॥ Eka Mukha Hanumath Kavacham Odia Lyrics ॥
॥ ଏକାଦଶମୁଖହନୁମତ୍କଵଚମ୍ ॥
ଶ୍ରୀଗଣେଶାୟ ନମଃ ।
ଲୋପାମୁଦ୍ରା ଉଵାଚ ।
କୁମ୍ଭୋଦ୍ଭଵ ଦୟାସିନ୍ଧୋ ଶ୍ରୁତଂ ହନୁମତଃ ପରମ୍ ।
ୟନ୍ତ୍ରମନ୍ତ୍ରାଦିକଂ ସର୍ଵଂ ତ୍ଵନ୍ମୁଖୋଦୀରିତଂ ମୟା ॥ ୧ ॥
ଦୟାଂ କୁରୁ ମୟି ପ୍ରାଣନାଥ ଵେଦିତୁମୁତ୍ସହେ ।
କଵଚଂ ଵାୟୁପୁତ୍ରସ୍ୟ ଏକାଦଶମୁଖାତ୍ମନଃ ॥ ୨ ॥
ଇତ୍ୟେଵଂ ଵଚନଂ ଶ୍ରୁତ୍ଵା ପ୍ରିୟାୟାଃ ପ୍ରଶ୍ରୟାନ୍ଵିତମ୍ ।
ଵକ୍ତୁଂ ପ୍ରଚକ୍ରମେ ତତ୍ର ଲୋପାମୁଦ୍ରାଂ ପ୍ରତି ପ୍ରଭୁଃ ॥ ୩ ॥
ଅଗସ୍ତ୍ୟ ଉଵାଚ ।
ନମସ୍କୃତ୍ଵା ରାମଦୂତାଂ ହନୁମନ୍ତଂ ମହାମତିମ୍ ।
ବ୍ରହ୍ମପ୍ରୋକ୍ତଂ ତୁ କଵଚଂ ଶୃଣୁ ସୁନ୍ଦରି ସାଦରମ୍ ॥ ୪ ॥
ସନନ୍ଦନାୟ ସୁମହଚ୍ଚତୁରାନନଭାଷିତମ୍ ।
କଵଚଂ କାମଦଂ ଦିଵ୍ୟଂ ରକ୍ଷଃକୁଲନିବର୍ହଣମ୍ ॥ ୫ ॥
ସର୍ଵସମ୍ପତ୍ପ୍ରଦଂ ପୁଣ୍ୟଂ ମର୍ତ୍ୟାନାଂ ମଧୁରସ୍ଵରେ ।
ଓଂ ଅସ୍ୟ ଶ୍ରୀକଵଚସ୍ୟୈକାଦଶଵକ୍ତ୍ରସ୍ୟ ଧୀମତଃ ॥ ୬ ॥
ହନୁମତ୍ସ୍ତୁତିମନ୍ତ୍ରସ୍ୟ ସନନ୍ଦନ ଋଷିଃ ସ୍ମୃତଃ ।
ପ୍ରସନ୍ନାତ୍ମା ହନୂମାଂଶ୍ଚ ଦେଵତା ପରିକୀର୍ତିତା ॥ ୭ ॥
ଛନ୍ଦୋଽନୁଷ୍ଟୁପ୍ ସମାଖ୍ୟାତଂ ବୀଜଂ ଵାୟୁସୁତସ୍ତଥା ।
ମୁଖ୍ୟଃ ପ୍ରାଣଃ ଶକ୍ତିରିତି ଵିନିୟୋଗଃ ପ୍ରକୀର୍ତିତଃ ॥ ୮ ॥
ସର୍ଵକାମାର୍ଥସିଦ୍ଧ୍ୟର୍ଥଂ ଜପ ଏଵମୁଦୀରୟେତ୍ ।
ଓଂ ସ୍ଫ୍ରେଂ-ବୀଜଂ ଶକ୍ତିଧୃକ୍ ପାତୁ ଶିରୋ ମେ ପଵନାତ୍ମଜଃ ॥ ୯ ॥
କ୍ରୌଂ-ବୀଜାତ୍ମା ନୟନୟୋଃ ପାତୁ ମାଂ ଵାନରେଶ୍ଵରଃ ।
କ୍ଷଂ-ବୀଜରୂପଃ କର୍ଣୌ ମେ ସୀତାଶୋକଵିନାଶନଃ ॥ ୧୦ ॥
ଗ୍ଲୌଂ-ବୀଜଵାଚ୍ୟୋ ନାସାଂ ମେ ଲକ୍ଷ୍ମଣପ୍ରାଣଦାୟକଃ ।
ଵଂ-ବୀଜାର୍ଥଶ୍ଚ କଣ୍ଠଂ ମେ ପାତୁ ଚାକ୍ଷୟକାରକଃ ॥ ୧୧ ॥
ଐଂ-ବୀଜଵାଚ୍ୟୋ ହୃଦୟଂ ପାତୁ ମେ କପିନାୟକଃ ।
ଵଂ-ବୀଜକୀର୍ତିତଃ ପାତୁ ବାହୂ ମେ ଚାଞ୍ଜନୀସୁତଃ ॥ ୧୨ ॥
ହ୍ରାଂ-ବୀଜୋ ରାକ୍ଷସେନ୍ଦ୍ରସ୍ୟ ଦର୍ପହା ପାତୁ ଚୋଦରମ୍ ।
ହ୍ରସୌଂ-ବୀଜମୟୋ ମଧ୍ୟଂ ପାତୁ ଲଙ୍କାଵିଦାହକଃ ॥ ୧୩ ॥
ହ୍ରୀଂ-ବୀଜଧରଃ ପାତୁ ଗୁହ୍ୟଂ ଦେଵେନ୍ଦ୍ରଵନ୍ଦିତଃ ।
ରଂ-ବୀଜାତ୍ମା ସଦା ପାତୁ ଚୋରୂ ଵାର୍ଧିଲଂଘନଃ ॥ ୧୪ ॥
ସୁଗ୍ରୀଵସଚିଵଃ ପାତୁ ଜାନୁନୀ ମେ ମନୋଜଵଃ ।
ପାଦୌ ପାଦତଲେ ପାତୁ ଦ୍ରୋଣାଚଲଧରୋ ହରିଃ ॥ ୧୫ ॥
ଆପାଦମସ୍ତକଂ ପାତୁ ରାମଦୂତୋ ମହାବଲଃ ।
ପୂର୍ଵେ ଵାନରଵକ୍ତ୍ରୋ ମାମାଗ୍ନେୟ୍ୟାଂ କ୍ଷତ୍ରିୟାନ୍ତକୃତ୍ ॥ ୧୬ ॥
ଦକ୍ଷିଣେ ନାରସିଂହସ୍ତୁ ନୈଋର୍ତ୍ୟାଂ ଗଣନାୟକଃ ।
ଵାରୁଣ୍ୟାଂ ଦିଶି ମାମଵ୍ୟାତ୍ଖଗଵକ୍ତ୍ରୋ ହରୀଶ୍ଵରଃ ॥ ୧୭ ॥
ଵାୟଵ୍ୟାଂ ଭୈରଵମୁଖଃ କୌବେର୍ୟାଂ ପାତୁ ମାଂ ସଦା ।
କ୍ରୋଡାସ୍ୟଃ ପାତୁ ମାଂ ନିତ୍ୟମୈଶାନ୍ୟାଂ ରୁଦ୍ରରୂପଧୃକ୍ ॥ ୧୮ ॥
ଊର୍ଧ୍ଵଂ ହୟାନନଃ ପାତୁ ଗୁହ୍ୟାଧଃ ସୁମୁଖସ୍ତଥା ।
ରାମାସ୍ୟଃ ପାତୁ ସର୍ଵତ୍ର ସୌମ୍ୟରୂପୋ ମହାଭୁଜଃ ॥ ୧୯ ॥
ଇତ୍ୟେଵଂ ରାମଦୂତସ୍ୟ କଵଚଂ ୟଃ ପଠେତ୍ସଦା ।
ଏକାଦଶମୁଖସ୍ୟୈତଦ୍ଗୋପ୍ୟଂ ଵୈ କୀର୍ତିତଂ ମୟା ॥ ୨୦ ॥
ରକ୍ଷୋଘ୍ନଂ କାମଦଂ ସୌମ୍ୟଂ ସର୍ଵସମ୍ପଦ୍ଵିଧାୟକମ୍ ।
ପୁତ୍ରଦଂ ଧନଦଂ ଚୋଗ୍ରଶତ୍ରୁସଂଘଵିମର୍ଦନମ୍ ॥ ୨୧ ॥
ସ୍ଵର୍ଗାପଵର୍ଗଦଂ ଦିଵ୍ୟଂ ଚିନ୍ତିତାର୍ଥପ୍ରଦଂ ଶୁଭମ୍ ।
ଏତତ୍କଵଚମଜ୍ଞାତ୍ଵା ମନ୍ତ୍ରସିଦ୍ଧିର୍ନ ଜାୟତେ ॥ ୨୨ ॥
ଚତ୍ଵାରିଂଶତ୍ସହସ୍ରାଣି ପଠେଚ୍ଛୁଦ୍ଧାତ୍ମକୋ ନରଃ ।
ଏକଵାରଂ ପଠେନ୍ନିତ୍ୟଂ କଵଚଂ ସିଦ୍ଧିଦଂ ପୁମାନ୍ ॥ ୨୩ ॥
ଦ୍ଵିଵାରଂ ଵା ତ୍ରିଵାରଂ ଵା ପଠନ୍ନାୟୁଷ୍ୟମାପ୍ନୁୟାତ୍ ।
କ୍ରମାଦେକାଦଶାଦେଵମାଵର୍ତନଜପାତ୍ସୁଧୀଃ ॥ ୨୪ ॥
ଵର୍ଷାନ୍ତେ ଦର୍ଶନଂ ସାକ୍ଷାଲ୍ଲଭତେ ନାତ୍ର ସଂଶୟଃ ।
ୟଂ ୟଂ ଚିନ୍ତୟତେ ଚାର୍ଥଂ ତଂ ତଂ ପ୍ରାପ୍ନୋତି ପୂରୁଷଃ ॥ ୨୫ ॥
ବ୍ରହ୍ମୋଦୀରିତମେତଦ୍ଧି ତଵାଗ୍ରେ କଥିତଂ ମହତ୍ ॥ ୨୬ ॥
ଇତ୍ୟେଵମୁକ୍ତ୍ଵା ଵଚନଂ ମହର୍ଷିସ୍ତୂଷ୍ଣୀଂ ବଭୂଵେନ୍ଦୁମୁଖୀଂ ନିରୀକ୍ଷ୍ୟ ।
ସଂହୃଷ୍ଟଚିତ୍ତାପି ତଦା ତଦୀୟପାଦୌ ନନାମାତିମୁଦା ସ୍ଵଭର୍ତୁଃ ॥ ୨୭ ॥
॥ ଇତ୍ୟଗସ୍ତ୍ୟସାରସଂହିତାୟାମେକାଦଶମୁଖହନୁମତ୍କଵଚଂ ସମ୍ପୂର୍ଣମ୍ ॥
– Chant Stotras in other Languages –
Sri Anjaneya Kavacham » Eka Mukha Hanumath Kavacham Lyrics in Sanskrit » English » Bengali » Gujarati » Kannada » Malayalam » Telugu » Tamil