॥ River Yamuna Ashtakam 2 Bengali Lyrics ॥
॥ য়মুনাষ্টকম্ ২ ॥
॥ শ্রীঃ॥
কৃপাপারাবারাং তপনতনয়াং তাপশমনীং
মুরারিপ্রেয়স্যাং ভবভয়দবাং ভক্তিবরদাম্ ।
বিয়জ্জ্বালোন্মুক্তাং শ্রিয়মপি সুখাপ্তেঃ পরিদিনং
সদা ধীরো নূনং ভজতি য়মুনাং নিত্যফলদাম্ ॥ ১ ॥
মধুবনচারিণি ভাস্করবাহিনি জাহ্নবিসঙ্গিনি সিন্ধুসুতে
মধুরিপুভূষণি মাধবতোষিণি গোকুলভীতিবিনাশকৃতে ।
জগদঘমোচিনি মানসদায়িনি কেশবকেলিনিদানগতে
জয় য়মুনে জয় ভীতিনিবারিণি সংকটনাশিনি পাবয় মাম্ ॥ ২ ॥
অয়ি মধুরে মধুমোদবিলাসিনি শৈলবিদারিণি বেগপরে
পরিজনপালিনি দুষ্টনিষূদিনি বাঞ্ছিতকামবিলাসধরে ।
ব্রজপুরবাসিজনার্জিতপাতকহারিণি বিশ্বজনোদ্ধরিকে
জয় য়মুনে জয় ভীতিনিবারিণি সংকটনাশিনি পাবয় মাম্ ॥ ৩ ॥
অতিবিপদম্বুধিমগ্নজনং ভবতাপশতাকুলমানসকং
গতিমতিহীনমশেষভয়াকুলমাগতপাদসরোজয়ুগম্ ।
ঋণভয়ভীতিমনিষ্কৃতিপাতককোটিশতায়ুতপুঞ্জতরং
জয় য়মুনে জয় ভীতিনিবারিণি সংকটনাশিনি পাবয় মাম্ ॥ ৪ ॥
নবজলদদ্যুতিকোটিলসত্তনুহেমভয়াভররঞ্জিতকে
তডিদবহেলিপদাঞ্চলচঞ্চলশোভিতপীতসুচেলধরে ।
মণিময়ভূষণচিত্রপটাসনরঞ্জিতগঞ্জিতভানুকরে
জয় য়মুনে জয় ভীতিনিবারিণি সংকটনাশিনি পাবয় মাম্ ॥ ৫ ॥
শুভপুলিনে মধুমত্তয়দূদ্ভবরাসমহোত্সবকেলিভরে
উচ্চকুলাচলরাজিতমৌক্তিকহারময়াভররোদসিকে ।
নবমণিকোটিকভাস্করকঞ্চুকিশোভিততারকহারয়ুতে
জয় য়মুনে জয় ভীতিনিবারিণি সংকটনাশিনি পাবয় মাম্ ॥ ৬ ॥
করিবরমৌক্তিকনাসিকভূষণবাতচমত্কৃতচঞ্চলকে
মুখকমলামলসৌরভচঞ্চলমত্তমধুব্রতলোচনিকে ।
মণিগণকুণ্ডললোলপরিস্ফুরদাকুলগণ্ডয়ুগামলকে
জয় য়মুনে জয় ভীতিনিবারিণি সংকটনাশিনি পাবয় মাম্ ॥ ৭ ॥
কলরবনূপুরহেমময়াচিতপাদসরোরুহসারুণিকে
ধিমিধিমিধিমিধিমিতালবিনোদিতমানসমঞ্জুলপাদগতে ।
তব পদপঙ্কজমাশ্রিতমানবচিত্তসদাখিলতাপহরে
জয় য়মুনে জয় ভীতিনিবারিণি সংকটনাশিনি পাবয় মাম্ ॥ ৮ ॥
ভবোত্তাপাম্ভোধৌ নিপতিতজনো দুর্গতিয়ুতো
য়দি স্তৌতি প্রাতঃ প্রতিদিনমন্যাশ্রয়তয়া ।
হয়াহ্রেষৈঃ কামং করকুসুমপুঞ্জৈ রবিসুতাং
সদা ভোক্তা ভোগান্মরণসময়ে য়াতি হরিতাম্ ॥ ৯ ॥
ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছংকরভগবতঃ কৃতৌ
য়মুনাষ্টকম্ সম্পূর্ণম্ ॥
– Chant Stotra in Other Languages –
River Yamuna Stotram » Yamunashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil