॥ Bala Rama Sahasranamastotram 2 Gujarati Lyrics ॥
॥ શ્રીબાલાત્રિપુરસુન્દરીસહસ્રનામસ્તોત્રમ્ ૨ ॥
સમાધ્યુપરતં કાલે કદાચિદ્વિજને મુદા ।
પરમાનન્દસન્દોહમુદિતં પ્રાહ પાર્વતી ॥ ૧ ॥
શ્રીદેવ્યુવાચ –
શ્રીમન્નાથ તવાનન્દકારણં બ્રૂહિ શઙ્કર ।
યોગીન્દ્રોપાસ્ય દેવેશ પ્રેમપૂર્ણ સુધાનિધે ।
કૃપાસ્તિ યદિ મે શમ્ભો સુગોપ્યમપિ કથ્યતામ્ ॥ ૨ ॥
શ્રીભૈરવઃ
નિર્ભરાનન્દસન્દોહઃ શક્તિભાવેન જાયતે ।
લાવણ્યસિન્ધુસ્તત્રાસ્તિ બાલાયા રસકન્દરઃ ॥ ૩ ॥
તામેવાનુક્ષણં દેવીં ચિન્તયામિ તતઃ શિવામ્ ।
તસ્યા નામસહસ્રાણિ કથયામિ તવ પ્રિયે ॥ ૪ ॥
સુગોપ્યાન્યપિ રમ્ભોરુ ગમ્ભીરસ્નેહવિભ્રમાત્ ।
તામેવ સ્તુવતો દેવિ ધ્યાયતોઽનુક્ષણં મમ ।
સુખસન્દોહસમ્ભાવો જ્ઞાનાનન્દસ્ય કારણમ્ ॥ ૫ ॥
અસ્ય શ્રીબાલાત્રિપુરસુન્દરી સહસ્રનામસ્તોત્રસ્ય શઙ્કર ઋષિઃ,
અનુષ્ટુપ્ છન્દઃ । શ્રીબાલાત્રિપુરા દેવતા । ઐં બીજમ્ । સૌઃ શક્તિઃ ।
ક્લીં કીલકમ્ । શ્રીબાલાપ્રીત્યર્થે સમસ્તપુરુષાર્થસિદ્ધ્યર્થે
પારાયણે વિનિયોગઃ ।
ઐં અઙ્ગુષ્ઠાભ્યાં નમઃ । ક્લીં તર્જનીભ્યાં નમઃ ।
સૌઃ મધ્યમાભ્યાં નમઃ । ઐં અનામિકાભ્યાં નમઃ ।
ક્લીં કનિષ્ઠિકાભ્યાં નમઃ । સૌઃ કરતલકરપૃષ્ઠાભ્યાં નમઃ ।
એવં હૃદયાદિન્યાસઃ ।
ધ્યાનમ્ ।
અરુણકિરણજાલૈ રઞ્જિતાશાવકાશા
વિધૃતજપવટીકા પુસ્તકાભીતિહસ્તા ।
ઇતરવરકરાઢ્યા ફુલ્લકલ્હાર સંસ્થા
નિવસતુ હૃદિ બાલા નિત્યકલ્યાણશીલા ॥
રક્તામ્બરાં ચન્દ્રકલાવતંસાં સમુદ્યદાદિત્યનિભાં ત્રિનેત્રામ્ ।
વિદ્યાક્ષમાલાભયદાનહસ્તાં ધ્યાયામિ બાલામરુણામ્બુજસ્થામ્ ॥
આનન્દસિન્ધુરાનન્દાઽઽનન્દમૂર્તિર્વિનોદિની ।
ત્રિપુરા સુન્દરી પ્રેમપાથોનિધિરનુત્તમા ॥ ૧ ॥
વામાર્ધગહ્વરા ભૂતિર્વિભૂતિઃ શઙ્કરી શિવા ।
શૃઙ્ગારમૂર્તિર્વરદા રસા ચ શુભગોચરા ॥ ૨ ॥
પરમાનન્દલહરી રતી રઙ્ગવતી ગતિઃ ।
રઙ્ગમાલાનઙ્ગકલા કેલી કૈવલ્યદા કલા ॥ ૩ ॥
રસકલ્પા કલ્પલતા કુતૂહલવતી ગતિઃ ।
વિનોદદિગ્ધા સુસ્નિગ્ધા મુગ્ધમૂર્તિર્મનોરમા ॥ ૪ ॥
બાલાર્કકોટિકિરણા ચન્દ્રકોટિસુશીતલા ।
સ્રવત્પીયૂષદિગ્ધાઙ્ગી સ્વર્ગાર્થપરિકલ્પિતા ॥ ૫ ॥
કુરઙ્ગનયના કાન્તા સુગતિઃ સુખસન્તતિઃ ।
રાજરાજેશ્વરી રાજ્ઞી મહેન્દ્રપરિવન્દિતા ॥ ૬ ॥
પ્રપઞ્ચગતિરીશાની પ્રપઞ્ચગતિરુત્તમા ।
દુર્વાસા દુઃસહા શક્તિઃ શિઞ્જત્કનકનૂપુરા ॥ ૭ ॥
મેરુમન્દરવક્ષોજા સૃણિપાશવરાયુધા ।
શરકોદણ્ડસંસક્તપાણિદ્વયવિરાજિતા ॥ ૮ ॥
ચન્દ્રબિમ્બાનના ચારુમુકુટોત્તંસચન્દ્રિકા ।
સિન્દૂરતિલકા ચારુધમ્મિલ્લામલમાલિકા ॥ ૯ ॥
મન્દારદામમુદિતા રત્નમાલાવિભૂષિતા ।
સુવર્ણાભરણપ્રીતા મુક્તાદામમનોરમા ॥ ૧૦ ॥
તામ્બૂલપૂર્ણવદના મદનાનન્દમાનસા ।
સુખારાધ્યા તપઃ સારા કૃપાપારા વિધીશ્વરી ॥ ૧૧ ॥
વક્ષઃસ્થલલસદ્રત્નપ્રભા મધુરસોન્મદા ।
બિન્દુનાદાત્મકોચ્ચારરહિતા તુર્યરૂપિણી ॥ ૧૨ ॥
કમનીયાકૃતિર્ધન્યા શાઙ્કરી પ્રીતિમઞ્જરી ।
પ્રપઞ્ચા પઞ્ચમી પૂર્ણા પૂર્ણપીઠનિવાસિની ॥ ૧૩ ॥
રાજ્યલક્ષ્મીશ્ચ શ્રીલક્ષ્મીર્મહાલક્ષ્મીઃ સુરાજિકા ।
સન્તોષસીમા સમ્પત્તિઃ શાતકૌમ્ભી ૧ તથા દ્યુતિઃ ॥ ૧૪ ॥
૧ શાતકુમ્ભપ્રિયાકૃતિઃ
પરિપૂર્ણા જગદ્ધાત્રી વિધાત્રી બલવર્ધિની ।
સાર્વભૌમનૃપશ્રીશ્ચ સામ્રાજ્યગતિરમ્બિકા ॥ ૧૫ ॥
સરોજાક્ષી દીર્ઘદૃષ્ટિઃ સાચીક્ષણવિચક્ષણા ।
રઙ્ગસ્રવન્તી રસિકા (૧૦૦) પ્રધાના રસરૂપિણી ॥ ૧૬ ॥
રસસિન્ધુઃ સુગાત્રી ચ ધૂસરી મૈથુનોન્મુખા ।
નિરન્તરગુણાસક્તા શક્તિર્નિધુવનાત્મિકા ॥ ૧૭ ॥
કામાક્ષી કમનીયા ચ કામેશી ભગમઙ્ગલા ।
સુભગા ભોગિની ભોગ્યા ભગ્યદા સુભગા ભગા ॥ ૧૮ ॥
ભગલિઙ્ગાનન્દકલા ભગમધ્યનિવાસિની ।
ભગરૂપા ભગમયી ભગયન્ત્રા ભગોત્તમા ॥ ૧૯ ॥
યોનિમુદ્રા કામકલા કુલામૃતપરાયણા ।
કુલકુણ્ડાલયા સૂક્ષ્મા જીવાત્મા લિઙ્ગરૂપિણી ॥ ૨૦ ॥
મૂલક્રિયા મૂલરૂપા મૂલાકૃતિસ્વરૂપિણી ।
સોત્સુકા કમલાનન્દા ચિદ્ભાવાઽઽત્મગતિઃ શિવા ॥ ૨૧ ॥
શ્વેતારુણા બિન્દુરૂપા વેદયોનિર્ધ્વનિક્ષણા ।
ઘણ્ટાકોટિ રવારાવા રવિબિમ્બોત્થિતાઽદ્ભુતા ॥ ૨૨ ॥
નાદાન્તલીના સમ્પૂર્ણા પૂર્ણસ્થા બહુરૂપિકા ।
ભૃઙ્ગારાવા વંશગતિર્વાદિત્રા મુરજધ્વનિઃ ॥ ૨૩ ॥
વર્ણમાલા સિદ્ધિકલા ષટ્ ચક્રક્રમવાસિની ।
મૂલકેલીરતા સ્વાધિષ્ઠાના તુર્યનિવાસિની ॥ ૨૪ ॥
મણિપૂરસ્થિતિઃ સ્નિગ્ધા કૂર્મચક્રપરાયણા ।
અનાહતગતિર્દીપશિખા મણિમયાકૃતિઃ ॥ ૨૫ ॥
વિશુદ્ધા શબ્દસંશુદ્ધા જીવબોધસ્થલી રવા ।
આજ્ઞાચક્રાબ્જસંસ્થા ચ સ્ફુરન્તી નિપુણા ત્રિવૃત્ ॥ ૨૬ ॥
ચન્દ્રિકા ચન્દ્રકોટિ શ્રીઃ સૂર્યકોટિપ્રભામયી ।
પદ્મરાગારુણચ્છાયા નિશ્ચલાઽમૃતનન્દિની ।
કાન્તાઙ્ગસઙ્ગમુદિતા સુધામાધુર્યસમ્ભૃતા ॥ ૨૮ ॥
મહામઞ્ચસ્થિતાઽલિપ્તા તૃપ્તા દૃપ્તા સુસમ્ભૃતિઃ ।
સ્રવત્પીયૂષસંસિક્તા રક્તાર્ણવવિવર્ધિની ॥ ૨૯ ॥
સુરક્તા પ્રિયસંસિક્તા શશ્વત્કુણ્ડાલયાઽભયા । (૨૦૦) ।
શ્રેયઃ શ્રુતિશ્ચ પ્રત્યેકાનવકેશિફલાવલી ॥ ૩૦ ॥
પ્રીતા શિવા શિવપ્રિયા શાઙ્કરી શામ્ભવી વિભા ।
સ્વયમ્ભૂઃ સ્વપ્રિયા સ્વીયા સ્વકીયા જનમાતૃકા ॥ ૩૧ ॥
સ્વારામા સ્વાશ્રયા સાધ્વી સુધાધારાઽધિકાધિકા ।
મઙ્ગલોજ્જયિની માન્યા સર્વમઙ્ગલસઙ્ગિની ॥ ૩૨ ॥
ભદ્રા ભદ્રાવલી કન્યા કલિતાર્ધેન્દુબિમ્બભાક્ ।
કલ્યાણલતિકા કામ્યા કુકર્મા કુમતિર્મનુઃ ॥ ૩૩ ॥
કુરઙ્ગાક્ષી ક્ષીબનેત્રા ક્ષારા રસમદોન્મદા ।
વારુણીપાનમુદિતા મદિરારચિતાશ્રયા ॥ ૩૪ ॥
કાદમ્બરીપાનરુચિર્વિપાશા પાશભીતિનુત્ ।
મુદિતા મુદિતાપાઙ્ગા દરદોલિતદીર્ઘદૃક્ ॥ ૩૫ ॥
દૈત્યકુલાનલશિખા મનોરથસુધાદ્યુતિઃ ।
સુવાસિની પીનગાત્રી પીનશ્રોણિપયોધરા ॥ ૩૬ ॥
સુચારુકબરી દન્તદીધિતિદીપ્રમૌક્તિકા ।
બિમ્બાધરા દ્યુતિમુખા પ્રવાલોત્તમદીધિતિઃ ॥ ૩૭ ॥
તિલપ્રસૂનનાસાગ્રા હેમકક્કોલભાલકા ।
નિષ્કલઙ્કેન્દુવદના બાલેન્દુમુકુટોજ્જ્વલા ॥ ૩૮ ॥
નૃત્યત્ખઞ્જનનેત્રશ્રીર્વિસ્ફુરત્કર્ણશષ્કુલી ।
બાલચન્દ્રાતપત્રાર્ધા મણિસૂર્યકિરીટિની ૧ ॥ ૩૯ ॥
૧ કેશૌઘચમ્પકાસેનામાલતીદામપણ્ડિતા – ઇત્યધિકમ્ ।
હેમમાણિક્યતાટઙ્કા મણિકાઞ્ચનકુણ્ડલા ।
સુચારુચિબુકા કમ્બુકણ્ઠી મણિમનોરમા ॥ ૪૦ ॥
ગઙ્ગાતરઙ્ગહારોર્મિર્મત્તકોકિલનિઃસ્વના ।
મૃણાલવિલસદ્બાહુઃ પાશાઙ્કુશધનુર્ધરા ॥ ૪૧ ॥
કેયૂરકટકાચ્છન્ના નાનારત્નમનોરમા ।
તામ્રપઙ્કજપાણિશ્રીર્નખરત્નપ્રભાવતી ॥ ૪૨ ॥
અઙ્ગુલીયમણિશ્રેણિચઞ્ચદઙ્ગુલિસન્તતિઃ ।
મન્દરદ્વન્દ્વસુકુચા રોમરાજીભુજઙ્ગકા ॥ ૪૩ ॥
ગમ્ભીરનાભિસ્ત્રિવલીવલયા ચ સુમધ્યમા ।
રણત્કાઞ્ચીગુણોન્નદ્ધા પટ્ટાંશુકસુનીવિકા ॥ ૪૪ ॥
મેરુગુણ્ડીનિતમ્બાઢ્યા ગજગણ્ડોરુયુગ્મયુક્ ।
સુજાનુમન્દરાસક્તલસજ્જઙ્ઘાદ્વયાન્વિતા ॥ ૪૫ ॥
ગૂઢગુલ્ફા મઞ્જુશિઞ્જન્મણિનૂપુરમણ્ડિતા ૧ ।
૧ પદદ્વન્દ્વા રુણામ્ભોજા નખચન્દ્રા રવિપ્રભા ।
સુસોમપ્રપદા રાજહંસા મત્તેભમન્દગા ॥ ઇત્યધિકમ્ (extra) ।
યોગિધ્યેયપદદ્વન્દ્વા સુધામાઽમૃતસારિણી ॥ ૪૬ ॥
લાવણ્યસિન્ધુઃ સિન્દૂરતિલકા કુટિલાલકા ।
સાધુસિદ્ધા સુબુદ્ધા ચ બુધા વૃન્દારકોદયા ॥ ૪૭ ॥
બાલાર્કકિરણશ્રેણીશોણા શ્રીપ્રેમકામધુક્ ।
રસગમ્ભીરસરસી પદ્મિની (૩૦૦) રસસારસા ॥ ૪૮ ॥
પ્રસન્નાઽઽસન્નવરદા શારદા ચ સુભાગ્યદા ।
નટરાજપ્રિયા વિશ્વનાટ્યા નર્તકનર્તકી ॥ ૪૯ ॥
વિચિત્રયન્ત્રા ચિત્તન્ત્રા વિદ્યાવલ્લી ગતિઃ શુભા ।
કૂટારકૂટા કૂટસ્થા પઞ્ચકૂટા ચ પઞ્ચમી ॥ ૫૦ ॥
ચતુષ્કૂટા ત્રિકૂટાદ્યા ષટ્કૂટા વેદપૂજિતા ।
કૂટષોડશસમ્પન્ના તુરીયા પરમા કલા ॥ ૫૧ ॥
ષોડશી મન્ત્રયન્ત્રાણામીશ્વરી મેરુમણ્ડલા ।
ષોડશાર્ણા ત્રિવર્ણા ચ બિન્દુનાદસ્વરૂપિણી ॥ ૫૨ ॥
વર્ણાતીતા વર્ણમાતા શબ્દબ્રહ્મમહાસુખા ।
ચૈતન્યવલ્લી કૂટાત્મા કામેશી સ્વપ્રદૃશ્યગા ॥ ૫૩ ॥
સ્વપ્નાવતી બોધકરી જાગૃતિર્જાગરાશ્રયા ।
સ્વપ્નાશ્રયા સુષુપ્તિશ્ચ તન્દ્રામુક્તા ચ માધવી ॥ ૫૪ ॥
લોપામુદ્રા કામરાજ્ઞી માનવી વિત્તપાર્ચિતા ।
શાકમ્ભરી નન્દિવિદ્યા ભાસ્વદ્વિદ્યોતમાલિની ॥ ૫૫ ॥
માહેન્દ્રી સ્વર્ગસમ્પત્તિર્દુર્વાસઃસેવિતા શ્રુતિઃ ।
સાધકેન્દ્રગતિઃ સાધ્વી સુલભા સિદ્ધિકન્દરા ॥ ૫૬ ॥
પુરત્રયેશી પુરજિદર્ચિતા પુરદેવતા ।
પુષ્ટિર્વિઘ્નહરી ભૂતિર્વિગુણા પૂજ્યકામધુક્ ॥ ૫૭ ॥
હિરણ્યમાતા ગણપા ગુહમાતા નિતમ્બિની ।
સર્વસીમન્તિની મોક્ષા દીક્ષા દીક્ષિતમાતૃકા ॥ ૫૮ ॥
સાધકામ્બા સિદ્ધમાતા સાધકેન્દ્રા મનોરમા ।
યૌવનોન્માદિની તુઙ્ગા સુશ્રોણિર્મદમન્થરા ॥ ૫૯ ॥
પદ્મરક્તોત્પલવતી રક્તમાલ્યાનુલેપના ।
રક્તમાલારુચિઃ શિખાશિખણ્ડિન્યતિસુન્દરી ॥ ૬૦ ॥
શિખણ્ડિનૃત્તસન્તુષ્ટા સૌરભેયી વસુન્ધરા ।
સુરભિઃ કામદા કામ્યા કમનીયાર્થકામદા ॥ ૬૧ ॥
નન્દિની લક્ષણવતી વસિષ્ઠાલયદેવતા ।
ગોલોકદેવી (૪૦૦) લોકશ્રીર્ગોલોકપરિપાલિકા ॥ ૬૨ ॥
હવિર્ધાની દેવમાતા વૃન્દારકવરાનુયુક્ ।
રુદ્રપત્ની ભદ્રમાતા સુધાધારાઽમ્બુવિક્ષતિઃ ॥ ૬૩ ॥
દક્ષિણા યજ્ઞસમ્મૂર્તિઃ સુબાલા ધીરનન્દિની ।
ક્ષીરપૂર્ણાર્ણવગતિઃ સુધાયોનિઃ સુલોચના ॥ ૬૪ ॥
રામાનુગા સુસેવ્યા ચ સુગન્ધાલયવાસગા ।
સુચારિત્રા સુત્રિપુરા સુસ્તની સ્તનવત્સલા ॥ ૬૫ ॥
રજસ્વલા રજોયુક્તા રઞ્જિકા રઙ્ગમાલિકા ।
રક્તપ્રિયા સુરક્તા ચ રતિરઙ્ગસ્વરૂપિણી ॥ ૬૬ ॥
રજઃ શુક્રામ્બિકા નિષ્ઠા રતનિષ્ઠા રતિસ્પૃહા ।
હાવભાવા કામકેલિસર્વસ્વા સુરજીવિકા ॥ ૬૭ ॥
સ્વયમ્ભૂકુસુમાનન્દા સ્વયમ્ભૂકુસુમપ્રિયા ।
સ્વયમ્ભૂપ્રીતિસન્તુષ્ટા સ્વયમ્ભૂનિન્દકાન્તકૃત્ ॥ ૬૮ ॥
સ્વયમ્ભૂસ્થા શક્તિપુટી રતિસર્વસ્વપીઠિકા ।
અત્યન્તસભિકા દૂતી વિદગ્ધા પ્રીતિપૂજિતા ॥ ૬૯ ॥
કુલ્લિકા યન્ત્રનિલયા યોગપીઠાધિવાસિની ।
સુલક્ષણા રસરૂપા સર્વલક્ષણલક્ષિતા ॥ ૭૦ ॥
નાનાલઙ્કારસુભગા પઞ્ચબાણસમર્ચિતા ।
ઊર્ધ્વત્રિકોણનિલયા બાલા કામેશ્વરી તથા ॥ ૭૧ ॥
ગણાધ્યક્ષા કુલાધ્યક્ષા લક્ષ્મીશ્ચૈવ સરસ્વતી ।
વસન્તસમયપ્રીતા પ્રીતિઃ કુચભરાનતા ॥ ૭૨ ॥
કલાધરમુખાઽમૂર્ધા પાદવૃદ્ધિઃ કલાવતી ।
પુષ્પપ્રિયા ધૃતિશ્ચૈવ રતિકણ્ઠી મનોરમા ॥ ૭૩ ॥
મદનોન્માદિની ચૈવ મોહિની પાર્વણીકલા ।
શોષિણી વશિની રાજિન્યત્યન્તસુભગા ભગા ॥ ૭૪ ॥
પૂષા વશા ચ સુમના રતિઃ પ્રીતિર્ધૃતિસ્તથા ।
ઋદ્ધિઃ સૌમ્યા મરીચ્યંશુમાલા પ્રત્યઙ્ગિરા તથા ॥ ૭૫ ॥
શશિની ચૈવ સુચ્છાયા સમ્પૂર્ણમણ્ડલોદયા ।
તુષ્ટા ચામૃતપૂર્ણા ચ ભગયન્ત્રનિવાસિની ॥ ૭૬ ॥
લિઙ્ગયન્ત્રાલયા (૫૦૦) શમ્ભુરૂપા સંયોગયોગિની ।
દ્રાવિણી બીજરૂપા ચ અક્ષુબ્ધા સાધકપ્રિયા ॥ ૭૭ ॥
રાજબીજમયી રાજ્યસુખદા વાઞ્છિતપ્રદા ।
રજઃ સંવીર્યશક્તિશ્ચ શુક્રવિચ્છિવરૂપિણી ॥ ૭૮ ॥
સર્વસારા સારમયા શિવશક્તિમયી પ્રભા ।
સંયોગાનન્દનિલયા સંયોગપ્રીતિમાતૃકા ॥ ૭૯ ॥
સંયોગકુસુમાનન્દા સંયોગા યોગવર્ધિની ।
સંયોગસુખદારસ્થા ચિદાનન્દૈકસેવિતા ॥ ૮૦ ॥
અર્ધ્યપૂજકસમ્પત્તિરર્ઘ્યદ્રવ્યસ્વરૂપિણી ।
સામરસ્યા પરા પ્રીતા પ્રિયસઙ્ગમરૂપિણી ॥ ૮૧ ॥
જ્ઞાનદૂતી જ્ઞાનગમ્યા જ્ઞાનયોનિઃ શિવાલયા ।
ચિત્કલા જ્ઞાનસકલા સકુલા સકુલાત્મિકા ॥ ૮૨ ॥
કલાચતુષ્ટયી પદ્મિન્યતિસૂક્ષ્મા પરાત્મિકા ।
હંસકેલિસ્થલી ચ્છાયા હંસદ્વયવિકાસિની ॥ ૮૩ ॥
વિરાગતા મોક્ષકલા પરમાત્મકલાવતી ।
વિદ્યાકલાન્તરાત્મસ્થા ચતુષ્ટયકલાવતી ॥ ૮૪ ॥
વિદ્યાસન્તોષિણી તૃપ્તિઃ પરબ્રહ્મપ્રકાશિકા ।
પરમાત્મપરા વસ્તુલીનશક્તિચતુષ્ટયી ॥ ૮૫ ॥
શાન્તિર્બોધકલાવાપ્તિઃ પરજ્ઞાનાત્મિકા કલા ।
પશ્યન્તી પરમાત્મસ્થા ચાન્તરાત્મકલાકુલા ॥ ૮૬ ॥
મધ્યમા વૈખરી ચાત્મકલાનન્દા કલાવતી ।
તારિણી તરણી તારા શિવલિઙ્ગાલયાઽઽત્મવિત્ ॥ ૮૭ ॥
પરસ્પરશુભાચારા બ્રહ્માનન્દવિનોદિની ।
રસાલસા દૂતરાસા સાર્થા સાર્થપ્રિયા હ્યુમા ॥ ૮૮ ॥
જાત્યાદિરહિતા યોગિયોગિન્યાનન્દવર્ધિની । ૧
૧ કાન્તા શાન્તા દાન્તગતિર્વેદાદ્યુદ્દામપદ્ધતિઃ – ઇત્યધિકમ્ ।
વીરભાવપ્રદા દિવ્યા વીરસૂર્વીરભાવદા ॥ ૮૯ ॥
પશુત્વાભિવીરગતિર્વીરસઙ્ગમહોદયા ।
મૂર્ધાભિષિક્ત રાજશ્રીઃ ક્ષત્રિયોત્તમમાતૃકા ॥ ૯૦ ॥
શસ્ત્રાસ્ત્રકુશલા શોભા રસસ્થા યુદ્ધજીવિકા ।
વિજયા યોગિની યાત્રા પરસૈન્યવિમર્દિની ॥ ૯૧ ॥
પૂર્ણા (૬૦૦) વિત્તૈષિણી વિત્તા વિત્તસઞ્ચયશાલિની ।
ભાણ્ડાગારસ્થિતા રત્ના રત્નશ્રેણ્યધિવાસિની ॥ ૯૨ ॥
મહિષી રાજભોગ્યા ચ ગણિકા ગણભોગભૃત્ ।
કરિણી વડવા યોગ્યા મલ્લસેના પદાતિકા ॥ ૯૩ ॥
સૈન્યશ્રેણી શૌર્યરતા પતાકાધ્વજવાસિની ।
સુચ્છત્રા ચામ્બિકા ચામ્બા પ્રજાપાલનસદ્ગતિઃ ॥ ૯૪ ॥
સુરભિઃ પૂજકાચારા રાજકાર્યપરાયણા ।
બ્રહ્મક્ષત્રમયી સોમસૂર્યાન્તર્યામિની સ્થિતિઃ ॥ ૯૫ ॥
પૌરોહિત્યપ્રિયા સાધ્વી બ્રહ્માણી યજ્ઞસન્તતિઃ ।
સોમપાનપરા પ્રીતા જનાઢ્યા તપના ક્ષમા ॥ ૯૬ ॥
પ્રતિગ્રહપરા દાત્રી સૃષ્ટાજાતિઃ સતાઙ્ગતિઃ ।
ગાયત્રી વેદલભ્યા ચ દીક્ષા સન્ધ્યાપરાયણા ॥ ૯૭ ॥
રત્નસદ્દીધિતિર્વિશ્વવાસના વિશ્વજીવિકા ।
કૃષિવાણિજ્યભૂતિશ્ચ વૃદ્ધિર્ધીશ્ચ કુસીદિકા ॥ ૯૮ ॥
કુલાધારા સુપ્રસારા મનોન્મની પરાયણા ।
શૂદ્રા વિપ્રગતિઃ કર્મકરી કૌતુકપૂજિતા ॥ ૯૯ ॥
નાનાવિચારચતુરા બાલા પ્રૌઢા કલામયી ।
સુકર્ણધારા નૌઃ પારા સર્વાશા દુર્ગમોચની ॥ ૧૦૦ ॥
દુર્ગા વિન્ધ્યવનસ્થા ચ કન્દર્પનયપૂરણી ।
ભૂભારશમની કૃષ્ણા રક્ષારાધ્યા રસોલ્લસા ॥ ૧૦૧ ॥
ત્રિવિધોત્પાતશમની સમગ્રસુખશેવધિઃ ।
પઞ્ચાવયવવાક્યશ્રીઃ પ્રપઞ્ચોદ્યાનચન્દ્રિકા ॥ ૧૦૨ ॥
સિદ્ધસન્દોહસુખિતા યોગિનીવૃન્દવન્દિતા ।
નિત્યાષોડશારૂપા ચ કામેશી ભગમાલિની ॥ ૧૦૩ ॥
નિત્યક્લિન્ના ચ ભી(ભે) રુણ્ડા વહ્નિમણ્ડલવાસિની ।
મહાવિદ્યેશ્વરી નિત્યા શિવદૂતીતિ વિશ્રુતા ॥ ૧૦૪ ॥
ત્વરિતા પ્રથિતા ખ્યાતા વિખ્યાતા કુલસુન્દરી ।
નિત્યા નીલપતાકા ચ વિજયા સર્વમઙ્ગલા ॥ ૧૦૫ ॥
જ્વાલામાલા(૭૦૦) વિચિત્રા ચ મહાત્રિપુરસિન્દરી ।
ગુરુવૃન્દા પરગુરુઃ પ્રકાશાનન્દનાથિની ॥ ૧૦૬ ॥
શિવાનન્દનાથરૂપા શક્ત્યાનન્દસ્વરૂપિણી ।
દેવ્યાનન્દનાથમયી કૌલેશાનન્દનાથિની ॥ ૧૦૭ ॥
દિવ્યૌઘગુરુરૂપા ચ સમયાનન્દનાથિની ।
શુક્લદેવ્યાનન્દનાથા કુલેશાનન્દનાથિની ૧ ॥ ૧૦૮ ॥
૧ કામેશ્વર્યાનન્દનાથમયી શ્રીગુરુરૂપિણી – ઇત્યધિકમ્ ।
ક્લિન્નાઙ્ગાનન્દરૂપા ચ સમયાનન્દનાથિની ।
વેદાનન્દનાથમયી સહજાનન્દનાથિની ॥ ૧૦૯ ॥
સિદ્ધૌઘગુરુરૂપા ચ અપરાગુરુરૂપિણી ।
ગગનાનન્દનાથા ચ વિશ્વાનન્દસ્વનાથિની ॥ ૧૧૦ ॥
વિમલાનન્દનાથા ચ મદનાનન્દનાથિની ।
ભુવનાદ્યા ચ લીલાદ્યા નન્દનાનન્દનાથિની ॥ ૧૧૧ ॥
સ્વાત્માનન્દાનન્દરૂપા પ્રિયાદ્યાનન્દનાથિની ।
માનવૌઘગુરુશ્રેષ્ઠા પરમેષ્ઠિ ગુરુપ્રભા ॥ ૧૧૨ ॥
પરગુહ્યા ગુરુશક્તિઃ સ્વગુરુકીર્તનપ્રિયા ।
ત્રૈલોક્યમોહનખ્યાતા સર્વાશાપરિપૂરકા ॥ ૧૧૩ ॥
સર્વસઙ્ક્ષોભિણી પૂર્વામ્નાયપ્રથિતવૈભવા ।
શિવાશક્તિઃ શિવશક્તિઃ શિવચક્રત્રયાલયા ॥ ૧૧૪ ॥
સર્વસૌભાગ્યદાખ્યા ચ સર્વાર્થસાધિકાહ્વયા ।
સર્વરક્ષાકરાખ્યા ચ દક્ષિણામ્નાયદેવતા ॥ ૧૧૫ ॥
મધ્યાર્કચક્રનિલયા પશ્ચિમામ્નાયદેવતા ।
નવચક્રકૃતાવાસા કૌબેરામ્નાયદેવતા ॥ ૧૧૬ ॥
કુબેરપૂજ્યા કુલજા કુલામ્નાયપ્રવર્તિની ।
બિન્દુચક્રકૃતાવાસા મધ્યસિંહાસનેશ્વરી ॥ ૧૧૭ ॥
શ્રીવિદ્યા ચ મહાલક્ષ્મીઃ લક્ષ્મીઃ શક્તિત્રયાત્મિકા ।
સર્વસામ્રાજ્યલક્ષ્મીશ્ચ પઞ્ચલક્ષ્મીતિવિશ્રુતા ॥ ૧૧૮ ॥
શ્રીવિદ્યા ચ પરઞ્જ્યોતિઃ પરનિષ્કલશામ્ભવી ।
માતૃકા પઞ્ચકોશી ચ શ્રીવિદ્યા ત્વરિતા તથા ॥ ૧૧૯ ॥
પારિજાતેશ્વરી ચૈવ ત્રિકૂટા પઞ્ચબાણગા ।
પઞ્ચકલ્પલતા પઞ્ચવિદ્યા ચામૃતપીઠિકા ॥ ૧૨૦ ॥
સુધાસૂ રમણેશાના ચાન્નપૂર્ણા ચ કામધુક્ ।
શ્રીવિદ્યા સિદ્ધલક્ષ્મીશ્ચ માતઙ્ગી ભુવનેશ્વરી ॥ ૧૨૧ ॥
વારાહી પઞ્ચરત્નાનામીશ્વરી માતૃવર્ણગા ।
પરાઞ્જ્યોતિઃ કોશરૂપા ઐન્દવી કલયા યુતા ॥ ૧૨૨ ॥
પરિતઃ સ્વામિની શક્તિદર્શના રવિબિન્દુયુક્ ।
બ્રહ્મદર્શનરૂપા ચ શિવદર્શનરૂપિણી ॥ ૧૨૩ ॥
વિષ્ણુદર્શનરૂપા ચ સૃષ્ટિચક્રનિવાસિની ।
સૌરદર્શનરૂપા ચ સ્થિતિચક્રકૃતાલયા ॥ ૧૨૪ ॥
બૌદ્ધદર્શનરૂપા ચ મહાત્રિપુરસુન્દરી ।
તત્ત્વમુદ્રાસ્વરૂપા ચ પ્રસન્ના(૮૦૦) જ્ઞાનમુદ્રિકા ॥ ૧૨૫ ॥
સર્વોપચારસન્તુષ્ટા હૃન્મયી શીર્ષદેવતા ।
શિખાસ્થિતા બ્રહ્મમયી નેત્રત્રયવિલાસિની ॥ ૧૨૬ ॥
અસ્ત્રસ્થા ચતુરસ્રા ચ દ્વારકાદ્વારવાસિની ।
અણિમા પશ્ચિમસ્થા ચ લઘિમોત્તરદેવતા ॥ ૧૨૭ ॥
પૂર્વસ્થા મહિમેશિત્વા દક્ષિણદ્વારદેવતા ।
વશિત્વા વાયુકોણસ્થા પ્રાકામ્યેશાનદેવતા ॥ ૧૨૮ ॥
અગ્નિકોણસ્થિતા ભુક્તિરિચ્છા નૈઋતવાસિની ।
પ્રાપ્તિસિદ્ધિરવસ્થા ચ પ્રાકામ્યાર્ધવિલાસિની ॥ ૧૨૯ ॥
બ્રાહ્મી માહેશ્વરી ચૈવ કૌમારી વૈષ્ણવી તથા ।
વારાહ્યૌન્દ્રી ચ ચામુણ્ડા મહાલક્ષ્મીર્દિશાઙ્ગતિઃ ॥ ૧૩૦ ॥
ક્ષોભિણી દ્રાવિણી મુદ્રાઽઽકર્ષોન્માદનકારિણી ।
મહાઙ્કુશા ખેચરી ચ બીજાખ્યા યોનિમુદ્રિકા ॥ ૧૩૧ ॥
સર્વાશાપૂરચક્રસ્થા કાર્યસિદ્ધિકરી તથા ।
કામાકર્ષિણિકાશક્તિર્બુદ્ધ્યાકર્ષણરૂપિણી ॥ ૧૩૨ ॥
અહઙ્કારાકર્ષિણી ચ શબ્દાકર્ષણરૂપિણી ।
સ્પર્શાકર્ષણરૂપા ચ રૂપાકર્ષણરૂપિણી ॥ ૧૩૩ ॥
રસાકર્ષણરૂપા ચ ગન્ધાકર્ષણરૂપિણી ।
ચિત્તાકર્ષણરૂપા ચ ધૈર્યાકર્ષણરૂપિણી ॥ ૧૩૪ ॥
સ્મૃત્યાકર્ષણરૂપા ચ બીજાકર્ષણરૂપિણી ।
અમૃતાકર્ષિણી ચૈવ નામાકર્ષણરૂપિણી ॥ ૧૩૫ ॥
શરીરાકર્ષિણીદેવી આત્માકર્ષણરૂપિણી ।
ષોડશસ્વરરૂપા ચ સ્રવત્પીયૂષમન્દિરા ॥ ૧૩૬ ॥
ત્રિપુરેશી સિદ્ધરૂપા કલાદલનિવાસિની ।
સર્વસઙ્ક્ષોભચક્રેશી શક્તિર્ગુપ્તતરાભિધા ॥ ૧૩૭ ॥
અનઙ્ગકુસુમાશક્તિરનઙ્ગકટિમેખલા ।
અનઙ્ગમદનાઽનઙ્ગમદનાતુરરૂપિણી ॥ ૧૩૮ ॥
અનઙ્ગરેખા ચાનઙ્ગવેગાનઙ્ગાઙ્કુશાભિધા ।
અનઙ્ગમાલિની શક્તિરષ્ટવર્ગદિગન્વિતા ॥ ૧૩૯ ॥
વસુપત્રકૃતાવાસા શ્રીમત્ત્રિપુરસુન્દરી ।
સર્વસામ્રાજ્યસુખદા સર્વસૌભાગ્યદેશ્વરી ॥ ૧૪૦ ॥
સમ્પ્રદાયેશ્વરી સર્વસઙ્ક્ષોભણકરી તથા ।
સર્વવિદ્રાવિણી સર્વાકર્ષણાટોપકારિણી ॥ ૧૪૧ ॥
સર્વાહ્લાદનશક્તિશ્ચ સર્વજૃમ્ભણકારિણી ।
સર્વસ્તમ્ભન શક્તિશ્ચ સર્વસમ્મોહિની તથા ॥ ૧૪૨ ॥
સર્વવશ્યકરીશક્તિઃ સર્વસર્વાનુરઞ્જિની ।
સર્વોન્માદનશક્તિશ્ચ સર્વાર્થસિદ્ધિકારિણી ॥ ૧૪૩ ॥
સર્વસમ્પત્તિદા શક્તિઃ સર્વમન્ત્રમયી તથા ।
સર્વદ્વન્દ્વક્ષયકરી(૯૦૦) સિદ્ધિસ્ત્રિપુરવાસિની ॥ ૧૪૪ ॥
સર્વાર્થસાધકેશી ચ સર્વકાર્યાર્થસિદ્ધિદા ।
ચતુર્દશારચક્રેશી કલાયોગસમન્વિતા ॥ ૧૪૫ ॥
સર્વસિદ્ધિપ્રદા દેવી સર્વસમ્પત્પ્રદા તથા ।
સર્વપ્રિયઙ્કરી શક્તિઃ સર્વમઙ્ગલકારિણી ॥ ૧૪૬ ॥
સર્વકામપ્રપૂર્ણા ચ સર્વદુઃખપ્રમોચિની ।
સર્વમૃત્યુપ્રશમની સર્વવિઘ્નવિનાશિની ॥ ૧૪૭ ॥
સર્વાઙ્ગસુન્દરી દેવી સર્વસૌભાગ્યદાયિની ।
ત્રિપુરેશી સર્વસિદ્ધિપ્રદા ચ દશકોણગા ॥ ૧૪૮ ॥
સર્વરક્ષાકરેશી ચ નિગર્ભા યોગિની તથા ।
સર્વજ્ઞા સર્વશક્તિશ્ચ સર્વૈશ્વર્યપ્રદા તથા ॥ ૧૪૯ ॥
સર્વજ્ઞાનમયીદેવી સર્વવ્યાધિવિનાશિની ।
સર્વાધારસ્વરૂપા ચ સર્વપાપહરા તથા ॥ ૧૫૦ ॥
સર્વાનન્દમયીદેવી સર્વરક્ષાસ્વરૂપિણી ।
મહિમાશક્તિદેવી ચ દેવી સર્વસમૃદ્ધિદા ॥ ૧૫૧ ॥
અન્તર્દશારચક્રેશી દેવી ત્રિપુરમાલિની ।
સર્વરોગહરેશી ચ રહસ્યા યોગિની તથા ॥ ૧૫૨ ॥
વાગ્દેવી વશિની ચૈવ દેવીકામેશ્વરી તથા ।
મોદિની વિમલા ચૈવ અરુણા જયિની તથા ॥ ૧૫૩ ॥
સર્વેશ્વરી કૌલિની ચ હ્યષ્ટારસર્વસિદ્ધિદા ।
સર્વકામપ્રદેશી ચ પરાપરરહસ્યવિત્ ॥ ૧૫૪ ॥
ત્રિકોણચતુરશ્રસ્થા સર્વૈશ્વર્યાઽઽયુધાત્મિકા ।
કામેશ્વરીબાણરૂપા કામેશીચાપરૂપિણી ॥ ૧૫૫ ॥
કામેશીપાશરૂપા ચ કામેશ્યઙ્કુશરૂપિણી ।
કામેશ્વરીન્દ્રશક્તિશ્ચ અગ્નિચક્રકૃતાલયા ॥ ૧૫૬ ॥
કામગિર્યધિદેવી ચ ત્રિકોણસ્થાઽગ્રકોણગા ।
દક્ષકોણેશ્વરી વિષ્ણુશક્તિર્જાલન્ધરાશ્રયા ॥ ૧૫૭ ॥
સૂર્યચક્રાલયા રુદ્રશક્તિર્વામાઙ્ગકોણગા ।
સોમચક્રા બ્રહ્મશક્તિઃ પૂર્ણગિર્યનુરાગિણી ॥ ૧૫૮ ॥
શ્રીમત્ત્રિકોણભુવના ત્રિપુરાત્મા મહેશ્વરી ।
સર્વાનન્દમયેશી ચ બિન્દુગાતિરહસ્યભૃત્ ॥ ૧૫૯ ॥
પરબ્રહ્મસ્વરૂપા ચ મહાત્રિપુરસુન્દરી ।
સર્વચક્રાન્તરસ્થા ચ સમસ્તચક્રનાયિકા ॥ ૧૬૦ ॥
સર્વચક્રેશ્વરી સર્વમન્ત્રાણામીશ્વરી તથા ।
સર્વવિદ્યેશ્વરી ચૈવ સર્વવાગીશ્વરી તથા ॥ ૧૬૧ ॥
સર્વયોગીશ્વરી ચૈવ પીઠેશ્વર્યખિલેશ્વરી ।
સર્વકામેશ્વરી સર્વતત્ત્વેશ્વર્યાગમેશ્વરી ॥ ૧૬૨ ॥
શક્તિઃ શક્તિધૃગુલ્લાસા નિર્દ્વન્દ્વા દ્વૈતગર્ભિણી ।
નિષ્પ્રપઞ્ચા મહામાયા સપ્રપઞ્ચા સુવાસિની ॥ ૧૬૩ ॥
સર્વવિશ્વોત્પત્તિધાત્રી પરમાનન્દસુન્દરી (૧૦૦૦) ।
ઇત્યેતત્કથિતં દિવ્યં પરમાનન્દકારણમ્ ॥ ૧૬૪ ॥
લાવણ્યસિન્ધુલહરીબાલાયાસ્તોષમન્દિરમ્ ।
સહસ્રનામ તન્ત્રાણાં સારમાકૃષ્ય પાર્વતિ ॥ ૧૬૫ ॥
અનેન સ્તુવતો નિત્યમર્ધરાત્રે નિશામુખે ।
પ્રાતઃ કાલે ચ પૂજાયાં સર્વકાલમતઃ પ્રિયે ॥ ૧૬૬ ॥
સર્વસામ્રાજ્યસુખદા બાલા ચ પરિતુષ્યતિ ।
રત્નાનિ વિવિધાન્યસ્ય વિત્તાનિ પ્રચુરાણિ ચ ॥ ૧૬૭ ॥
મનોરથપથસ્થાનિ દદાતિ પરમેશ્વરી ।
પુત્રાઃ પૌત્રાશ્ચ વર્ધન્તે સન્તતિઃ સાર્વકાલિકી ॥ ૧૬૮ ॥
શત્રવસ્તસ્ય નશ્યન્તિ વર્ધન્તેઽસ્ય બલાનિ ચ ।
વ્યાધયસ્તસ્ય દૂરસ્થાઃ સકલાન્યૌષધાનિ ચ ॥ ૧૬૯ ॥
મન્દિરાણિ વિચિત્રાણિ રાજન્તે તસ્ય સર્વદા ।
કૃષિઃ ફલવતી તસ્ય ભૂમિઃ કામદુઘાઽવ્યયા ॥ ૧૭૦ ॥
સ્ફીતો જનપદસ્તસ્ય રાજ્યં તસ્ય નિરીતિકમ્ ।
માતઙ્ગાઃ પક્ષિણસ્તુઙ્ગાઃ સિઞ્ચન્તો મદવારિભિઃ ॥ ૧૭૧ ॥
દ્વારે તસ્ય વિરાજન્તે હૃષ્ટા નાગતુરઙ્ગમાઃ ।
પ્રજાસ્તસ્ય વિરાજન્તે નિર્વિવાદાશ્ચ મન્ત્રિણઃ ॥ ૧૭૨ ॥
જ્ઞાતયસ્તસ્ય તુષ્યન્તિ શીલં તસ્યાતિસુન્દરમ્ ।
લક્ષ્મીસ્તસ્ય વશે નિત્યં સ્વાસના ચ મનોરમા ॥ ૧૭૩ ॥
ગદ્યપદ્યમયી વાણી તસ્ય ગઙ્ગાતરઙ્ગવત્ ।
નાનાપદપદાર્થાનાં વાદચાતુર્યસમ્ભૃતા ॥ ૧૭૪ ॥
સમગ્રરસસમ્પત્તિશાલિની લાસ્યમાલિની ।
અદૃષ્ટાન્યપિ શાસ્ત્રાણી પ્રકાશ્યન્તે નિરન્તરમ્ ॥ ૧૭૫ ॥
નિગ્રહઃ પરવાક્યાનાં સભાયાં તસ્ય જાયતે ।
સ્તુવન્તિ વન્દિનસ્તં વૈ રાજાનો દાસવત્તથા ॥ ૧૭૬ ॥
શસ્ત્રાણ્યસ્ત્રાણિ તદઙ્ગે જનયન્તિ રુજાં ન હિ ।
મહિલાસ્તસ્ય વશગાઃ સર્વાવસ્થા ભવન્તિ વૈ ॥ ૧૭૭ ॥
વિષં નિર્વિષતાં યાતિ પાનીયમમૃતં ભવેત્ ।
પરપક્ષસ્તમ્ભનં ચ પ્રતિપક્ષસ્ય જૃમ્ભણમ્ ॥ ૧૭૮ ॥
નવરાત્રેણ જાયેત સ તદભ્યાસયોગવિત્ ।
અહોરાત્રં પઠેદ્યસ્તુ નિસ્તન્દ્રઃ શાન્તમાનસઃ ॥ ૧૭૯ ॥
વશે તસ્ય પ્રજા યાતિ સર્વે લોકાઃ સુનિશ્ચિતમ્ ।
ષણ્માસાભ્યાસયોગેન યોગમાયાતિ નિશ્ચિતમ્ ॥ ૧૮૦ ॥
નિત્યં કામકલાં ધ્યાયન્ યઃ પઠેત્ સ્તોત્રમુત્તમમ્ ।
મદનોન્માદકલિતાઃ પુરન્ઘ્ર્યાસ્તદ્વશાનુગાઃ ॥ ૧૮૧ ॥
લાવણ્યમદનાઃ સાક્ષાદ્વૈદગ્ધ્યમુદિતેક્ષણાઃ ।
પ્રેમપૂર્ણામપિ વશે હ્યુર્વશીં સ હિ વિન્દતિ ॥ ૧૮૨ ॥
ભૂર્જપત્રે રોચનયા કુઙ્કુમેન શુભે દિને ।
લાક્ષારસદ્રવેણાપિ યાવકૈર્વા વિશેષતઃ ॥ ૧૮૩ ॥
ધાતુરાગેણ વા દેવિ લિખિતં યન્ત્રમઞ્ચિતમ્ ।
સુવર્ણરૌપ્યગર્ભસ્થં સુસમ્પૂતં સુસાધિતમ્ ॥ ૧૮૪ ॥
બાલાબુદ્ધ્યા પૂજિતં ચ પ્રતિષ્ઠિતસમીરણમ્ ।
ધારયેન્મસ્તકે કણ્ઠે બાહુમૂલે તથા હૃદિ ॥ ૧૮૫ ॥
નાભૌ વાપિ ધૃતં ધન્યં જયદં સર્વકામદમ્ ।
રક્ષણં નાપરં કિઞ્ચિદ્વિદ્યતે ભુવનત્રયે ॥ ૧૮૬ ॥
ગ્રહરોગાદિભયહૃત્ સુખકૃત્યવિવર્ધનમ્ ।
બલવીર્યકરં ક્રૂરભૂતશત્રુવિનાશનમ્ ॥ ૧૮૭ ॥
પુત્રપૌત્રાન્ ગુણગણૈર્વર્ધનં ધનધાન્યકૃત્ ।
ધરણ્યાં સા પુરી ધન્યા યત્રાયં સાધકોત્તમઃ ॥ ૧૮૮ ॥
યદ્ગૃહે લિખિતં તિષ્ઠેત્ સ્તોત્રમેતદ્વરાનને ।
તત્ર ચાહં શિવે નિત્યં હરિશ્ચ કમલા તથા ॥ ૧૮૯ ॥
વસામઃ સર્વતીર્થાનામુત્પત્તિસ્તત્ર જાયતે ।
યો વાપિ પાઠયેદ્ભક્ત્યા પઠેદ્વૈ સાધકોત્તમઃ ॥ ૧૯૦ ॥
જ્ઞાનાનન્દકલાયોગાદૈક્યવૃત્તિં સ વિન્દતિ ।
સ્તોત્રેણાનેન દેવેશિ તવ પૂજાફલં લભેત્ ॥ ૧૯૧ ॥
ષોઢાન્યાસતનુર્ભૂત્વા પઠિતવ્યં પ્રયત્નતઃ ।
ઉત્તમા સર્વતન્ત્રાણાં બાલાયાઃ પૂજનસ્રુતિઃ ॥ ૧૯૨ ॥
તત્રોત્તમા ષોડશાર્ણા તત્રેદં સ્તોત્રમુત્તમમ્ ।
નાશિષ્યાય પ્રદાતવ્યમશુદ્ધાય શઠાય ચ ॥ ૧૯૩ ॥
અલસાયાપ્રયત્નાયાશિવાભક્તાય સુન્દરિ ।
ભક્તિહીનાય મલિને ગુરુનિન્દાપરાય ચ ॥ ૧૯૪ ॥
વિષ્ણુભક્તિવિહીનાય વિકલ્પાવૃતબુદ્ધયે ।
દેયં ભક્તવરે મુક્તેઃ કારણં ભક્તિવર્ધનમ્ ॥ ૧૯૫ ॥
લતાયોગે પઠેદ્યસ્તુ સ્તોત્રમેતદ્વરાનને ।
સૈવ કલ્પલતા તસ્ય વાઞ્છાફલકરી તથા ॥ ૧૯૬ ॥
પુષ્પિતાયા લતાયોગે કુરઙ્ગમુખિ સાધકઃ ।
અક્ષુબ્ધઃ સન્ પઠેદ્યસ્તુ શતયજ્ઞસ્ય પુણ્યભાક્ ॥ ૧૯૭ ॥
બ્રહ્માદયોઽપિ દેવેશિ પ્રાર્થયન્તિ પદદ્વયમ્ ।
સ્વયં શિવઃ સ વિજ્ઞેયો યો બાલાભાવલમ્પટઃ ॥ ૧૯૮ ॥
બ્રહ્માનન્દમયી જ્યોત્સ્ના સદાશિવવિધૂદિતા ।
આનન્દો યોઽપિ યં વેદા વદન્ત્યસ્યા વશે સ્થિતાઃ ॥ ૧૯૯ ॥
આહ્લાદનં બાલાધ્યાનાદ્બાલાયા નામકીર્તનાત્ ।
સદાનન્દાભ્યાસયોગાત્ સદાનન્દઃ પ્રજાયતે ॥ ૨૦૦ ॥
ઇતિ શ્રીરુદ્રયામલે તન્ત્રે ભૈરવભૈરવીસંવાદે
શ્રીબાલાત્રિપુરસુન્દરીસહસ્રનામસ્તોત્રં સમ્પૂર્ણમ્ ॥