॥ River Yamuna Ashtakam 7 Odia Lyrics ॥
॥ ଶ୍ରୀୟମୁନାଷ୍ଟକମ୍ ୭॥
ତ୍ଵୟି ସ୍ନାତା ଧ୍ୟାତା ତଵ ସଲିଲପାତା ନମୟିତା
ସ୍ତୁତେଃ କର୍ତା ଧର୍ତା ତଵ ରଜସି ମର୍ତା ରଵିସୁତେ ।
ନ ଚୈଵାଖ୍ୟାଂ ଵକ୍ତା ଶମନସଦନେ ୟାତି ୟମୁନେ
ନମାମସ୍ତ୍ଵାଂ ନିତ୍ୟାଂ ସକଲଗୁଣୟୁକ୍ତାଂ ରଵିସୁତାମ୍ ॥ ୧ ॥
ମୁରାରାତେଃ କାୟପ୍ରତିମଲଲିତଂ ଵାରି ଦଧତୀଂ
କଲିନ୍ଦାଦ୍ରେଃ ଶୃଙ୍ଗାଦପି ପତନଶୀଲାଂ ଗତିମତୀମ୍ ।
ସ୍ଵପାଦାବ୍ଜଂ ଧ୍ୟାତୁର୍ଜନିମରଣଶୋକଂ ଵିତୁଦତୀଂ
ନମାମସ୍ତ୍ଵାଂ ନିତ୍ୟାଂ ସକଲଗୁଣୟୁକ୍ତାଂ ରଵିସୁତାମ୍ ॥ ୨ ॥
କଦମ୍ବାନାଂ ପୁଷ୍ପାଵଲିଭିରନିଶଂ ରୂଷିତଜଲାଂ
ଵିଧୀନ୍ଦ୍ରାଦ୍ୟୈର୍ଦେଵୈର୍ମୁନିଜନକୁଲୈଃ ପୂଜିତପଦାମ୍ ।
ଭ୍ରମଦ୍ଗୋଗୋଧୁଗ୍ଭିର୍ଵିହଗନିକରୈର୍ଭୂଷିତତଟାଂ
ନମାମସ୍ତ୍ଵାଂ ନିତ୍ୟାଂ ସକଲଗୁଣୟୁକ୍ତାଂ ରଵିସୁତାମ୍ ॥ ୩ ॥
ରଣଦ୍ଭୃଙ୍ଗଶ୍ରେଣୀଵିକସିତସରୋଜଆଵଲିୟୁତାଂ
ତରଙ୍ଗାନ୍ତର୍ଭ୍ରାମ୍ୟନ୍ମକରସଫରୀକଚ୍ଛପକୁଲାମ୍ ।
ଜଲକ୍ରୀଡଦ୍ରାମାନୁଜଚରଣସଂଶ୍ଲେଷରସିକାଂ
ନମାମସ୍ତ୍ଵାଂ ନିତ୍ୟାଂ ସକଲଗୁଣୟୁକ୍ତାଂ ରଵିସୁତାମ୍ ॥ ୪ ॥
ତରୁଶ୍ରେଣୀକୁଞ୍ଜାଵଲିଭିରଭିତଃ ଶୋଭିତତଟାଂ
ମହୋକ୍ଷାଣାଂ ଶୃଙ୍ଗାଵଲିଭିରଭିତୋ ମର୍ଦିତତଟାମ୍ ।
ସ୍ଥିତାଂ ଵୃନ୍ଦାଟଵ୍ୟାଂ ସତତମଭିତଃ ପୁଷ୍ପିତଵନାଂ
ନମାମସ୍ତ୍ଵାଂ ନିତ୍ୟାଂ ସକଲଗୁଣୟୁକ୍ତାଂ ରଵିସୁତାମ୍ ॥ ୫ ॥
ନିଶାୟାଂ ୟସ୍ୟାଂ ବିମ୍ବିତମମଲତାରାଗଣମହୋ
ଵିଲୋକ୍ୟୋତ୍କଣ୍ଠନ୍ତେ ସକଲସଫରା ଅତ୍ତୁମନିଶମ୍ ।
ଵିକୀର୍ଣଂ ଲାଜାନାଂ ନିକରମିତି ମତ୍ଵା ସରଭସଂ
ନମାମସ୍ତ୍ଵାଂ ନିତ୍ୟାଂ ସକଲଗୁଣୟୁକ୍ତାଂ ରଵିସୁତାମ୍ ॥ ୬ ॥
