॥ Sri Hanumada Ashtottara Shatanama Stotram 2 Bengali Lyrics ॥
॥ শ্রীহনুমদষ্টোত্তরশতনামস্তোত্রম্ ২ ॥
(পাঞ্চরাত্রাগমতঃ)
রামদাসাগ্রণীঃ শ্রীমান্ হনূমান্ পবনাত্মজঃ ।
আঞ্জনেয়ঃ কপিশ্রেষ্ঠঃ কেসরীপ্রিয়নন্দনঃ ॥ ১ ॥
আরোপিতাংসয়ুগলরামরামানুজঃ সুধীঃ ।
সুগ্রীবসচিবো বালিজিতসুগ্রীবমাল্যদঃ ॥ ২ ॥
রামোপকারবিস্মর্তৃসুগ্রীবসুমতিপ্রদঃ ।
সুগ্রীবসত্পক্ষপাতী রামকার্যসুসাধকঃ ॥ ৩ ॥
মৈনাকাশ্লেষকৃন্নাগজননীজীবনপ্রদঃ ।
সর্বদেবস্তুতঃ সর্বদেবানন্দবিবর্ধনঃ ॥ ৪ ॥
ছায়ান্ত্রমালাধারী চ ছায়াগ্রহবিভেদকঃ ।
সুমেরুসুমহাকায়ো গোষ্পদীকৃতবারিধিঃ ॥
বিডালসদৃশাকারস্তপ্ততাম্রসমাননঃ ।
লঙ্কানিভঞ্জনঃ সীতারামমুদ্রাঙ্গুলীয়দঃ ॥ ৬ ॥
রামচেষ্টানুসারেণ চেষ্টাকৃদ্বিশ্বমঙ্গলঃ ।
শ্রীরামহৃদয়াভিজ্ঞো নিঃশেষসুরপূজিতঃ ॥ ৭ ॥
অশোকবনসঞ্চ্ছেত্তা শিংশুপাবৃক্ষরক্ষকঃ ।
সর্বরক্ষোবিনাশার্থং কৃতকোলাহলধ্বনিঃ ॥ ৮ ॥
তলপ্রহারতঃ ক্ষুণ্ণবহুকোটিনিশাচরঃ ।
পুচ্ছঘাতবিনিষ্পিষ্টবহুকোটিনরাশনঃ ॥ ৯ ॥
জম্বুমাল্যন্তকঃ সর্বলোকান্তরসুতঃ কপিঃ ।
স্বদেহপ্রাপ্তপিষ্টাঙ্গদুর্ধর্ষাভিধরাক্ষসঃ ॥ ১০ ॥
তলচূর্ণিতয়ূপাক্ষো বিরূপাক্ষনিবর্হণঃ ।
সুরান্তরাত্মনঃ পুত্রো ভাসকর্ণবিনাশকঃ ॥ ১১ ॥
অদ্রিশৃঙ্গবিনিষ্পিষ্টপ্রঘসাভিধরাক্ষসঃ ।
দশাস্যমন্ত্রিপুত্রঘ্নঃ পোথিতাক্ষকুমারকঃ ॥ ১২ ॥
সুবঞ্চিতেন্দ্রজিন্মুক্তনানাশস্ত্রাস্ত্রবৃষ্টিকঃ ।
ইন্দ্রশত্রুবিনির্মুক্তশস্ত্রাচাল্যসুবিগ্রহঃ ॥ ১৩ ॥
সুখেচ্ছয়েন্দ্রজিন্মুক্তব্রহ্মাস্ত্রবশগঃ কৃতী ।
তৃণীকৃতেন্দ্রজিত্পূর্বমহারাক্ষসয়ূথপঃ ॥ ১৪ ॥
রামবিক্রমসত্সিন্ধুস্তোত্রকোপিতরাবণঃ ।
স্বপুচ্ছবহ্নিনির্দগ্ধলঙ্কালঙ্কাপুরেশ্বরঃ ॥ ১৫ ॥
বহ্ন্যনির্দগ্ধাচ্ছপুচ্ছঃ পুনর্লঙ্ঘিতবারিধিঃ ।
জলদৈবতসূনুশ্চ সর্ববানরপূজিতঃ ॥ ১৬ ॥
সন্তুষ্টঃকপিভিঃ সার্ধং সুগ্রীবমধুভক্ষকঃ ।
রামপাদার্পিতশ্রীমচ্চূডামণিরনাকুলঃ ॥ ১৭ ॥
ভক্ত্যাকৃতানেকরামপ্রণামো বায়ুনন্দনঃ ।
রামালিঙ্গনতুষ্টাঙ্গো রামপ্রাণপ্রিয়ঃ শুচিঃ ॥ ১৮ ॥
রামপাদৈকনিরতবিভীষণপরিগ্রহঃ ।
বিভীষণশ্রিয়ঃ কর্তা রামলালিতনীতিমান্ ॥ ১৯ ॥
বিদ্রাবিতেন্দ্রশত্রুশ্চ লক্ষ্মণৈকয়শঃপ্রদঃ ।
শিলাপ্রহারনিষ্পিষ্টধূম্রাক্ষরথসারথিঃ ॥ ২০ ॥
গিরিশৃঙ্গবিনিষ্পিষ্টধূম্রাক্ষো বলবারিধিঃ ।
অকম্পনপ্রাণহর্তা পূর্ণবিজ্ঞানচিদ্ঘনঃ ॥ ২১ ॥
রণাধ্বরে কণ্ঠরোধমারিতৈকনিকুম্ভকঃ ।
নরান্তকরথচ্ছেত্তা দেবান্তকবিনাশকঃ ॥ ২২ ॥
মত্তাখ্যরাক্ষসচ্ছেত্তা য়ুদ্ধোন্মত্তনিকৃন্তনঃ ।
ত্রিশিরোধনুষশ্ছেত্তা ত্রিশিরঃখড্গভঞ্জনঃ ॥ ২৩ ॥
ত্রিশিরোরথসংহারী ত্রিশিরস্ত্রিশিরোহরঃ ।
রাবণোরসি নিষ্পিষ্টমুষ্টির্দৈত্যভয়ঙ্করঃ ॥ ২৪ ॥
বজ্রকল্পমহামুষ্টিঘাতচূর্ণিতরাবণঃ ।
অশেষভুবনাধারো লক্ষ্মণোদ্ধরণক্ষমঃ ॥ ২৫ ॥
সুগ্রীবপ্রাণরক্ষার্থং মক্ষিকোপমবিগ্রহঃ ।
কুম্ভকর্ণত্রিশূলৈকসঞ্ছেত্তা বিষ্ণুভক্তিমান্ ॥ ২৬ ॥
নাগাস্ত্রাস্পৃষ্টসদ্দেহঃ কুম্ভকর্ণবিমোহকঃ ।
শস্ত্রাস্ত্রাস্পৃষ্টসদ্দেহঃ সুজ্ঞানী রামসম্মতঃ ॥ ২৭ ॥
অশেষকপিরক্ষার্থমানীতৌষধিপর্বতঃ ।
স্বশক্ত্যা লক্ষ্মণোদ্ধর্তা লক্ষ্মণোজ্জীবনপ্রদঃ ॥ ২৮ ॥
লক্ষ্মণপ্রাণরক্ষার্থমানীতৌষধিপর্বতঃ ।
তপঃকৃশাঙ্গভরতে রামাগমনশংসকঃ ॥ ২৯ ॥
রামস্তুতস্বমহিমা সদা সন্দৃষ্টরাঘবঃ ।
রামচ্ছত্রধরো দেবো বেদান্তপরিনিষ্ঠিতঃ ॥ ৩০ ॥
মূলরামায়ণসুধাসমুদ্রস্নানতত্পরঃ ।
বদরীষণ্ডমধ্যস্থনারায়ণনিষেবকঃ ॥ ৩১ ॥
ইত্যেতচ্ছ্রীহনূমতো নামনমষ্টোত্তরং শতম্ ।
পঠতাং শৃণ্বতাং চৈব নিত্যমভ্যসতাং সতাম্ ॥ ৩২ ॥
অনন্তপুণ্যফলদং মহাপাতকনাশনম্ ।
মহারোগপ্রশমনং মহাদুঃখবিনাশনম্ ॥ ৩৩ ॥
দুস্তরাপত্প্রশমনং তাপত্রয়বিনাশনম্ ।
রামক্রোধাদিশমনং বাহ্যশত্রুবিনাশনম্ ॥ ৩৪ ॥
অনাদ্যজ্ঞানশমনং সংসারভয়নাশনম্ ।
মহাবন্ধহরং সম্যক্ কর্মবন্ধনিকৃন্তনম্ ॥ ৩৫ ॥
বাদে বিজয়দং নিত্যং রণে শত্রুবিনাশনম্ ।
ধনধান্যপ্রদং সম্যক্ পুত্রপৌত্রপ্রবর্ধনম্ ॥ ৩৬ ॥
কিমত্র বহুনোক্তেন মোক্ষৈকফলদং সতাম্ ।
পূর্ণানুগ্রহতো বিষ্ণোর্যো বায়ুর্মোক্ষদঃ সতাম্ ॥
তস্য স্তোত্রস্য মাহাত্ম্যং কোঽপি বর্ণয়িতুং ক্ষমঃ ।
শ্রুতিস্মৃতিপুরাণানি ভারতাদ্যুক্তয়স্তথা ॥ ৩৮ ॥
অস্মিন্নর্থে প্রমাণানি সত্যং সত্যং বদাম্যহম্ ।
সত্যং সত্যং পুনঃ সত্যং নাত্র কার্যা বিচারণা ॥ ৩৯ ॥
(পাঞ্চরাত্রাগমতঃ)
– Chant Stotra in Other Languages –
Sri Anjaneya Stotram » Sri Hanumada Ashtottara Shatanama Stotram 2 Lyrics in Sanskrit » English » Gujarati » Kannada » Malayalam » Odia » Telugu » Tamil