॥ Sri Krishna Ashtottara Shatanama Stotram Odia Lyrics ॥
ଶ୍ରୀକୃଷ୍ଣାଷ୍ଟୋତ୍ତରଶତନାମସ୍ତୋତ୍ରମ୍
ଶ୍ରୀଗଣେଶାୟ ନମଃ ।
ଓଂ ଅସ୍ୟ ଶ୍ରୀକୃଷ୍ଣାଷ୍ଟୋତ୍ତରଶତନାମସ୍ତୋତ୍ରସ୍ୟ ଶ୍ରୀଶେଷ ଋଷିଃ,
ଅନୁଷ୍ଟୁପ୍-ଛନ୍ଦଃ, ଶ୍ରୀକୃଷ୍ଣୋ ଦେଵତା, ଶ୍ରୀକୃଷ୍ଣପ୍ରୀତ୍ୟର୍ଥେ
ଶ୍ରୀକୃଷ୍ଣାଷ୍ଟୋତ୍ତରଶତନାମଜପେ ଵିନିୟୋଗଃ ।
ଶ୍ରୀଶେଷ ଉଵାଚ ।
ଓଂ ଶ୍ରୀକୃଷ୍ଣଃ କମଲାନାଥୋ ଵାସୁଦେଵଃ ସନାତନଃ ।
ଵାସୁଦେଵାତ୍ମଜଃ ପୁଣ୍ୟୋ ଲୀଲାମାନୁଷଵିଗ୍ରହଃ ॥ ୧ ॥
ଶ୍ରୀଵତ୍ସକୌସ୍ତୁଭଧରୋ ୟଶୋଦାଵତ୍ସଲୋ ହରିଃ ।
ଚତୁର୍ଭୁଜାତ୍ତଚକ୍ରାସିଗଦାଶଙ୍ଖାମ୍ବୁଜାୟୁଧଃ ॥ ୨ ॥
ଦେଵକୀନନ୍ଦନଃ ଶ୍ରୀଶୋ ନନ୍ଦଗୋପପ୍ରିୟାତ୍ମଜଃ ।
ୟମୁନାଵେଗସଂହାରୀ ବଲଭଦ୍ରପ୍ରିୟାନୁଜଃ ॥ ୩ ॥
ପୂତନାଜୀଵିତହରଃ ଶକଟାସୁରଭଞ୍ଜନଃ ।
ନନ୍ଦଵ୍ରଜଜନାନନ୍ଦୀ ସଚ୍ଚିଦାନନ୍ଦଵିଗ୍ରହଃ ॥ ୪ ॥
ନଵନୀତନଵାହାରୀ ମୁଚୁକୁନ୍ଦପ୍ରସାଦକଃ ।
ଷୋଡଶସ୍ତ୍ରୀସହସ୍ରେଶସ୍ତ୍ରିଭଙ୍ଗୋ ମଧୁରାକୃତିଃ ॥ ୫ ॥
ଶୁକଵାଗମୃତାବ୍ଧୀନ୍ଦୁର୍ଗୋଵିନ୍ଦୋ ଗୋଵିଦାମ୍ପତିଃ ।
ଵତ୍ସପାଲନସଞ୍ଚାରୀ ଧେନୁକାସୁରଭଞ୍ଜନଃ ॥ ୬ ॥
ତୃଣୀକୃତତୃଣାଵର୍ତୋ ୟମଲାର୍ଜୁନଭଞ୍ଜନଃ ।
ଉତ୍ତାଲତାଲଭେତ୍ତା ଚ ତମାଲଶ୍ୟାମଲାକୃତିଃ ॥ ୭ ॥
ଗୋପୀଗୋପୀଶ୍ଵରୋ ୟୋଗୀ ସୂର୍ୟକୋଟିସମପ୍ରଭଃ ।
ଇଲାପତିଃ ପରଂଜ୍ୟୋତିର୍ୟାଦଵେନ୍ଦ୍ରୋ ୟଦୂଦ୍ଵହଃ ॥ ୮ ॥
ଵନମାଲୀ ପୀତଵାସାଃ ପାରିଜାତାପହାରକଃ ।
ଗୋଵର୍ଧନାଚଲୋଦ୍ଧର୍ତା ଗୋପାଲଃ ସର୍ଵପାଲକଃ ॥ ୯ ॥
ଅଜୋ ନିରଞ୍ଜନଃ କାମଜନକଃ କଞ୍ଜଲୋଚନଃ ।
ମଧୁହା ମଥୁରାନାଥୋ ଦ୍ଵାରକାନାୟକୋ ବଲୀ ॥ ୧୦ ॥
ଵୃନ୍ଦାଵନାନ୍ତସଞ୍ଚାରୀ ତୁଲସୀଦାମଭୂଷଣଃ ।
ସ୍ୟମନ୍ତକମଣେର୍ହର୍ତା ନରନାରାୟଣାତ୍ମକଃ ॥ ୧୧ ॥
କୁବ୍ଜାକୃଷ୍ଣାମ୍ବରଧରୋ ମାୟୀ ପରମପୂରୁଷଃ ।
ମୁଷ୍ଟିକାସୁରଚାଣୂରମହାୟୁଦ୍ଧଵିଶାରଦଃ ॥ ୧୨ ॥
ସଂସାରଵୈରୀ କଂସାରିର୍ମୁରାରିର୍ନରକାନ୍ତକଃ ।
ଅନାଦିର୍ବ୍ରହ୍ମଚାରୀ ଚ କୃଷ୍ଣାଵ୍ୟସନକର୍ଷକଃ ॥ ୧୩ ॥
ଶିଶୁପାଲଶିରଚ୍ଛେତ୍ତା ଦୁର୍ୟୋଧନକୁଲାନ୍ତକୃତ ।
ଵିଦୁରାକ୍ରୂରଵରଦୋ ଵିଶ୍ଵରୂପପ୍ରଦର୍ଶକଃ ॥ ୧୪ ॥
ସତ୍ୟଵାକ୍ ସତ୍ୟସଙ୍କଲ୍ପଃ ସତ୍ୟଭାମାରତୋ ଜୟୀ ।
ସୁଭଦ୍ରାପୂର୍ଵଜୋ ଵିଷ୍ଣୁର୍ଭୀଷ୍ମମୁକ୍ତିପ୍ରଦାୟକଃ ॥ ୧୫ ॥
ଜଗଦ୍ଗୁରୁର୍ଜଗନ୍ନାଥୋ ଵେଣୁଵାଦ୍ୟଵିଶାରଦଃ । ଵେଣୁନାଦଵିଶାରଦଃ
ଵୃଷଭାସୁରଵିଧ୍ଵଂସୀ ବକାରିର୍ବାଣବାହୁକୃତ୍ ॥ ୧୬ ॥ var ବାଣାସୁରବଲାନ୍ତକୃତ୍ ॥
ୟୁଧିଷ୍ଠିରପ୍ରତିଷ୍ଠାତା ବର୍ହିବର୍ହାଵତଂସକଃ ।
ପାର୍ଥସାରଥିରଵ୍ୟକ୍ତୋ ଗୀତାମୃତମହୋଦଧିଃ ॥ ୧୭ ॥
କାଲୀୟଫଣିମାଣିକ୍ୟରଞ୍ଜିତଶ୍ରୀପଦାମ୍ବୁଜଃ ।
ଦାମୋଦରୋ ୟଜ୍ଞଭୋକ୍ତା ଦାନଵେନ୍ଦ୍ରଵିନାଶନଃ ॥ ୧୮ ॥
ନାରାୟଣଃ ପରମ୍ବ୍ରହ୍ମ ପନ୍ନଗାଶନଵାହନଃ ।
ଜଲକ୍ରୀଡାସମାସକ୍ତଗୋପୀଵସ୍ତ୍ରାପହାରକଃ ॥ ୧୯ ॥
ପୁଣ୍ୟଶ୍ଲୋକସ୍ତୀର୍ଥକରୋ ଵେଦଵେଦ୍ୟୋ ଦୟାନିଧିଃ ।
ସର୍ଵତୀର୍ଥାତ୍ମକଃ ସର୍ଵଗ୍ରହରୂପୀ ପରାତ୍ପରଃ ॥ ୨୦ ॥
ଇତ୍ୟେଵଂ କୃଷ୍ଣଦେଵସ୍ୟ ନାମ୍ନାମଷ୍ଟୋତ୍ତରଂ ଶତମ୍ ।
କୃଷ୍ଣେନ କୃଷ୍ଣଭକ୍ତେନ ଶ୍ରୁତ୍ଵା ଗୀତାମୃତଂ ପୁରା ॥ ୨୧ ॥
ସ୍ତୋତ୍ରଂ କୃଷ୍ଣପ୍ରିୟକରଂ କୃତଂ ତସ୍ମାନ୍ମୟା ପୁରା ।
କୃଷ୍ଣନାମାମୃତଂ ନାମ ପରମାନନ୍ଦଦାୟକମ୍ ॥ ୨୨ ॥
ଅନୁପଦ୍ରଵଦୁଃଖଘ୍ନଂ ପରମାୟୁଷ୍ୟଵର୍ଧନମ୍
ଦାନଂ ଶ୍ରୁତଂ ତପସ୍ତୀର୍ଥଂ ୟତ୍କୃତଂ ତ୍ଵିହ ଜନ୍ମନି ॥ ୨୩ ॥
ପଠତାଂ ଶୃଣ୍ଵତାଂ ଚୈଵ କୋଟିକୋଟିଗୁଣଂ ଭଵେତ୍ ।
ପୁତ୍ରପ୍ରଦମପୁତ୍ରାଣାମଗତୀନାଂ ଗତିପ୍ରଦମ୍ ॥ ୨୪ ॥
ଧନାଵହଂ ଦରିଦ୍ରାଣାଂ ଜୟେଚ୍ଛୂନାଂ ଜୟାଵହମ୍ ।
ଶିଶୂନାଂ ଗୋକୁଲାନାଂ ଚ ପୁଷ୍ଟିଦଂ ପୁଷ୍ଟିଵର୍ଧନମ୍ ॥ ୨୫ ॥
ଵାତଗ୍ରହଜ୍ଵରାଦୀନାଂ ଶମନଂ ଶାନ୍ତିମୁକ୍ତିଦମ୍ ।
ସମସ୍ତକାମଦଂ ସଦ୍ୟଃ କୋଟିଜନ୍ମାଘନାଶନମ୍ ॥ ୨୬ ॥
ଅନ୍ତେ କୃଷ୍ଣସ୍ମରଣଦଂ ଭଵତାପଭୟାପହମ୍ ।
କୃଷ୍ଣାୟ ୟାଦଵେନ୍ଦ୍ରାୟ ଜ୍ଞାନମୁଦ୍ରାୟ ୟୋଗିନେ ।
ନାଥାୟ ରୁକ୍ମିଣୀଶାୟ ନମୋ ଵେଦାନ୍ତଵେଦିନେ ॥ ୨୭ ॥
ଇମଂ ମନ୍ତ୍ରଂ ମହାଦେଵି ଜପନ୍ନେଵ ଦିଵାନିଶମ୍ ।
ସର୍ଵଗ୍ରହାନୁଗ୍ରହଭାକ୍ ସର୍ଵପ୍ରିୟତମୋ ଭଵେତ୍ ॥ ୨୮ ॥
ପୁତ୍ରପୌତ୍ରୈଃ ପରିଵୃତଃ ସର୍ଵସିଦ୍ଧିସମୃଦ୍ଧିମାନ୍ ।
ନିର୍ଵିଶ୍ୟ ଭୋଗାନନ୍ତେଽପି କୃଷ୍ଣସାୟୁଜ୍ୟମାପ୍ୟୁନାତ୍ ॥ ୨୯ ॥
॥ ଇତି ଶ୍ରୀନାରଦପଞ୍ଚରାତ୍ରେ ଶ୍ରୀକୃଷ୍ଣାଷ୍ଟୋତ୍ତରଶତନାମସ୍ତୋତ୍ରଂ ସମାପ୍ତମ୍ ॥
– Chant Stotra in Other Languages –
Sri Vishnu Stotram » Sri Krishna Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil