॥ Aghoramurti Sahasranamavali Malayalam Lyrics ॥
॥ അഘോരമൂര്‍തിസഹസ്രനാമസ്തോത്രം ॥
അഥ അഘോരമൂര്‍തിസഹസ്രനാമ ലിഖ്യതേ –
ഓം ശ്രീം ഹ്രീം ക്ലീം സൌഃ ക്ഷ്മീം ഘോര ഘോരായ ജ്വല ജ്വല
പ്രജ്വല പ്രജ്വല അഘോരാസ്ത്രായ ഫട് സ്വാഹാ ।
। ഇതി മൂലം ।
ശ്രീഭൈരവീ ഉവാച –
ഭഗവന്‍സര്‍വധര്‍മജ്ഞ വിശ്വാഭയവരപ്രദ ।
സര്‍വേശ സര്‍വശാസ്ത്രജ്ഞ സര്‍വാതീത സനാതന ॥ 1 ॥
ത്വമേവ പരമം തത്ത്വം ത്വമേവ പരമം പദം ।
ത്വത്തോഽപ്യന്യം ന പശ്യാമി സാരം സാരോത്തമോത്തമം ॥ 2 ॥
പുരാഽസ്മാകം വരോ ദത്തോ ദേവദാനവസങ്ഗരേ ।
തദദ്യ കൃപയാ ശംഭോ വരം നാഥ പ്രയച്ഛ മേ ॥ 3 ॥
ശ്രീഭൈരവ ഉവാച –
ഭൈരവി പ്രേയസി ത്വം മേ സത്യം ദത്തോ വരോ മയാ ।
യദദ്യ മനസാഭീഷ്ടം തദ്യാചസ്വ ദദാംയഹം ॥ 4 ॥
ശ്രീദേവീ ഉവാച –
ശ്രീശിവഃ പരമാത്മാ ച ഭൈരവോഽഘോരസംജ്ഞകഃ ।
ത്രിഗുണാത്മാ മഹാരുദ്രസ്ത്രൈലോക്യോദ്ധരണക്ഷമഃ ॥ 5 ॥
തസ്യ നാമസഹസ്രം മേ വദ ശീഘ്രം കൃപാനിധേ ।
വരമേതന്‍മഹാദേവ ദേഹി സത്യം മദീപ്സിതം ।
അസ്മാദ്വരം ന യാചേഽഹം ദേഹി ചേദസ്തി മേ ദയാ ॥ 6 ॥
ശ്രീഭൈരവ ഉവാച –
ശ‍ൃണുഷ്വൈകാന്തഭൂദേശേ സാനൌ കൈലാസഭൂഭൃതഃ ।
ദേവദാനവസങ്ഗ്രാമേ യത്തേ ദത്തോ വരോ മയാ ।
വരം തത്തേ പ്രയച്ഛാമി ചാന്യദ്വരയ മേ വരം ॥ 7 ॥
ശ്രീദേവീ ഉവാച –
അതഃ പരം ന യാചേഽഹം വരമന്യന്‍മഹേശ്വര ।
കൃപയാ കരുണാംഭോധേ വദ ശീഘ്രം സുരാര്‍ചിത ॥ 8 ॥
ശ്രീഭൈരവ ഉവാച –
തവ ഭക്ത്യാ ബ്രവീംയദ്യ അഘോരസ്യ മഹാത്മനഃ ।
നാംനാം സഹസ്രം പരമം ത്രൈലോക്യോദ്ധരണക്ഷമം ॥ 9 ॥
നാതഃ പരതരാ വിദ്യാ നാതഃ പരതരഃ സ്തവഃ ।
നാതഃ പരതരം സ്തോത്രം സര്‍വസ്വം മമ പാര്‍വതി ॥ 10 ॥
അകാരാദി ക്ഷകാരാന്താ വിദ്യാനിധിമനുത്തമം ।
ബീജമന്ത്രമയം ഗോപ്യം ഗോപ്തവ്യം പശുസങ്കടേ ॥ 11 ॥
ഓം അസ്യ ശ്രീഅഘോരമൂര്‍തിനാമസഹസ്രസ്യ ശ്രീമഹാകാലഭൈരവ ഋഷിഃ,
പങ്ക്തി ഛന്ദഃ, അഘോരമൂര്‍തിഃ പരമാത്മാ ദേവതാ ।
ഓം ബീജം, ഹ്രീം ശക്തിഃ, കുരു കുരു കീലകം ।
അഘോര വിദ്യാസിദ്ധ്യര്‍ഥേ ജപേ പാഠേ വിനിയോഗഃ ।
അഥ ന്യാസഃ –
ഹ്രാം അങ്ഗുഷ്ഠഭ്യാം നമഃ ।
ഹ്രീം തര്‍ജനീഭ്യാം നമഃ ।
ഹ്രൂँ മധ്യമാഭ്യാം നമഃ ।
ഹ്രൈം അനാമികാഭ്യാം നമഃ ।
ഹ്രൌം കനിഷ്ഠികാഭ്യാം നമഃ ।
ഹ്രഃ കരതലകരപൃഷ്ഠാഭ്യാം നമഃ ।
ഏവം ഹൃദയാദി ഷഡങ്ഗന്യാസഃ ।
അപി ച-
ഓം നമോ ഭഗവതേ അഘോരായ ശൂലപാണയേ സ്വാഹാ ഹൃദയായ നമഃ ।
രുദ്രായാമൃതമൂര്‍തയേ മാം ജീവയ ജീവയ ശിരസേ സ്വാഹാ ।
നീലകണ്ഠായ ചന്ദ്രജടിനേ ശിഖായൈ വഷട് ।
ത്രിപുരാന്തകായ കവചായ ഹും ।
ത്രിലോചനായ ഋഗ്യജുഃസാമമൂര്‍തയേ നേത്രാഭ്യാം വൌഷട് ।
രുദ്രായാഗ്നിത്രയായ ജ്വല ജ്വല മാം രക്ഷ രക്ഷ
അഘോരാസ്ത്രായ ഹും ഫട് സ്വാഹാ । അസ്ത്രായ ഫട് ।
ഇതി ഹൃദയാദി ഷഡങ്ഗന്യാസഃ ഏവം കരന്യാസഃ ।
ഭൂ ര്‍ഭുവഃ സ്വരിതി ദിഗ്ബന്ധഃ ।
അഥ ധ്യാനം ।
ശ്രീചന്ദ്രമണ്ഡലഗതാംബുജപീതമധ്യേ
ദേവം സുധാസ്രവിണമിന്ദുകലാധരം ച ।
ശുദ്ധാക്ഷസൂത്രകലശാമൃതപദ്മഹസ്തം
ദേവം ഭജാമി ഹൃദയേ ഭുവനൈകനാഥം ॥
അപി ച –
മഹാകായം മഹോരസ്കം മഹാദംശം മഹാഭുജം ।
സുധാസ്യം ശശിമൌലിം ച ജ്വാലാകേശോര്‍ധ്വബന്ധനം ॥
കിങ്കിണീമാലയാ യുക്തം സര്‍പയജ്ഞോപവീതിനം ।
രക്താംബരധരം ദേവം രക്തമാലാവിഭൂഷിതം ।
പാദകിങ്കിണീസഞ്ച്ഛന്നം നൂപുരൈരതിശോഭിതം ॥
ധ്യാനമാര്‍ഗസ്ഥിതം ഘോരം പങ്കജാസനസംസ്ഥിതം ।
ഭജാമി ഹൃദയേ ദേവം ദേവം ചാഘോരഭൈരവം ॥
। ഇതി ധ്യാനം ।
അഥ മൂലമന്ത്രഃ ।
അഘോരേഭ്യോഽഥ ഘോരേഭ്യോ ഘോരഘോരതരേഭ്യഃ ।
സര്‍വതഃ സര്‍വസര്‍വേഭ്യോ നമസ്തേ രുദ്രരൂപേഭ്യഃ ॥
। ഇതി മൂലം ।
അഥ അഘോരായ നമഃ ।
ഓം ഹ്രീം ശ്രീം ക്ലീം മഹാരുദ്രോ ഗ്ലൌം ഗ്ലാം അഘോരഭൈരവഃ ।
ക്ഷ്മീം കാലാഗ്നിഃ കലാനാഥഃ കാലഃ കാലാന്തകഃ കലിഃ ॥ 1 ॥
ശ്മശാനഭൈരവോ ഭീമോ ഭീതിഹാ ഭഗവാന്‍പ്രഭുഃ ।
ഭാഗ്യദോ മുണ്ഡഹസ്തശ്ച മുണ്ഡമാലാധരോ മഹാന്‍ ॥ 2 ॥
ഉഗ്രോഗ്രരവോഽത്യുഗ്ര ഉഗ്രതേജാശ്ച രോഗഹാ ।
രോഗദോ ഭോഗദോ ഭോക്താ സത്യഃ ശുദ്ധഃ സനാതനഃ ॥ 3 ॥
ചിത്സ്വരൂപോ മഹാകായോ മഹാദീപ്തിര്‍മനോന്‍മനഃ ।
മാന്യോ ധന്യോ യശസ്കര്‍താ ഹര്‍താ ഭര്‍ത്താ മഹാനിധിഃ ॥ 4 ॥
ചിദാനന്ദശ്ചിദാകാരശ്ചിദുല്ലാസശ്ചിദീശ്വരഃ ।
ചിന്ത്യോഽചിന്ത്യോഽചിന്ത്യരൂപഃ സ്വരൂപോ രൂപവിഗ്രഹീ ॥ 5 ॥
ഭൂതേഭ്യോ ഭൂതിദോ ഭൂത്യം ഭൂതാത്മാ ഭൂതഭാവനഃ ।
ചിദാനന്ദഃ പ്രകാശാത്മാ സനാത്മാബോധവിഗ്രഹഃ ॥ 6 ॥
ഹൃദ്ബോധോ ബോധവാന്‍ ബുദ്ധോ ബുദ്ധിദോ ബുദ്ധമണ്ഡനഃ ।
സത്യപൂര്‍ണഃ സത്യസന്ധഃ സതീനാഥഃ സമാശ്രയഃ ॥ 7 ॥
ത്രൈഗുണ്യോ നിര്‍ഗുണോ ഗുണ്യോഽഗ്രണീര്‍ഗുണവിവര്‍ജിതഃ ।
സുഭാവഃ സുഭവഃ സ്തുത്യഃ സ്തോതാ ശ്രോതാ വിഭാകരഃ ॥ 8 ॥
കാലകാലാന്ധകത്രാസകര്‍താ ഹര്‍താ വിഭീഷണഃ ।
വിരൂപാക്ഷഃ സഹസ്രാക്ഷോ വിശ്വാക്ഷോ വിശ്വതോമുഖഃ ॥ 9 ॥
ചരാചരാത്മാ വിശ്വാത്മാ വിശ്വബോധോ വിനിഗ്രഹഃ ।
സുഗ്രഹോ വിഗ്രഹോ വീരോ ധീരോ ധീരഭൃതാം വരഃ ॥ 10 ॥
ശൂരഃ ശൂലീ ശൂലഹര്‍താ ശങ്കരോ വിശ്വശങ്കരഃ ।
കങ്കാലീ കലിഹാ കാമീ ഹാസഹാ കാമവല്ലഭഃ ॥ 11 ॥
കാന്താരവാസീ കാന്താസ്ഥഃ കാന്താഹൃദയധാരണഃ ।
കാംയഃ കാംയനിധിഃ കാന്താകമനീയഃ കലാധരഃ ॥ 12 ॥
കലേശഃ സകലേശശ്ച വികലഃ ശകലാന്തകഃ ।
ശാന്തോ ഭ്രാന്തോ മഹാരൂപീ സുലഭോ ദുര്ലഭാശയഃ ॥ 13 ॥
ലഭ്യോഽനന്തോ ധനാധീനഃ സര്‍വഗഃ സാമഗായനഃ ।
സരോജനയനഃ സാധുഃ സാധൂനാമഭയപ്രദഃ ॥ 14 ॥
സര്‍വസ്തുത്യഃ സര്‍വഗതിഃ സര്‍വാതീതോഽപ്യഗോചരഃ ।
ഗോപ്താ ഗോപ്തതരോ ഗാനതത്പരഃ സത്യപരായണഃ ॥ 15 ॥
അസഹായോ മഹാശാന്തോ മഹാമൂര്‍തോ മഹോരഗഃ ।
മഹതീരവസന്തുഷ്ടോ ജഗതീധരധാരണഃ ॥ 16 ॥
ഭിക്ഷുഃ സര്‍വേഷ്ടഫലദോ ഭയാനകമുഖഃ ശിവഃ ।
ഭര്‍ഗോ ഭാഗീരഥീനാഥോ ഭഗമാലാവിഭൂഷണഃ ॥ 17 ॥
ജടാജൂടീ സ്ഫുരത്തേജശ്ചണ്ഡാംശുശ്ചണ്ഡവിക്രമഃ ।
ദണ്ഡീ ഗണപതിര്‍ഗുണ്യോ ഗണനീയോ ഗണാധിപഃ ॥ 18 ॥
കോമലാങ്ഗോഽപി ക്രൂരാസ്യോ ഹാസ്യോ മായാപതിഃ സുധീഃ ।
സുഖദോ ദുഃഖഹാ ദംഭോ ദുര്‍ജയോ വിജയീ ജയഃ ॥ 19 ॥
ജയോഽജയോ ജ്വലത്തേജോ മന്ദാഗ്നിര്‍മദവിഗ്രഹഃ ।
മാനപ്രദോ വിജയദോ മഹാകാലഃ സുരേശ്വരഃ ॥ 20 ॥
അഭയാങ്കോ വരാങ്കശ്ച ശശാങ്കകൃതശേഖരഃ ।
ലേഖ്യോ ലിപ്യോ വിലാപീ ച പ്രതാപീ പ്രമഥാധിപഃ ॥ 21 ॥
പ്രഖ്യോ ദക്ഷോ വിമുക്തശ്ച രുക്ഷോ ദക്ഷമഖാന്തകഃ ।
ത്രിലോചനസ്ത്രിവര്‍ഗേശഃ ത്രിഗുണീ ത്രിതയീപതിഃ ॥ 22 ॥
ത്രിപുരേശസ്ത്രിലോകേശസ്ത്രിനേത്രസ്ത്രിപുരാന്തകഃ ।
ത്ര്യംബകസ്ത്രിഗതിഃ സ്വക്ഷോ വിശാലാക്ഷോ വടേശ്വരഃ ॥ 23 ॥
വടുഃ പടുഃ പരം പുണ്യം പുണ്യദോ ദംഭവര്‍ജിതഃ ।
ദംഭീ വിലംഭീ വിഷേഭിസ്സംരംഭീ സങ്ഗ്രഹീ സഖാ ॥ 24 ॥
വിഹാരീ ചാരരൂപശ്ച ഹാരീ മാണിക്യമണ്ഡിതഃ ।
വിദ്യേശ്വരോ വിവാദീ ച വാദഭേദ്യോ വിഭേദവാന്‍ ॥ 25 ॥
ഭയാന്തകോ ബലനിധിര്‍ബലികഃ സ്വര്‍ണവിഗ്രഹഃ ।
മഹാസീനോ വിശാഖീ ച പൃഷട്കീ പൃതനാപതിഃ ॥ 26 ॥
അനന്തരൂപോഽനന്തശ്രീഃ ഷഷ്ടിഭാഗോ വിശാമ്പതിഃ ।
പ്രാംശുഃ ശീതാംശുര്‍മുകുടോ നിരംശഃ സ്വാംശവിഗ്രഹഃ ॥ 27 ॥
നിശ്ചേതനോ ജഗത്ത്രാതാ ഹരോ ഹരിണസംഭൃതഃ ।
നാഗേന്ദ്രോ നാഗത്വഗ്വാസാഃ ശ്മശാനാലയചാരകഃ ॥ 28 ॥
വിചാരീ സുമതിഃ ശംഭുഃ സര്‍വഃ ഖര്‍വോരുവിക്രമഃ ।
ഈശഃ ശേഷഃ ശശീ സൂര്യഃ ശുദ്ധസാഗര ഈശ്വരഃ ॥ 29 ॥
ഈശാനഃ പരമേശാനഃ പരാപരഗതിഃ പരം ।
പ്രമോദീ വിനയീ വേദ്യോ വിദ്യാരാഗീ വിലാസവാന്‍ ॥ 30 ॥
സ്വാത്മാ ദയാലുര്‍ധനദോ ധനദാര്‍ചനതോഷിതഃ ।
പുഷ്ടിദസ്തുഷ്ടിദസ്താര്‍ക്ഷ്യോ ജ്യേഷ്ഠഃ ശ്രേഷ്ഠോ വിശാരദഃ ॥ 31 ॥
ചാമീകരോച്ചയഗതഃ സര്‍വഗഃ സര്‍വമണ്ഡനഃ ।
ദിനേശഃ ശര്‍വരീശശ്ച സന്‍മദോന്‍മാദദായകഃ ॥ 32 ॥
ഹായനോ വത്സരോ നേതാ ഗായനഃ പുഷ്പസായകഃ ।
പുണ്യേശ്വരോ വിമാനസ്ഥോ വിമാന്യോ വിമനാ വിധുഃ ॥ 33 ॥
വിധിഃ സിദ്ധിപ്രദോ ദാന്തോ ഗാതാ ഗീര്‍വാണവന്ദിതഃ ।
ശ്രാന്തോ വാന്തോ വിവേകാക്ഷോ ദുഷ്ടോ ഭ്രഷ്ടോ നിരഷ്ടകഃ ॥ 34 ॥
ചിന്‍മയോ വാങ്മയോ വായുഃ ശൂന്യഃ ശാന്തിപ്രദോഽനഘഃ ।
ഭാരഭൃദ്ഭൂതഭൃദ്ഗീതോ ഭീമരൂപോ ഭയാനകഃ ॥ 35 ॥
തച്ചണ്ഡദീപ്തിശ്ചണ്ഡാക്ഷോ ദലത്കേശഃ സ്ഖലദ്രതിഃ ।
അകാരോഽഥ നിരാകാര ഇലേശ ഈശ്വരഃ പരഃ ॥ 36 ॥
ഉഗ്രമൂര്‍തിരുത്സവേശ ഊഷ്മാംശുരൃണഹാ ഋണീ ।
കല്ലിഹസ്തോ മഹാശൂരോ ലിങ്ഗമൂര്‍തിര്ലസദ്ദൃശഃ ॥ 37 ॥
ലീലാജ്യോതിര്‍മഹാരൌദ്രോ രുദ്രരൂപോ ജനാശനഃ ।
ഏണത്വഗാസനോ ധൂര്‍ത്തോ ധൂലിരാഗാനുലേപനഃ ॥ 38 ॥
ഐം വീജാമൃതപൂര്‍ണാങ്ഗഃ സ്വര്‍ണാങ്ഗഃ പുണ്യവര്‍ധനഃ ।
ഓംകാരോകാരരൂപശ്ച തത്സര്‍വോ അങ്ഗനാപതിഃ ॥ 39 ॥
അഃസ്വരൂപോ മഹാശാന്തഃ സ്വരവര്‍ണ വിഭൂഷണഃ ।
കാമാന്തകഃ കാമദശ്ച കാലീയാത്മാ വികല്‍പനഃ ॥ 40 ॥
കലാത്മാ കര്‍കശാങ്ഗശ്ച കാരാബന്ധവിമോക്ഷദഃ ।
കാലരൂപഃ കാമനിധിഃ കേവലോ ജഗതാമ്പതിഃ ॥ 41 ॥
കുത്സിതഃ കനകാദ്രിസ്ഥഃ കാശീവാസഃ കലോത്തമഃ ।
കാമീ രാമാപ്രിയഃ കുന്തഃ കവര്‍ണാകൃതിരാത്മഭൂഃ ॥ 42 ॥
ഖലീനഃ ഖലതാഹന്താ ഖേടേശോ മുകുടാധരഃ ।
ഖം ഖങ്ഗേശഃ ഖഗധരഃ ഖേടഃ ഖേചരവല്ലഭഃ ॥ 43 ॥
ഖഗാന്തകഃ ഖഗാക്ഷശ്ച ഖവര്‍ണാമൃതമജ്ജനഃ ।
ഗണേശോ ഗുണമാര്‍ഗേയോ ഗജരാജേശ്വരോ ഗണഃ ॥ 44 ॥
അഗുണഃ സഗുണോ ഗ്രാംയോ ഗ്രീവാലങ്കാരമണ്ഡിതഃ ।
ഗൂഢോ ഗൂഢാശയോ ഗുപ്തോ ഗണഗന്ധര്‍വസേവിതഃ ॥ 45 ॥
ഘോരനാദോ ഘനശ്യാമോ ഘൂര്‍ണാത്മാ ഘുര്‍ഘരാകൃതിഃ ।
ഘനവാഹോ ഘനേശാനോ ഘനവാഹനപൂജിതഃ ॥ 46 ॥
ഘനഃ സര്‍വേശ്വരോ ജേശോ ഘവര്‍ണത്രയമണ്ഡനഃ ।
ചമത്കൃതിശ്ചലാത്മാ ച ചലാചലസ്വരൂപകഃ ॥ 47 ॥
ചാരുവേശശ്ചാരുമൂര്‍തിശ്ചണ്ഡികേശശ്ചമൂപതിഃ ।
ചിന്ത്യോഽചിന്ത്യഗുണാതീതശ്ചിതാരൂപഃ ചിതാപ്രിയഃ ॥ 48 ॥
ചിതേശശ്ചേതനാരൂപശ്ചിതാശാന്താപഹാരകഃ ।
ഛലഭൃച്ഛലകൃച്ഛത്രീ ഛത്രികശ്ഛലകരകഃ ॥ 49 ॥
ഛിന്നഗ്രീവഃ ഛിന്നശീര്‍ഷഃ ഛിന്നകേശഃ ഛിദാരകഃ ।
ജേതാ ജിഷ്ണുരജിഷ്ണുശ്ച ജയാത്മാ ജയമണ്ഡലഃ ॥ 50 ॥
ജന്‍മഹാ ജന്‍മദോ ജന്യോ വൃജനീ ജൃംഭണോ ജടീ ।
ജഡഹാ ജഡസേവ്യശ്ച ജഡാത്മാ ജഡവല്ലഭഃ ॥ 51 ॥
ജയസ്വരൂപോ ജനകോ ജലധിര്‍ജ്വരസൂദനഃ ।
ജലന്ധരസ്ഥോ ജനാധ്യക്ഷോ നിരാധിരാധിരസ്മയഃ ॥ 52 ॥
അനാദിര്‍ജഗതീനാഥോ ജയശ്രീര്‍ജയസാഗരഃ ।
ഝങ്കാരീ ഝലിനീനാഥഃ സപ്തതിഃ സപ്തസാഗരഃ ॥ 53 ॥
ടങ്കാരസംഭവോ ടാണുഃ ടവര്‍ണാമൃതവല്ലഭഃ ।
ടങ്കഹസ്തോ വിടങ്കാരോ ടീകാരോ ടോപപര്‍വതഃ ॥ 54 ॥
ഠകാരീ ച ത്രയഃ ഠഃ ഠഃ സ്വരൂപോ ഠകുരോബലീ ।
ഡകാരീ ഡകൃതീഡംബഡിംബാനാഥോ വിഡംബനഃ ॥ 55 ॥
ഡില്ലീശ്വരോ ഹി ഡില്ലാഭോ ഡങ്കാരാക്ഷര മണ്ഡനഃ ।
ഢവര്‍ണീ ദുല്ലിയജ്ഞേശോ ഢംബസൂചീ നിരന്തകഃ ॥ 56 ॥
ണവര്‍ണീ ശോണിനോവാസോ ണരാഗീ രാഗഭൂഷണഃ ।
താംരാപസ്തപനസ്താപീ തപസ്വീ തപസാം നിധിഃ ॥ 57 ॥
തപോമയസ്തപോരൂപസ്തപസാം ഫലദായകഃ ।
തമീശ്വരോ മഹാതാലീ തമീചരക്ഷയങ്കരഃ ॥ 58 ॥
തപോദ്യോതിസ്തപോഹീനോ വിതാനീ ത്ര്യംയബകേശ്വരഃ ।
സ്ഥലസ്ഥഃ സ്ഥാവരഃ സ്ഥാണുഃ സ്ഥിരബുദ്ധിഃ സ്ഥിരേന്ദ്രിയഃ ॥ 59 ॥
സ്ഥിരങ്കൃതീ സ്ഥിരപ്രീതിഃ സ്ഥിതിദഃ സ്ഥിതിവാംസ്തഥാ ।
ദംഭീ ദമപ്രിയോ ദാതാ ദാനവോ ദാനവാന്തകഃ ॥ 60 ॥ ദാനവാന്യനീ?
