॥ Bhagavati Ashtakam Telugu Lyrics ॥
॥ భగవత్యష్టకమ్ ॥
నమోఽస్తు తే సరస్వతి త్రిశూలచక్రధారిణి సితామ్బరావృతే శుభే మృగేన్ద్రపీఠసంస్థితే ।
సువర్ణబన్ధురాధరే సుఝల్లరీశిరోరుహే సువర్ణపద్మభూషితే నమోఽస్తు తే మహేశ్వరి ॥ ౧ ॥
పితామహాదిభిర్నుతే స్వకాన్తిలుప్తచన్ద్రభే సరత్నమాలయావృతే భవాబ్ధికష్టహారిణి ।
తమాలహస్తమణ్డితే తమాలభాలశోభితే గిరామగోచరే ఇలే నమోఽస్తు తే మహేశ్వరి ॥ ౨ ॥
స్వభక్తవత్సలేఽనఘే సదాపవర్గభోగదే దరిద్రదుఖహారిణి త్రిలోకశఙ్కరీశ్వరి ।
భవాని భీమ అమ్బికే ప్రచణ్డతేజ ఉజ్జ్వలే భుజాకలాపమణ్డితే నమోఽస్తు తే మహేశ్వరి ॥ ౩ ॥
ప్రపన్నభీతినాశికే ప్రసూనమాల్యకన్ధరే ధియస్తమోనివారికే విశుద్ధబుద్ధికారికే ।
సురార్చితాఽఙ్ఘ్రిపఙ్కజే ప్రచణ్డవిక్రమేఽక్షరే విశాలపద్మలోచనే నమోఽస్తు తే మహేశ్వరి ॥ ౪ ॥
హతస్త్వయా స దైత్యధూమ్రలోచనో యదా రణే తదా ప్రసూనవృష్టయస్త్రివిష్టపే సురైః కృతాః ।
నిరీక్ష్య తత్ర తే ప్రభామలజ్జత ప్రభాకరస్త్వయి దయాకరే ధ్రువే నమోఽస్తు తే మహేశ్వరి ॥ ౫ ॥
ననాద కేసరీ యదా చచాల మేదినీ తదా జగామ దైత్యనాయకః స్వసేనయా ద్రుతం భియా ।
సకోపకమ్పదచ్ఛదే సచణ్డముణ్డఘాతికే మృగేన్ద్రనాదనాదితే నమోఽస్తు తే మహేశ్వరి ॥ ౬ ॥
కుచన్దనార్చితాలకే సితోష్ణవారణాధరే సవర్కరాననే వరే నిశుమ్భశుమ్భమర్దికే ।
ప్రసీద చణ్డికే అజే సమస్తదోషఘాతికే శుభామతిప్రదేఽచలే నమోఽస్తు తే మహేశ్వరి ॥ ౭ ॥
త్వమేవ విశ్వధారిణీ త్వమేవ విశ్వకారిణీ త్వమేవ సర్వహారిణీ న గమ్యసేఽజితాత్మభిః ।
దివౌకసాం హితే రతా కరోషి దైత్యనాశన శతాక్షి రక్తదన్తికే నమోఽస్తు తే మహేశ్వరి ॥ ౮ ॥
పఠన్తి యే సమాహితా ఇమం స్తవం సదా నరాః అనన్యభక్తిసంయుతాః అహర్ముఖేఽనువాసరమ్ ।
భవన్తి తే తు పణ్డితాః సుపుత్రధాన్యసంయుతాః కలత్రభూతిసంయుతా వ్రజన్తి చాఽమృతం సుఖమ్ ॥ ౯ ॥
॥ ఇతి శ్రీమదమరదాసవిరచితం భగవత్యష్టకం సమాప్తమ్ ॥
– Chant Stotra in Other Languages –
Goddess Durga Slokam » Bhagwati Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil