॥ Shiva Sahasranama Stotram from Devi Bhagavata Bengali Lyrics ॥
॥ শ্রীশিবসহস্রনামস্তোত্রম্ দেবীভাগবতান্তর্গতম্ ॥
ভগীরথকৃতং শ্রীমহাদেবীভাগবত উপপুরাণে
ভগীরথ উবাচ-
ওঁ নমস্তে পার্বতীনাথ দেবদেব পরাত্পর ।
অচ্যুতানঘ পঞ্চাস্য ভীমাস্য রুচিরানন ॥ ১ ॥
ব্যাঘ্রাজিনধরানন্ত পারাবারবিবর্জিত ।
পঞ্চানন মহাসত্ত্ব মহাজ্ঞানময় প্রভো ॥ ২ ॥
অজিতামিতদুর্ধর্ষ বিশ্বেশ পরমেশ্বর ।
বিশ্বাত্মন্বিশ্বভূতেশ বিশ্বাশ্রয় জগত্পতে ॥ ৩ ॥
বিশ্বোপকারিন্বিশ্বৈকধাম বিশ্বাশ্রয়াশ্রয় ।
বিশ্বাধার সদানন্দ বিশ্বানন্দ নমোঽস্তু তে ॥ ৪ ॥
শর্ব সর্ববিদজ্ঞানবিবর্জিত সুরোত্তম ।
সুরবন্দ্য সুরস্তুত্য সুররাজ সুরোত্তম ॥ ৫ ॥
সুরপূজ্য সুরধ্যেয় সুরেশ্বর সুরান্তক ।
সুরারিমর্দক সুরশ্রেষ্ঠ তেঽস্তু নমো নমঃ ॥ ৬ ॥
ত্বং শুদ্ধঃ শুদ্ধবোধশ্চ শুদ্ধাত্মা জগতাং পতিঃ ।
শম্ভুঃ স্বয়ম্ভূরত্যুগ্র উগ্রকর্মোগ্রলোচনঃ ॥ ৭ ॥
উগ্রপ্রভাবশ্চাত্যুগ্রমর্দকোঽত্যুগ্ররূপবান্ ।
উগ্রকণ্ঠঃ শিবঃ শান্তঃ সর্বশান্তিবিধায়কঃ ॥ ৮ ॥
সর্বার্থদঃ শিবাধারঃ শিবায়নিরমিত্রজিত্ ।
শিবদঃ শিবকর্তা চ শিবহন্তা শিবেশ্বরঃ ॥ ৯ ॥
শিশুঃ শৈশবয়ুক্তস্চ পিঙ্গকেশো জটাধরঃ ।
গঙ্গাধরকপর্দী চ জটাজূটবিরাজিতঃ ॥ ১০ ॥
জটিলো জটিলারাধ্যঃ সর্বদোন্মত্তমানসঃ ।
উন্মত্তকেশ উন্মত্ত উন্মত্তানামধীশ্বরঃ ॥ ১১ ॥
উন্মত্তলোচনো ভীমস্ত্রিনেত্রো ভীমলোচনঃ ।
বহুনেত্রো দ্বিনেত্রী চ রক্তনেত্রঃ সুনেত্রকঃ ॥ ১২ ॥
দীর্ঘনেত্রস্চ পিঙ্গাক্ষঃ সুপ্রভাখ্যঃ সুলোচনঃ ।
সোমনেত্রোঽগ্নিনেত্রাখ্যঃ সূর্যনেত্রঃ সুবীর্যবান্ ॥ ১৩ ॥
পদ্মাক্ষঃ কমলাক্ষশ্চ নীলোত্পলদলেক্ষণঃ ।
সুলক্ষণঃ শূলপাণিঃ কপালী কপিলেক্ষণঃ ॥ ১৪ ॥
ব্যাঘূর্ণনয়নো ধূর্তো ব্যাঘ্রচর্মাম্বরাবৃতঃ ।
শ্রীকণ্ঠো নীলকণ্ঠাখ্যঃ শিতিকণ্ঠঃ সুকণ্ঠকঃ ॥ ১৫ ॥
চন্দ্রচূডশ্চন্দ্রধরশ্চন্দ্রমৌলিঃ শশাঙ্কভৃত্ ।
শশিকান্তঃ শশাঙ্কাভঃ শশাঙ্কাঙ্কিতমূর্ধজঃ ॥ ১৬ ॥
শশাঙ্কবদনো বীরো বরদো বরলোচনঃ ।
শরচ্চন্দ্রসমাভাসঃ শরদিন্দুসমপ্রভঃ ॥ ১৭ ॥
কোটিসূর্যপ্রতীকাশশ্চন্দ্রাস্যশ্চন্দ্রশেখরঃ ।
অষ্টমূর্তির্মহামূতির্ভীমমূর্তির্ভয়ানকঃ ॥ ১৮ ॥
ভয়দাতা ভয়ত্রাতা ভয়হর্তা ভয়োজ্ঝিতঃ ।
