॥ Sri Panchamukha Anjaneya Kavacham Telugu Lyrics ॥
పంచముఖహనుమత్కవచమ్
॥ శ్రీగణేశాయ నమః ॥
॥ శ్రీఉమామహేశ్వరాభ్యాం నమః ॥
॥ శ్రీసీతారామచన్ద్రాభ్యాం నమః ॥
॥ శ్రీపఞ్చవదనాయాఞ్జనేయాయ నమః ॥
అథ శ్రీపఞ్చముఖీహనుమత్కవచప్రారమ్భః ॥
శ్రీపార్వత్యువాచ ।
సదాశివ వరస్వామిఞ్జ్ఞానద ప్రియకారకః ।
కవచాది మయా సర్వం దేవానాం సంశ్రుతం ప్రియ ॥ ౧ ॥
ఇదానీం శ్రోతుమిచ్ఛామి కవచం కరుణానిధే ।
వాయుసూనోర్వరం యేన నాన్యదన్వేషితం భవేత్ ।
సాధకానాం చ సర్వస్వం హనుమత్ప్రీతి వర్ద్ధనమ్ ॥ ౨ ॥
శ్రీశివ ఉవాచ ।
దేవేశి దీర్ఘనయనే దీక్షాదీప్తకలేవరే ।
మాం పృచ్ఛసి వరారోహే న కస్యాపి మయోదితమ్ ॥ ౩ ॥
కథం వాచ్యం హనుమతః కవచం కల్పపాదపమ్ ।
స్రీరూపా త్వమిదం నానాకుటమణ్డితవిగ్రహమ్ ॥ ౪ ॥
గహ్వరం గురుగమ్యం చ యత్ర కుత్ర వదిష్యసి ।
తేన ప్రత్యుత పాపాని జాయన్తే గజగామిని ॥ ౫ ॥
అతఏవ మహేశాని నో వాచ్యం కవచం ప్రియే ॥ ౬ ॥
శ్రీపార్వత్యువాచ ।
వదాన్యస్య వచోనేదం నాదేయం జగతీతలే ।
స్వం వదాన్యావధిః ప్రాణనాథో మే ప్రియకృత్సదా ॥ ౭ ॥
మహ్యం చ కిం న దత్తం తే తదిదానీం వదామ్యహమ ।
గణపం శాక్త సౌరే చ శైవం వైష్ణవముత్తమమ్ ॥ ౮ ॥
మన్త్రయన్త్రాదిజాలం హి మహ్యం సామాన్యతస్త్వయా ।
దత్తం విశేషతో యద్యత్తత్సర్వం కథయామి తే ॥ ౯ ॥
శ్రీరామ తారకో మన్త్రః కోదణ్డస్యాపి మే ప్రియః ।
నృహరేః సామరాజో హి కాలికాద్యాః ప్రియంవద ॥ ౧౦ ॥
దశావిద్యావిశేషేణ షోడశీమన్త్రనాయికాః ।
దక్షిణామూర్తిసంజ్ఞోఽన్యో మన్త్రరాజో ధరాపతే ॥ ౧౧ ॥
సహస్రార్జునకస్యాపి మన్త్రా యేఽన్యే హనూమతః ।
యే తే హ్యదేయా దేవేశ తేఽపి మహ్యం సమర్పితాః ॥ ౧౨ ॥
కిం బహూక్తేన గిరిశ ప్రేమయాన్త్రితచేతసా ।
అర్ధాఙ్గమపి మహ్యం తే దత్తం కిం తే వదామ్యహమ్ ।
స్త్రీరూపం మమ జీవేశ పూర్వం తు న విచారితమ్ ॥ ౧౩ ॥
శ్రీశివ ఉవాచ ।
సత్యం సత్యం వరారోహే సర్వం దత్తం మయా తవ ।
పరం తు గిరిజే తుభ్యం కథ్యతే శ్రుణు సామ్ప్రతమ్ ॥ ౧౪ ॥
కలౌ పాఖణ్డబహులా నానావేషధరా నరాః ।
జ్ఞానహీనా లుబ్ధకాశ్చ వర్ణాశ్రమబహిష్కృతాః ॥ ౧౫ ॥
వైష్ణవత్వేన విఖ్యాతాః శైవత్వేన వరానన ।
శాక్తత్వేన చ దేవేశి సౌరత్వేనేతరే జనాః ॥ ౧౬ ॥
గాణపత్వేన గిరిజే శాస్త్రజ్ఞానబహిష్కృతాః ।
గురుత్వేన సమాఖ్యాతా విచరిష్యన్తి భూతలే ॥ ౧౭ ॥
తే శిష్యసఙ్గ్రహం కర్తుముద్యుక్తా యత్ర కుత్రాచిత్ ।
మన్త్రాద్యుచ్చారణే తేషాం నాస్తి సామర్థ్యమమ్బికే ॥ ౧౮ ॥
తచ్ఛిష్యాణాం చ గిరిజే తథాపి జగతీతలే ।
పఠన్తి పాఠయిష్యతి విప్రద్వేషపరాః సదా ॥ ౧౯ ॥
ద్విజద్వేషపరాణాం హి నరకే పతనం ధువమ్ ।
ప్రకృతం వచ్మి గిరిజే యన్మయా పూర్వమీరితమ్ ॥ ౨౦ ॥
నానారూపమిదం నానాకూటమణ్డితవిగ్రహమ్ ।
తత్రోత్తరం మహేశానే శృణు యత్నేన సామ్ప్రతమ్ ॥ ౨౧ ॥
తుభ్యం మయా యదా దేవి వక్తవ్యం కవచం శుభమ్ ।
నానాకూటమయం పశ్చాత్త్వయాఽపి ప్రేమతః ప్రియమ్ ॥ ౨౨ ॥
వక్తవ్యం కత్రచిత్తత్తు భువనే విచరిష్యతి ।
విశ్వాన్తఃపాతినాం భద్రే యది పుణ్యవతాం సతామ్ ॥ ౨౩ ॥
సత్సమ్ప్రదాయశుద్ధానాం దీక్షామన్త్రవతాం ప్రియే ।
బ్రాహ్మణాః క్షత్రియా వైశ్యా విశేషేణ వరాననే ॥ ౨౪ ॥
ఉచారణే సమర్థానాం శాస్త్రనిష్ఠావతాం సదా ।
హస్తాగతం భవేద్భద్రే తదా తే పుణ్యముత్తమమ్ ॥ ౨౫ ॥
అన్యథా శూద్రజాతీనాం పూర్వోక్తానాం మహేశ్వరి ।
ముఖశుద్ధివిహీనానాం దామ్భికానాం సురేశ్వరి ॥ ౨౬ ॥
యదా హస్తగతం తత్స్యాత్తదా పాపం మహత్తవ ।
తస్మాద్విచార్యదేవేశి హ్యధికారిణమమ్బికే ॥ ౨౭ ॥
వక్తవ్యం నాత్ర సన్దేహో హ్యన్యథా నిరయం వ్రజేత్ ।
కిం కర్తవ్యం మయా తుభ్యముచ్యతే ప్రేమతః ప్రియే ।
త్వయాపీదం విశేషేణ గేపనీయం స్వయోనివత్ ॥ ౨౮ ॥
ఓం శ్రీ పఞ్చవదనాయాఞ్జనేయాయ నమః । ఓం అస్య శ్రీ
పఞ్చముఖహనుమన్మన్త్రస్య బ్రహ్మా ఋషిః ।
గాయత్రీఛన్దః । పఞ్చముఖవిరాట్ హనుమాన్దేవతా । హ్రీం బీజమ్ ।
శ్రీం శక్తిః । క్రౌం కీలకమ్ । క్రూం కవచమ్ । క్రైం అస్త్రాయ ఫట్ ।
ఇతి దిగ్బన్ధః । శ్రీ గరుడ ఉవాచ ।
అథ ధ్యానం ప్రవక్ష్యామి శృణుసర్వాఙ్గసున్దరి ।
యత్కృతం దేవదేవేన ధ్యానం హనుమతః ప్రియమ్ ॥ ౧ ॥
పఞ్చవక్త్రం మహాభీమం త్రిపఞ్చనయనైర్యుతమ్ ।
బాహుభిర్దశభిర్యుక్తం సర్వకామార్థసిద్ధిదమ్ ॥ ౨ ॥
పూర్వం తు వానరం వక్త్రం కోటిసూర్యసమప్రభమ్ ।
దన్ష్ట్రాకరాలవదనం భృకుటీకుటిలేక్షణమ్ ॥ ౩ ॥
అస్యైవ దక్షిణం వక్త్రం నారసింహం మహాద్భుతమ్ ।
అత్యుగ్రతేజోవపుషం భీషణం భయనాశనమ్ ॥ ౪ ॥
పశ్చిమం గారుడం వక్త్రం వక్రతుణ్డం మహాబలమ్ ॥
సర్వనాగప్రశమనం విషభూతాదికృన్తనమ్ ॥ ౫ ॥
ఉత్తరం సౌకరం వక్త్రం కృష్ణం దీప్తం నభోపమమ్ ।
పాతాలసింహవేతాలజ్వరరోగాదికృన్తనమ్ ॥ ౬ ॥
ఊర్ధ్వం హయాననం ఘోరం దానవాన్తకరం పరమ్ ।
యేన వక్త్రేణ విప్రేన్ద్ర తారకాఖ్యం మహాసురమ్ ॥ ౭ ॥
జఘాన శరణం తత్స్యాత్సర్వశత్రుహరం పరమ్ ।
ధ్యాత్వా పఞ్చముఖం రుద్రం హనుమన్తం దయానిధిమ్ ॥ ౮ ॥
ఖడ్గం త్రిశూలం ఖట్వాఙ్గం పాశమఙ్కుశపర్వతమ్ ।
ముష్టిం కౌమోదకీం వృక్షం ధారయన్తం కమణ్డలుమ్ ॥ ౯ ॥
భిన్దిపాలం జ్ఞానముద్రాం దశభిర్మునిపుఙ్గవమ్ ।
ఏతాన్యాయుధజాలాని ధారయన్తం భజామ్యహమ్ ॥ ౧౦ ॥
ప్రేతాసనోపవిష్టం తం సర్వాభరణభూషితమ్ ।
దివ్యమాల్యామ్బరధరం దివ్యగన్ధానులేపనమ్ ॥ ౧౧ ॥
సర్వాశ్చర్యమయం దేవం హనుమద్విశ్వతోముఖమ్ ।
పఞ్చాస్యమచ్యుతమనేకవిచిత్రవర్ణవక్త్రం
శశాఙ్కశిఖరం కపిరాజవర్యమ ।
పీతామ్బరాదిముకుటైరూపశోభితాఙ్గం
పిఙ్గాక్షమాద్యమనిశం మనసా స్మరామి ॥ ౧౨ ॥
మర్కటేశం మహోత్సాహం సర్వశత్రుహరం పరమ్ ।
శత్రు సంహర మాం రక్ష శ్రీమన్నాపదముద్ధర ॥ ౧౩ ॥
ఓం హరిమర్కట మర్కట మన్త్రమిదం
పరిలిఖ్యతి లిఖ్యతి వామతలే ।
యది నశ్యతి నశ్యతి శత్రుకులం
యది ముఞ్చతి ముఞ్చతి వామలతా ॥ ౧౪ ॥
ఓం హరిమర్కటాయ స్వాహా ।
ఓం నమో భగవతే పఞ్చవదనాయ పూర్వకపిముఖాయ
సకలశత్రుసంహారకాయ స్వాహా ।
ఓం నమో భగవతే పఞ్చవదనాయ దక్షిణముఖాయ కరాలవదనాయ
నరసింహాయ సకలభూతప్రమథనాయ స్వాహా ।
ఓం నమో భగవతే పఞ్చవదనాయ పశ్చిమముఖాయ గరుడాననాయ
సకలవిషహరాయ స్వాహా ।
ఓం నమో భగవతే పఞ్చవదనాయోత్తరముఖాయాదివరాహాయ
సకలసమ్పత్కరాయ స్వాహా ।
ఓం నమో భగవతే పఞ్చవదనాయోర్ధ్వముఖాయ హయగ్రీవాయ
సకలజనవశఙ్కరాయ స్వాహా ।
ఓం అస్య శ్రీ పఞ్చముఖహనుమన్మన్త్రస్య శ్రీరామచన్ద్ర
ఋషిః । అనుష్టుప్ఛన్దః । పఞ్చముఖవీరహనుమాన్ దేవతా ।
హనుమానితి బీజమ్ । వాయుపుత్ర ఇతి శక్తిః । అఞ్జనీసుత ఇతి కీలకమ్ ।
శ్రీరామదూతహనుమత్ప్రసాదసిద్ధ్యర్థే జపే వినియోగః ।
ఇతి ఋష్యాదికం విన్యసేత్ ॥
ఓం అఞ్జనీసుతాయ అఙ్గుష్ఠాభ్యాం నమః ।
ఓం రుద్రమూర్తయే తర్జనీభ్యాం నమః ।
ఓం వాయుపుత్రాయ మధ్యమాభ్యాం నమః ।
ఓం అగ్నిగర్భాయ అనామికాభ్యాం నమః ।
ఓం రామదూతాయ కనిష్ఠికాభ్యాం నమః ।
ఓం పఞ్చముఖహనుమతే కరతలకరపృష్ఠాభ్యాం నమః ।
ఇతి కరన్యాసః ॥
ఓం అఞ్జనీసుతాయ హృదయాయ నమః ।
ఓం రుద్రమూర్తయే శిరసే స్వాహా ।
ఓం వాయుపుత్రాయ శిఖాయై వషట్ ।
ఓం అగ్నిగర్భాయ కవచాయ హుమ్ ।
ఓం రామదూతాయ నేత్రత్రయాయ వౌషట్ ।
ఓం పఞ్చముఖహనుమతే అస్త్రాయ ఫట్ ।
పఞ్చముఖహనుమతే స్వాహా ।
ఇతి దిగ్బన్ధః ॥
అథ ధ్యానమ్ ।
వన్దే వానరనారసింహఖగరాట్క్రోడాశ్వవక్త్రాన్వితం
దివ్యాలఙ్కరణం త్రిపఞ్చనయనం దేదీప్యమానం రుచా ।
హస్తాబ్జైరసిఖేటపుస్తకసుధాకుమ్భాఙ్కుశాద్రిం హలం
ఖట్వాఙ్గం ఫణిభూరుహం దశభుజం సర్వారివీరాపహమ్ ।
అథ మన్త్రః ।
ఓం శ్రీరామదూతాయాఞ్జనేయాయ వాయుపుత్రాయ మహాబలపరాక్రమాయ
సీతాదుఃఖనివారణాయ లఙ్కాదహనకారణాయ మహాబలప్రచణ్డాయ
ఫాల్గునసఖాయ కోలాహలసకలబ్రహ్మాణ్డవిశ్వరూపాయ
సప్తసముద్రనిర్లఙ్ఘనాయ పిఙ్గలనయనాయామితవిక్రమాయ
సూర్యబిమ్బఫలసేవనాయ దుష్టనివారణాయ దృష్టినిరాలఙ్కృతాయ
సఞ్జీవినీసఞ్జీవితాఙ్గదలక్ష్మణమహాకపిసైన్యప్రాణదాయ
దశకణ్ఠవిధ్వంసనాయ రామేష్టాయ మహాఫాల్గునసఖాయ సీతాసహిత-
రామవరప్రదాయ షట్ప్రయోగాగమపఞ్చముఖవీరహనుమన్మన్త్రజపే వినియోగః ।
ఓం హరిమర్కటమర్కటాయ బంబంబంబంబం వౌషట్ స్వాహా ।
ఓం హరిమర్కటమర్కటాయ ఫంఫంఫంఫంఫం ఫట్ స్వాహా ।
ఓం హరిమర్కటమర్కటాయ ఖేంఖేంఖేంఖేంఖేం మారణాయ స్వాహా ।
ఓం హరిమర్కటమర్కటాయ లుంలుంలుంలుంలుం ఆకర్షితసకలసమ్పత్కరాయ స్వాహా ।
ఓం హరిమర్కటమర్కటాయ ధంధంధంధంధం శత్రుస్తమ్భనాయ స్వాహా ।
ఓం టంటంటంటంటం కూర్మమూర్తయే పఞ్చముఖవీరహనుమతే
పరయన్త్రపరతన్త్రోచ్చాటనాయ స్వాహా ।
ఓం కంఖంగంఘంఙం చంఛంజంఝంఞం టంఠండంఢంణం
తంథందంధంనం పంఫంబంభంమం యంరంలంవం శంషంసంహం
ళఙ్క్షం స్వాహా ।
