॥ Bala Rama Sahasranamastotram 2 Telugu Lyrics ॥
॥ శ్రీబాలాత్రిపురసున్దరీసహస్రనామస్తోత్రమ్ ౨ ॥
సమాధ్యుపరతం కాలే కదాచిద్విజనే ముదా ।
పరమానన్దసన్దోహముదితం ప్రాహ పార్వతీ ॥ ౧ ॥
శ్రీదేవ్యువాచ –
శ్రీమన్నాథ తవానన్దకారణం బ్రూహి శఙ్కర ।
యోగీన్ద్రోపాస్య దేవేశ ప్రేమపూర్ణ సుధానిధే ।
కృపాస్తి యది మే శమ్భో సుగోప్యమపి కథ్యతామ్ ॥ ౨ ॥
శ్రీభైరవః
నిర్భరానన్దసన్దోహః శక్తిభావేన జాయతే ।
లావణ్యసిన్ధుస్తత్రాస్తి బాలాయా రసకన్దరః ॥ ౩ ॥
తామేవానుక్షణం దేవీం చిన్తయామి తతః శివామ్ ।
తస్యా నామసహస్రాణి కథయామి తవ ప్రియే ॥ ౪ ॥
సుగోప్యాన్యపి రమ్భోరు గమ్భీరస్నేహవిభ్రమాత్ ।
తామేవ స్తువతో దేవి ధ్యాయతోఽనుక్షణం మమ ।
సుఖసన్దోహసమ్భావో జ్ఞానానన్దస్య కారణమ్ ॥ ౫ ॥
అస్య శ్రీబాలాత్రిపురసున్దరీ సహస్రనామస్తోత్రస్య శఙ్కర ఋషిః,
అనుష్టుప్ ఛన్దః । శ్రీబాలాత్రిపురా దేవతా । ఐం బీజమ్ । సౌః శక్తిః ।
క్లీం కీలకమ్ । శ్రీబాలాప్రీత్యర్థే సమస్తపురుషార్థసిద్‍ధ్యర్థే
పారాయణే వినియోగః ।
ఐం అఙ్గుష్ఠాభ్యాం నమః । క్లీం తర్జనీభ్యాం నమః ।
సౌః మధ్యమాభ్యాం నమః । ఐం అనామికాభ్యాం నమః ।
క్లీం కనిష్ఠికాభ్యాం నమః । సౌః కరతలకరపృష్ఠాభ్యాం నమః ।
ఏవం హృదయాదిన్యాసః ।
ధ్యానమ్ ।
అరుణకిరణజాలై రఞ్జితాశావకాశా
విధృతజపవటీకా పుస్తకాభీతిహస్తా ।
ఇతరవరకరాఢ్యా ఫుల్లకల్హార సంస్థా
నివసతు హృది బాలా నిత్యకల్యాణశీలా ॥
రక్తామ్బరాం చన్ద్రకలావతంసాం సముద్యదాదిత్యనిభాం త్రినేత్రామ్ ।
విద్యాక్షమాలాభయదానహస్తాం ధ్యాయామి బాలామరుణామ్బుజస్థామ్ ॥
ఆనన్దసిన్ధురానన్దాఽఽనన్దమూర్తిర్వినోదినీ ।
త్రిపురా సున్దరీ ప్రేమపాథోనిధిరనుత్తమా ॥ ౧ ॥
వామార్ధగహ్వరా భూతిర్విభూతిః శఙ్కరీ శివా ।
శృఙ్గారమూర్తిర్వరదా రసా చ శుభగోచరా ॥ ౨ ॥
పరమానన్దలహరీ రతీ రఙ్గవతీ గతిః ।
రఙ్గమాలానఙ్గకలా కేలీ కైవల్యదా కలా ॥ ౩ ॥
రసకల్పా కల్పలతా కుతూహలవతీ గతిః ।
వినోదదిగ్ధా సుస్నిగ్ధా ముగ్ధమూర్తిర్మనోరమా ॥ ౪ ॥
బాలార్కకోటికిరణా చన్ద్రకోటిసుశీతలా ।
స్రవత్పీయూషదిగ్ధాఙ్గీ స్వర్గార్థపరికల్పితా ॥ ౫ ॥
కురఙ్గనయనా కాన్తా సుగతిః సుఖసన్తతిః ।
రాజరాజేశ్వరీ రాజ్ఞీ మహేన్ద్రపరివన్దితా ॥ ౬ ॥
ప్రపఞ్చగతిరీశానీ ప్రపఞ్చగతిరుత్తమా ।
దుర్వాసా దుఃసహా శక్తిః శిఞ్జత్కనకనూపురా ॥ ౭ ॥
మేరుమన్దరవక్షోజా సృణిపాశవరాయుధా ।
శరకోదణ్డసంసక్తపాణిద్వయవిరాజితా ॥ ౮ ॥
చన్ద్రబిమ్బాననా చారుముకుటోత్తంసచన్ద్రికా ।
సిన్దూరతిలకా చారుధమ్మిల్లామలమాలికా ॥ ౯ ॥
మన్దారదామముదితా రత్నమాలావిభూషితా ।
సువర్ణాభరణప్రీతా ముక్తాదామమనోరమా ॥ ౧౦ ॥
తామ్బూలపూర్ణవదనా మదనానన్దమానసా ।
సుఖారాధ్యా తపః సారా కృపాపారా విధీశ్వరీ ॥ ౧౧ ॥
వక్షఃస్థలలసద్రత్నప్రభా మధురసోన్మదా ।
బిన్దునాదాత్మకోచ్చారరహితా తుర్యరూపిణీ ॥ ౧౨ ॥
కమనీయాకృతిర్ధన్యా శాఙ్కరీ ప్రీతిమఞ్జరీ ।
ప్రపఞ్చా పఞ్చమీ పూర్ణా పూర్ణపీఠనివాసినీ ॥ ౧౩ ॥
రాజ్యలక్ష్మీశ్చ శ్రీలక్ష్మీర్మహాలక్ష్మీః సురాజికా ।
సన్తోషసీమా సమ్పత్తిః శాతకౌమ్భీ ౧ తథా ద్యుతిః ॥ ౧౪ ॥
౧ శాతకుమ్భప్రియాకృతిః
పరిపూర్ణా జగద్ధాత్రీ విధాత్రీ బలవర్ధినీ ।
సార్వభౌమనృపశ్రీశ్చ సామ్రాజ్యగతిరమ్బికా ॥ ౧౫ ॥
సరోజాక్షీ దీర్ఘదృష్టిః సాచీక్షణవిచక్షణా ।
రఙ్గస్రవన్తీ రసికా (౧౦౦) ప్రధానా రసరూపిణీ ॥ ౧౬ ॥
రససిన్ధుః సుగాత్రీ చ ధూసరీ మైథునోన్ముఖా ।
నిరన్తరగుణాసక్తా శక్తిర్నిధువనాత్మికా ॥ ౧౭ ॥
కామాక్షీ కమనీయా చ కామేశీ భగమఙ్గలా ।
సుభగా భోగినీ భోగ్యా భగ్యదా సుభగా భగా ॥ ౧౮ ॥
భగలిఙ్గానన్దకలా భగమధ్యనివాసినీ ।
భగరూపా భగమయీ భగయన్త్రా భగోత్తమా ॥ ౧౯ ॥
యోనిముద్రా కామకలా కులామృతపరాయణా ।
కులకుణ్డాలయా సూక్ష్మా జీవాత్మా లిఙ్గరూపిణీ ॥ ౨౦ ॥
మూలక్రియా మూలరూపా మూలాకృతిస్వరూపిణీ ।
సోత్సుకా కమలానన్దా చిద్భావాఽఽత్మగతిః శివా ॥ ౨౧ ॥
శ్వేతారుణా బిన్దురూపా వేదయోనిర్ధ్వనిక్షణా ।
ఘణ్టాకోటి రవారావా రవిబిమ్బోత్థితాఽద్భుతా ॥ ౨౨ ॥
నాదాన్తలీనా సమ్పూర్ణా పూర్ణస్థా బహురూపికా ।
భృఙ్గారావా వంశగతిర్వాదిత్రా మురజధ్వనిః ॥ ౨౩ ॥
వర్ణమాలా సిద్ధికలా షట్ చక్రక్రమవాసినీ ।
మూలకేలీరతా స్వాధిష్ఠానా తుర్యనివాసినీ ॥ ౨౪ ॥
మణిపూరస్థితిః స్నిగ్ధా కూర్మచక్రపరాయణా ।
అనాహతగతిర్దీపశిఖా మణిమయాకృతిః ॥ ౨౫ ॥
విశుద్ధా శబ్దసంశుద్ధా జీవబోధస్థలీ రవా ।
ఆజ్ఞాచక్రాబ్జసంస్థా చ స్ఫురన్తీ నిపుణా త్రివృత్ ॥ ౨౬ ॥
చన్ద్రికా చన్ద్రకోటి శ్రీః సూర్యకోటిప్రభామయీ ।
పద్మరాగారుణచ్ఛాయా నిశ్చలాఽమృతనన్దినీ ।
కాన్తాఙ్గసఙ్గముదితా సుధామాధుర్యసమ్భృతా ॥ ౨౮ ॥
మహామఞ్చస్థితాఽలిప్తా తృప్తా దృప్తా సుసమ్భృతిః ।
స్రవత్పీయూషసంసిక్తా రక్తార్ణవవివర్ధినీ ॥ ౨౯ ॥
సురక్తా ప్రియసంసిక్తా శశ్వత్కుణ్డాలయాఽభయా । (౨౦౦) ।
శ్రేయః శ్రుతిశ్చ ప్రత్యేకానవకేశిఫలావలీ ॥ ౩౦ ॥
ప్రీతా శివా శివప్రియా శాఙ్కరీ శామ్భవీ విభా ।
స్వయమ్భూః స్వప్రియా స్వీయా స్వకీయా జనమాతృకా ॥ ౩౧ ॥
స్వారామా స్వాశ్రయా సాధ్వీ సుధాధారాఽధికాధికా ।
మఙ్గలోజ్జయినీ మాన్యా సర్వమఙ్గలసఙ్గినీ ॥ ౩౨ ॥
భద్రా భద్రావలీ కన్యా కలితార్ధేన్దుబిమ్బభాక్ ।
కల్యాణలతికా కామ్యా కుకర్మా కుమతిర్మనుః ॥ ౩౩ ॥
కురఙ్గాక్షీ క్షీబనేత్రా క్షారా రసమదోన్మదా ।
వారుణీపానముదితా మదిరారచితాశ్రయా ॥ ౩౪ ॥
కాదమ్బరీపానరుచిర్విపాశా పాశభీతినుత్ ।
ముదితా ముదితాపాఙ్గా దరదోలితదీర్ఘదృక్ ॥ ౩౫ ॥
దైత్యకులానలశిఖా మనోరథసుధాద్యుతిః ।
సువాసినీ పీనగాత్రీ పీనశ్రోణిపయోధరా ॥ ౩౬ ॥
సుచారుకబరీ దన్తదీధితిదీప్రమౌక్తికా ।
బిమ్బాధరా ద్యుతిముఖా ప్రవాలోత్తమదీధితిః ॥ ౩౭ ॥
తిలప్రసూననాసాగ్రా హేమకక్కోలభాలకా ।
నిష్కలఙ్కేన్దువదనా బాలేన్దుముకుటోజ్జ్వలా ॥ ౩౮ ॥
నృత్యత్ఖఞ్జననేత్రశ్రీర్విస్ఫురత్కర్ణశష్కులీ ।
బాలచన్ద్రాతపత్రార్ధా మణిసూర్యకిరీటినీ ౧ ॥ ౩౯ ॥
౧ కేశౌఘచమ్పకాసేనామాలతీదామపణ్డితా – ఇత్యధికమ్ ।
హేమమాణిక్యతాటఙ్కా మణికాఞ్చనకుణ్డలా ।
సుచారుచిబుకా కమ్బుకణ్ఠీ మణిమనోరమా ॥ ౪౦ ॥
గఙ్గాతరఙ్గహారోర్మిర్మత్తకోకిలనిఃస్వనా ।
మృణాలవిలసద్బాహుః పాశాఙ్కుశధనుర్ధరా ॥ ౪౧ ॥
కేయూరకటకాచ్ఛన్నా నానారత్నమనోరమా ।
తామ్రపఙ్కజపాణిశ్రీర్నఖరత్నప్రభావతీ ॥ ౪౨ ॥
అఙ్గులీయమణిశ్రేణిచఞ్చదఙ్గులిసన్తతిః ।
మన్దరద్వన్ద్వసుకుచా రోమరాజీభుజఙ్గకా ॥ ౪౩ ॥
గమ్భీరనాభిస్త్రివలీవలయా చ సుమధ్యమా ।
రణత్కాఞ్చీగుణోన్నద్ధా పట్టాంశుకసునీవికా ॥ ౪౪ ॥
మేరుగుణ్డీనితమ్బాఢ్యా గజగణ్డోరుయుగ్మయుక్ ।
సుజానుమన్దరాసక్తలసజ్జఙ్ఘాద్వయాన్వితా ॥ ౪౫ ॥
గూఢగుల్ఫా మఞ్జుశిఞ్జన్మణినూపురమణ్డితా ౧ ।
౧ పదద్వన్ద్వా రుణామ్భోజా నఖచన్ద్రా రవిప్రభా ।
సుసోమప్రపదా రాజహంసా మత్తేభమన్దగా ॥ ఇత్యధికమ్ (extra) ।
యోగిధ్యేయపదద్వన్ద్వా సుధామాఽమృతసారిణీ ॥ ౪౬ ॥
లావణ్యసిన్ధుః సిన్దూరతిలకా కుటిలాలకా ।
సాధుసిద్ధా సుబుద్ధా చ బుధా వృన్దారకోదయా ॥ ౪౭ ॥
బాలార్కకిరణశ్రేణీశోణా శ్రీప్రేమకామధుక్ ।
రసగమ్భీరసరసీ పద్మినీ (౩౦౦) రససారసా ॥ ౪౮ ॥
ప్రసన్నాఽఽసన్నవరదా శారదా చ సుభాగ్యదా ।
నటరాజప్రియా విశ్వనాట్యా నర్తకనర్తకీ ॥ ౪౯ ॥
విచిత్రయన్త్రా చిత్తన్త్రా విద్యావల్లీ గతిః శుభా ।
కూటారకూటా కూటస్థా పఞ్చకూటా చ పఞ్చమీ ॥ ౫౦ ॥
చతుష్కూటా త్రికూటాద్యా షట్కూటా వేదపూజితా ।
కూటషోడశసమ్పన్నా తురీయా పరమా కలా ॥ ౫౧ ॥
షోడశీ మన్త్రయన్త్రాణామీశ్వరీ మేరుమణ్డలా ।
షోడశార్ణా త్రివర్ణా చ బిన్దునాదస్వరూపిణీ ॥ ౫౨ ॥
వర్ణాతీతా వర్ణమాతా శబ్దబ్రహ్మమహాసుఖా ।
చైతన్యవల్లీ కూటాత్మా కామేశీ స్వప్రదృశ్యగా ॥ ౫౩ ॥
స్వప్నావతీ బోధకరీ జాగృతిర్జాగరాశ్రయా ।
స్వప్నాశ్రయా సుషుప్తిశ్చ తన్ద్రాముక్తా చ మాధవీ ॥ ౫౪ ॥
లోపాముద్రా కామరాజ్ఞీ మానవీ విత్తపార్చితా ।
శాకమ్భరీ నన్దివిద్యా భాస్వద్విద్యోతమాలినీ ॥ ౫౫ ॥
మాహేన్ద్రీ స్వర్గసమ్పత్తిర్దుర్వాసఃసేవితా శ్రుతిః ।
సాధకేన్ద్రగతిః సాధ్వీ సులభా సిద్ధికన్దరా ॥ ౫౬ ॥
పురత్రయేశీ పురజిదర్చితా పురదేవతా ।
పుష్టిర్విఘ్నహరీ భూతిర్విగుణా పూజ్యకామధుక్ ॥ ౫౭ ॥
హిరణ్యమాతా గణపా గుహమాతా నితమ్బినీ ।
సర్వసీమన్తినీ మోక్షా దీక్షా దీక్షితమాతృకా ॥ ౫౮ ॥
సాధకామ్బా సిద్ధమాతా సాధకేన్ద్రా మనోరమా ।
యౌవనోన్మాదినీ తుఙ్గా సుశ్రోణిర్మదమన్థరా ॥ ౫౯ ॥
పద్మరక్తోత్పలవతీ రక్తమాల్యానులేపనా ।
రక్తమాలారుచిః శిఖాశిఖణ్డిన్యతిసున్దరీ ॥ ౬౦ ॥
శిఖణ్డినృత్తసన్తుష్టా సౌరభేయీ వసున్ధరా ।
సురభిః కామదా కామ్యా కమనీయార్థకామదా ॥ ౬౧ ॥
నన్దినీ లక్షణవతీ వసిష్ఠాలయదేవతా ।
గోలోకదేవీ (౪౦౦) లోకశ్రీర్గోలోకపరిపాలికా ॥ ౬౨ ॥
హవిర్ధానీ దేవమాతా వృన్దారకవరానుయుక్ ।
రుద్రపత్నీ భద్రమాతా సుధాధారాఽమ్బువిక్షతిః ॥ ౬౩ ॥
దక్షిణా యజ్ఞసమ్మూర్తిః సుబాలా ధీరనన్దినీ ।
క్షీరపూర్ణార్ణవగతిః సుధాయోనిః సులోచనా ॥ ౬౪ ॥
రామానుగా సుసేవ్యా చ సుగన్ధాలయవాసగా ।
సుచారిత్రా సుత్రిపురా సుస్తనీ స్తనవత్సలా ॥ ౬౫ ॥
రజస్వలా రజోయుక్తా రఞ్జికా రఙ్గమాలికా ।
రక్తప్రియా సురక్తా చ రతిరఙ్గస్వరూపిణీ ॥ ౬౬ ॥
రజః శుక్రామ్బికా నిష్ఠా రతనిష్ఠా రతిస్పృహా ।
హావభావా కామకేలిసర్వస్వా సురజీవికా ॥ ౬౭ ॥
స్వయమ్భూకుసుమానన్దా స్వయమ్భూకుసుమప్రియా ।
స్వయమ్భూప్రీతిసన్తుష్టా స్వయమ్భూనిన్దకాన్తకృత్ ॥ ౬౮ ॥
స్వయమ్భూస్థా శక్తిపుటీ రతిసర్వస్వపీఠికా ।
అత్యన్తసభికా దూతీ విదగ్ధా ప్రీతిపూజితా ॥ ౬౯ ॥
కుల్లికా యన్త్రనిలయా యోగపీఠాధివాసినీ ।
సులక్షణా రసరూపా సర్వలక్షణలక్షితా ॥ ౭౦ ॥
నానాలఙ్కారసుభగా పఞ్చబాణసమర్చితా ।
ఊర్ధ్వత్రికోణనిలయా బాలా కామేశ్వరీ తథా ॥ ౭౧ ॥
గణాధ్యక్షా కులాధ్యక్షా లక్ష్మీశ్చైవ సరస్వతీ ।
వసన్తసమయప్రీతా ప్రీతిః కుచభరానతా ॥ ౭౨ ॥
కలాధరముఖాఽమూర్ధా పాదవృద్ధిః కలావతీ ।
పుష్పప్రియా ధృతిశ్చైవ రతికణ్ఠీ మనోరమా ॥ ౭౩ ॥
మదనోన్మాదినీ చైవ మోహినీ పార్వణీకలా ।
శోషిణీ వశినీ రాజిన్యత్యన్తసుభగా భగా ॥ ౭౪ ॥
పూషా వశా చ సుమనా రతిః ప్రీతిర్ధృతిస్తథా ।
ఋద్ధిః సౌమ్యా మరీచ్యంశుమాలా ప్రత్యఙ్గిరా తథా ॥ ౭౫ ॥
శశినీ చైవ సుచ్ఛాయా సమ్పూర్ణమణ్డలోదయా ।
తుష్టా చామృతపూర్ణా చ భగయన్త్రనివాసినీ ॥ ౭౬ ॥
లిఙ్గయన్త్రాలయా (౫౦౦) శమ్భురూపా సంయోగయోగినీ ।
ద్రావిణీ బీజరూపా చ అక్షుబ్ధా సాధకప్రియా ॥ ౭౭ ॥
రాజబీజమయీ రాజ్యసుఖదా వాఞ్ఛితప్రదా ।
రజః సంవీర్యశక్తిశ్చ శుక్రవిచ్ఛివరూపిణీ ॥ ౭౮ ॥
సర్వసారా సారమయా శివశక్తిమయీ ప్రభా ।
సంయోగానన్దనిలయా సంయోగప్రీతిమాతృకా ॥ ౭౯ ॥
సంయోగకుసుమానన్దా సంయోగా యోగవర్ధినీ ।
సంయోగసుఖదారస్థా చిదానన్దైకసేవితా ॥ ౮౦ ॥
అర్ధ్యపూజకసమ్పత్తిరర్ఘ్యద్రవ్యస్వరూపిణీ ।
సామరస్యా పరా ప్రీతా ప్రియసఙ్గమరూపిణీ ॥ ౮౧ ॥
జ్ఞానదూతీ జ్ఞానగమ్యా జ్ఞానయోనిః శివాలయా ।
చిత్కలా జ్ఞానసకలా సకులా సకులాత్మికా ॥ ౮౨ ॥
కలాచతుష్టయీ పద్మిన్యతిసూక్ష్మా పరాత్మికా ।
హంసకేలిస్థలీ చ్ఛాయా హంసద్వయవికాసినీ ॥ ౮౩ ॥
విరాగతా మోక్షకలా పరమాత్మకలావతీ ।
విద్యాకలాన్తరాత్మస్థా చతుష్టయకలావతీ ॥ ౮౪ ॥
విద్యాసన్తోషిణీ తృప్తిః పరబ్రహ్మప్రకాశికా ।
పరమాత్మపరా వస్తులీనశక్తిచతుష్టయీ ॥ ౮౫ ॥
శాన్తిర్బోధకలావాప్తిః పరజ్ఞానాత్మికా కలా ।
పశ్యన్తీ పరమాత్మస్థా చాన్తరాత్మకలాకులా ॥ ౮౬ ॥
మధ్యమా వైఖరీ చాత్మకలానన్దా కలావతీ ।
తారిణీ తరణీ తారా శివలిఙ్గాలయాఽఽత్మవిత్ ॥ ౮౭ ॥
పరస్పరశుభాచారా బ్రహ్మానన్దవినోదినీ ।
రసాలసా దూతరాసా సార్థా సార్థప్రియా హ్యుమా ॥ ౮౮ ॥
జాత్యాదిరహితా యోగియోగిన్యానన్దవర్ధినీ । ౧
౧ కాన్తా శాన్తా దాన్తగతిర్వేదాద్యుద్దామపద్ధతిః – ఇత్యధికమ్ ।
వీరభావప్రదా దివ్యా వీరసూర్వీరభావదా ॥ ౮౯ ॥
పశుత్వాభివీరగతిర్వీరసఙ్గమహోదయా ।
మూర్ధాభిషిక్త రాజశ్రీః క్షత్రియోత్తమమాతృకా ॥ ౯౦ ॥
శస్త్రాస్త్రకుశలా శోభా రసస్థా యుద్ధజీవికా ।
విజయా యోగినీ యాత్రా పరసైన్యవిమర్దినీ ॥ ౯౧ ॥
పూర్ణా (౬౦౦) విత్తైషిణీ విత్తా విత్తసఞ్చయశాలినీ ।
భాణ్డాగారస్థితా రత్నా రత్నశ్రేణ్యధివాసినీ ॥ ౯౨ ॥
మహిషీ రాజభోగ్యా చ గణికా గణభోగభృత్ ।
కరిణీ వడవా యోగ్యా మల్లసేనా పదాతికా ॥ ౯౩ ॥
సైన్యశ్రేణీ శౌర్యరతా పతాకాధ్వజవాసినీ ।
సుచ్ఛత్రా చామ్బికా చామ్బా ప్రజాపాలనసద్గతిః ॥ ౯౪ ॥
సురభిః పూజకాచారా రాజకార్యపరాయణా ।
బ్రహ్మక్షత్రమయీ సోమసూర్యాన్తర్యామినీ స్థితిః ॥ ౯౫ ॥
పౌరోహిత్యప్రియా సాధ్వీ బ్రహ్మాణీ యజ్ఞసన్తతిః ।
సోమపానపరా ప్రీతా జనాఢ్యా తపనా క్షమా ॥ ౯౬ ॥
ప్రతిగ్రహపరా దాత్రీ సృష్టాజాతిః సతాఙ్గతిః ।
గాయత్రీ వేదలభ్యా చ దీక్షా సన్ధ్యాపరాయణా ॥ ౯౭ ॥
రత్నసద్దీధితిర్విశ్వవాసనా విశ్వజీవికా ।
కృషివాణిజ్యభూతిశ్చ వృద్ధిర్ధీశ్చ కుసీదికా ॥ ౯౮ ॥
కులాధారా సుప్రసారా మనోన్మనీ పరాయణా ।
శూద్రా విప్రగతిః కర్మకరీ కౌతుకపూజితా ॥ ౯౯ ॥
నానావిచారచతురా బాలా ప్రౌఢా కలామయీ ।
సుకర్ణధారా నౌః పారా సర్వాశా దుర్గమోచనీ ॥ ౧౦౦ ॥
దుర్గా విన్ధ్యవనస్థా చ కన్దర్పనయపూరణీ ।
భూభారశమనీ కృష్ణా రక్షారాధ్యా రసోల్లసా ॥ ౧౦౧ ॥
త్రివిధోత్పాతశమనీ సమగ్రసుఖశేవధిః ।
పఞ్చావయవవాక్యశ్రీః ప్రపఞ్చోద్యానచన్ద్రికా ॥ ౧౦౨ ॥
సిద్ధసన్దోహసుఖితా యోగినీవృన్దవన్దితా ।
నిత్యాషోడశారూపా చ కామేశీ భగమాలినీ ॥ ౧౦౩ ॥
నిత్యక్లిన్నా చ భీ(భే) రుణ్డా వహ్నిమణ్డలవాసినీ ।
మహావిద్యేశ్వరీ నిత్యా శివదూతీతి విశ్రుతా ॥ ౧౦౪ ॥
త్వరితా ప్రథితా ఖ్యాతా విఖ్యాతా కులసున్దరీ ।
నిత్యా నీలపతాకా చ విజయా సర్వమఙ్గలా ॥ ౧౦౫ ॥
జ్వాలామాలా(౭౦౦) విచిత్రా చ మహాత్రిపురసిన్దరీ ।
గురువృన్దా పరగురుః ప్రకాశానన్దనాథినీ ॥ ౧౦౬ ॥
శివానన్దనాథరూపా శక్త్యానన్దస్వరూపిణీ ।
దేవ్యానన్దనాథమయీ కౌలేశానన్దనాథినీ ॥ ౧౦౭ ॥
దివ్యౌఘగురురూపా చ సమయానన్దనాథినీ ।
శుక్లదేవ్యానన్దనాథా కులేశానన్దనాథినీ ౧ ॥ ౧౦౮ ॥
౧ కామేశ్వర్యానన్దనాథమయీ శ్రీగురురూపిణీ – ఇత్యధికమ్ ।
క్లిన్నాఙ్గానన్దరూపా చ సమయానన్దనాథినీ ।
వేదానన్దనాథమయీ సహజానన్దనాథినీ ॥ ౧౦౯ ॥
సిద్ధౌఘగురురూపా చ అపరాగురురూపిణీ ।
గగనానన్దనాథా చ విశ్వానన్దస్వనాథినీ ॥ ౧౧౦ ॥
విమలానన్దనాథా చ మదనానన్దనాథినీ ।
భువనాద్యా చ లీలాద్యా నన్దనానన్దనాథినీ ॥ ౧౧౧ ॥
స్వాత్మానన్దానన్దరూపా ప్రియాద్యానన్దనాథినీ ।
మానవౌఘగురుశ్రేష్ఠా పరమేష్ఠి గురుప్రభా ॥ ౧౧౨ ॥
పరగుహ్యా గురుశక్తిః స్వగురుకీర్తనప్రియా ।
త్రైలోక్యమోహనఖ్యాతా సర్వాశాపరిపూరకా ॥ ౧౧౩ ॥
సర్వసఙ్క్షోభిణీ పూర్వామ్నాయప్రథితవైభవా ।
శివాశక్తిః శివశక్తిః శివచక్రత్రయాలయా ॥ ౧౧౪ ॥
సర్వసౌభాగ్యదాఖ్యా చ సర్వార్థసాధికాహ్వయా ।
సర్వరక్షాకరాఖ్యా చ దక్షిణామ్నాయదేవతా ॥ ౧౧౫ ॥
మధ్యార్కచక్రనిలయా పశ్చిమామ్నాయదేవతా ।
నవచక్రకృతావాసా కౌబేరామ్నాయదేవతా ॥ ౧౧౬ ॥
కుబేరపూజ్యా కులజా కులామ్నాయప్రవర్తినీ ।
బిన్దుచక్రకృతావాసా మధ్యసింహాసనేశ్వరీ ॥ ౧౧౭ ॥
శ్రీవిద్యా చ మహాలక్ష్మీః లక్ష్మీః శక్తిత్రయాత్మికా ।
సర్వసామ్రాజ్యలక్ష్మీశ్చ పఞ్చలక్ష్మీతివిశ్రుతా ॥ ౧౧౮ ॥
శ్రీవిద్యా చ పరఞ్జ్యోతిః పరనిష్కలశామ్భవీ ।
మాతృకా పఞ్చకోశీ చ శ్రీవిద్యా త్వరితా తథా ॥ ౧౧౯ ॥
పారిజాతేశ్వరీ చైవ త్రికూటా పఞ్చబాణగా ।
పఞ్చకల్పలతా పఞ్చవిద్యా చామృతపీఠికా ॥ ౧౨౦ ॥
సుధాసూ రమణేశానా చాన్నపూర్ణా చ కామధుక్ ।
శ్రీవిద్యా సిద్ధలక్ష్మీశ్చ మాతఙ్గీ భువనేశ్వరీ ॥ ౧౨౧ ॥
వారాహీ పఞ్చరత్నానామీశ్వరీ మాతృవర్ణగా ।
పరాఞ్జ్యోతిః కోశరూపా ఐన్దవీ కలయా యుతా ॥ ౧౨౨ ॥
పరితః స్వామినీ శక్తిదర్శనా రవిబిన్దుయుక్ ।
బ్రహ్మదర్శనరూపా చ శివదర్శనరూపిణీ ॥ ౧౨౩ ॥
విష్ణుదర్శనరూపా చ సృష్టిచక్రనివాసినీ ।
సౌరదర్శనరూపా చ స్థితిచక్రకృతాలయా ॥ ౧౨౪ ॥
బౌద్ధదర్శనరూపా చ మహాత్రిపురసున్దరీ ।
తత్త్వముద్రాస్వరూపా చ ప్రసన్నా(౮౦౦) జ్ఞానముద్రికా ॥ ౧౨౫ ॥
సర్వోపచారసన్తుష్టా హృన్మయీ శీర్షదేవతా ।
శిఖాస్థితా బ్రహ్మమయీ నేత్రత్రయవిలాసినీ ॥ ౧౨౬ ॥
అస్త్రస్థా చతురస్రా చ ద్వారకాద్వారవాసినీ ।
అణిమా పశ్చిమస్థా చ లఘిమోత్తరదేవతా ॥ ౧౨౭ ॥
పూర్వస్థా మహిమేశిత్వా దక్షిణద్వారదేవతా ।
వశిత్వా వాయుకోణస్థా ప్రాకామ్యేశానదేవతా ॥ ౧౨౮ ॥
అగ్నికోణస్థితా భుక్తిరిచ్ఛా నైఋతవాసినీ ।
ప్రాప్తిసిద్ధిరవస్థా చ ప్రాకామ్యార్ధవిలాసినీ ॥ ౧౨౯ ॥
బ్రాహ్మీ మాహేశ్వరీ చైవ కౌమారీ వైష్ణవీ తథా ।
వారాహ్యౌన్ద్రీ చ చాముణ్డా మహాలక్ష్మీర్దిశాఙ్గతిః ॥ ౧౩౦ ॥
క్షోభిణీ ద్రావిణీ ముద్రాఽఽకర్షోన్మాదనకారిణీ ।
మహాఙ్కుశా ఖేచరీ చ బీజాఖ్యా యోనిముద్రికా ॥ ౧౩౧ ॥
సర్వాశాపూరచక్రస్థా కార్యసిద్ధికరీ తథా ।
కామాకర్షిణికాశక్తిర్బుద్‍ధ్యాకర్షణరూపిణీ ॥ ౧౩౨ ॥
అహఙ్కారాకర్షిణీ చ శబ్దాకర్షణరూపిణీ ।
స్పర్శాకర్షణరూపా చ రూపాకర్షణరూపిణీ ॥ ౧౩౩ ॥
రసాకర్షణరూపా చ గన్ధాకర్షణరూపిణీ ।
చిత్తాకర్షణరూపా చ ధైర్యాకర్షణరూపిణీ ॥ ౧౩౪ ॥
స్మృత్యాకర్షణరూపా చ బీజాకర్షణరూపిణీ ।
అమృతాకర్షిణీ చైవ నామాకర్షణరూపిణీ ॥ ౧౩౫ ॥
శరీరాకర్షిణీదేవీ ఆత్మాకర్షణరూపిణీ ।
షోడశస్వరరూపా చ స్రవత్పీయూషమన్దిరా ॥ ౧౩౬ ॥
త్రిపురేశీ సిద్ధరూపా కలాదలనివాసినీ ।
సర్వసఙ్క్షోభచక్రేశీ శక్తిర్గుప్తతరాభిధా ॥ ౧౩౭ ॥
అనఙ్గకుసుమాశక్తిరనఙ్గకటిమేఖలా ।
అనఙ్గమదనాఽనఙ్గమదనాతురరూపిణీ ॥ ౧౩౮ ॥
అనఙ్గరేఖా చానఙ్గవేగానఙ్గాఙ్కుశాభిధా ।
అనఙ్గమాలినీ శక్తిరష్టవర్గదిగన్వితా ॥ ౧౩౯ ॥
వసుపత్రకృతావాసా శ్రీమత్త్రిపురసున్దరీ ।
సర్వసామ్రాజ్యసుఖదా సర్వసౌభాగ్యదేశ్వరీ ॥ ౧౪౦ ॥
సమ్ప్రదాయేశ్వరీ సర్వసఙ్క్షోభణకరీ తథా ।
సర్వవిద్రావిణీ సర్వాకర్షణాటోపకారిణీ ॥ ౧౪౧ ॥
సర్వాహ్లాదనశక్తిశ్చ సర్వజృమ్భణకారిణీ ।
సర్వస్తమ్భన శక్తిశ్చ సర్వసమ్మోహినీ తథా ॥ ౧౪౨ ॥
సర్వవశ్యకరీశక్తిః సర్వసర్వానురఞ్జినీ ।
సర్వోన్మాదనశక్తిశ్చ సర్వార్థసిద్ధికారిణీ ॥ ౧౪౩ ॥
సర్వసమ్పత్తిదా శక్తిః సర్వమన్త్రమయీ తథా ।
సర్వద్వన్ద్వక్షయకరీ(౯౦౦) సిద్ధిస్త్రిపురవాసినీ ॥ ౧౪౪ ॥
సర్వార్థసాధకేశీ చ సర్వకార్యార్థసిద్ధిదా ।
చతుర్దశారచక్రేశీ కలాయోగసమన్వితా ॥ ౧౪౫ ॥
సర్వసిద్ధిప్రదా దేవీ సర్వసమ్పత్ప్రదా తథా ।
సర్వప్రియఙ్కరీ శక్తిః సర్వమఙ్గలకారిణీ ॥ ౧౪౬ ॥
సర్వకామప్రపూర్ణా చ సర్వదుఃఖప్రమోచినీ ।
సర్వమృత్యుప్రశమనీ సర్వవిఘ్నవినాశినీ ॥ ౧౪౭ ॥
సర్వాఙ్గసున్దరీ దేవీ సర్వసౌభాగ్యదాయినీ ।
త్రిపురేశీ సర్వసిద్ధిప్రదా చ దశకోణగా ॥ ౧౪౮ ॥
సర్వరక్షాకరేశీ చ నిగర్భా యోగినీ తథా ।
సర్వజ్ఞా సర్వశక్తిశ్చ సర్వైశ్వర్యప్రదా తథా ॥ ౧౪౯ ॥
సర్వజ్ఞానమయీదేవీ సర్వవ్యాధివినాశినీ ।
సర్వాధారస్వరూపా చ సర్వపాపహరా తథా ॥ ౧౫౦ ॥
సర్వానన్దమయీదేవీ సర్వరక్షాస్వరూపిణీ ।
మహిమాశక్తిదేవీ చ దేవీ సర్వసమృద్ధిదా ॥ ౧౫౧ ॥
అన్తర్దశారచక్రేశీ దేవీ త్రిపురమాలినీ ।
సర్వరోగహరేశీ చ రహస్యా యోగినీ తథా ॥ ౧౫౨ ॥
వాగ్దేవీ వశినీ చైవ దేవీకామేశ్వరీ తథా ।
మోదినీ విమలా చైవ అరుణా జయినీ తథా ॥ ౧౫౩ ॥
సర్వేశ్వరీ కౌలినీ చ హ్యష్టారసర్వసిద్ధిదా ।
సర్వకామప్రదేశీ చ పరాపరరహస్యవిత్ ॥ ౧౫౪ ॥
త్రికోణచతురశ్రస్థా సర్వైశ్వర్యాఽఽయుధాత్మికా ।
కామేశ్వరీబాణరూపా కామేశీచాపరూపిణీ ॥ ౧౫౫ ॥
కామేశీపాశరూపా చ కామేశ్యఙ్కుశరూపిణీ ।
కామేశ్వరీన్ద్రశక్తిశ్చ అగ్నిచక్రకృతాలయా ॥ ౧౫౬ ॥
కామగిర్యధిదేవీ చ త్రికోణస్థాఽగ్రకోణగా ।
దక్షకోణేశ్వరీ విష్ణుశక్తిర్జాలన్ధరాశ్రయా ॥ ౧౫౭ ॥
సూర్యచక్రాలయా రుద్రశక్తిర్వామాఙ్గకోణగా ।
సోమచక్రా బ్రహ్మశక్తిః పూర్ణగిర్యనురాగిణీ ॥ ౧౫౮ ॥
శ్రీమత్త్రికోణభువనా త్రిపురాత్మా మహేశ్వరీ ।
సర్వానన్దమయేశీ చ బిన్దుగాతిరహస్యభృత్ ॥ ౧౫౯ ॥
పరబ్రహ్మస్వరూపా చ మహాత్రిపురసున్దరీ ।
సర్వచక్రాన్తరస్థా చ సమస్తచక్రనాయికా ॥ ౧౬౦ ॥
సర్వచక్రేశ్వరీ సర్వమన్త్రాణామీశ్వరీ తథా ।
సర్వవిద్యేశ్వరీ చైవ సర్వవాగీశ్వరీ తథా ॥ ౧౬౧ ॥
సర్వయోగీశ్వరీ చైవ పీఠేశ్వర్యఖిలేశ్వరీ ।
సర్వకామేశ్వరీ సర్వతత్త్వేశ్వర్యాగమేశ్వరీ ॥ ౧౬౨ ॥
శక్తిః శక్తిధృగుల్లాసా నిర్ద్వన్ద్వా ద్వైతగర్భిణీ ।
నిష్ప్రపఞ్చా మహామాయా సప్రపఞ్చా సువాసినీ ॥ ౧౬౩ ॥
సర్వవిశ్వోత్పత్తిధాత్రీ పరమానన్దసున్దరీ (౧౦౦౦) ।
ఇత్యేతత్కథితం దివ్యం పరమానన్దకారణమ్ ॥ ౧౬౪ ॥
లావణ్యసిన్ధులహరీబాలాయాస్తోషమన్దిరమ్ ।
సహస్రనామ తన్త్రాణాం సారమాకృష్య పార్వతి ॥ ౧౬౫ ॥
అనేన స్తువతో నిత్యమర్ధరాత్రే నిశాముఖే ।
ప్రాతః కాలే చ పూజాయాం సర్వకాలమతః ప్రియే ॥ ౧౬౬ ॥
సర్వసామ్రాజ్యసుఖదా బాలా చ పరితుష్యతి ।
రత్నాని వివిధాన్యస్య విత్తాని ప్రచురాణి చ ॥ ౧౬౭ ॥
మనోరథపథస్థాని దదాతి పరమేశ్వరీ ।
పుత్రాః పౌత్రాశ్చ వర్ధన్తే సన్తతిః సార్వకాలికీ ॥ ౧౬౮ ॥
శత్రవస్తస్య నశ్యన్తి వర్ధన్తేఽస్య బలాని చ ।
వ్యాధయస్తస్య దూరస్థాః సకలాన్యౌషధాని చ ॥ ౧౬౯ ॥
మన్దిరాణి విచిత్రాణి రాజన్తే తస్య సర్వదా ।
కృషిః ఫలవతీ తస్య భూమిః కామదుఘాఽవ్యయా ॥ ౧౭౦ ॥
స్ఫీతో జనపదస్తస్య రాజ్యం తస్య నిరీతికమ్ ।
మాతఙ్గాః పక్షిణస్తుఙ్గాః సిఞ్చన్తో మదవారిభిః ॥ ౧౭౧ ॥
ద్వారే తస్య విరాజన్తే హృష్టా నాగతురఙ్గమాః ।
ప్రజాస్తస్య విరాజన్తే నిర్వివాదాశ్చ మన్త్రిణః ॥ ౧౭౨ ॥
జ్ఞాతయస్తస్య తుష్యన్తి శీలం తస్యాతిసున్దరమ్ ।
లక్ష్మీస్తస్య వశే నిత్యం స్వాసనా చ మనోరమా ॥ ౧౭౩ ॥
గద్యపద్యమయీ వాణీ తస్య గఙ్గాతరఙ్గవత్ ।
నానాపదపదార్థానాం వాదచాతుర్యసమ్భృతా ॥ ౧౭౪ ॥
సమగ్రరససమ్పత్తిశాలినీ లాస్యమాలినీ ।
అదృష్టాన్యపి శాస్త్రాణీ ప్రకాశ్యన్తే నిరన్తరమ్ ॥ ౧౭౫ ॥
నిగ్రహః పరవాక్యానాం సభాయాం తస్య జాయతే ।
స్తువన్తి వన్దినస్తం వై రాజానో దాసవత్తథా ॥ ౧౭౬ ॥
శస్త్రాణ్యస్త్రాణి తదఙ్గే జనయన్తి రుజాం న హి ।
మహిలాస్తస్య వశగాః సర్వావస్థా భవన్తి వై ॥ ౧౭౭ ॥
విషం నిర్విషతాం యాతి పానీయమమృతం భవేత్ ।
పరపక్షస్తమ్భనం చ ప్రతిపక్షస్య జృమ్భణమ్ ॥ ౧౭౮ ॥
నవరాత్రేణ జాయేత స తదభ్యాసయోగవిత్ ।
అహోరాత్రం పఠేద్యస్తు నిస్తన్ద్రః శాన్తమానసః ॥ ౧౭౯ ॥
వశే తస్య ప్రజా యాతి సర్వే లోకాః సునిశ్చితమ్ ।
షణ్మాసాభ్యాసయోగేన యోగమాయాతి నిశ్చితమ్ ॥ ౧౮౦ ॥
నిత్యం కామకలాం ధ్యాయన్ యః పఠేత్ స్తోత్రముత్తమమ్ ।
మదనోన్మాదకలితాః పురన్ఘ్ర్యాస్తద్వశానుగాః ॥ ౧౮౧ ॥
లావణ్యమదనాః సాక్షాద్వైదగ్ధ్యముదితేక్షణాః ।
ప్రేమపూర్ణామపి వశే హ్యుర్వశీం స హి విన్దతి ॥ ౧౮౨ ॥
భూర్జపత్రే రోచనయా కుఙ్కుమేన శుభే దినే ।
లాక్షారసద్రవేణాపి యావకైర్వా విశేషతః ॥ ౧౮౩ ॥
ధాతురాగేణ వా దేవి లిఖితం యన్త్రమఞ్చితమ్ ।
సువర్ణరౌప్యగర్భస్థం సుసమ్పూతం సుసాధితమ్ ॥ ౧౮౪ ॥
బాలాబుద్‍ధ్యా పూజితం చ ప్రతిష్ఠితసమీరణమ్ ।
ధారయేన్మస్తకే కణ్ఠే బాహుమూలే తథా హృది ॥ ౧౮౫ ॥
నాభౌ వాపి ధృతం ధన్యం జయదం సర్వకామదమ్ ।
రక్షణం నాపరం కిఞ్చిద్విద్యతే భువనత్రయే ॥ ౧౮౬ ॥
గ్రహరోగాదిభయహృత్ సుఖకృత్యవివర్ధనమ్ ।
బలవీర్యకరం క్రూరభూతశత్రువినాశనమ్ ॥ ౧౮౭ ॥
పుత్రపౌత్రాన్ గుణగణైర్వర్ధనం ధనధాన్యకృత్ ।
ధరణ్యాం సా పురీ ధన్యా యత్రాయం సాధకోత్తమః ॥ ౧౮౮ ॥
యద్గృహే లిఖితం తిష్ఠేత్ స్తోత్రమేతద్వరాననే ।
తత్ర చాహం శివే నిత్యం హరిశ్చ కమలా తథా ॥ ౧౮౯ ॥
వసామః సర్వతీర్థానాముత్పత్తిస్తత్ర జాయతే ।
యో వాపి పాఠయేద్భక్త్యా పఠేద్వై సాధకోత్తమః ॥ ౧౯౦ ॥
జ్ఞానానన్దకలాయోగాదైక్యవృత్తిం స విన్దతి ।
స్తోత్రేణానేన దేవేశి తవ పూజాఫలం లభేత్ ॥ ౧౯౧ ॥
షోఢాన్యాసతనుర్భూత్వా పఠితవ్యం ప్రయత్నతః ।
ఉత్తమా సర్వతన్త్రాణాం బాలాయాః పూజనస్రుతిః ॥ ౧౯౨ ॥
తత్రోత్తమా షోడశార్ణా తత్రేదం స్తోత్రముత్తమమ్ ।
నాశిష్యాయ ప్రదాతవ్యమశుద్ధాయ శఠాయ చ ॥ ౧౯౩ ॥
అలసాయాప్రయత్నాయాశివాభక్తాయ సున్దరి ।
భక్తిహీనాయ మలినే గురునిన్దాపరాయ చ ॥ ౧౯౪ ॥
విష్ణుభక్తివిహీనాయ వికల్పావృతబుద్ధయే ।
దేయం భక్తవరే ముక్తేః కారణం భక్తివర్ధనమ్ ॥ ౧౯౫ ॥
లతాయోగే పఠేద్యస్తు స్తోత్రమేతద్వరాననే ।
సైవ కల్పలతా తస్య వాఞ్ఛాఫలకరీ తథా ॥ ౧౯౬ ॥
పుష్పితాయా లతాయోగే కురఙ్గముఖి సాధకః ।
అక్షుబ్ధః సన్ పఠేద్యస్తు శతయజ్ఞస్య పుణ్యభాక్ ॥ ౧౯౭ ॥
బ్రహ్మాదయోఽపి దేవేశి ప్రార్థయన్తి పదద్వయమ్ ।
స్వయం శివః స విజ్ఞేయో యో బాలాభావలమ్పటః ॥ ౧౯౮ ॥
బ్రహ్మానన్దమయీ జ్యోత్స్నా సదాశివవిధూదితా ।
ఆనన్దో యోఽపి యం వేదా వదన్త్యస్యా వశే స్థితాః ॥ ౧౯౯ ॥
ఆహ్లాదనం బాలాధ్యానాద్బాలాయా నామకీర్తనాత్ ।
సదానన్దాభ్యాసయోగాత్ సదానన్దః ప్రజాయతే ॥ ౨౦౦ ॥
ఇతి శ్రీరుద్రయామలే తన్త్రే భైరవభైరవీసంవాదే
శ్రీబాలాత్రిపురసున్దరీసహస్రనామస్తోత్రం సమ్పూర్ణమ్ ॥