নির্ভূতো ভূতবন্দ্যশ্চ ভূতাত্মা ভূতভাবনঃ ॥ ১৯ ॥
কৌপীনবাসা দুর্বাসা বিবাসাঃ কামিনীপতিঃ ।
করালঃ কীর্তিদো বৈদ্যঃ কিশোরঃ কামনাশনঃ ॥ ২০ ॥
কীর্তিরূপঃ কুন্তধারী কালকূটকৃতাশনঃ ।
কালকূটঃ সুরূপী চ কুলমন্ত্রপ্রদীপকঃ ॥ ২১ ॥
কলাকাষ্ঠাত্মকঃ কাশীবিহারী কুটিলাননঃ ।
মহাকাননসংবাসী কালীপ্রতিবিবর্ধনঃ ॥ ২২ ॥
কালীধরঃ কামচারি কুলকীর্তিবিবর্ধনঃ ।
কামাদ্রিঃ কামুকবরঃ কার্মুকী কামমোহিতঃ ॥ ২৩
কটাক্ষঃ কনকাভাসঃ কনকোজ্জ্বলগাত্রকঃ ।
কামাতুরঃ ক্বণত্পাদঃ কুটিলভ্রুকুটীধরঃ ॥ ২৪ ॥
কার্তিকেয়পিতা কোকনদভূষণভূষিতঃ ।
খট্বাঙ্গয়োদ্ধা খড্গী চ গিরীশো গগনেশ্বরঃ ॥ ২৫
গণাধ্যক্ষঃ খেটকধৃক্ খর্বঃ খর্বতরঃ খগঃ ।
খগারূঢঃ খগারাধ্যঃ খেচরঃ খেচরেশ্বরঃ ॥ ২৬ ॥
খেচরত্বপ্রদঃ ক্ষোণীপতিঃ খেচরমর্দকঃ ।
গণেশ্বরো গণপিতা গরিষ্ঠো গণভূপতিঃ ॥ ২৭ ॥
গুরুর্গুরুতরো জ্ঞেয়ো গঙ্গাপতিরমর্ষণঃ ।
গীতপ্রিয়ো গীতরতঃ সুগোপ্যো গোপবৃন্দপঃ ॥ ২৮ ॥
গবারূঢো জগদ্ভর্তা গোস্বামী গোস্বরূপকঃ ।
গোপ্রদো গোধরো গৃধ্রো গরুত্মান্ গোকৃতাসনঃ ॥ ২৯।
গোপীশো গুরুতাতশ্চ গুহাবাসী সুগোপিতঃ ।
গজারূঢো গজাস্যশ্চ গজাজিনধরোঽগ্রজঃ ॥ ৩০ ॥
গ্রহাধ্যক্ষো গ্রহগণো দুষ্টগ্রহবিমর্দকঃ ।
মানরূপী গানরতঃ প্রচণ্ডো গানবিহ্বলঃ ॥ ৩১ ॥
গানমত্তো গুণী গুহ্যো গুণগ্রমাশয়ো গুণঃ ।
গূঢবুদ্ধির্গূঢমূর্তির্গূঢপাদবিভূষিতঃ ॥ ৩২ ॥
গোপ্তা গোলোকবাসী চ গুণবান্গুণিনাং বরঃ ।
হরো হরিতবর্ণাক্ষো মৃত্যুর্মৃত্যুঞ্জয়ো হরিঃ ॥ ৩৩ ॥
হব্যভুঘরিসম্পূজ্যো হবির্হবির্ভুজাং বরঃ ।
অনাদিরাদিঃ সর্বাদ্য আদিতেয়বরপ্রদঃ ॥ ৩৪ ॥
অনন্তবিক্রমো লোকো লোকানাং পাপহারকঃ ।
গীষ্পতিঃ সদ্গুণোপেতঃ সগুণো নির্গুণো গুণী ॥ ৩৫ ॥
গুণপ্রীতো গুণবরো গিরিজানায়কো গিরিঃ ।
গৌরীভর্তা গুণাঢয়শ্চ গোশ্রেষ্ঠাসনসংস্থিতঃ ॥ ৩৬ ॥
পদ্মাসনঃ পদ্মনেত্রঃ পদ্মতুষ্টঃ সুপদ্মকঃ ।
পদ্মবক্ত্রঃ পদ্মকরঃ পদ্মারূঢপদাম্বুজঃ ॥ ৩৭ ॥
পদ্মপ্রিয়তমঃ পদ্মালয়ঃ পদ্মপ্রকাশকঃ ।
পদ্মকাননসংবাসঃ পদ্মকাননভঞ্জকঃ ॥ ৩৮ ॥
পদ্মকাননসংবাসী পদ্মারণ্যকৃতালয়ঃ ।
প্রফুল্লবদনঃ ফুল্লকমলাক্ষঃ প্রফুল্লকৃত্ ॥ ৩৯ ॥
ফুল্লেন্দীবরসন্তুষ্টঃ প্রফুল্লকমলাসনঃ ।
ফুল্লাম্ভোজকরঃ ফুল্লমানসঃ পাপহারকঃ ॥ ৪০ ॥
পাপাপহারী পুণ্যাত্মা পুণ্যকীর্তিঃ সুপুণ্যবান্ ।
পুণ্যঃ পুণ্যতমো ধন্যঃ সুপূতাত্মা পরাত্মকঃ ॥ ৪১ ॥
পুণ্যেশঃ পুণ্যদঃ পুণ্যনিরতঃ পুণ্যভাজনঃ ।
পরোপকারী পাপিষ্ঠনাশকঃ পাপহারকঃ ॥ ৪২ ॥
পুরাতনঃ পূর্বহীনঃ পরদ্রোহবিবর্জিতঃ ।
পীবরঃ পীবরমুখঃ পীনকায়ঃ পুরান্তকঃ ॥ ৪৩ ॥
পাশী পশুপতিঃ পাশহস্তঃ পাষাণবিত্পতিঃ ।
পলাত্মকঃ পরো বেত্তা পাশবদ্ধবিমোচকঃ ॥ ৪৪ ॥
পশূনামধিপঃ পাশচ্ছেত্তা পাশবিভেদকঃ ।
পাষাণধারী পাষাণশয়ানঃ পাশিপূজিতঃ ॥ ৪৫ ॥
পশ্বারূঢঃ পুষ্পধনুঃ পুষ্পবৃন্দসুপূজিতঃ ।
পুণ্ডরীকঃ পীতবাসা পুণ্ডরীকাক্ষবল্লভঃ ॥ ৪৬ ॥
পানপাত্রকরঃ পানমত্তঃ পানাতিভূতকঃ ।
পোষ্টা পোষ্ট্ট্বরঃ পূতঃ পরিত্রাতাঽখিলেশ্বরঃ ॥ ৪৭ ॥
পুণ্ডরীকাক্ষকর্তা চ পুণ্ডরীকাক্ষসেবিতঃ ।
পল্লবস্থঃ প্রপীঠস্থঃ পীঠভূমিনিবাসকঃ ॥ ৪৮ ॥
পিতা পিতামহঃ পার্থপ্রসন্নোঽভীষ্টদায়কঃ ।
পিতৄণাং প্রীতিকর্তা চ প্রীতিদঃ প্রীতিভাজনঃ ॥ ৪৯ ॥
প্রীত্যাত্মকঃ প্রীতিবশী সুপ্রীতঃ প্রীতিকারকঃ ।
প্রীতিহৃত্প্রীতিরূপাত্মন্ প্রীতিয়ুক্তস্ত্বমেব হি ॥ ৫০ ॥
প্রণতার্তিহরঃ প্রাণবল্লভঃ প্রাণদায়কঃ ।
প্রাণী প্রাণস্বরূপশ্চ প্রাণগ্রাহী মুনির্দয়ঃ ॥ ৫১ ॥
প্রাণনাথঃ প্রীতমনাঃ সর্বেষাং প্রপিতামহঃ ।
বৃদ্ধঃ প্রবৃদ্ধরূপশ্চ প্রেতঃ প্রণয়িনাং বরঃ ॥ ৫২ ॥
পরাধীশঃ পরং জ্যোতিঃ পরনেত্রঃ পরাত্মকঃ ।
পারুষ্যরহিতঃ পুত্রী পুত্রদঃ পুত্ররক্ষকঃ ॥ ৫৩ ॥
পুত্রপ্রিয়ঃ পুত্রবশ্যঃ পুত্রবত্পরিপালকঃ ।
পরিত্রাতা পরাবাসঃ পরচেতাঃ পরেশ্বরঃ ॥ ৫৪ ॥
পতিঃ সর্বস্য সম্পাল্যঃ পবমানঃ পরোঽন্তকঃ ।
পুরহা পুরুহূতশ্চ ত্রিপুরারিঃ পুরান্তকঃ ॥ ৫৫ ॥
পুরন্দরোঽতিসম্পূজ্যঃ প্রধর্ষো দুষ্প্রধর্ষণঃ ।
পটুঃ পটুতরঃ প্রৌঢঃ প্রপূজ্যঃ পর্বতালয়ঃ ॥ ৫৬ ॥
পুলিনস্থঃ পুলস্ত্যাখ্যঃ পিঙ্গচক্ষুঃ প্রপন্নগঃ ।
অভীরুরসিতাঙ্গশ্চ চণ্ডরূপঃ সিতাঙ্গকঃ ॥ ৫৭ ॥
সর্ববিদ্যাবিনোদশ্চ সর্বসৌখ্যয়ুতঃ সদা ।
সুখহর্তা সর্বসুখী সর্বলোকৈকপাবনঃ ॥ ৫৮ ॥
সদাবনঃ সারদশ্চ সুসিদ্ধঃ শুদ্ধরূপকঃ ।
সারঃ সারতরঃ সূর্যঃ সোমঃ সর্বপ্রকাশকঃ ॥ ৫৯ ॥
সোমমণ্ডলধারী চ সমুদ্র সিন্ধুরূপবান্ ।
সুরজ্যেষ্ঠঃ সুরশ্রেষ্ঠঃ সুরাসুরনিষেবিতঃ ॥ ৬০ ॥
সর্বধর্মবিনির্মুক্তঃ সর্বলোকনমস্কৃতঃ ।
সর্বাচারয়ুতঃ সৌরঃ শাক্তঃ পরমবৈষ্ণবঃ ॥ ৬১ ॥
সর্বধর্মবিধানজ্ঞঃ সর্বাচারপরায়ণঃ ।
সর্বরোগপ্রশমনঃ সর্বরোগাপহারকঃ ॥ ৬২ ॥
প্রকৃষ্টাত্মা মহাত্মা চ সর্বধর্মপ্রদর্শকঃ ।
সর্বসম্পদ্যুতঃ সর্বসম্পদ্দানসমেক্ষণঃ ॥ ৬৩ ॥
সহাস্যবদনো হাস্যয়ুক্তঃ প্রহসিতাননঃ ।
সাক্ষী সমক্ষবক্তা চ সর্বদর্শী সমস্তবিত্ ॥ ৬৪ ॥
সকলজ্ঞঃ সমর্থজ্ঞঃ সুমনাঃ শৈবপূজিতঃ ।
শোকপ্রশমনঃ শোকহন্তাঽশোচ্যঃ শুভান্বিতঃ ॥ ৬৫ ॥
শৈলজ্ঞঃ শৈলজানাথঃ শৈলনাথঃ শনৈশ্চরঃ ।
শশাঙ্কসদৃশজ্যোতিঃ শশাঙ্কার্ধবিরাজিতঃ ॥ ৬৬ ॥
সাধুপ্রিয়ঃ সাধুতমঃ সাধ্বীপতিরলৌকিকঃ ।
শূন্যরূপঃ শূন্যদেহঃ শূন্যস্থঃ শূন্যভাবনঃ ॥ ৬৭ ॥
শূন্যগামী শ্মশানস্থঃ শ্মশানাধিপতিঃ সুবাক্ ।
শতসূর্যপ্রভঃ সূর্যঃ সূর্যদীপ্তঃ সুরারিহা ।
শুভান্বিতঃ শুভতনুঃ শুভবুদ্ধিঃ শুভাত্মকঃ ॥ ৬৮ ॥
শুভান্বিততনুঃ শুক্লতনুঃ শুক্লপ্রভান্বিতঃ ।
সুশৌক্লঃ শুক্লদশনঃ শুক্লাভঃ শুক্লমাল্যধৃত্ ॥ ৬৯ ॥
শুক্লপুষ্পপ্রিয়ঃ শুক্লবসনঃ শুক্লকেতনঃ ।
শেষালঙ্করণঃ শেষরহিতঃ শেষবেষ্টিতঃ ॥ ৭০ ॥
শেষারূঢঃ শেষশায়ী শেষাঙ্গদবিরাজিতঃ ।
সতীপ্রিয়ঃ সাশঙ্কশ্চ সমদর্শী সমাধিমান্ ॥ ৭১ ॥
সত্সঙ্গী সত্প্রিয়ঃ সঙ্গী নিঃসঙ্গী সঙ্গবর্জিতঃ ।
সহিষ্ণুঃ শাশ্বতৈশ্বর্যঃ সামগানরতঃ সদা ॥ ৭২ ॥
সামবেত্তা সাম্যতরঃ শ্যামাপতিরশেষভুক্ ।
তারিণীপতিরাতাম্রনয়নস্ত্বরিতাপ্রিয়ঃ ॥ ৭৩ ॥
তারাত্মকস্ত্বগ্বসনস্তরুণীরমণো রতঃ ।
তৃপ্তিরূপস্তৃপ্তিকর্তা তারকারিনিষেবিতঃ ॥ ৭৪ ॥
বায়ুকেশো ভৈরবেশো ভবানীশো ভবান্তকঃ ।
ভববন্ধুর্ভবহরো ভববন্ধনমোচকঃ ॥ ৭৫ ॥
অভিভূতোঽভিভূতাত্মা সর্বভূতপ্রমোহকঃ ।
ভুবনেশো ভূতপূজ্যো ভোগমোক্ষফলপ্রদঃ ॥ ৭৬ ॥
দয়ালুর্দীননাথশ্চ দুঃসহো দৈত্যমর্দকঃ ।
দক্ষকন্যাপতির্দুঃখনাশকো ধনধান্যদঃ ॥ ৭৭ ॥
দয়াবান্ দৈবতশ্রেষ্ঠো দেবগন্ধর্বসেবিতঃ ।
নানায়ুধধরো নানাপুষ্পগুচ্ছবিরাজিতঃ ॥ ৭৮ ॥
নানাসুখপ্রদো নানামূর্তিধারী চ নর্তকঃ ।
নিত্যবিজ্ঞানসংয়ুক্তো নিত্যরূপোঽনিলোঽনলঃ ॥ ৭৯ ॥
লব্ধবর্ণো লঘুতরো লঘুত্বপরিবর্জিতঃ ।
লোলাক্ষো লোকসম্পূজ্যো লাবণ্য পরিসংয়ুতঃ ॥ ৮০ ॥
নপুরীন্যাসসংস্থশ্চ নাগেশো নগপূজিতঃ ।
নারায়ণো নারদশ্চ নানাভরণভূষিতঃ ॥ ৮১ ॥
নগভূতো নগ্নদেশো নগ্নঃ সানন্দমানসঃ ।
নমস্যো নতনাভিশ্চ নম্রমূর্ধাভিবন্দিতঃ ॥ ৮২ ॥
নন্দিকেশো নন্দিপূজ্যো নানানীরজমধ্যগঃ ।
নবীনবিল্বপত্রৌঘতুষ্টো নবঘনদ্যুতিঃ ॥ ৮৩ ॥
নন্দঃ সানন্দ আনন্দময়শ্চানন্দবিহ্বলঃ ।
নালসংস্থঃ শোভনস্থঃ সুস্থঃ সুস্থমতিস্তথা ॥ ৮৪ ॥
স্বল্পাসনো ভীমরুচির্ভুবনান্তকরাম্বুদঃ ।
আসন্নঃ সিকতালীনো বৃষাসীনো বৃষাসনঃ ॥ ৮৫ ॥
বৈরস্যরহিতো বার্যো ব্রতী ব্রতপরায়ণঃ ।
ব্রাহ্ম্যো বিদ্যাময়ো বিদ্যাভ্যাসী বিদ্যাপতিস্তথা ॥ ৮৬ ॥
ঘণ্টাকারো ঘোটকস্থো ঘোররাবো ঘনস্বনঃ ।
ঘূর্ণচক্ষুরঘূর্ণাত্মা ঘোরহাসো গভীরধীঃ ॥ ৮৭ ॥
চণ্ডীপতিশ্চণ্ডমূর্তিশ্চণ্ডো মুণ্ডী প্রচণ্ডবাক্ ।
চিতাসংস্থশ্চিতাবাসশ্চিতির্দণ্ডকরঃ সদা ॥ ৮৮ ॥
চিতাভস্মাভিসংলিপ্তশ্চিতানৃত্যপরায়ণঃ ।
চিতাপ্রমোদী চিত্সাক্ষী চিন্তামণিরচিন্তকঃ ॥ ৮৯ ॥
চতুর্বেদময়শ্চক্ষুশ্চতুরাননপূজিতঃ ।
চীরবাসাশ্চকোরাক্ষশ্চলন্মূর্তিশ্চলেক্ষণঃ ॥ ৯০ ॥
চলত্কুণ্ডলভূষাঢয়শ্চলদ্ভূষণভূষিতঃ ।
চলন্নেত্রশ্চলত্পাদশ্চলন্নূপুররাজিতঃ ॥ ৯১ ॥
স্থাবরঃ স্থিরমূর্তিশ্চ স্থাবরেশঃ স্থিরাসনঃ ।
স্থাপকঃ স্থৈর্যনিরতঃ স্থূলরূপী স্থলালয়ঃ ॥ ৯২ ॥
স্থৈর্যাতিগঃ স্থিতিপরঃ স্থাণুরূপী স্থলাধিপঃ ।
ঐহিকো মদনার্তশ্চ মহীমণ্ডলপূজিতঃ ॥ ৯৩ ॥
মহীপ্রিয়ো মত্তরবো মীনকেতুবিমর্দকঃ ।
মীনরূপো মনিসংস্থো মৃগহস্তো মৃগাসনঃ ॥ ৯৪ ॥
মার্গস্থো মেখলায়ুক্তো মৈথিলীশ্বরপূজিতঃ ।
মিথ্যাহীনো মঙ্গলদো মাঙ্গল্যো মকরাসনঃ ॥ ৯৫ ॥
মত্স্যপ্রিয়ো মথুরগীর্মধুপানপরায়ণঃ ।
মৃদুবাক্যপরঃ সৌরপ্রিয়ো মোদান্বিতস্তথা ॥ ৯৬ ॥
মুণ্ডালির্ভূষণো দণ্ডী উদ্দণ্ডো জ্বললোচনঃ ।
অসাধ্যসাধকঃ শূরসেব্যঃ শোকাপনোদনঃ ॥ ৯৭ ॥
শ্রীপতিঃ শ্রীসুসেব্যশ্চ শ্রীধরঃ শ্রীনিকেতনঃ ।
শ্রীমতাং শ্রীস্বরূপশ্চ শ্রীমান্শ্রীনিলয়স্তথা ॥ ৯৮ ॥
শ্রমাদিক্লেশরহিতঃ শ্রীনিবাসঃ শ্রিয়ান্বিতঃ ।
শ্রদ্ধালুঃ শ্রাদ্ধদেবশ্চ শ্রাদ্ধো মধুরবাক্ তথা ॥ ৯৯ ॥
প্রলয়াগ্ন্যর্কসঙ্কাশঃ প্রমত্তনয়নোজ্জ্বলঃ ।
অসাধ্যসাধকঃ শূরসেব্যঃ শোকাপনোদনঃ ॥ ১০০ ॥
বিশ্বভূতময়ো বৈশ্বানরনেত্রোঽধিমোহকৃত্ ।
লোকত্রাণপরোঽপারগুণঃ পারবিবর্জিতঃ ॥ ১০১ ॥
অগ্নিজিহ্বো দ্বিজাস্যশ্চ বিশ্বাস্যঃ সর্বভূতধৃক্ ।
খেচরঃ খেচরাধীশঃ সর্বগঃ সার্বলৌকিকঃ ॥ ১০২ ॥
সেনানীজনকঃ ক্ষুব্ধাব্ধির্বারিক্ষোভবিনাশকঃ ।
কপালবিলসদ্ধস্তঃ কমণ্ডলুভৃদর্চিতঃ ॥ ১০৩ ॥
কেবলাত্মস্বরূপশ্চ কেবলজ্ঞানরূপকঃ ।
ব্যোমালয়নিবাসী চ বৃহদ্ব্যোমস্বরূপকঃ ॥ ১০৪ ॥
অম্ভোজনয়নোঽম্ভোধিশয়ানঃ পুরুষাতিগঃ ।
নিরালম্বোঽবলম্বশ্চ সম্ভোগানন্দরূপকঃ ॥ ১০৫ ॥
য়োগনিদ্রাময়ো লোকপ্রমোহাপহরাত্মকঃ ।
বৃহদ্বক্ত্রো বৃহন্নেত্রো বৃহদ্বাহুর্বৃহদ্বলঃ ॥ ১০৬ ॥
বৃহত্সর্পাঙ্গদো দুষ্টবৃহদ্বালবিমর্দকঃ ।
বৃহদ্ভুজবলোন্মত্তো বৃহত্তুণ্ডো বৃহদ্বপুঃ ॥ ১০৭ ॥
বৃহদৈশ্বর্যয়ুক্তস্চ বৃহদৈশ্বর্যদঃ স্বয়ম্।
বৃহত্সম্ভোগসনুষ্টো বৃহদানন্দদায়কঃ ॥ ১০৮ ॥
বৃহজ্জটাজূটধরো বৃহন্মালী বৃহদ্ধনুঃ ।
ইন্দ্রিয়াধিষ্ঠিতঃ সর্বলোকেন্দ্রিয়বিমোহকৃত্ ॥ ১০৯ ॥
সর্বেন্দ্রিয়প্রবৃত্তিকৃত্ সর্বেন্দ্রিয়নিবৃত্তিকৃত্।
প্রবৃত্তিনায়কঃ সর্ববিপত্তিপরিনাশকঃ ॥ ১১০ ॥
প্রবৃত্তিমার্গনেতা ত্বং স্বতন্ত্রেচ্ছাময়ঃ স্বয়ম্ ।
সত্প্রবৃত্তিরতো নিত্যং দয়ানন্দশিবাধরঃ ॥ ১১১ ॥
ক্ষিতিরূপস্তোয়রূপী বিশ্বতৃপ্তিকরস্তথা ।
তর্পস্তর্পণসম্প্রীতস্তর্পকস্তর্পণাত্মকঃ ॥ ১১২ ॥
তৃপ্তিকারণভূতশ্চ সর্বতৃপ্তিপ্রসাধকঃ ।
অভেদো ভেদকোঽচ্ছিদ্যচ্ছেদকোঽচ্ছেদ্য এব হি ॥ ১১৩ ॥
অচ্ছিন্নধন্বাঽচ্ছিন্নেষুরচ্ছিন্নধ্বজবাহনঃ ।
অদৃষ্টঃ সমধৃষ্টাস্ত্রঃ সমধৃষ্টো বলোন্নতঃ ॥ ১১৪ ॥
চিত্রয়োধী চিত্রকর্মা বিশ্বসঙ্কর্ষকঃ স্বয়ম্ ।
ভক্তানামীপ্সিতকরঃ সর্বেপ্সিতফলপ্রদঃ ॥ ১১৫ ॥
বাঞ্ছিতাভীষ্টফলদোঽভিন্নজ্ঞানপ্রবর্তকঃ ।
বোধনাত্মা বোধনার্থাতিগঃ সর্বপ্রবোধকৃত্ ॥ ১১৬ ॥
ত্রিজটশ্চৈকজটিলশ্চলজ্জূটো ভয়ানকঃ ।
জটাটীনো জটাজূটস্পৃষ্টাবরবচঃ স্বয়ম্ ॥ ১১৭ ॥
ষাণ্মাতুরস্য জনকঃ শক্তিঃ প্রহরতাং বরঃ ।
অনর্ঘাস্ত্রপ্রহারী চানর্ঘধন্বা মহার্ঘ্যপাত্ ॥ ১১৮ ॥
য়োনিমণ্ডলমধ্যস্থো মুখয়োনিরজৃম্ভণঃ ।
মহাদ্রিসদৃশঃ শ্বেতঃ শ্বেতপুষ্পস্রগন্বিতঃ ॥ ১১৯ ॥
মকরন্দপ্রিয়ো নিত্যং মাসর্তুহায়নাত্মকঃ ।
নানাপুষ্পপ্রসূর্নানাপুষ্পৈরর্চিতগাত্রকঃ ॥ ১২০ ॥
ষডঙ্গয়োগনিরতঃ সদায়োগার্দ্রমানসঃ ।
সুরাসুরনিষেব্যাঙ্ঘ্রির্বিলসত্পাদপঙ্কজঃ ॥ ১২১ ॥
সুপ্রকাশিতবক্ত্রাব্জঃ সিতেতরগলোজ্জ্বলঃ ।
বৈনতেয়সমারূঢঃ শরদিন্দুসহস্রবত্ ॥ ১২২ ॥
জাজ্বল্যমানস্তেজোভির্জ্বালপুঞ্জো য়মঃ স্বয়ম্ ।
প্রজ্বলদ্বিদ্যুদাভশ্চ সাট্টহাসভয়ঙ্করঃ ॥ ১২৩ ॥
প্রলয়ানলরূপী চ প্রলয়াগ্নিরুচিঃ স্বয়ম্ ।
জগতামেকপুরুষো জগতাং প্রলয়াত্মকঃ ॥ ১২৪ ॥
প্রসীদ ত্বং জগন্নাথ জগদ্যোনে নমোঽস্তু তে ॥ ১২৫ ॥
শ্রীমহাদেব উবাচ-
এবং নামসহস্রেণ রাজ্ঞা বৈ সংস্তুতো হরঃ ।
প্রত্যক্ষমগমত্তস্য সুপ্রসন্নমুখাম্বুজঃ ॥ ১২৬ ॥
স তং বিলোক্য ত্রিদশৈকনাথং
পঞ্চাননং শ্বেতরুচিং প্রসন্নম্ ।
বৃষাধিরূঢং ভুজগাঙ্গদৈর্যুতং
ননর্ত রাজা ধরণীভুজাং বরঃ ॥ ১২৭ ॥
প্রোবাচ চেদং পরমেশ্বরাদ্য মে
এতানি সর্বাণি সুখার্থকানি ।
তপশ্চ হোমশ্চ মনুষ্যজন্ম
য়ত্ত্বাং প্রপশ্যামি দৃশা পরেশম্ ॥ ১২৮ ॥
মত্তো ন ধন্যোস্তি মহীতলে বা
স্বর্গে য়তস্ত্বং মম নেত্রগোচরঃ ।
সুরাসুরাণামপি দুর্লভেক্ষণঃ
পরাত্পরঃ পূর্ণময়ো নিরাময়ঃ ॥ ১২৯ ॥
ততস্তমেবং প্রতিভাষমাণং
প্রাহ প্রপনার্তিহরো মহেশ্বরঃ ।
কিং তে মনোবাঞ্ছিতমেব বিদ্যতে
বৃণুষ্ব তত্পুত্র দদামি তুভ্যম্ ॥ ১৩০ ॥
সচাহ পূর্বং কপিলস্য শাপতঃ
পাতালরন্ধ্রে মম পূর্ববংশজাঃ ।
ভস্মীবভূবুঃ সগরস্য পুত্রা
মহাবলা দেবসমানবিক্রমাঃ ॥ ১৩১ ॥
তেষাং তু নিস্তারণকাম্যয়া হ্যহং
গঙ্গাং ধরণ্যামভিনেতুমীহে ।
সা তু ত্বদীয়া পরমা হি শক্তিঃ
বিনাজ্ঞয়া তে ন হি য়াতি পৃথ্বীম্ ॥ ১৩২ ॥
তদেতদিচ্ছামি সমেত্য গঙ্গা
ক্ষিতৌ মহাবেগবতী মহানদী ।
প্রবিশ্য তস্মিন্বিবরে মহেশ্বরী
পুনাতু সর্বান্সগরস্য পুত্রান্ ॥ ১৩৩ ॥
ইত্যেবমাকর্ণ্য বচঃ পরেশ্বরঃ
প্রোবাচ বাক্যং ক্ষিতিপালপুঙ্গবম্ ।
মনোরথস্তেঽয়মবেহি পূর্ণো
মম প্রসাদাদচিরাদ্ভবিষ্যতি ॥ ১৩৪ ॥
য়ে চাপি মাং ভক্তিত এব মর্ত্যাঃ
স্তোত্রেণ চানেন নৃপ স্তুবন্তি ।
তেষাং তু পূর্ণাঃ সকলা মনোরথা
ধ্রুবং ভবিষ্যন্তি মম প্রসাদাত্ ॥ ১৩৫ ॥
শ্রীমহাদেব উবাচ-
ইত্যেবং স বরং লব্ধ্বা রাজা হৃষ্টমনাস্ততঃ ।
দণ্ডবত্প্রণিপত্যাহ ধন্যোঽহং ত্বত্প্রসাদতঃ ॥ ১৩৬ ॥
ততশ্চান্তর্দধে দেবঃ ক্ষণাদেব মহামতে ।
রাজা নির্বৃত্তচেতাঃ স বভূব মুনিসত্তম ॥ ১৩৭ ॥
রাজ্ঞা কৃতমিদং স্তোত্রং সহস্রনামসংজ্ঞকম্ ।
য়ঃ পঠেত্পরয়া ভক্ত্যা স কৈবল্যমবাপ্নুয়াত্ ॥ ১৩৮ ॥
