॥ Sri Hanumada Ashtottara Shatanama Stotram 4 Bengali Lyrics ॥
॥ শ্রীহনুমদষ্টোত্তরশতনামস্তোত্রম্ ৪ ॥
(শ্রীরঘুপ্রবীরয়তিকৃতম্)
য়স্য সংস্মরণাদেব পুরুষার্থচতুষ্টয়ম্ ।
লভ্যতে শ্রীহনুমতে নমস্তস্মৈ মহাত্মনে ॥ ১ ॥
হনূমান্ বায়ুতনয়ঃ কেসরীপ্রিয়নন্দনঃ ।
অঞ্জনানন্দনঃ শ্রীমান্ পিঙ্গাক্ষোঽমিতবিক্রমঃ ॥ ২ ॥
সর্বলক্ষণসম্পন্নঃ কল্যাণগুণবারিধিঃ ।
স্বর্ণবর্ণো মহাকায়ো মহাবীর্যো মহাদ্যুতিঃ ॥ ৩ ॥
মহাবলো মহৌদার্যঃ সুগ্রীবাভীষ্টদায়কঃ ।
রামদাসাগ্রণীর্ভক্তমনোরথসুরদ্রুমঃ ॥ ৪ ॥
অরিষ্টধ্বান্ততরণিঃ সর্বদোষবিবর্জিতঃ ।
গোষ্পদীকৃতবারাশিঃ সীতাদর্শনলালসঃ ॥ ৫ ॥
দেবর্ষিসংস্তুতশ্চিত্রকর্মা জিতখগেশ্বরঃ ।
মনোজবো বায়ুজবো ভগবান্ প্লবগর্ষভঃ ॥ ৬ ॥
সুরপ্রসূনাভিবৃষ্টঃ সিদ্ধগন্ধর্বসেবিতঃ ।
দশয়োজনবিস্তীর্ণকায়বানম্বরাশ্রয়ঃ ॥
মহায়োগী মহোত্সাহো মহাবাহুঃ প্রতাপবান্ ।
রামদ্বেষিজনাসহ্যঃ সজ্জনপ্রিয়দর্শনঃ ॥ ৮ ॥
রামাঙ্গুলীয়বান্ সর্বশ্রমহীনো জগত্পতিঃ ।
মৈনাকবিপ্রিয়ঃ সিন্ধুসংস্তুতঃ কদ্রুরক্ষকঃ ॥ ৯ ॥
দেবমানপ্রদঃ সাধুঃ সিংহিকাবধপণ্ডিতঃ ।
লঙ্কিণ্যভয়দাতা চ সীতাশোকবিনাশনঃ ॥ ১০ ॥
জানকীপ্রিয়সল্লাপশ্চূডামণিধরঃ কপিঃ ।
দশাননবরচ্ছেত্তা মশকীকৃতরাক্ষসঃ ॥ ১১ ॥
লঙ্কাভয়ঙ্করঃ সপ্তমন্ত্রিপুত্রবিনাশনঃ ।
দুর্ধর্ষপ্রাণহর্তা চ য়ূপাক্ষবধকারকঃ ॥ ১২ ॥
বিরূপাক্ষান্তকারী চ ভাসকর্ণশিরোহরঃ ।
প্রভাসপ্রাণহর্তা চ তৃতীয়াংশবিনাশনঃ ॥ ১৩ ॥
অক্ষরাক্ষসসংহারী তৃণীকৃতদশাননঃ ।
স্বপুচ্ছগাগ্নিনির্দগ্ধলঙ্কাপুরবরোঽব্যয়ঃ ॥ ১৪ ॥
আনন্দবারিধির্ধন্যো মেঘগম্ভীরনিঃস্বনঃ ।
কপিপ্রবীরসম্পূজ্যো মধুভক্ষণতত্পরঃ ॥ ১৫ ॥
রামবাহুসমাশ্লিষ্টো ভবিষ্যচ্চতুরাননঃ ।
সত্যলোকেশ্বরঃ প্রাণো বিভীষণবরপ্রদঃ ॥ ১৬ ॥
ধূম্রাক্ষপ্রাণহর্তা চ কপিসৈন্যবিবর্ধনঃ ।
ত্রিশীর্ষান্তকরো মত্তনাশনোঽকম্পনান্তকঃ ॥
দেবান্তকান্তকঃ শূরো য়ুদ্ধোন্মত্তবিনাশকঃ ।
নিকুম্ভান্তকরঃ শত্রুসূদনঃ সুরবীক্ষিতঃ ॥ ১৮ ॥
দশাস্যগর্বহর্তা চ লক্ষ্মণপ্রাণদায়কঃ ।
কুম্ভকর্ণজয়ী শক্রশত্রুগর্বাপহারকঃ ॥ ১৯ ॥
সঞ্জীবনাচলানেতা মৃগবানরজীবনঃ ।
জাম্ববত্প্রিয়কৃদ্বীরঃ সুগ্রীবাঙ্গদসেবিতঃ ॥ ২০ ॥
ভরতপ্রিয়সল্লাপঃ সীতাহারবিরাজিতঃ ।
রামেষ্টঃ ফল্গুনসখঃ শরণ্যত্রাণতত্পরঃ ॥ ২১ ॥
উত্পত্তিস্থিতিসংহারকর্তা কিম্পুরুষালয়ঃ ।
বেদবেদাঙ্গতত্ত্বজ্ঞো ভবরোগস্য ভেষজম্ ॥ ২২ ॥
ইত্থং হনুমতঃ পুণ্যং শতমষ্টোত্তরং পঠন্ ।
বিদ্যার্থী লভতে বিদ্যাং ধনার্থী লভতে ধনম্ ॥ ২৩ ॥
কন্যার্থী লভতে কন্যাং সুতার্থী লভতে সুতম্ ।
কীর্ত্যর্থী লভতে কীর্তিং মোক্ষার্থী মোক্ষমাপ্নুয়াত্ ॥ ২৪ ॥
রোগার্তো মুচ্যতে রোগাদ্বদ্ধো মুচ্যেত বন্ধনাত্ ।
ইদমায়ুষ্করং ধন্যং সর্বোপদ্রবনাশনম্ ॥ ২৫ ॥
সর্বশত্রুক্ষয়করং সর্বপাপপ্রণাশনম্ ।
সমস্তয়জ্ঞফলদং সর্বতীর্থফলপ্রদম্ ॥ ২৬ ॥
সমস্তবেদফলদং সর্বদানফলপ্রদম্ ।
পঠনীয়ং মহত্পুণ্যং সর্বসম্পত্সমৃদ্ধিদম্ ॥ ২৭ ॥
এবমষ্টোত্তরশতং নামনং হনূমতো য়তিঃ ।
রঘুপ্রবীরাভিধানঃ কৃতবান্ বাঞ্ছিতার্থদম্ ॥ ২৮ ॥
– Chant Stotra in Other Languages –
Sri Anjaneya Stotram » Sri Hanumada Ashtottara Shatanama Stotram 4 Lyrics in Sanskrit » English » Gujarati » Kannada » Malayalam » Odia » Telugu » Tamil