॥ Aghoramurti Sahasranamavali Gujarati Lyrics ॥
॥ અઘોરમૂર્તિસહસ્રનામસ્તોત્રમ્ ॥
અથ અઘોરમૂર્તિસહસ્રનામ લિખ્યતે –
ૐ શ્રીં હ્રીં ક્લીં સૌઃ ક્ષ્મીં ઘોર ઘોરાય જ્વલ જ્વલ
પ્રજ્વલ પ્રજ્વલ અઘોરાસ્ત્રાય ફટ્ સ્વાહા ।
। ઇતિ મૂલમ્ ।
શ્રીભૈરવી ઉવાચ –
ભગવન્સર્વધર્મજ્ઞ વિશ્વાભયવરપ્રદ ।
સર્વેશ સર્વશાસ્ત્રજ્ઞ સર્વાતીત સનાતન ॥ ૧ ॥
ત્વમેવ પરમં તત્ત્વં ત્વમેવ પરમં પદમ્ ।
ત્વત્તોઽપ્યન્યં ન પશ્યામિ સારં સારોત્તમોત્તમમ્ ॥ ૨ ॥
પુરાઽસ્માકં વરો દત્તો દેવદાનવસઙ્ગરે ।
તદદ્ય કૃપયા શમ્ભો વરં નાથ પ્રયચ્છ મે ॥ ૩ ॥
શ્રીભૈરવ ઉવાચ –
ભૈરવિ પ્રેયસિ ત્વં મે સત્યં દત્તો વરો મયા ।
યદદ્ય મનસાભીષ્ટં તદ્યાચસ્વ દદામ્યહમ્ ॥ ૪ ॥
શ્રીદેવી ઉવાચ –
શ્રીશિવઃ પરમાત્મા ચ ભૈરવોઽઘોરસંજ્ઞકઃ ।
ત્રિગુણાત્મા મહારુદ્રસ્ત્રૈલોક્યોદ્ધરણક્ષમઃ ॥ ૫ ॥
તસ્ય નામસહસ્રં મે વદ શીઘ્રં કૃપાનિધે ।
વરમેતન્મહાદેવ દેહિ સત્યં મદીપ્સિતમ્ ।
અસ્માદ્વરં ન યાચેઽહં દેહિ ચેદસ્તિ મે દયા ॥ ૬ ॥
શ્રીભૈરવ ઉવાચ –
શૃણુષ્વૈકાન્તભૂદેશે સાનૌ કૈલાસભૂભૃતઃ ।
દેવદાનવસઙ્ગ્રામે યત્તે દત્તો વરો મયા ।
વરં તત્તે પ્રયચ્છામિ ચાન્યદ્વરય મે વરમ્ ॥ ૭ ॥
શ્રીદેવી ઉવાચ –
અતઃ પરં ન યાચેઽહં વરમન્યન્મહેશ્વર ।
કૃપયા કરુણામ્ભોધે વદ શીઘ્રં સુરાર્ચિત ॥ ૮ ॥
શ્રીભૈરવ ઉવાચ –
તવ ભક્ત્યા બ્રવીમ્યદ્ય અઘોરસ્ય મહાત્મનઃ ।
નામ્નાં સહસ્રં પરમં ત્રૈલોક્યોદ્ધરણક્ષમમ્ ॥ ૯ ॥
નાતઃ પરતરા વિદ્યા નાતઃ પરતરઃ સ્તવઃ ।
નાતઃ પરતરં સ્તોત્રં સર્વસ્વં મમ પાર્વતિ ॥ ૧૦ ॥
અકારાદિ ક્ષકારાન્તા વિદ્યાનિધિમનુત્તમમ્ ।
બીજમન્ત્રમયં ગોપ્યં ગોપ્તવ્યં પશુસઙ્કટે ॥ ૧૧ ॥
ૐ અસ્ય શ્રીઅઘોરમૂર્તિનામસહસ્રસ્ય શ્રીમહાકાલભૈરવ ઋષિઃ,
પઙ્ક્તિ છન્દઃ, અઘોરમૂર્તિઃ પરમાત્મા દેવતા ।
ૐ બીજં, હ્રીં શક્તિઃ, કુરુ કુરુ કીલકમ્ ।
અઘોર વિદ્યાસિદ્ધ્યર્થે જપે પાઠે વિનિયોગઃ ।
અથ ન્યાસઃ –
હ્રાં અઙ્ગુષ્ઠભ્યાં નમઃ ।
હ્રીં તર્જનીભ્યાં નમઃ ।
હ્રૂઁ મધ્યમાભ્યાં નમઃ ।
હ્રૈં અનામિકાભ્યાં નમઃ ।
હ્રૌં કનિષ્ઠિકાભ્યાં નમઃ ।
હ્રઃ કરતલકરપૃષ્ઠાભ્યાં નમઃ ।
એવં હૃદયાદિ ષડઙ્ગન્યાસઃ ।
અપિ ચ-
ૐ નમો ભગવતે અઘોરાય શૂલપાણયે સ્વાહા હૃદયાય નમઃ ।
રુદ્રાયામૃતમૂર્તયે માં જીવય જીવય શિરસે સ્વાહા ।
નીલકણ્ઠાય ચન્દ્રજટિને શિખાયૈ વષટ્ ।
ત્રિપુરાન્તકાય કવચાય હુમ્ ।
ત્રિલોચનાય ઋગ્યજુઃસામમૂર્તયે નેત્રાભ્યાં વૌષટ્ ।
રુદ્રાયાગ્નિત્રયાય જ્વલ જ્વલ માં રક્ષ રક્ષ
અઘોરાસ્ત્રાય હું ફટ્ સ્વાહા । અસ્ત્રાય ફટ્ ।
ઇતિ હૃદયાદિ ષડઙ્ગન્યાસઃ એવં કરન્યાસઃ ।
ભૂ ર્ભુવઃ સ્વરિતિ દિગ્બન્ધઃ ।
અથ ધ્યાનમ્ ।
શ્રીચન્દ્રમણ્ડલગતામ્બુજપીતમધ્યે
દેવં સુધાસ્રવિણમિન્દુકલાધરં ચ ।
શુદ્ધાક્ષસૂત્રકલશામૃતપદ્મહસ્તં
દેવં ભજામિ હૃદયે ભુવનૈકનાથમ્ ॥
અપિ ચ –
મહાકાયં મહોરસ્કં મહાદંશં મહાભુજમ્ ।
સુધાસ્યં શશિમૌલિં ચ જ્વાલાકેશોર્ધ્વબન્ધનમ્ ॥
કિઙ્કિણીમાલયા યુક્તં સર્પયજ્ઞોપવીતિનમ્ ।
રક્તામ્બરધરં દેવં રક્તમાલાવિભૂષિતમ્ ।
પાદકિઙ્કિણીસઞ્ચ્છન્નં નૂપુરૈરતિશોભિતમ્ ॥
ધ્યાનમાર્ગસ્થિતં ઘોરં પઙ્કજાસનસંસ્થિતમ્ ।
ભજામિ હૃદયે દેવં દેવં ચાઘોરભૈરવમ્ ॥
। ઇતિ ધ્યાનમ્ ।
અથ મૂલમન્ત્રઃ ।
અઘોરેભ્યોઽથ ઘોરેભ્યો ઘોરઘોરતરેભ્યઃ ।
સર્વતઃ સર્વસર્વેભ્યો નમસ્તે રુદ્રરૂપેભ્યઃ ॥
। ઇતિ મૂલમ્ ।
અથ અઘોરાય નમઃ ।
ૐ હ્રીં શ્રીં ક્લીં મહારુદ્રો ગ્લૌં ગ્લાં અઘોરભૈરવઃ ।
ક્ષ્મીં કાલાગ્નિઃ કલાનાથઃ કાલઃ કાલાન્તકઃ કલિઃ ॥ ૧ ॥
શ્મશાનભૈરવો ભીમો ભીતિહા ભગવાન્પ્રભુઃ ।
ભાગ્યદો મુણ્ડહસ્તશ્ચ મુણ્ડમાલાધરો મહાન્ ॥ ૨ ॥
ઉગ્રોગ્રરવોઽત્યુગ્ર ઉગ્રતેજાશ્ચ રોગહા ।
રોગદો ભોગદો ભોક્તા સત્યઃ શુદ્ધઃ સનાતનઃ ॥ ૩ ॥
ચિત્સ્વરૂપો મહાકાયો મહાદીપ્તિર્મનોન્મનઃ ।
માન્યો ધન્યો યશસ્કર્તા હર્તા ભર્ત્તા મહાનિધિઃ ॥ ૪ ॥
ચિદાનન્દશ્ચિદાકારશ્ચિદુલ્લાસશ્ચિદીશ્વરઃ ।
ચિન્ત્યોઽચિન્ત્યોઽચિન્ત્યરૂપઃ સ્વરૂપો રૂપવિગ્રહી ॥ ૫ ॥
ભૂતેભ્યો ભૂતિદો ભૂત્યં ભૂતાત્મા ભૂતભાવનઃ ।
ચિદાનન્દઃ પ્રકાશાત્મા સનાત્માબોધવિગ્રહઃ ॥ ૬ ॥
હૃદ્બોધો બોધવાન્ બુદ્ધો બુદ્ધિદો બુદ્ધમણ્ડનઃ ।
સત્યપૂર્ણઃ સત્યસન્ધઃ સતીનાથઃ સમાશ્રયઃ ॥ ૭ ॥
ત્રૈગુણ્યો નિર્ગુણો ગુણ્યોઽગ્રણીર્ગુણવિવર્જિતઃ ।
સુભાવઃ સુભવઃ સ્તુત્યઃ સ્તોતા શ્રોતા વિભાકરઃ ॥ ૮ ॥
કાલકાલાન્ધકત્રાસકર્તા હર્તા વિભીષણઃ ।
વિરૂપાક્ષઃ સહસ્રાક્ષો વિશ્વાક્ષો વિશ્વતોમુખઃ ॥ ૯ ॥
ચરાચરાત્મા વિશ્વાત્મા વિશ્વબોધો વિનિગ્રહઃ ।
સુગ્રહો વિગ્રહો વીરો ધીરો ધીરભૃતાં વરઃ ॥ ૧૦ ॥
શૂરઃ શૂલી શૂલહર્તા શઙ્કરો વિશ્વશઙ્કરઃ ।
કઙ્કાલી કલિહા કામી હાસહા કામવલ્લભઃ ॥ ૧૧ ॥
કાન્તારવાસી કાન્તાસ્થઃ કાન્તાહૃદયધારણઃ ।
કામ્યઃ કામ્યનિધિઃ કાન્તાકમનીયઃ કલાધરઃ ॥ ૧૨ ॥
કલેશઃ સકલેશશ્ચ વિકલઃ શકલાન્તકઃ ।
શાન્તો ભ્રાન્તો મહારૂપી સુલભો દુર્લભાશયઃ ॥ ૧૩ ॥
લભ્યોઽનન્તો ધનાધીનઃ સર્વગઃ સામગાયનઃ ।
સરોજનયનઃ સાધુઃ સાધૂનામભયપ્રદઃ ॥ ૧૪ ॥
સર્વસ્તુત્યઃ સર્વગતિઃ સર્વાતીતોઽપ્યગોચરઃ ।
ગોપ્તા ગોપ્તતરો ગાનતત્પરઃ સત્યપરાયણઃ ॥ ૧૫ ॥
અસહાયો મહાશાન્તો મહામૂર્તો મહોરગઃ ।
મહતીરવસન્તુષ્ટો જગતીધરધારણઃ ॥ ૧૬ ॥
ભિક્ષુઃ સર્વેષ્ટફલદો ભયાનકમુખઃ શિવઃ ।
ભર્ગો ભાગીરથીનાથો ભગમાલાવિભૂષણઃ ॥ ૧૭ ॥
જટાજૂટી સ્ફુરત્તેજશ્ચણ્ડાંશુશ્ચણ્ડવિક્રમઃ ।
દણ્ડી ગણપતિર્ગુણ્યો ગણનીયો ગણાધિપઃ ॥ ૧૮ ॥
કોમલાઙ્ગોઽપિ ક્રૂરાસ્યો હાસ્યો માયાપતિઃ સુધીઃ ।
સુખદો દુઃખહા દમ્ભો દુર્જયો વિજયી જયઃ ॥ ૧૯ ॥
જયોઽજયો જ્વલત્તેજો મન્દાગ્નિર્મદવિગ્રહઃ ।
માનપ્રદો વિજયદો મહાકાલઃ સુરેશ્વરઃ ॥ ૨૦ ॥
અભયાઙ્કો વરાઙ્કશ્ચ શશાઙ્કકૃતશેખરઃ ।
લેખ્યો લિપ્યો વિલાપી ચ પ્રતાપી પ્રમથાધિપઃ ॥ ૨૧ ॥
પ્રખ્યો દક્ષો વિમુક્તશ્ચ રુક્ષો દક્ષમખાન્તકઃ ।
ત્રિલોચનસ્ત્રિવર્ગેશઃ ત્રિગુણી ત્રિતયીપતિઃ ॥ ૨૨ ॥
ત્રિપુરેશસ્ત્રિલોકેશસ્ત્રિનેત્રસ્ત્રિપુરાન્તકઃ ।
ત્ર્યમ્બકસ્ત્રિગતિઃ સ્વક્ષો વિશાલાક્ષો વટેશ્વરઃ ॥ ૨૩ ॥
વટુઃ પટુઃ પરં પુણ્યં પુણ્યદો દમ્ભવર્જિતઃ ।
દમ્ભી વિલમ્ભી વિષેભિસ્સંરમ્ભી સઙ્ગ્રહી સખા ॥ ૨૪ ॥
વિહારી ચારરૂપશ્ચ હારી માણિક્યમણ્ડિતઃ ।
વિદ્યેશ્વરો વિવાદી ચ વાદભેદ્યો વિભેદવાન્ ॥ ૨૫ ॥
ભયાન્તકો બલનિધિર્બલિકઃ સ્વર્ણવિગ્રહઃ ।
મહાસીનો વિશાખી ચ પૃષટ્કી પૃતનાપતિઃ ॥ ૨૬ ॥
અનન્તરૂપોઽનન્તશ્રીઃ ષષ્ટિભાગો વિશામ્પતિઃ ।
પ્રાંશુઃ શીતાંશુર્મુકુટો નિરંશઃ સ્વાંશવિગ્રહઃ ॥ ૨૭ ॥
નિશ્ચેતનો જગત્ત્રાતા હરો હરિણસમ્ભૃતઃ ।
નાગેન્દ્રો નાગત્વગ્વાસાઃ શ્મશાનાલયચારકઃ ॥ ૨૮ ॥
વિચારી સુમતિઃ શમ્ભુઃ સર્વઃ ખર્વોરુવિક્રમઃ ।
ઈશઃ શેષઃ શશી સૂર્યઃ શુદ્ધસાગર ઈશ્વરઃ ॥ ૨૯ ॥
ઈશાનઃ પરમેશાનઃ પરાપરગતિઃ પરમ્ ।
પ્રમોદી વિનયી વેદ્યો વિદ્યારાગી વિલાસવાન્ ॥ ૩૦ ॥
સ્વાત્મા દયાલુર્ધનદો ધનદાર્ચનતોષિતઃ ।
પુષ્ટિદસ્તુષ્ટિદસ્તાર્ક્ષ્યો જ્યેષ્ઠઃ શ્રેષ્ઠો વિશારદઃ ॥ ૩૧ ॥
ચામીકરોચ્ચયગતઃ સર્વગઃ સર્વમણ્ડનઃ ।
દિનેશઃ શર્વરીશશ્ચ સન્મદોન્માદદાયકઃ ॥ ૩૨ ॥
હાયનો વત્સરો નેતા ગાયનઃ પુષ્પસાયકઃ ।
પુણ્યેશ્વરો વિમાનસ્થો વિમાન્યો વિમના વિધુઃ ॥ ૩૩ ॥
વિધિઃ સિદ્ધિપ્રદો દાન્તો ગાતા ગીર્વાણવન્દિતઃ ।
શ્રાન્તો વાન્તો વિવેકાક્ષો દુષ્ટો ભ્રષ્ટો નિરષ્ટકઃ ॥ ૩૪ ॥
ચિન્મયો વાઙ્મયો વાયુઃ શૂન્યઃ શાન્તિપ્રદોઽનઘઃ ।
ભારભૃદ્ભૂતભૃદ્ગીતો ભીમરૂપો ભયાનકઃ ॥ ૩૫ ॥
તચ્ચણ્ડદીપ્તિશ્ચણ્ડાક્ષો દલત્કેશઃ સ્ખલદ્રતિઃ ।
અકારોઽથ નિરાકાર ઇલેશ ઈશ્વરઃ પરઃ ॥ ૩૬ ॥
ઉગ્રમૂર્તિરુત્સવેશ ઊષ્માંશુરૃણહા ઋણી ।
કલ્લિહસ્તો મહાશૂરો લિઙ્ગમૂર્તિર્લસદ્દૃશઃ ॥ ૩૭ ॥
લીલાજ્યોતિર્મહારૌદ્રો રુદ્રરૂપો જનાશનઃ ।
એણત્વગાસનો ધૂર્ત્તો ધૂલિરાગાનુલેપનઃ ॥ ૩૮ ॥
ઐં વીજામૃતપૂર્ણાઙ્ગઃ સ્વર્ણાઙ્ગઃ પુણ્યવર્ધનઃ ।
ૐકારોકારરૂપશ્ચ તત્સર્વો અઙ્ગનાપતિઃ ॥ ૩૯ ॥
અઃસ્વરૂપો મહાશાન્તઃ સ્વરવર્ણ વિભૂષણઃ ।
કામાન્તકઃ કામદશ્ચ કાલીયાત્મા વિકલ્પનઃ ॥ ૪૦ ॥
કલાત્મા કર્કશાઙ્ગશ્ચ કારાબન્ધવિમોક્ષદઃ ।
કાલરૂપઃ કામનિધિઃ કેવલો જગતામ્પતિઃ ॥ ૪૧ ॥
કુત્સિતઃ કનકાદ્રિસ્થઃ કાશીવાસઃ કલોત્તમઃ ।
કામી રામાપ્રિયઃ કુન્તઃ કવર્ણાકૃતિરાત્મભૂઃ ॥ ૪૨ ॥
ખલીનઃ ખલતાહન્તા ખેટેશો મુકુટાધરઃ ।
ખં ખઙ્ગેશઃ ખગધરઃ ખેટઃ ખેચરવલ્લભઃ ॥ ૪૩ ॥
ખગાન્તકઃ ખગાક્ષશ્ચ ખવર્ણામૃતમજ્જનઃ ।
ગણેશો ગુણમાર્ગેયો ગજરાજેશ્વરો ગણઃ ॥ ૪૪ ॥
અગુણઃ સગુણો ગ્રામ્યો ગ્રીવાલઙ્કારમણ્ડિતઃ ।
ગૂઢો ગૂઢાશયો ગુપ્તો ગણગન્ધર્વસેવિતઃ ॥ ૪૫ ॥
ઘોરનાદો ઘનશ્યામો ઘૂર્ણાત્મા ઘુર્ઘરાકૃતિઃ ।
ઘનવાહો ઘનેશાનો ઘનવાહનપૂજિતઃ ॥ ૪૬ ॥
ઘનઃ સર્વેશ્વરો જેશો ઘવર્ણત્રયમણ્ડનઃ ।
ચમત્કૃતિશ્ચલાત્મા ચ ચલાચલસ્વરૂપકઃ ॥ ૪૭ ॥
ચારુવેશશ્ચારુમૂર્તિશ્ચણ્ડિકેશશ્ચમૂપતિઃ ।
ચિન્ત્યોઽચિન્ત્યગુણાતીતશ્ચિતારૂપઃ ચિતાપ્રિયઃ ॥ ૪૮ ॥
ચિતેશશ્ચેતનારૂપશ્ચિતાશાન્તાપહારકઃ ।
છલભૃચ્છલકૃચ્છત્રી છત્રિકશ્છલકરકઃ ॥ ૪૯ ॥
છિન્નગ્રીવઃ છિન્નશીર્ષઃ છિન્નકેશઃ છિદારકઃ ।
જેતા જિષ્ણુરજિષ્ણુશ્ચ જયાત્મા જયમણ્ડલઃ ॥ ૫૦ ॥
જન્મહા જન્મદો જન્યો વૃજની જૃમ્ભણો જટી ।
જડહા જડસેવ્યશ્ચ જડાત્મા જડવલ્લભઃ ॥ ૫૧ ॥
જયસ્વરૂપો જનકો જલધિર્જ્વરસૂદનઃ ।
જલન્ધરસ્થો જનાધ્યક્ષો નિરાધિરાધિરસ્મયઃ ॥ ૫૨ ॥
અનાદિર્જગતીનાથો જયશ્રીર્જયસાગરઃ ।
ઝઙ્કારી ઝલિનીનાથઃ સપ્તતિઃ સપ્તસાગરઃ ॥ ૫૩ ॥
ટઙ્કારસમ્ભવો ટાણુઃ ટવર્ણામૃતવલ્લભઃ ।
ટઙ્કહસ્તો વિટઙ્કારો ટીકારો ટોપપર્વતઃ ॥ ૫૪ ॥
ઠકારી ચ ત્રયઃ ઠઃ ઠઃ સ્વરૂપો ઠકુરોબલી ।
ડકારી ડકૃતીડમ્બડિમ્બાનાથો વિડમ્બનઃ ॥ ૫૫ ॥
ડિલ્લીશ્વરો હિ ડિલ્લાભો ડઙ્કારાક્ષર મણ્ડનઃ ।
ઢવર્ણી દુલ્લિયજ્ઞેશો ઢમ્બસૂચી નિરન્તકઃ ॥ ૫૬ ॥
ણવર્ણી શોણિનોવાસો ણરાગી રાગભૂષણઃ ।
તામ્રાપસ્તપનસ્તાપી તપસ્વી તપસાં નિધિઃ ॥ ૫૭ ॥
તપોમયસ્તપોરૂપસ્તપસાં ફલદાયકઃ ।
તમીશ્વરો મહાતાલી તમીચરક્ષયઙ્કરઃ ॥ ૫૮ ॥
તપોદ્યોતિસ્તપોહીનો વિતાની ત્ર્યમ્યબકેશ્વરઃ ।
સ્થલસ્થઃ સ્થાવરઃ સ્થાણુઃ સ્થિરબુદ્ધિઃ સ્થિરેન્દ્રિયઃ ॥ ૫૯ ॥
સ્થિરઙ્કૃતી સ્થિરપ્રીતિઃ સ્થિતિદઃ સ્થિતિવાંસ્તથા ।
દમ્ભી દમપ્રિયો દાતા દાનવો દાનવાન્તકઃ ॥ ૬૦ ॥ દાનવાન્યની?
ધર્માધર્મો ધર્મગતિર્ધનવાન્ધનવલ્લભઃ ।
ધનુર્ધરો ધનુર્ધન્યો ધીરેશો ધીમયો ધૃતિઃ ॥ ૬૧ ॥
ધકારાન્તો ધરાપાલો ધરણીશો ધરાપ્રિયઃ ।
ધરાધરો ધરેશાનો નારદો નારસોરસઃ ॥ ૬૨ ॥
સરસો વિરસો નાગો નાગયજ્ઞોપવીતવાન્ ।
નુતિલભ્યો નુતીશાનો નુતિતુષ્ટો નુતીશ્વરઃ ॥ ૬૩ ॥
પીવરાઙ્ગ પરાકારઃ પરમેશઃ પરાત્પરઃ ।
પારાવારઃ પરં પુણ્યં પરામૂર્તિઃ પરં પદમ્ ॥ ૬૪ ॥
પરોગમ્યઃ પરન્તેજઃ પરંરૂપઃ પરોપકૃત્ ।
પૃથ્વીપતિઃ પતિઃ પૂતિઃ પૂતાત્મા પૂતનાયકઃ ॥ ૬૫ ॥
પારગઃ પારદૃશ્વા ચ પવનઃ પવનાત્મજઃ ।
પ્રાણદોઽપાનદઃ પાન્થઃ સમાનવ્યાનદો વરમ્ ॥ ૬૬ ॥
ઉદાનદઃ પ્રાણગતિઃ પ્રાણિનાં પ્રાણહારકઃ ।
પુંસાં પટીયાન્પરમઃ પરમં સ્થાનકઃ પવિઃ ॥ ૬૭ ॥
રવિઃ પીતાનનઃ પીઠં પાઠીનાકૃતિરાત્મવાન્ ।
પત્રી પીતઃ પવિત્રં ચ પાઠનં પાઠનપ્રિયઃ ॥ ૬૮ ॥
પાર્વતીશઃ પર્વતેશઃ પર્વેશઃ પર્વઘાતનઃ ।
ફણી ફણિદ ઈશાનઃ ફુલ્લહસ્તઃ ફણાકૃતિઃ ॥ ૬૯ ॥
ફણિહારઃ ફણિમૂર્તિઃ ફેનાત્મા ફણિવલ્લભઃ ।
બલી બલિપ્રિયો બાલો બાલાલાપી બલન્ધરઃ ॥ ૭૦ ॥
બાલકો બલહસ્તશ્ચ બલિભુગ્બાલનાશનઃ ।
બલિરાજો બલઙ્કારી બાણહસ્તોઽર્ધવર્ણભૃત્ ॥ ૭૧ ॥
ભદ્રી ભદ્રપ્રદો ભાસ્વાન્ભામયો ભ્રમયોનયઃ ।
ભવ્યો ભાવપ્રિયો ભાનુર્ભાનુમાન્ભીમનન્દકઃ ॥ ૭૨ ॥
ભૂરિદો ભૂતનાથશ્ચ ભૂતલં સુતલં તલમ્ ।
ભયહા ભાવનાકર્તા ભવહા ભવઘાતકઃ ॥ ૭૩ ॥
ભવો વિભવદો ભીતો ભૂતભવ્યો ભવપ્રિયઃ ।
ભવાનીશો ભગેષ્ટશ્ચ ભગપૂજનપોષણઃ ॥ ૭૪ ॥
મકુરો માનદો મુક્તો મલિનો મલનાશનઃ ।
મારહર્તા મહોધિશ્ચ મહસ્વી મહતીપ્રિયઃ ॥ ૭૫ ॥
મીનકેતુર્મહામારો મહેષ્વા મદનાન્તકઃ ।
મિથુનેશો મહામોહો મલ્લો મલ્લાન્તકો મુનિઃ ॥ ૭૬ ॥
મરીચિઃ રુચિમાન્યોગી મઞ્જુલેશોઽમરાધિપઃ ।
મર્દનો મોહમર્દી ચ મેધાવી મેદિનીપતિઃ ॥ ૭૭ ॥
મહીપતિઃ સહસ્રારો મુદિતો માનવેશ્વરઃ ।
મૌની મૌનપ્રિયો માસઃ પક્ષી માધવ ઇષ્ટવાન્ ॥ ૭૮ ॥
મત્સરી માપતિર્મેષો મેષોપહારતોષિતઃ ।
માણિક્યમણ્ડિતો મન્ત્રી મણિપૂરનિવાસકઃ ॥ ૭૯ ॥
મન્દમુન્મદરૂપશ્ચ મેનકી પ્રિયદર્શનઃ ।
મહેશો મેઘરૂપશ્ચ મકરામૃતદર્શનઃ ॥ ૮૦ ॥
યજ્જ્વા યજ્ઞપ્રિયો યજ્ઞો યશસ્વી યજ્ઞભુગ્યુવા ।
યોધપ્રિયો યમપ્રિયો યામીનાથો યમક્ષયઃ ॥ ૮૧ ॥
યાજ્ઞિકો યજ્ઞમાનશ્ચ યજ્ઞમૂર્તિર્યશોધરઃ ।
રવિઃ સુનયનો રત્નરસિકો રામશેખરઃ ॥ ૮૨ ॥
લાવણ્યં લાલસો લૂતો લજ્જાલુર્લલનાપ્રિયઃ ।
લમ્બમૂર્તિવિલમ્બી ચ લોલજિહ્વો લુલુન્ધરઃ ॥ ૮૩ ॥
વસુદો વસુમાન્વાસ્તુવાગ્ભવો વટુકો વટુઃ ।
વીટીપ્રિયો વિટઙ્કી ચ વિટપી વિહગાધિપઃ ॥ ૮૪ ॥
વિશ્વમોદી વિનયદો વિશ્વપ્રીતો વિનાયકઃ ।
વિનાન્તકો વિનાંશકો વૈમાનિકો વરપ્રદઃ ॥ ૮૫ ॥
શમ્ભુઃ શચીપતિઃ શારસમદો વકુલપ્રિયઃ ।
શીતલઃ શીતરૂપશ્ચ શાવરી પ્રણતો વશી ॥ ૮૬ ॥
શીતાલુઃ શિશિરઃ શૈત્યઃ શીતરશ્મિઃ સિતાંશુમાન્ ।
શીલદઃ શીલવાન્ શાલી શાલીનઃ શશિમણ્ડનઃ ॥ ૮૭ ॥
શણ્ડઃ શણ્ટઃ શિપિવિષ્ટઃ ષવર્ણોજ્જ્વલરૂપવાન્ ।
સિદ્ધસેવ્યઃ સિતાનાથઃ સિદ્ધિકઃ સિદ્ધિદાયકઃ ॥ ૮૮ ॥
સાધ્યો સુરાલયઃ સૌમ્યઃ સિદ્ધિભૂઃ સિદ્ધિભાવનઃ ।
સિદ્ધાન્તવલ્લભઃ સ્મેરઃ સિતવક્ત્રઃ સભાપતિઃ ॥ ૮૯ ॥
સરોધીશઃ સરિન્નાથઃ સિતાભશ્ચેતનાસમઃ ।
સત્યપઃ સત્યમૂર્તિશ્ચ સિન્ધુરાજઃ સદાશિવઃ ॥ ૯૦ ॥
સદેશઃ સદનાસૂરિઃ સેવ્યમાનઃ સતાઙ્ગતિઃ ।
સતામ્ભાવ્યઃ સદાનાથઃ સરસ્વાન્સમદર્શનઃ ॥ ૯૧ ॥
સુસન્તુષ્ટઃ સતીચેતઃ સત્યવાદી સતીરતઃ ।
સર્વારાધ્યઃ સર્વપતિઃ સમયી સમયઃ સ્વયમ્ ॥ ૯૨ ॥
સ્વયમ્ભૂઃ સ્વયમાત્મીયઃ સ્વયમ્ભાવઃ સમાત્મકઃ ।
સુરાધ્યક્ષઃ સુરપતિઃ સરોજાસનસેવકઃ ॥ ૯૩ ॥
સરોજાક્ષનિષેવ્યશ્ચ સરોજદલલોચનઃ ।
સુમતિઃ કુમતિઃ સ્તુત્યઃ સુરનાયકનાયકઃ ॥ ૯૪ ॥
સુધાપ્રિયઃ સુધેશશ્ચ સુધામૂર્તિઃ સુધાકરઃ ।
હીરકો હીરવાંશ્ચૈવ હેતુઃ હાટકમણ્ડનઃ ॥ ૯૫ ॥
હાટકેશો હઠધરો હરિદ્રત્નવિભૂષણઃ ।
હિતકૃદ્ધેતુભૂતશ્ચ હાસ્યદો હાસ્યવક્ત્રકઃ ॥ ૯૬ ॥
હારો હારપ્રિયો હારી હવિષ્મલ્લોચનો હરિઃ ।
હવિષ્માન્હવિભુગ્વાદ્યો હવ્યં હવિર્ભુજાં વરઃ ॥ ૯૭ ॥
હંસઃ પરમહંસશ્ચ હંસીનાથો હલાયુધઃ ।
હરિદશ્વો હરિસ્તુત્યો હેરમ્બો લમ્બિતોદરઃ ॥ ૯૮ ॥
ક્ષમાપતિઃ ક્ષમઃ ક્ષાન્તઃ ક્ષુરાધારોઽક્ષિભીમકઃ ।
ક્ષિતિનાથઃ ક્ષણેષ્ટશ્ચ ક્ષણવાયુઃ ક્ષવઃ ક્ષતઃ ॥ ૯૯ ॥
ક્ષીણશ્ચ ક્ષણિકઃ ક્ષામઃ ક્ષવર્ણામૃતપીઠકઃ ।
અકારાદિ ક્ષકારાન્તા વિદ્યામાલાવિભૂષણઃ ॥ ૧૦૦ ॥
સ્વર વ્યઞ્જન ભૂષાઢ્યો હ્રસ્વ દીર્ઘ વિભૂષણઃ ।
ૐ ક્ષ્મૃં મહાભૈરવેશી ૐ શ્રીં ભૈરવપૂર્વકઃ ॥ ૧૦૧ ॥
ૐ હ્રીં વટુકભાવેશો ૐ હ્રીં વટુકભૈરવઃ ।
ૐ ક્લીં શ્મશાનવાસી ચ ૐ હ્રીં શ્મશાનભૈરવઃ ॥ ૧૦૨ ॥
મૈં ભદ્રકાલિકાનાથઃ ક્લીં ૐ હ્રીં કાલિકાપતિઃ ।
ઐં સૌઃ ક્લીં ત્રિપુરેશાનો ૐ હ્રીં જ્વાલામુખીપતિઃ ॥ ૧૦૩ ॥
ઐં ક્લીં સઃ શારદાનાથો ૐ હ્રીં માર્તણ્ડભૈરવઃ ।
ૐ હ્રીં સુમન્તુસેવ્યશ્ચ ૐ શ્રીં હ્રીં મત્તભૈરવઃ ॥ ૧૦૪ ॥
ૐ શ્રીં ઉન્મત્તચિત્તશ્ચ ૐ શ્રીં ઉં ઉગ્રભૈરવઃ ।
ૐ શ્રીં કઠોરદેશશ્ચ ૐ શ્રીં હ્રીં કઠોરભૈરવઃ ॥ ૧૦૫ ॥
ૐ શ્રીં કામાન્ધકધ્વંસી ૐ શ્રીં કામાન્ધભૈરવઃ ।
ૐ શ્રીં અષ્ટસ્વરશ્ચૈવ ૐ શ્રીં અષ્ટકભૈરવઃ ॥ ૧૦૬ ॥
ૐ શ્રીં હ્રીં અષ્ટમૂર્તિશ્ચ ૐ શ્રીં ચિન્મૂર્તિભૈરવઃ ।
ૐ હ્રીં હાટકવર્ણશ્ચ ૐ હ્રીં હાટકભૈરવઃ ॥ ૧૦૭ ॥
ૐ શ્રીં શશાઙ્ક વદનઃ ૐ શ્રીં શીતલભૈરવઃ ।
ૐ શ્રીં શિવારુતશ્ચૈવ ૐ શ્રીં શારૂકભૈરવઃ ॥ ૧૦૮ ॥
ૐ શ્રીં અહંસ્વરૂપશ્ચ ૐ હ્રીં શ્રીમુણ્ડભૈરવઃ ।
ૐ શ્રીં મનોન્મનશ્ચૈવ ૐ શ્રીં મઙ્ગલભૈરવઃ ॥ ૧૦૯ ॥
ૐ શ્રીં બુદ્ધિમયશ્ચૈવ ૐ શ્રીં ભૈમ્બુદ્ધભૈરવઃ ।
ૐ શ્રીં ઐં ક્લીં નાગમૂર્તિઃ ૐ શ્રીં હ્રીં નાગભૈરવઃ ॥ ૧૧૦ ॥
ૐ શ્રીં ક્લીં કૂર્મમૂર્તિશ્ચ ૐ શ્રીં કૃકરભૈરવઃ ।
ૐ હ્રીં શ્રીં દેવદત્તશ્ચ ૐ શ્રીં ક્લીં દત્તભૈરવઃ ॥ ૧૧૧ ॥
ૐ હ્રીં ધનઞ્જયશ્ચૈવ ૐ શ્રીં ધનિકભૈરવઃ ।
ૐ શ્રીં હ્રીં રસરૂપશ્ચ ૐ શ્રીં રસિકભૈરવઃ ॥ ૧૧૨ ॥
ૐ શ્રીં સ્પર્શરૂપશ્ચ ૐ શ્રીં હ્રીં સ્પર્શભૈરવઃ ।
ૐ શ્રીં હ્રીં ક્લીં સ્વરૂપશ્ચ ૐ શ્રીં હ્રીં રૂપભૈરવઃ ॥ ૧૧૩ ॥
ૐ શ્રીં સત્ત્વમયશ્ચૈવ ૐ શ્રીં હ્રીં સત્ત્વભૈરવઃ ।
ૐ શ્રીં રજોગુણાત્મા ચ ૐ શ્રીં રાજસભૈરવઃ ॥ ૧૧૪ ॥
ૐ શ્રીં તમોમયશ્ચૈવ ૐ શ્રીં તામસભૈરવઃ ।
ૐ શ્રીં ધર્મમયશ્ચૈવ ૐ હીં વૈ ધર્મભૈરવઃ ॥ ૧૧૫ ॥
ૐ શ્રીં હ્રીં મધ્યચૈતન્યો ૐ શ્રીં ચૈતન્યભૈરવઃ ।
ૐ શ્રીં હ્રીં ક્ષિતિમૂર્તિશ્ચ ૐ હ્રીં ક્ષાત્રિકભૈરવઃ ॥ ૧૧૬ ॥
ૐ શ્રીં હ્રીં જલમૂર્તિશ્ચ ૐ હ્રીં જલેન્દ્રભૈરવઃ ।
ૐ શ્રીં પવનમૂર્તિશ્ચ ૐ હ્રીં પીઠકભૈરવઃ ॥ ૧૧૭ ॥
ૐ શ્રીં હુતાશમૂર્તિશ્ચ ૐ હ્રીં હાલાખભૈરવઃ ।
ૐ શ્રીં હ્રીં સોમમૂર્તિશ્ચ ૐ શ્રીં હ્રીં સૌમ્યભૈરવઃ ॥ ૧૧૮ ॥
ૐ શ્રીં હ્રીં સૂર્યમૂર્તિશ્ચ ૐ શ્રીં સૌરેન્દ્રભૈરવઃ ।
ૐ જૂં સઃ હંસરૂપશ્ચ હં સઃ જું ૐ મૃત્યઞ્જયઃ ।
ૐ ચત્વારિંશદધિકો ૐ શ્રીં અઘોરભૈરવઃ ॥ ૧૧૯ ॥
અઘોરેભ્યોઽથ ઘોરેભ્યો ઘોરઘોરતરેભ્યઃ ।
સર્વતઃ સર્વસર્વેભ્યો નમસ્તે રુદ્રરૂપેભ્યઃ ॥ ૧૨૦ ॥
ભૈરવેશોઽભયવરદાતા દેવજનપ્રિયઃ ।
ૐ શ્રીં હ્રીં ક્લીં ક્ષ્મ્યું દેવી વૈ અઘોરદર્શનઃ ॥ ૧૨૧ ॥
ૐ શ્રીં સૌન્દર્યવાન્દેવો ૐ અઘોરકૃપાનિધિઃ ।
સહસ્રનામ ઇતિ નામ્નાં સહસ્રં તુ અઘોરસ્ય જગત્પ્રભુઃ ॥ ૧૨૨ ॥
તવ ભક્ત્યા મયાખ્યાતં ત્રિષુ લોકેષુ દુર્લભમ્ ।
અપ્રકાશ્યમદાતવ્યં ગોપ્તવ્યં શરજન્મનઃ ॥ ૧૨૩ ॥
બલ્યં બલપ્રદં સ્તુત્યં સ્તવનીયં સ્તવોત્તમમ્ ।
પઠેદ્વા પાઠયેન્નિત્યં ધ્યાયેચ્ચેતસિ નિત્યશઃ ॥ ૧૨૪ ॥
અદ્રષ્ટવ્યમદીક્ષાય ગોપ્તવ્યં પશુસઙ્કટે ।
નાતઃ પરતરં કિઞ્ચિત્સર્વસ્વં નાસ્તિ મે હૃદિ ॥ ૧૨૫ ॥
પુણ્યદં પુણ્યમાત્મીયં સકલં નિષ્કલં પરમ્ ।
પઠેન્મન્ત્રી નિશીથે તુ નગ્નઃ શ્રીમુક્તકુન્તલઃ ॥ ૧૨૬ ॥
અનન્તં ચિત્સુધાકારં દેવાનામપિ દુર્લભમ્ ।
શક્ત્યા યુક્તો જપેન્નામ્નાં સહસ્રં ભક્તિપૂર્વકમ્ ॥ ૧૨૭ ॥
તત્ક્ષણાત્સાધકઃ સત્યં જીવન્મુક્તો ભવિષ્યતિ ।
ભૌમેઽર્ક શનિવારે તુ શ્મશાને સાધકઃ પઠેત્ ॥ ૧૨૮ ॥
સદ્યસ્તસ્ય સ્વયં દેવો વરદસ્તુ ભવિષ્યતિ ।
દશાવર્ત્તં પઠેદ્રાત્રૌ નદીતીરેષુ ધૈર્યવાન્ ॥ ૧૨૯ ॥
તસ્ય હસ્તે સદા સન્તિ ત્ર્યમ્બકસ્યાષ્ટસિદ્ધયઃ ।
મધ્યાહે શિવરાત્રૌ ચ નિશીથે વિવિધે પઠેત્ ॥ ૧૩૦ ॥
ઇન્દ્રાદયઃ સુરગણા વશમેષ્યન્તિ નાન્યથા ।
ગુરૌ બ્રાહ્મમુહૂર્તે તુ પઠેદ્ભક્ત્યા ચ સાધકઃ ॥ ૧૩૧ ॥
યાવદિન્દ્રઃ સભામધ્યે તદગ્રે મૂકવત્ ભવેત્ ।
શુક્રે નદ્યા જલે મન્ત્રી પઠેન્નામ્નાં સહસ્રકમ્ ॥ ૧૩૨ ॥
તદાપ્રભૃતિ ત્રૈલોક્યં મોહમેષ્યતિ નાન્યથા ।
ભૌમે વનાન્તરે મન્ત્રી પઠેત્સન્ધ્યાનિધૌ તદા ॥ ૧૩૩ ॥
શત્રુઃ કાલસમાનોઽપિ મૃત્યુમેષ્યતિ નાન્યથા ।
ત્રિસન્ધ્યોદયકાલે તુ પઠેત્સાધકસત્તમઃ ॥ ૧૩૪ ॥
રમ્ભાદ્યપ્સરસઃ સર્વા વશમાયાન્તિ તત્ક્ષણાત્ ।
ભૌમે મધ્યાહ્નસમયે પઠેચ્ચ કૂપસન્નિધૌ ॥ ૧૩૫ ॥
સદ્યો દેવિ મહાન્તં કારિપુમુચ્ચાટયેદ્ધ્રુવમ્ ।
સદ્યસ્ત્રિવારં પઠેન્નામ્નાં સહસ્રમુત્તમમ્ ॥ ૧૩૬ ॥
ઇહલોકે ભવેદ્ભોગી પરે મુક્તિર્ભવિષ્યતિ ।
અર્કવારે સમાલિખ્ય ભૂર્જત્વચિ ચ સાધકઃ ॥ ૧૩૭ ॥
કુઙ્કુમાલક્તકસ્તૂરી ગોરોચન મનઃશિલાઃ ।
સર્વાદ્યૈર્વસુભિર્મન્ત્રી વેષ્ટયેત્તામ્રરજ્જુના ॥ ૧૩૮ ॥
ધારયેન્મૂર્ધ્નિ સદ્યસ્તુ લભેત્કામાન્યથેપ્સિતાન્ ।
પુત્રાન્દારાંશ્ચ લક્ષ્મીં ચ યશો ધર્મં ધનાનિ ચ ॥ ૧૩૯ ॥
લભતે નાત્ર સંશયઃ સત્યમેતદ્વચો મમ ।
વિનાનેન મહાદેવિ પઠેદ્યઃ કવચં શુભમ્ ॥ ૧૪૦ ॥
તસ્ય જીવં ધનં પુત્રાન્ દારાન્ભક્ષન્તિ રાક્ષસાઃ ।
વિનાનેન જપેત્ વિદ્યામઘોરસ્ય ચ સાધકઃ ॥ ૧૪૧ ॥
તસ્ય કોટિ જપં વ્યર્થં સત્યમેતદ્વચો મમ ।
બહુનાત્ર કિમુક્તેન સહસ્રાખ્યં સ્તવોત્તમમ્ ॥ ૧૪૨ ॥
યદ્ગૃહે વા જપેદ્યસ્તુ શ્રાવયેદ્વા શૃણોતિ યઃ ।
સ સ્વયં નીલકણ્ઠોઽહં તત્કલત્રં મહેશ્વરી ॥ ૧૪૩ ॥
ઇદં રહસ્યં પરમં ભક્ત્યા તવ મયોદિતમ્ ।
અત્યન્તદુર્લભં નાકે તથાત્યન્તં મહીતલે ॥ ૧૪૪ ॥
ભૂમૌ ચ દુર્લભં દેવિ ગોપનીયં દુરાત્મનઃ ।
અઘોરસ્ય મહાદેવિ તત્ત્વં પરમતત્ત્વકમ્ ॥ ૧૪૫ ॥
અતીવ મધુરં હૃદ્યં પરાપરરહસ્યકમ્ ।
વિના બલિં વિના પૂજાં ન રક્ષ્યઃ સાધકોત્તમઃ ॥ ૧૪૬ ॥
પઠનીયં દિવારાત્રૌ સિદ્ધયોઽષ્ટૌ ભવન્તિ હિ ।
ઇદં રહસ્યં પરમં રહસ્યાતિરહસ્યકમ્ ॥ ૧૪૭ ॥
અપ્રકાશ્યમદાતવ્યમવક્તવ્યં દુરાત્મને ।
યથેષ્ટફલદં સદ્યઃ કલૌ શીઘ્રફલપ્રદમ્ ॥ ૧૪૮ ॥
ગોપ્યં ગુપ્તતરં ગૂઢં ગુપ્તં પુત્રાય પાર્વતિ ।
ગોપનીયં સદાગોપ્યં ગોપ્તવ્યં ચ સ્વયોનિવત્ ॥ ૧૪૯ ॥
ઇતિ શ્રીરુદ્રયામલે તન્ત્રે ભૈરવ-ભૈરવી સંવાદે
અઘોરમૂર્તિસહસ્રનામસ્તવઃ સમ્પૂર્ણઃ ॥