ఇతి దిగ్బన్ధః ।
ఓం పూర్వకపిముఖాయ పఞ్చముఖహనుమతే టంటంటంటంటం
సకలశత్రుసంహరణాయ స్వాహా ।
ఓం దక్షిణముఖాయ పఞ్చముఖహనుమతే కరాలవదనాయ నరసింహాయ
ఓం హ్రాం హ్రీం హ్రూం హ్రైం హ్రౌం హ్రః సకలభూతప్రేతదమనాయ స్వాహా ।
ఓం పశ్చిమముఖాయ గరుడాననాయ పఞ్చముఖహనుమతే మంమంమంమంమం
సకలవిషహరాయ స్వాహా ।
ఓం ఉత్తరముఖాయాదివరాహాయ లంలంలంలంలం నృసింహాయ నీలకణ్ఠమూర్తయే
పఞ్చముఖహనుమతే స్వాహా ।
ఓం ఉర్ధ్వముఖాయ హయగ్రీవాయ రుంరుంరుంరుంరుం రుద్రమూర్తయే
సకలప్రయోజననిర్వాహకాయ స్వాహా ।
ఓం అఞ్జనీసుతాయ వాయుపుత్రాయ మహాబలాయ సీతాశోకనివారణాయ
శ్రీరామచన్ద్రకృపాపాదుకాయ మహావీర్యప్రమథనాయ బ్రహ్మాణ్డనాథాయ
కామదాయ పఞ్చముఖవీరహనుమతే స్వాహా ।
భూతప్రేతపిశాచబ్రహ్మరాక్షసశాకినీడాకిన్యన్తరిక్షగ్రహ-
పరయన్త్రపరతన్త్రోచ్చటనాయ స్వాహా ।
సకలప్రయోజననిర్వాహకాయ పఞ్చముఖవీరహనుమతే
శ్రీరామచన్ద్రవరప్రసాదాయ జంజంజంజంజం స్వాహా ।
ఇదం కవచం పఠిత్వా తు మహాకవచం పఠేన్నరః ।
ఏకవారం జపేత్స్తోత్రం సర్వశత్రునివారణమ్ ॥ ౧౫ ॥
ద్వివారం తు పఠేన్నిత్యం పుత్రపౌత్రప్రవర్ధనమ్ ।
త్రివారం చ పఠేన్నిత్యం సర్వసమ్పత్కరం శుభమ్ ॥ ౧౬ ॥
చతుర్వారం పఠేన్నిత్యం సర్వరోగనివారణమ్ ।
పఞ్చవారం పఠేన్నిత్యం సర్వలోకవశఙ్కరమ్ ॥ ౧౭ ॥
షడ్వారం చ పఠేన్నిత్యం సర్వదేవవశఙ్కరమ్ ।
సప్తవారం పఠేన్నిత్యం సర్వసౌభాగ్యదాయకమ్ ॥ ౧౮ ॥
అష్టవారం పఠేన్నిత్యమిష్టకామార్థసిద్ధిదమ్ ।
నవవారం పఠేన్నిత్యం రాజభోగమవాప్నుయాత్ ॥ ౧౯ ॥
దశవారం పఠేన్నిత్యం త్రైలోక్యజ్ఞానదర్శనమ్ ।
రుద్రావృత్తిం పఠేన్నిత్యం సర్వసిద్ధిర్భవేద్ధ్రువమ్ ॥ ౨౦ ॥
నిర్బలో రోగయుక్తశ్చ మహావ్యాధ్యాదిపీడితః ।
కవచస్మరణేనైవ మహాబలమవాప్నుయాత్ ॥ ౨౧ ॥
॥ ఇతి శ్రీసుదర్శనసంహితాయాం శ్రీరామచన్ద్రసీతాప్రోక్తం
శ్రీపఞ్చముఖహనుమత్కవచం సమ్పూర్ణమ్ ॥
– Chant Stotras in other Languages –
Sri Anjaneya Kavacham » Sri Panchamukha Hanuman Kavacham Lyrics in Sanskrit » English » Bengali » Gujarati » Kannada » Malayalam » Odia » Tamil