ଶରନ୍ମେଘଚ୍ଛାୟା ସକଲମନୁଜୈର୍ୟତ୍ସଲିଲଗା
ହରେଃ ସ୍ଵସ୍ୟାମାପ୍ତୁଂ ସ୍ନପନମିତି ବୁଦ୍ଧ୍ୟା ସରଭସମ୍ ।
କିମାୟାତା ଗର୍ଭେ ସୁରସରିଦହୋ ତର୍କ୍ୟତ ଇତି
ନମାମସ୍ତ୍ଵାଂ ନିତ୍ୟାଂ ସକଲଗୁଣୟୁକ୍ତାଂ ରଵିସୁତାମ୍ ॥ ୭ ॥
ନୃଣାମୀକ୍ଷାମାତ୍ରାଦପି ସକଲସୌଖ୍ୟଂ ଵିଦଧତୀ-
ମନାୟାସେନୈଵାଖିଲଭୁଵନଭୋଗ୍ୟଂ ପ୍ରଦଦତୀମ୍ ।
ସ୍ଵକାନ୍ତୀନାଂ ଵ୍ୟୂହୈର୍ବଲଭିଦୁପଲଂ ଚାପି ତୁଦତୀଂ
ନମାମସ୍ତ୍ଵାଂ ନିତ୍ୟାଂ ସକଲଗୁଣୟୁକ୍ତାଂ ରଵିସୁତାମ୍ ॥ ୮ ॥
ମମୈଷା ଵିଜ୍ଞପ୍ତିଃ ପଦକମଲୟୋସ୍ତେ ତରଣିଜେ
ବଟେ ହା ଭାଣ୍ଡୀରେ ତଵ ଵିମଲତୀରେ ନିଵସତଃ ।
ହରେ କୃଷ୍ଣେତ୍ୟୁଚ୍ଚୈରପି ଚ ତଵ ନାମାନି ଗଦତଃ
ସଦା ଵୃନ୍ଦାରଣ୍ୟେ ଜନନି ଜନନଂ ୟାତୁ ମମ ଵୈ ॥ ୯ ॥
କିମାୟାତା କାଲଃ ସ ଇହ ଜନନେ ମେ ହତଵିଧେ-
ର୍ୟଦାୟାତଃ କୃଷ୍ଣୋ ମଧୁମଧୁରଵାଙ୍ନିର୍ଝରଜଲୈଃ ।
ଶ୍ରୁତେର୍ମାର୍ଗଂ ସିଞ୍ଚନ୍କରକମଲୟୁଗ୍ମେନ ସହସା
ମଦଙ୍ଗଂ ସ୍ଵାଙ୍ଗେ ହା ଵ୍ରତତିମିଵ ଵୃକ୍ଷୋ ଗମୟିତା ॥ ୧୦ ॥
ଇଦଂ ସ୍ତୋତ୍ରଂ ପ୍ରାତଃ ପଠତି ୟମୁନାୟାଃ ପ୍ରତିଦିନଂ
ଶରୀରୀ ୟସ୍ତସ୍ୟୋପରି ଭଵତି ପ୍ରୀତା ରଵିସୁତା ।
ହରେଃ ପ୍ରେଷ୍ଠୋ ଭୂତ୍ଵା ହରିଚରଣଭକ୍ତିଂ ଚ ଲଭତେ
ଭୁଵୋ ଭୋଗାନ୍ମୁକ୍ତ୍ଵା ଵ୍ରଜତି ମରଣାନ୍ତେ ହରିପଦମ୍ ॥ ୧୧ ॥
ଇତି ଶ୍ରୀଵନମାଲିଶାସ୍ତ୍ରିଵିରଚିତଂ ଶ୍ରୀୟମୁନାଷ୍ଟକମ୍ ।
– Chant Stotra in Other Languages –
River Yamuna Stotram » Yamunashtakam 7 Lyrics in Sanskrit » English » Bengali » Gujarati » Kannada » Malayalam » Telugu » Tamil