ധര്‍മാധര്‍മോ ധര്‍മഗതിര്‍ധനവാന്ധനവല്ലഭഃ ।
ധനുര്‍ധരോ ധനുര്‍ധന്യോ ധീരേശോ ധീമയോ ധൃതിഃ ॥ 61 ॥
ധകാരാന്തോ ധരാപാലോ ധരണീശോ ധരാപ്രിയഃ ।
ധരാധരോ ധരേശാനോ നാരദോ നാരസോരസഃ ॥ 62 ॥
സരസോ വിരസോ നാഗോ നാഗയജ്ഞോപവീതവാന്‍ ।
നുതിലഭ്യോ നുതീശാനോ നുതിതുഷ്ടോ നുതീശ്വരഃ ॥ 63 ॥
പീവരാങ്ഗ പരാകാരഃ പരമേശഃ പരാത്പരഃ ।
പാരാവാരഃ പരം പുണ്യം പരാമൂര്‍തിഃ പരം പദം ॥ 64 ॥
പരോഗംയഃ പരന്തേജഃ പരംരൂപഃ പരോപകൃത് ।
പൃഥ്വീപതിഃ പതിഃ പൂതിഃ പൂതാത്മാ പൂതനായകഃ ॥ 65 ॥
പാരഗഃ പാരദൃശ്വാ ച പവനഃ പവനാത്മജഃ ।
പ്രാണദോഽപാനദഃ പാന്ഥഃ സമാനവ്യാനദോ വരം ॥ 66 ॥
ഉദാനദഃ പ്രാണഗതിഃ പ്രാണിനാം പ്രാണഹാരകഃ ।
പുംസാം പടീയാന്‍പരമഃ പരമം സ്ഥാനകഃ പവിഃ ॥ 67 ॥
രവിഃ പീതാനനഃ പീഠം പാഠീനാകൃതിരാത്മവാന്‍ ।
പത്രീ പീതഃ പവിത്രം ച പാഠനം പാഠനപ്രിയഃ ॥ 68 ॥
പാര്‍വതീശഃ പര്‍വതേശഃ പര്‍വേശഃ പര്‍വഘാതനഃ ।
ഫണീ ഫണിദ ഈശാനഃ ഫുല്ലഹസ്തഃ ഫണാകൃതിഃ ॥ 69 ॥
ഫണിഹാരഃ ഫണിമൂര്‍തിഃ ഫേനാത്മാ ഫണിവല്ലഭഃ ।
ബലീ ബലിപ്രിയോ ബാലോ ബാലാലാപീ ബലന്ധരഃ ॥ 70 ॥
ബാലകോ ബലഹസ്തശ്ച ബലിഭുഗ്ബാലനാശനഃ ।
ബലിരാജോ ബലങ്കാരീ ബാണഹസ്തോഽര്‍ധവര്‍ണഭൃത് ॥ 71 ॥
ഭദ്രീ ഭദ്രപ്രദോ ഭാസ്വാന്‍ഭാമയോ ഭ്രമയോനയഃ ।
ഭവ്യോ ഭാവപ്രിയോ ഭാനുര്‍ഭാനുമാന്‍ഭീമനന്ദകഃ ॥ 72 ॥
ഭൂരിദോ ഭൂതനാഥശ്ച ഭൂതലം സുതലം തലം ।
ഭയഹാ ഭാവനാകര്‍താ ഭവഹാ ഭവഘാതകഃ ॥ 73 ॥
ഭവോ വിഭവദോ ഭീതോ ഭൂതഭവ്യോ ഭവപ്രിയഃ ।
ഭവാനീശോ ഭഗേഷ്ടശ്ച ഭഗപൂജനപോഷണഃ ॥ 74 ॥
മകുരോ മാനദോ മുക്തോ മലിനോ മലനാശനഃ ।
മാരഹര്‍താ മഹോധിശ്ച മഹസ്വീ മഹതീപ്രിയഃ ॥ 75 ॥
മീനകേതുര്‍മഹാമാരോ മഹേഷ്വാ മദനാന്തകഃ ।
മിഥുനേശോ മഹാമോഹോ മല്ലോ മല്ലാന്തകോ മുനിഃ ॥ 76 ॥
മരീചിഃ രുചിമാന്യോഗീ മഞ്ജുലേശോഽമരാധിപഃ ।
മര്‍ദനോ മോഹമര്‍ദീ ച മേധാവീ മേദിനീപതിഃ ॥ 77 ॥
മഹീപതിഃ സഹസ്രാരോ മുദിതോ മാനവേശ്വരഃ ।
മൌനീ മൌനപ്രിയോ മാസഃ പക്ഷീ മാധവ ഇഷ്ടവാന്‍ ॥ 78 ॥
മത്സരീ മാപതിര്‍മേഷോ മേഷോപഹാരതോഷിതഃ ।
മാണിക്യമണ്ഡിതോ മന്ത്രീ മണിപൂരനിവാസകഃ ॥ 79 ॥
മന്ദമുന്‍മദരൂപശ്ച മേനകീ പ്രിയദര്‍ശനഃ ।
മഹേശോ മേഘരൂപശ്ച മകരാമൃതദര്‍ശനഃ ॥ 80 ॥
യജ്ജ്വാ യജ്ഞപ്രിയോ യജ്ഞോ യശസ്വീ യജ്ഞഭുഗ്യുവാ ।
യോധപ്രിയോ യമപ്രിയോ യാമീനാഥോ യമക്ഷയഃ ॥ 81 ॥
യാജ്ഞികോ യജ്ഞമാനശ്ച യജ്ഞമൂര്‍തിര്യശോധരഃ ।
രവിഃ സുനയനോ രത്നരസികോ രാമശേഖരഃ ॥ 82 ॥
ലാവണ്യം ലാലസോ ലൂതോ ലജ്ജാലുര്ലലനാപ്രിയഃ ।
ലംബമൂര്‍തിവിലംബീ ച ലോലജിഹ്വോ ലുലുന്ധരഃ ॥ 83 ॥
വസുദോ വസുമാന്വാസ്തുവാഗ്ഭവോ വടുകോ വടുഃ ।
വീടീപ്രിയോ വിടങ്കീ ച വിടപീ വിഹഗാധിപഃ ॥ 84 ॥
വിശ്വമോദീ വിനയദോ വിശ്വപ്രീതോ വിനായകഃ ।
വിനാന്തകോ വിനാംശകോ വൈമാനികോ വരപ്രദഃ ॥ 85 ॥
ശംഭുഃ ശചീപതിഃ ശാരസമദോ വകുലപ്രിയഃ ।
ശീതലഃ ശീതരൂപശ്ച ശാവരീ പ്രണതോ വശീ ॥ 86 ॥
ശീതാലുഃ ശിശിരഃ ശൈത്യഃ ശീതരശ്മിഃ സിതാംശുമാന്‍ ।
ശീലദഃ ശീലവാന്‍ ശാലീ ശാലീനഃ ശശിമണ്ഡനഃ ॥ 87 ॥
ശണ്ഡഃ ശണ്ടഃ ശിപിവിഷ്ടഃ ഷവര്‍ണോജ്ജ്വലരൂപവാന്‍ ।
സിദ്ധസേവ്യഃ സിതാനാഥഃ സിദ്ധികഃ സിദ്ധിദായകഃ ॥ 88 ॥
സാധ്യോ സുരാലയഃ സൌംയഃ സിദ്ധിഭൂഃ സിദ്ധിഭാവനഃ ।
സിദ്ധാന്തവല്ലഭഃ സ്മേരഃ സിതവക്ത്രഃ സഭാപതിഃ ॥ 89 ॥
സരോധീശഃ സരിന്നാഥഃ സിതാഭശ്ചേതനാസമഃ ।
സത്യപഃ സത്യമൂര്‍തിശ്ച സിന്ധുരാജഃ സദാശിവഃ ॥ 90 ॥
സദേശഃ സദനാസൂരിഃ സേവ്യമാനഃ സതാങ്ഗതിഃ ।
സതാംഭാവ്യഃ സദാനാഥഃ സരസ്വാന്‍സമദര്‍ശനഃ ॥ 91 ॥
സുസന്തുഷ്ടഃ സതീചേതഃ സത്യവാദീ സതീരതഃ ।
സര്‍വാരാധ്യഃ സര്‍വപതിഃ സമയീ സമയഃ സ്വയം ॥ 92 ॥
സ്വയംഭൂഃ സ്വയമാത്മീയഃ സ്വയംഭാവഃ സമാത്മകഃ ।
സുരാധ്യക്ഷഃ സുരപതിഃ സരോജാസനസേവകഃ ॥ 93 ॥
സരോജാക്ഷനിഷേവ്യശ്ച സരോജദലലോചനഃ ।
സുമതിഃ കുമതിഃ സ്തുത്യഃ സുരനായകനായകഃ ॥ 94 ॥
സുധാപ്രിയഃ സുധേശശ്ച സുധാമൂര്‍തിഃ സുധാകരഃ ।
ഹീരകോ ഹീരവാംശ്ചൈവ ഹേതുഃ ഹാടകമണ്ഡനഃ ॥ 95 ॥
ഹാടകേശോ ഹഠധരോ ഹരിദ്രത്നവിഭൂഷണഃ ।
ഹിതകൃദ്ധേതുഭൂതശ്ച ഹാസ്യദോ ഹാസ്യവക്ത്രകഃ ॥ 96 ॥
ഹാരോ ഹാരപ്രിയോ ഹാരീ ഹവിഷ്മല്ലോചനോ ഹരിഃ ।
ഹവിഷ്മാന്‍ഹവിഭുഗ്വാദ്യോ ഹവ്യം ഹവിര്‍ഭുജാം വരഃ ॥ 97 ॥
ഹംസഃ പരമഹംസശ്ച ഹംസീനാഥോ ഹലായുധഃ ।
ഹരിദശ്വോ ഹരിസ്തുത്യോ ഹേരംബോ ലംബിതോദരഃ ॥ 98 ॥
ക്ഷമാപതിഃ ക്ഷമഃ ക്ഷാന്തഃ ക്ഷുരാധാരോഽക്ഷിഭീമകഃ ।
ക്ഷിതിനാഥഃ ക്ഷണേഷ്ടശ്ച ക്ഷണവായുഃ ക്ഷവഃ ക്ഷതഃ ॥ 99 ॥
ക്ഷീണശ്ച ക്ഷണികഃ ക്ഷാമഃ ക്ഷവര്‍ണാമൃതപീഠകഃ ।
അകാരാദി ക്ഷകാരാന്താ വിദ്യാമാലാവിഭൂഷണഃ ॥ 100 ॥
സ്വര വ്യഞ്ജന ഭൂഷാഢ്യോ ഹ്രസ്വ ദീര്‍ഘ വിഭൂഷണഃ ।
ഓം ക്ഷ്മൃം മഹാഭൈരവേശീ ഓം ശ്രീം ഭൈരവപൂര്‍വകഃ ॥ 101 ॥
ഓം ഹ്രീം വടുകഭാവേശോ ഓം ഹ്രീം വടുകഭൈരവഃ ।
ഓം ക്ലീം ശ്മശാനവാസീ ച ഓം ഹ്രീം ശ്മശാനഭൈരവഃ ॥ 102 ॥
മൈം ഭദ്രകാലികാനാഥഃ ക്ലീം ഓം ഹ്രീം കാലികാപതിഃ ।
ഐം സൌഃ ക്ലീം ത്രിപുരേശാനോ ഓം ഹ്രീം ജ്വാലാമുഖീപതിഃ ॥ 103 ॥
ഐം ക്ലീം സഃ ശാരദാനാഥോ ഓം ഹ്രീം മാര്‍തണ്ഡഭൈരവഃ ।
ഓം ഹ്രീം സുമന്തുസേവ്യശ്ച ഓം ശ്രീം ഹ്രീം മത്തഭൈരവഃ ॥ 104 ॥
ഓം ശ്രീം ഉന്‍മത്തചിത്തശ്ച ഓം ശ്രീം ഉം ഉഗ്രഭൈരവഃ ।
ഓം ശ്രീം കഠോരദേശശ്ച ഓം ശ്രീം ഹ്രീം കഠോരഭൈരവഃ ॥ 105 ॥
ഓം ശ്രീം കാമാന്ധകധ്വംസീ ഓം ശ്രീം കാമാന്ധഭൈരവഃ ।
ഓം ശ്രീം അഷ്ടസ്വരശ്ചൈവ ഓം ശ്രീം അഷ്ടകഭൈരവഃ ॥ 106 ॥
ഓം ശ്രീം ഹ്രീം അഷ്ടമൂര്‍തിശ്ച ഓം ശ്രീം ചിന്‍മൂര്‍തിഭൈരവഃ ।
ഓം ഹ്രീം ഹാടകവര്‍ണശ്ച ഓം ഹ്രീം ഹാടകഭൈരവഃ ॥ 107 ॥
ഓം ശ്രീം ശശാങ്ക വദനഃ ഓം ശ്രീം ശീതലഭൈരവഃ ।
ഓം ശ്രീം ശിവാരുതശ്ചൈവ ഓം ശ്രീം ശാരൂകഭൈരവഃ ॥ 108 ॥
ഓം ശ്രീം അഹംസ്വരൂപശ്ച ഓം ഹ്രീം ശ്രീമുണ്ഡഭൈരവഃ ।
ഓം ശ്രീം മനോന്‍മനശ്ചൈവ ഓം ശ്രീം മങ്ഗലഭൈരവഃ ॥ 109 ॥
ഓം ശ്രീം ബുദ്ധിമയശ്ചൈവ ഓം ശ്രീം ഭൈംബുദ്ധഭൈരവഃ ।
ഓം ശ്രീം ഐം ക്ലീം നാഗമൂര്‍തിഃ ഓം ശ്രീം ഹ്രീം നാഗഭൈരവഃ ॥ 110 ॥
ഓം ശ്രീം ക്ലീം കൂര്‍മമൂര്‍തിശ്ച ഓം ശ്രീം കൃകരഭൈരവഃ ।
ഓം ഹ്രീം ശ്രീം ദേവദത്തശ്ച ഓം ശ്രീം ക്ലീം ദത്തഭൈരവഃ ॥ 111 ॥
ഓം ഹ്രീം ധനഞ്ജയശ്ചൈവ ഓം ശ്രീം ധനികഭൈരവഃ ।
ഓം ശ്രീം ഹ്രീം രസരൂപശ്ച ഓം ശ്രീം രസികഭൈരവഃ ॥ 112 ॥
ഓം ശ്രീം സ്പര്‍ശരൂപശ്ച ഓം ശ്രീം ഹ്രീം സ്പര്‍ശഭൈരവഃ ।
ഓം ശ്രീം ഹ്രീം ക്ലീം സ്വരൂപശ്ച ഓം ശ്രീം ഹ്രീം രൂപഭൈരവഃ ॥ 113 ॥
ഓം ശ്രീം സത്ത്വമയശ്ചൈവ ഓം ശ്രീം ഹ്രീം സത്ത്വഭൈരവഃ ।
ഓം ശ്രീം രജോഗുണാത്മാ ച ഓം ശ്രീം രാജസഭൈരവഃ ॥ 114 ॥
ഓം ശ്രീം തമോമയശ്ചൈവ ഓം ശ്രീം താമസഭൈരവഃ ।
ഓം ശ്രീം ധര്‍മമയശ്ചൈവ ഓം ഹീം വൈ ധര്‍മഭൈരവഃ ॥ 115 ॥
ഓം ശ്രീം ഹ്രീം മധ്യചൈതന്യോ ഓം ശ്രീം ചൈതന്യഭൈരവഃ ।
ഓം ശ്രീം ഹ്രീം ക്ഷിതിമൂര്‍തിശ്ച ഓം ഹ്രീം ക്ഷാത്രികഭൈരവഃ ॥ 116 ॥
ഓം ശ്രീം ഹ്രീം ജലമൂര്‍തിശ്ച ഓം ഹ്രീം ജലേന്ദ്രഭൈരവഃ ।
ഓം ശ്രീം പവനമൂര്‍തിശ്ച ഓം ഹ്രീം പീഠകഭൈരവഃ ॥ 117 ॥
ഓം ശ്രീം ഹുതാശമൂര്‍തിശ്ച ഓം ഹ്രീം ഹാലാഖഭൈരവഃ ।
ഓം ശ്രീം ഹ്രീം സോമമൂര്‍തിശ്ച ഓം ശ്രീം ഹ്രീം സൌംയഭൈരവഃ ॥ 118 ॥
ഓം ശ്രീം ഹ്രീം സൂര്യമൂര്‍തിശ്ച ഓം ശ്രീം സൌരേന്ദ്രഭൈരവഃ ।
ഓം ജൂം സഃ ഹംസരൂപശ്ച ഹം സഃ ജും ഓം മൃത്യഞ്ജയഃ ।
ഓം ചത്വാരിംശദധികോ ഓം ശ്രീം അഘോരഭൈരവഃ ॥ 119 ॥
അഘോരേഭ്യോഽഥ ഘോരേഭ്യോ ഘോരഘോരതരേഭ്യഃ ।
സര്‍വതഃ സര്‍വസര്‍വേഭ്യോ നമസ്തേ രുദ്രരൂപേഭ്യഃ ॥ 120 ॥
ഭൈരവേശോഽഭയവരദാതാ ദേവജനപ്രിയഃ ।
ഓം ശ്രീം ഹ്രീം ക്ലീം ക്ഷ്ംയും ദേവീ വൈ അഘോരദര്‍ശനഃ ॥ 121 ॥
ഓം ശ്രീം സൌന്ദര്യവാന്ദേവോ ഓം അഘോരകൃപാനിധിഃ ।
സഹസ്രനാമ ഇതി നാംനാം സഹസ്രം തു അഘോരസ്യ ജഗത്പ്രഭുഃ ॥ 122 ॥
തവ ഭക്ത്യാ മയാഖ്യാതം ത്രിഷു ലോകേഷു ദുര്ലഭം ।
അപ്രകാശ്യമദാതവ്യം ഗോപ്തവ്യം ശരജന്‍മനഃ ॥ 123 ॥
ബല്യം ബലപ്രദം സ്തുത്യം സ്തവനീയം സ്തവോത്തമം ।
പഠേദ്വാ പാഠയേന്നിത്യം ധ്യായേച്ചേതസി നിത്യശഃ ॥ 124 ॥
അദ്രഷ്ടവ്യമദീക്ഷായ ഗോപ്തവ്യം പശുസങ്കടേ ।
നാതഃ പരതരം കിഞ്ചിത്സര്‍വസ്വം നാസ്തി മേ ഹൃദി ॥ 125 ॥
പുണ്യദം പുണ്യമാത്മീയം സകലം നിഷ്കലം പരം ।
പഠേന്‍മന്ത്രീ നിശീഥേ തു നഗ്നഃ ശ്രീമുക്തകുന്തലഃ ॥ 126 ॥
അനന്തം ചിത്സുധാകാരം ദേവാനാമപി ദുര്ലഭം ।
ശക്ത്യാ യുക്തോ ജപേന്നാംനാം സഹസ്രം ഭക്തിപൂര്‍വകം ॥ 127 ॥
തത്ക്ഷണാത്സാധകഃ സത്യം ജീവന്‍മുക്തോ ഭവിഷ്യതി ।
ഭൌമേഽര്‍ക ശനിവാരേ തു ശ്മശാനേ സാധകഃ പഠേത് ॥ 128 ॥
സദ്യസ്തസ്യ സ്വയം ദേവോ വരദസ്തു ഭവിഷ്യതി ।
ദശാവര്‍ത്തം പഠേദ്രാത്രൌ നദീതീരേഷു ധൈര്യവാന്‍ ॥ 129 ॥
തസ്യ ഹസ്തേ സദാ സന്തി ത്ര്യംബകസ്യാഷ്ടസിദ്ധയഃ ।
മധ്യാഹേ ശിവരാത്രൌ ച നിശീഥേ വിവിധേ പഠേത് ॥ 130 ॥
ഇന്ദ്രാദയഃ സുരഗണാ വശമേഷ്യന്തി നാന്യഥാ ।
ഗുരൌ ബ്രാഹ്മമുഹൂര്‍തേ തു പഠേദ്ഭക്ത്യാ ച സാധകഃ ॥ 131 ॥
യാവദിന്ദ്രഃ സഭാമധ്യേ തദഗ്രേ മൂകവത് ഭവേത് ।
ശുക്രേ നദ്യാ ജലേ മന്ത്രീ പഠേന്നാംനാം സഹസ്രകം ॥ 132 ॥
തദാപ്രഭൃതി ത്രൈലോക്യം മോഹമേഷ്യതി നാന്യഥാ ।
ഭൌമേ വനാന്തരേ മന്ത്രീ പഠേത്സന്ധ്യാനിധൌ തദാ ॥ 133 ॥
ശത്രുഃ കാലസമാനോഽപി മൃത്യുമേഷ്യതി നാന്യഥാ ।
ത്രിസന്ധ്യോദയകാലേ തു പഠേത്സാധകസത്തമഃ ॥ 134 ॥
രംഭാദ്യപ്സരസഃ സര്‍വാ വശമായാന്തി തത്ക്ഷണാത് ।
ഭൌമേ മധ്യാഹ്നസമയേ പഠേച്ച കൂപസന്നിധൌ ॥ 135 ॥
സദ്യോ ദേവി മഹാന്തം കാരിപുമുച്ചാടയേദ്ധ്രുവം ।
സദ്യസ്ത്രിവാരം പഠേന്നാംനാം സഹസ്രമുത്തമം ॥ 136 ॥
ഇഹലോകേ ഭവേദ്ഭോഗീ പരേ മുക്തിര്‍ഭവിഷ്യതി ।
അര്‍കവാരേ സമാലിഖ്യ ഭൂര്‍ജത്വചി ച സാധകഃ ॥ 137 ॥
കുങ്കുമാലക്തകസ്തൂരീ ഗോരോചന മനഃശിലാഃ ।
സര്‍വാദ്യൈര്‍വസുഭിര്‍മന്ത്രീ വേഷ്ടയേത്താംരരജ്ജുനാ ॥ 138 ॥
ധാരയേന്‍മൂര്‍ധ്നി സദ്യസ്തു ലഭേത്കാമാന്യഥേപ്സിതാന്‍ ।
പുത്രാന്ദാരാംശ്ച ലക്ഷ്മീം ച യശോ ധര്‍മം ധനാനി ച ॥ 139 ॥
ലഭതേ നാത്ര സംശയഃ സത്യമേതദ്വചോ മമ ।
വിനാനേന മഹാദേവി പഠേദ്യഃ കവചം ശുഭം ॥ 140 ॥
തസ്യ ജീവം ധനം പുത്രാന്‍ ദാരാന്‍ഭക്ഷന്തി രാക്ഷസാഃ ।
വിനാനേന ജപേത് വിദ്യാമഘോരസ്യ ച സാധകഃ ॥ 141 ॥
തസ്യ കോടി ജപം വ്യര്‍ഥം സത്യമേതദ്വചോ മമ ।
ബഹുനാത്ര കിമുക്തേന സഹസ്രാഖ്യം സ്തവോത്തമം ॥ 142 ॥
യദ്ഗൃഹേ വാ ജപേദ്യസ്തു ശ്രാവയേദ്വാ ശ‍ൃണോതി യഃ ।
സ സ്വയം നീലകണ്ഠോഽഹം തത്കലത്രം മഹേശ്വരീ ॥ 143 ॥
ഇദം രഹസ്യം പരമം ഭക്ത്യാ തവ മയോദിതം ।
അത്യന്തദുര്ലഭം നാകേ തഥാത്യന്തം മഹീതലേ ॥ 144 ॥
ഭൂമൌ ച ദുര്ലഭം ദേവി ഗോപനീയം ദുരാത്മനഃ ।
അഘോരസ്യ മഹാദേവി തത്ത്വം പരമതത്ത്വകം ॥ 145 ॥
അതീവ മധുരം ഹൃദ്യം പരാപരരഹസ്യകം ।
വിനാ ബലിം വിനാ പൂജാം ന രക്ഷ്യഃ സാധകോത്തമഃ ॥ 146 ॥
പഠനീയം ദിവാരാത്രൌ സിദ്ധയോഽഷ്ടൌ ഭവന്തി ഹി ।
ഇദം രഹസ്യം പരമം രഹസ്യാതിരഹസ്യകം ॥ 147 ॥
അപ്രകാശ്യമദാതവ്യമവക്തവ്യം ദുരാത്മനേ ।
യഥേഷ്ടഫലദം സദ്യഃ കലൌ ശീഘ്രഫലപ്രദം ॥ 148 ॥
ഗോപ്യം ഗുപ്തതരം ഗൂഢം ഗുപ്തം പുത്രായ പാര്‍വതി ।
ഗോപനീയം സദാഗോപ്യം ഗോപ്തവ്യം ച സ്വയോനിവത് ॥ 149 ॥
ഇതി ശ്രീരുദ്രയാമലേ തന്ത്രേ ഭൈരവ-ഭൈരവീ സംവാദേ
അഘോരമൂര്‍തിസഹസ്രനാമസ്തവഃ സമ്പൂര്‍ണഃ ॥