর্বেষামেব যাগানামাত্ময়োগঃ পরঃ স্মৃতঃ ।
যোঽনেন বিধিনা কুর্যাৎ স যাতি ব্রহ্মণঃ ক্ষয়ম্ ॥ ১৯.১৩ ॥

যজ্ঞোপবীতী ভুঞ্জীত স্ত্রগ্গন্ধালংকৃতঃ শুচিঃ ।
সায়ংপ্রাপর্নান্তরা বৈ সংধ্যায়াং তু বিশেষতঃ ॥ ১৯.১৪ ॥

নাদ্যাৎ সূর্যগ্রহাৎ পূর্বং প্রতি সায়ং শশিগ্রহাৎ ।
গ্রহকালে চ নাশ্নীয়াৎ স্নাৎবাঽশ্নীয়াৎবিমুক্তয়ে ॥ ১৯.১৫ ॥

মুক্তে শশিনি ভুঞ্জীত যদি ন স্যান্মহানিশা ।
অমুক্তয়োরস্তংগতয়োরদ্যাদ্ দৃষ্ট্বা পরেঽহনি ॥ ১৯.১৬ ॥

নাশ্নীয়াৎ প্রেক্ষমাণানামপ্রদায়ৈব দুর্মতিঃ ।
যজ্ঞাবশিষ্টমদ্যাদ্বা ন ক্রুদ্ধো নান্যমানসঃ ॥ ১৯.১৭ ॥

আত্মার্থং ভোজনং যস্য রত্যর্থং যস্য মৈথুনম্ ।
বৃত্যর্থং যস্য চাধীতং নিষ্ফলং তস্য জীবিতম্ ॥ ১৯.১৮ ॥

যদ্ভুঙ্ক্তে বেষ্টিতশিরা যচ্চ ভুঙ্ক্তে উদঙ্মুখঃ ।
সোপানৎকশ্চ যদ্ ভুঙ্ক্তে সর্বং বিদ্যাৎ তদাসুরম্ ॥ ১৯.১৯ ॥

নার্দ্ধরাত্রে ন মধ্যাহ্নে নাজীর্ণে নার্দ্রবস্ত্রধৃক্ ।
ন চ ভিন্নাসনগতো ন শয়ানঃ স্থিতোঽপি বা ॥ ১৯.২০ ॥

ন ভিন্নভাজনে চৈব ন ভূম্যাং ন চ পাণিষু ।
নোচ্ছিষ্টো ঘৃতমাদদ্যান্ন মূর্দ্ধানং স্পৃশেদপি ॥ ১৯.২১ ॥

ন ব্রহ্ম কীর্তয়ন্ বাপি ন নিঃ শেষং ন ভার্যযা ।
নান্ধকারে ন চাকাশে ন চ দেবালয়াদিষু ॥ ১৯.২২ ॥

নৈকবস্ত্রস্তু ভুঞ্জীত ন যানশয়নস্থিতঃ ।
ন পাদুকানির্গতোঽথ ন হসন্ বিলপন্নপি ॥ ১৯.২৩ ॥

ভুক্ত্বা বৈ সুখমাস্থায় তদন্নং পরিণাময়েৎ ।
ইতিহাসপুরাণাভ্যাং বেদার্থানুপবৃংহয়েৎ ॥ ১৯.২৪ ॥

ততঃ সংধ্যামুপাসীত পূর্বোক্তবিধিনা দ্বিজঃ ।
আসীনস্তু জপেদ্ দেবীং গায়ত্রীং পশ্চিমাং প্রতি ॥ ১৯.২৫ ॥

ন তিষ্ঠতি তু যঃ পুর্বাং আস্তে সংধ্যাং তু পশ্চিমাম্ ।
স শূদ্রেণ সমো লোকে সর্বধর্মবিবর্জিতঃ ॥ ১৯.২৬ ॥

হুৎবাঽগ্নিং বিধিবন্মন্ত্রৈর্ভুক্ত্বা যজ্ঞাবশিষ্টকম্ ।
সভৃত্যবান্ধবজনঃ স্বপেচ্ছুষ্কপদো নিশি ॥ ১৯.২৭ ॥

নোত্তরাভিমুখঃ স্বপ্যাৎ পশ্চিমাভিমুখো ন চ ।
ন চাকাশে ন নগ্নো বা নাশুচির্নাসনে ক্বচিৎ ॥ ১৯.২৮ ॥

ন শীর্ণায়াং তু খট্বায়াং শূন্যাগারে ন চৈব হি ।
নানুবংশে ন পালাশে শয়নে বা কদাচন ॥ ১৯.২৯ ॥

ইত্যেতদখিলেনোক্তমহন্যহনি বৈ ময়া ।
ব্রাহ্মণানাং কৃত্যজাতমপবর্গফলপ্রদম্ ॥ ১৯.৩০ ॥

নাস্তিক্যাদথবালস্যাৎ ব্রাহ্মণো ন করোতি যঃ ।
স যাতি নরকান্ ঘোরান্ কাকয়োনৌ চ জায়তে ॥ ১৯.৩১ ॥

নান্যো বিমুক্তয়ে পন্থা মুক্ত্বাশ্রমবিধিং স্বকম্ ।
তস্মাৎ কর্মাণি কুর্বীত তুষ্টয়ে পরমেষ্ঠিনঃ ॥ ১৯.৩২ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
একোনবিংশোঽধ্যায়ঃ ॥১৯ ॥

কূর্মপুরাণএ উত্তরভাগে বিংশতিতমোঽধ্যায়ঃ

ব্যাস উবাচ ।
অথ শ্রাদ্ধমমাবাস্যাং প্রাপ্য কার্যং দ্বিজোত্তমৈঃ ।
পিণ্ডান্বাহার্যকং ভক্ত্যা ভুক্তিমুক্তিফলপ্রদম্ ॥ ২০.১ ॥

পিণ্ডান্বাহার্যকং শ্রাদ্ধং ক্ষীণে রাজনি শস্যতে ।
অপরাহ্ণে দ্বিজাতীনাং প্রশস্তেনামিষেণ চ ॥ ২০.২ ॥

প্রতিপৎপ্রভৃতি হ্যন্যাস্তিথয়ঃ কৃষ্ণপক্ষকে ।
চতুর্দশীং বর্জয়িৎবা প্রশস্তা হ্যুত্তরোত্তরে ॥ ২০.৩ ॥

অমাবাস্যাষ্টকাস্তিস্রঃ পৌষমাসাদিষু ত্রিষু ।
তিস্রস্তাস্ত্বষ্টকাঃ পুণ্যা মাঘী পঞ্চদশী তথা ॥ ২০.৪ ॥

ত্রয়োদশী মঘায়ুক্তা বর্ষাসু তু বিশেষতঃ ।
শস্যাপাকশ্রাদ্ধকালা নিত্যাঃ প্রোক্তা দিনে দিনে ॥ ২০.৫ ॥

নৈমিত্তিকং তু কর্তব্যং গ্রহণে চন্দ্রসূর্যযোঃ ।
বান্ধবানাং চ মরণে নারকী স্যাদতোঽন্যথা ॥ ২০.৬ ॥

কাম্যানি চৈব শ্রাদ্ধানি শস্যন্তে গ্রহণাদিষু ।
অয়নে বিষুবে চৈব ব্যতীপাতেঽপ্যনন্তকম্ ॥ ২০.৭ ॥

সংক্রান্ত্যামক্ষয়ং শ্রাদ্ধং তথা জন্মদিনেষ্বপি ।
নক্ষত্রেষু চ সর্বেষু কার্যং কালে বিশেষতঃ ॥ ২০.৮ ॥

স্বর্গং চ লভতে কৃৎবা কৃত্তিকাসু দ্বিজোত্তমঃ ।
অপত্যমথ রোহিণ্যাং সৌম্যে তু ব্রহ্মবর্চসম্ ॥ ২০.৯ ॥

রৌদ্রাণাং কর্মণাং সিদ্ধিমার্দ্রায়াং শৌর্যমেব চ ।
পুনর্বসৌ তথা ভূমিং শ্রিয়ং পুষ্যে তথৈব চ ॥ ২০.১০ ॥

সর্বান্ কামাংস্তথা সর্প্যে পিত্র্যে সৌভাগ্যমেব চ ।
অর্যম্ণে তু ধনং বিন্দ্যাৎ ফাল্গুন্যাং পাপনাশনম্ ॥ ২০.১১ ॥

জ্ঞাতিশ্রৈষ্ঠ্যং তথা হস্তে চিত্রায়াং চ বহূন্ সুতান্ ।
বাণিজ্যসিদ্ধিং স্বাতৌ তু বিশাখাসু সুবর্ণকম্ ॥ ২০.১২ ॥

মৈত্রে বহূনি মিত্রাণি রাজ্যং শাক্রে তথৈব চ ।
মূলে কৃষিং লভেদ্ জ্ঞানং সিদ্ধিমাপ্যে সমুদ্রতঃ ॥ ২০.১৩ ॥

সর্বান্ কামান্ বৈশ্বদেবে শ্রৈষ্ঠ্যং তু শ্রবণে পুনঃ ।
শ্রবিষ্ঠায়াং তথা কামান্ বারুণে চ পরং বলম্ ॥ ২০.১৪ ॥

অজৈকপাদে কুপ্যং স্যাদহির্বুধ্নে গৃহং শুভম্ ।
রেবত্যাং বহবো গাবো হ্যশ্বিন্যাং তুরগাংস্তথা ।
যাম্যেঽথ জীবিতন্তু স্যাদ্যদি শ্রাদ্ধং প্রয়চ্ছতি ॥ ২০.১৫ ॥

আদিত্যবারে ৎবারোগ্যং চন্দ্রে সৌভাগ্যমেব চ ।
কৌজে সর্বত্র বিজয়ং সর্বান্ কামান্ বুধস্য তু ॥ ২০.১৬ ॥

বিদ্যামভীষ্টা জীবে তু ধনং বৈ ভার্গবে পুনঃ ।
শমৈশ্বরে লভেদায়ুঃ প্রতিপৎসু সুতান্ শুভান্ ॥ ২০.১৭ ॥

কন্যকা বৈ দ্বিতীয়ায়াং তৃতীয়ায়াং তু বিন্দতি ।
পশূন্ক্ষুদ্রাংশ্চতুর্থ্যাং তু পঞ্চম্যাংশোভনান্ সুতান্ ॥ ২০.১৮ ॥

ষষ্ট্যাং দ্যুতিং কৃষিং চাপি সপ্তম্যাং চ ধনং নরঃ ।
অষ্টম্যামপি বাণিজ্যং লভতে শ্রাদ্ধদঃ সদা ॥ ২০.১৯ ॥

স্যান্নবম্যামেকখুরং দশম্যাং দ্বিখুরং বহু ।
একাদশ্যাং তথা রূপ্যং ব্রহ্মবর্চস্বিনঃ সুতান্ ॥ ২০.২০ ॥

দ্বাদশ্যাং জাতরূপং চ রজতং কুপ্যমেব চ ।
জ্ঞাতিশ্রৈষ্ঠ্যং ত্রয়োদশ্যাং চতুর্দশ্যাং তু ক্রুপ্রজাঃ ।
পঞ্চদশ্যাং সর্বকামানাপ্নোতি শ্রাদ্ধদঃ সদা ॥ ২০.২১ ॥

তস্মাচ্ছ্রাদ্ধং ন কর্ত্তব্যং চতুর্দশ্যাং দ্বিজাতিভিঃ ।
শস্ত্রেণ তু হতানাং বৈ তত্র শ্রাদ্ধং প্রকল্পয়েৎ ॥ ২০.২২ ॥

দ্রব্যব্রাহ্মণসম্পত্তৌ ন কালনিয়মঃ কৃতঃ ।
তস্মাদ্ ভোগাপবর্গার্থং শ্রাদ্ধং কুর্যুর্দ্বিজাতয়ঃ ॥ ২০.২৩ ॥

কর্মারম্ভেষু সর্বেষু কুর্যাদাভ্যুদয়ং পুনঃ ।
পুত্রজন্মাদিষু শ্রাদ্ধং পার্বণং পর্বসু স্মৃতম্ ॥ ২০.২৪ ॥

অহন্যহনি নিত্যং স্যাৎ কাম্যং নৈমিত্তিকং পুনঃ ।
একোদ্দিষ্টাদি বিজ্ঞেয়ং বৃদ্ধিশ্রাদ্ধং তু পার্বণম্ ॥ ২০.২৫ ॥

এতৎ পঞ্চবিধং শ্রাদ্ধং মনুনা পরিকীর্তিতম্ ।
যাত্রায়াং ষষ্ঠমাখ্যাতং তৎপ্রয়ত্নেন পালয়েৎ ॥ ২০.২৬ ॥

শুদ্ধয়ে সপ্তমং শ্রাদ্ধং ব্রহ্মণা পরিভাষিতম্ ।
দৈবিকং চাষ্টমং শ্রাদ্ধং যৎকৃৎবা মুচ্যতে ভয়াৎ ॥ ২০.২৭ ॥

সংন্ধ্যাং রীত্রৌ ন কর্ত্তব্যং রাহোরন্যত্র দর্শনাৎ ।
দেশানাং চ বিশেষেণ ভবেৎ পুণ্যমনন্তকম্ ॥ ২০.২৮ ॥

গঙ্গায়ামক্ষয়ং শ্রাদ্ধং প্রয়াগেঽমরকণ্টকে ।
গায়ন্তি পিতরো গাথাং কীর্ত্তয়ন্তি মনীষিণঃ ॥ ২০.২৯ ॥

এষ্টব্যা বহবঃ পুত্রাঃ শীলবন্তো গুণান্বিতাঃ ।
তেষাং তু সমবেতানাং যদ্যেকোঽপি গায়াং ব্রজেৎ ॥ ২০.৩০ ॥

গয়াং প্রাপ্যানুষঙ্গেণ যদি শ্রাদ্ধং সমাচরেৎ ।
তারিতাঃ পিতরস্তেন স যাতি পরমাং গতিম্ ॥ ২০.৩১ ॥

বরাহপর্বতে চৈব গঙ্গায়াং বৈ বিশেষতঃ ।
বারাণস্যাং বিশেষেণ যত্র দেবঃ স্বয়ং হরঃ ॥ ২০.৩২ ॥

গঙ্গাদ্বারে প্রভাসে চ বিল্বকে নীলপর্বতে ।
কুরুক্ষেত্রে চ কুব্জাম্রে ভৃগুতুঙ্গে মহালয়ে ॥ ২০.৩৩ ॥

কেদারে ফল্গুতীর্থে চ নৈমিষারণ্য এব চ ।
সরস্বত্যাং বিশেষেণ পুষ্করেষু বিশেষতঃ ॥ ২০.৩৪ ॥

নর্মদায়াং কুশাবর্ত্তে শ্রীশৈলে ভদ্রকর্ণকে ।
বেত্রবত্যাং বিশাখায়াং গোদাবর্যাং বিশেষতঃ ॥ ২০.৩৫ ॥

এবমাদিষু চান্যেষু তীর্থেষু পুলিনেষু চ ।
নদীনাং চৈব তীরেষু তুষ্যন্তি পিতরঃ সদা ॥ ২০.৩৬ ॥

ব্রীহিভিশ্চ যবৈর্মাষৈরদ্ভির্মূলফলেন বা ।
শ্যামাকৈশ্চ যবৈঃ শাকৈর্নীবারৈশ্চ প্রিয়ঙ্গুভিঃ ।
গৌধূমৈশ্চ তিলৈর্মুদ্গৈর্মাসং প্রীণয়তে পিতৄন্ ॥ ২০.৩৭ ॥

আম্রান্ পানে রতানিক্ষূন্ মৃদ্বীকাংশ্চ সদাডিমান্ ।
বিদাশ্বাংশ্চ ভরণ্ডাশ্চ শ্রাদ্ধকালে প্রাদপয়েৎ ॥ ২০.৩৮ ॥

লাজান্ মধুয়ুতান্ দদ্যাৎ সক্তূন্ শর্করয়া সহ ।
দদ্যাচ্ছ্রাদ্ধে প্রয়ত্নেন শৃঙ্গাটককশেরুকান্ ॥ ২০.৩৯ ॥

দ্বৌ মাসৌ মৎস্যমাংসেন ত্রীন্ মাসান্ হারিণেনতু ।
ঔরভ্রেণাথ চতুরঃ শাকুনেনেহ পঞ্চ তু ।
ষণ্মাসাংশ্ছাগমাংসেন পার্ষতেনাথ সপ্ত বৈ ॥ ২০.৪০ ॥

অষ্টাবেণস্য মাংসেন রৌরবেণ নবৈব তু ।
দশমাসাংস্তু তৃপ্যন্তি বরাহমহিষামিষৈঃ ॥ ২০.৪১ ॥

শশকূর্মর্যোর্মাংসেন মাসানেকাদশৈব তু ।
সংবৎসরং তু গব্যেন পয়সা পায়সেন তু ।
বার্ধ্রীণসস্য মাংসেন তৃপ্তির্দ্বাদশবার্ষিকী ॥ ২০.৪২ ॥

কালশাকং মহাশল্কঃ খঙ্গলোহামিষং মধু ।
আনন্ত্যায়ৈব কল্পন্তে মুন্যন্নানি চ সর্বশঃ ॥ ২০.৪৩ ॥

ক্রীৎবা লব্ধ্বা স্বয়ং বাঽথ মৃতানাদৃত্য বৈ দ্বিজঃ ।
দদ্যাচ্ছ্রাদ্ধে প্রয়ত্নেন তদস্যাক্ষয়মুচ্যতে ॥ ২০.৪৪ ॥

পিপ্পলীং ক্রমুকং চৈব তথা চৈব মসূরকম্ ।
কূষ্মাণ্ডালাবুবার্ত্তাক ভূতৃণং সুরসং তথা ॥ ২০.৪৫ ॥

কুসুম্ভপিণ্ডমূলং বৈ তন্দুলীয়কমেব চ ।
রাজমাষাংস্তথা ক্ষীরং মাহিষাজং চ বিবর্জয়েৎ ॥ ২০.৪৬ ॥

আঢক্যঃ কোবিদারাংশ্চ পালক্যা মরিচাংস্তথা ।
বর্জয়েৎ সর্বয়ত্নেন শ্রাদ্ধকালে দ্বিজোত্তমঃ ॥ ২০.৪৭ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে বিশোঽধ্যায়ঃ ॥২০ ॥

কূর্মপুরাণএ উত্তরভাগে একবিংশতিতমোঽধ্যায়ঃ

ব্যাস উবাচ ।
স্নাৎবা যথোক্তং সংতর্প্য পিতৄংশ্চন্দ্রক্ষয়ে দ্বিজঃ ।
পিণ্ডান্বাহার্যকং শ্রাদ্ধং কুর্যাৎ সৌম্যমনাঃ শুচিঃ ॥ ২১.১ ॥

পূর্বমেব পরীক্ষেত ব্রাহ্মণং বেদপারগম্ ।
তীর্থং তদ্ হব্যকব্যানাং প্রদানে চাতিথিঃ স্মৃতঃ ॥ ২১.২ ॥

যে সোমপা বিরজসো ধর্মজ্ঞাঃ শান্তচেতসঃ ।
ব্রতিনো নিয়মস্থাশ্চ ঋতুকালাভিগামিনঃ ॥ ২১.৩ ॥

পঞ্চাগ্নিরপ্যধীয়ানো যজুর্বেদবিদেব চ ।
বহ্বৃচশ্চ ত্রিসৌপর্ণস্ত্রিমধুর্বাঽথ যোঽভবৎ ॥ ২১.৪ ॥

ত্রিণাচিকেতচ্ছন্দোগো জ্যেষ্ঠসামগ এব চ ।
অথর্বশিরসোঽধ্যেতা রুদ্রাধ্যায়ী বিশেষতঃ ॥ ২১.৫ ॥

অগ্নিহোত্রপরো বিদ্বান্ ন্যায়বিচ্চ ষডঙ্গবিৎ ।
মন্ত্রব্রাহ্মণবিচ্চৈব যশ্চ স্যাদ্ ধর্মপাঠকঃ ॥ ২১.৬ ॥

ঋষিব্রতী ঋষীকশ্চ তথা দ্বাদশবার্ষিকঃ ।
ব্রহ্মদেয়ানুসংতানো গর্ভশুদ্ধঃ সহস্রদঃ ॥ ২১.৭ ॥

চান্দ্রায়ণব্রতচরঃ সত্যবাদী পুরাণবিৎ ।
গুরুদেবাগ্নিপূজাসু প্রসক্তো জ্ঞানতৎপরঃ ॥ ২১.৮ ॥

বিমুক্তঃ সর্বতো ধীরো ব্রহ্মভূতো দ্বিজোত্তমঃ ।
মহাদেবার্চনরতো বৈষ্ণবঃ পঙ্ক্তিপাবনঃ ॥ ২১.৯ ॥

অহিংসানিরতো নিত্যমপ্রতিগ্রহণস্তথা ।
সত্রী চ দাননিরতা বিজ্ঞেয়ঃ পঙ্ক্তিপাবনঃ ॥ ২১.১০ ॥

যুবানঃ শ্রোত্রিয়াঃ স্বস্থা মহায়জ্ঞপরায়ণাঃ ।
সাবিত্রীজাপনিরতা ব্রাহ্মণাঃ পঙ্ক্তিপাবনাঃ ।
কুলানাং শ্রুতবন্তশ্চ শীলবন্তস্তপস্বিনঃ ।
অগ্নিচিৎস্নাতকা বিপ্রঃ বিজ্ঞেয়াঃ পঙ্ক্তিপাবনাঃ ।
মাতাপিত্রোর্হিতে যুক্তঃ প্রাতঃ স্নায়ী তথা দ্বিজঃ ।
অধ্যাত্মবিন্মুনির্দান্তো বিজ্ঞেয়ঃ পঙ্ক্তিপাবনঃ ॥ ২১.১১ ॥

জ্ঞাননিষ্ঠো মহায়োগী বেদান্তার্থবিচিন্তকঃ ।
শ্রদ্ধালুঃ শ্রাদ্ধনিরতো ব্রাহ্মণঃ পঙ্ক্তিপাবনঃ ॥ ২১.১২ ॥

বেদবিদ্যারতঃ স্নাতো ব্রহ্মচর্যপরঃ সদা ।
অথর্বণো মুমুক্ষুশ্চ ব্রাহ্মণঃ পঙ্ক্তিপাবনঃ ॥ ২১.১৩ ॥

অসমানপ্রবরকো হ্যসগোত্রস্তথৈব চ ।
অসংবন্ধী চ বিজ্ঞেয়ো ব্রাহ্মণঃ পঙ্ক্তিপাবনঃ ॥ ২১.১৪ ॥

ভোজয়েদ্ যোগিনং শান্তং তত্ত্বজ্ঞানরতং যতঃ ।
অলাভে নৈষ্ঠিকং দান্তমুপকুর্বাণকং তথা ॥ ২১.১৫ ॥

তদলাভে গৃহস্থং তু মুমুক্ষুং সঙ্গবর্জিতম্ ।
সর্বালাভে সাধকং বা গৃহস্থমপি ভোজয়েৎ ॥ ২১.১৬ ॥

প্রকৃতের্গুণতত্ত্বজ্ঞো যস্যাশ্নাতি যতির্হবিঃ ।
ফলং বেদবিদাং তস্য সহস্রাদতিরিচ্যতে ॥ ২১.১৭ ॥

তস্মাদ্ যত্নেন যোগীন্দ্রমীশ্বরজ্ঞানতৎপরম্ ।
ভোজয়েদ্ হব্যকব্যেষু অলাভাদিতরান্ দ্বিজান্ ॥ ২১.১৮ ॥

এষ বৈ প্রথমঃ কল্পঃ প্রদানে হব্যকব্যযোঃ ।
অনুকল্পস্ত্বয়ং জ্ঞেয়ঃ সদা সদ্ভিরনুষ্ঠিতঃ ॥ ২১.১৯ ॥

মাতামহং মাতুলং চ স্বস্ত্রীয়ং শ্বশুরং গুরুম্ ।
দৌহিত্রং বিট্পতিং বন্ধুমৃৎবিগ্যাজ্যৌ চ ভোজয়েৎ ॥ ২১.২০ ॥

ন শ্রাদ্ধে ভোজয়েন্মিত্রং ধনৈঃ কার্যোঽস্য সংগ্রহঃ ।
পৈশাচী দক্ষিণাশা হি নৈবামুত্র ফলপ্রদা ॥ ২১.২১ ॥

কামং শ্রাদ্ধেঽর্চ্চয়েন্মিত্রং নাভিরূপমপি ৎবরিম্ ।
দ্বিষতা হি হবির্ভুক্তং ভবতি প্রেত্য নিষ্ফলম্ ॥ ২১.২২ ॥

ব্রাহ্মণো হ্যনধীয়ানস্তৃণাগ্নিরিব শাম্যতি ।
তস্মৈ হব্যং ন দাতব্যং ন হি ভস্মনি হূয়তে ॥ ২১.২৩ ॥

যথোষরে বীজমুপ্ত্বা ন বপ্তা লভতে ফলম্ ।
তথাঽনৃচে হবির্দত্ত্বা ন দাতা লভতে ফলম্ ॥ ২১.২৪ ॥

যাবতো গ্রসতে পিণ্ডান্ হব্যকব্যেষ্বমন্ত্রবিৎ ।
তাবতো গ্রসতে প্রেত্য দীপ্তান্ স্থূলাংস্ত্বয়োগুডান্ ॥ ২১.২৫ ॥

অপি বিদ্যাকুলৈর্যুক্তা হীনবৃত্তা নরাধমাঃ
যত্রৈতে ভুঞ্জতে হব্যং তদ্ ভবেদাসুরং দ্বিজাঃ ॥ ২১.২৬ ॥

যস্য বেদশ্চ বেদী চ বিচ্ছিদ্যেতে ত্রিপূরুষম্ ।
স বৈ দুর্ব্রাহ্মণো নার্হঃ শ্রাদ্ধাদিষু কদাচন ॥ ২১.২৭ ॥

শূদ্রপ্রেষ্যো ভৃতো রাজ্ঞো বৃষলী গ্রাময়াজকঃ ।
বধবন্ধোপজীবী চ ষডেতে ব্রহ্মবন্ধবঃ ॥ ২১.২৮ ॥

দত্তানুয়োগো দ্রব্যার্থং পতিতান্ মনুরব্রবীৎ ।
বেদবিক্রয়িণো হ্যেতে শ্রাদ্ধাদিষু বিগর্হিতাঃ ॥ ২১.২৯ ॥

সুতবিক্রয়িণো যে তু পরপূর্বাসমুদ্ভবাঃ ।
অসামান্যান্ যজন্তে যে পতিতাস্তে প্রকীর্তিতাঃ ॥ ২১.৩০ ॥

অসংস্কৃতাধ্যাপকা যে ভৃত্যা বাঽধ্যাপয়ন্তি যে ।
অধীয়তে তথা বেদান্ পতিতাস্তে প্রকীর্তিতাঃ ॥ ২১.৩১ ॥

বৃদ্ধশ্রাবকনির্গ্রন্থাঃ পঞ্চরাত্রবিদো জনাঃ ।
কাপালিকাঃ পাশুপতাঃ পাষণ্ডা যে চ তদ্বিধাঃ ॥ ২১.৩২ ॥

যস্যাশ্নন্তি হবীংষ্যেতে দুরাত্মানস্তু তামসাঃ ।
ন তস্য তদ্ ভবেচ্ছ্রাদ্ধং প্রেত্য চেহ ফলপ্রদম্ ॥ ২১.৩৩ ॥

অনাশ্রমী দ্বিজো যঃ স্যাদাশ্রমী বা নিরর্থকঃ ।
মিথ্যাশ্রমী চ তে বিপ্রা বিজ্ঞেয়াঃ পঙ্ক্তিদূষকাঃ ॥ ২১.৩৪ ॥

দুশ্চর্মা কুনখী কুষ্ঠী শ্বিত্রী চ শ্যাবদন্তকঃ ।
বিদ্ধ্যজননশ্চৈব স্তেনঃ ক্লীবোঽথ নাস্তিকঃ ॥ ২১.৩৫ ॥

মদ্যপো বৃষলীসক্তো বীরহা দিধিষূপতিঃ ।
আগারদাহী কুণ্ডাশী সোমবিক্রয়িণো দ্বিজাঃ ॥ ২১.৩৬ ॥

পরিবেত্তা চ হিংস্রঃ শ্চ পরিবিত্তির্নিরাকৃতিঃ ।
পৌনর্ভবঃ কুসীদশ্চ তথা নক্ষত্রদর্শকঃ ॥ ২১.৩৭ ॥

গীতবাদিত্রনিরতো ব্যাধিতঃ কাণ এব চ ।
হীনাঙ্গশ্চাতিরিক্তাঙ্গো হ্যবকীর্ণীস্তথৈব চ ॥ ২১.৩৮ ॥

কান্তাদূষী কুণ্ডগোলৌ অভিশস্তোঽথ দেবলঃ
মিত্রধ্রুক্ পিশুনশ্চৈব নিত্যং ভার্যানুবর্ত্তিতঃ ॥ ২১.৩৯ ॥

মাতাপিত্রোর্গুরোস্ত্যাগী দারত্যাগী তথৈব চ
গোত্রস্পৃক্ ভ্রষ্টশৌচশ্চ কাণ্ডস্পৃষ্টস্তথৈব চ ॥ ২১.৪০ ॥

অনপত্যঃ কূটসাক্ষী যাচকো রঙ্গজীবকঃ ।
সমুদ্রয়ায়ী কৃতহা তথা সময়ভেদকঃ ॥ ২১.৪১ ॥

দেবনিন্দাপরশ্চৈব বেদনিন্দারতস্তথা ।
দ্বিজনিন্দারতশ্চৈতে বর্জ্যাঃ শ্রাদ্ধাদিকর্মসু ॥ ২১.৪২ ॥

কৃতঘ্নঃ পিশুনঃ ক্রূরো নাস্তিকো বেদনিন্দকঃ ।
মিত্রধ্রুক্ কুহকশ্চৈব বিশেষাৎ পঙ্ক্তিদূষকাঃ ॥ ২১.৪৩ ॥

সর্বে পুনরভোজ্যান্নঃ তদানার্হাশ্চ কর্মসু ।
ব্রহ্মভাবনিরস্তাশ্চ বর্জনীয়াঃ প্রয়ত্নতঃ ॥ ২১.৪৪ ॥

শূদ্রান্নরসপুষ্টাঙ্গঃ সংধ্যোপাসনবর্জিতঃ ।
মহায়জ্ঞবিহীনশ্চ ব্রাহ্মণঃ পঙ্ক্তিদূষকঃ ॥ ২১.৪৫ ॥

অধীতনাশনশ্চৈব স্নানহোমবিবর্জিতঃ ।
তামসো রাজসশ্চৈব ব্রাহ্মণঃ পঙ্ক্তিদূষকঃ ॥ ২১.৪৬ ॥

বহুনাঽত্র কিমুক্তেন বিহিতান্ যে ন কুর্বতে ।
নিন্দিতানাচরন্ত্যেতে বর্জ্যাঃ শ্রাদ্ধে প্রয়ত্নতঃ ॥ ২১.৪৭ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
একবিশোঽধ্যায়ঃ ॥২১ ॥

কূর্মপুরাণএ উত্তরভাগে দ্বাবিংশতিতমোঽধ্যায়ঃ

ব্যাস উবাচ ।
গোময়েনোদকৈর্ভূমিং শোধয়িৎবা সমাহিতঃ ।
সন্নিমন্ত্র্য দ্বিজান্ সর্বান্ সাধুভিঃ সন্নিমন্ত্রয়েৎ ॥ ২২.১ ॥

শ্বো ভবিষ্যতি মে শ্রাদ্ধং পূর্বেদ্যুরভিপূজ্য চ ।
অসংভবে পরেদ্যুর্বা যথোক্তৈর্লক্ষণৈর্যুতান্ ॥ ২২.২ ॥

তস্য তে পিতরঃ শ্রুৎবা শ্রাদ্ধকালমুপস্থিতম্ ।
অন্যোন্যং মনসা ধ্যাৎবা সম্পতন্তি মনোজবাঃ ॥ ২২.৩ ॥

ব্রাহ্মণৈস্তৈ সহাশ্নন্তি পিতরো হ্যন্তরিক্ষগাঃ ।
বায়ুভূতাস্তু তিষ্ঠন্তি ভুক্ত্বা যান্তি পরাং গতিম্ ॥ ২২.৪ ॥

আমন্ত্রিতাশ্চ তে বিপ্রাঃ শ্রাদ্ধকাল উপস্থিতে ।
বসেয়ুর্নিয়তাঃ সর্বে ব্রহ্মচর্যপরায়ণাঃ ॥ ২২.৫ ॥

অক্রোধনোঽৎবরোঽমত্তঃ সত্যবাদী সমাহিতঃ ।
ভারং মৈথুনমধ্বানং শ্রাদ্ধকৃদ্ বর্জয়েজ্জপম্ ॥ ২২.৬ ॥

আমন্ত্রিতো ব্রাহ্মণো বা যোঽন্যস্মৈ কুরুতে ক্ষণম্ ।
স যাতি নরকং ঘোরং সূকরৎবাং প্রায়াতি চ ॥ ২২.৭ ॥

আমন্ত্রয়িৎবা যো মোহাদন্যং চামন্ত্রয়েদ্ দ্বিজঃ ।
স তস্মাদধিকঃ পাপী বিষ্ঠাকীটোঽভিজায়তে ॥ ২২.৮ ॥

শ্রাদ্ধে নিমন্ত্রিতো বিপ্রো মৈথুনং যোঽধিগচ্ছতি ।
ব্রহ্মহত্যামবাপ্নোতি তির্যগ্যোনৌ চ জায়তে ॥ ২২.৯ ॥

নিমন্ত্রিতস্তু যো বিপ্রো হ্যধ্বানং যাতি দুর্মতিঃ ।
ভবন্তি পিতরস্তস্য তন্মাসং পাপভোজনাঃ ॥ ২২.১০ ॥

নিমন্ত্রিতস্তু যঃ শ্রাদ্ধে প্রকুর্যাৎ কলহং দ্বিজঃ ।
ভবন্তি তস্য তন্মাসং পিতরো মলভোজনাঃ ॥ ২২.১১ ॥

তস্মান্নিমন্ত্রিতঃ শ্রাদ্ধে নিয়তাত্মা ভবেদ্ দ্বিজঃ ।
অক্রোধনঃ শৌচপরঃ কর্তা চৈব জিতেন্দ্রিয়ঃ ॥ ২২.১২ ॥

শ্বোভূতে দক্ষিণাং গৎবা দিশং দর্ভান্ সমাহিতঃ ।
সমূলানাহরেদ্ বারি দক্ষিণাগ্রান্ সুনির্মলান্ ॥ ২২.১৩ ॥

দক্ষিণাপ্রবণং স্নিগ্ধং বিভক্তং শুভলক্ষণম্ ।
শুচিং দেশং বিবিক্তং চ গোময়েনোপলেপয়েৎ ॥ ২২.১৪ ॥

নদীতীরেষু তীর্থেষু স্বভূমৌ চৈব নাম্বুষু ।
বিবিক্তেষু চ তুষ্যন্তি দত্তেন পিতরঃ সদা ॥ ২২.১৫ ॥

পারক্যে ভূমিভাগে তু পিতৄণাং নৈব নির্বপেৎ ।
স্বামিভিস্তদ্ বিহন্যেত মোহাদ্ যৎ ক্রিয়তে নরৈঃ ॥ ২২.১৬ ॥

অটব্যঃ পর্বতাঃ পুণ্যাস্তীর্থান্যায়তনানি চ ।
সর্বাণ্যস্বামিকান্যাহুর্ন হ্যেতেষু পরিগ্রহঃ ॥ ২২.১৭ ॥

তিলান্ প্রবিকিরেত্তত্র সর্বতো বন্ধয়েদজাম্ ।
অসুরোপহতং শ্রাদ্ধং তিলৈঃ শুদ্ধ্যত্যজেন বা ॥ ২২.১৮ ॥

ততোঽন্নং বহুসংস্কারং নৈকব্যঞ্জনমচ্যুতম্ ।
চোষ্যং পেয়ং সমৃদ্ধং চ যথাশক্ত্যা প্রকল্পয়েৎ ॥ ২২.১৯ ॥

ততো নিবৃত্তে মধ্যাহ্নে লুপ্তরোমনখান্ দ্বিজান্ ।
অভিগম্য যথামার্গং প্রয়চ্ছেদ্ দন্তধাবনম্ ॥ ২২.২০ ॥

তৈলমভ্যঞ্জনং স্নানং স্নানীয়ং চ পৃথগ্বিধম্ ।
পাত্রৈরৌদুম্বরৈর্দদ্যাদ্ বৈশ্বদৈবত্যপূর্বকম্ ॥ ২২.২১ ॥

ততঃস্নানান্নিবৃত্তেভ্যঃ প্রত্যুত্থায়কৃতাঞ্জলিঃ ।
পাদ্যমাচমনীয়ং চ সম্প্রয়চ্ছেদ্ যথাক্রমম্ ॥ ২২.২২ ॥

যে চাত্র বিশ্বেদেবানাং বিপ্রাঃ পূর্বং নিমন্ত্রিতাঃ ।
প্রাঙ্মুখান্যাসনান্যেষাং ত্রিদর্ভোপহিতানি চ ॥ ২২.২৩ ॥

দক্ষিণামুখমুক্তানি পিতৄণামাসনানি চ ।
দক্ষিণাগ্রেষু দর্ভেষু প্রোক্ষিতানি তিলোদকৈঃ ॥ ২২.২৪ ॥

তেষূপবেশয়েদেতানাসনং সংস্পৃশন্নপি ।
আসধ্বমিতি সংজল্পন্নাসীরংস্তে পৃথক্ পৃথক্ ॥ ২২.২৫ ॥

দ্বৌ দৈবে প্রাঙ্মুখৌ পিত্র্যে ত্রয়শ্চোদঙ্মুখাস্তথা ।
একৈকং বা ভবেৎ তত্র দেবমাতামহেষ্বপি ॥ ২২.২৬ ॥

সৎক্রিয়াং দেশকালৌ চ শৌচং ব্রাহ্মণসম্পদম্ ।
পঞ্চৈতান্ বিস্তরো হন্তি তস্মান্নেহেত বিস্তরম্ ॥ ২২.২৭ ॥

অপি বা ভোজয়েদেকং ব্রাহ্মণং বেদপারগম্ ।
শ্রুতশীলাদিসম্পন্নমলক্ষণবিবর্জিতম্ ॥ ২২.২৮ ॥

উদ্ধৃত্য পাত্রে চান্নং তৎ সর্বস্মাৎ প্রকৃতাৎ পুনঃ ।
দেবতায়তনে বাসৌ নিবেদ্যান্যৎপ্রবর্ত্তয়েৎ ॥ ২২.২৯ ॥

প্রাস্যেদগ্নৌ তদন্নং তু দদ্যাদ্ বা ব্রহ্মচারিণে ।
তস্মাদেকমপি শ্রেষ্ঠং বিদ্বাংসং ভোজয়েদ্ দ্বিজম্ ॥ ২২.৩০ ॥

ভিক্ষুকো ব্রহ্মচারী বা ভোজনার্থমুপস্থিতঃ ।
উপবিষ্টেষু যঃ শ্রাদ্ধে কামং তমপি ভোজয়েৎ ॥ ২২.৩১ ॥

অতিথির্যস্য নাশ্নাতি ন তচ্ছ্রাদ্ধং প্রশস্যতে ।
তস্মাৎ প্রয়ত্নাচ্ছ্রাদ্ধেষু পূজ্যা হ্যতিথয়ো দ্বিজৈঃ ॥ ২২.৩২ ॥

আতিথ্যরহিতে শ্রাদ্ধে ভুঞ্জতে যে দ্বিজাতয়ঃ ।
কাকয়োনিং ব্রজন্ত্যেতে দাতা চৈব ন সংশয়ঃ ॥ ২২.৩৩ ॥

হীনাঙ্গঃ পতিতঃ কুষ্ঠী ব্রণী পুক্কসনাস্তিকৌ ।
কুক্কুটাঃ শূকরাঃ শ্বানো বর্জ্যাঃ শ্রাদ্ধেষু দূরতঃ ॥ ২২.৩৪ ॥

বীভৎসুমশুচিং নগ্নং মত্তং ধূর্তং রজস্বলাম্ ।
নীলকাষায়বসনপাষণ্ডাংশ্চ বিবর্জয়েৎ ॥ ২২.৩৫ ॥

যৎ তত্র ক্রিয়তে কর্ম পৈতৃকং ব্রাহ্মণান্ প্রতি ।
তৎসর্বমেব কর্ত্তব্যং বৈশ্বদৈবত্যপূর্বকম্ ॥ ২২.৩৬ ॥

যথোপবিষ্টান্ সর্বাংস্তানলংকুর্যাদ্ বিভূষণৈঃ ।
স্রগ্দামভিঃ শিরোবেষ্টৈর্ধূপবাসোঽনুলেপনৈঃ ॥ ২২.৩৭ ॥

ততস্ত্বাবাহয়েদ্ দেবান্ ব্রাহ্মণানামনুজ্ঞয়া ।
উদঙ্মুখো যথান্যায়ং বিশ্বে দেবাস ইত্যৃচা ॥ ২২.৩৮ ॥

দ্বে পবিত্রে গৃহীৎবাঽথ ভাজনে ক্ষালিতে পুনঃ ।
শংনো দেবী জলং ক্ষিপ্ত্বা যবোঽসীতি যবাংস্তথা ॥ ২২.৩৯ ॥

যা দিব্যা ইতি মন্ত্রেণ হস্তে ৎবর্ঘং বিনিক্ষিপেৎ ।
প্রদদ্যাদ্ গন্ধমাল্যানি ধূপাদীনি চ শক্তিতঃ ॥ ২২.৪০ ॥

অপসব্যং ততঃ কৃৎবা পিতৄণাং দক্ষিণামুখঃ ।
আবাহনং ততঃ কুর্যাদুশন্তস্ত্বেত্যৃচা বুধঃ ॥ ২২.৪১ ॥

আবাহ্য তদনুজ্ঞাতো জপেদায়ন্তু নস্ততঃ ।
শংনো দেব্যোদকং পাত্রে তিলোঽসীতি তিলাংস্তথা ॥ ২২.৪২ ॥

ক্ষিপ্ত্বা চার্ঘং যথাপূর্বং দত্ত্বা হস্তেষু বৈ পুনঃ ।
সংস্রবাংশ্চ ততঃ সর্বান্ পাত্রে কুর্যাৎ সমাহিতঃ ॥ ২২.৪৩ ॥

পিতৃভ্যঃ স্থানমেতচ্চ ন্যুব্জপাত্রং নিধাপয়েৎ ।
অগ্নৌ করিষ্যন্নাদায় পৃচ্ছেদন্নং ঘৃতপ্লুতম্ ।
কুরুষ্বেত্যভ্যনুজ্ঞাতো জুহুয়াদুপবীতবান্ ॥ ২২.৪৪ ॥

যজ্ঞোপবীতিনা হোমঃ কর্ত্তব্যঃ কুশপাণিনা ।
প্রাচীনাবীতিনা পিত্র্যং বৈশ্বদেবং তু হোমবিৎ ॥ ২২.৪৫ ॥

দক্ষিণং পাতয়েজ্জানুং দেবান্ পরিচরন্ সদা ।
পিতৃণাং পরিচর্যাসু পাতয়েদিতরং তথা ॥ ২২.৪৬ ॥

সোমায় বৈ পিতৃমতে স্বধা নম ইতি ব্রুবন্ ।
অগ্নয়ে কব্যবাহনায় স্বধেতি জুহুয়াৎ ততঃ ॥ ২২.৪৭ ॥

অগ্ন্যভাবে তু বিপ্রস্য পাণাবেবোপপাদয়েৎ ।
মহাদেবান্তিকে বাঽথ গোষ্ঠে বা সুসমাহিতঃ ॥ ২২.৪৮ ॥

ততস্তৈরভ্যনুজ্ঞাতো গৎবা বৈ দক্ষিণাং দিশম্ ।
গোময়েনোপলিপ্যোর্বীং স্থানং কুর্যাৎসসৈকতম্ ॥ ২২.৪৯ ॥

মণ্ডলং চতুরস্রং বা দক্ষিণাপ্রবণং শুভম্ ।
ত্রিরুল্লিখেত্তস্য মধ্যং দর্ভেণৈকেন চৈব হি ॥ ২২.৫০ ॥

ততঃ সংস্তীর্য তৎস্থানে দর্ভান্বৈ দক্ষিণাগ্রকান্ ।
ত্রীন্ পিণ্ডান্ নির্বপেৎ তত্র হবিঃ শেষাৎসমাহিতঃ ॥ ২২.৫১ ॥

লুপ্ত পিণ্ডাংস্তু তং হস্তং নিমৃজ্যাল্লেপভাগিনাম্ ।
তেষু দর্ভেষ্বথাচম্য ত্রিরাচম্য শনৈরসূন্ ।
তদন্নং তু নমস্কুর্যাৎ পিতৄনেব চ মন্ত্রবিৎ ॥ ২২.৫২ ॥

উদকং নিনয়েচ্ছেষং শনৈঃ পিণ্ডান্তিকে পুনঃ ।
অবজিঘ্রেচ্চ তান্ পিণ্ডান্ যথান্যুপ্ত্বা সমাহিতঃ ॥ ২২.৫৩ ॥

অথ পিণ্ডাচ্চ শিষ্টান্নং বিধিনা ভোজয়েদ্ দ্বিজান্ ।
মাংসান্যপূপান্ বিবিধান্ দদ্যাৎ কৃশরপায়সম্ ॥ ২২.৫৪ ॥

ততোঽন্নমুৎসৃজেদ্ভুক্তেষ্বগ্রতো বিকিরন্ভুবি ।
পৃষ্ট্বা তদন্নমিত্যেব তৃপ্তানাচাময়েত্ততঃ ॥ ২২.৫৫ ॥

আচান্তাননুজানীয়াদভিতো রম্যতামিতি ।
স্বধাস্ত্বিতি চ তে ব্রূয়ুর্ব্রাহ্মণাস্তদনন্তরম্ ॥ ২২.৫৬ ॥

ততো ভুক্তবতাং তেষাং অন্নশেষং নিবেদয়েৎ ।
যথা ব্রূয়ুঃ স্তথা কুর্যাৎ অনুজ্ঞাতস্তু তৈর্দ্বিজৈঃ ॥ ২২.৫৭ ॥

পিত্রে স্বদিতমিত্যেব বাচ্যং গোষ্টেষু সুশ্রিতম্ ।
সম্পন্নমিত্যভ্যুদয়ে দেবে সেবিতমিত্যপি ॥ ২২.৫৮ ॥

বিসৃজ্য ব্রাহ্মণান্ তান্বৈ পিতৃপূর্বন্তু বাগ্যতঃ ।
দক্ষিণান্দিশমাকাংক্ষন্যাচেতেমান্বরান্ পিতৄন্ ॥ ২২.৫৯ ॥

দাতারো নোঽভিবর্ধন্তাং বেদাঃ সন্ততিরেব চ ।
শ্রদ্ধা চ নো মা বিগমদ্বহুদেয়ঞ্চ নোস্ত্বিতি ॥ ২২.৬০ ॥

পিণ্ডাংস্তু গোঽজবিপ্রেভ্যঃ দদ্যাদগ্নৌ জলেঽপি বা ।
মধ্যমন্তু ততঃ পিণ্ডমদ্যাৎপত্নী সুতার্থিনী ॥ ২২.৬১ ॥

প্রক্ষাল্য হস্ত বাচম্য জ্ঞাতিং শেষেণ তোষয়েৎ ।
সূপশাকফলানীক্ষূন্ পয়ো দধি ঘৃতং মধু ॥ ২২.৬২ ॥

অন্নং চৈব যথাকামং বিবিধং ভোজ্যপেয়কম্ ।
যদ্ যদিষ্টং দ্বিজেন্দ্রাণাং তৎসর্বং বিনিবেদয়েৎ ॥ ২২.৬৩ ॥

ধান্যাংস্তিলাংশ্চ বিবিধান্ শর্করা বিবিধাস্তথা ।
উষ্ণমন্নং দ্বিজাতিভ্যো দাতব্যং শ্রেয় ইচ্ছতা ।
অন্যত্র ফলমূলেভ্যঃ পানকেভ্যস্তথৈব চ ॥ ২২.৬৪ ॥

নভূমৌ পাতয়েজ্জানুং ন কুপ্যেন্নানৃতং বদেৎ ।
ন পাদেন স্পৃশেদন্নং ন চৈবমবধূনয়েৎ ॥ ২২.৬৫ ॥

ক্রোধেনৈবচ যৎভুক্তং যদ্ভুক্তং ৎবয়থাবিধি ।
যাতুধানা বিলুম্পন্তি জল্পতা চোপপাদিতম্ ॥ ২২.৬৬ ॥

স্বিন্নগাত্রো ন তিষ্ঠেত সন্নিধৌ তু দ্বিজোত্তমাঃ ।
নচ পশ্যেত কাকাদীন্ পক্ষিণঃ প্রতিষেধয়েৎ ।
তদ্রূপাঃ পিতরস্তত্র সমায়ান্তি বুভুক্ষবঃ ॥ ২২.৬৭ ॥

ন দদ্যাৎ তত্র হস্তেন প্রত্যক্ষং লবণং তথা ।
ন চায়সেন পাত্রেণ ন চৈবাশ্রদ্ধয়া পুনঃ ॥ ২২.৬৮ ॥

কাঞ্চনেন তু পাত্রেণ রাজতোদুম্বরেণ বা
দত্তমক্ষয়তাং যাতি খড্গেন চ বিশেষতঃ ॥ ২২.৬৯ ॥

পাত্রে তু মৃণ্ময়ে যো বৈ শ্রাদ্ধে ভোজয়তে দ্বিজান্ ।
স যাতি নরকং ঘোরং ভোক্তা চৈব পুরোধসঃ ॥ ২২.৭০ ॥

ন পঙ্ক্ত্যাং বিষমং দদ্যান্ন যাচেন্ন চ দাপয়েৎ ।
যাচিতা দাপিতা দাতা নরকান্ যান্তি দারুণান্ ॥ ২২.৭১ ॥

ভুঞ্জীরন্ বাগ্যতাঃ শিষ্টা ন ব্রূয়ুঃ প্রাকৃতান্ গুণান্ ।
তাবদ্ধি পিতরোঽশ্নন্তি যাবন্নোক্তা হবির্গুণাঃ ॥ ২২.৭২ ॥

নাগ্রাসনোপবিষ্টস্তু ভুঞ্জীত প্রথমং দ্বিজঃ ।
বহূনাং পশ্যতাং সোঽন্যঃ পঙ্ক্ত্যা হরতি কিল্বিষম্ ॥ ২২.৭৩ ॥

ন কিঞ্চিদ্ বর্জয়েচ্ছ্রাদ্ধে নিয়ুক্তস্তু দ্বিজোত্তমঃ ।
ন মাংসং প্রতিষেধেত ন চান্যস্যান্নমীক্ষয়েৎ ॥ ২২.৭৪ ॥

যো নাশ্নাতি দ্বিজো মাংসং নিয়ুক্তঃ পিতৃকর্মণি ।
স প্রেত্য পশুতাং যাতি সংভবানেকবিংশতিম্ ॥ ২২.৭৫ ॥

স্বাধ্যায়াঞ্চ্ছ্রবয়েদেষাং ধর্মশাস্ত্রাণি চৈব হি ।
ইতিহাসপুরাণানি শ্রাদ্ধকল্পাংশ্চ শোভনান্ ॥ ২২.৭৬ ॥

ততোঽন্নমুৎসৃজেদ্ ভুক্তা সাগ্রতো বিকিরন্ ভুবি ।
পৃষ্ট্বা তৃপ্তাঃ স্থ ইত্যেবং তৃপ্তানাচাময়েৎ ততঃ ॥ ২২.৭৭ ॥

আচান্তাননুজানীয়াদভিতো রম্যতামিতি ।
স্বধাঽস্ত্বিতি চ তং ব্রূয়ুর্ব্রাহ্মণাস্তদনন্তরম্ ॥ ২২.৭৮ ॥

ততো ভুক্তবতাং তেষামন্নশেষং নিবেদয়েৎ ।
যথা ব্রূয়ুস্তথা কুর্যাদনুজ্ঞাতস্তু তৈর্দ্বিজৈঃ ॥ ২২.৭৯ ॥

পিত্র্যে স্বদিত ইত্যেব বাক্যং গোষ্ঠেষু সূত্রিতম্ ।
সম্পন্নমিত্যভ্যুদয়ে দৈবে রোচত ইত্যপি ॥ ২২.৮০ ॥

বিসৃজ্য ব্রাহ্মণান্ ল্তুৎবা বৈ দৈবপূর্বং তু বাগ্যতঃ ।
দক্ষিণাং দিশমাকাঙ্ক্ষন্যাচেতেমান্ বরান্ পিতৄন্ ॥ ২২.৮১ ॥

দাতারো নোঽভিবর্দ্ধন্তাং বেদাঃ সংততিরেব চ ।
শ্রদ্ধা চ নো মা ব্যগমদ্ বহুদেয়ং চ নোস্ত্ত্বিতি ॥ ২২.৮২ ॥

পিণ্ডাংস্তু গোঽজবিপ্রেভ্যো দদ্যাদগ্নৌ জলেঽপি বা ।
মধ্যমং তু ততঃ পিণ্ডমদ্যাৎ পত্নী সুতার্থিনী ॥ ২২.৮৩ ॥

প্রক্ষাল্য হস্তাবাচম্য জ্ঞাতীন্ শেষেণ তোষয়েৎ ।
জ্ঞাতিষ্বপি চতুষ্টেষু স্বান্ ভৃত্যান্ ভোজয়োৎ ততঃ ॥ ২২.৮৪ ॥

পশ্চাৎ স্বয়ং চ পত্নীভিঃ শেষমন্নং সমাচরেৎ ।
নোদ্বাসয়েৎ তদুচ্ছিষ্টং যাবন্নাস্তংগতো রবিঃ ॥ ২২.৮৫ ॥

ব্রহ্মচারী ভবেতাং তু দম্পতী রজনীং তু তাম্ ।
দত্ত্বা শ্রাদ্ধং তথা ভুক্ত্বা সেবতে যস্তু মৈথুনম্ ॥ ২২.৮৬ ॥

মহারৌরবমাসাদ্য কীটয়োনিং ব্রজেৎ পুনঃ ॥ ২২.৮৭ ॥

শুচিরক্রোধনঃ শান্তঃ সত্যবাদী সমাহিতঃ ।
স্বাধ্যায়ং চ তথাঽধ্বানং কর্ত্তা ভোক্তা চ বর্জয়েৎ ॥ ২২.৮৮ ॥

শ্রাদ্ধং ভুক্ত্বা পরশ্রাদ্ধং ভুঞ্জতে যে দ্বিজাতয়ঃ ।
মহাপাতিকিভিস্তুল্যা যান্তি তে নরকান্ বহূন্ ॥ ২২.৮৯ ॥

এষ বো বিহিতঃ সম্যক্ শ্রাদ্ধকল্পঃ সনাতনঃ ।
আনেন বর্দ্ধয়েন্নিত্যং ব্রাহ্মণো ব্যসনান্বিতঃ ॥ ২২.৯০ ॥

আমশ্রাদ্ধং দ্বিজঃ কুর্যাদ্ বিধিজ্ঞঃ শ্রদ্ধয়ান্বিতঃ ।
তেনাগ্নৌ করণং কুর্যাৎ পিণ্ডাংস্তেনৈব নির্বপেৎ ॥ ২২.৯১ ॥

যোঽনেন বিধিনা শ্রাদ্ধং কুর্যাৎ শান্তমানসঃ ।
ব্যপেতকল্পষো নিত্যং যোগিনাং বর্ত্ততে পদম্ ॥ ২২.৯২ ॥

তস্মাৎ সর্বপ্রয়ত্নেন শ্রাদ্ধং কুর্যাদ্ দ্বিজোত্তমঃ ।
আরাধিতো ভবেদীশস্তেন সম্যক্ সনাতনঃ ॥ ২২.৯৩ ॥

অপি মূলৈর্ফলৈর্বাঽপি প্রকুর্যান্নির্ধনো দ্বিজঃ ।
তিলোদকৈস্তর্পয়িৎবা পিতৄন্ স্নাৎবা সমাহিতঃ ॥ ২২.৯৪ ॥

ন জীবৎপিতৃকো দদ্যাদ্ধোমান্তং বা বিধীয়তে ।
যেষাং বাপি পিতা দদ্যাৎ তেষাং চৈকে প্রচক্ষতে ॥ ২২.৯৫ ॥

পিতা পিতামহশ্চৈব তথৈব প্রপিতামহঃ ।
যো যস্য প্রীয়তে তস্মৈ দেয়ং নান্যস্য তেন তু ॥ ২২.৯৬ ॥

ভোজয়েদ্ বাপি জীবন্তং যথাকামং তু ভক্তিতঃ ।
ন জীবন্তমতিক্রম্য দদাতি প্রয়তঃ শুচিঃ ॥ ২২.৯৭ ॥

দ্ব্যামুষ্যায়ণিকো দদ্যাদ্ বীজিক্ষেত্রিকয়োঃ সমম্ ।
অধিকারী ভবেৎসোঽথ নিয়োগোৎপাদিতো যদি ॥ ২২.৯৮ ॥

অনিয়ুক্তঃ সুতো যশ্চ শুক্রতো জায়তে ৎবিহ ।
প্রদদ্যাদ্ বীজিনে পিণ্ডং ক্ষেত্রিণে তু ততোঽন্যথা ॥ ২২.৯৯ ॥

দ্বৌ পিণ্ডৌ নির্বপেৎ তাভ্যাং ক্ষেত্রিণে বীজিনে তথা ।
কীর্ত্তয়েদথ চৈকস্মিন্ বীজিনং ক্ষেত্রিণং ততঃ ।
মৃতাহনি তু কর্ত্তব্যমেকোদিষ্টং বিধানতঃ ॥ ২২.১০০ ॥

অশৌচে স্বে পরিক্ষীণে কাম্যং বৈ কামতঃ পুনঃ ।
পূর্বাহ্নি চৈব কর্ত্তব্যং শ্রাদ্ধমভ্যুদয়ার্থিনা ॥ ২২.১০১ ॥

দেববৎসর্বমেব স্যাদ্ নৈব কার্যাঃ তিলৈঃ ক্রিয়া ।
দর্ভাশ্চ ঋজবঃ কার্যা যুগ্মান্ বৈ ভোজয়েদ্ দ্বিজান্ ॥ ২২.১০১ ॥

নান্দীমুখাস্তু পিতরঃ প্রীয়ন্তামিতি বাচয়েৎ ।
মাতৃশ্রাদ্ধং তু পূর্বং স্যাৎ পিতৄণাং তদনন্তরম্ ॥ ২২.১০৩ ॥

ততো মাতামহানাং তু বৃদ্ধৌ শ্রাদ্ধত্রয়ং স্মৃতম্ ।
দৈবপূর্বং প্রদদ্যাদ্ বৈ ন কুর্যাদপ্রদক্ষিণম্ ॥ ২২.১০৪ ॥

প্রাঙ্মুখো নির্বপেৎ পিণ্ডানুপবীতী সমাহিতঃ ।
পূর্বং তু মাতরঃ পূজ্যা ভক্ত্যা বৈ সগণেশ্বরাঃ ॥ ২২.১০৫ ॥

স্থণ্ডিলেষু বিচিত্রেষু প্রতিমাসু দ্বিজাতিষু ।
পুষ্পৈর্ধূপৈশ্চ নৈবেদ্যৈর্গন্ধাদ্যৈর্ভূষণৈরপি ॥ ২২.১০৬ ॥

পূজয়িৎবা মাতৃগণং কূর্যাচ্ছ্রাদ্ধত্রয়ং দ্বিজঃ ।
অকৃৎবা মাতৃয়োগং তু যঃ শ্রাদ্ধং পরিবেষয়েৎ ।
তস্য ক্রোধসমাবিষ্টা হিংসামিচ্ছন্তি মাতরঃ ॥ ২২.১০৭ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
দ্বাবিশোঽধ্যায়ঃ ॥২২ ॥

কূর্মপুরাণএ উত্তরভাগে ত্রয়োবিংশতিতমোঽধ্যায়ঃ

ব্যাস উবাচ ।
দশাহং প্রাহুরাশৌচং সপিণ্ডেষু বিধীয়তে ।
মৃতেষু বাঽথ জাতেষু ব্রাহ্মণানাং দ্বিজোত্তমাঃ ॥ ২৩.১ ॥

নিত্যানি চৈব কর্মাণি কাম্যানি চ বিশেষতঃ ।
নকুর্যাদ্ বিহিতং কিঞ্চিৎ স্বাধ্যায়ং মনসাঽপিচ ॥ ২৩.২ ॥

শুচীনক্রোধনান্ ভূম্যান্ শালাগ্নৌ ভাবয়েদ্ দ্বিজান্ ।
শুষ্কান্নেন ফলৈর্বাপি বৈতানান্ জুহুয়াৎ তথা ॥ ২৩.৩ ॥

ন স্পৃশেদুরিমানন্যে ন চ তেভ্যঃ সমাহরেৎ ।
চতুর্থে পঞ্চমে বাঽহ্নি সংস্পর্শঃ কথিতো বুধৈঃ ॥ ২৩.৪ ॥

সূতকে তু সপিণ্ডানাং সংস্পর্শো ন প্রদুষ্যতি ।
সূতকং সূতিকাং চৈব বর্জয়িৎবা নৃণাং পুনঃ ॥ ২৩.৫ ॥

অধীয়ানস্তথা বেদান্ বেদবিচ্চ পিতা ভবেৎ ।
সংস্পৃশ্যাঃ সর্ব এবৈতে স্নানান্মাতা দশাহতঃ ॥ ২৩.৬ ॥

দশাহং নির্গুণে প্রোক্তমশৌচং চাতিনির্গুণে ।
একদ্বিত্রিগুণৈর্যুক্তঃ চতুস্ত্র্যেকদিনৈঃ শুচিঃ ॥ ২৩.৭ ॥

দশাহ্নাদপরং সম্যগধীয়ীত জুহোতি চ ।
চতুর্থে তস্য সংস্পর্শং মনুরাহ প্রজাপতিঃ ॥ ২৩.৮ ॥

ক্রিয়াহীনস্য মূর্খস্য মহারোগিণ এব চ ।
যথেষ্টাচরণস্যেহ মরণান্তমশৌচকম্ ॥ ২৩.৯ ॥

ত্রিরাত্রং দশরাত্রং বা ব্রাহ্মণানামশৌচকম্ ।
প্রাক্সংবৎসরাৎ ত্রিরাত্রং স্যাৎ তস্মাদূর্ধ্বং দশাহকম্ ॥ ২৩.১০ ॥

ঊনদ্বিবার্ষিকে প্রেতে মাতাপিত্রোস্তদিষ্যতে ।
ত্রিরাত্রেণ শুচিস্ত্বন্যো যদি হ্যত্যন্তনির্গুণঃ ।
অদন্তজাতমরণে পিত্রোরেকাহমিষ্যতে ।
জাতদন্তে ত্রিরাত্রং স্যাদ্ যদি স্যাতাং তু নির্গুণৌ ॥ ২৩.১১ ॥

আদন্তজননাৎ সদ্য আচৌলাদেকরাত্রকম্ ।
ত্রিরাত্রমৌপনয়নাৎ সপিণ্ডানামুদাহৃতম্ ॥ ২৩.১২ ॥

জাতমাত্রস্য বালস্য যদি স্যান্মরণং পিতুঃ ।
মাতুশ্চ সূতকং তৎ স্যাৎ পিতা স্যাৎ স্পৃশ্য এব চ ॥ ২৩.১৩ ॥

সদাশৌচং সপিণ্ডানাং কর্ত্তব্যং সোদরস্য চ ।
ঊর্ধ্বং দশাহাদেকাহং সোদরো যদি নির্গুণঃ ॥ ২৩.১৪ ॥

অথোর্ধ্বং দন্তজননাৎ সপিণ্ডানামশৌচকম্ ।
একরাত্রং নির্গুণানাং চৌলাদূর্ধ্বং ত্রিরাত্রকম্ ॥ ২৩.১৫ ॥

অদন্তজাতমরণং সংভবেদ্ যদি সত্তমাঃ ।
একরাত্রং সপিণ্ডানাং যদি তেঽত্যন্তনির্গুণাঃ ॥ ২৩.১৬ ॥

ব্রতাদেশাৎ সপিণ্ডানাং গর্ভস্রাবাৎ স্বপাততঃ ।
(সর্বেষামেব গুণিনামূর্ধ্বং তু বিষমং পুনঃ ।
অর্বাক্ ষণ্মাসতঃ স্ত্রীণাং যদি স্যাদ্ গর্ভসংস্রবঃ ।
তদা মাসসমৈস্তাসামশৌচং দিবসৈঃ স্মৃতম্ ।
তত ঊর্ধ্বং তু পতনে স্ত্রীণাং দ্বাদশরাত্রিকম্ ।
সদ্যঃ শৌচং সপিণ্ডানাং গর্ভস্রাবাচ্চ ধাতুতঃ ।
গর্ভচ্যুতাদহোরাত্রং সপিণ্ডেঽত্যন্তনির্গুণে ।)
যথেষ্টাচরণে জ্ঞাতৌ ত্রিরাত্রমিতি নিশ্চয়ঃ ॥ ২৩.১৭ ॥

যদি স্যাৎ সূতকে সূতির্মরণে বা মৃতির্ভবেৎ ।
শেষেণৈব ভবেচ্ছুদ্ধিরহঃ শেষে ত্রিরাত্রকম্ ॥ ২৩.১৮ ॥

মরণোৎপত্তিয়োগেন মরণেন সমাপ্যতে ।
অঘ্যংবৃদ্ধিমদাশৌচমূর্ঘ্বং চেত্তু ন শুধ্যতি ॥ ২৩.১৯ ॥

অথ চেৎ পঞ্চমীরাত্রিমতীত্য পরতো ভবেৎ ।
অঘবৃদ্ধিমদাশৌচং তদা পূর্বেণ শুধ্যতি ॥

দেশান্তরগতং শ্রুৎবা সূতকং শাবমেব তু ।
তাবদপ্রয়তো মর্ত্যো যাবচ্ছেষঃ সমাপ্যতে ॥ ২৩.২০ ॥

অতীতে সূতকে প্রোক্তং সপিণ্ডানাং ত্রিরাত্রকম্ ।
(অথৈব মরণে স্নানমূর্ধ্বং সংবৎসরাদ্ যদি ॥

বেদান্তবিচ্চাধীয়ানো যোঽগ্নিমান্ বৃত্তিকর্ষিতঃ ।
সদ্যঃ শৌচং ভবেৎ তস্য সর্বাবস্থাসু সর্বদা ॥

স্ত্রীণামসংস্কৃতানাং তু প্রদানাৎ পরতঃ সদা ।
সপিণ্ডানাং ত্রিরাত্রং স্যাৎ সংস্কারে ভর্ত্তুরেব হি ।
অহস্ত্বদত্তকন্যানামশৌচং মরণে স্মৃতম্ ।
ঊনদ্বিবর্ষান্মরণে সদ্যঃ শৌচমুদাহৃতম্ ॥

আদন্তাৎ সোদরে সদ্য আচৌলাদেকরাত্রকম্ ।)
আপ্রদানাৎ ত্রিরাত্রং স্যাদ্ দশরাত্রং ততঃ পরম্ ॥ ২৩.২১ ॥

মাতামহানাং মরণে ত্রিরাত্রং স্যাদশৌচকম্ ।
একোদকানাং মরণে সূতকে চৈতদেব হি ॥ ২৩.২২ ॥

পক্ষিণী যোনিসম্বন্ধে বান্ধবেষু তথৈব চ ।
একরাত্রং সমুদ্দিষ্টং গুরৌ সব্রহ্মচারিণি ॥ ২৩.২৩ ॥

প্রেতে রাজনি সজ্যোতির্যস্য স্যাদ্ বিষয়ে স্থিতিঃ ।
গৃহে মৃতাসু সর্বাসু কন্যাসু ত্র্যহং পিতুঃ ॥ ২৩.২৪ ॥

পরপূর্বাসু ভার্যাসু পুত্রেষু কৃতকেষু চ ।
ত্রিরাত্রং স্যাৎ তথাচার্যাস্বভার্যাস্বন্যগাসু চ ॥ ২৩.২৫ ॥

আচার্যপুত্রে পত্ন্যাং চ অহোরাত্রমুদাহৃতম্ ।
একাহং স্যাদুপাধ্যায়ে স্বগ্রামে শ্রোত্রিয়েঽপি চ ॥ ২৩.২৬ ॥

ত্রিরাত্রমসপিণ্ডেষু স্বগৃহে সংস্থিতেষু চ ।
একাহং চাস্ববর্যে স্যাদেকরাত্রং তদিষ্যতে ॥ ২৩.২৭ ॥

ত্রিরাত্রং শ্বশ্রূমরণাৎ শ্বশুরে চৈ তদেব হি ।
সদ্যঃ শৌচং সমুদ্দিষ্টং স্বগোত্রে সংস্থিতে সতি ॥ ২৩.২৮ ॥

শুদ্ধ্যেদ্ বিপ্রো দশাহেন দ্বাদশাহেন ভূমিপঃ ।
বৈশ্যঃ পঞ্চদশাহেন শূদ্রো মাসেন শুদ্যতি ॥ ২৩.২৯ ॥

ক্ষত্রবিট্শূদ্রদায়াদা যে স্যুর্বিপ্রস্য বান্ধবাঃ ।
তেষামশৌচে বিপ্রস্য দশাহাচ্ছুদ্ধিরিষ্যতে ॥ ২৩.৩০ ॥

রাজন্যবৈশ্যাবপ্যেবং হীনবর্ণাসু যোনিষু ।
তমেব শৌচং কুর্যাতাং বিশুদ্ধ্যর্থমসংশয়ম্ ॥ ২৩.৩১ ॥

সর্বে তূত্তরবর্ণানামশৌচং কুর্যুরাদৃতাঃ ।
তদ্বর্ণবিধিদৃষ্টেন স্বং তু শৌচং স্বয়োনিষু ॥ ২৩.৩২ ॥

ষড্রাত্রং বা ত্রিরাত্রং স্যাদেকরাত্রং ক্রমেণ হি ।
বৈশ্যক্ষত্রিয়বিপ্রাণাং শূদ্রেষ্বাশৌচমেব তু ॥ ২৩.৩৩ ॥

অর্দ্ধমাসোঽথ ষড্রাত্রং ত্রিরাত্রং দ্বিজপুংগবাঃ ।
শূদ্রক্ষত্রিয়বিপ্রাণাং বৈশ্যেষ্বাশৌচমিষ্যতে ॥ ২৩.৩৪ ॥

ষড্রাত্রং বৈ দশাহং চ বিপ্রাণাং বৈশ্যশূদ্রয়োঃ ।
অশৌচং ক্ষত্রিয়ে প্রোক্তং ক্রমেণ দ্বিজপুংগবাঃ ॥ ২৩.৩৫ ॥

শূদ্রবিট্ক্ষত্রিয়াণাং তু ব্রাহ্মণে সংস্থিতে সতি ।
দশরাত্রেণ শুদ্ধিঃ স্যাদিত্যাহ কমলোদ্ভবঃ ॥ ২৩.৩৬ ॥

অসপিণ্ডং দ্বিজং প্রেতং বিপ্রো নির্ধৃত্য বন্ধুবৎ ।
অশিৎবা চ সহোষিৎবা দশরাত্রেণ শুধ্যতি ॥ ২৩.৩৭ ॥

যদ্যন্নমত্তি তেষাং তু ত্রিরাত্রেণ ততঃ শুচিঃ ।
অন্নদংস্ত্বন্নমহ্না তু ন চ তস্মিন্ গৃহে বসেৎ ॥ ২৩.৩৮ ॥

সোদকেষ্বেতদেব স্যান্মাতুরাপ্তেষু বন্ধুষু ।
দশাহেন শবস্পর্শী সপিণ্ডশ্চৈব শুধ্যতি ॥ ২৩.৩৯ ॥

যদি নির্হরতি প্রেতং প্রোলভাক্রান্তমানসঃ ।
দশাহেন দ্বিজঃ শুধ্যেদ্ দ্বাদশাহেন ভূমিপঃ ॥ ২৩.৪০ ॥

অর্দ্ধমাসেন বৈশ্যস্তু শূদ্রো মাসেন শুধ্যতি ।
ষড্রাত্রেণাথবা সর্বে ত্রিরাত্রেণাথবা পুনঃ ॥ ২৩.৪১ ॥

অনাথং চৈব নির্ধৃত্য ব্রাহ্মণং ধনবর্জিতম্ ।
স্নাৎবা সম্প্রাশ্য তু ঘৃতং শুধ্যন্তি ব্রাহ্মণাদয়ঃ ॥ ২৩.৪২ ॥

অপরশ্চেদ্ পরং বর্ণমপরং বা পরো যদি ।
অশৌচে সংস্পৃশেৎ স্নেহাৎ তদাশৌচেন শুধ্যতি ॥ ২৩.৪৩ ॥

প্রেতীভূতং দ্বিজং বিপ্রো হি অনুগচ্ছেত কামতঃ ।
স্নাৎবা সচৈলং স্পৃষ্ট্বাঽগ্নিং ঘৃতং প্রাশ্য বিশুধ্যতি ॥ ২৩.৪৪ ॥

একাহাৎ ক্ষত্রিয়ে শুদ্ধির্বৈশ্যে স্যাচ্চ দ্ব্যহেন তু ।
শূদ্রে দিনত্রয়ং প্রোক্তং প্রাণায়ামশতং পুনঃ ॥ ২৩.৪৫ ॥

অনস্থিসংচিতে শূদ্রে রৌতি চেদ্ ব্রাহ্মণঃ স্বকৈঃ ।
ত্রিরাত্রং স্যাৎ তথাশৌচমেকাহং ৎবন্যথা স্মৃতম্ ॥ ২৩.৪৬ ॥

অস্থিসংচয়নাদর্বাগেকাহং ক্ষত্রবৈশ্যযোঃ ।
অন্যথা চৈব সজ্যোতির্ব্রাহ্মণে স্নানমেব তু ॥ ২৩.৪৭ ॥

অনস্থিসংচিৎ বিপ্রো ব্রাহ্মণো রৌতি চেৎ তদা ।
স্নানেনৈব ভবেচ্ছুদ্ধিঃ সচৈলেনাত্র সংশয়ঃ ॥ ২৩.৪৮ ॥

যস্তৈঃ সহাশনং কুর্যাচ্ছয়নাদীনি চৈব হি ।
বান্ধবো বাঽপরো বাঽপি স দশাহেন শুধ্যতি ॥ ২৩.৪৯ ॥

যস্তেষাং সমমশ্নাতি সকৃদেবাপি কামতঃ ।
তদাশৌচে নিবৃত্তেঽসৌ স্নানং কৃৎবা বিশুধ্যতি ॥ ২৩.৫০ ॥

যাবত্তদন্নমশ্নাতি দুর্ভিক্ষোপহতো নরঃ ।
তাবন্ত্যহান্যশৌচং স্যাৎ প্রায়শ্চিত্তং ততশ্চরেৎ ॥ ২৩.৫১ ॥

দাহাদ্যশৌচং কর্ত্তব্যং দ্বিজানামগ্নিহোত্রিণাম্ ।
সপিণ্ডানাং তু মরণে মরণাদিতরেষু চ ॥ ২৩.৫২ ॥

সপিণ্ডতা চ পুরুষে সপ্তমে বিনিবর্ত্ততে ।
সমানোদকভাবস্তু জন্মনাম্নোরবেদনে ॥ ২৩.৫৩ ॥

পিতা পিতামহশ্চৈব তথৈব প্রপিতামহঃ ।
লেপভাজস্রয়ো জ্ঞেয়াঃ সাপিণ্ড্যং সাপ্তপৌরুষণ্ ॥ ২৩.৫৪ ॥

অপ্রত্তানাং তথা স্ত্রীণাং সাপিণ্ড্যং সাপ্তপৌরুষম্ ।
তাসান্তু ভর্ত্তুসাপিণ্ড্যং প্রাহ দেবঃ পিতামহঃ ॥ ২৩.৫৫ ॥

যে চৈকজাতা বহবো ভিন্নয়োনয় এব চ ।
ভিন্নবর্ণাস্তু সাপিণ্ড্যং ভবেৎ তেষাং ত্রিপূরুষম্ ॥ ২৩.৫৬ ॥

কারবঃ শিল্পিনো বৈদ্যা দাসীদাসাস্তথৈব চ ।
দাতারো নিয়মাচ্চৈব ব্রহ্মবিদ্ব্রহ্মচারিণৌ ।
সত্রিণো ব্রতিনস্তাবৎ সদ্যঃ শৌচং উদাহৃতম্ ॥ ২৩.৫৭ ॥

রাজা চৈবাভিষিক্তশ্চ অন্নসত্রিণ এব চ ।
যজ্ঞে বিবাহকালে চ দৈবয়াগে তথৈব চ ।
সদ্যঃ শৌচং সমাখ্যাতং দুর্ভিক্ষে চাপ্যুপপ্লবে ॥ ২৩.৫৮ ॥

ডিম্বাহবহতানাং চ বিদ্যুতা পার্থিবৈর্দ্বিজৈঃ ।
সদ্যঃ শৌচং সমাখ্যাতং সর্পাদিমরণে তথা ॥ ২৩.৫৯ ॥

অগ্নিমরুৎপ্রপতনে বীরাধ্বন্যপ্যনাশকে ।
গোব্রাহ্মণার্থে চ সংন্যস্তে সদ্যঃ শৌচং বিধীয়তে ॥ ২৩.৬০ ॥

নৈষ্ঠিকানাং বনস্থানাং যতীনাং ব্রহ্মচারিণাম্ ।
নাশৌচং কীর্ত্যতে সদ্ভিঃ পতিতে চ তথা মৃতে ॥ ২৩.৬১ ॥

পতিতানাং ন দাহঃ স্যান্নান্ত্যেষ্টির্নাস্থিসংচয়ঃ ।
না শ্রুপাতো নপিণ্ডৌ বা কার্যং শ্রাদ্ধাদি কংক্বচিৎ ॥ ২৩.৬২ ॥

ব্যাপাদয়েৎ তথাত্মানং স্বয়ং যোঽগ্নিবিষাদিভিঃ ।
বিহিতং তস্য নাশৌচং নাগ্নির্নাপ্যুদকাদিকম্ ॥ ২৩.৬৩ ॥

অথ কিংচিৎ প্রমাদেন ম্রিয়তেঽগ্নিবিষাদিভিঃ ।
তস্যাশৌচং বিধাতব্যং কার্যং চৈবোদকাদিকম্ ॥ ২৩.৬৪ ॥

জাতে কুমারে তদহঃ কামং কুর্যাৎ প্রতিগ্রহম্ ।
হিরণ্যধান্যগোবাসস্তিলাশ্চ গুডসর্পিষা ॥ ২৩.৬৫ ॥

ফলানি পুষ্পং শাকং চ লবণং কাষ্ঠমেব চ ।
তক্রং দধি ঘৃতং তৈলমৌষধং ক্ষীরমেব চ ।
আশৌচিনো গৃহাদ্ গ্রাহ্যং শুষ্কান্নং চৈব নিত্যশঃ ॥ ২৩.৬৬ ॥

আহিতাগ্নির্যথান্যায়ং দগ্ধব্যস্ত্রিভিরগ্নিভিঃ ।
অনাহিতাগ্নির্গৃহ্যেণ লৌকিকেনেতরো জনঃ ॥ ২৩.৬৭ ॥

দেহাভাবাৎ পলাশৈস্তু কৃৎবা প্রতিকৃতিং পুনঃ ।
দাহঃ কার্যো যথান্যায়ং সপিণ্ডৈঃ শ্রদ্ধয়াঽন্বিতৈঃ ॥ ২৩.৬৮ ॥

সকৃৎপ্রসিঞ্চেদুদকং নামগোত্রেণ বাগ্যতাঃ ।
দশাহং বান্ধবৈঃ সার্ধং সর্বে চৈবার্দ্রবাসসঃ ॥ ২৩.৬৯ ॥

পিণ্ডং প্রতিদিনং দদ্যুঃ সায়ং প্রাতর্যথাবিধি ।
প্রেতায় চ গৃহদ্বারি চতুর্থে ভোজয়েদ্ দ্বিজান্ ॥ ২৩.৭০ ॥

দ্বিতীয়েঽহনি কর্ত্তব্যং ক্ষুরকর্ম সবান্ধবৈঃ ।
চতুর্থে বান্ধবৈঃ সর্বৈরস্থ্নাং সংচয়নং ভবেৎ ।
পূর্বং তু ভোজয়েদ্ বিপ্রানয়ুগ্মান্ সুশ্রদ্ধয়া শুচীন্ ॥ ২৩.৭১ ॥

পঞ্চমে নবমে চৈব তথৈবৈকাদশেঽহনি ।
যুগ্মান্ ভোজয়েদ্ বিপ্রান্ নবশ্রাদ্ধং তু তদ্বিজাঃ ॥ ২৩.৭২ ॥

একাদশেঽহ্নি কুর্বোত প্রেতমুদ্দিশ্য ভাবতঃ ।
দ্বাদশে বাহ্নি কর্ত্তব্যমনিন্দ্যে ৎবথবাঽহনি ।
একং পবিত্রমেকোঽর্ঘঃ পিণ্ডপাত্রং তথৈব চ ॥ ২৩.৭৩ ॥

এবং মৃতাহ্নি কর্ত্তব্যং প্রতিমাসং তু বৎসরম্ ।
সপিণ্ডীকরণং প্রোক্তং পূর্ণে সংবৎসরে পুনঃ ॥ ২৩.৭৪ ॥

কুর্যাচ্চৎবারি পাত্রাণি প্রেতাদীনাং দ্বিজোত্তমাঃ ।
প্রেতার্থং পিতৃপাত্রেষু পাত্রমাসেচয়েত্ততঃ ॥ ২৩.৭৫ ॥

যে সমানা ইতি দ্বাভ্যাং পিণ্ডানপ্যেবমেব হি ।
সপিণ্ডীকরণ শ্রাদ্ধং দেবপূর্বং বিধীয়তে ॥ ২৩.৭৬ ॥

পিতৄনাবাহয়েৎ তত্র পুনঃ প্রেতং বিনির্দিশেৎ ।
যে সপিণ্ডীকৃতাঃ প্রেতান তেষাং স্যাৎ পৃথক্ক্রিয়াঃ ।
যস্তু কুর্যাৎ পৃথক্ পিণ্ডং পিতৃহা সোঽভিজায়তে ॥ ২৩.৭৭ ॥

মৃতে পিতরি বৈ পুত্রঃ পিণ্ডমব্দং সমাচরেৎ ।
দদ্যাচ্চান্নং সোদকুম্ভং প্রত্যহং প্রেতধর্মতঃ ॥ ২৩.৭৮ ॥

পার্বণেন বিধানেন সংবৎসরিকমিষ্যতে ।
প্রতিসংবৎসরং কার্যং বিধিরেষ সনাতনঃ ॥ ২৩.৭৯ ॥

মাতাপিত্রোঃ সুতৈঃ কার্যং পিণ্ডদানাদিকং চ যৎ ।
পত্নী কুর্যাৎ সুতাভাবে পত্ন্যভাবে তু সোদরঃ ॥ ২৩.৮০ ॥

অনেনৈব বিধানেন জীবঃ শ্রাদ্ধং সমাচরেৎ ।
কৃৎবা দানাদিকং সর্বং শ্রদ্ধায়ুক্তঃ সমাহিতঃ ॥ ২৩.৮১ ॥

এষ বঃ কথিতঃ সম্যগ্ গৃহস্থানাং ক্রিয়াবিধিঃ ।
স্ত্রীণাং ভর্ত্তৃষু শুশ্রূষা ধর্মো নান্য ইহোচ্যতে ॥ ২৩.৮২ ॥

স্বধর্মতৎপরা নিত্যমীশ্বিরার্পিতমানসঃ ।
প্রাপ্নোতি তৎপরং স্থানং যদুক্তং বেদবাদিভিঃ ॥ ২৩.৮৩ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
ত্রয়োবিংশোঽধ্যায়ঃ ॥২৩ ॥

কূর্মপুরাণএ উত্তরভাগে চতুর্বিংশতিতমোঽধ্যায়ঃ

ব্যাস উবাচ ।
অগ্নিহোত্রং তু জুহুয়াদাদ্যন্তেঽহর্নিশোঃ সদা ।
দর্শেন চৈব পক্ষান্তে পৌর্ণমাসেন চৈব হি ॥ ২৪.১ ॥

সস্যান্তে নবসস্যেষ্ট্যা তথর্ত্বন্তে দ্বিজোঽধ্বরৈঃ ।
পশুনা ৎবয়নস্যান্তে সমান্তে সোঽগ্নিকৈর্মখৈঃ ॥ ২৪.২ ॥

নানিষ্ট্বা নবশস্যেষ্ট্যা পশুনা বাঽগ্নিমান্ দ্বিজঃ ।
ন চান্নমদ্যন্মাংসং বা দীর্ঘমায়ুর্জিজীবিষুঃ ॥ ২৪.৩ ॥

নবেনান্নেন চানিষ্ট্বা পশুহব্যেন চাগ্ন্যঃ ।
প্রাণানেবাত্তুমিচ্ছন্তি নবান্নামিষগৃদ্ধিনঃ ॥ ২৪.৪ ॥

সাবিত্রান্ শান্তিহোমাংশ্চ কুর্যাৎ পর্বসু নিত্যশঃ ।
পিতৄংশ্চৈবাষ্টকাঃ সর্বে নিত্যমন্বষ্টকাসু চ ॥ ২৪.৫ ॥

এষ ধর্মঃ পরো নিত্যমপধর্মোঽন্য উচ্যতে ।
ত্রয়াণামিহ বর্ণানাং গৃহস্থাশ্রমবাসিনাম্ ॥ ২৪.৬ ॥

নাস্তিক্যাদথবালস্যাদ্ যোঽগ্নীন্ নাধাতুমিচ্ছতি ।
যজেত বা ন যজ্ঞেন স যাতি নরকান্ বহূন্ ॥ ২৪.৭ ॥

তামিস্রমন্ধতামিস্রং মহারৌরবরৌরবৌ ।
কুম্ভীপাকং বৈতরণীমসিপত্রবনং তথা ।
অন্যাংশ্চ নরকান্ ঘোরান্ সম্প্রাপ্যান্তে সুদুর্মতিঃ ।
অন্ত্যজানাং কুলে বিপ্রাঃ শূদ্রয়োনৌ চ জায়তে ।
তস্মাৎ সর্বপ্রয়ত্নেন ব্রাহ্মণো হি বিশেষতঃ ।
আথায়াগ্নিং বিশুদ্ধাত্মা যজেত পরমেশ্বরম্ ॥ ২৪.৮ ॥

অগ্নিহোত্রাৎ পরো ধর্মো দ্বিজানাং নেহ বিদ্যতে ।
তস্মাদারাধয়েন্নিত্যমগ্নিহোত্রেণ শাশ্বতম্ ॥ ২৪.৯ ॥

যস্ত্বাধ্যায়াগ্নিমাংশ্চ স্যান্ন যষ্টুং দেবমিচ্ছতি ।
স সংমূঢো ন সংভাষ্যঃ কিং পুনর্নাস্তিকো জনঃ ॥ ২৪.১০ ॥

যস্য ত্রৈবার্ষিকং ভক্তং পর্যাপ্তং ভৃত্যবৃত্তয়ে ।
অধিকং চাপি বিদ্যেত স সোমং পাতুমর্হতি ॥ ২৪.১১ ॥

এষ বৈ সর্বয়জ্ঞানাং সোমঃ প্রথম ইষ্যতে ।
সোমেনারাধয়েদ্দেবং সোমলোকমহেশ্বরম্ ॥ ২৪.১২ ॥

ন সোময়াগাদধিকো মহেশারাধনাত্ততঃ ।
ন সোমো বিদ্যতে তস্মাৎ সোমেনাভ্যর্চয়েৎ পরম্ ॥ ২৪.১৩ ॥

পিতামহেন বিপ্রাণামাদাবভিহিতঃ শুভঃ ।
ধর্মো বিমুক্তয়ে সাক্ষাচ্ছ্রৌতঃ স্মার্ত্তো দ্বিধা পুনঃ ॥ ২৪.১৪ ॥

শ্রৌতস্ত্রেতাগ্নিসংবন্ধাৎ স্মার্ত্তঃ পূর্বং ময়োদিতঃ ।
শ্রেয়স্করতমঃ শ্রৌতস্তস্মাচ্ছ্রৌতং সমাচরেৎ ॥ ২৪.১৫ ॥

উভাবভিহিতৌ ধর্মৌ বেদবেদবিনিঃসৃতৌ ।
শিষ্টাচারস্তৃতীয়ঃ স্যাচ্ছ্রতিস্মৃত্যোরলাভতঃ ॥ ২৪.১৬ ॥

ধর্মেণাধিগতো যৈস্তু বেদঃ সপরিবৃংহণঃ ।
তে শিষ্টা ব্রাহ্মণাঃ প্রোক্তা নিত্যমাত্মগুণান্বিতাঃ ॥ ২৪.১৭ ॥

তেষামভিমতো যঃ স্যাচ্চেতসা নিত্যমেব হি ।
স ধর্মঃ কথিতঃ সদ্ভির্নান্যেষামিতি ধারণা ॥ ২৪.১৮ ॥

পুরাণং ধর্মশাস্ত্রং চ বেদানামুপবৃংহণম্ ।
একস্মাদ্ ব্রহ্মবিজ্ঞানং ধর্মজ্ঞানং তথৈকতঃ ॥ ২৪.১৯ ॥

ধর্মং জিজ্ঞাসমানানাং তৎপ্রমাণতরং স্মৃতম্ ।
ধর্মশাস্ত্রং পুরাণানি ব্রহ্মজ্ঞানেপরায়ণা ॥ ২৪.২০ ॥

নান্যতো জায়তে ধর্মো ব্রহ্মবিদ্যা চ বৈদিকী ।
তস্মাদ্ ধর্মং পুরাণং চ শ্রদ্ধাতব্যং দ্বিজাতিভিঃ ॥ ২৪.২১ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
চতুর্বিশোঽধ্যায়ঃ ॥২৪ ॥

কূর্মপুরাণএ উত্তরভাগে পঞ্চবিংশতিতমোঽধ্যায়ঃ

ব্যাস উবাচ ।
এষ বোঽভিহিতঃ কৃৎস্নো গৃহস্থাশ্রমবাসিনঃ ।
দ্বিজাতেঃ পরমো ধর্মো বর্ত্তনানি নিবোধত ॥ ২৫.১ ॥

দ্বিবিধস্তু গৃহী জ্ঞেয়ঃ সাধকশ্চাপ্যসাধকঃ ।
অধ্যাপনং যাজনং চ পূর্বস্যাহুঃ প্রতিগ্রহম্ ।
কুসীদকৃষিবাণিজ্যং প্রকুর্বন্তঃ স্বয়ংকৃতম্ ॥ ২৫.২ ॥

কৃষেরভাবে বাণিজ্যং তদভাবে কুসীদকম্ ।
আপৎকল্পস্ত্বয়ং জ্ঞেয়ঃ পূর্বোক্তো মুখ্য ইষ্যতে ॥ ২৫.৩ ॥

স্বয়ং বা কর্ষণাকুর্যাদ্ বাণিজ্যং বা কুসীদকম্ ।
কষ্টা পাপীয়সী বৃত্তিঃ কুসীদং তদ্বিবর্জয়েৎ ॥ ২৫.৪ ॥

ক্ষাত্রবৃত্তিং পরাং প্রহুর্ন স্বয়ং কর্ষণং দ্বিজৈঃ ।
তস্মাৎ ক্ষাত্রেণ বর্ত্তেত বর্ত্ততেঽনাপদি দ্বিজঃ ॥ ২৫.৫ ॥

তেন চাবাপ্যজীবংস্তু বৈশ্যবৃত্তিং কৃষিং ব্রজেৎ ।
ন কথংচন কুর্বীত ব্রাহ্মণঃ কর্ম কর্ষণম্ ॥ ২৫.৬ ॥

লব্ধলাভঃ পিতৄন্ দেবান্ ব্রাহ্মণাংশ্চাপি পূজয়েৎ ।
তে তৃপ্তাস্তস্য তং দোষং শময়ন্তি ন সংশয়ঃ ॥ ২৫.৭ ॥

দেবেভ্যশ্চ পিতৃভ্যশ্চ দদ্যাদ্ ভাগং তু বিংশকম্ ।
ত্রিংশদ্ভাগং ব্রাহ্মণানাং কৃষিং কুর্বন্ ন দুষ্যতি ॥ ২৫.৮ ॥

বণিক্ প্রদদ্যাদ্ দ্বিগুণং কুসীদী ত্রিগুণং পুনঃ ।
কৃষীপালান্ন দোষেণ যুজ্যতে নাত্র সংশয়ঃ ॥ ২৫.৯ ॥

শিলোঞ্ছং বাপ্যাদদীত গৃহস্থঃ সাধকঃ পুনঃ ।
বিদ্যাশিল্পাদয়স্ত্বন্যে বহবো বৃত্তিহেতবঃ ॥ ২৫.১০ ॥

অসাধকস্তু যঃ প্রোক্তো গৃহস্থাশ্রমসংস্থিতঃ ।
শিলোঞ্ছে তস্য কথিতে দ্বে বৃত্তী পরমর্ষিভিঃ ॥ ২৫.১১ ॥

অমৃতেনাথবা জীবেন্মৃতেনাপ্যথবা যদি ।
অয়াচিতং স্যাদমৃতং মৃতং ভেক্ষং তু যাচিতম্ ॥ ২৫.১২ ॥

কুশূলধান্যকো বা স্যাৎ কুম্ভীধান্যক এব বা ।
ত্র্যহ্নিকো বাপি চ ভবেদশ্বস্তনিক এব চ ॥ ২৫.১৩ ॥

চতুর্ণামপি বৈ তেষাং দ্বিজানাং গৃহমেধিনাম্ ।
শ্রেয়ান্ পরঃ পরো জ্ঞেয়ো ধর্মতো লোকজিত্তমঃ ॥ ২৫.১৪ ॥

ষট্কর্মকো ভবেত্তেষাং ত্রিভিরন্যঃ প্রবর্ত্ততে ।
দ্বাভ্যামেকশ্চতুর্থস্তু ব্রহ্মসত্রেণ জীবতি ॥ ২৫.১৫ ॥

বর্ত্তয়ংস্তু শিলোঞ্ছাভ্যামগ্নিহোত্রপরায়ণঃ ।
ইষ্টিঃ পার্বায়ণান্তায়াঃ কেবলা নির্বপেৎ সদা ॥ ২৫.১৬ ॥

ন লোকবৃতিং বর্ত্তেত বৃত্তিহেতোঃ কথংচন ।
অজিহ্মামশঠাং শুদ্ধাং জীবেদ্ ব্রাহ্মণজীবিকাম্ ॥ ২৫.১৭ ॥

যাচিৎবা বাঽপি সদ্ভ্যোঽন্নং পিতৄন্দেবাংস্তু তোষয়েৎ ।
যাচয়েদ্ বা শুচিং দান্তং তেন তৃপ্যেত স্বয়ং ততঃ ॥ ২৫.১৮ ॥

যস্তু দ্রব্যার্জনং কৃৎবা গৃহস্থস্তোষয়েন্ন তু ।
দেবান্ পিতৃংশ্চ বিধিনা শুনাং যোনিং ব্রজত্যধঃ ॥ ২৫.১৯ ॥

ধর্মশ্চার্থশ্চ কামশ্চ শ্রেয়ো মোক্ষশ্চতুষ্টয়ম্ ।
ধর্মাদ্বিরুদ্ধঃ কামঃ স্যাদ্ ব্রাহ্মণানাং তু নেতরঃ ॥ ২৫.২০ ॥

যোঽর্থো ধর্মায় নাত্মার্থং সোঽর্থোঽনার্থস্তথেতরঃ ।
তস্মাদর্থং সমাসাদ্য দদ্যাদ্ বৈ জুহুয়াদ্ দ্বিজঃ ॥ ২৫.২১ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
পঞ্চবিংশোঽধ্যায়ঃ ॥২৫ ॥

কূর্মপুরাণএ উত্তরভাগে ষড্বিংশতিতমোঽধ্যায়ঃ

অর্থানামুদিতে পাত্রে শ্রদ্ধয়া প্রতিপাদনম্ ।
দানমিত্যভিনির্দিষ্টং ভুক্তিমুক্তিফলপ্রদম্ ॥ ২৬.২ ॥

যদ্ দদাতি বিশিষ্টেভ্যঃ শ্রদ্ধয়া পরয়া যুতঃ ।
তদবিচিত্রমহং মন্যে শেষং কস্যাপি রক্ষতি ॥ ২৬.৩ ॥

নিত্যং নৈমিত্তিকং কাম্যং ত্রিবিধং দানমুচ্যতে ।
চতুর্থং বিমলং প্রোক্তং সর্বদানোত্তমোত্তমম্ ॥ ২৬.৪ ॥

অহন্যহনি যৎ কিংচিদ্ দীয়তেঽনুপকারিণে ।
অনুদ্দিশ্য ফলং তস্মাদ্ ব্রাহ্মণায় তু নিত্যকম্ ॥ ২৬.৫ ॥

যৎ তু পাপোপশান্ত্যর্থং দীয়তে বিদুষাং করে ।
নৈমিত্তিকং তদুদ্দিষ্টং দানং সদ্ভিরনুষ্ঠিতম্ ॥ ২৬.৬ ॥

অপত্যবিজয়ৈশ্বর্যস্বর্গার্থং যৎ প্রদীয়তে ।
দানং তৎ কাম্যমাখ্যাতমৃষিভির্ধর্মচিন্তকৈঃ ॥ ২৬.৭ ॥

যদীশ্বরপ্রীণনার্থং ব্রহ্মবিৎসু প্রদীয়তে ।
চেতসা ধর্ময়ুক্তেন দানং তদ্ বিমলং শিবম্ ॥ ২৬.৮ ॥

দানধর্মং নিষেবেত পাত্রমাসাদ্য শক্তিতঃ ।
উৎপৎস্যতে হি তৎপাত্রং যৎ তারয়তি সর্বতঃ ॥ ২৬.৯ ॥

কুটুম্বভক্তবসনাদ্ দেয়ং যদতিরিচ্যতে ।
অন্যথা দীয়তে যদ্ধি ন তদ্ দানং ফলপ্রদম্ ॥ ২৬.১০ ॥

শ্রোত্রিয়ায় কুলীনায় বিনীতায় তপস্বিনে ।
বৃত্তস্থায় দরিদ্রায় প্রদেয়ং ভক্তিপূর্বকম্ ॥ ২৬.১১ ॥

যস্তু দদ্যান্মহীং ভক্ত্যা ব্রাহ্মণায়াহিতাগ্নয়ে ।
স যাতি পরমং স্থানং যত্র গৎবা ন শোচতি ॥ ২৬.১২ ॥

ইক্ষুভিঃ সংততাং ভুমিং যবগোধূমশলিনীম্ ।
দদাতি বেদবিদুষে যঃ স ভূয়ো ন জায়তে ॥ ২৬.১৩ ॥

গোচর্মমাত্রামপি বা যো ভূমিং সম্প্রয়চ্ছতি ।
ব্রাহ্মণায় দরিদ্রায় সর্বপাপৈঃ প্রমুচ্যতে ॥ ২৬.১৪ ॥

ভূমিদানাৎ পরং দানং বিদ্যতে নেহ কিঞ্চন ।
অন্নদানং তেন তুল্যং বিদ্যাদানং ততোঽধিকম্ ॥ ২৬.১৫ ॥

যো ব্রাহ্মণায় শান্তায় শুচয়ে ধর্মশালিনে ।
দদাতি বিদ্যাং বিধিনা ব্রহ্মলোকে মহীয়তে ॥ ২৬.১৬ ॥

দদ্যাদহরহস্ত্বন্নং শ্রদ্ধয়া ব্রহ্মচারিণে ।
সর্বপাপবিনির্মুক্তো ব্রহ্মণঃ স্থানমাপ্নুয়াৎ ॥ ২৬.১৭ ॥

গৃহস্থায়ান্নদানেন ফলং প্রাপ্নোতি মানবঃ ।
আমমেচাস্য দাতব্যং দত্ত্বাপ্নোতি পরাং গতিম্ ॥ ২৬.১৮ ॥

বৈশাখ্যাং পৌর্ণমাস্যাং তু ব্রাহ্মণান্ সপ্ত পঞ্চ বা ।
উপোষ্য বিধিনা শান্তঃ শুচিঃ প্রয়তমানসঃ ॥ ২৬.১৯ ॥

পূজয়িৎবা তিলৈঃ কৃষ্ণৈর্মধুনা চ বিশেষতঃ ।
গন্ধাদিভিঃ সমভ্যর্চ্য বাচয়েদ্ বা স্ব্যং বদেৎ ॥ ২৬.২০ ॥

প্রীয়তাং ধর্মরাজেতি যদ্ বা মনসি বর্ত্ততে ।
যাবজ্জীবকৃতং পাপং তৎক্ষণাদেব নশ্যতি ॥ ২৬.২১ ॥

কৃষ্ণাজিনে তিলান্ কৃত্ত্বা হিরণ্যং মধুসর্পিষী ।
দদাতি যস্তু বিপ্রায় সর্বং তরতি দুষ্কৃতম্ ॥ ২৬.২২ ॥

কৃতান্নমুদকুম্ভং চ বৈশাখ্যাং চ বিশেষতঃ ।
নির্দিশ্য ধর্মরাজায় বিপ্রেভ্যো মুচ্যতে ভয়াৎ ॥ ২৬.২৩ ॥

সুবর্ণতিলয়ুক্তৈস্তু ব্রাহ্মণান্ সপ্ত পঞ্চ বা ।
তর্পয়েদুদপাত্রৈস্তু ব্রহ্মহত্যাং ব্যপোহতি ॥ ২৬.২৪ ॥

(মাঘমাসে তু বিপ্রস্তু দ্বাদশ্যাং সমুপোষিতঃ ।)
শুক্লাম্বরধরঃ কৃষ্ণৈস্তিলৈর্হুৎবা হুতাশনম্ ।
প্রদদ্যাদ্ ব্রাহ্মণেভ্যস্তু তিলানেব সমাহিতঃ ।
জন্মপ্রভৃতি যৎপাপং সর্বং তরতি বৈ দ্বিজঃ ॥ ২৬.২৫ ॥

অমাবস্যামনুপ্রাপ্য ব্রাহ্মণায় তপস্বিনে ।
যৎকিচিদ্ দেবদেবেশং দদ্যাদ্বোদ্দিশ্য শংকরম্ ॥ ২৬.২৬ ॥

প্রীয়তামীশ্বরঃ সোমো মহাদেবঃ সনাতনঃ ।
সপ্তজন্মকৃতং পাপং তৎক্ষণাদেব নশ্যতি ॥ ২৬.২৭ ॥

যস্তু কৃষ্ণচতুর্দশ্যাং স্নাৎবা দেবং পিনাকিনম্ ।
আরাধয়েদ্ দ্বিজমুখে ন তস্যাস্তি পুনর্ভবঃ ॥ ২৬.২৮ ॥

কৃষ্ণাষ্টম্যাং বিশেষেণ ধার্মিকায় দ্বিজাতয়ে ।
স্নাৎবাঽভ্যর্চ্য যথান্যায়ং পাদপ্রক্ষালনাদিভিঃ ॥ ২৬.২৯ ॥

প্রীয়তাং মে মহাদেবো দদ্যাদ্দ্রব্যং স্বকীয়কম্ ।
সর্বপাপবিনির্মুক্তঃ প্রাপ্নোতি পরমাং গতিম্ ॥ ২৬.৩০ ॥

দ্বিজৈঃ কৃষ্ণচতুর্দশ্যাং কৃষ্ণাষ্টম্যাং বিশেষতঃ ।
অমাবাস্যায়াং বৈ ভক্তৈস্তু পূজনীয়স্ত্রিলোচনঃ ॥ ২৬.৩১ ॥

একাদশ্যাং নিরাহারো দ্বাদশ্যাং পুরুষোত্তমম্ ।
অর্চয়েদ্ বাহ্মণমুখে স গচ্ছেৎ পরমং পদম্ ॥ ২৬.৩২ ॥

এষা তিথির্বৈষ্ণবীং স্যাদ্ দ্বাদশী শুক্লপক্ষকে ।
তস্যামারাধয়েদ্ দেবং প্রয়ত্নেন জনার্দনম্ ॥ ২৬.৩৩ ॥

যৎকিঞ্চিদ্ দেবমীশানমুদ্দিশ্য ব্রাহ্মণে শুচৌ ।
দীয়তে বিষ্ণবে বাপি তদনন্তফলপ্রদম্ ॥ ২৬.৩৪ ॥

যো হি যাং দেবতামিচ্ছেৎ সমারাধয়িতুং নরঃ ।
ব্রাহ্মণান্ পূজয়েদ্ যত্নাৎ সতস্যাং তোষহেতুতঃ ॥ ২৬.৩৫ ॥

দ্বিজানাং বপুরাস্থায় নিত্যং তিষ্ঠন্তি দেবতাঃ ।
পূজ্যন্তে ব্রাহ্মণালাভে প্রতিমাদিষ্বপি ক্বচিৎ ॥ ২৬.৩৬ ॥

তস্মাৎ সর্বপ্রয়ত্নেন তৎ তৎ ফলমভীপ্সুভিঃ ।
দ্বিজেষু দেবতা নিত্যং পূজনীয়া বিশেষতঃ ॥ ২৬.৩৭ ॥

বিভূতিকামঃ সততং পূজয়েদ্ বৈ পুরংদরম্ ।
ব্রহ্মবর্চসকামস্তু ব্রহ্মাণং ব্রহ্মকামুকঃ ॥ ২৬.৩৮ ॥

আরোগ্যকামোঽথ রবিং ধনকামো হুতাশনম্ ।
কর্মণাং সিদ্ধিকামস্তু পূজয়েদ্ বৈ বিনায়কম্ ॥ ২৬.৩৯ ॥

ভোগকামস্তু শশিনং বলকামঃ সমীরণম্ ।
মুমুক্ষুঃ সর্বসংসারাৎ প্রয়ত্নেনার্চয়েদ্ধরিম্ ॥ ২৬.৪০ ॥

যস্তু যোগং তথা মোক্ষং ইচ্ছেত্তজ্জ্ঞানমৈশ্বরম্ ।
সোঽর্চয়েদ্ বৈ বিরূপাক্ষং প্রয়ত্নেন মহেশ্বরম্ ॥ ২৬.৪১ ॥

যে বাঞ্ছন্তি মহায়োগান্ জ্ঞানানি চ মহেশ্বরম্ ।
তে পূজয়ন্তি ভূতেশং কেশবং চাপি ভোগিনঃ ॥ ২৬.৪২ ॥

বারিদস্তৃপ্তিমাপ্নোতি সুখমক্ষয়্যমন্নদঃ ।
তিলপ্রদঃ প্রজামিষ্টাং দীপদশ্চক্ষুরুত্তমম্ ॥ ২৬.৪৩ ॥

ভূমিদঃ সর্বমাপ্নোতি দীর্ঘমায়ুর্হিরণ্যদঃ ।
গৃহদোঽগ্র্যাণি বেশ্মানি রূপ্যদো রূপমুত্তমম্ ॥ ২৬.৪৪ ॥

বাসোদশ্চন্দ্রসালোক্যমশ্বিসালোক্যমশ্বদঃ ।
অনডুদঃ শ্রিয়ং পুষ্টাং গোদো ব্রধ্নস্য বিষ্টপম্ ॥ ২৬.৪৫ ॥

যানশয়্যাপ্রদো ভার্যামৈশ্বর্যমভয়প্রদঃ ।
ধান্যদঃ শাশ্বতং সৌখ্যং ব্রহ্মদো ব্রহ্মসাত্ম্যতাম্ ॥ ২৬.৪৬ ॥

ধান্যান্যপি যথাশক্তি বিপ্রেষু প্রতিপাদয়েৎ ।
বেদবিৎসু বিশিষ্টেষু প্রেত্য স্বর্গং সমশ্নুতে ॥ ২৬.৪৭ ॥

গবাং বা সম্প্রদানেন সর্বপাপৈঃ প্রমুচ্যতে ।
ইন্ধনানাং প্রদানেন দীপ্তাগ্নির্জায়তে নরঃ ॥ ২৬.৪৮ ॥

ফলমূলানি শাকানি ভোজ্যানি বিবিধানি চ ।
প্রদদ্যাদ্ ব্রাহ্মণেভ্যস্তু মুদা যুক্তঃ সদা ভবেৎ ॥ ২৬.৪৯ ॥

ঔষধং স্নেহমাহারং রোগিণে রোগশান্তয়ে ।
দদানো রোগরহিতঃ সুখী দীর্ঘায়ুরেব চ ॥ ২৬.৫০ ॥

অসিপত্রবনং মার্গং ক্ষুরধারাসমন্বিতম্ ।
তীব্রিতাপং চ তরতি ছত্রোপানৎপ্রদো নরঃ ॥ ২৬.৫১ ॥

যদ্যদিষ্টতমং লোকে যচ্চাপি দয়িতং গৃহে ।
তত্তদ্ গুণবতে দেয়ং তদেবাক্ষ্যমিচ্ছতা ॥ ২৬.৫২ ॥

অয়নে বিষুবে চৈব গ্রহণে চন্দ্রসূর্যযোঃ ।
সংক্রান্ত্যাদিষু কালেষু দত্তং ভবতি চাক্ষয়ম্ ॥ ২৬.৫৩ ॥

প্রয়াগাদিষু তীর্থেষু পুণ্যেষ্বায়তনেষু চ ।
দত্ত্বা চাক্ষয়মাপ্নোতি নদীষু চ বনেষু চ ॥ ২৬.৫৪ ॥

দানধর্মাৎ পরো ধর্মো ভূতানাং নেহ বিদ্যতে ।
তস্মাদ্ বিপ্রায় দাতব্যং শ্রোত্রিয়ায় দ্বিজাতিভিঃ ॥ ২৬.৫৫ ॥

স্বগায়ুর্ভূতিকামেন তথা পাপোপশান্তয়ে ।
মুমুক্ষুণা চ দাতব্যং ব্রাহ্মণেভ্যস্তথাঽন্বহম্ ॥ ২৬.৫৬ ॥

দীয়মানং তু যো মোহাদ্ গোবিপ্রাগ্নিসুরেষু চ ।
নিবারয়তি পাপাত্মা তির্যগ্যোনিং ব্রজেৎ তু সঃ ॥ ২৬.৫৭ ॥

যস্তু দ্রব্যার্জনং কৃৎবা নার্চয়েদ্ ব্রাহ্মণান্ সুরান্ ।
সর্বস্বমপহৃত্যৈনং রাজা রাষ্ট্রাৎ প্রবাসয়েৎ ॥ ২৬.৫৮ ॥

যস্তু দুর্ভিক্ষবেলায়ামন্নাদ্যং ন প্রয়চ্ছতি ।
ম্রিয়মাণেষু বিপ্রেষু ব্রাহ্মণঃ স তু গর্হিতঃ ॥ ২৬.৫৯ ॥

ন তস্মাৎ প্রতিগৃহ্ণীয়াৎ ন বৈ দেয়ঞ্চ তস্য হি ।
অঙ্কয়িৎবা স্বকাদ্ রাষ্ট্রাৎ তং রাজা বিপ্রবাসয়েৎ ॥ ২৬.৬০ ॥

যস্ত্বসদ্ভ্যো দদাতীহ ন দ্রব্যং ধর্মসাধনম্ ।
স পূর্বাভ্যধিকঃ পাপী নরকে পচ্যতে নরঃ ॥ ২৬.৬১ ॥

স্বাধ্যায়বন্তো যে বিপ্রা বিদ্যাবন্তো জিতেন্দ্রিয়াঃ ।
সত্যসংয়মসংয়ুক্তাস্তেভ্যো দদ্যাদ্ দ্বিজোত্তমাঃ ॥ ২৬.৬২ ॥

সুভুক্তমপি বিদ্বাংসং ধার্মিকং ভোজয়েদ্ দ্বিজম্ ।
ন তু মূর্খমবৃত্তস্থং দশরাত্রমুপোষিতম্ ॥ ২৬.৬৩ ॥

সন্নিকৃষ্টমতিক্রম্য শ্রোত্রিয়ং যঃ প্রয়চ্ছতি ।
স তেন কর্মণা পাপী দহত্যাসপ্তমং কুলম্ ॥ ২৬.৬৪ ॥

যদিস্যাদধিকো বিপ্রঃ শীলবিদ্যাদিভিঃ স্বয়ম্ ।
তস্মৈ যত্নেন দাতব্যং অতিক্রম্যাপি সন্নিধিম্ ॥ ২৬.৬৫ ॥

যোর্চ্চিতং প্রতিগৃহ্ণীয়াদ্ দদ্যাদর্চিতমেব চ ।
তাবুভৌ গচ্ছতঃ স্বর্গং নরকং তু বিপর্যযে ॥ ২৬.৬৬ ॥

ন বার্যপি প্রয়চ্ছেত নাস্তিকে হৈতুকেঽপি চ ।
পাষণ্ডেষু চ সর্বেষু নাবেদবিদি ধর্মবিৎ ॥ ২৬.৬৭ ॥

অপূপং চ হিরণ্যং চ গামশ্বং পৃথিবীং তিলান্ ।
অবিদ্বান্ প্রতিগৃহ্ণানো ভস্মী ভবতি কাষ্ঠবৎ ॥ ২৬.৬৮ ॥

দ্বিজাতিভ্যো ধনং লিপ্সেৎ প্রশস্তেভ্যো দ্বিজোত্তমঃ ।
অপি বা জাতিমাত্রেভ্যো ন তু শূদ্রাৎ কথঞ্চন ॥ ২৬.৬৯ ॥

বৃত্তিসঙ্কোচমন্বিচ্ছেন্নেহেত ধনবিস্তরম্ ।
ধনলোভে প্রসক্তস্তু ব্রাহ্মণ্যাদেব হীয়তে ॥ ২৬.৭০ ॥

বেদানধীত্য সকলান্ যজ্ঞাংশ্চাবাপ্য সর্বশঃ ।
ন তাং গতিমবাপ্নোতি সঙ্কোচাদ্ যামবাপ্নুয়াৎ ॥ ২৬.৭১ ॥

প্রতিগ্রহরুচির্ন স্যাৎ যাত্রার্থং তু ধনং হরেৎ ।
স্থিত্যর্থাদধিকং গৃহ্ণন্ ব্রাহ্মণো যাত্যধোগতিম্ ॥ ২৬.৭২ ॥

যস্তু যাচনকো নিত্যং ন স স্বর্গস্য ভাজনম্ ।
উদ্বেজয়তি ভূতানি যথা চৌরস্তথৈব সঃ ॥ ২৬.৭৩ ॥

গুরূন্ ভৃত্যাংশ্চোজ্জিহীর্ষন্ অর্চিষ্যন্ দেবতাতিথীন্ ।
সর্বতঃ প্রতিগৃহ্ণীয়ান্ন তু তৃপ্যেৎ স্বয়ংততঃ ॥ ২৬.৭৪ ॥

এবং গৃহস্থো যুক্তাত্মা দেবতাঽতিথিপূজকঃ ।
বর্ত্তমানঃ সংয়াতাত্মা যাতি তৎ পরমং পদম্ ॥ ২৬.৭৫ ॥

পুত্রে নিধায় বা সর্বং গৎবাঽরণ্যং তু তত্ত্ববিৎ ।
একাকী বিচরেন্নিত্যমুদাসীনঃ সমাহিতঃ ॥ ২৬.৭৬ ॥

এষ বঃ কথিতো ধর্মো গৃহস্থানাং দ্বিজোত্তমাঃ ।
জ্ঞাৎবাঽতু তিষ্ঠেন্নিয়তং তথাঽনুষ্ঠাপয়েদ্ দ্বিজান্ ॥ ২৬.৭৭ ॥

ইতি দেবমনাদিমেকমীশং
গৃহধর্মেণ সমর্চয়েদজস্রম্
সমতীত্য স সর্বভূতয়োনিং
প্রকৃতিং বৈ স পরং ন যাতি জন্ম ॥ ২৬.৭৮ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
ষড্বিংশোঽধ্যায়ঃ ॥২৬ ॥

কূর্মপুরাণএ উত্তরভাগে সপ্তবিংশতিতমোঽধ্যায়ঃ

ব্যাস উবাচ ।
এবং গৃহাশ্রমে স্থিৎবা দ্বিতীয়ং ভাগমায়ুষঃ ।
বানপ্রস্থাশ্রমং গচ্ছেৎ সদারঃ সাগ্নিরেব চ ॥ ২৭.২ ॥

নিক্ষিপ্য ভার্যাং পুত্রেষু গচ্ছেদ্ বনমথাপি বা ।
দৃষ্ট্বাঽপত্যস্য চাপত্যং জর্জরীকৃতবিগ্রহঃ ॥ ২৭.২ ॥

শুক্লপক্ষস্য পূর্বাহ্ণে প্রশস্তে চোত্তরায়ণে ।
গৎবাঽরণ্যং নিয়মবাংস্তপঃ কুর্যাৎ সমাহিতঃ ॥ ২৭.৩ ॥

ফলমূলানি পূতানি নিত্যমাহারমাহরেৎ ।
যতাহারো ভবেৎ তেন পূজয়েৎ পিতৃদেবতাঃ ॥ ২৭.৪ ॥

পূজয়িৎবাঽতিথিং নিত্যং স্নাৎবা চাভ্যর্চয়েৎ সুরান্ ।
গৃহাদাদায় চাশ্নীয়াদষ্টৌ গ্রাসান্ সমাহিতঃ ॥ ২৭.৫ ॥

জটাশ্চ বিভৃয়ান্নিত্যং নখরোমাণি নোৎসৃজেৎ ।
স্বাধ্যায়ং সর্বদা কুর্যান্নিয়চ্ছেদ্ বাচমন্যতঃ ॥ ২৭.৬ ॥

অগ্নিহোত্রং চ জুহুয়াৎ পঞ্চয়জ্ঞান্ সমাচরেৎ ।
মুন্যন্নৈর্বিবিধৈর্বন্যৈঃ শাকমূলফলেন চ ॥ ২৭.৭ ॥

চীরবাসা ভবেন্নিত্যং স্নায়াৎ ত্রিষবণং শুচিঃ ।
সর্বভূতানুকম্পী স্যাৎ প্রতিগ্রহবিবর্জিতঃ ॥ ২৭.৮ ॥

দর্শেন পৌর্ণমাসেন যজেৎ নিয়তং দ্বিজঃ ।
ঋক্ষেষ্বাগ্রয়ণে চৈব চাতুর্মাস্যানি চাহরেৎ ॥ ২৭.৯ ॥

উত্তরায়ণং চ ক্রমশো দক্ষস্যায়নমেব চ ।
বাসন্তৈঃ শারদৈর্মেধ্যৈর্মুন্যন্নৈঃ স্বয়মাহৃতৈঃ ॥ ২৭.১০ ॥

পুরোডাশাংশ্চরূংশ্চৈব দ্বিবিধং নির্বপেৎ পৃথক্ ।
দেবতাভ্যশ্চ তদ্ হুৎবা বন্যং মেধ্যতরং হবিঃ ॥ ২৭.১১ ॥

শেষং সমুপভুঞ্জীত লবণং চ স্বয়ং কৃতম্ ॥

বর্জয়েন্মধুমাংসানি ভৌমানি কবচানি চ ॥ ২৭.১২ ॥

ভূস্তৃণং শিশুকং চৈব শ্লেষ্মাতকফলানি চ ।
ন ফালকৃষ্টমশ্নীয়াদুৎসৃষ্টমপি কেনচিৎ ॥ ২৭.১৩ ॥

ন গ্রামজাতান্যার্ত্তোঽপি পুষ্পাণি চ ফলানি চ ।
শ্রাবণেনৈব বিধিনা বহ্নিং পরিচরেৎ সদা ॥ ২৭.১৪ ॥

ন দ্রুহ্যেৎ সর্বভূতানি নির্দ্বন্দ্বো নির্ভয়ো ভবেৎ ।
ন নক্তং কিংচিদশ্নীয়াদ্ রাত্রৌ ধ্যানপরো ভবেৎ ॥ ২৭.১৫ ॥

জিতেন্দ্রিয়ো জিতক্রোধস্তত্ত্বজ্ঞানবিচিন্তকঃ ।
ব্রহ্মচারী ভবেন্নিত্যং ন পত্নীমপি সংশ্রয়েৎ ॥ ২৭.১৬ ॥

যস্তু পত্ন্যা বনং গৎবা মৈথুনং কামতশ্চরেৎ ।
তদ্ ব্রতং তস্য লুপ্যেত প্রায়শ্চিত্তীয়তে দ্বিজঃ ॥ ২৭.১৭ ॥

তত্র যো জায়তে গর্ভো ন সংস্পৃশ্যো দ্বিজাতিভিঃ ।
ন হি বেদেঽধিকারোঽস্য তদ্বংশেপ্যেবমেব হি ॥ ২৭.১৮ ॥

অধঃ শয়ীত সততং সাবিত্রীজাপ্যতৎপরঃ
শরণ্যঃ সর্বভূতানাং সংবিভাগপরঃ সদা ॥ ২৭.১৯ ॥

পরিবাদং মৃষাবাদং নিদ্রালস্যং বিবর্জয়েৎ ।
একাগ্নিরনিকেতঃ স্যাৎ প্রোক্ষিতাং ভূমিমাশ্রয়েৎ ॥ ২৭.২০ ॥

মৃগৈঃ সহ চরেদ্ বাসং তৈঃ সহৈব চ সংবসেৎ ।
শিলায়াং শর্করায়াং বা শয়ীত সুসমাহিতঃ ॥ ২৭.২১ ॥

সদ্যঃ প্রক্ষালকো বা স্যান্মাসসংচয়িকোঽপি বা ।
ষণ্মাসনিচয়ো বা স্যাৎ সমানিচয় এব বা ॥ ২৭.২২ ॥

ত্যজেদাশ্বয়ুজে মাসি সম্পন্নং পূর্বসংচিতম্ ।
জীর্ণানি চৈব বাসাংসি শাকমূলফলানি চ ॥ ২৭.২৩ ॥

দন্তোলূখলিকো বাস্যাৎ কাপোতীং বৃত্তিমাশ্রয়েৎ ।
অশ্মকুট্টো ভবেদ্ বাঽপি কালপক্বভুগেব বা ॥ ২৭.২৪ ॥

নক্তং চান্নং সমশ্নীয়াদ্ দিবা চাহৃত্য শক্তিতঃ ।
চতুর্থকালিকো বা স্যাৎ স্যাদ্বাচাষ্টমকালিকঃ ॥ ২৭.২৫ ॥

চান্দ্রায়ণবিধানৈর্বা শুক্লে কৃষ্ণে চ বর্ত্তয়েৎ ।
পক্ষে পক্ষে সমশ্নীয়াদ্ দ্বিজাগ্রান্ কথিতান্ সকৃৎ ॥ ২৭.২৬ ॥

পুষ্পমূলফলৈর্বাপি কেবলৈর্বর্ত্তয়েৎ সদা ।
স্বাভাবিকৈঃ স্বয়ং শীর্ণৈর্বৈখানসমতে স্থিতঃ ॥ ২৭.২৭ ॥

ভূমৌ বা পরিবর্ত্তেত তিষ্ঠেদ্ বা প্রপদৈর্দিনম্ ।
স্থানাসনাভ্যাং বিহরেন্ন ক্বচিদ্ ধৈর্যমুৎসৃজেৎ ॥ ২৭.২৮ ॥

গ্রীষ্মে পঞ্চতপাস্তদ্বৎ বর্ষাস্বভ্রাবকাশকঃ ।
আর্দ্রবাসাস্তু হেমন্তে ক্রমশো বর্দ্ধয়ংস্তপঃ ॥ ২৭.২৯ ॥

উপস্পৃশ্য ত্রিষবণং পিতৃদেবাংশ্চ তর্পয়েৎ ।
একপাদেন তিষ্ঠেত মরীচীন্ বা পিবেৎ তদা ॥ ২৭.৩০ ॥

পঞ্চাগ্নির্ধূমপো বা স্যাদুষ্মপঃ সোমপোঽথ বা ।
পয়ঃ পিবেচ্ছুক্লপক্ষে কৃষ্ণাপক্ষে তু গোময়ম্ ॥ ২৭.৩১ ॥

শীর্ণপর্ণাশনো বা স্যাৎ কৃচ্ছ্রৈর্বা বর্ত্তয়েৎ সদা ।
যোগাভ্যাসরতশ্চ স্যাদ্ রুদ্রাধ্যায়ী ভবেৎ সদা ॥ ২৭.৩২ ॥

অথর্বশিরসোঽধ্যেতা বেদান্তাভ্যাসতৎপরঃ ।
যমান্ সেবেত সততং নিয়মাংশ্চাপ্যতন্দ্রিতঃ ॥ ২৭.৩৩ ॥

কৃষ্ণাজিনঃ সোত্তরীয়ঃ শুক্লয়জ্ঞোপবীতবান্ ॥

অথ চাগ্নীন্ সমারোপ্য স্বাত্মনি ধ্যানতৎপরঃ ॥ ২৭.৩৪ ॥

অনগ্নিরনিকেতঃ স্যান্মুনির্মোক্ষপরো ভবেৎ ।
তাপসেষ্বেব বিপ্রেষু যাত্রিকং ভৈক্ষমাহরেৎ ॥ ২৭.৩৫ ॥

গৃহমেধিষু চান্যেষু দ্বিজেষু বনবাসিষু ॥

গ্রামাদাহৃত্য চাশ্নীয়াদষ্টৌ গ্রাসান্ বনে বসন্ ॥ ২৭.৩৬ ॥

প্রতিগৃহ্য পুটেনৈব পাণিনা শকলেন বা ।
বিবিধাশ্চোপনিষদ আত্মসংসিদ্ধয়ে জপেৎ ॥ ২৭.৩৭ ॥

বিদ্যাবিশেষান্ সাবিত্রীং রুদ্রাধ্যায়ং তথৈব চ ।
মহাপ্রাস্থানিকং বাসৌ কুর্যাদনশনং তু বা ।
অগ্নিপ্রবেশমন্যদ্ বা ব্রর্হ্মার্পণবিধৌ স্থিতঃ ॥ ২৭.৩৮ ॥

যস্তু সম্যগিমমাশ্রমং শিবং
সংশ্রয়ন্ত্যশিবপুঞ্জনাশনম্ ।
তে বিশন্তি পরমৈশ্বরং পদং
যান্তি যত্র গতমস্য সংস্থিতেঃ ॥ ২৭.৩৯ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
সপ্তবিশোঽধ্যায়ঃ ॥২৭ ॥

কূর্মপুরাণএ উত্তরভাগে অষ্টাবিংশতিতমোঽধ্যায়ঃ

ব্যাস উবাচ ।
এবং বনাশ্রমে স্থিৎবা তৃতীয়ং ভাগমায়ুষঃ ।
চতুর্থমায়ুষো ভাগং সংন্যাসেন নয়েৎ ক্রমাৎ ॥ ২৮.১ ॥

অগ্নীনাত্মনী সংস্থাপ্য দ্বিজঃ প্রব্রজিতো ভবেৎ ।
যোগাভ্যাসরতঃ শান্তো ব্রহ্মবিদ্যাপরায়ণঃ ॥ ২৮.২ ॥

যদা মনসি সংজাতং বৈতৃষ্ণ্যং সর্ববস্তুষু ।
তদা সংন্যাসমিচ্ছন্তি পতিতঃ স্যাদ্ বিপর্যযে ॥ ২৮.৩ ॥

প্রাজাপত্যাং নিরূপ্যেষ্টিমাগ্নেয়ীমথবা পুনঃ ।
দান্তঃ পক্বকষায়োঽসৌ ব্রহ্মাশ্রমমুপাশ্রয়েৎ ॥ ২৮.৪ ॥

জ্ঞানসংন্যাসিনঃ কেচিদ্ বেদসংন্যাসিনঃ পরে ।
কর্মসংন্যাসিনস্ত্বন্যে ত্রিবিধাঃ পরিকীর্তিতাঃ ॥ ২৮.৫ ॥

যঃ সর্বসঙ্গনির্মুক্তো নির্দ্বন্দ্বশ্চৈব নির্ভয়ঃ ।
প্রোচ্যতে জ্ঞানসংন্যাসী স্বাত্মন্যেব ব্যবস্থিতঃ ॥ ২৮.৬ ॥

বেদমেবাভ্যসেন্নিত্যং নির্দ্বন্দো নিষ্পরিগ্রহঃ ।
প্রোচ্যতে বেদসংন্যাসী মুমুক্ষুর্বিজিতেন্দ্রিয়ঃ ॥ ২৮.৭ ॥

যস্ত্বগ্নীনাত্মসাৎকৃৎবা ব্রহ্মার্পণপরো দ্বিজঃ ।
জ্ঞেয়ঃ স কর্মসংন্যাসী মহায়জ্ঞপরায়ণঃ ॥ ২৮.৮ ॥

ত্রয়াণামপি চৈতেষাং জ্ঞানী ৎবভ্যধিকো মতঃ ।
ন তস্য বিদ্যতে কার্যং ন লিঙ্গং বা বিপশ্চিতঃ ॥ ২৮.৯ ॥

নির্মমো নির্ভয়ঃ শান্তো নির্দ্বন্দ্বঃ পর্ণভোজনঃ ।
জীর্ণকৌপীনবাসাঃ স্যান্নগ্নো বা ধ্যানতৎপরঃ ॥ ২৮.১০ ॥

ব্রহ্মচারী মিতাহারো গ্রামাদন্নং সমাহরেৎ ।
অধ্যাত্মমতিরাসীত নিরপেক্ষো নিরামিষঃ ॥ ২৮.১১ ॥

আত্মনৈব সহায়েন সুখার্থী বিচরেদিহ ।
নাভিনন্দেত মরণং নাভিনন্দেত জীবিতম্ ॥ ২৮.১২ ॥

কালমেব প্রতীক্ষেত নিদেশং ভৃতকো যথা ।
নাধ্যেতব্যং ন বক্তব্যং শ্রোতব্যং ন কদাচন ॥ ২৮.১৩ ॥

এবং জ্ঞাৎবা পরো যোগী ব্রহ্মভূয়ায় কল্পতে ।
একবাসাঽথবা বিদ্বান্ কৌপীনাচ্ছাদনস্তথা ॥ ২৮.১৪ ॥

মুণ্ডী শিখী বাঽথ ভবেৎ ত্রিদণ্ডী নিষ্পরিগ্রহঃ ।
কাষায়বাসাঃ সততং ধ্যানয়োগপরায়ণঃ ॥ ২৮.১৫ ॥

গ্রামান্তে বৃক্ষমূলে বা বসেদ্ দেবালয়েঽপি বা ।
সমঃ শত্রৌ চ মিত্রে চ তথা মানাপমানয়োঃ ॥ ২৮.১৬ ॥

ভৈক্ষ্যেণ বর্ত্তয়েন্নিত্যং নৈকান্নাদী ভবেৎ ক্বচিৎ ।
যস্তু মোহেন বান্যস্মাদেকান্নাদী ভবেদ্ যতিঃ ॥ ২৮.১৭ ॥

ন তস্য নিষ্কৃতিঃ কাচিদ্ ধর্মশাস্ত্রেষু কথ্যতে ।
রাগদ্বেষবিমুক্তাত্মা সমলোষ্টাশ্মকাঞ্চনঃ ॥ ২৮.১৮ ॥

প্রাণিহংসানিবৃত্তশ্চ মৌনী স্যাৎ সর্বনিস্পৃহঃ ।
দৃষ্টিপূতং ন্যসেৎ পাদং বস্ত্রপূতং জলং পিবেৎ ।
শাস্ত্রপূতাং বদেদ্ বাণীং মনঃ পূতং সমাচরেৎ ॥ ২৮.১৯ ॥

নৈকত্র নিবসেদ্ দেশে বর্ষাভ্যোঽন্যত্র ভিক্ষুকঃ ।
স্নানশৌচরতো নিত্যং কমণ্ডলুকরঃ শুচিঃ ॥ ২৮.২০ ॥

ব্রহ্মচর্যরতো নিত্যং বনবাসরতো ভবেৎ ।
মোক্ষশাস্ত্রেষু নিরতো ব্রহ্মচারী জিতেন্দ্রিয়ঃ ॥ ২৮.২১ ॥

দম্ভাহংকারনির্মুক্তো নিন্দাপৈশুন্যবর্জিতঃ ।
আত্মজ্ঞানগুণোপেতো যতির্মোক্ষমবাপ্নুয়াৎ ॥ ২৮.২২ ॥

অভ্যসেৎ সততং বেদং প্রণবাখ্যং সনাতনম্ ।
স্নাৎবাচম্য বিধানেন শুচির্দেবালয়াদিষু ॥ ২৮.২৩ ॥

যজ্ঞোপবীতী শান্তাত্মা কুশপাণিঃ সমাহিতঃ ।
ধৌতকাষায়বসনো ভস্মচ্ছন্নতনূরহঃ ॥ ২৮.২৪ ॥

অধিয়জ্ঞং ব্রহ্ম জপেদাধিদৈবিকমেব বা ।
আধ্যাত্মিকং চ সততং বেদান্তাভিহিতং চ যৎ ॥ ২৮.২৫ ॥

পুত্রেষু চাঽথ নিবসন্ ব্রহ্মচারী যতির্মুনিঃ ।
বেদমেবাভ্যসেন্নিত্যং স যাতি পরমাং গতিম্ ॥ ২৮.২৬ ॥

অহিংসা সত্যমস্তেয়ং ব্রহ্মচর্যং তপঃ পরম্ ।
ক্ষমা দয়া চ সন্তোষো ব্রতান্যস্য বিশেষতঃ ॥ ২৮.২৭ ॥

বেদান্তজ্ঞাননিষ্ঠো বা পঞ্চ যজ্ঞান্ সমাহিতঃ ।
জ্ঞান ধ্যান সমায়ুক্তো ভিক্ষার্থে নৈব তেন হি ॥ ২৮.২৮ ॥

হোমমন্ত্রাঞ্জপেন্নিত্যং কালে কালে সমাহিতঃ ।
স্বাধ্যায়ং চান্বহং কুর্যাৎ সাবিত্রীং সংধ্যযোর্জপেৎ ॥ ২৮.২৯ ॥

ধ্যায়ীত সততং দেবমেকান্তে পরমেশ্বরম্ ।
একান্নং বর্জয়েন্নিত্যং কামং ক্রোধং পরিগ্রহম্ ॥ ২৮.৩০ ॥

একবাসা দ্বিবাসা বা শিখী যজ্ঞোপবীতবান্ ।
কমণ্ডলুকরো বিদ্বান্ ত্রিদণ্ডী যাতি তৎপরম্ ॥ ২৮.৩১ ॥

ইতি শ্রীকূর্মপুরাণে ষট্সাহস্ত্র্যাং
সংহিতায়ামুপরিবিভাগেঽষ্টাবিংশোঽধ্যায়ঃ ॥২৮ ॥

কূর্মপুরাণএ উত্তরভাগে নববিংশতিতমোঽধ্যায়ঃ

এবং স্বাশ্রমনিষ্ঠানাং যতীনাং নিয়তাত্মনাম্ ।
ভৈক্ষেণ বর্ত্তনং প্রোক্তং ফলমূলৈরথাপি বা ॥ ২৯.১ ॥

এককালং চরেদ্ ভৈক্ষং ন প্রসজ্যেত বিস্তরে ।
ভৈক্ষ্য প্রসক্তো হি যতির্বিষয়েষ্বপি সজ্জতি ॥ ২৯.২ ॥

সপ্তাগারং চরেদ্ ভৈক্ষমলাভাৎ তু পুনশ্চরেৎ ।
প্রক্ষাল্য পাত্রে ভুঞ্জীয়াদদ্ভিঃ প্রক্ষালয়েৎ তু পুনঃ ॥ ২৯.৩ ॥

অথবাঽন্যদুপাদায় পাত্রে ভুঞ্জীত নিত্যশঃ ।
ভুক্ত্বা তৎ সংত্যজেৎ পাত্রং যাত্রামাত্রমলোলুপঃ ॥ ২৯.৪ ॥

বিধূমে সন্নমুসলে ব্যঙ্গারে ভুক্তবজ্জনে ।
বৃত্তে শরাবসম্পাতে ভিক্ষাং নিত্যং যতিশ্চরেৎ ॥ ২৯.৫ ॥

গোদোহমাত্রং তিষ্ঠেত কালং ভিক্ষুরধোমুখঃ ।
ভিক্ষেত্যুক্ত্বা সকৃৎ তূষ্ণীমশ্নীয়াদ্ বাগ্যতঃ শুচিঃ ॥ ২৯.৬ ॥

প্রক্ষাল্য পাণিপাদৌ চ সমাচম্য যথাবিধি ।
আদিত্যে দর্শয়িৎবান্নং ভুঞ্জীত প্রাঙ্মুখোত্তরঃ ॥ ২৯.৭ ॥

হুৎবা প্রাণাহুতীঃ পঞ্চ গ্রাসানষ্টৌ সমাহিতঃ ।
আচম্য দেবং ব্রহ্মাণং ধ্যায়ীত পরমেশ্বরম্ ॥ ২৯.৮ ॥

অলাবুং দারুপাত্রং চ মৃণ্ময়ং বৈণবং ততঃ ।
চৎবারি যতিপাত্রাণি মনুরাহ প্রজাপতিঃ ॥ ২৯.৯ ॥

প্রাগ্রাত্রে পররাত্রে চ মধ্যরাত্রে তথৈব চ ।
সংধ্যাস্বগ্নি বিশেষেণ চিন্তয়েন্নিত্যমীশ্বরম্ ॥ ২৯.১০ ॥

কৃৎবা হৃৎপদ্মনিলয়ে বিশ্বাখ্যং বিশ্বসংভবম্ ।
আত্মানং সর্বভূতানাং পরস্তাৎ তমসঃ স্থিতম্ ॥ ২৯.১১ ॥

সর্বস্যাধারভূতানামানন্দং জ্যোতিরব্যযম্ ।
প্রধানপুরুষাতীতমাকাশং দহনং শিবম্ ॥ ২৯.১২ ॥

তদন্তঃ সর্বভাবানামীশ্বরং ব্রহ্মরূপিণম্ ।
ধ্যায়েদনাদিমধ্যান্তমানন্দাদিগুণালয়ম্ ॥ ২৯.১৩ ॥

মহান্তং পুরুষং ব্রহ্ম ব্রহ্মাণং সত্যমব্যযম্ ।
তরুণাদিত্যসংকাশং মহেশং বিশ্বরূপিণম্ ॥ ২৯.১৪ ॥

ওংকারান্তেঽথ চাত্মানং সংস্থাপ্য পরমাত্মনি ।
আকাশে দেবমীশানং ধ্যায়ীতাকাশমধ্যগম্ ॥ ২৯.১৫ ॥

কারণং সর্বভাবানামানন্দৈকসমাশ্রয়ম্ ।
পুরাণং পুরুষং শুভ্রং ধ্যায়ন্ মুচ্যেত বন্ধনাৎ ॥ ২৯.১৬ ॥

যদ্বা গুহায়াং প্রকৃতং জগৎসংমোহনালয়ে ।
বিচিন্ত্য পরমং ব্যোম সর্বভূতৈককারণম্ ॥ ২৯.১৭ ॥

জীবনং সর্বভূতানাং যত্র লোকঃ প্রলীয়তে ।
আনন্দং ব্রহ্মণঃ সূক্ষ্মং যৎ পশ্যন্তি মুমুক্ষবঃ ॥ ২৯.১৮ ॥

তন্মধ্যে নিহিতং ব্রহ্ম কেবলং জ্ঞানলক্ষণম্ ।
অনন্তং সত্যমীশানং বিচিন্ত্যাসীত সংয়তঃ ॥ ২৯.১৯ ॥

গুহ্যাদ্ গুহ্যতমং জ্ঞানং যতীনামেতদীরিতম্ ।
যোঽনুতিষ্ঠেন্মহেশেন সোঽশ্নুতে যোগমৈশ্বরম্ ॥ ২৯.২০ ॥

তস্মাদ্ ধ্যানরতো নিত্যমাত্মবিদ্যাপরায়ণঃ ।
জ্ঞানং সমভ্যসেদ্ ব্রাহ্মং যেন মুচ্যেত বন্ধনাৎ ॥ ২৯.২১ ॥

গৎবা পৃথক্ স্বমাত্মানং সর্বস্মাদেব কেবলম্ ।
আনন্দমজরং জ্ঞানং ধ্যায়ীত চ পুনঃ পরম্ ॥ ২৯.২২ ॥

যস্মাৎ ভবন্তি ভূতানি যদ্ গৎবা নেহ জায়তে ।
স তস্মাদীশ্বরো দেবঃ পরস্মাদ্ যোঽধিতিষ্ঠতি ॥ ২৯.২৩ ॥

যদন্তরে তদ্ গগনং শাশ্বতং শিবমচ্যুতম্ ।
যদাহুস্তৎপরো যঃ স্যাৎ স দেবঃ স্যান্মহেশ্বরঃ ॥ ২৯.২৪ ॥

ব্রতানি যানি ভিক্ষূণাং তথৈবোপব্রতানি চ ।
একৈকাতিক্রমে তেষাং প্রায়শ্চিত্তং বিধীয়তে ॥ ২৯.২৫ ॥

উপেত্য চ স্ত্রিয়ং কামাৎ প্রায়শ্চিত্তং সমাহিতঃ ।
প্রাণায়ামসমায়ুক্তঃ কুর্যাৎ সাংতপনং শুচিঃ ॥ ২৯.২৬ ॥

ততশ্চরেত নিয়মাৎ কৃচ্ছ্রং সংয়তমানসঃ ।
পুনরাশ্রমমাগম্য চরেদ্ ভিশ্রুরতন্দ্রিতঃ ॥ ২৯.২৭ ॥

ন নর্ময়ুক্তমনৃতং হিনস্তীতি মনীষিণঃ ।
তথাপি চ ন কর্ত্তব্যং প্রসঙ্গো হ্যেষ দারুণঃ ॥ ২৯.২৮ ॥

একরাত্রোপবাসশ্চ প্রাণায়ামশতং তথা ।
উক্ত্বা নূনং প্রকর্তব্যং যতিনা ধর্মলিপ্সুনা ॥ ২৯.২৯ ॥

পরমাপদ্গতেনাপি ন কার্যং স্তেয়মন্যতঃ ।
স্তেয়াদভ্যধিকঃ কশ্চিন্নাস্ত্যধর্ম ইতি স্মৃতিঃ ॥ ২৯.৩০ ॥

হিংসা চৈষাপরা দিষ্টা যা চাত্মজ্ঞাননাশিকা ।
যদেতদ্ দ্রবিণং নাম প্রাণ হ্যেতে বহিশ্বরাঃ ॥ ২৯.৩১ ॥

স তস্য হরতি প্রাণান্ যো যস্য হরতে ধনম্ ।
এবং কৃৎবা স দুষ্টাত্মা ভিন্নবৃত্তো ব্রতাহতঃ ।
ভূয়ো নির্বেদমাপন্নশ্চরেচ্চান্দ্রায়ণব্রতম্ ॥ ২৯.৩২ ॥

বিধিনা শাস্ত্রদৃষ্টেন সংবৎসরমিতি শ্রুতিঃ ।
ভূয়ো নির্বেদমাপন্নশ্চরেদ্ ভিক্ষুরতন্দ্রিতঃ ॥ ২৯.৩৩ ॥

অকস্মাদেব হিংসাং তু যদি ভিক্ষুঃ সমাচরেৎ ।
কুর্যাৎকৃছ্রাতিকৃচ্ছ্রং তু চান্দ্রায়ণমথাপি বা ॥ ২৯.৩৪ ॥

স্কন্নমিন্দ্রিয়দৌর্বল্যাৎ স্ত্রিয়ং দৃষ্ট্বা যতির্যদি ।
তেন ধারয়িতব্যা বৈ প্রাণায়ামাস্তু ষোডশ ॥ ২৯.৩৫ ॥

দিবাস্কন্নে ত্রিরাত্রং স্যাৎ প্রাণায়ামশতং তথা ।
একান্তে মধুমাংসে চ নবশ্রাদ্ধে তথৈব চ ।
প্রত্যক্ষলবণে চোক্তং প্রাজাপত্যং বিশোধনম্ ॥ ২৯.৩৬ ॥

ধ্যাননিষ্ঠস্য সততং নশ্যতে সর্বপাতকম্ ।
তস্মান্মহেশ্বরং জ্ঞাৎবা তস্য ধ্যানপরো ভবেৎ ॥ ২৯.৩৭ ॥

যদ্ ব্রহ্ম পরমং জ্যোতিঃ প্রতিষ্ঠাক্ষরমদ্বয়ম্ ।
যোঽন্তরা পরং ব্রহ্ম স বিজ্ঞেয়ো মহেশ্বরঃ ॥ ২৯.৩৮ ॥

এষ দেবো মহাদেবঃ কেবলঃ পরমঃ শিবঃ ।
তদেবাক্ষরমদ্বৈতং তদাদিত্যান্তরং পরম্ ॥ ২৯.৩৯ ॥

যস্মান্মহীয়সো দেবঃ স্বধাগ্নি জ্ঞানসংস্থিতে ।
আত্ময়োগাহ্বয়ে তত্ত্বে মহাদেবস্ততঃ স্মৃতঃ ॥ ২৯.৪০ ॥

নান্যং দেবংমহাদেবাদ্ ব্যতিরিক্তং প্রপশ্যতি ।
তমেবাত্মানমাত্মেতি যঃ স যাতি পরমং পদম্ ॥ ২৯.৪১ ॥

মন্যতে যে স্বমাত্মানং বিভিন্নং পরমেশ্বরাৎ ।
ন তে পশ্যন্তি তং দেবং বৃথা তেষাং পরিশ্রমঃ ॥ ২৯.৪২ ॥

একমেব পরং ব্রহ্ম বিজ্ঞেয়ং তত্ত্বমব্যযম্ ।
স দেবস্তু মহাদেবো নৈতদ্ বিজ্ঞায় বধ্যতে ॥ ২৯.৪৩ ॥

তস্মাদ্ যতেত নিয়তং যতিঃ সংয়তমানসঃ ।
জ্ঞানয়োগরতঃ শান্তো মহাদেবপরায়ণঃ ॥ ২৯.৪৪ ॥

এষ বঃ কথিতো বিপ্রো যতীনামাশ্রমঃ শুভঃ ।
পিতামহেন বিভুনা মুনীনাং পূর্বমীরিতম্ ॥ ২৯.৪৫ ॥

নাপুত্রশিষ্যযোগিভ্যো দদ্যাদিদমনুত্তমম্ ।
জ্ঞানং স্বয়ংভুনা প্রোক্তং যতিধর্মাশ্রয়ং শিবম্ ॥ ২৯.৪৬ ॥

ইতি যতিনিয়মানামেতদুক্তং বিধানং
পশুপতিপরিতোষে যদ্ ভবেদেকহেতুঃ ।
ন ভবতি পুনরেষামুদ্ভবো বা বিনাশঃ
প্রণিহিতমনসো যে নিত্যমেবাচরন্তি ॥ ২৯.৪৭ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
একোনত্রিংশোঽধ্যায়ঃ ॥২৯ ॥

কূর্মপুরাণএ উত্তরভাগে ত্রিংশত্তমোঽধ্যায়ঃ

ব্যাস উবাচ ।
অতঃ পরং প্রবলক্ষ্যামি প্রায়শ্চিত্তবিধিং শুভম্ ।
হিতায় সর্ববিপ্রাণাং দোষাণামপনুত্তয়ে ॥ ৩০.১ ॥

অকৃৎবা বিহিতং কর্ম কৃৎবা নিন্দিতমেব চ ।
দোষমাপ্নোতি পুরুষঃ প্রায়শ্চিত্তং বিশোধনম্ ॥ ৩০.২ ॥

প্রায়শ্চিত্তমকৃৎবা তু ন তিষ্ঠেদ্ ব্রাহ্মণঃ ক্বচিৎ ।
যদ্ ব্রূয়ুর্ব্রাহ্মণাঃ শান্তা বিদ্বাংসস্তৎসমাচরেৎ ॥ ৩০.৩ ॥

বেদার্থবিত্তমঃ শান্তো ধর্মকামোঽগ্নিমান্ দ্বিজঃ ।
স এব স্যাৎ পরো ধর্মো যমেকোঽপি ব্যবস্যতি ॥ ৩০.৪ ॥

অনাহিতাগ্নয়ো বিপ্রাস্ত্রয়ো বেদার্থপারগাঃ ।
যদ্ ব্রূয়ুর্ধর্মকামাস্তে তজ্জ্ঞেয়ং ধর্মসাধনম্ ॥ ৩০.৫ ॥

অনেকধর্মশাস্ত্রজ্ঞা ঊহাপোহবিশারদাঃ ।
বেদাধ্যযনসম্পন্নাঃ সপ্তৈতে পরিকীর্ত্তিতাঃ ॥ ৩০.৬ ॥

মীমাংসাজ্ঞানতত্ত্বজ্ঞা বেদান্তকুশলা দ্বিজাঃ ।
একবিংশতিবিখ্যাতাঃ প্রয়াশ্চিত্তং বদন্তি বৈ ॥ ৩০.৭ ॥

ব্রহ্মহা মদ্যপঃ স্তেনো গুরুতল্পগ এব চ ।
মহাপাতকিনস্ত্বেতে যশ্চৈতৈঃ সহ সংবসেৎ ॥ ৩০.৮ ॥

সংবৎসরং তু পতিতৈঃ সংসর্গং কুরুতে তু যঃ ।
যানশয়্যাসনৈর্নিত্যং জানন্ বৈ পতিতো ভবেৎ ॥ ৩০.৯ ॥

যাজনং যোনিসংবন্ধং তথৈবাধ্যাপনং দ্বিজঃ ।
কৃৎবা সদ্যঃ পতত্যেব সহ ভোজনমেব চ ॥ ৩০.১০ ॥

অবিজ্ঞায়াথ যো মোহাৎ কুর্যাদধ্যাপনং দ্বিজঃ ।
সংবৎসরেণ পততি সহাধ্যযনমেব চ ॥ ৩০.১১ ॥

ব্রহ্মাহা দ্বাদশাব্দানি কুটিং কৃৎবা বনে বসেৎ ।
ভৈক্ষমাত্মবিশুদ্ধ্যর্থে কৃৎবা শবশিরোর্ধ্বজম্ ॥ ৩০.১২ ॥

ব্রাহ্মণাবসথান্ সর্বান্ দেবাগারাণি বর্জয়েৎ ।
বিনিন্দন্ স্বয়মাত্মানং ব্রাহ্মণং তং চ সংস্মরন্ ॥ ৩০.১৩ ॥

অসংকল্পিতয়োগ্যানি সপ্তাগারাণি সংবিশেৎ ।
বিধূমে শনকৈর্নিত্যং ব্যঙ্গারে ভুক্তবজ্জনে ॥ ৩০.১৪ ॥

এককালং চরেদ্ ভৈক্ষং দোষং বিখ্যাপয়ন্ নৃণাম্ ।
বন্যমূলফলৈর্বাপি বর্ত্তয়েদ্ বৈ সমাশ্রিতঃ ॥ ৩০.১৫ ॥

কপালপাণিঃ খট্বাঙ্গী ব্রহ্মচর্যপরায়ণঃ ।
পূর্ণে তু দ্বাদশে বর্ষে ব্রহ্মহত্যাং ব্যপোহতি ॥ ৩০.১৬ ॥

অকামতঃ কৃতে পাপে প্রায়শ্চিত্তমিদং শুভম্ ।
কামতো মরণাচ্ছুদ্ধির্জ্ঞেয়া নান্যেন কেনচিৎ ॥ ৩০.১৭ ॥

কুর্যাদনশনং বাঽথ ভৃগোঃ পতনমেব বা ।
জ্বলন্তং বা বিশেদগ্নিং জলং বা প্রবিশেৎ স্বয়ম্ ॥ ৩০.১৮ ॥

ব্রাহ্মণার্থে গবার্থে বা সম্যক্ প্রাণান্ পরিত্যজেৎ ।
ব্রহ্মহত্যাপনোদার্থমন্তরা বা মৃতস্য তু ॥ ৩০.১৯ ॥

দীর্ঘাময়াবিনং বিপ্রং কৃৎবানাময়মেব বা ।
দত্ত্বা চান্নং সুবিদুষে ব্রহ্মহত্যাং ব্যপোহতি ॥ ৩০.২০ ॥

অশ্বমেধাবভৃথকে স্নাৎবা বা শুধ্যতে দ্বিজঃ ।
সর্বস্বং বা বেদবিদে ব্রাহ্মণায় প্রদায় তু ॥ ৩০.২১ ॥

সরস্বত্যাস্ত্বরুণয়া সংগমে লোকবিশ্রুতে ।
শুধ্যেৎ ত্রিষবণস্নানাৎ ত্রিরাত্রোপোষিতো দ্বিজঃ ॥ ৩০.২২ ॥

গৎবা রামেশ্বরং পুণ্যং স্নাৎবা চৈব মহোদধৌ ।
ব্রহ্মচর্যাদিভির্যুক্তো দৃষ্ট্বা রুদ্রং বিমুচ্যতে ॥ ৩০.২৩ ॥

কপালমোচনং নাম তীর্থং দেবস্য শূলিনঃ ।
স্নাৎবাঽভ্যর্চ্য পিতৄন্ দেবান্ ব্রহ্মহত্যাং ব্যপোহতি ॥ ৩০.২৪ ॥

যত্র দেবাদিদেবেন ভৈরবেণামিতৌজসা ।
কপালং স্থাপিতং পূর্বং ব্রহ্মণঃ পরমেষ্ঠিনঃ ॥ ৩০.২৫ ॥

সমভ্যর্চ্য মহাদেবং তত্র ভৈরবরূপিণম্ ।
তর্পপিৎবা পিতৄন্ স্নাৎবা মুচ্যতে ব্রহ্মহত্যযা ॥ ৩০.২৬ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে ত্রিশোঽধ্যায়ঃ ॥৩০ ॥

কূর্মপুরাণএ উত্তরভাগে একত্রিংশত্তমোঽধ্যায়ঃ

ঋষয় ঊচুঃ ।
কথং দেবেন রুদ্রেণ শংকরেণাতিতেজসা ।
কপালং ব্রহ্মণঃ পূর্বং স্থাপিতং দেহজং ভুবি ॥ ৩১.১ ॥

সূত উবাচ ।
শৃণুধ্বমৃষয়ঃ পুণ্যাং কথাং পাপপ্রণাশনীম্ ।
মাহাত্ম্যং দেবদেবস্য মহাদেবস্য ধীমতঃ ॥ ৩১.২ ॥

পুরা পিতামহং দেবং মেরুশৃঙ্গে মহর্ষয়ঃ ।
প্রোচুঃ প্রণম্য লোকাদিং কিমেকং তত্ত্বমব্যযম্ ॥ ৩১.৩ ॥

স মায়যা মহেশস্য মোহিতো লোকসংভবঃ ।
অবিজ্ঞায় পরং ভাবং স্বাত্মানং প্রাহ ধর্ষিণম্ ॥ ৩১.৪ ॥

অহং ধাতা জগদ্যোনিঃ স্বয়ংভূরেক ঈশ্বরঃ ।
অনাদিমৎপরং ব্রহ্ম মামভ্যর্চ্য বিমুচ্যতে ॥ ৩১.৫ ॥

অহং হি সর্বদেবানাং প্রবর্ত্তকনিবর্ত্তকঃ ।
ন বিদ্যতে চাভ্যধিকো মত্তো লোকেষু কশ্চন ॥ ৩১.৬ ॥

তস্যৈবং মন্যমানস্য জজ্ঞে নারায়ণাংশজঃ ।
প্রোবাচ প্রহসন্ বাক্যং রোষতাম্রবিলোচনঃ ॥ ৩১.৭ ॥

কিং কারণমিদং ব্রহ্মন্ বর্ত্ততে তব সাংপ্রতম্ ।
অজ্ঞানয়োগয়ুক্তস্য ন ৎবেতদুচিতং তব ॥ ৩১.৮ ॥

অহং ধাতা হি লোকানাং জজ্ঞে নারায়ণাৎপ্রভোঃ ।
ন মামৃতেঽস্য জগতো জীবনং সর্বদা ক্বচিৎ ॥ ৩১.৯ ॥

অহমেব পরং জ্যোতিরহমেব পরা গতিঃ ।
মৎপ্রেরিতেন ভবতা সৃষ্টং ভুবনমণ্ডলম্ ॥ ৩১.১০ ॥

এবং বিবদতোর্মোহাৎ পরস্পরজয়ৈষিণোঃ ।
আজগ্মুর্যত্র তৌ দেবৌ বেদাশ্চৎবার এব হি ॥ ৩১.১১ ॥

অন্বীক্ষ্য দেবং ব্রহ্মাণং যজ্ঞাত্মানং চ সংস্থিতম্ ।
প্রোচুঃ সংবিগ্নহৃদয়া যাথাত্ম্যং পরমেষ্ঠিনঃ ॥ ৩১.১২ ॥

ঋগ্বেদ উবাচ ।
যস্যান্তঃ স্থানি ভূতানি যস্মাৎসর্বং প্রবর্ত্ততে ।
যদাহুস্তৎপরং তত্ত্বং স দেবঃ স্যান্মহেশ্বরঃ ॥ ৩১.১৩ ॥

যজুর্বেদ উবাচ ।
যো যজ্ঞৈরখিলৈরীশো যোগেন চ সমর্চ্যতে ।
যমাহুরীশ্বরং দেবং স দেবঃ স্যাৎ পিনাকধৃক্ ॥ ৩১.১৪ ॥

সামবেদ উবাচ ।
যেনেদং ভ্রাম্যতে বিশ্বং যদাকাশান্তরং শিবম্ ।
যোগিভির্বিদ্যতে তত্ত্বং মহাদেবঃ স শংকরঃ ॥ ৩১.১৫ ॥

অথর্ববেদ উবাচ ।
যং প্রপশ্যন্তি দেবেশং যতন্তো যতয়ঃ পরম্ ।
মহেশং পুরুষং রুদ্রং স দেবো ভগবান্ ভবঃ ॥ ৩১.১৬ ॥

এবং স ভগবান্ ব্রহ্মা বেদানামীরিতং শুভম্ ।
শ্রুৎবাহ প্রহসন্ বাক্যং বিশ্বাত্মাঽপি বিমোহিতঃ ॥ ৩১.১৭ ॥

কথং তৎপরমং ব্রহ্ম সর্বসঙ্গবিবর্জিতম্ ।
রমতে ভার্যযা সার্দ্ধং প্রমথৈশ্চাতিগর্বিতৈঃ ॥ ৩১.১৮ ॥

ইতিরিতেঽথ ভগবান্ প্রণবাত্মা সনাতনঃ ।
অমূর্ত্তো মূর্তিমান্ ভূৎবা বচঃ প্রাহ পিতামহম্ ॥ ৩১.১৯ ॥

প্রণব উবাচ ।
ন হ্যেষ ভগবানীশঃ স্বাত্মনো ব্যতিরিক্তয়া ।
কদাচিদ্ রমতে রুদ্রস্তাদৃশো হি মহেশ্বরঃ ॥ ৩১.২০ ॥

অয়ং স ভগবানীশঃ স্বয়ংজ্যোতিঃ সনাতনঃ ।
স্বানন্দভূতা কথিতা দেবী আগন্তুকা শিবা ॥ ৩১.২১ ॥

ইত্যেবমুক্তেঽপি তদা যজ্ঞমূর্ত্তেরজস্য চ ।
নাজ্ঞানমগমন্নাশমীশ্বরস্যৈব মায়যা ॥ ৩১.২২ ॥

তদন্তরে মহাজ্যোতির্বিরিঞ্চো বিশ্বভাবনঃ ।
প্রাপশ্যদদ্ভুতং দিব্যং পূরয়ন্ গগনান্তরম্ ॥ ৩১.২৩ ॥

তন্মধ্যসংস্থং বিমলং মণ্ডলং তেজসোজ্জ্বলম্ ।
ব্যোমমধ্যগতং দিব্যং প্রাদুরাসীদ্ দ্বিজোত্তমাঃ ॥ ৩১.২৪ ॥

স দৃষ্ট্বা বদনং দিব্যং মূর্ধ্নি লোকপিতামহঃ ।
তৈজসং মণ্জলং ঘোরমালোকয়দনিন্দিতম্ ॥ ৩১.২৫ ॥

প্রজজ্বালাতিকোপেন ব্রহ্মণঃ পঞ্চমং শিরঃ ।
ক্ষণাদপশ্যত মহান্ পুরুষো নীললোহিতঃ ॥ ৩১.২৬ ॥

ত্রিশূলপিঙ্গলো দেবো নাগয়জ্ঞোপবীতবান্ ।
তং প্রাহ ভগবান্ ব্রহ্মা শংকরং নীললোহিতম্ ॥ ৩১.২৭ ॥

জানামি ভগবান্ পূর্বং ললাটাদদ্য শংকরম্ ।
প্রাদুর্ভূতং মহেশানং মামতঃ শরণং ব্রজ ॥ ৩১.২৮ ॥

শ্রুৎবা সগর্ববচনং পদ্ময়োনেরথেশ্বরঃ ।
প্রাহিণোৎ পুরুষং কালং ভৈরবং লোকদাহকম্ ॥ ৩১.২৯ ॥

স কৃৎবা সুমহদ্ যুদ্ধং ব্রহ্মণা কালভৈরবঃ ।
চকর্ত্ত তস্য বদনং বিরিঞ্চস্যাথ পঞ্চমম্ ॥ ৩১.৩০ ॥

নিকৃত্তবদনো দেবো ব্রহ্মা দেবেন শংভুনা ।
মমার চেশো যোগেন জীবিতং প্রাপ বিশ্বসৃক্ ॥ ৩১.৩১ ॥

অথান্বপশ্যদ্ গিরিশং মণ্ডলান্তরসংস্থিতম্ ।
সমাসীনং মহাদেব্যা মহাদেবং সনাতনম্ ॥ ৩১.৩২ ॥

ভুজঙ্গরাজবলয়ং চন্দ্রাবয়বভূষণম্ ।
কোটিসূর্যপ্রতীকাশং জটাজূটবিরাজিতম্ ॥ ৩১.৩৩ ॥

শার্দূলচর্মবসনং দিব্যমালাসমন্বিতম্ ।
ত্রিশূলপাণিং দুষ্প্রেক্ষ্যং যোগিনং ভূতিভূষণম্ ॥ ৩১.৩৪ ॥

যমন্তরা যোগনিষ্ঠাঃ প্রপশ্যন্তি হৃদীশ্বরম্ ।
তমাদিমেকং ব্রহ্মাণং মহাদেবং দদর্শ হ ॥ ৩১.৩৫ ॥

যস্য সা পরমা দেবী শক্তিরাকাশসংস্থিতা ।
সোঽনন্তৈশ্বর্যযোগাত্মা মহেশো দৃশ্যতে কিল ॥ ৩১.৩৬ ॥

যস্যাশেষজগদ্ বীজং বিলয়ং যাতি মোহনম্ ।
সকৃৎপ্রণামমাত্রেণ স রুদ্রঃ খলু দৃশ্যতে ॥ ৩১.৩৭ ॥

যোঽথ নাচারনিরতাস্তদ্ভক্তানেব কেবলম্ ।
বিমোচয়তি লোকাত্মা নায়কো দৃশ্যতে কিল ॥ ৩১.৩৮ ॥

যস্য ব্রহ্মাদয়ো দেবা ঋষয়ো ব্রহ্মবাদিনঃ ।
অর্চয়ন্তি সদা লিঙ্গং বিশ্বেশঃ খলু দৃশ্যতে ॥ ৩১.৩৯ ॥

যস্যাশেষজগৎসূতিঃ বিজ্ঞানতনুরীশ্বরঃ ।
ন মুঞ্চতি সদা পার্শ্বং শংকরোঽসৌ চ দৃশ্যতে ॥৩১.৪০ ॥

বিদ্যাসহায়ো ভগবান্ যস্যাসৌ মণ্ডলান্তরম্ ।
হিরণ্যগর্ভপুত্রোঽসাবীশ্বরো দৃশ্যতে পরঃ ॥৩১.৪১ ॥

পুষ্পং বা যদি বা পত্রং যৎপাদয়ুগলে জলম্ ।
দত্ত্বা তরতি সংসারং রুদ্রোঽসৌ দৃশ্যতে কিল ॥ ৩১.৪২ ॥

তৎসন্নিধানে সকলং নিয়চ্ছতি সনাতনঃ ।
কালং কিল স যোগাত্মা কালকালো হি দৃশ্যতে ॥ ৩১.৪৩ ॥

জীবনং সর্বলোকানাং ত্রিলোকস্যৈব ভূষণম্ ।
সোমঃ স দৃশ্যতে দেবঃ সোমো যস্য বিভূষণম্ ॥ ৩১.৪৪ ॥

দেব্যা সহ সদা সাক্ষাদ্ যস্য যোগঃ স্বভাবতঃ ।
গীয়তে পরমা মুক্তিঃ মহাদেবঃ স দৃশ্যতে ॥ ৩১.৪৫ ॥

যোগিনো যোগতত্ত্বজ্ঞা বিয়োগাভিমুখোঽনিশম্ ।
যোগং ধ্যায়ন্তি দেব্যাঽসৌ স যোগী দৃশ্যতে কিল ॥ ৩১.৪৬ ॥

সোঽনুবীক্ষ্য মহাদেবং মহাদেব্যা সনাতনম্ ।
বরাসনে সমাসীনমবাপ পরমাং স্মৃতিম্ ॥ ৩১.৪৭ ॥

লব্ধ্বা মাহেশ্বরীং দিব্যাং সংস্মৃতিং ভগবানজঃ ।
তোষয়ামাস বরদং সোমং সোমবিভূষণম্ ॥ ৩১.৪৮ ॥

ব্রহ্মোবাচ ।
নমো দেবায় মহতে মহাদেব্যৈ নমো নমঃ ।
নমঃ শিবায় শান্তায় শিবায়ৈ সততং নমঃ ॥ ৩১.৪৯ ॥

ওং নমো ব্রহ্মণে তুভ্যং বিদ্যায়ৈ তে নমো নমঃ ।
মূলপ্রকৃতয়ে তুভ্যং মহেশায় নমো নমঃ ॥ ৩১.৫০ ॥

নমো বিজ্ঞানদেহায় চিন্তায়ৈ তে নমো নমঃ ।
নমোঽস্তু কালকালায় ঈশ্বরায়ৈ নমো নমঃ ॥ ৩১.৫১ ॥

নমো নমোঽস্তু রুদ্রায় রুদ্রাণ্যৈ তে নমো নমঃ ।
নমো নমস্তে কামায় মায়ায়ৈ চ নমো নমঃ ॥ ৩১.৫২ ॥

নিয়ন্ত্রে সর্বকার্যাণাং ক্ষোভিকায়ৈ নমো নমঃ ।
নমোঽস্তু তে প্রকৃতয়ে নমো নারায়ণায় চ ॥ ৩১.৫৩ ॥

যোগাদায় নমস্তুভ্যং যোগিনাং গুরবে নমঃ ।
নমঃ সংসারনাশায় সংসারোৎপত্তয়ে নমঃ ॥ ৩১.৫৬ ॥

নিত্যানন্দায় বিভবে নমোঽস্ত্বানন্দমূর্ত্তয়ে ।
নমঃ কার্যবিহীনায় বিশ্বপ্রকৃতয়ে নমঃ ॥ ৩১.৫৭ ॥

ওংকারমূর্ত্তয়ে তুভ্যং তদন্তঃ সংস্থিতায় চ ।
নমস্তে ব্যোমসংস্থায় ব্যোমশক্ত্যৈ নমো নমঃ ॥ ৩১.৫৮ ॥

ইতি সোমাষ্টকেনেশং প্রণিপত্য পিতামহঃ ।
পপাত দণ্ডবদ্ ভূমৌ গৃণন্ বৈ শতরুদ্রিয়ম্ ॥ ৩১.৫৯ ॥

অথ দেবো মহাদেবঃ প্রণতার্তিহরো হরঃ ।
প্রোবাচোত্থাপ্য হস্তাভ্যাং প্রীতোঽস্মি তব সাংপ্রতম্ ॥ ৩১.৬০ ॥

দত্ত্বাঽস্মৈ পরমং যোগমৈশ্বর্যমতুলং মহৎ ।
প্রোবাচান্তে স্থিতং দেবং নীললোহিতমীশ্বরম্ ॥ ৩১.৫৯ ॥

এষ ব্রহ্মাঽস্য জগতঃ সম্পূজ্যঃ প্রথমঃ স্থিতঃ ।
আত্মনা রক্ষণীয়স্তে গুরুর্জ্যেষ্ঠঃ পিতা তব ॥ ৩১.৬০ ॥

অয়ং পুরাণপুরুষো ন হন্তব্যস্ত্বয়াঽনঘ ।
স্বয়োগৈশ্বর্যমাহাত্ম্যান্মামেব শরণং গতঃ ॥ ৩১.৬১ ॥

অয়ং চ যজ্ঞো ভগবান্ সগর্বো ভবতাঽনঘ ।
শাসিতব্যো বিরিঞ্চস্য ধারণীয়ং শিরস্ত্বয়া ॥ ৩১.৬২ ॥

ব্রহ্মহত্যাপনোদার্থং ব্রতং লোকে প্রদর্শয়ন্ ।
চরস্ব সততং ভিক্ষাং সংস্থাপয় সুরদ্বিজান্ ॥ ৩১.৬৩ ॥

ইত্যেতদুক্ত্বা বচনং ভগবান্ পরমেশ্বরম্ ।
স্থানং স্বাভাবিকং দিব্যং যয়ৌ তৎপরমং পদম্ ॥ ৩১.৬৪ ॥

ততঃ স ভগবানীশঃ কপর্দী নীললোহিতঃ ।
গ্রাহয়ামাস বদনং ব্রহ্মণঃ কালভৈরবম্ ॥ ৩১.৬৫ ॥

চর ৎবং পাপনাশার্থং ব্রতং লোকহিতাবহম্ ।
কপালহস্তো ভগবান্ ভিক্ষাং গৃহ্ণাতু সর্বতঃ ॥ ৩১.৬৬ ॥

উক্ত্বৈবং প্রাহিণোৎ কন্যাং ব্রহ্মহত্যেতি বিশ্রুতাম্ ।
দংষ্ট্রাকরালবদনাং জ্বালামালাবিভূষণাম্ ॥ ৩১.৬৭ ॥

যাবদ্ বারাণসীং দিব্যাং পুরীমেষ গমিষ্যতি ।
তাবৎ বিভীষণাকারা হ্যনুগচ্ছ ত্রিশূলি৮ম্ ॥ ৩১.৬৮ ॥

এবমাভাষ্য কালাগ্নিং প্রাহ দেবো মহেশ্বরম্ ।
অটস্ব নিখিলং লোকং ভিক্ষার্থী মন্নিয়োগতঃ ॥ ৩১.৬৯ ॥

যদা দ্রক্ষ্যসি দেবেশং নারায়ণমনাময়ম্ ।
তদাঽসৌ বক্ষ্যতি স্পষ্টমুপায়ং পাপশোধনম্ ॥ ৩১.৭০ ॥

স দেবদেবতাবাক্যমাকর্ণ্য ভগবান্ হরঃ ।
কপালপাণির্বিশ্বাত্মা চচার ভুবনত্রয়ম্ ॥ ৩১.৭১ ॥

আস্থায় বিকৃতং বেষং দীপ্যমানং স্বতেজসা ।
শ্রীমৎ পবিত্রং রুচিরং লেচনত্রয়সংয়ুতং ৩১.৭২ ॥

কোটিসূর্যপ্রতীকাশৈঃ প্রমথৈশ্চাতিগর্বিতৈঃ ।
ভাতি কালাগ্নিনয়নো মহাদেবঃ সমাবৃতঃ ॥ ৩১.৭৩ ॥

পীৎবা তদমৃতং দিব্যমানন্দং পরমেষ্ঠিনঃ ।
লীলাবিলাসূবহুলো লোকানাগচ্ছতীশ্বরঃ ॥ ৩১.৭৪ ॥

তং দৃষ্ট্বা কালবদনং শংকরং কালভৈরবম্ ।
রূপলাবণ্যসম্পন্নং নারীকুলমগাদনু ॥ ৩১.৭৫ ॥

গায়ন্তি বিবিধং গীতং নৃত্যন্তি পুরতঃ প্রভোঃ ।
সস্মিতং প্রেক্ষ্য বদনং চক্রুর্ভ্রূভঙ্গমেব চ ॥ ৩১.৭৬ ॥

স দেবদানবাদীনাং দেশানভ্যেত্য শূলধৃক্ ।
জগাম বিষ্ণোর্ভবনং যত্রাস্তে মধুসূদনঃ ॥ ৩১.৭৭ ॥

নিরীক্ষ্য দিব্যভবনং শংকরো লোকশংকরঃ ।
সহৈব ভূতপ্রবরৈঃ প্রবেষ্টুমুপচক্রমে ॥ ৩১.৭৮ ॥

অবিজ্ঞায় পরং ভাবং দিব্যং তৎপারমেশ্বরম্ ।
ন্যবারয়ৎ ত্রিশূলাঙ্কং দ্বারপালো মহাবলঃ ॥ ৩১.৭৯ ॥

শঙ্খচক্রগদাপাণিঃ পীতবাসা মহাভুজঃ ।
বিষ্বক্সেন ইতি খ্যাতো বিষ্ণোরংশসমুদ্ভবঃ ॥ ৩১.৮০ ॥

(অথৈনং শংকরগণং যুয়ুধে বিষ্ণুসংভবঃ ।
ভীষণো ভৈরবাদেশাৎ কালবেগ ইতি শ্রুতঃ ) ॥

বিজিত্য তং কালবেগং ক্রোধসংরক্তলোচনঃ ।
দুদ্রাবাভিমুখং রুদ্রং চিক্ষেপ চ সুদর্শনম্ ॥ ৩১.৮১ ॥

অথ দেবো মহাদেবস্ত্রিপুরারিস্ত্রিশূলভৃৎ ।
তমাপতন্তং সাবজ্ঞমালোকয়দমিত্রজিৎ ॥ ৩১.৮২ ॥

তদন্তরে মহদ্ভূতং যুগান্তদহনোপমম্ ।
শূলেনোরসি নির্ভিদ্য পাতয়ামাস তং ভুবি ॥ ৩১.৮৩ ॥

স শূলাভিহতোঽত্যর্থং ত্যক্ত্বা স্বং পরমং বলম্ ।
তত্যাজ জীবিতং দৃষ্ট্বা মৃত্যুং ব্যাধিহতা ইব ॥ ৩১.৮৪ ॥

নিহত্য বিষ্ণুপুরুষং সার্ধং প্রমথপুংগবৈঃ ।
বিবেশ চান্তরগৃহং সমাদায় কলেবরম্ ॥ ৩১.৮৫ ॥

নিরীক্ষ্য জগতো হেতুমীশ্বরং ভগবান্ হরিঃ ।
শিরো ললাটাৎ সংভিদ্য রক্তধারামপাতয়ৎ ॥ ৩১.৮৬ ॥

গৃহাণ ভগবন্ ভিক্ষাং মদীয়ামমিতদ্যুতে ।
ন বিদ্যতেঽন্যা হ্যুচিতা তব ত্রিপুরমর্দন ॥ ৩১.৮৭ ॥

ন সম্পূর্ণং কপালং তদ্ ব্রহ্মণঃ পরমেষ্ঠিনঃ ।
দিব্যং বর্ষসহস্রং তু সা চ ধারা প্রবাহিতা ॥ ৩১.৮৮ ॥

অথাব্রবীৎ কালরুদ্রং হরির্নারায়ণঃ প্রভুঃ ।
সংস্তূয় বৈদিকৈর্মন্ত্রৈর্বহুমানপুরঃ সরম্ ॥ ৩১.৮৯ ॥

কিমর্থমেতদ্ বদনং ব্রহ্মণো ভবতা ধৃতম্ ।
প্রোবাচ বৃত্তমখিলং ভগবান্ পরমেশ্বরঃ ॥ ৩১.৯০ ॥

সমাহূয় হৃষীকেশো ব্রহ্মহত্যামথাচ্যুতঃ ।
প্রার্থয়ামাস দেবেশো বিমুঞ্চেতি ত্রিশূলিনম্ ॥ ৩১.৯১ ॥

ন তত্যাজাথ সা পার্শ্বং ব্যাহৃতাঽপি মুরারিণা ।
চিরং ধ্যাৎবা জগদ্যোনিং শংকরং প্রাহ সর্ববিৎ ॥ ৩১.৯২ ॥

ব্রজস্ব ভগবন্ দিব্যাং পুরীং বারাণসীং শুভাম্ ।
যত্রাখিলজগদ্দোষাৎ ক্ষিপ্রং নাশয়তীশ্বরঃ ॥ ৩১.৯৩ ॥

ততঃ সর্বাণি ভূতানি তীর্থান্যায়তনানি চ ।
জগাম লীলয়া দেবো লোকানাং হিতকাম্যযা ॥ ৩১.৯৪ ॥

সংস্তূয়মানঃ প্রমথৈর্মহায়োগৈরিতস্ততঃ ।
নৃত্যমানো মহায়োগী হস্তন্যস্তকলেবরঃ ॥ ৩১.৯৫ ॥

তমভ্যধাবদ্ ভগবান্ হরির্নারায়ণঃ প্রভুঃ ।
অথাস্থায়াপরং রূপং নৃত্যদর্শনলালসঃ ॥ ৩১.৯৬ ॥

নিরীক্ষমাণো নোবিন্দং বৃষেন্দ্রাঙ্কিতশাসনঃ ।
সস্মিতোঽনন্তয়োগাত্মা নৃত্যতি স্ম পুনঃ পুনঃ ॥ ৩১.৯৭ ॥

অথ সানুচরো রুদ্রঃ সহরির্ধর্মবাহনঃ ।
ভেজে মহাদেবপুরীং বারাণসীতি বিশ্রুতাম্ ॥ ৩১.৯৮ ॥

প্রবিষ্টমাত্রে দেবেশে ব্রহ্মহত্যা কপর্দিনি ।
হা হেত্যুক্ত্বা সনাদং বৈ পাতালং প্রাপ দুঃখিতা ॥ ৩১.৯৯ ॥

প্রবিশ্য পরমং স্থানং কপালং ব্রহ্মণো হরঃ ।
গণানামগ্রতো দেবঃ স্থাপয়ামাস শংকরঃ ॥ ৩১.১০০ ॥

স্থাপয়িৎবা মহাদেবো দদৌ তচ্চ কলেবরম্ ।
উক্ত্বা সজীবমস্ত্বিতি বিষ্ণবেঽসৌ ঘৃণানিধিঃ ॥ ৩১.১০১ ॥

যে স্মরন্তি মমাজস্রং কাপালং বেষমুত্তমম্ ।
তেষাং বিনশ্যতি ক্ষিপ্রমিহামুত্র চ পাতকম্ ॥ ৩১.১০২ ॥

আগম্য তীর্থপ্রবরে স্নানং কৃৎবা বিধানতঃ ।
তর্পয়িৎবা পিতৄন্ দেবান্ মুচ্যতে ব্রহ্মহত্যযা ॥ ৩১.১০৩ ॥

অশাশ্বতং জগজ্জ্ঞাৎবা যেঽস্মিন্ স্থানে বসন্তি বৈ ।
দেহান্তে তৎ পরং জ্ঞানং দদামি পরমং পদম্ ॥ ৩১.১০৪ ॥

ইতীদমুক্ত্বা ভগবান্ সমালিঙ্গ্য জনার্দনম্ ।
সহৈব প্রমথেশানৈঃ ক্ষণাদন্তরধীয়ত ॥ ৩১.১০৫ ॥

স লব্ধ্বা ভগবান্ কৃষ্ণো বিষ্বক্সেনং ত্রিশূলিনঃ ।
স্বংদেশমগৎ তূষ্ণীং গৃহীৎবা পরমং বুধঃ ॥ ৩১.১০৬ ॥

এতদ্ বঃ কথিতং পুণ্যং মহাপাতকনাশনম্ ।
কপালমোচনং তীর্থং স্থাণোঃ প্রিয়করং শুভম্ ॥ ৩১.১০৭ ॥

য ইমং পঠতেঽধ্যায়ং ব্রাহ্মণানাং সমীপতঃ ।
বাচিকৈর্মানসৈঃ পাপৈঃ কায়িকৈশ্চ বিমুচ্যতে ॥ ৩১.১০৮ ॥

তি শ্রীকূর্মপারাণে ষট্সাহস্ত্র্যাং সংহিতায়ামুপরিবিভাগে
একত্রিশোঽধ্যায়ঃ ॥৩১ ॥

কূর্মপুরাণএ উত্তরভাগে দ্বাত্রিংশত্তমোঽধ্যায়ঃ

ব্যাস উবাচ ।
সুরাপস্তু সুরাং তপ্তামগ্নিবর্ণাং স্বয়ং পিবেৎ ।
তয়া স কায়ে নির্দগ্ধে মুচ্যতে তু দ্বিজোত্তমঃ ॥ ৩২.১ ॥

গোমূত্রমগ্নিবর্ণং বা গোশকৃদ্রসমেব বা ।
পয়ো ঘৃতং জলং বাঽথ মুচ্যতে পাতকাৎ ততঃ ॥ ৩২.২ ॥

জলার্দ্রবাসাঃ প্রয়তো ধ্যাৎবা নারায়ণং হরিম্ ।
ব্রহ্মহত্যাব্রতং চাথ চরেৎ পাপপ্রশান্তয়ে ॥ ৩২.৩ ॥

সুবর্ণস্তেয়কৃদ্ বিপ্রো রাজানমভিগম্য তু ।
স্বকর্ম খ্যাপয়ন্ ব্রূয়ান্মা ভবাননুশাস্ত্বিতি ॥ ৩২.৪ ॥

গৃহীৎবা মুসলং রাজা সকৃদ্ হন্যাৎ ততঃ স্বয়ম্ ।
বধে তু শুদ্ধ্যতে স্তেনো ব্রাহ্মণস্তপসাথবা ॥ ৩২.৫ ॥

স্কন্ধেনাদায় মুসলং লকুডং বাঽপি খাদিরম্ ।
শক্তিংচাদায়তীক্ষ্ণাগ্রামায়সং দণ্ডমেব বা ॥ ৩২.৬ ॥

রাজা তেন চ গন্তব্যো মুক্তকেশেন ধাবতা ।
আচক্ষাণেন তৎপাপমেবংকর্মাঽস্মি শাধি মাম্ ॥ ৩২.৭ ॥

শাসনাদ্ বা বিমোক্ষাদ্ বা স্তেনঃ স্তেয়াদ্ বিমুচ্যতে ।
অশাসিৎবা তু তং রাজাস্তেনস্যাপ্নোতি কিল্বিষম্ ॥ ৩২.৮ ॥

তপসাপনোতুমিচ্ছস্তু সুবর্ণস্তেয়জং মলম্ ।
চীরবাসা দ্বিজোঽরণ্যে চরেদ্ ব্রহ্মহণো ব্রতম্ ॥ ৩২.৯ ॥

স্নাৎবাঽশ্বমেধাবভৃথে পূতঃ স্যাদথবা দ্বিজঃ ।
প্রদদ্যাদ্ বাঽথ বিপ্রেভ্যঃ স্বাত্মতুল্যং হিরণ্যকম্ ॥ ৩২.১০ ॥

চরেদ্ বা বৎসরং কৃচ্ছ্রং ব্রহ্মচর্যপরায়ণঃ ।
ব্রাহ্মণঃ স্বর্ণহারী তু তৎপাপস্যাপনুত্তয়ে ॥ ৩২.১১ ॥

গুরোর্ভার্যাং সমারুহ্য ব্রাহ্মণঃ কামমোহিতঃ ।
অবগূহেৎ স্ত্রিয়ং তপ্তাং দীপ্তাং কার্ষ্ণায়সীং কৃতাম্ ॥ ৩২.১২ ॥

স্বয়ং বা শিশ্নবৃষণাবুৎকৃত্যাধায় চাঞ্চলৌ ।
আতিষ্ঠেদ্ দক্ষিণামাশামানিপাতাদজিহ্মগঃ ॥ ৩২.১৩ ॥

গুর্বহ্গনাগমঃ শুদ্ধ্যৈ চরেদ্ বা ব্রহ্মহণো ব্রতম্ ।
শাখাং বা কণ্টকোপেতাং পরিষ্বজ্যাথ বৎসরম্ ॥ ৩২.১৪ ॥

অধঃ শয়ীত নিয়তো মুচ্যতে গুরুতল্পগঃ ।
কৃচ্ছ্রং বাব্দং চরেদ্ বিপ্রশ্চীরবাসাঃ সমাহিতঃ ॥ ৩২.১৫ ॥

অশ্বমেধাবভৃথকে স্নাৎবা বা শুদ্ধ্যতে নরঃ ।
কালেঽষ্টমে বা ভুঞ্জানো ব্রহ্মচারী সদাব্রতী ॥ ৩২.১৬ ॥

স্থানাশনাভ্যাং বিহরংস্ত্রিরহ্নোঽভ্যুপয়ত্নতঃ ।
অধঃ শায়ী ত্রিভির্বর্ষৈস্তদ্ ব্যপোহতি পাতকম্ ॥ ৩২.১৭ ॥

চান্দ্রায়ণানি বা কুর্যাৎ পঞ্চ চৎবারি বা পুনঃ ।
পতিতৈঃ সম্প্রয়ুক্তাত্মা অথ বক্ষ্যামি নিষ্কৃতিম্ ॥ ৩২.১৮ ॥

পতিতেন তু সংসর্গং যো যেন কুরুতে দ্বিজঃ ।
স তৎপাপাপনোদার্থং তস্যৈব ব্রতমাচরেৎ ॥ ৩২.১৯ ॥

তপ্তকৃচ্ছ্রং চরেদ্ বাঽথ সংবৎসরমতন্দ্রিতঃ ।
ষাণ্মাসিকে তু সংসর্গে প্রায়শ্চিত্তার্থংমাচরেৎ ॥ ৩২.২০ ॥

এভির্ব্রতৈরপোহন্তি মহাপাতকিনো মলম্ ।
পুণ্যতীর্থাভিগমনাৎ পৃথিব্যাং বাঽথ নিষ্কৃতিঃ ॥ ৩২.২১ ॥

ব্রহ্মহত্যা সুরাপানং স্তেয়ং গুর্বঙ্গনাগমঃ ।
কৃৎবা তৈশ্চাপি সংসর্গং ব্রাহ্মণঃ কামকারতঃ ॥ ৩২.২২ ॥

কুর্যাদনশনং বিপ্রঃ পুণ্যতীর্থে সমাহিতঃ ।
জ্বলন্তং বা বিশেদগ্নিং ধ্যাৎবা দেবং কপর্দিনম্ ॥ ৩২.২৩ ॥

ন হ্যন্যা নিষ্কৃতির্দৃষ্টা মুনিভির্ধর্মবাদিভিঃ ।
তস্মাৎ পুণ্যেষু তীর্থেষু দহন্বাপি স্বদেহকম্ ॥ ৩২.২৪ ॥

ইতি শ্রী কূর্মপুরাণে দ্বাত্রিংশোঽধ্যায়ঃ ॥৩২ ॥

কূর্মপুরাণএ উত্তরভাগে ত্রয়স্ত্রিংশত্তমোঽধ্যায়ঃ

গৎবা দুহিতরং বিপ্রঃ স্বসারং বা স্নুষামপি ।
প্রবিশেজ্জ্বলনং দীপ্তং মতিপূর্বমিতি স্থিতিঃ ॥ ৩৩.১ ॥

মাতৃষ্বসাং মাতুলানীং তথৈব চ পিতৃষ্বসাম্ ।
ভাগিনেয়ীং সমারুহ্য কুর্যাৎ কৃচ্ছ্রাতিকৃচ্ছ্রকৌ ॥ ৩৩.২ ॥

চান্দ্রায়ণং চ কুর্বীত তস্য পাপস্য শান্তয়ে ।
ধ্যায়ন্ দেবং জগদ্যোনিমনাদিনিধনং পরম্ ॥ ৩৩.৩ ॥

ভ্রাতৃভার্যাং সমারুহ্য কুর্যাৎ তৎপাপশান্তয়ে ।
চান্দ্রায়ণানি চৎবারি পঞ্চ বা সুসমাহিতঃ ॥ ৩৩.৪ ॥

পৈতৃষ্বস্ত্রেয়ীং গৎবা তু স্বস্ত্রীয়াং মাতুরেব চ ।
মাতুলস্য সুতাং বাঽপি গৎবা চান্দ্রায়ণং চরেৎ ॥ ৩৩.৫ ॥

সখিভার্যাং সমারুহ্য গৎবা শ্যালীং তথৈব চ ।
অহোরাত্রোষিতো ভূৎবা ততঃ কৃচ্ছ্রং সমাচরেৎ ॥ ৩৩.৬ ॥

উদক্যাগমনে বিপ্রস্ত্রিরাত্রেণ বিশুধ্যতি ।
চাণ্ডালীগমনে চৈব তপ্তকৃচ্ছ্রত্রয়ং বিদুঃ ॥ ৩৩.৭ ॥

শুদ্ধি সাংতপনেনাস্যান্নান্যথা নিষ্কৃতিঃ স্মৃতা ।
মাতৃগোত্রাং সমারুহ্য সমানপ্রবরাং তথা ॥ ৩৩.৮ ॥

চাদ্রায়ণেন শুধ্যেত প্রয়তাত্মা সমাহিতঃ ।
ব্রাহ্মণো ব্রাহ্মণীং গৎবা গৃচ্ছ্রমেকং সমাচরেৎ ॥ ৩৩.৯ ॥

কন্যকান্ দূষয়িৎবা তু চরেচ্চান্দ্রায়ণব্রতম্ ।
অমানুষীষু পুরুষ উদক্যায়াময়োনিষু ॥ ৩৩.১০ ॥

রেতঃ সিক্ত্বা জলে চৈব কৃচ্ছ্রং সান্তপনং চরেৎ ।
বার্দ্ধিকীগমনে বিপ্রস্ত্রিরাত্রেণ বিশুদ্ধ্যতি ॥ ৩৩.১১ ॥

গবি মৈথুনমাসেব্য চরেচ্চান্দ্রায়ণব্রতম্ ।
বেশ্যায়াং মৈথুনং কৃৎবা প্রাজাপত্যং চরেদ্ দ্বিজঃ ॥ ৩৩.১২ ॥

পতিতাং চ স্ত্রিয়ং গৎবা ত্রিভিঃ কৃচ্ছ্রৈর্বিশুদ্ধ্যতি ।
পুল্কসীগমনে চৈব ক্রচ্ছ্রং চান্দ্রায়ণং চরেৎ ॥ ৩৩.১৩ ॥

নটীং শৈলূষকীং চৈব রজকীং বেণুজীবিনীম্ ।
গৎবা চান্দ্রায়ণং কুর্যাৎ তথা চর্মোপজীবিনীম্ ॥ ৩৩.১৪ ॥

ব্রহমচারী স্ত্রিয়ং গচ্ছেৎ কথঞ্চিৎকামমোহিতঃ ।
সপ্তাগারং চরেদ্ ভৈক্ষং বসিৎবা গর্দভাজিনম্ ॥ ৩৩.১৫ ॥

উপস্পৃশেৎ ত্রিষবণং স্বপাপং পরিকীর্ত্তয়ন্ ।
সংবৎসরেণ চৈকেন তস্মাৎ পাপাৎ প্রমুচ্যতে ॥ ৩৩.১৬ ॥

ব্রহ্মহত্যাব্রতশ্চাপি ষণ্মাসানাচরেদ্ যমী ।
মুচ্যতে হ্যবকীর্ণী তু ব্রাহ্মণানুমতে স্থিতঃ ॥ ৩৩.১৭ ॥

সপ্তরাত্রমকৃৎবা তু ভৈক্ষচর্যাগ্নিপূজনম্ ।
রেতসশ্চ সমুৎসর্গে প্রায়শ্চিত্তং সমাচরেৎ ॥ ৩৩.১৮ ॥

ওংকারপূর্বিকাভিস্তু মহাব্যাহৃতিভিঃ সদা ।
সংবৎসরং তু ভুঞ্জানো নক্তং ভিক্ষাশনঃ শুচিঃ ॥ ৩৩.১৯ ॥

সাবিত্রীং চ জপেচ্চৈব নিত্যং ক্রোধবিবর্জিতঃ ।
নদীতীরেষু তীর্থেষু তস্মাৎ পাপাদ্ বিমুচ্যতে ॥ ৩৩.২০ ॥

হৎবা তু ক্ষত্রিয়ং বিপ্রঃ কুর্যাদ্ ব্রহ্মহণো ব্রতম্ ।
অকামতো বৈ ষণ্মাসান্ দদ্যান্ পঞ্চশতং গবাম্ ॥ ৩৩.২১ ॥

অব্দং চরেদ্যানয়তো বনবাসী সমাহিতঃ ।
প্রাজাপত্যং সান্তপনং তপ্তকৃচ্ছ্রং তু বা স্বয়ম্ ॥ ৩৩.২২ ॥

প্রমাদাৎকামতো বৈশ্যং কুর্যাৎ সংবৎসরত্রয়ম্ ।
গোসহস্রন্তু পাদং চ দদ্যাদ্ ব্রহ্মহণো ব্রতম্ ॥ ৩৩.২৩ ॥

কৃচ্ছ্রাতিকৃচ্ছ্রৌ বা কুর্যাচ্চান্দ্রায়ণমথাবি বা ।
সংবৎসরং ব্রতং কুর্যাচ্ছূদ্রং হৎবা প্রমাদতঃ ॥ ৩৩.২৪ ॥

গোসহস্রার্দ্ধপাদং চ দদ্যাৎ তৎপাপশান্তয়ে ।
অষ্টৌ বর্ষাণি বা ত্রীণি কুর্যাদ্ ব্রহ্মহণো ব্রতম্ ।
হৎবা তু ক্ষত্রিয়ং বৈশ্যং শূদ্রং চৈব যথাক্রমম্ ॥ ৩৩.২৫ ॥

নিহত্য ব্রাহ্মণীং বিপ্রস্ত্বষ্টবর্ষং ব্রতং চরেৎ ।
রাজন্যাং বর্ষষট্কং তু বৈশ্যাং সংবৎসরত্রয়ম্ ॥ ৩৩.২৬ ॥

বৎসরেণ বিশুদ্ধ্যেত শূদীং হৎবা দ্বিজোত্তমঃ ।
বৈশ্যাং হৎবা দ্বিজাতিস্তু কিঞ্চিদ্ দদ্যাদ্ দ্বিজাতয়ে ॥ ৩৩.২৭ ॥

অন্ত্যজানাং বধে চৈব কুর্যাচ্চান্দ্রায়ণং ব্রতম্ ।
পরাকেণাথবা শুদ্ধিরিত্যাহ ভগবানজঃ ॥ ৩৩.২৮ ॥

মণ্ডূকং নকুলং কাকং বিডালং খরমূষকৌ ।
শ্বানং হৎবা দ্বিজঃ কুর্যাৎ ষোডশাংশং ব্রতং ততঃ ॥ ৩৩.২৯ ॥

পয়ঃ পিবেৎ ত্রিরাত্রং তু শ্বানং হৎবা হ্যযন্ত্রিতঃ ।
মার্জারং বাঽথ নকুলং যোজনং বাধ্বনো ব্রজেৎ ॥ ৩৩.৩০ ॥

কৃচ্ছ্রং দ্বাদশরাত্রং তু কুর্যাদশ্ববধে দ্বিজঃ ।
অর্চ্চাং কার্ষ্ণায়সীং দদ্যাৎ সর্পং হৎবা দ্বিজোত্তমঃ ॥ ৩৩.৩১ ॥

পলালভারকং ষণ্ডে সীসকং চৈকমাষকম্ ।
ধৃতকুম্ভং বরাহে তু তিলদ্রোণং চ তিত্তিরে ॥ ৩৩.৩২ ॥

শুকং দ্বিহায়নং বৎসং ক্রৌঞ্চং হৎবা ত্রিহায়নম্ ।
হৎবা হংসং বলাকাং চ বকং বর্হিণমেব চ ॥ ৩৩.৩৩ ॥

বানরং শ্যেনভাসৌ চ স্পর্শয়েদ্ ব্রাহ্মণায় গাম্ ।
ক্রব্যাদাংস্তু মৃগান্ হৎবা ধেনুং দদ্যাৎ পয়স্বিনীম্ ॥ ৩৩.৩৪ ॥

অক্রব্যাদান্ বৎসতরীমুষ্ট্রং হৎবা তু কৃষ্ণলম্ ।
কিঞ্চিদ্দেয়ন্তু বিপ্রায় দদ্যাদস্থিমতাং বধে ॥ ৩৩.৩৫ ॥

অনস্থ্নাং চৈব হিংসায়াং প্রাণায়ামেন শুধ্যতি ।
ফলদানাং তু বৃক্ষাণাং ছেদনে জপ্যমৃক্ষতম্ ॥ ৩৩.৩৬ ॥

গুল্মবল্লীলতানাং তু পুষ্পিতানাং চ বীরুধাম্ ।
অন্যেষাং চৈব বৃক্ষাণাং সরসানাং চ সর্বশঃ ॥৩৩.৩৭ ॥

ফলপুষ্পোদ্ভবানাং চ ঘৃতপ্রাশো বিশোধনম্ ।
হস্তিনাং চ বধে দৃষ্টং তপ্তকৃচ্ছ্রং বিশোধনম্ ॥ ৩৩.৩৮ ॥

চান্দ্রায়ণং পরাকং বা গাং হৎবা তু প্রমাদতঃ ।
মতিপূর্ববধে চাস্যাঃ প্রায়শ্চিত্তং ন বিদ্যতে ॥ ৩৩.৩৯ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
ত্রয়স্ত্রিংশোঽধ্যায়ঃ ॥৩৩ ॥

কূর্মপুরাণএ উত্তরভাগে চতুস্ত্রিংশত্তমোঽধ্যায়ঃ

ব্যাস উবাচ ।
মনুষ্যাণাং তু হরণং কৃৎবা স্ত্রীণাং গৃহস্য চ ।
বাপীকূপজলানাং চ শুধ্যেচ্চান্দ্রায়ণেন তু ॥ ৩৪.১ ॥

দ্রব্যাণামল্পসারাণাং স্তেয়ং কৃৎবাঽন্যবেশ্মনঃ ।
চরেৎ সাংতপনং কৃচ্ছ্রং তন্নির্যাত্যাত্মশুদ্ধয়ে ॥ ৩৪.২ ॥

ধান্যান্নধনচৌর্যং তু কৃৎবা কামাদ্ দ্বিজোত্তমঃ ।
স্বজাতীয়গৃহাদেব কৃচ্ছ্রার্দ্ধেন বিশুদ্ধ্যতি ॥ ৩৪.৩ ॥

ভক্ষ্যভোজ্যোপহরণে যানশয়্যাসনস্য চ ।
পুষ্পমূলফলানাং চ পঞ্চগব্যং বিশোধনম্ ॥ ৩৪.৪ ॥

তৃণকাষ্ঠদ্রুমাণাং চ শুষ্কান্নস্য গুডস্য চ ।
চৈলচর্মামিষাণাং চ ত্রিরাত্রং স্যাদভোজনম্ ॥ ৩৪.৫ ॥

মণিমুক্তাপ্রবালানাং তাম্রস্য রজতস্য চ ।
অয়ঃ স্কাংতোপলানাং চ দ্বাদশাহং কাণাশনম্ ॥ ৩৪.৬ ॥

কার্পাসকীটজোর্ণানাং দ্বিশফৈকশফস্য চ ।
পুষ্পগন্ধৌষধীনাং চ পিবেচ্চৈব ত্র্যহং পয়ঃ ॥ ৩৪.৭ ॥

নরমাংসাশনং কৃৎবা চান্দ্রায়ণমথাচরেৎ ।
কাকং চৈব তথা শ্বানং জগ্ধ্বা হস্তিনমেব চ ॥ ৩৪.৮ ॥

বরাহং কুক্কুটং চাথ তপ্তকৃচ্ছ্রেণ শুধ্যতি ।
ক্রব্যাদানাং চ মাংসানি পুরীষং মূত্রমেব চ ॥ ৩৪.৯ ॥

গোগোমায়ুকপীনাং চ তদেব ব্রতমাচরেৎ ।
শিশুমারং তথাচাষং মত্যমাংসং তথৈব চ ॥৩৪.১০ ॥

উপোষ্য দ্বাদশাহং তু কূষ্মাণ্ডৈর্জুহুয়াদ্ ঘৃতম্ ।
নকুলোলূকমার্জারং জগ্ধ্বা সাংতপনং চরেৎ ॥ ৩৪.১১ ॥

শ্বাপদোষ্ট্রখরাঞ্জগ্ধ্বা তপ্তকৃচ্ছ্রেণ শুদ্ধ্যতি ।
ব্রতবচ্চৈব সংস্কারং পূর্বেণ বিধিনৈব তু ॥ ৩৪.১২ ॥

বকং চৈব বলাকাঞ্চ হংসং কারণ্ডবং তথা ।
চক্রবাকপলং জগ্ঘ্বা দ্বাদশাহমভোজনম্ ॥ ৩৪.১৩ ॥

কপোতং টিট্টিভাঞ্চৈব শুকং সারসমেব চ ।
উলূকং জালপাদং চ জগ্ধ্বাঽপ্যেতদ্ ব্রতং চরেৎ ॥ ৩৪.১৪ ॥

শিশুমারং তথা চাষং মৎস্যমাংসং তথৈব চ ।
জগ্ধ্বা চৈব কটাহারমেতদেব চরেদ্ ব্রতম্ ॥ ৩৪.১৫ ॥

কোকিলং চৈব মৎস্যাংশ্চ মণ্ডুকং ভুজগং তথা ।
গোমূত্রয়াবকাহারো মাসেনৈকেন শুদ্ধ্যতি ॥ ৩৪.১৬ ॥

জলেচরাংশ্চ জলজান্ প্রণুদানথবিষ্কিরান্ ।
রক্তপাদাংস্তথা জগ্ধ্বা সপ্তাহং চৈতদাচরেৎ ॥ ৩৪.১৭ ॥

শুনো মাংসং শুষ্কমাংসমাত্মার্থং চ তথা কৃতম্ ।
ভুক্ত্বা মাসং চরেদেতৎ তৎপাপস্যাপনুত্তয়ে ॥ ৩৪.১৮ ॥

বৃন্তাকং ভুস্তৃণং শিগ্রুং কুভাণ্ডং করকং তথা ।
প্রাজাপত্যং চরেজ্জগ্ধ্বা খড্গং কুম্ভীকমেব চ ॥ ৩৪.১৯ ॥

পলাণ্ডুং লশুনং চৈব ভুক্ত্বা চান্দ্রায়ণং চরেৎ ।
নালিকাং তণ্ডুলীয়ং চ প্রাজাপত্যেন শুদ্ধ্যতি ॥ ৩৪.২০ ॥

অশ্মান্তকং তথা পোতং তপ্তকৃচ্ছ্রেণ শুদ্ধ্যতি ।
প্রাজাপত্যেন শুদ্ধিঃ স্যাৎ কুসুম্ভস্য চ ভক্ষণে ॥ ৩৪.২১ ॥

অলাবু কিংশুকং চৈব ভুক্ত্বা চৈতদ্ ব্রতং চরেৎ ।
উদুম্বরং চ কামেন তপ্তকৃচ্ছ্রেণ শুদ্ধ্যতি ॥

বৃথা কৃসরসংয়াবং পায়সাপূপসংকুলম্ ।
ভুক্ত্বা চৈবং বিধং ৎবন্নং ত্রিরাত্রেণ বিশুদ্ধ্যতি ॥

পীৎবা ক্ষীরাণ্যপেয়ানি ব্রহ্মচারী সমাহিতঃ ।
গোমূত্রয়াবকাহারো মাসেনৈকেন শুদ্ধ্যতি ॥

অনির্দশাহং গোক্ষীরং মাহিষং চাজমেব চ ।
সংধিন্যাশ্চ বিবৎসায়াঃ পিবন্ ক্ষীরমিদং চরেৎ ।
এতেষাং চ বিকারাণি পীৎবা মোহেন বা পুনঃ ॥ ৩৪.২২ ॥

গোমূত্রয়াবকাহারঃ সপ্তরাত্রেণ শুদ্ধ্যতি ।
ভুক্ত্বা চৈব নবশ্রাদ্ধে মৃতকে সূতকে তথা ॥ ৩৪.২৩ ॥

চান্দ্রায়ণেন শুদ্ধ্যেত ব্রাহ্মণস্তু সমাহিতঃ ।
যস্যাগ্নৌ হূয়তে নিত্যমন্নস্যাগ্রং ন দীয়তে ॥ ৩৪.২৪ ॥

চান্দ্রায়ণং চরেৎ সম্যক্ তস্যান্নপ্রাশনে দ্বিজঃ ।
অভোজ্যানাং তু সর্বেষাং ভুক্ত্বা চান্নমুপস্কৃতম্ ॥ ৩৪.২৫ ॥

অন্তাবসায়িনাং চৈব তপ্তকৃচ্ছ্রেণ শুদ্ধ্যতি ॥

চাণ্ডালান্নং দ্বিজো ভুক্ত্বা সম্যক্ চান্দ্রায়ণং চরেৎ ॥ ৩৪.২৬ ॥

বুদ্ধিপূর্বং তু কৃচ্ছ্রাব্দং পুনঃ সংস্কারমেব চ ।
অসুরামদ্যপানেন কুর্যাচ্চান্দ্রায়ণব্রতম্ ॥ ৩৪.২৭ ॥

অভোজ্যান্নং তু ভুক্ত্বা চ প্রাজাপত্যেন শুদ্ধ্যতি ।
বিণ্মূত্রপ্রাশনং কৃৎবা রেতসশ্চৈতদাচরেৎ ॥ ৩৪.২৮ ॥

অনাদিষ্টেষু চৈকাহং সর্বত্র তু যথার্থতঃ ।
বিড্বরাহখরোষ্ট্রাণাং গোমায়োঃ কপিকাকয়োঃ ॥ ৩৪.২৯ ॥

প্রাশ্য মূত্রপুরীষাণি দ্বিজশ্চান্দ্রায়ণং চরেৎ ।
অজ্ঞানাৎ প্রাশ্য বিণ্মূত্রং সুরাসংস্পৃষ্টমেব চ ॥ ৩৪.৩০ ॥

পুনঃ সংস্কারমর্হন্তি ত্রয়ো বর্ণা দ্বিজাতয়ঃ ।
ক্রব্যাদাং পক্ষিণাং চৈব প্রাশ্য মূত্রপুরীষকম্ ॥ ৩৪.৩১ ॥

মহাসাংতপনং মোহাৎ তথা কুর্যাদ্ দ্বিজোত্তমঃ ।
ভাসমণ্ডূককুররে বিষ্কিরে কৃচ্ছ্রমাচরেৎ ॥ ৩৪.৩২ ॥

প্রাজাপত্যেন শুদ্ধ্যেত ব্রাহামণোচ্ছিষ্টভোজনে ।
ক্ষত্রিয়ে তপ্তকৃচ্ছ্রং স্যাদ্ বৈশ্যে চৈবাতিকৃচ্ছ্রকম্ ॥ ৩৪.৩৩ ॥

শূদ্রোচ্ছিষ্টং দ্বিজো ভুক্ত্বা কুর্যাচ্চান্দ্রায়ণব্রতম্ ।
সুরাভাণ্ডোদরে বারি পীৎবা চান্দ্রায়ণং চরেৎ ॥ ৩৪.৩৪ ॥

সমুচ্ছিষ্টং দ্বিজো ভুক্ত্বা ত্রিরাত্রেণ বিশুদ্ধ্যতি ।
গোমূত্রয়াবকাহারঃ পীতশেষং চ বা গবাম্ ॥ ৩৪.৩৫ ॥

অপো মূত্রপুরীষাদ্যৈর্দূষিতাঃ প্রাশয়েদ্ যদা ।
তদা সাংতপনং প্রোক্তং ব্রতং পাপবিশোধনম্ ॥ ৩৪.৩৬ ॥

চাণ্ডালকূপভাণ্ডেষু যদি জ্ঞানাৎ পিবেজ্জলম্ ।
চরেৎ সাংতপনং কৃচ্ছ্রং ব্রাহ্মণঃ পাপশোধনম্ ॥ ৩৪.৩৭ ॥

চাণ্ডালেন তু সংস্পৃষ্টং পীৎবা বারি দ্বিজোত্তমঃ ।
ত্রিরাত্রেণ বিশুদ্ধ্যেত পঞ্চগব্যেন চৈব হি ॥ ৩৪.৩৮ ॥

মহাপাতকিসংস্পর্শে ভুক্ত্বা স্নাৎবা দ্বিজো যদি ।
বুদ্ধিপূর্বং তু মূঢাত্মা তপ্তকৃচ্ছ্রং সমাচরেৎ ॥ ৩৪.৩৯ ॥

স্পৃষ্ট্বা মহাপাতকিনং চাণ্ডালং বা রজস্বলাম্ ।
প্রমাদাদ্ ভোজনং কৃৎবা ত্রিরাত্রেণ বিশুদ্ধ্যতি ॥ ৩৪.৪০ ॥

স্নানার্হো যদি ভুঞ্জীত অহোরাত্রেণ শুদ্ধ্যতি ।
বুদ্ধিপূর্বং তু কৃচ্ছ্রেণ ভগবানাহ পদ্মজঃ ॥ ৩৪.৪১ ॥

শুষ্কপর্যুষিতাদীনি গবাদিপ্রতিদূষিতাঃ ।
ভুক্ত্বোপবাসং কুর্বীত কৃচ্ছ্রপাদমথাপি বা ॥ ৩৪.৪২ ॥

সংবৎসরান্তে কৃচ্ছ্রং তু চরেদ্ বিপ্রঃ পুনঃ পুনঃ ।
অজ্ঞাতভুক্তশুদ্ধ্যর্থং জ্ঞাতস্য তু বিশেষতঃ ॥ ৩৪.৪৩ ॥

ব্রাত্যানাং যজনং কৃৎবা পরেষামন্ত্যকর্ম চ ।
অভিচারমহীনং চ ত্রিভিঃ কৃচ্ছ্রৈর্বিশুদ্ধ্যতি ॥ ৩৪.৪৪ ॥

ব্রাহ্মণাদিহতানাং তু কৃৎবা দাহাদিকাঃ ক্রিয়াঃ ।
গোমূত্রয়াবকাহারঃ প্রাজাপত্যেন শুদ্ধ্যতি ॥ ৩৪.৪৫ ॥

তৈলাভ্যক্তোঽথবা কুর্যাদ্ যদি মূত্রপুরীষকে ।
অহোরাত্রেণ শুদ্ধ্যেত শ্মশ্রুকর্মাণি মৈথুনে ॥ ৩৪.৪৬ ॥

একাহেন বিহায়াগ্নিং পরিহার্য দ্বিজোত্তমঃ ।
ত্রিরাত্রেণ বিশদ্ধ্যেত ত্রিরাত্রাৎ ষডহং পুনঃ ॥ ৩৪.৪৭ ॥

দশাহং দ্বাদশাহং বা পরিহার্য প্রমাদতঃ ।
কৃচ্ছ্রং চান্দ্রায়ণং কুর্যাৎ তৎপাপস্যাপনুত্তয়ে ॥ ৩৪.৪৮ ॥

পতিতাদ্ দ্রব্যমাদায় তদুৎসর্গেণ শুদ্ধ্যতি ।
চরেৎ সাংতপনং কৃচ্ছ্রমিত্যাহ ভগবান্ মনুঃ ॥ ৩৪.৪৯ ॥

অনাশকান্নিবৃত্তাস্তু প্রব্রজ্যাবসিতাস্তথা ।
চরেয়ুস্ত্রীণি কৃচ্ছ্রাণি ত্রীণি চান্দ্রায়ণানি চ ॥ ৩৪.৫০ ॥

পুনশ্চ জাতকর্মাদিসংস্কারৈঃ সংস্কৃতা দ্বিজাঃ ।
শুদ্ধ্যেয়ুস্তদ্ ব্রতং সম্যক্ চরেয়ুর্ধর্মবর্দ্ধনাঃ ॥ ৩৪.৫১ ॥

অনুপাসিতসংধ্যস্তু তদহর্যাবকে বসেৎ ।
অনশ্নন্ সংয়তমনা রাত্রৌ চেদ্ রাত্রিমেব হি ॥ ৩৪.৫২ ॥

অকৃৎবা সমিদাধানং শুচিঃ স্নাৎবা সমাহিতঃ ।
গায়ত্র্যষ্টসহস্রস্য জপ্যং কুর্যাদ্ বিশুদ্ধয়ে ॥ ৩৪.৫৩ ॥

উপবাসী চরেৎ সংধ্যাং গৃহস্থোঽপি প্রমাদতঃ ।
স্নাৎবা বিশুদ্ধ্যতে সদ্যঃ পরিশ্রান্তস্তু সংয়মাৎ ॥ ৩৪.৫৪ ॥

বেদোদিতানি নিত্যানি কর্মাণি চ বিলোপ্য তু ।
স্নাতকব্রতলোপং তু কৃৎবা চোপবসেদ্ দিনম্ ॥ ৩৪.৫৫ ॥

সংবৎসরং চরেৎ কৃচ্ছ্রমন্যোৎসাদী দ্বিজোত্তমঃ ।
চান্দ্রায়ণং চরেদ্ ব্রাত্যো গোপ্রদানেন শুদ্ধ্যতি ॥ ৩৪.৫৬ ॥

নাস্তিক্যং যদি কুর্বীত প্রাজাপত্যং চরেদ্ দ্বিজঃ ।
দেবদ্রোহং গুরুদ্রোহং তপ্তকৃচ্ছ্রেণ শুদ্ধ্যতি ॥ ৩৪.৫৭ ॥

উষ্ট্রয়ানং সমারুহ্য খরয়ানং চ কামতঃ ।
ত্রিরাত্রেণ বিশুদ্ধ্যেৎ তু নগ্নো বা প্রবিশেজ্জলম্ ॥ ৩৪.৫৮ ॥

ষষ্ঠান্নকালতামাসং সংহিতাজপ এব চ ।
হোমাশ্চ শাকলা নিত্যমপাঙ্ক্তানাং বিশোধনম্ ॥ ৩৪.৫৯ ॥

নীলং রক্তং বসিৎবা চ ব্রাহ্মণো বস্ত্রমেব হি ।
অহোরাত্রোষিতঃ স্নাতঃ পঞ্চগব্যেন শুদ্ধ্যতি ॥ ৩৪.৬০ ॥

বেদধর্মপুরাণানাং চণ্ডালস্য তু ভাষণে ।
চান্দ্রায়ণেন শুদ্ধিঃ স্যান্ন হ্যন্যা তস্য নিষ্কৃতিঃ ॥ ৩৪.৬১ ॥

উদ্বন্ধনাদিনিহতং সংস্পৃশ্য ব্রাহ্মণঃ ক্বচিৎ ।
চান্দ্রায়ণেন শুদ্ধিঃ স্যাৎ প্রাজাপত্যেন বা পুনঃ ॥ ৩৪.৬২ ॥

উচ্ছিষ্টো যদ্যনাচান্তশ্চাণ্ডালাদীন্ স্পৃশেদ্ দ্বিজঃ ।
প্রমাদাদ্ বৈ জপেৎ স্নাৎবা গায়ত্র্যষ্টসহস্রকম্ ॥ ৩৪.৬৩ ॥

দ্রুপদানাং শতং বাপি ব্রহ্মচারী সমাহিতঃ ।
ত্রিরাত্রোপোষিতঃ সম্যক্ পঞ্চগব্যেন শুদ্ধ্যতি ॥ ৩৪.৬৪ ॥

চণ্ডালপতিতাদীংস্তু কামাদ্ যঃ সংস্পৃশেদ্ দ্বিজঃ ।
উচ্ছিষ্টস্তত্র কুর্বীত প্রাজাপত্যং বিশুদ্ধয়ে ॥ ৩৪.৬৫ ॥

চাণ্ডালসূতকশবাংস্তথা নারীং রজস্বলাম্ ।
স্পৃষ্ট্বা স্নায়াদ্ বিশুদ্ধ্যর্থং তৎস্পৃষ্টপতিতিতাস্তথা ॥ ৩৪.৬৬ ॥

চাণ্ডালসূতকশবৈঃ সংস্পৃষ্টং সংস্পৃশেদ্ যদি ।
প্রমাদাৎ তত আচম্য জপং কুর্যাৎ সমাহিতঃ ॥ ৩৪.৬৭ ॥

তৎ স্পৃষ্টস্পর্শিনং স্পৃষ্ট্বা বুদ্ধিপূর্বং দ্বিজোত্তমঃ ।
আচমেৎ তদ্ বিশুদ্ধ্যর্থং প্রাহ দেবঃ পিতামহঃ ॥ ৩৪.৬৮ ॥

ভুঞ্জানস্য তু বিপ্রস্য কদাচিৎ সংস্পৃশেৎ যদি ।
কৃৎবা শৌচং ততঃ স্নায়াদুপোষ্য জুহুয়াদ্ ব্রতম্ ॥ ৩৪.৬৯ ॥

চাণ্ডালান্ত্যশবং স্পৃষ্ট্বা কৃচ্ছ্রং কুর্যাদ্ বিশুদ্ধয়ে ।
স্পৃষ্ট্বাঽভ্যক্তস্ত্বসংস্পৃশ্যমহোরাত্রেণ শুদ্ধ্যতি ॥ ৩৪.৭০ ॥

সুরাং স্পৃষ্ট্বা দ্বিজঃ কুর্যাৎ প্রাণায়ামত্রয়ং শুচিঃ ।
পলাণ্ডুং লশুনং চৈব ঘৃতং প্রাশ্য ততঃ শুচিঃ ॥ ৩৪.৭১ ॥

ব্রাহ্মণস্তু শুনা দষ্টস্ত্র্যহং সায়ং পয়ঃ পিবেৎ ।
নাভেরূর্ধ্বং তু দষ্টস্য তদেব দ্বিগুণং ভবেৎ ॥ ৩৪.৭২ ॥

স্যাদেতৎ ত্রিগুণং বাহ্বোর্মূর্ধ্নি চ স্যাচ্চতুর্গুণম্ ।
স্নাৎবা জপেদ্ বা সাবিত্রীং শ্বভির্দষ্টো দ্বিজোত্তমঃ ॥ ৩৪.৭৩ ॥

অনির্বর্ত্য মহায়জ্ঞান্ যো ভুঙ্ক্তে তু দ্বিজোত্তমঃ ।
অনাতুরঃ সতি ধনে কৃচ্ছ্রার্দ্ধেন স শুদ্ধ্যতি ॥ ৩৪.৭৪ ॥

আহিতাগ্নিরুপস্থানং ন কুর্যাদ্ যস্তু পর্বণি ।
ঋতৌ ন গচ্ছেদ্ ভার্যাং বা সোঽপি কৃচ্ছ্রার্দ্ধমাচরেৎ ॥ ৩৪.৭৫ ॥

বিনাঽদ্ভিরপ্সু নাপ্যার্ত্তঃ শরীরং সন্নিবেশ্য চ ।
সচৈলো জলমাপ্লুত্য গামালভ্য বিশুদ্ধ্যতি ॥ ৩৪.৭৬ ॥

বুদ্ধিপূর্বং ৎবভ্যুদিতো জপেদন্তর্জলে দ্বিজঃ ।
গায়ত্র্যষ্টসহস্রং তু ত্র্যহং চোপবসেদ্ ব্রতী ॥ ৩৪.৭৭ ॥

অনুগম্যেচ্ছয়া শূদ্রং প্রেতীভূতং দ্বিজোত্তমঃ ।
গায়ত্র্যষ্টসহস্রং চ জপ্যং কুর্যান্নদীষু চ ॥ ৩৪.৭৮ ॥

কৃৎবা তু শপথং বিপ্রো বিপ্রস্য বধসংয়ুতম্ ।
সচৈব যাবকান্নেন কুর্যাচ্চান্দ্রায়ণং ব্রতম্ ॥ ৩৪.৭৯ ॥

পঙ্ক্ত্যাং বিষমদানং তু কৃৎবা কৃচ্ছ্রেণ শুদ্ধ্যতি ।
ছায়াং শ্বপাকস্যারুহ্য স্নাৎবা সম্প্রাশয়েদ্ ঘৃতম্ ॥ ৩৪.৮০ ॥

ঈক্ষেদাদিত্যমশুচির্দৃষ্ট্বাগ্নিং চন্দ্রমেব বা ।
মানুষং চাস্থি সংস্পৃশ্য স্নানং কৃৎবা বিশুদ্ধ্যতি ॥ ৩৪.৮১ ॥

কৃৎবা তু মিথ্যাধ্যযনং চরেদ্ ভৈক্ষং তু বৎসরম্ ।
কৃতঘ্নো ব্রাহ্মণগৃহে পঞ্চ সংবৎসরং ব্রতী ॥ ৩৪.৮২ ॥

হুংকারং ব্রাহ্মণস্যোক্ত্বা ৎবংকারং চ গরীয়সঃ ।
স্নাৎবাঽনশ্নন্নহঃ শেষং প্রণিপত্য প্রসাদয়েৎ ॥ ৩৪.৮৩ ॥

তাডয়িৎবা তৃণেনাপি কণ্ঠং বদ্ধ্বাপি বাসসা ।
বিবাদে বাপি নির্জিত্য প্রণিপত্য প্রসাদয়েৎ ॥ ৩৪.৮৪ ॥

অবগূর্য চরেৎ কৃচ্ছ্রমতিকৃচ্ছ্রং নিপাতনে ।
কৃচ্ছ্রাতিকৃচ্ছ্রৌ কুর্বীত বিপ্রস্যোৎপাদ্য শোণিতম্ ॥ ৩৪.৮৫ ॥

গুরোরাক্রোশমনৃতং কৃৎবা কুর্যাদ্ বিশোধনম্ ।
একরাত্রং ত্রিরাত্রং বা তৎপাপস্যাপনুত্তয়ে ॥ ৩৪.৮৬ ॥

দেবর্ষীণামভিমুখং ষ্ঠীবনাক্রোশনে কৃতে ।
উল্মুকেন দহেজ্জিহ্বাং দাতব্যং চ হিরণ্যকম্ ॥ ৩৪.৮৭ ॥

দেবোদ্যানে তু যঃ কুর্যান্মূত্রোচ্চারং সকৃদ্ দ্বিজঃ ।
ছিন্দ্যাচ্ছিশ্নং তু শুদ্ধ্যর্থং চরেচ্চান্দ্রায়ণং তু বা ॥ ৩৪.৮৮ ॥

দেবতায়তনে মূত্রং কৃৎবা মোহাদ্ দ্বিজোত্তমঃ ।
শিশ্নস্যোৎকর্ত্তনং কৃৎবা চান্দ্রায়ণমথাচরেৎ ॥ ৩৪.৮৯ ॥

দেবতানামৃষীণাং চ দেবানাং চৈব কুৎসনম্ ।
কৃৎবা সম্যক্ প্রকুর্বীত প্রাজাপত্যং দ্বিজোত্তমঃ ॥ ৩৪.৯০ ॥

তৈস্তু সংভাষণং কৃৎবা স্নাৎবা দেবান্ সমর্চয়েৎ ।
দৃষ্ট্বা বীক্ষেত ভাস্বন্তং স্মৃৎবা বিশেশ্বরং স্মরেৎ ॥ ৩৪.৯১ ॥

যঃ সর্বভূতাধিপতিং বিশ্বেশানং বিনিন্দতি ।
ন তস্য নিষ্কৃতিঃ শক্যা কর্ত্তুং বর্ষশতৈরপি ॥ ৩৪.৯২ ॥

চান্দ্রায়ণং চরেৎ পূর্বং কৃচ্ছ্রং চৈবাতিকৃচ্ছ্রক্ ।
প্রপন্নঃ শরণং দেবং তস্মাৎ পাপাদ্ বিমুচ্যতে ॥ ৩৪.৯৩ ॥

সর্বস্বদানং বিধিবৎ সর্বপাপবিশোধন ।
চান্দ্রায়ণং চবিধিনা কৃচ্ছ্রং চৈবাতিকৃচ্ছ্রকম্ ॥ ৩৪.৯৪ ॥

পুণ্যক্ষেত্রাভিগমনং সর্বপাপবিনাশন ।
অমাবস্যাং তিথিং প্রাপ্য যঃ সমারাধয়েচ্ছিবম্ ॥ ৩৪.৯৫ ॥

ব্রাহ্মণান্ পূজয়িৎবা তু সর্বপাপৈঃ প্রমুচ্যতে ॥ ৩৪.৯৬ ॥

কৃষ্ণাষ্টম্যাং মহাদেবং তথা কৃষ্ণচতুর্দশীম্ ।
সম্পূজ্য ব্রাহ্মণমুখে সর্বপাপৈঃ প্রমুচ্যতে ॥ ৩৪.৯৭ ॥

ত্রয়োদশ্যাং তথা রাত্রৌ সোপহারং ত্রিলোচনম্ ।
দৃষ্ট্বেশং প্রথমে যামে মুচ্যতে সর্বপাতকৈঃ ॥ ৩৪.৯৮ ॥

উপোষিতশ্চতুর্দশ্যাং কৃষ্ণপক্ষে সমাহ৪৪তঃ ।
যমায় ধর্মরাজায় মৃত্যবে চান্তকায় চ ॥ ৩৪.৯৯ ॥

বৈবস্বতায় কালায় সর্বপ্রহরণায় চ ।
প্রত্যেকং তিলসংয়ুক্তান্ দদ্যাৎ সপ্তোদকাঞ্জলীন্ ॥ ৩৪.১০০ ॥

স্নাৎবা দদ্যাচ্চ পূর্বাহ্ণে মুচ্যতে সর্বপাতকৈঃ ।
ব্রহ্মচর্যমধঃ শয়্যামুপবাসং দ্বিজার্চনম্ ॥ ৩৪.১০১ ॥

ব্রতেষ্বেতেষু কুর্বীত শান্তঃ সংয়তমানসঃ ।
অমাবস্যায়াং ব্রহ্মাণং সমুদ্দিশ্য পিতামহম্ ॥ ৩৪.১০২ ॥

ব্রাহ্মণাংস্ত্রীন্ সমভ্যর্চ্য মুচ্যতে সর্বপাতকৈঃ ।
ষষ্ঠ্যামুপোষিতো দেবং শুক্লপক্ষে সমাহিতঃ ॥ ৩৪.১০৩ ॥

সপ্তম্যামর্চয়েদ্ ভানুং মুচ্যতে সর্বপাতকৈঃ ।
ভরণ্যাং চ চতুর্থ্যাং চ শনৈশ্চরদিনে যমম্ ॥ ৩৪.১০৪ ॥

পূজয়েৎ সপ্তজন্মোত্থৈর্মুচ্যতে পাতকৈর্নরঃ ॥

একাদশ্যাং নিরাহারঃ সমভ্যর্চ্য জনার্দনম্ ॥ ৩৪.১০৫ ॥

দ্বাদশ্যাং শুক্লপক্ষস্য মহাপাপৈঃ প্রমুচ্যতে ।
তপো জপস্তীর্থসেবা দেবব্রাহ্মণপূজনং ৩৪৪.১০৬ ॥

গ্রহণাদিষু কালেষু মহাপাতকশোধনম্ ।
যঃ সর্বপাপয়ুক্তোঽপি পুণ্যতীর্থেষু মানবঃ ॥ ৩৪.১০৭ ॥

নিয়মেন ত্যজেৎ প্রাণান্ স মুচ্যেৎ সর্বপাতকৈঃ ।
ব্রহ্মঘ্নং বা কৃতঘ্নং বা মহাপাতকদূষিতম্ ॥ ৩৪.১০৮ ॥

ভর্ত্তারমুদ্ধরেন্নারী প্রবিষ্টা সহ পাবকম্ ।
এতদেব পরং স্ত্রীণাং প্রায়শ্চিত্তং বিদুর্বুধাঃ ॥ ৩৪.১০৯ ॥

সর্বপাপসমুদ্ভূতৌ নাত্র কার্যা বিচারণা ।
পতিব্রতা তু যা নারী ভর্তৃশুশ্রূষণোৎসুকা ।
ন তস্যা বিদ্যতে পাপমিহ লোকে পরত্র চ ॥ ৩৪.১১০ ॥

পতিব্রতা ধর্মরতা ভদ্রাণ্যেব সভেৎ সদা ।
নাস্যাঃ পরাভবং কর্ত্তুং শক্নোতীহ জনঃ ক্বচিৎ ॥ ৩৪.১১১ ॥

যথা রামস্য সুভগা সীতা ত্রৈলোক্যবিশ্রুতা ।
পত্নী দাশরথের্দেবী বিজিগ্যে রাক্ষসেশ্বরম্ ॥ ৩৪.১১২ ॥

রামস্য ভার্যাং বিমলাং রাবণো রাক্ষসেশ্বরঃ ।
সীতাং বিশালনয়নাং চকমে কালচোদিতঃ ॥ ৩৪.১১৩ ॥

গৃহীৎবা মায়যা বেষং চরন্তীং বিজনে বনে ।
সমাহর্ত্তুং মতিং চক্রে তাপসঃ কিল কামিনীম্ ॥ ৩৪.১১৪ ॥

বিজ্ঞায় সা চ তদ্ভাবং স্মৃৎবা দাশরথিং পতিম্ ।
জগাম শরণং বহ্নিমাবসথ্যং শুচিস্মিতঃ ॥ ৩৪.১১৫ ॥

উপতস্থে মহায়োগং সর্বদোষবিনাশনম্ ।
কৃতাঞ্জলী রামপত্নী শাক্ষাৎ পতিমিবাচ্যুতম্ ॥ ৩৪.১১৬ ॥

নমস্যামি মহায়োগং কৃতান্তং গহনং পরম্ ।
দাহকং সর্বভূতানামীশানং কালরূপিণম্ ॥ ৩৪.১১৭ ॥

নমস্যে পাবকং দেবং শাশ্বতং বিশ্বতোমুখম্ ।
যোগনং কৃত্তিবসনং ভূতেশং পরমম্পদম্ ॥৩৪.১১৮ ॥

আত্মানং দীপ্তবপুষং সর্বভূতহৃদী স্থিতম্ ।
তং প্রপদ্যে জগন্মূর্ত্তিং প্রভবং সর্বতেজসাম্ ।
মহায়োগেশ্বরং বহ্নিমাদিত্যং পরমেষ্ঠিনম্ ॥ ৩৪.১১৯ ॥

প্রপদ্যে শরণং রুদ্রং মহাগ্রাসং ত্রিশূলিনম্ ।
কালাগ্নিং যোগিনামীশং ভোগমোক্ষফলপ্রদম্ ॥ ৩৪.১২০ ॥

প্রপদ্যে ৎবাং বিরূপাক্ষং ভুর্ভুবঃ স্বঃ স্বরূপিণম্ ।
হিরণ্যময়ে গৃহে গুপ্তং মহান্তমমিতৌজসম্ ॥ ৩৪.১২১ ॥

বৈশ্বানরং প্রপদ্যেঽহং সর্বভূতেষ্ববস্থিতম্ ।
হব্যকব্যবহং দেবং প্রপদ্যে বহ্নিমীশ্বরম্ ॥ ৩৪.১২২ ॥

প্রপদ্যে তৎপরং তত্ত্বং বরেণ্যং সবিতুঃ শিবম্ ।
ভার্গবাগ্নিপরং জ্যোতিঃ রক্ষ মাং হব্যবাহন ॥ ৩৪.১২৩ ॥

ইতি বহ্ন্যষ্টকং জপ্ত্বা রামপত্নী যশস্বিনী ।
ধ্যায়ন্তী মনসা তস্থৌ রামমুন্মীলিতেক্ষণা ॥ ৩৪.১২৪ ॥

অথাবসথ্যাদ্ ভগবান্ হব্যবাহো মহেশ্বরঃ ।
আবিরাসীৎ সুদীপ্তাত্মা তেজসা নির্দহন্নিব ॥ ৩৪.১২৫ ॥

সৃষ্ট্বা মায়াময়ীং সীতাং স রাবণবধেপ্সয়া ।
সীতামাদায় ধর্মিষ্ঠাং পাবকোঽন্তরধীয়ত ॥ ৩৪.১২৬ ॥

তাং দৃষ্ট্বা তাদৃশীং সীতাং রাবণো রাক্ষসেশ্বরঃ ।
সমাদায় যয়ৌ লঙ্কাং সাগরান্তরসংস্থিতাম্ ॥ ৩৪.১২৭ ॥

কৃৎবাঽথ রাবণবধং রামো লক্ষ্মণসংয়ুতঃ ।
সমাদায়াভবৎ সীতাং শঙ্কাকুলিতমানসঃ ॥ ৩৪.১২৮ ॥

সা প্রত্যযায় ভূতানাং সীতা মায়াময়ী পুনঃ ।
বিবেশ পাবকং দীপ্তং দদাহ জ্বলনোঽপি তাম্ ॥ ৩৪.১২৯ ॥

দগ্ধ্বা মায়াময়ীং সীতাং ভগবানুগ্রদীধিতিঃ ।
রামায়াদর্শয়ৎ সীতাং পাবকোঽভূৎ সুরপ্রিয়ঃ ॥ ৩৪.১৩০ ॥

প্রগৃহ্য ভর্ত্তুশ্চরণৌ করাভ্যাং সা সুমধ্যমা ।
চকার প্রণতিং ভূমৌ রামায় জনকাত্মজা ॥ ৩৪.১৩১ ॥

দৃষ্ট্বা হৃষ্টমনা রামো বিস্ময়াকুললোচনঃ ।
ননাম বহ্নিং সিরসা তোষয়ামাস রাঘবঃ ॥ ৩৪.১৩২ ॥

উবাচ বহ্নির্ভগবান্ কিমেষা বরবর্ণিনী ।
দগ্ধা ভগবতা পূর্বং দৃষ্টা মৎপার্শ্বমাগতা ॥ ৩৪.১৩৩ ॥

তমাহ দেবো লোকানাং দাহকো হব্যবাহনঃ ।
যথাবৃত্তং দাশরথিং ভূতানামেব সন্নিধৌ ॥ ৩৪.১৩৪ ॥

ইয়ং সা মিথিলেশেন পার্বতীং রুদ্রবল্লভাম্ ।
আরাধ্য লব্ধ্বা তপসা দেব্যাশ্চাত্যন্তবল্লভা ॥ ৩৪.১৩৫ ॥

ভর্ত্তুঃ শুশ্রূষণোপেতা সুশীলেয়ং পতিব্রতা ।
ভবানীপার্শ্বমানীতা ময়া রাবণকামিতা ॥ ৩৪.১৩৬ ॥

যা নীতা রাক্ষসেশেন সীতা ভগবতাহৃতা ।
ময়া মায়াময়ী সৃষ্টা রাবণস্য বধায় সা ॥ ৩৪.১৩৭ ॥

তদর্থং ভবতা দুষ্টো রাবণো রাক্ষসেশ্বরঃ ।
ময়োপসংহৃতা চৈব হতো লোকবিনাশনম্ ॥ ৩৪.১৩৮ ॥

গৃহাণ বিমলামেনাং জানকীং বচনান্মম ।
পশ্য নারায়ণং দেবং স্বাত্মানং প্রভবাব্যযম্ ॥ ৩৪.১৩৯ ॥

ইত্যুক্ত্বা ভগবাংশ্চণ্ডো বিশ্চার্চির্বিশ্বতোমুখঃ ।
মানিতো রাঘবেণাগ্নির্ভূতৈশ্চান্তরধীয়ত ॥ ৩৪.১৪০ ॥

এতৎ পতিব্রতানাং বৈং মাহাত্ম্যং কথিতং ময়া ।
স্ত্রীণাং সর্বাঘশমনং প্রায়শ্চিত্তমিদং স্মৃতম্ ॥ ৩৪.১৪১ ॥

অশেষপাপয়ুক্তস্তু পুরুষোঽপি সুসংয়তঃ ।
স্বদেহং পুণ্যতীর্থেষু ত্যক্ত্বা মুচ্যেত কিল্বিষাৎ ॥ ৩৪.১৪২ ॥

পৃথিব্যাং সর্বতীর্থেষু স্নাৎবা পুণ্যেষু বা দ্বিজঃ ।
মুচ্যতে পাতকৈঃ সর্বৈঃ সমস্তৈরপি পূরুষঃ ॥ ৩৪.১৪৩ ॥

ব্যাস উবাচ ।
ইত্যেষ মানবো ধর্মো যুষ্মাকং কথিতো ময়া ।
মহেশারাধনার্থায় জ্ঞানয়োগং চ শাশ্বতম্ ॥ ৩৪.১৪৪ ॥

যোঽনেন বিধিনা যুক্তো জ্ঞানয়োগং সমাচরেৎ ।
স পশ্যতি মহাদেবং নান্যঃ কল্পশতৈরপি ॥ ৩৪.১৪৫ ॥

স্থাপয়েদ্ যঃ পরং ধর্মং জ্ঞানং তৎপারমেশ্বরম্ ।
ন তস্মাদধিকো লোকে স যোগী পরমো মতঃ ॥ ৩৪.১৪৬ ॥

য সংস্থাপয়িতুং শক্তো ন কুর্যান্মোহিতো জনঃ ।
স যোগয়ুক্তোঽপি মুনির্নাত্যর্থং ভগবৎপ্রিয়ঃ ॥ ৩৪.১৪৭ ॥

তস্মাৎ সদৈব দাতব্যং ব্রাহ্মণেষু বিশেষতঃ ।
ধর্ময়ুক্তেষু শান্তেষু শ্রদ্ধয়া চান্বিতেষু বৈ ॥ ৩৪.১৪৮ ॥

যঃ পঠেদ্ ভবতাং নিত্যং সংবাদং মম চৈব হি ।
সর্বপাপবিনির্মুক্তো গচ্ছেত পরমাং গতিম্ ॥ ৩৪.১৪৯ ॥

শ্রাদ্ধে বা দৈবিকে কার্যে ব্রাহ্মণানাং চ সন্নিধৌ ।
পঠেত নিত্যং সুমনাঃ শ্রোতব্যং চ দ্বিজাতিভিঃ ॥ ৩৪.১৫০ ॥

যোঽর্থং বিচার্য যুক্তাত্মা শ্রাবয়েদ্ ব্রাহ্মণান্ শুচীন্ ।
স দোষকঞ্চুকং ত্যক্ত্বা যাতি দেবং মহেশ্বরম্ ॥ ৩৪.১৫১ ॥

এতাবদুক্ত্বা ভগবান্ ব্যাসঃ সত্যবতীসুতঃ ।
সমাশ্বাস্য মুনীন্ সূতং জগাম চ যথাগতম্ ॥ ৩৪.১৫২ ॥

ইতী শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
ত্রয়স্ত্রিশোঽধ্যায়ঃ ॥৩৪ ॥

কূর্মপুরাণএ উত্তরভাগে পঞ্চত্রিংশত্তমোঽধ্যায়ঃ

ঋষয় ঊচুঃ ।
তীর্থানি যানি লোকেঽস্মিন্ বিশ্রুতানি মাহন্তি চ ।
তানি ৎবং কথয়াস্মাকং রোমহর্ষণ সাংপ্রতম্ ॥ ৩৫.১ ॥

রোমহর্ষণ উবা ।
শৃণুধ্বং কথয়িষ্যেঽহং তীর্থানি বিবিধানি চ ।
কথিতানি পুরাণেষু মুনিভির্ব্রহ্মবাদিভিঃ ॥ ৩৫.২ ॥

যত্র স্নানং জপো হোমঃ শ্রাদ্ধদানাদিকং কৃতম্ ।
একৈকশো মুনিশ্রেষ্ঠাঃ পুনাত্যাসপ্তমং কুলম্ ॥ ৩৫.৩ ॥

পঞ্চয়োজনবিস্তীর্ণং ব্রহ্মণঃ পরমেষ্ঠিনঃ ।
প্রয়াগং প্রথিতং তীর্থং তস্য মাহাত্ম্যমীরিতম্ ॥ ৩৫.৪ ॥

অন্যচ্চ তীর্থপ্রবরং কুরূণাং দেববন্দিতম্ ।
ঋষীণামাশ্রমৈর্জুষ্টং সর্বপাপবিশোধনম্ ॥ ৩৫.৫ ॥

তত্র স্নাৎবা বিশুদ্ধাত্মা দম্ভমাৎসর্যবর্জিতঃ ।
দদাতি যৎকিঞ্চিদপি পুনাত্যুভয়তঃ কুলম্ ॥ ৩৫.৬ ॥

গয়াতীর্থং পরং গুহ্যং পিতৄণাং চাতি দুর্ল্লভম্ ।
কৃৎবা পিণ্ডপ্রদানং তু ন ভূয়ো জায়তে নরঃ ॥ ৩৫.৭ ॥

সকৃদ্ গয়াভিগমনং কৃৎবা পিণ্ডং দদাতি যঃ ।
তারিতাঃ পিতরস্তেন যাস্যন্তি পরমাং গতিম্ ॥ ৩৫.৮ ॥

তত্র লোকহিতার্থায় রুদ্রেণ পরমাত্মনা ।
শিলাতলে পদং ন্যস্তং তত্র পিতৄন্ প্রসাদয়েৎ ॥ ৩৫.৯ ॥

গয়াঽভিগমনং কর্ত্তুং যঃ শক্তো নাভিগচ্ছতি ।
শোচন্তি পিতরস্তং বৈ বৃথা তস্য পরিশ্রমঃ ॥ ৩৫.১০ ॥

গায়ন্তি পিতরো গাথাঃ কীর্ত্তয়ন্তি মহর্ষয়ঃ ।
গয়াংয়াস্যতিয়ঃ কশ্চিৎ সোঽস্মান্ সংতারয়িষ্যতি ॥ ৩৫.১১ ॥

যদি স্যাৎ পাতকোপেতঃ স্বধর্মপরিবর্জিতঃ ।
গয়াং যাস্যতি বংশ্যো যঃ সোঽস্মান্ সংতারয়িষ্যতি ॥ ৩৫.১২ ॥

এষ্টব্যা বহবঃ পুত্রাঃ শীলবন্তো গুণান্বিতাঃ ।
তেষাং তু সমবেতানাং যদ্যেকোঽপি গয়াং ব্রজেৎ ॥ ৩৫.১৩ ॥

তস্মাৎ সর্বপ্রয়ত্নেন ব্রাহ্মণস্তু বিশেষতঃ ।
প্রদদ্যাদ্ বিধিবৎ পিণ্ডান্ গয়াং গৎবা সমাহিতঃ ॥ ৩৫.১৪ ॥

গধন্যাস্তু খলু তে মর্ত্যা গয়ায়াং পিণ্ডদায়িনঃ ।
কুলান্যুভয়তঃ সপ্ত সমুদ্ধৃত্যাপ্নুয়ুঃ পরম্ ॥ ৩৫.১৫ ॥

অন্যচ্চ তীর্থপ্রবরং সিদ্ধাবাসমুদাহৃতম্ ।
প্রভাসমিতি বিখ্যাতং যত্রাস্তে ভগবান্ ভবঃ ॥ ৩৫.১৬ ॥

তত্র স্নানং তপঃ শ্রাদ্ধং ব্রাহ্মণানাং চ পূজনম্ ।
কৃৎবা লোকমবাপ্নোতি ব্রহ্মণোঽক্ষয়্যমুত্তমম্ ॥ ৩৫.১৭ ॥

তীর্থং ত্রৈয়ম্বকং নাম সর্বদেবনমস্কৃতম্ ।
পূজয়িৎবা তত্র রুদ্রং জ্যোতিষ্টোমফলং লভেৎ ॥ ৩৫.১৮ ॥

সুবর্ণাক্ষং মহাদেবং সমভ্যর্চ্য কপর্দিনম্ ।
ব্রাহ্মণান্ পূজয়িৎবা তু গাণপত্যং লভেদ্ ধ্রুবম্ ॥ ৩৫.১৯ ॥

সোমেশ্বরং তীর্থবরং রুদ্রস্য পরমেষ্ঠিনঃ ।
সর্বব্যাধিহরং পুণ্যং রুদ্রসালোক্যকারণম্ ॥ ৩৫.২০ ॥

তীর্থানাং পরমং তীর্থং বিজয়ং নাম শোভনম্ ।
তত্র লিঙ্গং মহেশস্য বিজয়ং নাম বিশ্রুতম্ ॥ ৩৫.২১ ॥

ষণ্মাসনিয়তাহারো ব্রহ্মচারী সমাহিতঃ ।
উষিৎবা তত্র বিপ্রেন্দ্রা যাস্যন্তি পরমং পদম্ ॥ ৩৫.২২ ॥

অন্যচ্চ তীর্থপ্রবরং পূর্বদেশেষু শোভনম্ ।
একান্তং দেবদেবস্য গাণপত্যফলপ্রদম্ ॥ ৩৫.২৩ ॥

দত্ত্বাত্র শিবভক্তানাং কিঞ্চিচ্ছশ্বন্মহীং শুভাম্ ।
সার্বভৌমো ভবেদ্ রাজা মুমুক্ষুর্মোক্ষমাপ্নুয়াৎ ॥ ৩৫.২৪ ॥

মহানদীজলং পুণ্যং সর্বপাপবিনাশনম্ ।
গ্রহণে সমুপস্পৃশ্য মুচ্যতে সর্বপাতকৈঃ ॥ ৩৫.২৫ ॥

অন্যা চ বিরজা নাম নদী ত্রৈলোক্যবিশ্রুতা ।
তস্যাং স্নাৎবা নরো বিপ্রা ব্রহ্মলোকে মহীয়তে ॥ ৩৫.২৬ ॥

তীর্থং নারায়ণস্যান্যন্নাম্না তু পুরুষোত্তমম্ ।
তত্র নারায়ণঃ শ্রীমানাস্তে পরমপূরুষঃ ॥ ৩৫.২৭ ॥

পূজয়িৎবা পরং বিষ্ণুং স্নাৎবা তত্র দ্বিজোত্তমঃ ।
ব্রাহ্মণান্ পূজয়িৎবা তু বিষ্ণুলোকমবাপ্নুয়াৎ ॥ ৩৫.২৮ ॥

তীর্থানাং পরমং তীর্থং গোকর্ণং নাম বিশ্রুতম্ ।
সর্বপাপহরং শংভোর্নিবাসঃ পরমেষ্ঠিনঃ ॥ ৩৫.২৯ ॥

দৃষ্ট্বা লিংঙ্গং তু দেবস্য গোকর্ণেশ্বরমুত্তমম্ ।
ঈপ্সিতাঁল্লভতে কামান্ রুদ্রস্য দয়িতো ভবেৎ ॥ ৩৫.৩০ ॥

উত্তরং চাপি গোকর্ণং লিঙ্গং দেবস্য শূলিনঃ ।
মহাদেবং অর্চয়িৎবা শিবসায়ুজ্যমাপ্নুয়াৎ ॥ ৩৫.৩১ ॥

তত্র দেবো মহাদেবঃ স্থাণুরিত্যভিবিশ্রুতঃ ।
তং দৃষ্ট্বা সর্বপাপেভ্যো মুচ্যতে তৎক্ষণান্নরঃ ॥ ৩৫.৩২ ॥

অন্যৎ কুব্জাম্রমতুলং স্থানং বিষ্ণোর্মহাত্মনঃ ।
সম্পূজ্য পুরুষং বিষ্ণুং শ্বেতদ্বীপে মহীয়তে ॥ ৩৫.৩৩ ॥

যত্র নারায়ণো দেবো রুদ্রেণ ত্রিপুরারিণা ।
কৃৎবা যজ্ঞস্য মথনং দক্ষস্য তু বিসর্জিতঃ ॥ ৩৫.৩৪ ॥

সমন্তাদ্ যোজনং ক্ষেত্রং সিদ্ধর্ষিগণবন্দিতম্ ।
পুণ্যমায়তনং বিষ্ণোস্তত্রাস্তে পুরুষোত্তমঃ ॥ ৩৫.৩৫ ॥

অন্যৎ কোকামুখে বিষ্ণোস্তীর্থমদ্ভুতকর্মণঃ ।
মৃতোঽত্র পাতকৈর্মুক্তো বিষ্ণুসারূপ্যমাপ্নুয়াৎ ॥ ৩৫.৩৬ ॥

শালগ্রামং মহাতীর্থং বিষ্ণোঃ প্রীতিবিবর্ধনম্ ।
প্রাণাংস্তত্র নরস্ত্যক্ত্বা হৃষীকেষং প্রপশ্যতি ॥ ৩৫.৩৭ ॥

অশ্বতীর্থমিতি খ্যাতং সিদ্ধাবাসং সুপাবনম্ ।
আস্তে হয়শিরা নিত্যং তত্র নারায়ণঃ স্বয়ম্ ॥ ৩৫.৩৮ ॥

তীর্থং ত্রৈলোক্যবিখ্যাতং সিদ্দবাসং সুশোবনম্ ।
তত্রাস্তি পুণ্যদং তীর্থং ব্রহ্মণঃ পরমেষ্টিনঃ ॥৩৫.৩৯ ॥

পুষ্করং সর্বপাপঘ্নং মৃতানাং ব্রহ্মলোকদম্ ।
মনসা সংস্মরেদ্ যস্তু পুষ্করং বৈ দ্বিজোত্তমঃ ॥ ৩৫.৪০ ॥

পূয়তে পাতকৈঃ সর্বৈঃ শক্রেণ সহ মোদতে ।
তত্র দেবাঃ সগন্ধর্বাঃ সয়ক্ষোরগরাক্ষসাঃ ॥ ৩৫.৪১ ॥

উপাসতে সিদ্ধসঙ্ঘা ব্রহ্মাণং পদ্মসংভবম্ ।
তত্র স্নাৎবা ভবেচ্ছুদ্ধো ব্রহ্মাণং পরমেষ্ঠিনম্ ॥৩৫.৪২ ॥

পূজয়িৎবা দ্বিজবরং ব্রহ্মাণং সম্প্রপষ্যতি ।
তত্রাভিগম্য দেবেশং পুরুহূতমনিন্দিতম্ ॥ ৩৫.৪৩ ॥

সুরূপো জায়তে মর্ত্যঃ সর্বান্ কামানবাপ্নুয়াৎ ।
সপ্তসারস্বতং তীর্থং ব্রহ্মাদ্যৈঃ সেবিতং পরম্ ॥ ৩৫.৪৪ ॥

পূজয়িৎবা তত্র রুদ্রমশ্বমেধফলং লভেৎ ।
যত্র মঙ্কণকো রুদ্রং প্রপন্নঃ পরমেশ্বরম্ ॥ ৩৫.৪৫ ॥

আরাধয়ামাস শিবং তপসা গোবৃষধ্বজম্ ।
প্রজজ্বালাথ তপসা মুনির্মঙ্কণকস্তদা ॥ ৩৫.৪৬ ॥

ননর্ত্ত হর্ষবেগেন জ্ঞাৎবা রুদ্রং সমাগতম্ ।
তং প্রাহ ভগবান্ রুদ্রঃ কিমর্থং নর্তিতং ৎবয়া ॥ ৩৫.৪৭ ॥

দৃষ্ট্বাঽপি দেবমীশানং নৃত্যতি স্ম পুনঃ পুনঃ ।
সোঽন্বীক্ষ্য ভগবানীশঃ সগর্বং গর্বশান্তয়ে ॥ ৩৫.৪৮ ॥

স্বকং দেহং বিদার্যাস্মৈ ভস্মরাশিমদর্শয়ৎ ।
পশ্যেমং মচ্ছরীরোত্থং ভস্মরাশিং দ্বিজোত্তম ॥ ৩৫.৪৯ ॥

মাহাত্ম্যমেতৎ তপসস্ত্বাদৃশোঽন্যোঽপি বিদ্যতে ।
যৎ সগর্বং হি ভবতা নর্তিতং মুনিপুংগব ॥ ৩৫.৫০ ॥

ন যুক্তং তাপসস্যৈতৎ ৎবত্তোঽপ্যত্রাধিকো হ্যহম্ ।
ইত্যাভাষ্য মুনিশ্রেষ্ঠং স রুদ্রঃ কিল বিশ্বদৃক্ ॥ ৩৫.৫১ ॥

আস্থায় পরমং ভাবং ননর্ত্ত জগতো হরঃ ।
সহস্রশীর্ষা ভূৎবা সহস্রাক্ষঃ সহস্রপাৎ ॥ ৩৫.৫২ ॥

দংষ্ট্রাকরালবদনো জ্বালামালী ভয়ংকরঃ ।
সোঽন্বপশ্যদথেষস্য পার্শ্বে তস্য ত্রিশূলিনঃ ॥ ৩৫.৫৩ ॥

বিশাললোচনমেকাং দেবীং চারুবিলাসিনীম্ ।
সূর্যায়ুতসমপ্রখ্যাং প্রসন্নবদনাং শিবাম্ ॥ ৩৫.৫৪ ॥

সস্মিতং প্রেক্ষ্য বিশ্বেশং তিষ্ঠন্তমমিতদ্যুতিম্ ।
দৃষ্ট্বা সংত্রস্তহৃদয়ো বেপমানো মুনীশ্বরঃ ॥ ৩৫.৫৫ ॥

ননাম শিরসা রুদ্রং রুদ্রাধ্যায়ং জপন্ বশী ।
প্রসন্নো ভগবানীশস্ত্র্যম্বকো ভক্তবৎসলঃ ॥ ৩৫.৫৬ ॥

পূর্ববেষং স জগ্রাহ দেবী চান্তর্হিতাঽভবৎ ।
আলিঙ্গ্য ভক্তং প্রণতং দেবদেবঃ স্বয়ংশিবঃ ॥ ৩৫.৫৭ ॥

ন ভেতব্যং ৎবয়া বৎস প্রাহ কিং তে দদাম্যহম্ ।
প্রণম্য মূর্ধ্না গিরিশং হরং ত্রিপুরসূদনম্ ॥ ৩৫.৫৮ ॥

বিজ্ঞাপয়ামাস তদা হৃষ্টঃ প্রষ্টুমনা মুনিঃ ।
নমোঽস্তু তে মহাদেব মহেশ্বর নমোঽস্তু তে ॥ ৩৫.৫৯ ॥

কিমেতদ্ ভগবদ্রূপং সুঘোরং বিশ্বতোমুখম্ ।
কা চ সা ভগবৎপার্শ্বে রাজমানা ব্যবস্থিতা ॥ ৩৫.৬০ ॥

অন্তর্হিতেব চ সহসা সর্বমিচ্ছামি বেদিতুম্ ।
ইত্যুক্তে ব্যাজহারেশস্তদা মঙ্কণকং হরঃ ॥ ৩৫.৬১ ॥

মহেশঃ স্বাত্মনো যোগং দেবীং চ ত্রিপুরানলঃ ।
অহং সহস্রনয়নঃ সর্বাত্মা সর্বতোমুখঃ ॥ ৩৫.৬২ ॥

দাহকঃ সর্বপাপানাং কালঃ কালকরো হরঃ ।
ময়ৈব প্রের্যতে কৃৎস্নং চেতনাচেতনাত্মকম্ ॥ ৩৫.৬৩ ॥

সোঽন্তর্যামী স পুরুষো হ্যহং বৈ পুরুষোত্তমঃ ।
তস্য সা পরমা মায়া প্রকৃতিস্ত্রিগুণাত্মিকা ॥ ৩৫.৬৪ ॥

প্রোচ্যতে মুনির্ভিশক্তির্জগদ্যোনিঃ সনাতনী ।
স এষ মায়যা বিশ্বং ব্যামোহয়তি বিশ্ববিৎ ॥ ৩৫.৬৫ ॥

নারায়ণঃ পরোঽব্যক্তো মায়ারূপ ইতি শ্রুতিঃ ।
এবমেতজ্জগৎ সর্বং সর্বদা স্থাপয়াম্যহম্ ॥ ৩৫.৬৬ ॥

যোজয়ামি প্রকৃত্যাঽহং পুরুষং পঞ্চবিংশকম্ ।
তথা বৈ সংগতো দেবঃ কূটস্থঃ সর্বগোঽমলঃ ॥ ৩৫.৬৭ ॥

সৃজত্যশেষমেবেদং স্বমূর্ত্তেঃ প্রকৃতেরজঃ ॥

স দেবো ভগবান্ ব্রহ্মা বিশ্বরূপঃ পিতামহঃ ॥ ৩৫.৬৮ ॥

তবৈতৎ কথিতং সম্যক্ স্রষ্ট্বৃৎবং পরমাত্মনঃ ।
একোঽহং ভগবান্ কলো হ্যনাদিশ্চান্তকৃদ্ বিভুঃ ॥ ৩৫.৬৯ ॥

সমাস্থায় পরং ভাবং প্রোক্তো রুদ্রো মনীষিভিঃ ।
মম বৈ সাঽপরা শক্তির্দেবী বিদ্যেতি বিশ্রুতা ॥ ৩৫.৭০ ॥

দৃষ্টা হি ভবতা নূনং বিদ্যাদেহস্ত্বহং ততঃ ।
এবমেতানি তত্ত্বানি প্রধানপুরুষেশ্বরাঃ ॥ ৩৫.৭১ ॥

বিষ্ণুর্ব্রহ্মা চ ভগবান্ রুদ্রঃ কাল ইতি শ্রুতিঃ ।
ত্রয়মেতদনাদ্যন্তং ব্রহ্মণ্যেব ব্যবস্থিতম্ ॥ ৩৫.৭২ ॥

তদাত্মকং তদব্যক্তং তদক্ষরমিতি শ্রুতিঃ ।
আত্মানন্দপরং তত্ত্বং চিন্মাত্রং পরমং পদম্ ॥ ৩৫.৭৩ ॥

আকাশং নিষ্কলং ব্রহ্ম তস্মাদন্যন্ন বিদ্যতে ।
এবং বিজ্ঞায় ভবতা ভক্তিয়োগাশ্রয়েণ তু ॥ ৩৫.৭৪ ॥

সম্পূজ্যো বন্দনীয়োঽহং ততস্তং পশ্য শাশ্বতম্ ।
এতাবদুক্ত্বা ভগবাঞ্জগামাদর্শনং হরঃ ॥ ৩৫.৭৫ ॥

তত্রৈব ভক্তিয়োগেন রুদ্রামারাধয়ন্মুনিঃ ।
এতৎ পবিত্রমতুলং তীর্থং ব্রহ্মর্ষিসেবিতম্ ।
সংসেব্য ব্রাহ্মণো বিদ্বান্ মুচ্যতে সর্বপাতকৈঃ ॥ ৩৫.৭৬ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
পঞ্চত্রিংশোঽধ্যায়ঃ ॥৩৫ ॥

কূর্মপুরাণএ উত্তরভাগে ষড্ত্রিংশত্তমোঽধ্যায়ঃ

সূত উবাচ ।
অন্যৎ পবিত্রং বিপুলং তীর্থং ত্রৈলোক্যবিশ্রুতম্ ।
রুদ্রকোটিরিতি খ্যাতং রুদ্রস্য পরমেষ্ঠিনঃ ॥ ৩৬.১ ॥

পুরা পুণ্যতমে কালে দেবদর্শনতৎপরাঃ ।
কোটিব্রহ্মর্ষয়ো দান্তাস্তং দেশমগমন্ পরম্ ॥ ৩৬.২ ॥

অহং দ্রক্ষ্যামি গিরিশং পূর্বমেব পিনাকিনম্ ।
অন্যোঽন্যং ভক্তিয়ুক্তানাং ব্যাঘাতো জায়তে কিল ॥ ৩৬.৩ ॥

তেষাং ভক্তিং তদা দৃষ্ট্বা গিরিশো যোগিনাং গুরুঃ ।
কোটিরূপোঽভবদ্ রুদ্রো রুদ্রকোটিস্ততঃ স্মৃতঃ ॥ ৩৬.৪ ॥

তে স্ম সর্বে মহাদেবং হরং গিরিগুহাশয়ম্ ।
পশ্যন্তঃ পার্বতীনাথং হৃষ্টপুষ্টধিয়োঽভবন্ ॥ ৩৬.৫ ॥

অনাদ্যন্তং মহাদেবং পূর্বমেবাহমীশ্বরম্ ।
দৃষ্টবানিতি ভক্ত্যা তে রুদ্রন্যস্তধিয়োঽভবন্ ॥ ৩৬.৬ ॥

অথান্তরিক্ষে বিমলং পশ্যন্তি স্ম মহত্তরম্ ।
জ্যোতিস্তত্রৈব তে সর্বেঽভিলষন্তঃ পরং পদম্ ॥ ৩৬.৭ ॥

এতৎ স্বদেশাধ্যুষিতং তীর্থং পুণ্যতমং শুভম্ ।
দৃষ্ট্বা রুদ্রং সমভ্যর্চ্য রুদ্রসামীপ্যমাপ্নুয়াৎ ॥ ৩৬.৮ ॥

অন্যচ্চ তীর্থপ্রবরং নাম্না মধুবনং স্মৃতম্ ।
তত্র গৎবা নিয়মবানিন্দ্রস্যার্দ্ধাসনং লভেৎ ॥ ৩৬.৯ ॥

অথান্যা পুষ্পনগরী দেশঃ পুণ্যতমঃ শুভঃ ।
তত্র গৎবা পিতৄন্ পূজ্য কুলানাং তারয়েচ্ছতম্ ॥ ৩৬.১০ ॥

কালঞ্জরং মহাতীর্থং রুদ্রলোকে মহেশ্বরঃ ।
কালংজরং ভবন্দেবো যত্র ভক্তপ্রিয়ো হরঃ ॥ ৩৬.১১ ॥

শ্বেতো নাম শিবে ভক্তো রাজর্ষিপ্রবরঃ পুরা ।
তদাশীস্তন্নমস্কারৈঃ পূজয়ামাস শূলিনম্ ॥ ৩৬.১২ ॥

সংস্থাপ্য বিধিনা লিঙ্গং ভক্তিয়োগপুরঃ সরঃ ।
জজাপ রুদ্রমনিশং তত্র সংন্যস্তমানসঃ ॥ ৩৬.১৩ ॥

সিতং কলোজিনং দীপ্তং শূলমাদায় ভীষণম্ ।
নেতুমভ্যাগতো দেশং স রাজা যত্র তিষ্ঠতি ॥ ৩৬.১৪ ॥

বীক্ষ্য রাজা ভয়াবিষ্টঃ শূলহস্তং সমাগতম্ ।
কালং কালকরং ঘোরং ভীষণং চণ্ডদীপিতম্ ॥ ৩৬.১৫ ॥

উবাভ্যামথ হস্তাভ্যাং স্পৃট্বাঽসৌ লিঙ্গমৈশ্বরম্ ।
ননাম শিরসা রুদ্রং জজাপ শতরুদ্রিয়ম্ ॥ ৩৬.১৬ ॥

জপন্তমাহ রাজানং নমন্তং মনসা ভবম্ ।
এহ্যেহীতি পুরঃ স্থিৎবা কৃতান্তঃ প্রহসন্নিব ॥ ৩৬.১৭ ॥

তমুবাচ ভয়াবিষ্টো রাজা রুদ্রপরায়ণঃ ।
একমীশার্চনরতং বিহায়ান্যন্নিষূদয় ॥ ৩৬.১৮ ॥

ইত্যুক্তবন্তং ভগবানব্রবীদ্ ভীতমানসম্ ।
রুদ্রার্চনরতো বাঽন্যো মদ্বশে কো ন তিষ্ঠতি ॥ ৩৬.১৯ ॥

এবমুক্ত্বা স রাজানং কালো লোকপ্রকালনঃ ।
ববন্ধ পাশৈ রাজাঽপি জজাপ শতরুদ্রিয়ম্ ॥ ৩৬.২০ ॥

অথান্তরিক্ষে বিমলং দীপ্যমানংতেজোরাশিং ভূতভর্ত্তুঃ পুরাণম্ ।
জ্বালামালাসংবৃতং ব্যাপ্য বিশ্বং প্রাদুর্ভূতং সংস্থিতং সংদদর্শ ॥ ৩৬.২১ ॥

তন্মধ্যেঽসৌ পুরুষং রুক্মবর্ণং দেব্যা দেবং চন্দ্রলেখোজ্জ্বলাঙ্গম্ ।
তেজোরূপং পশ্যতি স্মাতিহৃষ্টো মেনে চাত্মানমপ্যাগচ্ছতীতি ॥ ৩৬.২২ ॥

আগচ্ছন্তং নাতিদূরেঽথ দৃষ্ট্বাকালো রুদ্রং দেবদেব্যা মহেশম্ ।
ব্যপেতভীরখিলেশৈকনাথংরাজর্ষিস্তং নেতুমভ্যাজগাম ॥ ৩৬.২৩ ॥

আলোক্যাসৌ ভগবানুগ্রকর্মাদেবো রুদ্রো ভূতভর্ত্তা পুরাণঃ ।
এবং ভক্তং সৎবরং মাং স্মরন্তং দেহীতীমং কালরূপং মমেতি ॥ ৩৬.২৪ ॥

শ্রুৎবা বাখ্যং গোপতেরুদ্রভাবঃ কালাত্মাঽসৌ মন্যমানঃ স্বভাবম্ ।
বদ্ধ্বা ভক্তং পুনরেবাঽথ পাশৈঃ রুদ্রো রৌদ্রমভিদুদ্রাব বেগাৎ ॥ ৩৬.২৫ ॥

প্রেক্ষ্যায়ান্তং শৈলপুত্রীমথেশঃ সোঽন্বীক্ষ্যান্তে বিশ্বমায়াবিধিজ্ঞঃ ।
সাবজ্ঞং বৈ বামপাদেন কালংৎবেতস্যৈনং পশ্যতো ব্যাজঘান ॥ ৩৬.২৬ ॥

মমার সোঽতিভীষণো মহেশপাদঘাতিতঃ ।
ররাজ দেবতাপতিঃ সহোময়া পিনাকধৃক্ ॥ ৩৬.২৭ ॥

নিরীক্ষ্য দেবমীশ্বরং প্রহৃষ্টমানসো হরম্ ।
ননাম সাম্বমব্যযং স রাজপুংগবস্তদা ॥ ৩৬.২৮ ॥

নমো ভবায় হেতবে হরায় বিশ্বসংভবে ।
নমঃ শিবায় ধীমতে নমোঽপবর্গদায়িনে ॥ ৩৬.২৯ ॥

নমো নমো নমো নমো মহাবিভূতয়ে নমঃ ।
বিভাগহীনরূপিণে নমো নরাধিপায় তে ॥ ৩৬.৩০ ॥

নমোঽস্তু তে গণেশ্বর প্রপন্নদুঃখনাশন ।
অনাদিনিত্যভূতয়ে বরাহশৃঙ্গধারিণে ॥ ৩৬.৩১ ॥

নমো বৃষধ্বজায় তে কপালমালিনে নমঃ ।
নমো মহানটায় তে শিবায় শঙ্করায় তে ॥ ৩৬.৩২ ॥

অথানুগৃহ্য শংকরঃ প্রণামতৎপরং নৃপম্ ।
স্বগাণপত্যমব্যযং সরূপতামথো দদৌ ॥ ৩৬.৩৩ ॥

সহোময়া সপার্ষদঃ সরাজপুংগবো হরঃ ।
মুনীশসিদ্ধবন্দিতঃ ক্ষণাদদৃশ্যতামগাৎ ॥ ৩৬.৩৪ ॥

কালে মহেশাভিহতে লোকনাথঃ পিতামহঃ ।
অয়াচত বরং রুদ্রং সজীবোঽয়ং ভবৎবিতি ॥ ৩৬.৩৫ ॥

নাস্তি কশ্চিদপীশান দোষলেশো বৃষধ্বজ ।
কৃতান্তস্যৈব ভবতা তৎকার্যে বিনিয়োজিতঃ ॥ ৩৬.৩৬ ॥

স দেবদেববচনাদ্ দেবদেবেশ্বরো হরঃ ।
তথাস্ত্বিত্যাহ বিশ্বাত্মা সোঽপি তাদৃগ্বিধোঽভবৎ ॥ ৩৬.৩৭ ॥

ইত্যেতৎ পরমং তীর্থং কালংজরমিতি শ্রুতম্ ।
গৎবাঽভ্যর্চ্য মহাদেবং গাণপত্যং স বিন্দতি ॥ ৩৬.৩৮ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
ষট্ত্রিংশোঽধ্যায়ঃ ॥৩৬ ॥

কূর্মপুরাণএ উত্তরভাগে সপ্তত্রিংশত্তমোঽধ্যায়ঃ

সূত উবাচ ।
ইদমন্যৎ পরং স্থানং গুহ্যাদ্ গুহ্যতমং মহৎ ।
মহাদেবস্য দেবস্য মহালয়মিতি শ্রুতম্ ॥ ৩৭.১ ॥

তত্র দেবাদিদেবেন রুদ্রেণ ত্রিপুরারিণা ।
শিলাতলে পদং ন্যস্তং নাস্তিকানাং নিদর্শনম্ ॥ ৩৭.২ ॥

তত্র পাশুপতাঃ শান্তা ভস্মোদ্ধূলিতবিগ্রহাঃ ।
উপাসতে মহাদেবং বেদাধ্যযনতৎপরাঃ ॥ ৩৭.৩ ॥

স্নাৎবা তত্র পদং শার্বং দৃষ্ট্বা ভক্তিপুরঃ সরম্ ।
নমস্কৃৎবাঽথ শিরসা রুদ্রসামীপ্যমাপ্নুয়াৎ ॥ ৩৭.৪ ॥

অন্যচ্চ দেবদেবস্য স্থানং শংভোর্মহাত্মনঃ ।
কেদারমিতি বিখ্যাতং সিদ্ধানামালয়ং শুভম্ ॥ ৩৭.৫ ॥

তত্র স্নাৎবা মহাদেবমভ্যর্চ্য বৃষকেতনম্ ।
পীৎবা চৈবোদকং শুদ্ধং গাণপত্যমবাপ্নুয়াৎ ॥ ৩৭.৬ ॥

শ্রাদ্ধদানাদিকং কৃৎবা হ্যক্ষ্যং লভতে ফলম্ ।
দ্বিজাতিপ্রবরৈর্জুষ্টং যোগিভির্জ্জিতমানসৈঃ ॥ ৩৭.৭ ॥

তীর্থং প্লক্ষাবতরণং সর্বপাপবিনাশনম্ ।
তত্রাভ্যর্চ্য শ্রীনিবাসং বিষ্ণুলোকে মহীয়তে ॥ ৩৭.৮ ॥

অন্যচ্চ মগধারণ্যং সর্বলোকগতিপ্রদম্ ।
অক্ষয়ং বিন্দতে স্বর্গং তত্র গৎবা দ্বিজোত্তমঃ ॥ ৩৭.৯ ॥

তীর্থং কনখলং পুণ্যং মহাপাতকনাশনম্ ।
যত্র দেবেন রুদ্রেণ যজ্ঞো দক্ষস্য নাশিতঃ ॥ ৩৭.১০ ॥

তত্র গঙ্গামুপস্পৃশ্য শুচির্ভাবসমন্বিতঃ ।
মুচ্যতে সর্বপাপৈস্তু ব্রহ্মলোকং লভেন্মৃতঃ ॥ ৩৭.১১ ॥

মহাতীর্থমিতি খ্যাতং পুণ্যং নারায়ণপ্রিয়ম্ ।
তত্রাভ্যর্চ্য হৃষীকেশং শ্বেতদ্বীপং সগচ্ছতি ॥ ৩৭.১২ ॥

অন্যচ্চ তীর্থপ্রবরং নাম্না শ্রীপর্বতং শুভম্ ।
তত্র প্রাণান্ পরিত্যজ্য রুদ্রস্য দয়িতো ভবেৎ ॥ ৩৭.১৩ ॥

তত্র সন্নিহিতো রুদ্রো দেব্যা সহ মহেশ্বরঃ ।
স্নানপিণ্ডাদিকং তত্র কৃতমক্ষয়্যমুত্তমম্ ॥ ৩৭.১৪ ॥

গোদাবরী নদী পুণ্যা সর্বপাপবিনাশনী ।
তত্র স্নাৎবা পিতৄন্ দেবাংস্তর্পয়িৎবা যথাবিধি ॥ ৩৭.১৫ ॥

সর্বপাপবিশুদ্ধাত্মা গোসহস্রফলং লভেৎ ।
পবিত্রসলিলা পুণ্যা কাবেরী বিপুলা নদী ॥ ৩৭.১৬ ॥

তস্যাং স্নাৎবোদকং কৃৎবা মুচ্যতে সর্বপাতকৈঃ ।
ত্রিরাত্রোপোষিতেনাথ একরাত্রোষিতেন বা ॥ ৩৭.১৭ ॥

দ্বিজাতীনাং তু কথিতং তীর্থানামিহ সেবনম্ ।
যস্য বাঙ্মনসী শুদ্ধে হস্তপাদৌ চ সংস্থিতৌ ॥ ৩৭.১৮ ॥

অলোলুপো ব্রহ্মচারী তীর্থানাং ফলমাপ্নুয়াৎ ।
স্বামিতীর্থং মহাতীর্থং ত্রিষু লোকেষু বিশ্রুতম্ ॥ ৩৭.১৯ ॥

তত্র সন্নিহিতো নিত্যং স্কন্দোঽমরনমস্কৃতঃ ।
স্নাৎবা কুমারধারায়াং কৃৎবা দেবাদিতর্পণম্ ॥ ৩৭.২০ ॥

আরাধ্য ষণ্মুখং দেবং স্কন্দেন সহ মোদতে ।
নদী ত্রৈলোক্যবিখ্যাতা তাম্রপর্ণোতি নামতঃ ॥ ৩৭.২১ ॥

তত্র স্নাৎবা পিতৄন্ ভক্ত্যা তর্পয়িৎবা যথাবিধি ।
পাপকর্তৄনপি পিতৄস্তারয়েন্নাত্র সংশয়ঃ ॥ ৩৭.২২ ॥

চন্দ্রতীর্থমিতি খ্যাতং কাবের্যাঃ প্রভবেঽক্ষয়ম্ ।
তীর্থে তত্রভবেদ্ধত্তং মৃতানাং স্বর্গতির্ধ্রুবা ॥ ৩৭.২৩ ॥

বিন্ধ্যপাদে প্রপশ্যন্তি দেবদেবং সদাশিবম্ ।
ভক্ত্যা যে তে ন পশ্যন্তি যমস্য সদনং দ্বিজাঃ ॥ ৩৭.২৪ ॥

দেবিকায়াং বৃষো নাম তীর্থং সিদ্ধনিষেবিতম্ ।
তত্র স্নাৎবোদকং দৎবা যোগসিদ্ধিং চ বিন্দতি ॥ ৩৭.২৫ ॥

দশাশ্বমেধিকং তীর্থং সর্বপাপবিনাশকম্ ।
দশানামশ্বমেধানাং তত্রাপ্নোতি ফলং নরঃ ॥ ৩৭.২৬ ॥

পুণ্ডরীকং মহাতীর্থং ব্রাহ্মণৈরুপসেবিতম্ ।
তত্রাভিগম্য যুক্তাত্মা পুণ্ডরীকফলং লভেৎ ॥ ৩৭.২৭ ॥

তীর্থেভ্যঃ পরমং তীর্থং ব্রহ্মতীর্থমিতি শ্রুতম্ ।
ব্রহ্মাণমর্চয়িৎবা তু ব্রহ্মলোকে মহীয়তে ॥ ৩৩.২৮ ॥

সরস্বত্যা বিনশনং প্লক্ষপ্রস্রবণং শুভম্ ।
ব্যাসতীর্থং পরং তীর্থং মৈনাকং চ নগোত্তমম্ ॥ ৩৭.২৯ ॥

যমুনাপ্রভবং চৈব সর্বপাপবিনাশনম্ ।
পিতৄণাং দুহিতা দেবী গন্ধকালীতি বিশ্রুতা ॥ ৩৭.৩০ ॥

তস্যাং স্নাৎবা দিবং যাতি মৃতো জাতিস্মরো ভবেৎ ।
কুবেরতুঙ্গং পাপঘ্নং সিদ্ধচারণসেবিতম্ ॥ ৩৭.৩১ ॥

প্রাণাংস্তত্র পরিত্যজ্য কুবেরানুচরো ভবেৎ ।
উমাতুঙ্গমিতি খ্যাতং যত্র সা রুদ্রবল্লভা ॥ ৩৭.৩২ ॥

তত্রাভ্যর্চ্য মহাদেবীং গোসহস্রফলং লভেৎ ।
ভৃগুতুঙ্গে তপস্তপ্তং শ্রাদ্ধং দানং তথা কৃতম্ ॥ ৩৭.৩৩ ॥

কুলান্যুভয়তঃ সপ্ত পুনাতীতি মতির্মম ।
কাশ্যপস্য মহাতীর্থং কালসর্পিরিতি শ্রুতম্ ॥ ৩৭.৩৪ ॥

তত্র শ্রাদ্ধানি দেয়ানি নিত্যং পাপক্ষয়েচ্ছয়া ।
দশার্ণায়াং তথা দানং শ্রাদ্ধং হোমস্তপো জপঃ ॥৩৭.৩৫ ॥

অক্ষয়ং চাব্যযং চৈব কৃতং ভবতি সর্বদা ।
তীর্থং দ্বিজাতিভির্জুষ্টং নাম্না বৈ কুরুজাঙ্গলম্ ॥ ৩৭.৩৬ ॥

দত্ত্বা তু দানং বিধিবদ্ ব্রহ্মলোকে মহীয়তে ।
বৈতরণ্যাং মহাতীর্থে স্বর্ণবেদ্যাং তথৈব চ ॥ ৩৭.৩৭ ॥

ধর্মপৃষ্ঠে চ সরসি ব্রহ্মণঃ পরমে শুভে ।
ভরতস্যাশ্রমে পুণ্যে পুণ্যে শ্রাদ্ধবটে শুভে ॥ ৩৭.৩৮ ।
মহাহ্রদে চ কৌশিক্যাং দত্তং ভবতি চাক্ষয়ম্ ।
মুণ্ডপৃষ্ঠে পদং ন্যস্তং মহাদেবেন ধীমতা ॥ ৩৭.৩৯ ॥

হিতায় সর্বভূতানাং নাস্তিকানাং নিদর্শনম্ ।
অল্পেনাপি তু কালেন নরো ধর্মপরায়ণঃ ॥৩৭.৪০ ॥

পাপ্মানমুৎসৃজত্যাশু জীর্ণাং ৎবচমিবোরগঃ ।
নাম্না কনকনন্দেতি তীর্থং ত্রৈলোক্যবিশ্রুতম্ ॥ ৩৭.৪১ ॥

উদীচ্যাং মুঞ্জপৃষ্ঠস্য ব্রহ্মর্ষিগণসেবিতম্ ।
তত্র স্নাৎবা দিবং যান্তি সশরীরা দ্বিজাতয়ঃ ॥ ৩৭.৪২ ॥

দত্তং চাপি সদা শ্রাদ্ধমক্ষয়ং সমুদাহৃতম্ ।
ঋণৈস্ত্রিভির্নরঃ স্নাৎবা মুচ্যতে ক্ষীণকল্মষঃ ॥ ৩৭.৪৩ ॥

মানসে সরসি স্নাৎবা শক্রস্যার্দ্ধাসনং লভেৎ ।
উত্তরং মানসং গৎবা সিদ্ধিং প্রাপ্নোত্যনুত্তমাম্ ॥ ৩৭.৪৪ ॥

তস্মান্নির্বর্ত্তয়েচ্ছ্রাদ্ধং যথাশক্তি যথাবলম্ ।
কামান্ সলভতে দিব্যান্ মোক্ষোপায়ং চ বিন্দতি ॥ ৩৭.৪৫ ॥

পর্বতো হিমবান্নাম নানাধাতুবিভূষিতঃ ।
যোজনানাং সহস্রাণি সাশীতিস্ত্বায়তো গিরিঃ ॥ ৩৭.৪৬ ॥

সিদ্ধচারণসংকীর্ণা দেবর্ষিগণসেবিতঃ ।
তত্র পুষ্করিণী রম্যা সুষুম্না নাম নামতঃ ॥ ৩৭.৪৭ ॥

তত্র গৎবা দ্বিজো বিদ্বান্ ব্রহ্মহত্যাং বিমুঞ্চতি ।
শ্রাদ্ধং ভবতি চাক্ষয়্যং তত্র দত্তং মহোদয়ম্ ॥ ৩৭.৪৮ ॥

তারয়েচ্চ পিতৄন্ সম্যগ্ দশ পূর্বান্ দশাপরান্ ।
সর্বত্র হিমবান্ পুণ্যো গঙ্গা পুণ্যা সমন্ততঃ ॥ ৩৭.৪৯ ॥

নদ্যঃ সমুদ্রগাঃ পুণ্যাঃ সমুদ্রশ্চ বিশেষতঃ ।
বদর্যাশ্রমমাসাদ্য মুচ্যতে কলিকল্বিষাৎ ॥৩৭.৫০ ॥

তত্র নারায়ণো দেবো নরেণাস্তে সনাতনঃ ।
অক্ষয়ং তত্র দানং স্যাৎ জপ্যং বাঽপি তথাবিধম্ ॥ ৩৭.৫১ ॥

মহাদেবপ্রিয়ং তীর্থং পাবনং তদ্ বিশেষতঃ ।
তারয়েচ্চ পিতৄন্ সর্বান্ দত্ত্বা শ্রাদ্ধং সমাহিতঃ ॥ ৩৭.৫২ ॥

দেবদারুবনং পুণ্যং সিদ্ধগন্ধর্বসেবিতম্ ।
মহাদেবেন দেবেন তত্র দত্তং মহদ্ বরম্ ॥ ৩৭.৫৩ ॥

মোহয়িৎবা মুনীন্ সর্বান্ সমস্তৈঃ সম্প্রপূজিতঃ ।
প্রসন্নো ভগবানীশো মুনীন্দ্রান্ প্রাহ ভাবিতান্ ॥ ৩৭.৫৪ ॥

ইহাশ্রমবরে রম্যে নিবসিষ্যথ সর্বদা ।
মদ্ভাবনাসমায়ুক্তাস্ততঃ সিদ্ধিমবাপ্স্যথ ॥ ৩৭.৫৫ ॥

যেঽত্র মামর্চয়ন্তীহ লোকে ধর্মপরা জনাঃ ।
তেষাং দদামি পরমং গাণপত্যং হি শাশ্বতম্ ॥ ৩৭.৫৬ ॥

অত্র নিত্যং বসিষ্যামি সহ নারায়ণেন চ ।
প্রাণানিহ নরস্ত্যক্ত্বা ন ভূয়ো জন্ম বিন্দতি ॥ ৩৭.৫৭ ॥

সংস্মরন্তি চ যে তীর্থং দেশান্তরগতা জনাঃ ।
তেষাং চ সর্বপাপানি নাশয়ামি দ্বিজোত্তমাঃ ॥ ৩৭.৫৮ ॥

শ্রাদ্ধং দানং তপো হোমঃ পিণ্ডনির্বপণং তথা ।
ধ্যানং জপশ্চ নিয়মঃ সর্বমত্রাক্ষয়ং কৃতম্ ॥ ৩৭.৫৯ ॥

তস্মাৎ সর্বপ্রয়ত্নেন দ্রষ্টব্যং হি দ্বিজাতিভিঃ ॥

দেবদারুবনং পুণ্যং মহাদেবনিষেবিতম্ ॥ ৩৭.৬০ ॥

যত্রেস্বরো মহাদেবো বিষ্ণুর্বা পুরুষোত্তমঃ ।
তত্র সন্নিহিতা গঙ্গাতীর্থান্যায়তনানি চ ॥ ৩৭.৬১ ॥

ইতী শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
সপ্তত্রিংশোঽধ্যায়ঃ ॥৩৭ ॥

কূর্মপুরাণএ উত্তরভাগে অষ্টত্রিংশত্তমোঽধ্যায়ঃ

ঋষয় ঊচুঃ ।
কথং দারুবনং প্রাপ্তো ভগবান্ গোবৃষধ্বজঃ ।
মোহয়ামাস বিপ্রেন্দ্রান্ সূত বক্তুমিহার্হসি ॥ ৩৮.১ ॥

সূত উবাচ ।
পুরা দারুবনে রম্যে দেবসিদ্ধনিষেবিতে ।
সপুত্রদারতনয়াস্তপশ্চেরুঃ সহস্রশঃ ॥ ৩৮.২ ॥

প্রবৃত্তং বিবিধং কর্ম প্রকুর্বাণা যথাবিধি ।
যজন্তি বিবিধৈর্যজ্ঞৈস্তপন্তি চ মহর্ষয়ঃ ॥ ৩৮.৩ ॥

তেষাং প্রবৃত্তিবিন্যস্তচেতসামথ শূলধৃক্ ।
ব্যাখ্যাপয়ন্ স মহাদোষং যয়ৌ দারুবনং হরঃ ॥ ৩৮.৪ ॥

কৃৎবা বিশ্বগুরুং বিষ্ণুং পার্শ্বে দেবো মহেশ্বরঃ ।
যয়ৌ নিবৃত্তবিজ্ঞানস্থাপনার্থং চ শংকরঃ ॥ ৩৮.৫ ॥

আস্থায় বিপুলঞ্চৈষ জনং বিংশতিবৎসরম্ ।
লীলালসো মহাবাহুঃ পীনাঙ্গশ্চারুলোচনঃ ॥ ৩৮.৬ ॥

চামীকরবপুঃ শ্রীমান্ পূর্ণচন্দ্রনিভাননঃ ।
মত্তমাতঙ্গগামনো দিগ্বাসা জগদীশ্বরঃ ॥ ৩৮.৭ ॥

কুশেশয়ময়ীং মালাং সর্বরত্নৈরলংকৃতাম্ ।
দধানো ভগবানীশঃ সমাগচ্ছতি সস্মিতঃ ॥ ৩৮.৮ ॥

যোঽনন্তঃ পুরুষো যোনির্লোকানামব্যযো হরিঃ ।
স্ত্রীবেষং বিষ্ণুরাস্থায় সোঽনুগচ্ছতি শূলিনম্ ॥ ৩৮.৯ ॥

সম্পূর্ণচন্দ্রবদনং পীনোন্নতপয়োধরম্ ।
শুচিস্মিতং সুপ্রসন্নং রণন্নুপুরকদ্বয়ম্ ॥ ৩৮.১০ ॥

সুপীতবসনং দিব্যং শ্যামলং চারুলোচনম্ ।
উদারহংসচলনং বিলাসি সুমনোহরম্ ॥ ৩৮.১১ ॥

এবং স ভগবানীশো দেবদারুবনে হরঃ ।
চচার হরিণা সার্দ্ধং মায়যা মোহয়ন্ জগৎ ॥ ৩৮.১২ ॥

দৃষ্ট্বা চরন্তং বিশ্বেশং তত্র তত্র পিনাকিনম্ ।
মায়যা মোহিতা নার্যো দেবদেবং সমন্বয়ুঃ ॥ ৩৮.১৩ ॥

বিস্ত্রস্তবস্ত্রাভরণাস্ত্যক্ত্বা লজ্জাং পতিব্রতাঃ ।
সহৈব তেন কামার্ত্তা বিলাসিন্যশ্চরন্তিহি ॥ ৩৮.১৪ ॥

ঋষীণাং পুত্রকা যে স্যুর্যুবানো জিতমানসাঃ ।
অন্বগচ্ছন্ হৃষীকেশং সর্বে কামপ্রপীডিতাঃ ॥ ৩৮.১৫ ॥

গায়ন্তি নৃত্যন্তি বিলাসয়ুক্তা
নারীগণা নায়িকমেকমীশম্ ।
দৃষ্ট্বা সপত্নীকমতীবকান্ত-
মিচ্ছন্ত্যথালিঙ্গনমাচরন্তি ॥ ৩৮.১৬ ॥

পার্শ্বে নিপেতুঃ স্মিতমাচরন্তি
গায়ন্তি গীতানি মুনীশপুত্রাঃ ।
আলোক্য পদ্মাপতিমাদিদেবং
ভ্রূভঙ্গমন্যে বিচরন্তি তেন ॥ ৩৮.১৭ ॥

আসামথৈষামপি বাসুদেবো
মায়ী মুরারির্মনসি প্রবিষ্টঃ ।
করোতি ভোগান্ মনসি প্রবৃত্তিং
মায়ানুভূয়ন্ত ইতিব সম্যক্ ॥ ৩৮.১৮ ॥

বিভাতি বিশ্বামরভূতভর্ত্তা
স মাধবঃ স্ত্রীগণমধ্যবিষ্টঃ ।
অশেষশক্ত্যাসনসংনিবিষ্টো
যথৈকশক্ত্যা সহ দেবদেবঃ ॥ ৩৮.১৯ ॥

করোতি নৃত্যং পরমং প্রধানং
তদা বিরূঢঃ পুনরেব ভূয়ঃ ।
যয়ৌ সমারুহ্য হরিঃ স্বভাবং
তদীশবৃত্তামৃতমাদিদেবঃ ॥ ৩৮.২০ ॥

দৃষ্ট্বা নারীকুলং রুদ্রং পুত্রানপি চ কেশবম্ ।
মোহয়ন্তং মুনিশ্রেষ্ঠাঃ কোপং সংদধিরে ভৃশম্ ॥ ৩৮.২১ ॥

অতীব পরুষং বাক্যং প্রোচুর্দেবং কপর্দিনম্ ।
শেপুশ্চর্বিবিধৈর্বাক্যৈর্মায়যা তস্য মোহিতাঃ ॥ ৩৮.২২ ॥

তপাংসি তেষাং সর্বেষাং প্রত্যাহন্যন্ত শংকরে ।
যথাদিত্যপ্রকাশেন তারকা নভসি স্থিতাঃ ॥ ৩৮.২৩ ॥

তে ভগ্নতপসো বিপ্রাঃ সমেত্য বৃষভধ্বজম্ ।
কো ভবানিতি দেবেশং পৃচ্ছন্তি স্ম বিমোহিতাঃ ॥ ৩৮.২৪ ॥

সোঽব্রবীদ্ ভগবানীশস্তপশ্চর্তুমিহাগতঃ ।
ইদানীং ভার্যযা দেশে ভবদ্ভিরিহ সুব্রতাঃ ॥ ৩৮.২৫ ॥

তস্য তে বাক্যমাকর্ণ্য ভৃগ্বাদ্যা মুনিপুংগবাঃ ।
ঊচুর্গৃহীৎবা বসনং ত্যক্ত্বা ভার্যাং তপশ্চর ॥ ৩৮.২৬ ॥

অথোবাচ বিহস্যেশঃ পিনাকী নীললোহিতঃ ।
সম্প্রেক্ষ্য জগতাং যোনিং পার্শ্বস্থং চ জনার্দনম্ ॥ ৩৮.২৭ ॥

কথং ভবদ্ভিরুদিতং স্বভার্যাপোষণোৎসুকৈঃ ।
ত্যক্তব্যা মম ভার্যেতি ধর্মজ্ঞৈঃ শান্তমানসৈঃ ॥ ৩৮.২৮ ॥

ঋষয় ঊচুঃ ।
ব্যভিচাররতা ভার্যাঃ সংত্যাজ্যাঃ পতিনেরিতাঃ ।
অস্মাভিরেষা সুভগা তাদৃশী ত্যাগমর্হতি ॥ ৩৮.২৯ ॥

মহাদেব উবাচ ।
ন কদাচিদিয়ং বিপ্রা মনসাপ্যন্যমিচ্ছতি ।
নাহমেনামপি তথা বিমুঞ্চামি কদাচন ॥ ৩৮.৩০ ॥

ঋষয় ঊচুঃ ।
দৃষ্ট্বা ব্যভিচরন্তীহ হ্যস্মাভিঃ পুরুষাধম ।
উক্তং হ্যসত্যং ভবতা গম্যতাং ক্ষিপ্রমেব হি ॥ ৩৮.৩১ ॥

এবমুক্তে মহাদেবঃ সত্যমেব ময়েরিতম্ ।
ভবতাং প্রতিভাত্যেষেত্যুক্ত্বাসৌ বিচচার হ ॥ ৩৮.৩২ ॥

সোঽগচ্ছদ্ধরিণা সার্দ্ধং মুনিন্দ্রস্য মহাত্মনঃ ।
বসিষ্ঠস্যাশ্রমং পুণ্যং ভিক্ষার্থী পরমেশ্বরঃ ॥ ৩৮.৩৩ ॥

দৃষ্ট্বা সমাগতং দেবং ভিক্ষমাণমরুন্ধতী ।
বসিষ্ঠস্য প্রিয়া ভার্যা প্রত্যুদ্গম্য ননাম নম্ ॥ ৩৮.৩৪ ॥

প্রক্ষাল্য পাদৌ বিমলং দত্ত্বা চাসনমুত্তমম্ ।
সম্প্রেক্ষ্য শিথিলং গাত্রমভিঘাতহতং দ্বিজৈঃ ।
সংধয়ামাস ভৈষজ্যৈর্বিষণ্ণ বদনা সতী ॥ ৩৮.৩৫ ॥

চকার মহতীং পূজাং প্রার্থয়ামাস ভার্যযা ।
কো ভবান্ কুত আয়াতঃ কিমাচারো ভবানিতি ।
উবাচ তাং মহাদেবঃ সিদ্ধানাং প্রবরোঽস্ম্যহম্ ॥ ৩৮.৩৬ ॥

যদেতন্মণ্ডলং শুদ্ধং ভাতি ব্রহ্মময়ং সদা ।
এষৈব দেবতা মহ্যং ধারয়ামি সদৈব তৎ ॥ ৩৮.৩৭ ॥

হত্যুক্ত্বা প্রয়যৌ শ্রীমাননুগৃহ্য পতিব্রতাম্ ।
তাডয়াঞ্চক্রিরে দণ্ডৈর্লোষ্টিভির্মুষ্টিভিদ্বিজাঃ ॥ ৩৮.৩৮ ॥

দৃষ্ট্বা চরন্তং গিরিশং নগ্নং বিকৃতলক্ষণম্ ।
প্রোচুরেতদ্ ভবাঁল্লিঙ্গমুৎপাটয়তু দুর্মতে ॥ ৩৮.৩৯ ॥

তানব্রবীন্মহায়োগী করিষ্যামীতি শংকরঃ ।
যুষ্মাকং মামকে লিঙ্গে যদি দ্বেষোঽভিজায়তে ॥ ৩৮.৪০ ॥

ইত্যুক্ত্বোৎপাটয়ামাস ভগবান্ ভগনেত্রহা ।
নাপশ্যংস্তৎক্ষণেনেশং কেশবং লিঙ্গমেব চ ॥ ৩৮.৪১ ॥

তদোৎপাতা বভূবুর্হি লোকানাং ভয়শংসিনঃ ।
ন রাজতে সহস্রাংশুশ্চচাল পৃথিবী পুনঃ ।
নিষ্প্রভাশ্চ গ্রহাঃ সর্বে চুক্ষুভে চ মহোদধিঃ ॥ ৩৮.৪২ ॥

অপশ্যচ্চানুসূয়াত্রেঃ স্বপ্নং ভার্যা পতিব্রতা ।
কথয়ামাস বিপ্রাণাং ভয়াদাকুলিতেক্ষণা ॥ ৩৮.৪৩ ॥

তেজসা ভাসয়ন্ কৃৎস্নং নারায়ণসহায়বান্ ।
ভিক্ষমাণঃ শিবো নূনং দৃষ্টোঽস্মাকং গৃহেষ্বিতি ॥ ৩৮.৪৪ ॥

তস্যা বচনমাকর্ণ্য শঙ্কমানা মহর্ষয়ঃ ।
সর্বে জগ্মুর্মহায়োগং ব্রহ্মাণং বিশ্বসংভবম্ ॥ ৩৮.৪৫ ॥

উপাস্যমানমমলৈর্যোগিভির্ব্রহ্মবিত্তমৈঃ ।
চতুর্বেদৈর্মূর্তিমদ্ভিঃ সাবিত্র্যা সহিতং প্রভুম্ ॥ ৩৮.৪৬ ॥

আসীনমাসনে রম্যে নানাশ্চর্যসমন্বিতে ।
প্রভাসহস্রকলিলে জ্ঞানৈশ্বর্যাদিসংয়ুতে ॥ ৩৮.৪৭ ॥

বিভ্রাজমানং বপুষা সস্মিতং শুভ্রলোচনম্ ।
চতুর্মুখং মহাবাহুং ছন্দোময়মজং পরম্ ॥ ৩৮.৪৮ ॥

বিলোক্য দেবপুরুষং প্রসন্নবদনং শুভম্ ।
শিরোভির্ধরণীং গৎবা তোষয়ামাসুরীশ্বরম্ ॥ ৩৮.৪৯ ॥

তান্ প্রসন্নমনা দেবশ্চতুর্মূর্ত্তিশ্চতুর্মুখঃ ।
ব্যাজহার মুনিশ্রেষ্ঠাঃ কিমাগমনকারণম্ ॥ ৩৮.৫০ ॥

তস্য তে বৃত্তমখিলং ব্রহ্মণঃ পরমাত্মনঃ ।
জ্ঞাপয়াঞ্চক্রিরে সর্বে কৃৎবা শিরসি চাঞ্জলিম্ ॥ ৩৮.৫১ ॥

ঋষয় ঊচুঃ ।
কশ্চিদ্ দারুবনং পুণ্যং পুরুষোঽতীবশোভনঃ ।
ভার্যযা চারুসর্বাঙ্গ্যা প্রবিষ্টো নগ্ন এব হি ॥ ৩৮.৫২ ॥

মোহয়ামাস বপুষা নারীণাং কুলমীশ্বরঃ ।
কন্যকানাং প্রিয়া চাস্য দূষয়ামাস পুত্রকান্ ॥ ৩৮.৫৩ ॥

অস্মাভির্বিবিধাঃ শাপাঃ প্রদত্তাশ্চ পরাহতাঃ ।
তাডিতোঽস্মাভিরত্যর্থং লিঙ্গংতু বিনিপাতিতম্ ॥ ৩৮.৫৪ ॥

অন্তর্হিতশ্চ ভগবান্ সভার্যো লিঙ্গমেব চ ।
উৎপাতাশ্চাভবন্ ঘোরাঃ সর্বভূতভয়ংকরাঃ ॥ ৩৮.৫৫ ॥

ক এষ পুরুষো দেব ভীতাঃ স্ম পুরুষোত্তম ।
ভবন্তমেব শরণং প্রপন্না বয়মচ্যুত ॥ ৩৮.৫৬ ॥

ৎবং হি বেৎসি জগত্যস্মিন্ যৎকিঞ্চিদপি চেষ্টিতম্ ।
অনুগ্রহেণ বিশ্বেশ তদস্মাননুপালয় ॥ ৩৮.৫৭ ॥

বিজ্ঞাপিতো মুনিগণৈর্বিশ্বাত্মা কমলোদ্ভবঃ ।
ধ্যাৎবা দেবং ত্রিশূলাঙ্কং কৃতাঞ্জলিরভাষত ॥ ৩৮.৫৮ ॥

ব্রহ্মোবাচ ।
হা কষ্টং ভবতামদ্য জাতং সর্বার্থনাশনম্ ।
ধিগ্বলং ধিক্ তপশ্চর্যা মিথ্যৈব ভবতামিহ ॥ ৩৮.৫৯ ॥

সম্প্রাপ্য পুণ্যসংস্কারান্নিধীনাং পরমং নিধিম্ ।
উপেক্ষিতং বৃথাচারৈর্ভবদ্ভিরিহ মোহিতৈঃ ॥ ৩৮.৬০ ॥

কাঙ্ক্ষন্তে যোগিনো নিত্যং যতন্তো যতয়ো নিধিম্ ।
যমেব তং সমাসাদ্য হা ভবদ্ভিরুপেক্ষিতম্ ॥ ৩৮.৬১ ॥

যজন্তি যজ্ঞৈর্বিবিধৈর্যৎপ্রাপ্ত্যৈর্বেদবাদিনঃ ।
মহানিধিং সমাসাদ্য হা ভবদ্ভিরুপেক্ষিতম্ ॥ ৩৮.৬২ ॥

যং সমাসাদ্য দেবানৈমৈশ্বর্যমখিলং জগৎ ।
তমাসাদ্যাক্ষয়নিধিং হা ভবদ্ভিরুপেক্ষিতম্ ।
যৎসমাপত্তিজনিতং বিশ্বেশৎবমিদং মম ।
তদেবোপেক্ষিতং দৃষ্ট্বা নিধানং ভাগ্যবর্জিতৈঃ ॥ ৩৮.৬৩ ॥

যস্মিন্ সমাহিতং দিব্যমৈশ্বর্যং যৎ তদব্যযম্ ।
তমাসাদ্য নিধিং ব্রাহ্ম হা ভবদ্ভির্বৃথাকৃতম্ ॥ ৩৮.৬৪ ॥

এষ দেবো মহাদেবো বিজ্ঞেয়স্তু মহেশ্বরঃ ।
ন তস্য পরমং কিঞ্চিৎ পদং সমধিগম্যতে ॥ ৩৮.৬৫ ॥

দেবতানামৃষীণাং চ পিতৄণাং চাপি শাশ্বতঃ ।
সহস্রয়ুগপর্যন্তে প্রলয়ে সর্বদেহিনাম্ ॥ ৩৮.৬৬ ॥

সংহরত্যেষ ভগবান্ কালো ভূৎবা মহেশ্বরঃ ।
এষ চৈব প্রজাঃ সর্বাঃ সৃজত্যেষঃ স্বতেজসা ॥ ৩৮.৬৭ ॥

এষ চক্রী চক্রবর্তী শ্রীবৎসকৃতলক্ষণঃ ।
যোগী কৃতয়ুগে দেবস্ত্রেতায়াং যজ্ঞ উচ্যতে ।
দ্বাপরে ভগবান্ কালো ধর্মকেতুঃ কলৌ যুগে ॥ ৩৮.৬৮ ॥

রুদ্রস্য মূর্ত্তয়স্তিস্ত্রো যাভির্বিশ্বমিদং ততম্ ।
তমো হ্যগ্নী রজো ব্রহ্মা সত্ত্বং বিষ্ণুরিতি প্রভুঃ ॥ ৩৮.৬৯ ॥

মূর্ত্তিরন্যা স্মৃতা চাস্য দিগ্বাসা বৈ শিবা ধ্রুবা ।
যত্র তিষ্ঠতি তদ্ ব্রহ্ম যোগেন তু সমন্বিতম্ ॥ ৩৮.৭০ ॥

যা চাস্য পার্শ্বগা ভার্যা ভবদ্ভিরভিবীক্ষিতা ।
সা হি নারায়ণো দেবঃ পরমাত্মা সনাতনঃ ॥ ৩৮.৭১ ॥

তস্মাৎ সর্বমিদং জাতং তত্রৈব চ লয়ং ব্রজেৎ ।
স এষ মোচয়েৎ কৃৎস্নং স এষ পরমা গতিঃ ॥ ৩৮.৭২ ॥

সহস্রশীর্ষা পুরুষঃ সহস্রাক্ষঃ সহস্রপাৎ ।
একশৃঙ্গো মহানাত্মা পুরাণোঽষ্টাক্ষরো হরিঃ ॥ ৩৮.৭৩ ॥

চতুর্বেদশ্চতুর্মূর্ত্তিস্ত্রিমূর্ত্তিস্ত্রিগুণঃ পরঃ ।
একমূর্ত্তিরমেয়াত্মা নারায়ণ ইতি শ্রুতিঃ ।
রেতোঽস্য গর্ভো ভগবানাপো মায়াতনুঃ প্রভুঃ ।
স্তূয়তে বিবিধৈর্মন্ত্রৈর্ব্রাহ্মণৈর্মোক্ষকাংক্ষিভিঃ ॥ ৩৮.৭৪ ॥

সংহৃত্য সকলং বিশ্বং কল্পান্তে পুরুষোত্তমঃ ।
শেতে যোগামৃতং পীৎবা যৎ তদ্ বিষ্ণোঃ পরং পদম্ ॥ ৩৮.৭৫ ॥

ন জায়তে ন ম্রিয়তে বর্দ্ধতে ন চ বিশ্বসৃক্ ।
মূলপ্রকৃতিরব্যক্তা গীয়তে বৈদিকৈরজঃ ॥ ৩৮.৭৬ ॥

ততো নিশায়াং বৃত্তায়াং সিসৃক্ষুরখিলঞ্জগৎ ।
অজস্য নাভৌ তদ্ বীজং ক্ষিপত্যেষ মহেশ্বরঃ ॥ ৩৮.৭৭ ॥

তং মাং বিত্ত মহাত্মানং ব্রহ্মাণং বিশ্বতো মুখম্ ।
মহান্তং পুরুষং বিশ্বমপাং গর্ভমনুত্তমম্ ॥ ৩৮.৭৮ ॥

ন তং জানীথ জনকং মোহিতাস্তস্য মায়যা ।
দেবদেবং মহাদেবং ভূতানামীশ্বরং হরম্ ॥ ৩৮.৭৯ ॥

এষ দেবো মহাদেবো হ্যনাদির্ভগবান্ হরঃ ।
বিষ্ণুনা সহ সংয়ুক্তঃ করোতি বিকরোতি চ ॥ ৩৮.৮০ ॥

ন তস্য বিদ্যতে কার্যং ন তস্মাদ্ বিদ্যতে পরম্ ।
স বেদান্ প্রদদৌ পূর্বং যোগমায়াতনুর্মম ॥ ৩৮.৮১ ॥

স মায়ী মায়যা সর্বং করোতি বিকরোতি চ ।
তমেব মুক্তয়ে জ্ঞাৎবা ব্রজেত শরণং ভবম্ ॥ ৩৮.৮২ ॥

ইতীরিতা ভগবতা মরীচিপ্রমুখা বিভুম্ ।
প্রণম্য দেবং ব্রহ্মাণং পৃচ্ছন্তি স্ম সুদুঃ খিতাঃ ॥ ৩৮.৮৩ ॥

ইতি অষ্টাচৎবারিংশোঽধ্যায়ঃ ॥৩৮ ॥

কূর্মপুরাণএ উত্তরভাগে নবত্রিংশত্তমোঽধ্যায়ঃ

মুনয় ঊচুঃ ।
কথং পশ্যেম তং দেবং পুনরেব পিনাকিনম্ ।
ব্রূহি বিশ্বামরেশান ত্রাতা ৎবং শরণৈষিণাম্ ॥ ৩৯.১ ॥

পিতামহ উবাচ ।
যদ্ দৃষ্টং ভবতা তস্য লিঙ্গং ভুবি নিপাতিতম্ ।
তল্লিঙ্গানুকৃতীশস্য কৃৎবা লিঙ্গমনুত্তমম্ ॥ ৩৯.২ ॥

পূজয়ধ্বং সপত্নীকাঃ সাদরং পুত্রসংয়ুতাঃ ।
বৈদিকৈরেব নিয়মৈর্বিবিধৈর্ব্রহ্মচারিণঃ ॥৩৯.৩ ॥

সংস্থাপ্য শাংকরৈর্মন্ত্রৈরৃগ্যজুঃ সামসংভবৈঃ ।
তপঃ পরং সমাস্থায় গৃণন্তঃ শতরুদ্রিয়ম্ ॥ ৩৯.৪ ॥

সমাহিতাঃ পূজয়ধ্বং সপুত্রাঃ সহ বন্ধুভিঃ ।
সর্বে প্রাঞ্জলয়ো ভূৎবা শূলপাণিং প্রপদ্যথ ॥ ৩৯.৫ ॥

ততো দ্রক্ষ্যথ দেবেশং দুর্দর্শমকৃতাত্মভিঃ ।
যং দৃষ্ট্বা সর্বমজ্ঞানমধর্মশ্চ প্রণশ্যতি ॥ ৩৯.৬ ॥

ততঃ প্রণম্য বরদং ব্রহ্মাণমমিতৌজসম্ ।
জগ্মুঃ সংহৃষ্টমনসো দেবদারুবনং পুনঃ ॥ ৩৯.৭ ॥

আরাধয়িতুমারব্ধা ব্রহ্মণা কথিতং যথা ।
অজানন্তঃ পরং দেবং বীতরাগা বিমৎসরাঃ ॥ ৩৯.৮ ॥

স্থণ্ডিলেষু বিচিত্রেষু পর্বতানাং গুহাসু চ ।
নদীনাং চ বিবিক্তেষু পুলিনেষু শুভেষু চ ॥ ৩৯.৯ ॥

শৈবালভোজনাঃ কেচিৎ কেচিদন্তর্জলেশয়াঃ ।
কেচিদভ্রাবকাশাস্তু পাদাঙ্গুষ্ঠে হ্যধিষ্ঠিতাঃ ॥ ৩৯.১০ ॥

দন্তোঽলূখলিনস্ত্বন্যে হ্যশ্মকুট্টাস্তথা পরে ।
শাকপর্ণাশনঃ কেচিৎ সম্প্রক্ষালা মরীচিপাঃ ॥ ৩৯.১১ ॥

বৃক্ষমূলনিকেতাশ্চ শিলাশয়্যাস্তথা পরে ।
কালং নয়ন্তি তপসা পূজয়ন্তো মহেশ্বরম্ ॥ ৩৯.১২ ॥

ততস্তেষাং প্রসাদার্থং প্রপন্নার্ত্তিহরো হরঃ ।
চকার ভগবান্ বুদ্ধিং প্রবোধায় বৃষধ্বজঃ ॥ ৩৯.১৩ ॥

দেবঃ কৃতয়ুগে হ্যস্মিন্ শৃঙ্গে হিমবতঃ শুভে ।
দেবদারুবনং প্রাপ্তঃ প্রসন্নঃ পরমেশ্বরঃ ॥ ৩৯.১৪ ॥

ভস্মপাণ্ডুরদিগ্ধাঙ্গো নগ্নো বিকৃতলক্ষণঃ ।
উল্মুকব্যগ্রহস্তশ্চ রক্তপিঙ্গললোচনঃ ॥ ৩৯.১৫ ॥

ক্বচিচ্চ হসতে রৌদ্রং ক্বচিদ্ গায়তি বিস্মিতঃ ।
ক্বচিন্নৃত্যতি শৃঙ্গারী ক্বচিদ্রৌতি মুহুর্মুহুঃ ॥ ৩৯.১৬ ॥

আশ্রমে হ্যটতে ভিক্ষুঃ যাচতে চ পুনঃ পুনঃ ।
মায়াং কৃৎবাত্মনো রূপং দেবস্তদ্ বনমাগতঃ ॥ ৩৯.১৭ ॥

কৃৎবা গিরিসুতাং গৌরীং পার্শ্বেদেবঃ পিনাকধৃক্ ।
সা চ পূর্ববদ্ দেবেশী দেবদারুবনং গতা ॥ ৩৯.১৮ ॥

দৃষ্ট্বা সমাগতং দেবং দেব্যা সহ কপর্দিনম্ ।
প্রণেমুঃ শিরসা ভূমৌ তোষয়ামাসুরীশ্বরম্ ॥ ৩৯.১৯ ॥

বৈদিকৈর্বিবিধৈর্মন্ত্রৈঃ সূক্তৈর্মাহেশ্বরৈঃ শুভৈঃ ।
অথর্বশিরসা চান্যে রুদ্রাদ্যৈরর্চ্চয়ন্ভবম্ ॥ ৩৯.২০ ॥

নমো দেবাদিদেবায় মহাদেবায় তে নমঃ ।
ত্র্যম্বকায় নমস্তুভ্যং ত্রিশূলবরধারিণে ॥ ৩৯.২১ ॥

নমো দিগ্বাসসে তুভ্যং বিকৃতায় পিনাকিনে ।
সর্বপ্রণতদেবায় স্বয়মপ্রণতাত্মনে ॥ ৩৯.২২ ॥

অন্তকান্তকৃতে তুভ্যং সর্বসংহরণায় চ ।
নমোঽস্তু নৃত্যশীলায় নমো ভৈরবরূপিণে ॥ ৩৯.২৩ ॥

নরনারীশরীরায় যোগিনাং গুরবে নমঃ ।
নমো দান্তায় শান্তায় তাপসায় হরায় চ ॥ ৩৯.২৪ ॥

বিভীষণায় রুদ্রায় নমস্তে কৃত্তিবাসসে ।
নমস্তে লেলিহানায় শিতিকণ্ঠায় তে নমঃ ॥ ৩৯.২৫ ॥

অঘোরঘোররূপায় বামদেবায় বৈ নমঃ ।
নমঃ কনকমালায় দেব্যাঃ প্রিয়করায় চ ॥ ৩৯.২৬ ॥

গঙ্গাসলিলধারায় শম্ভবে পরমেষ্ঠিনে ।
নমো যোগাধিপতয়ে ব্রহ্মাধিপতয়ে নমঃ ॥ ৩৯.২৭ ॥

প্রাণায় চ নমস্তুভ্যং নমো ভস্মাগধারিণে ।
নমস্তে হব্যবাহায় দংষ্ট্রিণে হব্যরেতসে ॥ ৩৯.২৮ ॥

ব্রহ্মণশ্চ শিরো হর্ত্রে নমস্তে কালরূপিণে ।
আগতিং তে ন জনীমো গতিং নৈব চ নৈব চ ॥ ৩৯.২৯ ॥

বিশ্বেশ্বর মহাদেব যোঽসি সোঽসি নমোঽস্তু তে ।
নমঃ প্রমথনাথায় দাত্রে চ শুভসম্পদাম্ ॥ ৩৯.৩০ ॥

কপালপাণয়ে তুভ্যং নমো মীঢুষ্টমায় তে ।
নমঃ কনকলিঙ্গায় বারিলিঙ্গায় তে নমঃ ॥ ৩৯.৩১ ॥

নমো বহ্ন্যর্কলিঙ্গায় জ্ঞানলিঙ্গায় তে নমঃ ।
নমো ভুজংগহারায় কর্ণিকারপ্রিয়ায় চ ।
কিরীটিনে কুণ্ডলিনে কালকালায় তে নমঃ ॥ ৩৯.৩২ ॥

বামদেব মহেশান দেবদেব ত্রিলোচন ।
ক্ষম্যতাং যৎকৃতং মোহাৎ ৎবমেব শরণং হি নঃ ॥ ৩৯.৩৩ ॥

চরিতানি বিচিত্রাণি গুহ্যানি গহনানি চ ।
ব্রহ্মাদীনাং চ সর্বেষাং দুর্বিজ্ঞেয়োঽসি শংকর ॥ ৩৯.৩৪ ॥

অজ্ঞানাদ্ যদি বা জ্ঞানাদ্ যৎকিংচিৎকুরুতে নরঃ ।
তৎসর্বং ভগবানেন কুরুতে যোগমায়যা ॥ ৩৯.৩৫ ॥

এবং স্তুৎবা মহাদেবং প্রহৃষ্টেনান্তরাত্মনা ।
ঊচুঃ প্রণম্য গিরিশং পশ্যামস্ত্বাং যথা পুরা ॥ ৩৯.৩৬ ॥

তেষাং সংস্তবমাকর্ণ্য সোমঃ মোমবিভূষণঃ ।
স্বমেব পরমং রূপং দর্শয়ামাস শংকরঃ ॥ ৩৯.৩৭ ॥

তং তে দৃষ্ট্বাঽথ গিরিশং দেব্যা সহ পিনাকিনম্ ।
যথা পূর্বং স্থিতা বিপ্রাঃ প্রণেমুর্হৃষ্টমানসাঃ ॥ ৩৯.৩৮ ॥

ততস্তে মুনয়ঃ সর্বে সংস্তূয় চ মহেশ্বরম্ ।
ভৃগ্বঙ্গিরোবসিষ্ঠাস্তু বিশ্বামিত্রস্তথৈব চ ॥ ৩৯.৩৯ ॥

গৌতমোঽত্রিঃ সুকেশশ্চ পুলস্ত্যঃ পুলহঃ ক্রতুঃ ।
মরীচিঃ কশ্যপশ্চাপি সংবর্ত্তকমহাতপাঃ ।
প্রণম্য দেবদেবেশমিদং বচনমব্রুবন্ ॥ ৩৯.৪০ ॥

কথং ৎবাং দেবদেবেশ কর্ময়োগেন বা প্রভো ।
জ্ঞানেন বাঽথ যোগেন পূজয়ামঃ সদৈব হি ॥ ৩৯.৪১ ॥

কেন বা দেবমার্গেণ সম্পূজ্যো ভগবানিহ ।
কিং তৎ সেব্যমসেব্যং বা সর্বমেতদ্ ব্রবীহি নঃ ॥ ৩৯.৪২ ॥

দেবদেব উবাচ ।
এতদ্ বঃ সম্প্রবক্ষ্যামি গূঢং গহনমুত্তমম্ ।
ব্রহ্মণে কথিতং পূর্বমাদাবেব মহর্ষয়ঃ ॥ ৩৯.৪৩ ॥

সাংখ্যযোগো দ্বিধা জ্ঞেয়ঃ পুরুষাণাং হি সাধনম্ ।
যোগেন সহিতং সাংখ্যং পুরুষাণাং বিমুক্তিদম্ ॥ ৩৯.৪৪ ॥

ন কেবলেন যোগেন দৃশ্যতে পুরুষঃ পরঃ ।
জ্ঞানং তু কেবলং সম্যগপবর্গফলপ্রদম্ ॥ ৩৯.৪৫ ॥

ভবন্তঃ কেবলং যোগং সমাশ্রিত্য বিমুক্তয়ে ।
বিহায় সাংখ্যং বিমলমকুর্বত পরিশ্রমম্ ॥ ৩৯.৪৬ ॥

এতস্মাৎ কারণাদ্ বিপ্রানৃণাং কেবলধর্মিণাম্ ।
আগতোঽহমিমং দেশং জ্ঞাপয়ন্ মোহসংভবম্ ॥ ৩৯.৪৭ ॥

তস্মাদ্ ভবদ্ভির্বিমলং জ্ঞানং কৈবল্যসাধনম্ ।
জ্ঞাতব্যং হি প্রয়ত্নেন শ্রোতব্যং দৃশ্যমেব চ ॥ ৩৯.৪৮ ॥

একঃ সর্বত্রগো হ্যাত্মা কেবলশ্চিতিমাত্রকঃ ।
আনন্দো নির্মলো নিত্যং স্যাদেতৎ সাংখ্যদর্শনম্ ॥ ৩৯.৪৯ ॥

এতদেব পরং জ্ঞানমেষ মোক্ষোঽত্র গীয়তে ।
এতৎ কৈবল্যমমলং ব্রহ্মভাবশ্চ বর্ণিতঃ ॥ ৩৯.৫০ ॥

আশ্রিত্য চৈতৎ পরমং তন্নিষ্ঠাস্তৎপরায়ণাঃ ।
পশ্যন্তি মাং মহাত্মানো যতয়ো বিশ্বমীশ্বরম্ ॥ ৩৯.৫১ ॥

এতৎ তৎ পরমং জ্ঞানং কেবলং সন্নিরঞ্জনম্ ।
অহং হি বেদ্যো ভগবান্ মম মূর্ত্তিরিয়ং শিবা ॥ ৩৯.৫২ ॥

বহূনি সাধনানীহ সিদ্ধয়ে কথিতানি তু ।
তেষামভ্যধিকং জ্ঞানং মামকং দ্বিজপুংগবাঃ ॥ ৩৯.৫৩ ॥

জ্ঞানয়োগরতাঃ শান্তা মামেব শরণং গতাঃ ।
যে হি মাং ভস্মনিরতা ধ্যায়ন্তি সততং হৃদি ॥ ৩৯.৫৪ ॥

মদ্ভক্তিপরমা নিত্যং যতয়ঃ ক্ষীণকল্মষাঃ ।
নাশয়াম্যচিরাৎ তেষাং ঘোরং সংসারসাগরম্ ॥ ৩৯.৫৫ ॥

প্রশান্তঃ সংয়তমনা ভস্মোদ্ধূলিতবিগ্রহঃ ।
ব্রহ্মচর্যরতো নগ্নো ব্রতং পাশুপতং চরেৎ ॥ ৩৯.৫৬ ॥

নির্মিতং হি ময়া পূর্বং ব্রতং পাশুপতং পরম্ ।
গুহ্যাদ্ গুহ্যতমং সূক্ষ্মং বেদসারং বিমুক্তয়ে ॥ ৩৯.৫৭ ॥

যদ্ বা কৌপীনবসনঃ স্যাদ্বাদিগ্বসনো মুনিঃ ।
বেদাভ্যাসরতো বিদ্বান্ ধ্যায়েৎ পশুপতিং শিবম্ ॥ ৩৯.৫৮ ॥

এষ পাশুপতো যোগঃ সেবনীয়ো মুমুক্ষুভিঃ ।
ভস্মচ্ছন্নৈর্হি সততং নিষ্কামৈরিতি শ্রুতম্ ॥ ৩৯.৫৯ ॥

বীতরাগভয়ক্রোধা মন্ময়া মামুপাশ্রিতাঃ ।
বহবোঽনেন যোগেন পূতা মদ্ভাবমাগতাঃ ॥ ৩৯.৬০ ॥

অন্যানি চৈব শাস্ত্রাণি লোকেঽস্মিন্ মোহনানিতু ।
বেদবাদবিরুদ্ধানি ময়ৈব কথিতানি তু ॥ ৩৯.৬১ ॥

বামং পাশুপতং সোমং লাকুলং চৈব ভৈরবম্ ।
অসেব্যমেতৎ কথিতং বেদবাহ্যং তথেতরম্ ॥ ৩৯.৬২ ॥

বেদমুর্ত্তিরহং বিপ্রা নান্যশাস্ত্রার্থবেদিভিঃ ।
জ্ঞায়তে মৎস্বরূপং তু মুক্ত্বা বেদং সনাতনম্ ॥ ৩৯.৬৩ ॥

স্থাপয়ধ্বমিদং মার্গং পূজয়ধ্বং মহেশ্বরম্ ।
অচিরাদৈশ্বরং জ্ঞানমুৎপৎস্যতি ন সংশয়ঃ ॥ ৩৯.৬৪ ॥

ময়ি ভক্তিশ্চ বিপুলা ভবতামস্তু সত্তমাঃ ।
ধ্যাতমাত্রো হি সান্নিধ্যং দাস্যামি মুনিসত্তমাঃ ॥ ৩৯.৬৫ ॥

ইত্যুক্ত্বা ভগবান্ সোমস্তত্রৈবান্তরধীয়ত ।
তোঽপি দারুবনে তস্মিন্ পূজয়ন্তি স্ম শংকরম্ ॥ ৩৯.৬৬ ॥

ব্রহ্মচর্যরতাঃ শান্তা জ্ঞানয়োগপরায়ণাঃ ।
সমেত্য তে মহাত্মানো মুনয়ো ব্রহ্মবাদিনঃ ॥ ৩৯.৬৭ ॥

বিচক্রিরে বহূন্ বাদান্নধ্যাত্মজ্ঞানসমাশ্রয়ান্ ।
কিমস্য জগতো মূলমাত্মা চাস্মাকমেব হি ॥ ৩৯.৬৮ ॥

কোঽপি স্যাৎ সর্বভাবানাং হেতুরীশ্বর এব চ ।
ইত্যেবং মন্যমানানাং ধ্যানমার্গাবলম্বিনাম্ ।
আবিরাসীন্মহাদেবী দেবী গিরিবরাত্মজা ॥ ৩৯.৬৯ ॥

কোটিসূর্যপ্রতীকাশা জ্বালামালাসমাবৃতা ।
স্বভাভির্বিমলাভিস্তু পূরয়ন্তী নভস্তলম্ ॥ ৩৯.৭০ ॥

তামন্বপশ্যন্ গিরিজামমেয়াংজ্বালাসহস্রান্তরসন্নিবিষ্টাম্ ।
প্রণেমুরেতামখিলেশপত্নীংজানন্তি চৈতৎ পরমস্য বীজম্ ॥ ৩৯.৭১ ॥

অস্মাকমেষা পরমেশপত্নীগতিস্তথাত্মা গগনাভিধানা ।
পশ্যন্ত্যথাত্মানমিদং চ কৃৎস্নংতস্যামথৈতে মুনয়শ্চ বিপ্রাঃ ॥ ৩৯.৭২ ॥

নিরীক্ষিতাস্তে পরমেশপত্ন্যাতদন্তরে দেবমশেষহেতুম্ ।
পশ্যন্তি শংভুং কবিমীশিতারং রুদ্রং বৃহন্তং পুরুষং পুরাণম্ ॥ ৩৯.৭৩ ॥

আলোক্য দেবীমথ দেবমীশংপ্রণেমুরানন্দমবাপুরগ্র্যম্ ।
জ্ঞানং তদীশং ভগবৎপ্রসাদা-দাবির্বভৌ জন্মবিনাশহেতু ॥ ৩৯.৭৪ ॥

ইয়ং হি সা জগতো যোনিরেকাসর্বাত্মিকা সর্বনিয়ামিকা চ ।
মাহেশ্বরীশক্তিরনাদিসিদ্ধা ব্যোমাভিধানা দিবি রাজতীব ॥ ৩৯.৭৫ ॥

অস্যাং মহৎপরমেষ্ঠী পরস্তা-ন্মহেশ্বরঃ শিব একঃ স রুদ্রঃ ।
চকার বিশ্বং পরশক্তিনিষ্ঠংমায়ামথারুহ্য চ দেবদেবঃ ॥ ৩৯.৭৬ ॥

একো দেবঃ সর্বভূতেষু গূঢোমায়ী রুদ্রঃ সকলো নিষ্কলশ্চ ।
স এব দেবী ন চ তদ্বিভিন্ন-মেতজ্জ্ঞাৎবা হ্যমৃতৎবং ব্রজন্তি ॥ ৩৯.৭৭ ॥

অন্তর্হিতোঽভূদ্ ভগবান্মহেশোদেব্যা তয়া সহ দেবাদিদেবঃ ।
আরাধয়ন্তি স্ম তমাধিদেবংবনৌকসস্তে পুনরেব রুদ্রম্ ॥ ৩৯.৭৮ ॥

এতদ্ বঃ কথিতং সর্বং দেবদেবস্য চেষ্টিতম্ ।
দেবদারুবনে পূর্বং পুরাণে যন্ময়া শ্রুতম্ ॥ ৩৯.৭৯ ॥

যঃ পঠেচ্ছৃণুয়ান্নিত্যং মুচ্যতে সর্বপাতকৈঃ ।
শ্রাবয়েদ্ বা দ্বিজান্ শান্তান্ স যাতি পরমাং গতিম্ ॥ ৩৯.৮০ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
নবত্রিংশোঽধ্যায়ঃ ॥৩৯ ॥

কূর্মপুরাণএ উত্তরভাগে চৎবারিংশত্তমোঽধ্যায়ঃ

সূত উবাচ ।
এষা পুণ্যতমা দেবী দেবগন্ধর্বসেবিতা ।
নর্মদা লোকবিখ্যাতা তীর্থানামুত্তমা নদী ॥ ৪০.১ ॥

তস্যাঃ শৃণুধ্বং মাহাত্ম্যং মার্কণ্ডেয়েন ভাষিতম্ ।
যুধিষ্ঠিরায় তু শুভং সর্বপাপপ্রণাশনম্ ॥ ৪০.২ ॥

যুধিষ্ঠির উবাচ ।
শ্রুতাস্তে বিবিধা ধর্মাস্তৎপ্রসাদান্মহামুনে ।
মাহাত্ম্যং চ প্রয়াগস্য তীর্থানি বিবিধানি চ ॥ ৪০.৩ ॥

নর্মদা সর্বতীর্থানাং মুখ্যা হি ভবতেরিতা ।
তস্যাস্ত্বিদানীং মাহাত্ম্যং বক্তুমর্হসি সত্তম ॥ ৪০.৪ ॥

মার্কণ্ডেয় উবাচ
নর্মদা সরিতাং শ্রেষ্ঠা রুদ্রদেহাদ্ বিনিঃ সৃতা ।
তারয়েৎ সর্বভূতানি স্থাবরাণি চরাণি চ ॥ ৪০.৫ ॥

নর্মদায়াস্তু মাহাত্ম্যং পুরাণে যন্ময়া শ্রুতম্ ।
ইদানীং তৎপ্রবক্ষ্যামি শৃণুষ্বৈকমনাঃ শুভম্ ॥ ৪০.৬ ॥

পুণ্যা কনখলে গঙ্গা কুরুক্ষেত্রে সরস্বতী ।
গ্রামে বা যদি বাঽরণ্যে পুণ্যা সর্বত্র নর্মদা ॥ ৪০.৭ ॥

ত্রিভিঃ সারস্বতং তোয়ং সপ্তাহেন তু যামুনম্ ।
সদ্যঃ পুনাতি গাঙ্গেয়ং দর্শনাদেব নার্মদম্ ॥ ৪০.৮ ॥

কলিঙ্গদেশপশ্চার্দ্ধে পর্বতেঽমরকণ্টকে ।
পুণ্যা চ ত্রিষু লোকেষু রমণীয়া মনোরমা ॥ ৪০.৯ ॥

সদেবাসুরগন্ধর্বা ঋষয়শ্চ তপোধনাঃ ।
তপস্তপ্ত্বা তু রাজেন্দ্র সিদ্ধিং তু পরমাং গতাঃ ॥ ৪০.১০ ॥

তত্র স্নাৎবা নরো রাজন্ নিয়মস্থো জিতেন্দ্রিয়ঃ ।
উপোষ্য রজনীমেকাং কুলানাং তারয়েচ্ছতম্ ॥ ৪৪০.১১ ॥

যোজনানাং শতং সাগ্রং শ্রূয়তে সরিদুত্তমা ।
বিস্তারেণ তু রাজেন্দ্র যোজনদ্বয়মায়তা ॥ ৪০.১২ ॥

ষষ্টিতীর্থসহস্রাণি ষষ্টিকোট্যস্তথৈব চ ।
পর্বতস্য সমন্তাৎ তু তিষ্ঠন্ত্যমরকণ্টকে ॥ ৪০.১৩ ॥

ব্রহ্মচারী শুচির্ভূৎবা জিতক্রোধো জিতেন্দ্রিয়ঃ ।
সর্বহিংসানিবৃত্তস্তু সর্বভূতহিতে রতঃ ॥ ৪০.১৪ ॥

এবং শুদ্ধসমাচারো যস্তু প্রাণান্ সমুৎসৃজেৎ ।
তস্য পুণ্যফলং রাজন্ শৃণুষ্বাবহিতো নৃপ ॥ ৪০.১৫ ॥

শতবর্ষসহস্রাণি স্বর্গে মোদতি পাণ্ডব ।
সপ্সরোগণসংকীর্ণো দিব্যস্ত্রীপরিবারিতঃ ॥ ৪০.১৬ ॥

দিব্যগন্ধানুলিপ্তশ্চ দিব্যপুষ্পোপশোভিতঃ ।
ক্রীডতে দেবলোকে তু দৈবতৈঃ সহ মোদতে ॥ ৪০.১৭ ॥

ততঃ স্বর্গাৎ পরিভ্রষ্টো রাজা ভবতি ধার্মিকঃ ।
গৃহং তু লভতেঽসৌ বৈ নানারত্নসমন্বিতম্ ॥ ৪০.১৮ ॥

স্তম্ভৈর্মণিময়ৈর্দিব্যৈর্বজ্রবৈঢূর্যভূষিতম্ ।
আলেখ্যবাহনৈঃ শুভ্রৈর্দাসীদাসসমন্বিতম্ ॥ ৪০.১৯ ॥

রাজরাজেশ্বরঃ শ্রীমান্ সর্বস্ত্রীজনবল্লভঃ ।
জীবেদ্ বর্ষশতং সাগ্রং তত্র ভোগসমন্বিতঃ ॥ ৪০.২০ ॥

অগ্নিপ্রবেশেঽথ জলে অথবাঽনশনে কৃতে ।
অনিবর্ত্তিকা গতিস্তস্য পবনস্যাম্বরে যথা ॥ ৪০.২১ ॥

পশ্চিমে পর্বততটে সর্বপাপবিনাশনঃ ।
হ্রদো জলেশ্বরো নাম ত্রিষু লোকেষু বিশ্রুতঃ ॥ ৪০.২২ ॥

তত্র পিণ্ডপ্রদানেন সংধ্যোপাসনকর্মণা ।
দশবর্ষসহস্রাণি তর্পিতাঃ স্যুর্ন সংশয়ঃ ॥ ৪০.২৩ ॥

দক্ষিণে নর্মদাকূলে কপিলাখ্যা মহানদী ।
সরলার্জুনসংচ্ছন্না নাতিদূরে ব্যবস্থিতা ॥ ৪০.২৪ ॥

সা তু পুণ্যা মহাভাগা ত্রিষু লোকেষু বিশ্রুতা ।
তত্র কোটিশতং সাগ্রং তীর্থানাং তু যুধিষ্ঠির ॥ ৪০.২৫ ॥

তস্মিংস্তীর্থে তু যে বৃক্ষাঃ পতিতাঃ কালপর্যযাৎ ।
নর্মদাতোয়সংস্পৃষ্টাস্তে যান্তি পরমাং গতিম্ ॥ ৪০.২৬ ॥

দ্বিতীয়া তু মহাভাগা বিশল্যকরণী শুভা ।
তত্র তীর্থে নরঃ স্নাৎবা বিশল্যো ভবতি ক্ষণাৎ ॥ ৪০.২৭ ॥

কপিলা চ বিশল্যা চ শ্রূয়তে রাজসত্তম ।
ঈশ্বরেণ পুরা প্রোক্তা লোকানাং হিতকাম্যযা ॥ ৪০.২৮ ॥

অনাশকং তু যঃ কুর্যাৎ তস্মিংস্তীর্থে নরাধিপ ।
সর্বপাপবিশুদ্ধাত্মা রুদ্রলোকং স গচ্ছতি ॥ ৪০.২৯ ॥

তত্র স্নাৎবা নরো রাজন্নশ্বমেধফলং লভেৎ ।
যে বসন্ত্যুত্তরে কূলে রুদ্রলোকে বসন্তি তে ॥ ৪০.৩০ ॥

সরস্বত্যাং চ গঙ্গায়াং নর্মদায়াং যুধিষ্ঠির ।
সমং স্নানং চ দানং চ যথা মে শংকরোঽব্রবীৎ ॥ ৪০.৩১ ॥

পরিত্যজতি যঃ প্রণান্ পর্বতেঽমরকণ্টকে ।
বর্ষকোটিশতং সাগ্রং রুদ্রলোকে মহীয়তে ॥ ৪০.৩২ ॥

নর্মদায়াং জলং পুণ্যং ফেনোর্মিসমলীকৃতম্ ।
পবিত্রং শিরসা ধৃৎবা সর্বপাপৈঃ প্রমুচ্যতে ॥ ৪০.৩৩ ॥

নর্মদা সর্বতঃ পুণ্যা ব্রহ্মহত্যাপহারিণী ।
অহোরাত্রোপবাসেন মুচ্যতে ব্রহ্মহত্যযা ॥ ৪০.৩৪ ॥

জালেশ্বরং তীর্থবরং সর্বপাপবিনাশনম্ ।
তত্র গৎবা নিয়মবান্ সর্বকামাংল্লভেন্নরঃ ॥ ৪০.৩৫ ॥

চন্দ্রসূর্যোপরাগে তু গৎবা হ্যমরকণ্টকম্ ।
অশ্বমেধাদ্ দশগুণং পুণ্যমাপ্নোতি মানবঃ ॥ ৪০.৩৬ ॥

এষ পুণ্যো গিরিবরো দেবগন্ধর্বসেবিতঃ ।
নানাদ্রুমলতাকীর্ণো নানাপুষ্পোপশোভিতঃ ॥ ৪০.৩৭ ॥

তত্র সংনিহিতো রাজন্ দেব্যা সহ মহেশ্বরঃ ।
ব্রহ্মা বিষ্ণুস্তথা চেন্দ্রো বিদ্যাধরগণৈঃ সহ ॥ ৪০.৩৮ ॥

প্রদক্ষিণং তু যঃ কুর্যাৎ পর্বতং হ্যমরকণ্টকম্ ।
পৌণ্ডরীকস্য যজ্ঞস্য ফলং প্রাপ্নোতি মানঃ ॥ ৪০.৩৯ ॥

কাবেরী নাম বিপুলা নদী কল্মষনাশিনী ।
তত্র স্নাৎবা মহাদেবমর্চয়েদ্ বৃষভধ্বজম্ ।
সংগমে নর্মদায়াস্তু রুদ্রলোকে মহীয়তে ॥ ৪০.৪০ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
চৎবারিংশোঽধ্যায়ঃ ॥৪০ ॥

কূর্মপুরাণএ উত্তরভাগে একচৎবারিংশত্তমোঽধ্যায়ঃ

মার্কণ্ডেয় উবাচ
নর্মদা সরিতাং শ্রেষ্ঠা সর্বপাপবিনাশিনী ।
মুনিভিঃ কথিতা পূর্বমীশ্বরেণ স্বয়ংভুবা ॥ ৪১.১ ॥

মুনিভিঃ সংস্তুতা হ্যেষা নর্মদা প্রবরা নদী ।
রুদ্রগাত্রাদ্ বিনিষ্ক্রান্তা লোকানাং হিতকাম্যযা ॥ ৪১.২ ॥

সর্বপাপহরা নিত্যং সর্বদেবনমস্কৃতা ।
সংস্তুতা দেবগন্ধর্বৈরপ্যরোভিস্তথৈব চ ॥ ৪১.৩ ॥

উত্তরে চৈব তৎকূলে তীর্থং ত্রৈলোক্যবিশ্রুতে ।
নাম্না ভদ্রেশ্বরং পুণ্যং সর্বপাপহরং শুভম্ ॥ ৪১.৪ ॥

তত্র স্নাৎবা নরো রাজন্ দৈবতৈঃ সহ মোহতে ।
ততো গচ্ছেত রাজেন্দ্র তীর্থমাম্রাতকেশ্বরম্ ॥ ৪১.৫ ॥

তত্র স্নাৎবা নরো রাজন্ গোসহস্রফলং লভেৎ ।
ততোঽঙ্গারকেশ্বরং গচ্ছেন্নিয়তো নিয়তায়নঃ ॥ ৪১.৬ ॥

সর্বপাপবিশুদ্ধাত্মা রুদ্রলোকে মহীয়তে ।
ততো গচ্ছেত রাজেন্দ্র কেদারং নাম পুণ্যদম্ ॥ ৪১.৭ ॥

তত্র স্নাৎবোদকং কৃৎবা সর্বান্ কামানবাপ্নুয়াৎ ।
নিষ্ফলেশংততো গচ্ছেৎ সর্বপাপবিনাশনম্ ॥ ৪১.৮ ॥

তত্র স্নাৎবা মহারাজ রুদ্রলোকে মহীয়তে ।
ততো গচ্ছেত রাজেন্দ্র বাণতীর্থমনুত্তমম্ ॥ ৪১.৯ ॥

তত্র প্রাণান্ পরিত্যজ্য রুদ্রলোকমবাপ্নুয়াৎ ।
ততঃ পুষ্করিণীং গচ্ছেৎ স্নানং তত্র সমাচরেৎ ॥ ৪১.১০ ॥

তত্র স্নাৎবা নরো রাজন্ সিংহাসনপতির্ভবেৎ ।
শক্রতীর্থং ততো গচ্ছেৎকূলে চৈব তু দক্ষিণে ॥ ৪১.১১ ॥

স্নাতমাত্রো নরস্তত্র ইন্দ্রস্যার্দ্ধাসনং লভেৎ ।
ততো গচ্ছেত রাজেন্দ্র শূলভেদমিতি শ্রুতম্ ॥ ৪১.১২ ॥

তত্র স্নাৎবার্চয়েদ্ দেবং গোসহস্রফলং লভেৎ ।
উপোষ্য রজনীমেকাং স্নানং কৃৎবা যথাবিধি ॥ ৪১.১৩ ॥

আরাধয়েন্মহায়োগং দেবং নারায়ণং হরিম্ ।
গোসহস্রফলং প্রাপ্য বিষ্ণুলোকং স গচ্ছতি ॥ ৪১.১৪ ॥

ঋষিতীর্থং ততো গৎবা সর্বপাপহরং নৃণাম্ ।
স্নাতমাত্রো নরস্তত্র শিবলোকে মহীয়তে ॥ ৪১.১৫ ॥

নারদস্য তু তত্রৈব তীর্থং পরমশোভনম্ ।
স্নাতমাত্রো নরস্তত্র গোসহস্রফলং লভেৎ ॥ ৪১.১৬ ॥

যত্র তপ্তং তপঃ পূর্বং নারদেন সুরর্ষিণা ।
প্রতীস্তস্য দদৌ যোগং দেবদেবো মহেশ্বরঃ ॥ ৪১.১৭ ॥

ব্রহ্মণা নির্মিতং লিঙ্গং ব্রহ্মেশ্বরমিতি শ্রুতম্ ।
যত্র স্নাৎবা নরো রাজন্ ব্রহ্মলোকে মহীয়তে ॥ ৪১.১৮ ॥

ঋণতীর্থং ততো গচ্ছেৎ স ঋণান্মুচ্যতে ধ্রুবম্ ।
বটেশ্বরং ততো গচ্ছেৎ পর্যাপ্তং জন্মনঃ ফলম্ ॥ ৪১.১৯ ॥

ভীমেশ্বরং ততো গচ্ছেৎ সর্বব্যাধিবিনাশনম্ ।
স্নাতমাত্রো নরস্তত্র সর্বদুঃখৈঃ প্রমুচ্যতে ॥ ৪১.২০ ॥

ততো গচ্ছেত রাজেন্দ্র পিঙ্গলেশ্বরমুত্তমম্ ।
অহোরাত্রোপবাসেন ত্রিরাত্রফলমাপ্নুয়াৎ ॥ ৪১.২১ ॥

তস্মিংমস্তীর্থে তু রাজেন্দ্র কপিলাং যঃ প্রয়চ্ছতি ।
যাবন্তি তস্যা রোমাণি তৎপ্রসূতিকুলেষু চ ॥ ৪১.২২ ॥

তাবদ্ বর্ষসহস্রাণি রুদ্রলোকে মহীয়তে ॥

যস্তু প্রাণপরিত্যাগং কুর্যাৎ তত্র নরাধিপ ॥ ৪১.২৩ ॥

অক্ষয়ং মোদতে কালং যাবচ্চন্দ্রদিবাকরৌ ।
নর্মদাতটমাশ্রিত্য যে চ তিষ্ঠন্তি মানবাঃ ॥ ৪১.২৪ ॥

তে মৃতাঃ স্বর্গমায়ান্তি সন্তঃ সুকৃতিনো যথা ।
ততো দীপ্তেশ্বরং গচ্ছেদ্ ব্যাসতীর্থং তপোবনম্ ॥ ৪১.২৫ ॥

নিবর্ত্তিতা পুরা তত্র ব্যাসভীতা মহানদী ।
হুংকারিতা তু ব্যাসেন দক্ষিণেন ততো গতা ॥ ৪১.২৬ ॥

প্রদক্ষিণং তু যঃ কুর্যাৎ তস্মিংস্তীর্থে যুধিষ্ঠির ।
প্রীতস্তস্য ভবেদ্ ব্যাসো বাঞ্ছিতং লভতে ফলম্ ॥ ৪১.২৭ ॥

ততো গচ্ছেত রাজেন্দ্র ইক্ষুনদ্যাস্তু সংগমম্ ।
ত্রৈলোক্যবিশ্রুতং পুণ্যং তত্র সন্নিহিতঃ শিবঃ ॥ ৪১.২৮ ॥

তত্র স্নাৎবা নরো রাজন্ গাণপত্যমবাপ্নুয়াৎ ।
স্কন্দতীর্থং ততো গচ্ছেৎ সর্বপাপপ্রণাশনম্ ॥ ৪১.২৯ ॥

আজন্মনঃ কৃতং পাপং স্নাতস্তত্র ব্যপোহতি ।
তত্র দেবাঃ সগন্ধর্বা ভর্গাত্মজমনুত্তমম্ ॥ ৪১.৩০ ॥

উপাসতে মহাত্মানং স্কন্দং শক্তিধিরং প্রভুম্ ।
ততো গচ্ছেদাঙ্গিরসং স্নানং তত্র সমাচরেৎ ॥ ৪১.৩১ ॥

গোসহস্রফলং প্রাপ্য রুদ্রলোকং স গচ্ছতি ।
অঙ্গিরা যত্র দেবেশং ব্রহ্মপুত্রো বৃষধ্বজম্ ॥ ৪১.৩২ ॥

তপসারাধ্য বিশ্বেশং লব্ধবান্ যোগমুত্তমম্ ।
কুশতীর্থং ততো গচ্ছেৎ সর্বপাপপ্রণাশনম্ ॥ ৪১.৩৩ ॥

স্নানং তত্র প্রকুর্বীত অশ্বমেধফলং লভেৎ ।
কোটিতীর্থং ততো গচ্ছেৎ সর্বপাপপ্রণাশনম্ ॥ ৪১.৩৪ ॥

আজন্মনঃ কৃতং পাপং স্নাতস্তত্র ব্যপোহতি ।
চন্দ্রভাগাং ততো গচ্ছেৎ স্নানং তত্র সমাচরেৎ ॥ ৪১.৩৫ ॥

স্নাতমাত্রো নরস্তত্র সোমলোকে মহীয়তে ।
নর্মদাদক্ষিণে কূলে সংগমেশ্বরমুত্তমম্ ॥ ৪১.৩৬ ॥

তত্র স্নাৎবা নরো রাজন্ সর্বয়জ্ঞফলং লভেৎ ।
নর্মদায়োত্তরে কূলে তীর্থং পরমশোভনম্ ॥ ৪১.৩৭ ॥

আদিত্যায়তনং রম্যমীশ্বরেণ তু ভাষিতম্ ।
তত্র স্নাৎবা তু রাজেন্দ্র দত্ত্বা দানং তু শক্তিতঃ ॥ ৪১.৩৮ ॥

তস্য তীর্থপ্রভাবেণ লভতে চাক্ষয়ং ফলম্ ।
দরিদ্রা ব্যাধিতা যে তু যে চ দুষ্কৃতকর্মিণঃ ॥ ৪১.৩৯ ॥

মুচ্যন্তে সর্বপাপেভ্যঃ সূর্যলোকং প্রয়ান্তি চ ।
মাতৃতীর্থং ততো গচ্ছেৎ স্নানং তত্র সমাচরেৎ ॥ ৪১.৪০ ॥

স্নাতমাত্রো নরস্তত্র স্বর্গলোকমবাপ্নুয়াৎ ।
ততঃ পশ্চিমতো গচ্ছেন্মরুদালয়মুত্তমম্ ॥ ৪১.৪১ ॥

তত্র স্নাৎবা তু রাজেন্দ্র শুচির্ভূৎবা সমাহিতঃ ।
কাঞ্চনং তু দ্বিজো দদ্যাদ্ যথাবিভববিস্তরম্ ॥ ৪১.৪২ ॥

পুষ্পকেণ বিমানেন বায়ুলোকং স গচ্ছতি ।
ততো গচ্ছেত রাজেন্দ্র অহল্যাতীর্থমুত্তমম্ ।
স্নানমাত্রাদপ্সরোভির্মোদতে কালমক্ষয়ম্ ॥ ৪১.৪৩ ॥

চৈত্রমাসে তু সম্প্রাপ্তে শুক্লপক্ষে ত্রয়োদশী ।
কামদেবদিনে তস্মিন্নহল্যাং যস্তু পূজয়েৎ ॥ ৪১.৪৪ ॥

যত্র তত্র সমুৎপন্নো বরস্তত্র প্রিয়ো ভবেৎ ।
স্ত্রীবল্লভো ভবেচ্ছ্রীমান্ কামদেব ইবাপরঃ ॥ ৪১.৪৫ ॥

অয়োধ্যাং তু সমাসাদ্য তীর্থং শক্রস্য বিশ্রুতম্ ।
স্নাতমাত্রো নরস্তত্র গোসহস্রফলং লভেৎ ॥ ৪১.৪৬ ॥

সোমতীর্থং ততো গচ্ছেৎ স্নানং তত্র সমাচরেৎ ।
স্নাতমাত্রো নরস্তত্র সর্বপাপৈঃ প্রমুচ্যতে ॥ ৪১.৪৭ ॥

সোমগ্রহে তু রাজেন্দ্র পাপক্ষয়করং ভবেৎ ।
ত্রৈলোক্যবিশ্রুতং রাজন্ সোমতীর্থং মহাফলম্ ॥ ৪১.৪৮ ॥

যস্তু চান্দ্রায়ণং কুর্যাৎ তত্র তীর্থে সমাহিতঃ ।
সর্বপাপবিশুদ্ধাত্মা সোমলোকং স গচ্ছতি ॥ ৪১.৪৯ ॥

অগ্নিপ্রবেশং যঃ কুর্যাৎ সোমতীর্থে নরাধিপ ।
জলে চানশনং বাপি নাসৌ মর্ত্যোঽভিজায়তে ॥ ৪১.৫০ ॥

স্তম্ভতীর্থং ততো গচ্ছেৎ স্নানং তত্র সমাচরেৎ ।
স্নাতমাত্রো নরস্তত্র সোমলোকে মহীয়তে ॥ ৪১.৫১ ॥

ততো গচ্ছেত রাজেন্দ্র বিষ্ণুতীর্থমনুত্তমম্ ।
যোধনীপুরমাখ্যাতং বিষ্ণোঃ স্থানমনুত্তমম্ ॥ ৪১.৫২ ॥

অসুরা যোধিতাস্তত্র বাসুদেবেন কোটিশঃ ।
তত্র তীর্থং সমুৎপন্নং বিষ্ণুশ্রীকো ভবেদিহ ॥ ৪১.৫৩ ॥

অহোরাত্রোপবাসেন ব্রহ্মহত্যাং ব্যপোহতি ।
নর্মদাদক্ষিণে কূলে তীর্থং পরমশোভনম্ ॥ ৪১.৫৪ ॥

কামতীর্থমিতি খ্যাতং যত্র কামোঽর্চয়দ্ হরিম্ ।
তস্মিংস্তীর্থে নরঃ স্নাৎবা উপবাসপরায়ণঃ ॥ ৪১.৫৫ ॥

কুসুমায়ুধরূপেণ রুদ্রোলোকে মহীয়তে ।
ততো গচ্ছেত রাজেন্দ্র ব্রহ্মতীর্থমনুত্তমম্ ॥ ৪১.৫৬ ॥

উমাহকমিতি খ্যাতং তত্র সংতর্পয়েৎ পিতৄন্ ।
পৌর্ণমাস্যামমাবাস্যাং শ্রাদ্ধং কুর্যাদ্ যথাবিধি ॥ ৪১.৫৭ ॥

গজরূপা শিলা তত্র তোয়মধ্যে ব্যবস্থিতা ।
তস্মিংস্তু দাপয়েৎ পিণ্ডান্ বৈশাখ্যাংতু বিশেষতঃ ॥ ৪১.৫৮ ॥

স্নাৎবা সমাহিতমনা দম্ভমাৎসর্যবর্জিতঃ ।
তৃপ্যন্তি পিতরস্তস্য যাবৎ তিষ্ঠতি মেদিনী ॥ ৪১.৫৯ ॥

বিশ্বেশ্বরং ততো গচ্ছেৎ স্নানং তত্র সমাচরেৎ ।
স্নাতমাত্রো নরস্তত্র গাণপত্যপদং লভেৎ ॥ ৪১.৬০ ॥

ততো গচ্ছেত রাজেন্দ্র লিঙ্গো যত্র জনার্দনঃ ।
তত্র স্নাৎবা তু রাজেন্দ্র বিষ্ণুলোকে মহীয়তে ॥ ৪১.৬১ ॥

যত্র নারায়ণো দেবো মুনোনাং ভাবিতাত্মনাম্ ।
স্বাত্মানং দর্শয়ামাস লিঙ্গং তৎ পরমং পদম্ ॥ ৪১.৬২ ॥

অকোল্লংতু ততো গচ্ছেৎ সর্বপাপবিনাশনম্ ।
স্নানং দানং চ তত্রৈব ব্রাহ্মণানাং চ ভোজনম্ ॥ ৪১.৬৩ ॥

পিণ্ডপ্রিদানং চ কৃতং প্রেত্যানন্তফলপ্রদম্ ।
ত্রিয়ম্বকেন তোয়েন যশ্চরুং শ্রপয়েৎ ততঃ ॥ ৪১.৬৪ ॥

অকোল্লমূলে দদ্যাচ্চ পিণ্ডাংশ্চৈব যথাবিধি ।
তারিতাঃ পিতরস্তেন তৃপ্যন্ত্যাচন্দ্রতারকম্ ॥ ৪১.৬৫ ॥

ততো গচ্ছেত রাজেন্দ্র তাপসেশ্বরমুত্তমম্ ।
তত্র স্নাৎবা তু রাজেন্দ্র প্রাপ্নুয়াৎ তপসঃ ফলম্ ॥ ৪১.৬৬ ॥

শুক্লতীর্থং ততো গচ্ছেৎ সর্বপাপবিনাশনম্ ।
নাস্তি তেন সমন্তীর্থং নর্মদায়াং যুধিষ্ঠির ॥ ৪১.৬৭ ॥

দর্শনাৎ স্পর্শনাৎ তস্য স্নানদানতপোজপাৎ ।
হোমাচ্চৈবোপবাসাচ্চ শুক্লতীর্থে মহৎফলম্ ॥ ৪১.৬৮ ॥

যোজনং তৎ স্মৃতং ক্ষেত্রং দেবগন্ধর্বসেবিতম্ ।
শুক্লতীর্থমিতি খ্যাতং সর্বপাপবিনাশনম্ ॥ ৪১.৬৯ ॥

পাদপাগ্রেণ দৃষ্টেন ব্রহ্মহত্যাং ব্যপোহতি ।
দেব্যা সহ সদা ভর্গস্তত্র তিষ্ঠতি শংকরঃ ॥ ৪১.৭০ ॥

কৃষ্ণপক্ষে চতুর্দশ্যাং বৈশাখে মাসি সুব্রত ।
কৈলাসাচ্চাভিনিষ্ক্রম্য তত্র সন্নিহিতো হরঃ ॥ ৪১.৭১ ॥

দেবদানবগন্ধর্বাঃ সিদ্ধবিদ্যাধরাস্তথা ।
গণাশ্চাপ্সরসো নাগাস্তত্র তিষ্ঠন্তি পুংগবাঃ ॥ ৪১.৭২ ॥

রঞ্জিতং হি যথা বস্ত্রং শুক্লং ভবতি বারিণা ।
আজন্মনি কৃতং পাপং শুক্লতীর্থে ব্যপোহতি ॥ ৪১.৭৩ ॥

স্নানং দানং তপঃ শ্রাদ্ধমনন্তং তত্র দৃশ্যতে ॥

শুক্লতীর্থাৎ পরং তীর্থং ন ভবিষ্যতি পাবনম্ ॥ ৪১.৭৪ ॥

পূর্বে বয়সি কর্মাণি কৃৎবা পাপানি মানবঃ ।
অহোরাত্রোপবাসেন শুক্লতীর্থে ব্যপোহতি ॥ ৪১.৭৫ ॥

কার্ত্তিকস্য তু মাসস্য কৃষ্ণপক্ষে চতুর্দশী ।
ঘৃতেন স্নাপয়েদ্ দেবমুপোষ্য পরমেশ্বরম্ ॥ ৪১.৭৬ ॥

একবিংশৎকুলোপেতো ন চ্যবেদীশ্বরালয়াৎ ।
তপসা ব্রহ্মচর্যেণ যজ্ঞদানেন বা পুনঃ ॥ ৪১.৭৭ ॥

ন তাং গতিমবাপ্নোতি শুক্লতীর্থে তু যাং লভেৎ ।
শুক্লতীর্থং মহাতীর্থমৃষিসিদ্ধনিষেবিতম্ ॥ ৪১.৭৮ ॥

তত্র স্নাৎবা নরো রাজন্ পুনর্জন্ম ন বিন্দতি ।
অয়নে বা চতুর্দশ্যাং সংক্রান্তৌ বিষুবে তথা ॥ ৪১.৭৯ ॥

স্নাৎবা তু সোপবাসঃ সন্ বিজিতাত্মা সমাহিতঃ ।
দানং দদ্যাদ্ যথাশক্তি প্রীয়েতাং হরিশংকরৌ ॥ ৪১.৮০ ॥

এতৎ তীর্থপ্রভাবেণ সর্বং ভবতি চাক্ষয়ম্ ।
অনাথং দুর্গতং বিপ্রং নাথবন্তমথাপি বা ॥ ৪১.৮১ ॥

উদ্বাদয়তি যস্তীর্থে তস্য পুণ্যফলং শৃণু ।
যাবৎ তদ্রোমসংখ্যা তু তৎপ্রসূতিকুলেষু চ ॥ ৪১.৮২ ॥

তাবদ্ বর্ষসহস্রাণি রুদ্রলোকে মহীয়তে ।
ততো গচ্ছেত রাজেন্দ্র যমতীর্থ মনুত্তমম্ ॥ ৪১.৮৩ ॥

কৃষ্ণপক্ষে চতুর্দশ্যাং মাঘমাসে যুধিষ্ঠির ।
স্নানং কৃৎবা নক্তভোজী ন পশ্যেদ্ যোনিসঙ্কটম্ ॥ ৪১.৮৪ ॥

ততো গচ্ছেত রাজেন্দ্র এরণ্ডীতীর্থমুত্তমম্ ।
সংগমে তু নরঃ স্নায়াদুপবাসপরায়ণঃ ॥ ৪১.৮৫ ॥

ব্রাহ্মণং ভোজয়েদেকং কোটির্ভবতি ভোজিতাঃ ।
এরণ্ডীসংগমে স্নাৎবা ভক্তিভাবাত্তু রঞ্জিতঃ ॥ ৪১.৮৬ ॥

মৃত্তিকাং শিরসি স্থাপ্য অবগাহ্য চ তজ্জলম্ ।
নর্মদোদকসংমিশ্রং মুচ্যতে সর্বকিল্বিষৈঃ ॥ ৪১.৮৭ ॥

ততো গচ্ছেত রাজেন্দ্র তীর্থং কল্লোলকেশ্বরম্ ।
গঙ্গাবতরতে তত্র দিনে পুণ্যে ন সংশয়ঃ ॥ ৪১.৮৮ ॥

তত্র স্নাৎবা চ পীৎবা চ দত্ত্বা চৈব যথাবিধি ।
সর্বপাপবিনির্মুক্তো ব্রহ্মলোকে মহীয়তে ॥ ৪১.৮৯ ॥

নন্দিতীর্থং ততো গচ্ছেৎ স্নানং তত্র সমাচরেৎ ।
প্রীয়তে তস্য নন্দীশঃ সোমলোকে মহীয়তে ॥ ৪১.৯০ ॥

ততো গচ্ছেত রাজেন্দ্র তীর্থং ৎবনরকং শুভম্ ।
তত্র স্নাৎবা নরো রাজন্ নরকং নৈব পশ্যতি ॥ ৪১.৯১ ॥

তস্মিংস্তীর্থে তু রাজেন্দ্র স্বান্যস্থীনি বিনিক্ষিপেৎ ।
রূপবান্ জায়তে লোকে ধনভোগসমন্বিতঃ ॥ ৪১.৯২ ॥

ততো গচ্ছেত রাজেন্দ্র কপিলাতীর্থমুত্তমম্ ।
তত্র স্নাৎবা নরো রাজন্ গোসহস্রফলং লভেৎ ॥ ৪১.৯৩ ॥

জ্যেষ্ঠমাসে তু সম্প্রাপ্তে চতুর্দশ্যাং বিশেষতঃ ।
তত্রোপোষ্য নরো ভক্ত্যা দদ্যাদ্ দীপং ঘৃতেন তু ॥ ৪১.৯৪ ॥

ঘৃতেন স্নাপয়েদ্ রুদ্রং সঘৃতং শ্রীফলং দহেৎ ।
ঘণ্টাভরণসংয়ুক্তাং কপিলাং বৈ প্রদাপয়েৎ ॥ ৪১.৯৫ ॥

সর্বাভরণসংয়ুক্তঃ সর্বদেবনমস্কৃতঃ ।
শিবতুল্যবলো ভূৎবা শিববৎ ক্রীডতে চিরম্ ॥ ৪১.৯৬ ॥

অঙ্গারকদিনে প্রাপ্তে চতুর্থ্যাং তু বিশেষতঃ ।
স্নাপয়িৎবা শিবং দদ্যাদ্ ব্রাহ্মণেভ্যস্তু ভোজনম্ ॥ ৪১.৯৭ ॥

সর্বভোগসমায়ুক্তো বিমানে সর্বকামিকে ।
গৎবা শক্রস্য ভবনং শক্রেণ সহ মোদতে ॥ ৪১.৯৮ ॥

ততঃ স্বর্গাৎ পরিভ্রষ্টো ধনবান্ ভোগবান্ ভবেৎ ।
অঙ্গারকনবম্যাং তু অমাবাস্যাং তথৈব চ ॥ ৪১.৯৯ ॥

স্নাপয়েৎ তত্র যত্নেন রূপবান্ সুভগো ভবেৎ ।
ততো গচ্ছেত রাজেন্দ্র গণেশ্বরমনুত্তমম্ ॥ ৪১.১০০ ॥

শ্রাবণে মাসী সম্প্রাপ্তে কৃষ্ণপক্ষে চতুর্দশী ।
স্নাতমাত্রো নরস্তত্র রুদ্রলোকে মহীয়তে ॥ ৪১.১০১ ॥

পিতৄণাং তর্পণং কৃৎবা মুচ্যতে স? ঋণত্রয়াৎ ।
গঙ্গেশ্বরসমীপে তু গঙ্গাবদনমুত্তমম্ ॥ ৪১.১০২ ॥

অকামো বা সকামো বা তত্র স্নাৎবা তু মানবঃ ।
আজন্মজনিতৈঃ পাপৈর্মুচ্যতে নাত্র সংশয়ঃ ॥ ৪১.১০৩ ॥

তস্য বৈ পশ্চিমে দেশে সমীপে নাতিদূরতঃ ।
দশাশ্বমেধিকং তীর্থং ত্রিষু লোকেষু বিশ্রুতম্ ॥ ৪১.১০৪ ॥

উপোষ্য রজনীমেকাং মাসি ভাদ্রপদে শুভে ।
অমাবস্যাং নরঃ স্নাৎবা পূজয়েদ্ বৃষভধ্বজম্ ॥ ৪১.১০৫ ॥

কাঞ্চনেন বিমানেন কিঙ্কিণীজালমালিনা ।
গৎবা রুদ্রপুরং রম্যং রুদ্রেণ সহ মোদতে ॥ ৪১.১০৬ ॥

সর্বত্র সর্বদিবসে স্নানং তত্র সমাচরেৎ ।
পিতৄণাং তর্পণং কুর্যাদশ্বমেধফলং লভেৎ ॥ ৪১.১০৭ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
একচৎবারিশোঽধ্যায়ঃ ॥৪১ ॥

কূর্মপুরাণএ উত্তরভাগে দ্বিচৎবারিংশত্তমোঽধ্যায়ঃ

মার্কণ্ডেয় উবাচ
ততো গচ্ছেত রাজেন্দ্র ভৃগুতীর্থ মনুত্তমম্ ।
তত্র দেবো ভৃগুঃ পুর্বং রুদ্রমারাধয়ৎ পুরা ॥ ৪২.১ ॥

দর্শনাৎ তস্য দেবস্য সদ্যঃ পাপাৎ প্রমুচ্যতে ।
এতৎ ক্ষেত্রং সুবিপুলং সর্বপাপপ্রণাশনম্ ॥ ৪২.২ ॥

তত্র স্নাৎবা দিবং যান্তি যে মৃতাস্তেঽপুনর্ভবাঃ ।
উপানহোস্তথা যুগ্মং দেয়মন্নং সকাঞ্চনম্ ॥ ৪২.৩ ॥

ভোজনং চ যথাশক্তি তদস্যাক্ষয়মুচ্যতে ।
ক্ষরন্তি সর্বদানানি যজ্ঞদানং তপঃ ক্রিয়া ॥ ৪২.৪ ॥

অক্ষয়ং তৎ তপস্তপ্তং ভৃগুতীর্থে যুধিষ্ঠির ।
তস্যৈব তপসোগ্রেণ তুষ্টেন ত্রিপুরারিণা ॥ ৪২.৫ ॥

সান্নিধ্যং তত্র কথিতং ভৃগুতীর্থে যুধিষ্ঠির ।
ততো গচ্ছেত রাজেন্দ্র গৌতমেশ্বরমুত্তমম্ ॥ ৪২.৬ ॥

যত্রারাধ্য ত্রিশূলাঙ্কং গৌতমঃ সিদ্ধিমাপ্তবান্ ।
তত্র স্নাৎবা নরো রাজন্ উপবাসপরায়ণঃ ॥ ৪২.৭ ॥

কাঞ্চনেন বিমানেন ব্রহ্মলোকে মহীয়তে ।
বৃষোৎসর্গং ততো গচ্ছেচ্ছাশ্বতং পদমাপ্নুয়াৎ ॥ ৪২.৮ ॥

ন জানন্তি নরা মূঢা বিষ্ণোর্মায়াবিমোহিতাঃ ।
ধৌতপাপং ততো গচ্ছেদ্ ধৌতং যত্র বৃষেণ তু ॥ ৪২.৯ ॥

নর্মদায়াং স্থিতং রাজন্ সর্বপাতকনাশনম্ ।
তত্র তীর্থে নরঃ স্নাৎবা ব্রহ্মহত্যাং ব্যপোহতি ॥ ৪২.১০ ॥

তত্র তীর্থে তু রাজেন্দ্র প্রাণত্যাগং করোতি যঃ ।
চতুর্ভুজস্ত্রিনেত্রশ্চ হরতুল্যবলো ভবেৎ ॥ ৪২.১১ ॥

বসেৎ কল্পায়ুতং সাগ্রং শিবতুল্যপরাক্রমঃ ।
কালেন মহতা জাতঃ পৃথিব্যামেকরাড্ ভবেৎ ॥ ৪২.১২ ॥

ততো গচ্ছেত রাজেন্দ্র হংসতীর্থ মনুত্তমম্ ।
তত্র স্নাৎবা নরো রাজন্ ব্রহ্মলোকে মহীয়তে ॥ ৪২.১৩ ॥

ততো গচ্ছেত রাজেন্দ্র সিদ্ধো যত্র জনার্দনঃ ।
বরাহতীর্থ মাখ্যাতং বিষ্ণুলোকগতিপ্রদম্ ॥ ৪২.১৪ ॥

ততো গচ্ছেত রাজেন্দ্র চন্দ্রতীর্থমনুত্তমম্ ।
পৌর্ণমাস্যাং বিশেষেণ স্নানং তত্র সমাচরেৎ ॥ ৪২.১৫ ॥

স্নাতমাত্রো নরস্তত্র পৃথিব্যামেকরাড্ ভবেৎ ।
দেবতীর্থ ততো গচ্ছেৎ সর্বদেবনমকৃতম্ ॥ ৪২.১৬ ॥

তত্র স্নাৎবা চ রাজেন্দ্র দৈবতৈঃ সহ মোদতে ।
ততো গচ্ছেত রাজেন্দ্র শঙ্কিতীর্থমনুত্তমম্ ॥ ৪২.১৭ ॥

যৎ তত্র দীয়তে দানং সর্বং কোটিগুণং ভবেৎ ।
ততো গচ্ছেত রাজেন্দ্র তীর্থং পৈতামহং শুভম্ ॥ ৪২.১৮ ॥

যত্তত্র ক্রিয়তে শ্রাদ্ধং সর্বং তদক্ষয়ং ভবেৎ ।
সাবিত্রীতীর্থমাসাদ্য যস্তু প্রাণান্ পরিত্যজেৎ ॥ ৪২.১৯ ॥

বিধূয় সর্বপাপানি ব্রহ্মলোকে মহীয়তে ।
মনোহরং তু তত্রৈব তীর্থং পরমশোভনম্ ॥ ৪২.২০ ॥

স্নাৎবা তত্র নরো রাজন্ রুদ্রলোকে মহীয়তে ।
ততো গচ্ছেত রাজেন্দ্র কন্যাতীর্থমনুত্তমম্ ॥ ৪২.২১ ॥

স্নাৎবা তত্র নরো রাজন্সর্বপারৈঃ প্রমুচ্যতে ।
শুক্লপক্ষে তৃতীয়ায়াং স্নানমাত্রং সমাচরেৎ ॥ ৪২.২২ ॥

স্নাতমাত্রো নরস্তত্র পৃতিব্যামেকরাড্ ভবেৎ ।
স্বর্গবিন্দুং ততো গচ্ছেত্তীর্থং দেবনমস্কৃতম্ ॥ ৪২.২৩ ॥

তত্র স্নাৎবা নরো রাজন্ দুর্গতিং নৈব গচ্ছতি ।
অপ্সরেশং ততো গচ্ছেৎ স্নানং তত্র সমাচরেৎ ॥ ৪২.২৪ ॥

ক্রীডতে নাকলোকস্থো হ্যপ্সরোভিঃ স মোদতে ।
ততো গচ্ছেত রাজেন্দ্র ভারভূতিমনুত্তমম্ ॥ ৪২.২৫ ॥

উপোষিতোঽর্চয়েদীশং রুদ্রলোকে মহীয়তে ।
অস্মিংস্তীর্থে মৃতো রাজন্ গাণপত্যমবাপ্নুয়াৎ ॥ ৪২.২৬ ॥

কার্ত্তিকে মাসি দেবেশমর্চয়েৎ পার্বতীপতিম্ ।
অশ্বমেধাদ্ দশগুণং প্রবদন্তি মনীষিণঃ ॥ ৪২.২৭ ॥

বৃষভং যঃ প্রয়চ্ছেত তত্র কুন্দেন্দুসপ্রভম্ ।
বৃষয়ুক্তেন যানেন রুদ্রলোকং স গচ্ছতি ॥ ৪২.২৮ ॥

এতৎ তীর্থং সমাসাদ্য যস্তু প্রাণান্ পরিত্যজেৎ ।
সর্বপাপবিশুদ্ধাত্মা রুদ্রলোকং স গচ্ছতি ॥ ৪২.২৯ ॥

জলপ্রবেশং যঃ কুর্যাৎ তস্মিংস্তীর্থে নরাধিপ ।
হংসয়ুক্তেন যানেন স্বর্গলোকং স গচ্ছতি ॥ ৪২.৩০ ॥

এরণ্ড্যা নর্মদায়াস্তু সংগমং লোকবিশ্রুতম্ ।
তচ্চ তীর্থং মহাপুণ্যং সর্বপাপপ্রণাশনম্ ॥ ৪২.৩১ ॥

উপবাসকৃতো ভূৎবা নিত্যং ব্রতপরায়ণঃ ।
তত্র স্নাৎবা তু রাজেন্দ্র মুচ্যতে ব্রহ্মহত্যযা ॥ ৪২.৩২ ॥

ততো গচ্ছেত রাজেন্দ্র নর্মদোদধিসংগমম্ ।
জমদগ্নিরিতি খ্যাতঃ সিদ্ধো যত্র জনার্দনঃ ॥ ৪২.৩৩ ॥

তত্র স্নাৎবা নরো রাজন্ নর্মদোদধিসংগমে ।
ত্রিগুণং চাশ্বমেধস্য ফলং প্রাপ্নোতি মানবঃ ॥ ৪২.৩৪ ॥

ততো গচ্ছেত রাজেন্দ্র পিঙ্গলেশ্বরমুত্তমম্ ।
তত্র স্নাৎবা নরো রাজন্ রুদ্রলোকে মহীয়তে ॥ ৪২.৩৫ ॥

তত্রোপবাসং যঃ কৃৎবা পশ্যেত বিমলেশ্বরম্ ।
সপ্তজন্মকৃতং পাপং হিৎবা যাতি শিবালয়ম্ ॥ ৪২.৩৬ ॥

ততো গচ্ছেত রাজেন্দ্র অলিকাতীর্থমুত্তমম্ ।
উপোষ্য রজনীমেকাং নিয়তো নিয়তাশনঃ ॥ ৪২.৩৭ ॥

অস্য তীর্থস্য মাহাত্ম্যান্মুচ্যতে ব্রহ্মহত্যযা ।
এতানি তব সংক্ষেপাৎ প্রাধান্যাৎ কথিতানি তু ॥ ৪২.৩৮ ॥

ন শক্যা বিস্তরাদ্ বক্তুং সংখ্যা তীর্থেষু পাণ্ডব ।
এষা পবিত্রা বিমলা নদী ত্রৈলোক্যবিশ্রুতা ॥ ৪২.৩৯ ॥

নর্মদা সরিতাং শ্রেষ্ঠা মহাদেবস্য বল্লভা ।
মনসা সংস্মরেদ্যস্তু নর্মদাং বৈ যুধিষ্ঠির ॥ ৪২.৪০ ॥

চান্দ্রায়ণশতং সাগ্রং লভতে নাত্র সংশয়ঃ ।
অশ্রদ্দধানাঃ পুরুষা নাস্তিক্যং ঘোরমাশ্রিতাঃ ॥ ৪২.৪১ ॥

পতন্তি নরকে ঘোরে ইত্যাহ পরমেশ্বরঃ ।
নর্মদাং সেবতে নিত্যং স্বয়ং দেবো মহেশ্বরঃ ।
তেন পুণ্যা নদী জ্ঞেয়া ব্রহ্মহত্যাপহারিণী ॥ ৪২.৪২ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
দ্বিচৎবারিংশোঽধ্যায়ঃ ॥৪২ ॥

কূর্মপুরাণএ উত্তরভাগে ত্রিচৎবারিংশত্তমোঽধ্যায়ঃ

ইদং ত্রৈলোক্যবিখ্যাতং তীর্থং নৈমিশমুত্তমম্ ।
সূত উবাচ
মহাদেবপ্রিয়করং মহাপাতকনাশনম্ ॥ ৪৩.১ ॥

মহাদেবং দিদৃক্ষূণামৃষীণণা পরমেষ্ঠিনাম্ ।
ব্রহামণা নির্মিতং স্থানং তপস্তপ্তুং দ্বিজোত্তমাঃ ॥ ৪৩.২ ॥

মরীচয়োঽত্রয়ে বিপ্রা বসিষ্ঠাঃ ক্রতবস্তথা ।
ভৃগবোঽঙ্গিরসঃ পূর্বং ব্রহ্মাণং কমলোদ্ভবম্ ॥ ৪৩.৩ ॥

সমেত্য সর্ববরদং চতুর্মূর্তি চতুর্মুখম্ ।
পৃচ্ছন্তি প্রণিপত্যৈনং বিশ্বকর্মাণমচ্যুতম্ ॥ ৪৩.৪ ॥

ষট্কুলীয়া ঊচুঃ ।
ভগবন্ দেবমীশানং তমেবৈকং কপর্দিনম্ ।
কেনোপায়েন পশ্যামো ব্রূহি দেবনমস্তব ॥ ৪৩.৫ ॥

ব্রহ্মোবাচ ।
সত্রং সহস্রমাসধ্বং বাঙ্মনোদোষবর্জিতাঃ ।
দেশং চ বঃ প্রবক্ষ্যামি যস্মিন্ দেশে চরিষ্যথ ॥ ৪৩.৬ ॥

মুক্ত্বা মনোময়ং চক্রং সংসৃষ্ট্বা তানুবাচ হ ।
ক্ষিপ্তমেতন্ময়া চক্রমনুব্রজত মা চিরম্ ॥ ৪৩.৭ ॥

যত্রাস্য নেমিঃ শীর্যেত স দেশঃ পুরুষর্ষভাঃ ।
ততো মুমোচ তচ্চক্রং তে চ তৎসমনুব্রজন্ ॥ ৪৩.৮ ॥

তস্য বৈ ব্রজতঃ ক্ষিপ্রং যত্র নেমিরশীর্যত ।
নৈমিশং তৎস্মৃতং নাম্না পুণ্যং সর্বত্র পূজিতম্ ॥ ৪৩.৯ ॥

সিদ্ধচারণসংকীর্ণং যক্ষগন্ধর্বসেবিতম্ ।
স্থানং ভগবতঃ শংভোরেতন্নৈমিশমুত্তমম্ ॥ ৪৩.১০ ॥

অত্র দেবাঃ সগন্ধর্বাঃ সয়ক্ষোরগরাক্ষসাঃ ।
তপস্তপ্ত্বা পুরা দেবা লেভিরে প্রবরান্ বরান্ ॥ ৪৩.১১ ॥

ইমং দেশং সমাশ্রিত্য ষট্কুলীয়াঃ সমাহিতাঃ ।
সত্রেণারাধ্য দেবেশং দৃষ্টবন্তো মহেশ্বরম্ ॥ ৪৩.১২ ॥

অত্র দানং তপস্তপ্তং স্নানং জপ্যাদিকং চ যৎ ।
একৈকং পাবয়েৎ পাপং সপ্তজন্মকৃতং দ্বিজাঃ ॥ ৪৩.১৩ ॥

অত্র পূর্বং স ভগবানৃষীণাং সত্রমাসতাম্ ।
স বৈ প্রোবাচ ব্রহ্মাণ্ডং পুরাণং ব্রহ্মভাষিতম্ ॥ ৪৩.১৪ ॥

অত্র দেবো মহাদেবো রুদ্রাণ্যা কিল বিশ্বকৃৎ ।
রমতেঽধ্যাপি ভগবান্ প্রমথৈঃ পরিবারিতঃ ॥ ৪৩.১৫ ॥

অত্র প্রাণান্ পরিত্যজ্য নিয়মেন দ্বিজাতয়ঃ ।
ব্রহ্মলোকং গমিষ্যন্তি যত্র গৎবা ন জায়তে ॥ ৪৩.১৬ ॥

অন্যচ্চ তীর্থপ্রবরং জাপ্যেশ্বরমিতিশ্রুতম্ ।
জজাপ রুদ্রমনিশং যত্র নন্দী মহাগণঃ ॥ ৪৩.১৭ ॥

প্রীতস্তস্য মহাদেবো দেব্যা সহ পিনাকধৃক্ ।
দদাবাত্মসমানৎবং মৃত্যুবঞ্চনমেব চ ॥ ৪৩.১৮ ॥

অভূদৃষিঃ স ধর্মাত্মা শিলাদো নাম ধর্মবিৎ ।
আরাধয়ন্মহাদেবং পুত্রার্থং বৃষভধ্বজম্ ॥ ৪৩.১৯ ॥

স্য বর্ষসহস্রান্তে তপ্যমানস্য বিশ্বকৃৎ ।
শর্বঃ সোমো গণবৃতো বরদোঽস্মীত্যভাষত ॥ ৪৩.২০ ॥

স বব্রে বরমীশানং বরেণ্যং গিরিজাপতিম্ ।
অয়োনিজং মৃত্যুহীনং দেহি পুত্রং ৎবয়া সমম্ ॥ ৪৩.২১ ॥

তথাস্ত্বিত্যাহ ভগবান্ দেব্যা সহ মহেশ্বরঃ ।
পশ্যতস্তস্য বিপ্রর্ষেরন্তর্দ্ধানং গতো হরঃ ॥ ৪৩.২২ ॥

ততো যুয়োজিতাং ভূমিং শিলাদো ধর্মবিত্তমঃ ।
চকর্ষ লাঙ্গলেনোর্বাং ভিত্ত্বাদৃশ্যত শোভনঃ ॥ ৪৩.২৩ ॥

সংবর্ত্তকোঽনলপ্রখ্যঃ কুমারঃ প্রহসন্নিব ।
রূপলাবণ্যসম্পন্নস্তেজসা ভাসয়ন্ দিশঃ ॥ ৪৩.২৪ ॥

কুমারতুল্যোঽপ্রতিমো মেঘগম্ভীরয়া গিরা ।
শিলাদং তাত তাতেতি প্রাহ নন্দী পুনঃ পুনঃ ॥ ৪৩.২৫ ॥

তং দৃষ্ট্বা নন্দনং জাতং শিলাদঃ পরিষস্বজে ।
মুনীনাং দর্শয়ামাস যে তদাশ্রমবাসিনঃ ॥ ৪৩.২৬ ॥

জাতকর্মাদিকাঃ সর্বাঃ ক্রিয়াস্তস্য চকার হ ।
উপনীয় যথাশাস্ত্রং বেদমধ্যাপয়ৎ সুতম্ ॥ ৪৩.২৭ ॥

অধীতবেদো ভগবান্ নন্দী মতিমনুত্তমাম্ ।
চক্রে মহেশ্বরং দৃষ্ট্বা জেষ্যে মৃত্যুমিতি প্রভুম্ ॥ ৪৩.২৮ ॥

স গৎবা সরিতং পুণ্যামেকাগ্রশ্রদ্ধয়ান্বিতঃ ।
জজাপ রুদ্রমনিশং মহেশাসক্তমানসঃ ॥ ৪৩.২৯ ॥

তস্য কোট্যাং তু পূর্ণায়াং শংকরো ভক্তবৎসলঃ ।
আগত্য সাম্বঃ সগণো বরদোঽস্মীত্যুবাচ হ ॥ ৪৩.৩০ ॥

স বব্রে পুনরেবেশং জপেয়ং কোটিমীশ্বরম্ ।
ভবদাহংমহাদেব দেহীতি পরমেশ্বর ॥ ৪৩.৩১ ॥

এবমস্ত্বিতি সম্প্রোচ্য দেবোঽপ্যন্তরধীয়ত ।
জজাপ কোটিং ভগবান্ ভূয়স্তদ্গতমানসঃ ॥ ৪৩.৩২ ॥

দ্বিতীয়ায়াং চ কোট্যাং বৈ সম্পূর্ণায়াং বৃষধ্বজঃ ।
আগত্য বরদোঽস্মীতি প্রাহ ভূতগণৈর্বৃতঃ ॥ ৪৩.৩৩ ॥

তৃতীয়াং জপ্তুমিচ্ছামি কোটিং ভূয়োঽপি শংকর ।
তথাস্ত্বিত্যাহ বিশ্বাত্মা দেবোঽপ্যন্তরধীয়ত ॥ ৪৩.৩৪ ॥

কোটিত্রয়েঽথ সম্পূর্ণে দেবঃ প্রীতমনা ভৃশম্ ।
আগত্য বরদোঽস্মীতি প্রাহ ভূতগণৈর্বৃতঃ ॥ ৪৩.৩৫ ॥

জপেয়ং কোটিমন্যাং বৈ ভূয়োঽপি তব তেজসা ।
ইত্যুক্তে ভগবানাহ ন জপ্তব্যং ৎবয়া পুনঃ ॥ ৪৩.৩৬ ॥

অমরো জরয়া ত্যক্তো মম পার্শ্বগতঃ সদা ।
মহাগণপতির্দেব্যাঃ পুত্রো ভব মহেশ্বরঃ ॥ ৪৩.৩৭ ॥

যোগীশ্বরো মহায়োগী গণানামীশ্বরেশ্বরঃ ।
সর্বলোকাধিপঃ শ্রীমান্ সর্বজ্ঞো মদ্বলান্বিতঃ ॥ ৪৩.৩৮ ॥

জ্ঞানং তন্মামকং দিব্যং হস্তামলকবত্তব ।
আভূতসম্প্লবস্থায়ী ততো যাস্যসি তৎপদম্ ॥ ৪৩.৩৯ ॥

এতদুক্ত্বা মহাদেবো গণানাহূয় শংকরঃ ।
অভিষেকেণ যুক্তেন নন্দীশ্বরময়োজয়ৎ ॥ ৪৩.৪০ ॥

উদ্বাহয়ামাস চ তং স্বয়মেব পিনাকধৃক্ ।
মরুতাং চ শুভাং কন্যাং স্বয়মেতি চ বিশ্রুতাম্ ॥ ৪৩.৪১ ॥

এতজ্জপ্যেশ্বরং স্থানং দেবদেবস্য শূলিনঃ ।
যত্র তত্র মৃতো মর্ত্ত্যো রুদ্রলোকে মহীয়তে ॥ ৪৩.৪২ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
ত্রিচৎবারিংশোঽধ্যায়ঃ ॥৪৩ ॥

কূর্মপুরাণএ উত্তরভাগে চতুশ্চৎবারিংশত্তমোঽধ্যায়ঃ

সূত উবাচ
অন্যচ্চ তীর্থপ্রবরং জপ্যেশ্বরসমীপতঃ ।
নাম্না পঞ্চনদং পুণ্যং সর্বপাপপ্রণাশনম্ ॥ ৪৪.১ ॥

ত্রিরাত্রমুষিতস্তত্র পূজয়িৎবা মহেশ্বরম্ ।
সর্বপাপবিশুদ্ধাত্মা রুদ্রলোকে মহীয়তে ॥ ৪৪.২ ॥

অন্যচ্চ তীর্থপ্রবরং শংকরস্যামিতৌজসঃ ।
মহাভৈরবমিত্যুক্তং মহাপাতকনাশনম্ ॥ ৪৪.৩ ॥

তীর্থানাং চ পরং তীর্থং বিতস্তা পরমা নদী ।
সর্বপাপহরা পুণ্যা স্বয়মেব গিরীন্দ্রজা ॥ ৪৪.৪ ॥

তীর্থং পঞ্চতপো নাম শংভোরমিততেজসঃ ।
যত্র দেবাদিদেবেন শক্রার্থে পূজিতো ভবঃ ॥ ৪৪.৫ ॥

পিণ্ডদানাদিকং তত্র প্রেত্যানন্তফলপ্রদম্ ।
মৃতস্তত্রাপি নিয়মাদ্ ব্রহ্মলোকে মহীয়তে ॥ ৪৪.৬ ॥

কায়াবরোহণং নাম মহাদেবালয়ং শুভম্ ।
যত্র মাহেশ্বরা ধর্মা মুনিভিঃ সম্প্রবর্ত্তিতাঃ ॥ ৪৪.৭ ॥

শ্রাদ্ধং দানং তপো হোম উপবাসস্তথাঽক্ষয়ঃ ।
পরিত্যজতি যঃ প্রাণান্ রুদ্রলোকং স গচ্ছতি ॥ ৪৪.৮ ॥

অন্যচ্চ তীর্থপ্রবরং কন্যাতীর্থমিতি শ্রুতম্ ।
তত্র গৎবা ত্যজেৎ প্রাণাঁল্লোকান্ প্রাপ্নোতি শাশ্বতান্ ॥ ৪৪.৯ ॥

জামদগ্ন্যস্য তু শুভং রামস্যাক্লিষ্টকর্মণঃ ।
তত্র স্নাৎবা তীর্থ বরে গোসহস্রফলং লভেৎ ॥ ৪৪.১০ ॥

মহাকালমিতি খ্যাতং তীর্থং ত্রৈলোক্যবিশ্রুতম্ ।
গৎবা প্রাণান্ পরিত্যজ্য গাণপত্যমবাপ্নুয়াৎ ॥ ৪৪.১১ ॥

গুহ্যাদ্ গুহ্যতমং তীর্থং নকুলীশ্বরমুত্তমম্ ।
তত্র সন্নিহিতঃ শ্রীমান্ ভগবান্ নকুলীশ্বরঃ ॥ ৪৪.১২ ॥

হিমবচ্ছিখরে রম্যে গঙ্গাদ্বারে সুশোভনে ।
দেব্যা সহ মহাদেবো নিত্যং শিষ্যৈশ্চ সংবৃতঃ ॥ ৪৪.১৩ ॥

তত্র স্নাৎবা মহাদেবং পূজয়িৎবা বৃষধ্বজম্ ।
সর্বপাপৈর্বিমুচ্যেত মৃতস্তজ্জ্ঞানমাপ্নুয়াৎ ॥ ৪৪.১৪ ॥

অন্যচ্চ দেবদেবস্য স্থানং পুণ্যতমং শুভম্ ।
ভীমেশ্বরমিতি খ্যাতং গৎবা মুঞ্চতি পাতকম্ ॥ ৪৪.১৫ ॥

তথান্যচ্চণ্ডবেগায়াঃ সংভেদঃ পাপনাশনঃ ।
তত্র স্নাৎবা চ পীৎবা চ মুচ্যতে ব্রহ্মহত্যযা ॥ ৪৪.১৬ ॥

সর্বেষামপি চৈতেষাং তীর্থানাং পরমা পুরী ।
নাম্না বারাণসী দিব্যা কোটিকোট্যযুতাধিকা ॥ ৪৪.১৭ ॥

তস্যাঃ পুরস্তান্মাহাত্ম্যং ভাষিতং বো ময়া ৎবিহ ।
নান্যত্র লভ্যতে মুক্তিং র্যোগেনাপ্যেকজন্মনা ॥ ৪৪.১৮ ॥

এতে প্রাধান্যতঃ প্রোক্তা দেশাঃ পাপহরা নৃণাম্ ।
গৎবা সংক্ষালয়েৎ পাপং জন্মান্তরশতৈঃ কৃতম্ ॥ ৪৪.১৯ ॥

যঃ স্বধর্মান্ পরিত্যজ্য তীর্থসেবাং করোতি হি ।
ন তস্য ফলতে তীর্থমহি লোকে পরত্র চ ॥ ৪৪.২০ ॥

প্রায়শ্চিত্তী চ বিধুরস্তথা যায়াবরো গৃহী ।
প্রকুর্যাৎ তীর্থসংসেবাং যে চান্যস্তাদৃশা জনাঃ ॥ ৪৪.২১ ॥

সহাগ্নির্বা সপত্নীকো গচ্ছেৎ তীর্থানি যত্নতঃ ।
সর্বপাপবিনির্মুক্তো যথোক্তাং গতিমাপ্নুয়াৎ ॥ ৪৪.২২ ॥

ঋণানি ত্রীণ্যপাকৃত্য কুর্বন্বা তীর্থসেবনম্ ।
বিধায় বৃত্তিং পুত্রাণাং ভার্যাং তেষু বিধায় চ ॥ ৪৪.২৩ ॥

প্রায়শ্চিত্তপ্রসঙ্গেন তীর্থমাহাত্ম্যমীরিতম্ ।
যঃ পঠেচ্ছৃণুয়াদ্ বাঽপি মুচ্যতে সর্বপাতকৈঃ ॥ ৪৪.২৪ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
চতুষ্চৎবারিংশোঽধ্যায়ঃ ॥৪৪ ॥

কূর্মপুরাণএ উত্তরভাগে পঞ্চচৎবারিংশত্তমোঽধ্যায়ঃ

সূত উবাচ
এতদাকর্ণ্য বিজ্ঞানং নারায়ণমুখেরিতম্ ।
কূর্মরূপধরং দেবং পপ্রচ্ছুর্মুনয়ঃ প্রভুম্ ॥ ৪৫.১ ॥

মুনয়ঃ ঊচুঃ
কথিতা ভবতা ধর্মো মোক্ষজ্ঞানং সবিস্তরম্ ।
লোকানাং সর্গবিস্তারো বংশমন্বন্তরাণি চ ॥ ৪৫.২ ॥

প্রতিসর্গমিদানীং নো বক্তুমর্হসী মাধব ।
ভূতানাং ভূতভব্যেশ যথা পূর্বং ৎবয়োদিতম্ ॥ ৪৫.৩ ॥

সূত উবাচ
শ্রুৎবা তেষাং তদা বাক্যং ভগবান্ কূর্মরূপধৃক্ ।
ব্যাজহার মহায়োগী ভূতানাং প্রতিসংচরম্ ॥ ৪৫.৪ ॥

কূর্ম উবাচ
নিত্যো নৈমিত্তিকশ্চৈব প্রাকৃতোঽত্যন্তিকাস্তথা ।
চতুর্দ্ধাঽয়ং পুরাণেঽস্মিন্ প্রোচ্যতে প্রতিসংচরঃ ॥ ৪৫.৫ ॥

যোঽয়ং সংদৃশ্যতে নিত্যং লোকে ভূতক্ষয়স্ত্বিহ ।
নিত্যঃ সংকীর্ত্যতে নাম্না মুনিভিঃ প্রতিসংচরঃ ॥ ৪৫.৬ ॥

ব্রাহ্মো নৈমিত্তিকো নাম কল্পান্তে যো ভবিষ্যতি ।
ত্রৈলোক্যস্যাস্য কথিতঃ প্রতিসর্গো মনীষিভিঃ ॥ ৪৫.৭ ॥

মহাদাদ্যাং বিশেষান্তং যদা সংয়াতি সংক্ষয়ম্ ।
প্রাকৃতঃ প্রতিসর্গোঽয়ং প্রোচ্যতে কালচিন্তকৈঃ ॥ ৪৫.৮ ॥

জ্ঞানাদাত্যন্তিকঃ প্রোক্তো যোগিনঃ পরমাত্মনি ।
প্রলয়ঃ প্রতিসর্গোঽয়ং কালচিন্তাপরৈর্দ্বিজৈঃ ॥ ৪৫.৯ ॥

আত্যন্তিকশ্চ কথিতঃ প্রলয়োঽত্র লয়সাধনঃ ।
নৈমিত্তিকমিদানীং বঃ কথয়িষ্যে সমাসতঃ ॥ ৪৫.১০ ॥

চতুর্যুগসহস্রান্তে সম্প্রাপ্তে প্রতিসংচরে ।
স্বাত্মসংস্থাঃ প্রজাঃ কর্তুং প্রতিপেদে প্রজাপতিঃ ॥ ৪৫.১১ ॥

ততো ভবত্যনাবৃষ্টিস্তীব্রা সা শতবার্ষিকী ।
ভূতক্ষয়করী ঘোরা সর্বভূতক্ষয়ংকরী ॥ ৪৫.১২ ॥

ততো যান্যল্পসারাণি সত্ত্বানি পৃথিবীপতে ।
তানি চাগ্রে প্রলীয়ন্তে ভূমিৎবমুপয়ান্তি চ ॥ ৪৫.১৩ ॥

সপ্তরশ্মিরথো ভূৎবা সমুত্তিষ্ঠন্ দিবাকরঃ ।
অসহ্যরশ্মির্ভবতি পিবন্নম্ভো গভস্তিভিঃ ॥ ৪৫.১৪ ॥

তস্য তে রশ্ময়ঃ সপ্ত পিবন্ত্যম্বু মহার্ণবে ।
ছতেনাহারেণ তা দীপ্তাঃ সূর্যাঃ সপ্ত ভবন্ত্যুত ॥ ৪৫.১৫ ॥

ততস্তে রশ্ময়ঃ সপ্ত সূর্যা ভূৎবা চতুর্দিশম্ ।
চতুর্লোকমিদং সর্বং দহন্তি শিখিনস্তথা ॥ ৪৫.১৬ ॥

ব্যাপ্নুবন্তশ্চ তে বিপ্রাস্তূর্ধ্বং চাধশ্চ রশ্মিভিঃ ।
দীপ্যন্তে ভাস্করাঃ সপ্ত যুগান্তাগ্নিপ্রদীপিতাঃ ॥ ৪৫.১৭ ॥

তে সূর্যা বারিণা দীপ্তা বহুসাহস্ররশ্ময়ঃ ।
খং সমাবৃত্য তিষ্ঠন্তি নির্দহন্তো বসুংধরাম্ ॥ ৪৫.১৮ ॥

ততস্তেষাং প্রতাপেন দহ্যমানা বসুংধরা ।
সাদ্রিনদ্যর্ণবদ্বীপা নিস্নেহা সমপদ্যতে ॥ ৪৫.১৯ ॥

দীপ্তাভিঃ সংততাভিশ্চ রশ্মিভির্বৈ সমন্ততঃ ।
অধশ্চোর্ধ্বং চ লগ্নাভিস্তির্যক্ চৈব সমাবৃতম্ ॥ ৪৫.২০ ॥

সূর্যাগ্নিনা প্রমৃষ্টানাং সংসৃষ্টানাং পরস্পরম্ ।
একৎবমুপয়াতানামেকজ্বালং ভবত্যুত ॥ ৪৫.২১ ॥

সর্বলোকপ্রণাশশ্চ সোঽগ্নির্ভূৎবা সুকুণ্ডলী ।
চতুর্লোকমিদং সর্বং নির্দহত্যাত্মতেজসা ॥ ৪৫.২২ ॥

ততঃ প্রলীনে সর্বস্মিঞ্জঙ্গমে স্থাবরে তথা ।
নির্বৃক্ষা নিস্তৃণা ভূমিঃ কূর্মপৃষ্ঠা প্রকাশতে ॥ ৪৫.২৩ ॥

অম্বরীষমিবাভাতি সর্বমাপূরিতং জগৎ ।
সর্বমেব তদর্চির্ভিঃ পূর্ণং জাজ্বল্যতে পুনঃ ॥ ৪৫.২৪ ॥

পাতালে যানি সত্ত্বানি মহোদধিগতানি চ ।
ততস্তানি প্রলীয়ন্তে ভূমিৎবমুপয়ান্তি চ ॥ ৪৫.২৫ ॥

দ্বীপাংশ্চ পর্বতাংশ্চৈব বর্ষাণ্যথ মহোদধীন্ ।
তান্ সর্বান্ ভস্মসাৎ চক্রে সপ্তাত্মা পাবকঃ প্রভুঃ ॥ ৪৫.২৬ ॥

সমুদ্রেভ্যো নদীভ্যশ্চ আপ শুষ্কাশ্চ সর্বশঃ ।
পিবন্নপঃ সমিদ্ধোঽগ্নিঃ পৃথিবীমাশ্রিতো জ্বলন্ ॥ ৪৫.২৭ ॥

ততঃ সংবর্ত্তকঃ শৈলানতিক্রম্য মহাংস্তথা ।
লোকান্ দহতি দীপ্তাত্মা রুদ্রতেজোবিজৄম্ভিতঃ ॥ ৪৫.২৮ ॥

স দগ্ধ্বা পৃথিবীং দেবো রসাতলমশোষয়ৎ ।
অধস্তাৎ পৃথিবীং দগ্ধ্বা দিবমূর্ধ্বং দহিষ্যতি ॥ ৪৫.২৯ ॥

যোজনানাং শতানীহ সহস্রাণ্যযুতানি চ ।
উত্তিষ্ঠন্তি শিখাস্তস্য বহ্নেঃ সংবর্ত্তকস্য তু ॥ ৪৫.৩০ ॥

গন্ধর্বাংশ্চ পিশাচাংশ্চ সয়ক্ষোরগরাক্ষসান্ ।
তদা দহত্যসৌ দীপ্তঃ কালরুদ্রপ্রচোদিতঃ ॥ ৪৫.৩১ ॥

ভূর্লোকং চ ভুবর্লোকং স্বর্লোকং চ তথা মহঃ ।
দহেদশেষং কালাগ্নিঃ কালাবিষ্টতনুঃ স্বয়ম্ ॥ ৪৫.৩২ ॥

ব্যাপ্তেষ্বেতেষু লোকেষু তির্যগূর্ধ্বমথাগ্নিনা ।
তৎ তেজঃ সমনুপ্রাপ্য কৃৎস্নং জগদিদং শনৈঃ ॥ ৪৫.৩৩ ॥

অতো গূডমিদং সর্বং তদা চৈকং প্রকাশতে ।
ততো গজকুলাকারাস্তডিদ্ভিঃ সমলংকৃতাঃ ॥ ৪৫.৩৪ ॥

উত্তিষ্ঠন্তি তদা ব্যোম্নি ঘোরাঃ সংবর্ত্তকা ঘনাঃ ।
কেচিন্নীলোৎপলশ্যামাঃ কেচিৎ কুমুদসন্নিভাঃ ।.৪৫।৩৫ ॥

ধূম্রবর্ণাস্তথা কেচিৎ কেচিৎ পীতাঃ পয়োধরাঃ ।
কেচিদ্ রাসভবর্ণাস্তু লাক্ষারসনিভাঃ পরে ॥ ৪৫.৩৬ ॥

শঙ্খকুন্দনিভাশ্চান্যে জাত্যঞ্জননিভাস্তথা ।
মনঃ শিলাভাস্ত্বন্যে চ কপোতসদৃশাঃ পরে ॥ ৪৫.৩৭ ॥

ইন্দ্রগোপনিভাঃ কেচিদ্ধরিতালনিভাস্তথা ।
ইন্দ্রচাপনিভাঃ কেচিদুত্তিষ্ঠন্তি ঘনা দিবি ॥ ৪৫.৩৮ ॥

কেচিৎ পর্বতসংকাশাঃ কেচিদ্ গজকুলোপমাঃ ।
কূটাঙ্গারনিভাশ্চান্যে কেচিন্মীনকুলোদ্বহাঃ ॥ ৪৫.৩৯ ॥

বহূরূপা ঘোররূপা ঘোরস্বরনিনাদিনঃ ।
তদা জলধরাঃ সর্বে পূরয়ন্তি নভঃ স্থলম্ ॥ ৪৫.৪০ ॥

ততস্তে জলদা ঘোরা রাবিণো ভাস্করাত্মজাঃ ।
সপ্তধা সংবৃতাত্মানং তমগ্নিং শময়ন্তি তে ॥ ৪৫.৪১ ॥

ততস্তে জলদা বর্ষং মুঞ্চন্তীহ মহৌঘবৎ ।
সুঘোরমশিবং বর্ষং নাশয়ন্তি চ পাবকম্ ॥ ৪৫.৪২ ॥

প্রবৃদ্ধৈস্তৈস্তদাত্যর্থমম্ভসা পূর্যতে জগৎ ।
অদ্ভিস্তেজোভিভূতৎবাৎ তদগ্নিঃ প্রবিশত্যপঃ ॥ ৪৫.৪৩ ॥

নষ্টে চাগ্নৌ বর্ষশতৈঃ পয়োদাঃ ক্ষয়সংভবাঃ ।
প্লাবয়ন্তোঽথ ভুবনং মহাজলপরিস্রবৈঃ ॥ ৪৫.৪৪ ॥

ধারাভিঃ পূরয়ন্তীদং চোদ্যমানাঃ স্বয়ংভুবা ।
অত্যন্তসলিলৌঘৈশ্চ বেলা ইব মহোদধেঃ ॥ ৪৫.৪৫ ॥

সাদ্রিদ্বীপা তথা পৃথ্বী জলৈঃ সংচ্ছাদ্যতে শনৈঃ ।
আদিত্যরশ্মিভিঃ পীতং জলমভ্রেষু তিষ্ঠতি ॥ ৪৫.৪৬ ॥

পুনঃ পততি তদ্ ভূমৌ পূর্যন্তে তেন চার্ণবাঃ ।
ততঃ সমুদ্রাঃ স্বাং বেলামতিক্রান্তাস্তু কৃৎস্নশঃ ॥ ৪৫.৪৭ ॥

পর্বতাশ্চ বিলীয়ন্তে মহী চাপ্সু নিমজ্জতি ।
তস্মিন্নেকার্ণবে ঘোরে নষ্টে স্থাবরজঙ্গমে ॥ ৪৫.৪৮ ॥

যোগনিন্দ্রাং সমাস্থায় শেতে দেবঃ প্রজাপতিঃ ।
চতুর্যুগসহস্রান্তং কল্পমাহুর্মহর্ষয়ঃ ॥ ৪৫.৪৯ ॥

বারাহো বর্ত্ততে কল্পো যস্য বিস্তার ঈরিতঃ ।
অসংখ্যাতাস্তথা কল্পা ব্রহ্মবিষ্ণুশিবাত্মকাঃ ॥ ৪৫.৫০ ॥

কথিতা হি পুরাণেষু মুনিভিঃ কালচিন্তকৈঃ ।
সাত্ত্বিকেষ্বথ কল্পেষু মাহাত্ম্যমধিকং হরেঃ ॥ ৪৫.৫১ ॥

তামসেষু হরস্যোক্তং রাজসেষু প্রজাপতেঃ ॥

যোঽয়ং প্রবর্ত্ততে কল্পো বারাহঃ সাত্ত্বিকো মতঃ ॥ ৪৫.৫২ ॥

অন্যে চ সাত্ত্বিকাঃ কল্পা মম তেষু পরিগ্রহঃ ।
ধ্যানং তপস্তথা জ্ঞানং লব্ধ্বা তেষ্বেব যোগিনঃ ॥ ৪৫.৫৩ ॥

আরাধ্য গিরিশং মাং চ যান্তি তৎ পরমং পদম্ ।
সোঽহং তত্ত্বং সমাস্থায় মায়ী মায়াময়ীং স্বয়ম্ ॥ ৪৫.৫৪ ॥

একার্ণবে জগত্যস্মিন্ যোগনিদ্রাং ব্রজামি তু ।
মাং পশ্যন্তি মহাত্মানঃ সুপ্তিকালে মহর্ষয়ঃ ॥ ৪৫.৫৫ ॥

জনলোকে বর্ত্তমানাস্তপসা যোগচক্ষুষা ।
অহং পুরাণপুরুষো ভূর্ভুবঃ প্রভবো বিভুঃ ॥ ৪৫.৫৬ ॥

সহস্রচরণঃ শ্রীমান্ সহস্রাংশুঃ সহস্রপাৎ ।
মন্ত্রোঽগ্নির্ব্রাহ্মিণা গাবঃ কুশাশ্চ সমিধো হ্যহম্ ॥ ৪৫.৫৭ ॥

প্রোক্ষণী চ শ্রুবশ্চৈব সোমো ঘৃতমথাস্ম্যহম্ ।
সংবর্ত্তকো মহানাত্মা পবিত্রং পরমং যশঃ ॥ ৪৫.৫৮ ॥

মেধাপ্যহং প্রভুর্গোপ্তা গোপতির্ব্রহ্মণো মুখম্ ।
অনন্তস্তারকো যোগী গতির্গতিমতাং বরঃ ॥ ৪৫.৫৯ ॥

হংসঃ প্রাণোঽথ কপিলো বিশ্বমূর্ত্তিঃ সনাতনঃ ।
ক্ষেত্রজ্ঞঃ প্রকৃতিঃ কালো জগদ্বীজমথামৃতম্ ॥ ৪৫.৬০ ॥

মাতা পিতা মহাদেবো মত্তো হ্যন্যন্ন বিদ্যতে ।
আদিত্যবর্ণো ভুবনস্য গোপ্তা
নারায়ণঃ পুরুষো যোগমূর্ত্তিঃ ।
তং পশ্যন্তি যতয়ো যোগনিষ্ঠা
ঞঞজ্ঞাৎবাত্মানমমৃতৎবং ব্রজন্তি ॥ ৪৫.৬১ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
পঞ্চচৎবারিংশোঽধ্যায়ঃ ॥৪৫ ॥

কূর্মপুরাণএ উত্তরভাগে ষড্চৎবারিংশত্তমোঽধ্যায়ঃ

কূর্ম উবাচ
অতঃ পরং প্রবক্ষ্যামি প্রতিসর্গমনুত্তমম্ ।
প্রাকৃতং তৎসমাসেন শৃণুধ্বং গদতো মম ॥ ৪৬.১ ॥

গতে পরার্দ্ধদ্বিতয়ে কালো লোকপ্রকালনঃ ।
কালাগ্নির্ভস্মসাৎ কর্ত্তুং করোতি নিকিলং গতিম্ ॥ ৪৬.২ ॥

স্বাত্মন্যাত্মানমাবেশ্য ভূৎবা দেবো মহেশ্বরঃ ।
দহেদশেষং ব্রহ্মাণ্ডং সদেবাসুরমানুষম্ ॥ ৪৬.৩ ॥

তমাবিশ্য মহাদেবো ভগবান্নীললোহিতঃ ।
করোতি লোকসংহারং ভীষণং রূপমাশ্রিতঃ ॥ ৪৬.৪ ॥

প্রবিশ্য মণ্ডলং সৌরং কৃৎবাঽসৌ বহুধা পুনঃ ।
নির্দহত্যখিলং লোকং সপ্তসপ্তিস্বরূপধৃক্ ॥ ৪৬.৫ ॥

স দগ্ধ্বা সকলং বিশ্বমস্ত্রং ব্রহ্মশিরো মহৎ ।
দেবতানাং শরীরেষু ক্ষিপত্যখিলদাহকম্ ॥ ৪৬.৬ ॥

দগ্ধেষ্বশেষদেবেষু দেবী গিরিবরাত্মজা ।
এষাসা সাক্ষিণী শংভোস্তিষ্ঠতে বৈদিকী শ্রুতিঃ ॥ ৪৬.৭ ॥

শিরঃ কপালৈর্দেবানাং কৃতস্রগ্বরভূষণঃ ।
আদিত্যচন্দ্রাদিগণৈঃ পূরয়ন্ ব্যোমমণ্ডলম্ ॥ ৪৬.৮ ॥

সহস্রনয়নো দেবঃ সহস্রাকৃতিরীশ্বরঃ ।
সহস্রহস্তচরণঃ সহস্রার্চির্মহাভুজঃ ॥ ৪৬.৯ ॥

দংষ্ট্রাকরালবদনঃ প্রদীপ্তানললোচনঃ ।
ত্রিশূলকৃত্তিবসনো যোগমৈশ্বরমাস্থিতঃ ॥ ৪৬.১০ ॥

পীৎবা তৎপরমানন্দং প্রভূতমমৃতং স্বয়ম্ ।
করোতি তাণ্ডবং দেবীমালোক্য পরমেশ্বরঃ ॥ ৪৬.১১ ॥

পীৎবা নৃত্যামৃতং দেবী ভর্ত্তুঃ পরমমঙ্গলম্ ।
যোগমাস্থায় দেবস্য দেহমায়াতি শূলিনঃ ॥ ৪৬.১২ ॥

স ভুক্ত্বা তাণ্ডবরসং স্বেচ্ছয়ৈব পিনাকধৃক্ ।
জ্যোতিঃ স্বভাবং ভগবান্ দগ্ধ্বা ব্রহ্মাণ্ডমণ্ডলম্ ॥ ৪৬.১৩ ॥

সংস্থিতেষ্বথ দেবেষু ব্রহ্মবিষ্ণুপিনাকধৃক্ ।
গুণৈরশেষৈঃ পৃথিবীবিলয়ং যাতি বারিষু ॥ ৪৬.১৪ ॥

স বারিতত্ত্বং সগুণং গ্রসতে হব্যবাহনঃ ।
তৈজসং গুণসংয়ুক্তং বায়ৌ সংয়াতি সংক্ষয়ম্ ॥ ৪৬.১৫ ॥

আকাশে সগুণো বায়ুঃ প্রলয়ং যাতি বিশ্বভৃৎ ।
ভূতাদৌ চ তথাকাশং লীয়তে গুণসংয়ুতঃ ॥ ৪৬.১৬ ॥

ইন্দ্রিয়াণি চ সর্বাণি তৈজসে যাতি সংক্ষয়ম্ ।
বৈকারিকো দেবগণাঃ প্রলংয় যান্তি সত্তমাঃ ॥ ৪৬.১৭ ॥

ত্রিবিধোঽয়মহংকারো মহতি প্রলয়ে ব্রজেৎ ।
মহান্তমেভিঃ সহিতং ব্রহ্মাণমমিতৌজসম্ ॥ ৪৬.১৮ ॥

অব্যক্তং জগতো যোনিঃ সংহরেদেকমব্যযম্ ।
এবং সংহৃত্য ভূতানি তত্ত্বানি চ মহেশ্বরঃ ॥ ৪৬.১৯ ॥

বিয়োজয়তি চান্যোন্যং প্রধানং পুরুষং পরম্ ।
প্রধানপুংসোরজয়োরেষ সংহার ঈরিতঃ ॥ ৪৬.২০ ॥

মহেশ্বরেচ্ছাজনিতো ন স্বয়ং বিদ্যতে লয়ঃ ।
গুণসাম্যং তদব্যক্তং প্রকৃতিঃ পরিগীয়তে ॥ ৪৬.২১ ॥

প্রধানং জগতো যোনির্মায়াতত্ত্বমচেতনম্ ।
কূটস্থশ্চিন্ময়ো হ্যাত্মা কেবলঃ পঞ্চবিংশকঃ ॥ ৪৬.২২ ॥

গীয়তে মুনিভিঃ সাক্ষী মহানেষঃ পিতামহঃ ॥

এবং সংহারকরণী শক্তির্মাহেশ্বরী ধ্রুবা ॥ ৪৬.২৩ ॥

প্রধানাদ্যং বিশেষান্তং দেহে রুদ্র ইতি শ্রুতিঃ ।
যোগিনামথ সর্বেষাং জ্ঞানবিন্যস্তচেতসাম্ ॥ ৪৬.২৪ ॥

আত্যন্তিকং চৈব লয়ং বিদধাতীহ শংকরঃ ।
ইত্যেষ ভগবান্ রুদ্রঃ সংহারং কুরুতে বশী ॥ ৪৬.২৫ ॥

স্থাপিকা মোহনী শক্তির্নারায়ণ ইতি শ্রুতিঃ ।
হিরণ্যগর্ভো ভগবান্ জগৎ সদসদাত্মকম্ ॥ ৪৬.২৬ ॥

সৃজেদশেষং প্রকৃতেস্তন্ময়ঃ পঞ্চবিংশকঃ ।
সর্বতঃ সর্বগাঃ শান্তাঃ স্বাত্মন্যেবব্যবস্থিতাঃ ।
শক্তয়ো ব্রহ্মবিণ্বীশা ভুক্তিমুক্তিফলপ্রদাঃ ॥ ৪৬.২৭ ॥

সর্বেশ্বরাঃ সর্ববন্দ্যাঃ শাশ্বতানন্তভোগিনঃ
একমেবাক্ষরং তত্ত্বং পুংপ্রধানেশ্বরাত্মকম্ ॥ ৪৬.২৮ ॥

অন্যাশ্চ শক্তয়ো দিব্যাঃ সন্তি তত্র সহস্রশঃ ।
ইজ্যন্তে বিবিধৈর্যজ্ঞৈঃ শক্রাদিত্যাদয়োঽমরাঃ ।
একৈকস্য সহস্রাণি দেহানাং বৈ শতানি চ ॥ ৪৬.২৯ ॥

কথ্যন্তে চৈব মাহাত্ম্যাচ্ছক্তিরেকৈব নির্গুণাঃ ।
তাং তাং শক্তিং সমাধায় স্বয়ং দেবো মহেশ্বরঃ ॥ ৪৬.৩০ ॥

করোতি দেহান্ বিবিধান্ দৃশ্যতে চৈব লীলয়া ।
ইজ্যতে সর্বয়জ্ঞেষু ব্রাহ্মণৈর্বেদবাদিভিঃ ॥ ৪৬.৩১ ॥

সর্বকামপ্রদো রুদ্র ইত্যেষা বৈদিকী শ্রুতিঃ ।
সর্বাসামেব শক্তীনাং ব্রহ্মবিষ্ণুমহেশ্বরাঃ ॥ ৪৬.৩২ ॥

প্রাধান্যেন স্মৃতা দেবাঃ শক্তয়ঃ পরমাত্মনঃ ।
আভ্যঃ পরস্তাদ্ ভগবান্ পরমাত্মা সনাতনঃ ॥ ৪৬.৩৩ ॥

গীয়তে সর্বশক্ত্যাত্মা শূলপাণির্মহেশ্বরঃ ।
এনমেকে বদন্ত্যগ্নিং নারায়ণমথাপরে ॥ ৪৬.৩৪ ॥

ইন্দ্রমেকে পরে প্রাণং ব্রহ্মাণমপরে জগুঃ ।
ব্রহ্মবিষ্ণবগ্নিবরুণাঃ সর্বে দেবাস্তথর্ষয়ঃ ॥ ৪৬.৩৫ ॥

একস্যৈবাথ রুদ্রস্য ভেদাস্তে পরিকীর্ত্তিতাঃ ।
যং যং ভেদং সমাশ্রিত্য যজন্তি পরমেশ্বরম্ ॥ ৪৬.৩৬ ॥

তৎ তদ্ রূপং সমাস্থায় প্রদদাতি ফলং শিবঃ ।
তস্মাদেকতরং ভেদং সমাশ্রিত্যাপি শাশ্বতম্ ॥ ৪৬.৩৭ ॥

আরাধয়ন্মহাদেবং যাতি তৎপরমং পদম্ ।
কিন্তু দেবং মহাদেবং সর্বশক্তিং সনাতনম্ ॥ ৪৬.৩৮ ॥

আরাধয়েদ্ বৈ গিরিশং সগুণং বাঽথ নির্গুণম্ ।
ময়া প্রোক্তো হি ভবতাং যোগঃ প্রাগেব নির্গুণঃ ॥ ৪৬.৩৯ ॥

আরুরুক্ষুস্তু সগুণং পূজয়েৎ পরমেশ্বরম্ ।
পিনাকিনং ত্রিনয়নং জটিলং কৃত্তিবাসসম্ ॥ ৪৬.৪০ ॥

পদ্মাসনস্থং রুক্মাভং চিন্তয়েদ্ বৈদিকী শ্রুতিঃ ।
এষ যোগঃ সমুদ্দিষ্টঃ সবীজো মুনিসত্তমাঃ ॥ ৪৬.৪১ ॥

অত্রাপ্যশক্তোঽথ হরং বিশ্বং ব্রহ্মাণর্চয়েৎ ।
অথ চেদসমর্থঃ স্যাত্তত্রাপি মনিপুঙ্গবাঃ ॥ ৪৬.৪২ ॥

ততো বায়গ্নিশক্রাদীন্ পূজয়েৎভক্তিসংয়ুতঃ ।
তস্মাৎ সর্বান্ পরিত্যজ্য দেবান্ ব্রহ্মপুরোগমান্ ॥ ৪৬.৪৩ ॥

আরাধয়েদ্ বিরূপাক্ষমাদিমধ্যান্তসংস্থিতম্ ।
ভক্তিয়োগসমায়ুক্তঃ স্বধর্মনিরতঃ শুচিঃ ॥ ৪৬.৪৪ ॥

তাদৃশং রূপমাস্থায় আসাদ্যাত্যন্তিকং শিবম্ ।
এষ যোগঃ সমুদ্দিষ্টঃ সবীজোঽত্যন্তভাবনঃ ॥ ৪৬.৪৫ ॥

যথাবিধি প্রকুর্বাণঃ প্রাপ্নুয়াদৈশ্বরং পদম্ ।
যে চান্যে ভাবনে শুদ্ধে প্রাগুক্তে ভবতামিহ ॥ ৪৬.৪৬ ॥

অথাপি কথিতো যোগো নির্বীজশ্চ সবীজকঃ ।
জ্ঞানং তদুক্তং নির্বীজং পূর্বং হি ভবতাং ময়া ॥ ৪৬.৪৭ ॥

বিষ্ণুং রুদ্রং বিরঞ্চিংঞ্চ সবীজং সাধয়েদ্বুধঃ ।
অথ বায়্বাদিকান্ দেবাংস্তৎপরঃ সংয়তেন্দ্রিয়ঃ ॥ ৪৬.৪৮ ॥

পূজয়েৎ পুরুষং বিষ্ণুং চতুর্মূর্ত্তিধরং হরিম্ ।
অনাদিনিধনং দেবং বাসুদেবং সনাতনম্ ॥ ৪৬.৪৯ ॥

নারায়ণং জগদ্যোনিমাকাশং পরমং পদম্ ।
তল্লিঙ্গধারী নিয়তং তদ্ভক্তস্তদুপাশ্রয়ঃ ॥ ৪৬.৫০ ॥

এষ এব বিধির্ব্রাহ্মে ভাবনে চান্তিকে মতঃ ।
ইত্যেতৎ কথিতং জ্ঞানং ভাবনাসংশ্রয়ং পরম্ ॥ ৪৬.৫১ ॥

ইন্দ্রদ্যুম্নায় মুনয়ে কথিতং যন্ময়া পুরা ।
অব্যক্তাত্মকমেবেদং চেতনাচেতনং জগৎ ॥ ৪৬.৫২ ॥

তদীশ্বরঃ পরং ব্রহ্ম তস্মাদ্ ব্রহ্মময়ং জগৎ ।
সূত উবাচ
এতাবদুক্ত্বা ভগবান্ বিররাম জনার্দনঃ ।
তুষ্টুবুর্মুনয়ো বিষ্ণুং শক্রেণ সহ মাধবম্ ॥ ৪৬.৫৩ ॥

মুনয়ঃ ঊচুঃ
নমস্তে কূর্মরূপায় বিষ্ণবে পরমাত্মনে ।
নারায়ণায় বিশ্বায় বাসুদেবায় তে নমঃ ॥ ৪৬.৫৪ ॥

নমো নমস্তে কৃষ্ণায় গোবিন্দায় নমো নমঃ ।
মাধবায় নমস্তুভ্যং নমো যজ্ঞেশ্বরায় চ ॥ ৪৬.৫৫ ॥

সহস্রশিরসে তুভ্যং সহস্রাক্ষায় তে নমঃ ।
নমঃ সহস্রহস্তায় সহস্রচরণায় চ ॥ ৪৬.৫৬ ॥

ওঁ নমো জ্ঞানরূপায় পরমাত্মস্বরূপিণে ।
আনন্দায় নমস্তুভ্যং মায়াতীতায় তে নমঃ ॥ ৪৬.৫৭ ॥

নমো গূঢশরীরায় নির্গুণায় নমোঽস্তু তে ।
পুরুষায় পুরাণায় সত্তামাত্রস্বরূপিণে ॥ ৪৬.৫৮ ॥

নমঃ সাংখ্যায় যোগায় কেবলায় নমোঽস্তু তে ।
ধর্মজ্ঞানাধিগম্যায় নিষ্কলায় নমোঽস্তু তে ॥ ৪৬.৫৯ ॥

নমস্তে ব্যোমরূপায় মহায়োগেশ্বরায় চ ।
পরাবরাণাং প্রভবে বেদবেদ্যায় তে নমঃ ॥ ৪৬.৬০ ॥

নমো বুদ্ধায় শুদ্ধায় নমো যুক্তায় হেতবে ।
নমো নমো নমস্তুভ্যং মায়িনে বেধসে নমঃ ॥ ৪৬.৬১ ॥

নমোঽস্তু তে বরাহায় নারসিংহায় তে নমঃ ।
বামনায় নমস্তুভ্যং হৃষীকেশায় তে নমঃ ॥ ৪৬.৬২ ॥

স্বর্গাপবর্গদাত্রে চ নমোঽপ্রতিহতাত্মনে ।
নমো যোগাধিগম্যায় যোগিনে যোগদায়িনে ॥ ৪৬.৬৩ ॥

দেবানাং পতয়ে তুভ্যং দেবার্ত্তিশমনায় তে ।
ভগবংস্ত্বৎপ্রসাদেন সর্বসংসারনাশনম্ ॥ ৪৬.৬৪ ॥

অস্মাভির্বিদিতং জ্ঞানং যজ্জ্ঞাৎবামৃতমশ্নুতে ।
শ্রুতাস্তু বিবিধা ধর্মা বংশা মন্বন্তরাণি চ ॥ ৪৬.৬৫ ॥

সর্গশ্চ প্রতিসর্গশ্চ ব্রহ্মাণ্যস্যাস্য বিস্তরঃ ।
ৎবং হি সর্বজগৎসাক্ষী বিশ্বো নারায়ণঃ পরঃ ॥ ৪৬.৬৬ ॥

ত্রাতুমর্হস্যনন্তাত্মা ৎবামেব শরণং গতাঃ ।
সূত উবাচ
এতদ্ বঃ কথিতং বিপ্রা ভোগমোক্ষপ্রদায়কম্ ॥ ৪৬.৬৭ ॥

কৌর্মং পুরাণমখিলং যজ্জগাদ গদাধরঃ ।
অস্মিন্ পুরাণে লক্ষ্ম্যাস্তু সংভবঃ কথিতঃ পুরা ॥ ৪৬.৬৮ ॥

মোহায়াশেষভূতানাং বাসুদেবেন যোজিতঃ ।
প্রজাপতীনাং সর্গস্তু বর্ণধর্মাশ্চ বৃত্তয়ঃ ॥ ৪৬.৬৯ ॥

ধর্মার্থকামমোক্ষাণাং যথাবল্লক্ষণং শুভম্ ।
পিতামহস্য বিষ্ণোশ্চ মহেশস্য চ ধীমতঃ ॥ ৪৬.৭০ ॥

একৎবং চ পৃথক্ত্বং চ বিশেষশ্চোপবর্ণিতঃ ।
ভক্তানাং লক্ষণং প্রোক্তং সমাচারশ্চ ভোজনম্ ॥ ৪৬.৭১ ॥

বর্ণাশ্রমাণাং কথিতং যথাবদিহ লক্ষণম্ ।
আদিসর্গস্ততঃ পশ্চাদণ্ডাবরণসপ্তকম্ ॥ ৪৬.৭২ ॥

হিরণ্যগর্ভসর্গশ্চ কীর্ত্তিতো মুনিপুংগবাঃ ।
কালসংখ্যাপ্রকথনং মাহাত্ম্যং চেশ্বরস্য চ ॥ ৪৬.৭৩ ॥

ব্রহ্মণঃ শয়নং চাপ্সু নামনির্বচনং তথা ।
বরাহবপুষা ভূয়ো ভূমেরুদ্ধরণং পুনঃ ॥ ৪৬.৭৪ ॥

মুখ্যাদিসর্গকথনং মুনিসর্গস্তথাপরঃ ।
ব্যাখ্যতো রুদ্রসর্গশ্চ ঋষিসর্গশ্চ তাপসঃ ॥ ৪৬.৭৫ ॥

ধর্মস্য চ প্রজাসর্গস্তামসাৎ পূর্বমেব তু ।
ব্রহ্মবিষ্ণোর্বিবাদঃ স্যাদন্তর্দেহপ্রবেশনম্ ॥ ৪৬.৭৬ ॥

পদ্মোদ্ভবৎবং দেবস্য মোহস্তস্য চ ধীমতঃ ।
দর্শনং চ মহেশস্য মাহাত্ম্যং বিষ্ণুনেরিতম্ ॥ ৪৬.৭৭ ॥

দিব্যদৃষ্টিপ্রদানং চ ব্রহ্মণঃ পরমেষ্ঠিনা ।
সংস্তবো দেবদেবস্য ব্রহ্মণা পরমেষ্ঠিনা ॥ ৪৬.৭৮ ॥

প্রসাদো গিরিশস্যাথ বরদানং তথৈব চ ।
সংবাদো বিষ্ণুনা সার্ধং শংকরস্য মহাত্মনঃ ॥ ৪৬.৭৯ ॥

বরদানং তথাপূর্বমন্তর্দ্ধানং পিনাকিনঃ ।
বধশ্চ কথিতো বিপ্রা মধুকৈটভয়োঃ পুরা ॥ ৪৬.৮০ ॥

অবতারোঽথ দেবস্য ব্রহ্মণো নাভিপঙ্কজাৎ ।
একীভাবশ্চ দেবস্য বিষ্ণুনা কথিতস্ততঃ ॥ ৪৬.৮১ ॥

বিমোহো ব্রহ্মণশ্চাথ সংজ্ঞালাভো হরেস্ততঃ ।
তপশ্চরণমাখ্যাতং দেবদেবস্য ধীমতঃ ॥ ৪৬.৮২ ॥

প্রাদুর্ভাবো মহেশস্য ললাটাৎ কথিতস্ততঃ ।
রুদ্রাণাং কথিতা সৃষ্টির্ব্রহ্মণঃ প্রতিষেধনম্ ॥ ৪৬.৮৩ ॥

ভূতিশ্চ দেবদেবস্য বরদানোপদেশকৌ ।
অন্তর্দ্ধানং চ রুদ্রস্য তপশ্চর্যাণ্ডজস্য চ ॥ ৪৬.৮৪ ॥

দর্শনং দেবদেবস্য নরনারীশরীরতা ।
দেব্যা বিভাগকথনং দেবদেবাৎ পিনাকিনঃ ॥ ৪৬.৮৫ ॥

দেব্যাশ্চ পশ্চাৎ কথিতং দক্ষপুত্রীৎবমেব চ ।
হিমবদ্দুহিতৃৎবং চ দেব্যা যাথাত্ম্যমেব চ ॥ ৪৬.৮৬ ॥

দর্শনং দিব্যরূপস্য বৈশ্বরূপস্য দর্শনম্ ।
নাম্নাং সহস্রং কথিতং পিত্রা হিমবতা স্বয়ম্ ॥ ৪৬.৮৭ ॥

উপদেশো মহাদেব্যা বরদানং তথৈব চ ।
ভৃগ্বাদীনাং প্রজাসর্গো রাজ্ঞাং বংশস্য বিস্তরঃ ॥ ৪৬.৮৮ ॥

প্রাচেতসৎবং দক্ষস্য দক্ষয়জ্ঞবিমর্দনম্ ।
দধীচস্য চ দক্ষস্য বিবাদঃ কথিতস্তদা ॥ ৪৬.৮৯ ॥

ততশ্চ শাপঃ কথিতো মুনীনাং মুনিপুংগবাঃ ।
রুদ্রাগতিঃ প্রসাদশ্চ অন্তর্দ্ধানং পিনাকিনঃ ॥ ৪৬.৯০ ॥

পিতামহস্যোপদেশঃ কীর্ত্ত্যতে রক্ষণায় তু ।
দক্ষস্য চ প্রজাসর্গঃ কশ্যপস্য মহাত্মনঃ ॥ ৪৬.৯১ ॥

হিরণ্যকশিপোর্নাশো হিরণ্যাক্ষবধস্তথা ।
ততশ্চ শাপঃ কথিতো দেবদারুবনৌকসাম্ ॥ ৪৬.৯২ ॥

নিগ্রহশ্চান্ধকস্যাথ গাণপত্যমনুত্তমম্ ।
প্রহ্রাদনিগ্রহশ্চাথ বলেঃ সংয়মনং ততঃ ॥ ৪৬.৯৩ ॥

বাণস্য নিগ্রহশ্চাথ প্রসাদস্তস্য শূলিনঃ ।
ঋষীণাং বংশবিস্তারো রাজ্ঞাং বংশাঃ প্রকীর্ত্তিতাঃ ॥ ৪৬.৯৪ ॥

বসুদেবাৎ ততো বিষ্ণোরুৎপত্তিঃ স্বেচ্ছয়া হরেঃ ।
দর্শনং চোপমন্যোর্বৈ তপশ্চরণমেব চ ॥ ৪৬.৯৫ ॥

বরলাভো মহাদেবং দৃষ্ট্বা সাম্বং ত্রিলোচনম্ ।
কৈলাসগমনঞ্চাথ নিবাসস্তস্য শার্ঙ্গিণঃ ॥ ৪৬.৯৬ ॥

ততশ্চ কথ্যতে ভীতির্দ্বারবত্যাং নিবাসিনাম্ ।
রক্ষণং গরুডেনাথ জিৎবা শত্রূন্ মহাবলান্ ॥ ৪৬.৯৭ ॥

নারাদাগমনং চৈব যাত্রা চৈব গরুত্মতঃ ।
ততশ্চ কৃষ্ণাগমনং মুনীনামাগতিস্ততঃ ॥ ৪৬.৯৮ ॥

নৈত্যকং বাসুদেবস্য শিবলিঙ্গার্চনং তথা ।
মার্কণ্ডেয়স্য চ মুনেঃ প্রশ্নঃ প্রোক্তস্ততঃ পরম্ ॥ ৪৬.৯৯ ॥

লিঙ্গার্চননিমিত্তং চ লিঙ্গস্যাপি সলিঙ্গিনঃ ।
যথার্থংকথিতঞ্চাথ লিঙ্গাবির্ভাব এব চ ॥ ৪৬.১০০ ॥

ব্রহ্মবিষ্ণোস্তথা মধ্যে কীর্ত্তিতা মুনিপুংগবাঃ ।
মোহস্তয়োস্তু কথিতো গমনং চোর্ধ্বতো হ্যধঃ ॥ ৪৬.১০১ ॥

সংস্তবো দেবদেবস্য প্রসাদঃ পরমেষ্ঠিনঃ ।
অন্তর্ধানং চ লিঙ্গস্য সাম্বোৎপত্তিস্ততঃ পরম্ ॥ ৪৬.১০২ ॥

কীর্তিতা চানিরুদ্ধস্য সমুৎপত্তির্দ্বিজোত্তমাঃ ।
কৃষ্ণস্য গমনে বুদ্ধিরৃষীণামাগতিস্তথা ॥ ৪৬.১০৩ ॥

অনুবশাসনঞ্চ কৃষ্ণেন বরদানং মহাত্মনঃ ।
গমনং চৈব কৃষ্ণস্য পার্থস্যাপি চ দর্শনম্ ॥ ৪৬.১০৪ ॥

কৃষ্ণদ্বৈপায়নস্যোক্তং যুগধর্মাঃ সনাতনাঃ ॥

অনুগ্রহোঽথ পার্থস্য বারাণস্যাং গতিস্ততঃ ॥ ৪৬.১০৫ ॥

পারাশর্যস্য চ মুনের্ব্যাসস্যাদ্ভুতকর্মণঃ ।
বারাণস্যাশ্চ মাহাত্ম্যং তীর্থানাং চৈব বর্ণনম্ ॥ ৪৬.১০৬ ॥

তীর্থয়াত্রা চ ব্যাসস্য দেব্যাশ্চৈবাথ দর্শনম্ ।
উদ্বাসনং চ কথিতং বরদানং তথৈব চ ॥ ৪৬.১০৭ ॥

প্রয়াগস্য চ মাহাত্ম্যং ক্ষেত্রাণামথ কীর্ত্তিনম্ ।
ফলং চ বিপুলং বিপ্রা মার্কণ্ডেয়স্য নির্গমঃ ॥ ৪৬.১০৮ ॥

ভুবনানাং স্বরূপং চ জ্যোতিষাং চ নিবেশনম্ ।
কীর্ত্যন্তে চৈব বর্ষাণি নদীনাং চৈব নির্ণয়ঃ ॥ ৪৬.১০৯ ॥

পর্বতানাং চ কথনং স্থানানি চ দিবৌকসাম্ ।
দ্বীপানাং প্রবিভাগশ্চ শ্বেতদ্বীপোপবর্ণনম্ ॥ ৪৬.১১০ ॥

শয়নং কেশবস্যাথ মাহাত্ম্যং চ মহাত্মনঃ ।
মন্বন্তরাণাং কথনং বিষ্ণোর্মাহাত্ম্যমেব চ ॥ ৪৬.১১১ ॥

বেদশাখাপ্রণয়নং ব্যাসানাং কথনং ততঃ ।
অবেদস্য চ বেদানাং কথিতং মুনিপুংগবাঃ ॥ ৪৬.১১২ ॥

যোগেশ্বরাণাং চ কথা শিষ্যাণাং চাথ কীর্ত্তনম্ ।
গীতাশ্চ বিবিধাগুহ্যা ঈশ্বরস্যাথ কীর্ত্তিতাঃ ॥ ৪৬.১১৩ ॥

বর্ণাশ্রমাণামাচারাঃ প্রায়শ্চিত্তবিধিস্ততঃ ।
কপালিৎবং চ রুদ্রস্য ভিক্ষাচরণমেব চ ॥ ৪৬.১১৪ ॥

পতিব্রতায়াশ্চাখ্যানং তীর্থানাং চ বিনির্ণয়ঃ ।
তথা মঙ্কণকস্যাথ নিগ্রহঃ কীর্তিতো দ্বিজাঃ ॥ ৪৬.১১৫ ॥

বধশ্চ কথিতো বিপ্রাঃ কালস্য চ সমাসতঃ ।
দেবদারুবনে শংভোঃ প্রবেশো মাধবস্য চ ॥ ৪৬.১১৬ ॥

দর্শনং ষট্কুলীয়ানাং দেবদেবস্য ধীমতঃ ।
বরদানং চ দেবস্য নন্দিনে তু প্রকীর্তিতম্ ॥ ৪৬.১১৭ ॥

নৈমিত্তিকশ্চ কথিতঃ প্রতিসর্গস্ততঃ পরম্ ।
প্রাকৃতঃ প্রলয়শ্চোর্দ্ধ্বং সবীজো যোগ এব চ ॥ ৪৬.১১৮ ॥

এবং জ্ঞাৎবা পুরাণস্য সংক্ষেপং কীর্ত্তয়েত্তু যঃ ।
সর্বপাপবিনির্মুক্তো ব্রহ্মলোকে মহীয়তে ॥ ৪৬.১১৯ ॥

এবমুক্ত্বা শ্রিয়ং দেবীমাদায় পুরুষোত্তমঃ ।
সংত্যজ্য কূর্মসংস্থানং স্বস্থানং চ জগাম হ ॥ ৪৬.১২০ ॥

দেবাশ্চ সর্বে মুনয়ঃ স্বানি স্থানানি ভেজিরে ।
প্রণম্য পুরুষং বিষ্ণুং গৃহীৎবা হ্যমৃতং দ্বিজাঃ ॥ ৪৬.১২১ ॥

এতৎ পুরাণং সকলং ভাষিতং কূর্মরূপিণা ।
সাক্ষাদ্ দেবাদিদেনেন বিষ্ণুনা বিশ্বয়োনিনা ॥ ৪৬.১২২ ॥

যঃ পঠেৎ সততং মর্ত্যঃ নিয়মেন সমাসতঃ ।
সর্বপাপবিনির্মুক্তো ব্রহ্মলোকে মহীয়তে ॥ ৪৬.১২৩ ॥

লিখিৎবা চৈব যো দদ্যাদ্ বৈশাখে মাসি সুব্রতঃ ।
বিপ্রায় বেদবিদুষে তস্য পুণ্যং নিবোধত ॥ ৪৬.১২৪ ॥

সর্বপাপবিনির্মুক্তঃ সর্বৈশ্বর্যসমন্বিতঃ ।
ভুক্ত্বা চ বিপুলান্মর্ত্যো ভোগান্দিব্যান্সুশোভনান্ ॥ ৪৬.১২৫ ॥

ততঃ স্বর্গাৎ পরিভ্রষ্টো বিপ্রাণাং জায়তে কুলে ।
পূর্বসংস্কারমাহাত্ম্যাদ্ ব্রহ্মবিদ্যামবাপ্নুয়াৎ ॥ ৪৬.১২৬ ॥

পঠিৎবাধ্যায়মেবৈকং সর্বপাপৈঃ প্রমুচ্যতে ।
যোঽর্থং বিচারয়েৎ সম্যক্ প্রাপ্নোতি পরং পদম্ ॥ ৪৬.১২৭ ॥

অধ্যেতব্যমিদং নিত্যং বিপ্রৈঃ পর্বণি পর্বণি ।
শ্রোতব্যং চ দ্বিজশ্রেষ্ঠা মহাপাতকনাশনম্ ॥ ৪৬.১২৮ ॥

একতস্তু পুরাণানি সেতিহাসানি কৃৎস্নশঃ ।
একত্র চেদং পরমমেতদেবাতিরিচ্যতে ॥ ৪৬.১২৯ ॥

ইদং পুরাণং মুক্ত্বৈকং নাস্ত্যন্যৎ সাধনং পরম্ ।
যথাবদত্র ভগবান্ দেবো নারায়ণো হরিঃ ॥ ৪৬.১৩০ ॥

কীর্ত্যতে হি যথা বিষ্ণুর্ন তথাঽন্যেষু সুব্রতাঃ ।
ব্রাহ্মী পৌরাণিকী চেয়ং সংহিতা পাপনাশনী ॥ ৪৬.১৩১ ॥

অত্র তৎ পরমং ব্রহ্ম কীর্ত্যতে হি যথার্থতঃ ।
তীর্থানাং পরমং তীর্থং তপসাং চ পরং তপঃ ॥ ৪৬.১৩২ ॥

জ্ঞানানাং পরমং জ্ঞানং ব্রতানাং পরমং ব্রতম্ ।
নাধ্যেতব্যমিদং শাস্ত্রং বৃষলস্য চ সন্নিধৌ ॥ ৪৬.১৩৩ ॥

যোঽধীতে স তু মোহাত্মা স যাতি নরকান্ বহূন্ ।
শ্রাদ্ধে বা দৈবিকে কার্যে শ্রাবণীয়ং দ্বিজাতিভিঃ ॥ ৪৬.১৩৪ ॥

যজ্ঞান্তে তু বিশেষেণ সর্বদোষবিশোধনম্ ।
মুমুক্ষূণামিদং শাস্ত্রমধ্যেতব্যং বিশেষতঃ ॥ ৪৬.১৩৫ ॥

শ্রোতব্যং চাথ মন্তব্যং বেদার্থপরিবৃংহণম্ ।
জ্ঞাৎবা যথাবদ্ বিপ্রেন্দ্রান্ শ্রাবয়েদ্ ভক্তিসংয়ুতান্ ॥ ৪৬.১৩৬ ॥

সর্বপাপবিনির্মুক্তো ব্রহ্মসায়ুজ্যমাপ্নুয়াৎ ।
যোঽশ্রদ্দধানে পুরুষে দদ্যাচ্চাধার্মিকে তথা ॥ ৪৬.১৩৭ ॥

স প্রেত্য গৎবা নিরয়ান্ শুনাং যোনিং ব্রজত্যধঃ ।
নমস্কৃত্য হরিং বিষ্ণুং জগদ্যোনিং সনাতনম্ ॥ ৪৬.১৩৮ ॥

অধ্যেতব্যমিদং শাস্ত্রং কৃষ্ণদ্বৈপায়নং তথা ।
ইত্যাজ্ঞা দেবদেবস্য বিষ্ণোরমিততেজসঃ ॥ ৪৬.১৩৯ ॥

পারাশর্যস্য বিপ্রর্ষের্ব্যাসস্য চ মহাত্মনঃ ।
শ্রুৎবা নারায়ণাদ্দেবান্ নারদো ভগবানৃষিঃ ॥ ৪৬.১৪০ ॥

গৌতমায় দদৌ পূর্বং তস্মাচ্চৈব পরাশরঃ ।
পরাশরোঽপি ভগবান গঙ্গাদ্বারে মুনীশ্বরাঃ ॥ ৪৬.১৪১ ॥

মুনিভ্যঃ কথয়ামাস ধর্মকামার্থমোক্ষদম্ ।
ব্রহ্মণা কথিতং পূর্বং সনকায় চ ধীমতে ॥ ৪৬.১৪২ ॥

সনৎকুমারায় তথা সর্বপাপপ্রণাশনম্ ।
সনকাদ্ ভগবান্ সাক্ষাদ্ দেবলো যোগবিত্তমঃ ॥ ৪৬.১৪৩ ॥

অবাপ্তবান্ পঞ্চশিখো দেবলাদিদমুত্তমম্ ।
সনৎকুমারাদ্ ভগবান্ মুনিঃ সত্যবতীসুতঃ ॥ ৪৬.১৪৪ ॥

এতৎ পুরাণং পরমং ব্যাসঃ সর্বার্থসংচয়ম্ ।
তস্মাদ্ ব্যাসাদহং শ্রুৎবা ভবতাং পাপনাশনম্ ॥ ৪৬.১৪৫ ॥

ঊচিবান্ বৈ ভবদ্ভিশ্চ দাতব্যং ধার্মিকে জনে ।
তস্মৈ ব্যাসায় মুনয়ে সর্বজ্ঞায় মহর্ষয়ে ॥ ৪৬.১৪৬ ॥

পারাশর্যায় শান্তায় নমো নারায়ণাত্মনে ।
যস্মাৎ সংজায়তে কৃৎসনং যত্র চৈব প্রলীয়তে ।
নমস্তস্মৈ সুরেশায় বিষ্ণবে কূর্মরূপিণে ॥ ৪৬.১৪৭ ॥

ইতি শ্রীকূর্মপুরাণে ষট্সাহস্ত্র্যাং সংহিতায়ামুপরিবিভাগে
ষট্শ্চৎবারিংশোঽধ্যায়ঃ ॥৪৬ ॥

উত্তরভাগঃ সমাপ্তঃ ॥

॥ ইতি শ্রীকূর্মপুরাণং সমাপ্তম্ ॥

– Chant Stotra in Other Languages –

Vritra Gita from Adhyatma Ramayana in Sanskrit – English – Bengali – Gujarati – Kannada – Malayalam – Odia – Telugu – Tamil