॥ Bhagavati Ashtakam Kannada Lyrics ॥
॥ ಭಗವತ್ಯಷ್ಟಕಮ್ ॥
ನಮೋಽಸ್ತು ತೇ ಸರಸ್ವತಿ ತ್ರಿಶೂಲಚಕ್ರಧಾರಿಣಿ ಸಿತಾಮ್ಬರಾವೃತೇ ಶುಭೇ ಮೃಗೇನ್ದ್ರಪೀಠಸಂಸ್ಥಿತೇ ।
ಸುವರ್ಣಬನ್ಧುರಾಧರೇ ಸುಝಲ್ಲರೀಶಿರೋರುಹೇ ಸುವರ್ಣಪದ್ಮಭೂಷಿತೇ ನಮೋಽಸ್ತು ತೇ ಮಹೇಶ್ವರಿ ॥ 1 ॥
ಪಿತಾಮಹಾದಿಭಿರ್ನುತೇ ಸ್ವಕಾನ್ತಿಲುಪ್ತಚನ್ದ್ರಭೇ ಸರತ್ನಮಾಲಯಾವೃತೇ ಭವಾಬ್ಧಿಕಷ್ಟಹಾರಿಣಿ ।
ತಮಾಲಹಸ್ತಮಂಡಿತೇ ತಮಾಲಭಾಲಶೋಭಿತೇ ಗಿರಾಮಗೋಚರೇ ಇಲೇ ನಮೋಽಸ್ತು ತೇ ಮಹೇಶ್ವರಿ ॥ 2 ॥
ಸ್ವಭಕ್ತವತ್ಸಲೇಽನಘೇ ಸದಾಪವರ್ಗಭೋಗದೇ ದರಿದ್ರದುಖಹಾರಿಣಿ ತ್ರಿಲೋಕಶಂಕರೀಶ್ವರಿ ।
ಭವಾನಿ ಭೀಮ ಅಮ್ಬಿಕೇ ಪ್ರಚಂಡತೇಜ ಉಜ್ಜ್ವಲೇ ಭುಜಾಕಲಾಪಮಂಡಿತೇ ನಮೋಽಸ್ತು ತೇ ಮಹೇಶ್ವರಿ ॥ 3 ॥
ಪ್ರಪನ್ನಭೀತಿನಾಶಿಕೇ ಪ್ರಸೂನಮಾಲ್ಯಕನ್ಧರೇ ಧಿಯಸ್ತಮೋನಿವಾರಿಕೇ ವಿಶುದ್ಧಬುದ್ಧಿಕಾರಿಕೇ ।
ಸುರಾರ್ಚಿತಾಽಂಘ್ರಿಪಂಕಜೇ ಪ್ರಚಂಡವಿಕ್ರಮೇಽಕ್ಷರೇ ವಿಶಾಲಪದ್ಮಲೋಚನೇ ನಮೋಽಸ್ತು ತೇ ಮಹೇಶ್ವರಿ ॥ 4 ॥
ಹತಸ್ತ್ವಯಾ ಸ ದೈತ್ಯಧೂಮ್ರಲೋಚನೋ ಯದಾ ರಣೇ ತದಾ ಪ್ರಸೂನವೃಷ್ಟಯಸ್ತ್ರಿವಿಷ್ಟಪೇ ಸುರೈಃ ಕೃತಾಃ ।
ನಿರೀಕ್ಷ್ಯ ತತ್ರ ತೇ ಪ್ರಭಾಮಲಜ್ಜತ ಪ್ರಭಾಕರಸ್ತ್ವಯಿ ದಯಾಕರೇ ಧ್ರುವೇ ನಮೋಽಸ್ತು ತೇ ಮಹೇಶ್ವರಿ ॥ 5 ॥
ನನಾದ ಕೇಸರೀ ಯದಾ ಚಚಾಲ ಮೇದಿನೀ ತದಾ ಜಗಾಮ ದೈತ್ಯನಾಯಕಃ ಸ್ವಸೇನಯಾ ದ್ರುತಂ ಭಿಯಾ ।
ಸಕೋಪಕಮ್ಪದಚ್ಛದೇ ಸಚಂಡಮುಂಡಘಾತಿಕೇ ಮೃಗೇನ್ದ್ರನಾದನಾದಿತೇ ನಮೋಽಸ್ತು ತೇ ಮಹೇಶ್ವರಿ ॥ 6 ॥
ಕುಚನ್ದನಾರ್ಚಿತಾಲಕೇ ಸಿತೋಷ್ಣವಾರಣಾಧರೇ ಸವರ್ಕರಾನನೇ ವರೇ ನಿಶುಮ್ಭಶುಮ್ಭಮರ್ದಿಕೇ ।
ಪ್ರಸೀದ ಚಂಡಿಕೇ ಅಜೇ ಸಮಸ್ತದೋಷಘಾತಿಕೇ ಶುಭಾಮತಿಪ್ರದೇಽಚಲೇ ನಮೋಽಸ್ತು ತೇ ಮಹೇಶ್ವರಿ ॥ 7 ॥
ತ್ವಮೇವ ವಿಶ್ವಧಾರಿಣೀ ತ್ವಮೇವ ವಿಶ್ವಕಾರಿಣೀ ತ್ವಮೇವ ಸರ್ವಹಾರಿಣೀ ನ ಗಮ್ಯಸೇಽಜಿತಾತ್ಮಭಿಃ ।
ದಿವೌಕಸಾಂ ಹಿತೇ ರತಾ ಕರೋಷಿ ದೈತ್ಯನಾಶನ ಶತಾಕ್ಷಿ ರಕ್ತದನ್ತಿಕೇ ನಮೋಽಸ್ತು ತೇ ಮಹೇಶ್ವರಿ ॥ 8 ॥
ಪಠನ್ತಿ ಯೇ ಸಮಾಹಿತಾ ಇಮಂ ಸ್ತವಂ ಸದಾ ನರಾಃ ಅನನ್ಯಭಕ್ತಿಸಂಯುತಾಃ ಅಹರ್ಮುಖೇಽನುವಾಸರಮ್ ।
ಭವನ್ತಿ ತೇ ತು ಪಂಡಿತಾಃ ಸುಪುತ್ರಧಾನ್ಯಸಂಯುತಾಃ ಕಲತ್ರಭೂತಿಸಂಯುತಾ ವ್ರಜನ್ತಿ ಚಾಽಮೃತಂ ಸುಖಮ್ ॥ 9 ॥
॥ ಇತಿ ಶ್ರೀಮದಮರದಾಸವಿರಚಿತಂ ಭಗವತ್ಯಷ್ಟಕಂ ಸಮಾಪ್ತಮ್ ॥
– Chant Stotra in Other Languages –
Goddess Durga Slokam » Bhagwati Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil