॥ Sri Hanumada Ashtottara Shatanama Stotram 8 Bengali Lyrics ॥
॥ শ্রীহনুমদষ্টোত্তরশতনামস্তোত্রম্ ৮ ॥
শ্রীপরাশরঃ –
স্তোত্রান্তরং প্রবক্ষ্যামি শৃণু মৈত্রেয় তত্ত্বতঃ ।
অষ্টোত্তরশতং নাম্নাং হনুমত্প্রতিপাদকম্ ॥
আয়ুরারোগ্যফলদং পুত্রপৌত্রপ্রবর্ধনম্ ।
গুহ্যাদ্গুহ্যতমং স্তোত্রং সর্বপাপহরং নৃণাম্ ॥
অস্য শ্রীহনুমদষ্টোত্তরশতদিব্যনামস্তোত্রমন্ত্রস্য বিভীষণ ঋষিঃ ।
পঙ্ক্তী ছন্দঃ । শ্রীহনুমান্ পরমাত্মা দেবতা ।
মারুতাত্মজ ইতি বীজম্ । অঞ্জনাসূনুরিতি শক্তিঃ ।
বায়ুপুত্র ইতি কীলকম্ ।
মম শ্রীহনুমত্প্রসাদসিদ্ধ্যর্থে জপে বিনিয়োগঃ ॥
শ্রী অভূতপূর্বডিম্ভ শ্রী অঞ্জনাগর্ভ সম্ভবঃ ।
নভস্বদ্বরসম্প্রাপ্তো দীপ্তকালাগ্নিসম্ভবঃ ॥ ১ ॥
ভূনভোঽন্তরভিন্নাদস্ফুরদ্গিরিগুহামুখঃ ।
ভানুবিম্বফলোত্সাহো পলায়িতবিধুন্তুদঃ ॥ ২ ॥
ঐরাবতগ্রহাব্যগ্রো কুলিশগ্রসনোন্মুখঃ ।
সুরাসুরায়ুধাভেদ্যো বিদ্যাবেদ্যবরোদয়ঃ ॥ ৩ ॥
হনুমানিতি বিখ্যাতো প্রখ্যাতবলপৌরুষঃ ।
শিখাবান্ রত্নমঞ্জীরো স্বর্ণকৃষ্ণোত্তরচ্ছদঃ ॥ ৪ ॥
বিদ্যুদ্বলয়য়জ্ঞোপবীতদ্যুমণিমণ্ডনঃ ।
হেমমৌঞ্জীসমাবদ্ধশুদ্ধজাম্বূনদপ্রভঃ ॥ ৫ ॥
কনত্কনককৌপীনো বটুর্বটুশিখামণিঃ ।
সিংহসংহননাকারো তরুণার্কনিভাননঃ ॥ ৬ ॥
বশংবদীকৃতমনাস্তপ্তচামীকরেক্ষণঃ ।
বজ্রদেহো বজ্রনখঃ বজ্রস্পর্শোগ্রবালজঃ ॥ ৭ ॥
অব্যাহতমনোবেগো হরির্দাশরথানুগঃ ।
সারগ্রহণচাতুর্যশ্শব্দব্রহ্মৈকপারগঃ ॥ ৮ ॥
পম্পানদীচরো বাগ্মী রামসুগ্রীবসখ্যকৃত্ ।
স্বামিমুদ্রাঙ্কিতকরো ক্ষিতিজান্বেষণোদ্যমঃ ॥ ৯ ॥
স্বয়ম্প্রভাসমালোকো বিলমার্গবিনির্গমঃ ।
আম্বোধিদর্শনোদ্বিগ্নমানসোঙ্গদধৈর্যদঃ ॥ ১০ ॥
প্রায়োপদিষ্টপ্লবগপ্রাণত্রাতপরায়ণঃ ।
অদেবদানবগতিঃ অপ্রতিদ্বন্দ্বসাহসঃ ॥ ১১ ॥
স্বদেহসম্ভবজ্জঙ্ঘামেরুদ্রোণীকৃতার্ণব । মেরু
সাগরশ্রুতবৃত্তান্তমৈনাককৃতপূজনঃ ॥ ১২ ॥
অণোরণীয়ান্মহতো মহীয়ান্ সুরসাঽর্থিতঃ ।
ত্রিংশদ্যোজনপর্যন্তচ্ছায়াছায়াগ্রহান্তকঃ ॥ ১৩ ॥
লঙ্কাহঙ্কারশমনশ্শঙ্কাটঙ্কবিবর্জিতঃ ।
হস্তামলকবদৃষ্টরাক্ষসান্তঃ পুরাখিলঃ ॥ ১৪ ॥
চিতাদুরন্তবৈদেহীসম্পাদনফলশ্রমঃ ।
মৈথিলীদত্তমাণিক্যো ভিন্নাশোকবনদ্রুমঃ ॥ ১৫ ॥
বলৈকদেশক্ষপণঃ কুমারাক্ষনিষূদনঃ ।
ঘোষিতস্বামিবিজয়স্তোরণারোহণোচ্ছ্রিয়ঃ ॥ ১৬ ॥
রণরঙ্গসমুত্সাহো রঘুবংশজয়ধ্বজঃ ।
ইন্দ্রজিদ্যুদ্ধনির্ভীতো ব্রহ্মাস্ত্রপরিবর্তনঃ ॥ ১৭ ॥
প্রভাষিতদশগ্রীবো ভস্মসাত্কৃতপট্টণঃ ।
বার্ধিনাশান্তবালর্চিঃ কৃতকৃত্যোত্তমোত্তমঃ ॥ ১৮ ॥
কল্লোলাস্ফালবেলান্তপারাবারোপরিপ্লবঃ ।
স্বর্গমাকাঙ্ক্ষকীশৌঘদ্দৃক্চকোরেন্দুমণ্ডলঃ ॥ ১৯ ॥ ??
মধুকাননসর্বস্বসন্তর্পিতবলীমুখঃ ।
দৃষ্টা সীতেতি বচনাত্কোসলেন্দ্রাভিনন্দিতঃ ॥ ২০ ॥
স্কন্ধস্থকোদণ্ডধরঃ কল্পান্তঘননিস্বনঃ ।
সিন্ধুবন্ধনসন্নাহস্সুবেলারোহসম্ভ্রমঃ ॥ ২১ ॥
অক্ষাখ্যবলসংরুদ্ধলঙ্কাপ্রাকারভঞ্জনঃ ।
য়ুধ্যদ্বানরদৈতেয়জয়াপজয়সাধনঃ ॥ ২২ ॥
রামরাবণশস্ত্রাস্ত্রজ্বালাজালনিরীক্ষণঃ ।
মুষ্টিনির্ভিন্নদৈত্যেন্দ্রো মুহুর্নুতনভশ্চরঃ ॥ ২৩ ॥
জাম্ববন্নুতিসংহৃষ্টো সমাক্রান্তনভশ্চরঃ ।
গন্ধর্বগর্ববিধ্বংসী বশ্যদ্দিব্যৌষধীনগঃ ॥ ২৪ ॥
সৌমিত্রিমূর্ছাশান্ত্যর্থে প্রত্যূষস্তুষ্টবানরঃ ।
রামাস্ত্রধ্বংসিতেন্দ্রারিসৈন্যবিন্যস্তবিক্রমঃ ॥ ২৫ ॥
হর্ষবিস্মিতভূপুত্রীজয়বৃত্তান্তসূচকঃ ।
রাঘবীরাঘবারূঢপুষ্পকারোহকৌতুকঃ ॥ ২৬ ॥
প্রিয়বাক্তোষিতগুহো ভরতানন্দদায়কঃ ।
শ্রীসীতারামপট্টাভিষেকসম্ভারসম্ভ্রমঃ ॥ ২৭ ॥
কাকুত্স্থদয়িতাদত্তমুক্তাহারবিরাজিতঃ ।
রামায়ণসুধাস্বাদরসিকো রামকিঙ্করঃ ॥ ২৮ ॥
অমোঘমন্ত্রয়ন্ত্রৌঘস্মৃতিনির্ঘূতকল্মষঃ
ভজত্কিম্পুরুষদ্বীপো ভবিষ্যত্পদ্মসম্ভবঃ ।
আপদুদ্ধারকঃ শ্রীমান্ সর্বাভীষ্টফলপ্রদঃ ॥ ২৯ ॥
নামানীমানি য়ঃ কশ্চিদনন্যগতিকঃ পঠেত্ ।
মৃত্যোর্মুখে রাজমুখে নিপতন্নাবসীদতি ॥ ৩০ ॥
বিশ্বাকর্ষণবিদ্বেষস্তম্ভনোচ্চাটনাদয়ঃ ।
সিধ্যন্তি পঠনাদেব নাত্র শঙ্কা কুরু ক্বচিত্ ॥ ৩১ ॥
নামসঙ্খ্যাপ্যপূপানি য়োদত্তে মন্দবাসরে ।
ছায়েব তস্য সততং সহায়ো মারুতির্ভবেত্ ॥ ৩২ ॥
॥ ইতি শ্রীহনুমদষ্টোত্তরশতনামস্তোত্রং সম্পূর্ণম্ ॥
– Chant Stotra in Other Languages –
Sri Anjaneya Stotram » Sri Hanumada Ashtottara Shatanama Stotram 8 Lyrics in Sanskrit » English » Gujarati » Kannada » Malayalam » Odia » Telugu » Tamil