ন চেহ দুঃখং কুত্রাপি জায়তে তস্য নারদ ।
জায়তে পরমৈশ্বর্যং প্রসাদাচ্চ মহেশিতুঃ ॥ ১৩৯ ॥
মহাপদি ভয়ে ঘোরে য়ঃ পঠেত্স্তোত্রমুত্তমম্ ।
শম্ভোর্নামসহস্রাখ্যং সর্বমঙ্গলবর্ধনম্ ॥ ১৪০ ॥
মহাভয়হরং সর্বসুখসম্পত্তিদায়কম্ ।
স মুচ্যতে মহাদেবপ্রসাদেন মহাভয়াত্ ॥ ১৪১ ॥
দুর্ভিক্ষ্যে লোকপীডায়াং দেশোপদ্রব এব বা ।
সম্পূজ্য পরমেশানং ধূপদীপাদিভির্মুনে ॥ ১৪২ ॥
য়ঃ পঠেত্পরয়া ভক্ত্যা স্তোত্রং নামসহস্রকম্ ।
ন তস্য দেশে দুর্ভিক্ষং ন চ লোকাদিপীডনম্ ॥ ১৪৩ ॥
ন চান্যোপদ্রবো বাপি ভবেদেতত্সুনিশ্চিতম্ ।
পর্জন্যোঽপি য়থাকালে বৃষ্টিং তত্র করোতি হি ॥ ১৪৪ ॥
য়ত্রেদং পঠ্যতে স্তোত্রং সর্বপাপপ্রণাশনম্ ।
সর্বসস্যয়ুতা পৃথ্বী তস্মিন্দেশে ভবেদ্ধ্রুবম্ ॥ ১৪৫ ॥
ন দুষ্টবুদ্ধির্লোকানাং তত্রস্থানাং ভবেদপি ।
নাকালে মরণং তত্র প্রাণিনাং জায়তে মুনে ॥ ১৪৬ ॥
ন হিংস্রাস্তত্র হিংসন্তি দেবদেবপ্রসাদতঃ ।
ধন্যা দেশাঃ প্রজা ধন্যা য়ত্র দেশে মহেশ্বরম্ ॥ ১৪৭ ॥
সম্পূজ্য পার্থিবং লিঙ্গং পঠেদ্যত্রেদমুত্তমম্ ।
চতুর্দশ্যাং তু কৃষ্ণায়াং ফাল্গুনে মাসি ভক্তিতঃ ॥ ১৪৮ ॥
য়ঃ পঠেত্পরমেশস্য নাম্নাং দশশতাখ্যকম্ ।
স্তোত্রমত্যন্তসুখদং ন পুনর্জন্মভাগ্ভবেত্ ॥ ১৪৯ ॥
বায়ুতুল্যবলো নূনং বিহরেদ্ধরণীতলে ।
ধনেশতুল্যো ধনবান্কন্দর্পসমরূপবান্ ॥ ১৫০ ॥
বিহরেদ্দেবতাতুল্যো নিগ্রহানুগ্রহে ক্ষমঃ ।
গঙ্গায়াং বা কুরুক্ষেত্রে প্রয়াগে বা মহেশ্বরম্ ।
পরিপূজ্য পঠেদ্যস্তু স কৈবল্যমবাপ্নুয়াত্ ॥ ১৫১ ॥
কাশ্যাং য়স্তু পঠেদেতত্স্তোত্রং পরমমঙ্গলম্ ।
তস্য পুণ্যং মুনিশ্রেষ্ঠ কিমহং কথয়ামি তে ॥ ১৫২ ॥
এতত্স্তোত্রপ্রসাদেন স জীবন্নেব মানবঃ ।
সাক্ষান্মহেশতামেতি মুক্তিরন্তে করস্থিতা ॥ ১৫৩ ॥
প্রত্যহং প্রপঠেদেতদ্বিল্বমূলে নরোত্তমঃ ।
স সালোক্যমবাপ্নোতি দেবদেবপ্রসাদতঃ ॥ ১৫৪ ॥
য়ো হ্যেতত্পাঠয়েত্স্তোত্রং সর্বপাপনিবর্হণম্ ।
স মুচ্যতে মহাপাপাত্সত্যং সত্যং বদামি তে ॥ ১৫৫ ॥
ন তস্য গ্রহপীডা স্যান্নাপমৃত্যুভয়ং তথা ।
ন তং দ্বিষন্তি রাজানো ন বা ব্যাধিভয়ং ভবেত্ ॥ ১৫৬ ॥
পঠেদেতদ্ধৃদি ধ্যাত্বা দেবদেবং সনাতনম্ ।
সর্বদেবময়ং পূর্ণং রজতাদ্রিসমপ্রভম্ ॥ ১৫৭ ॥
প্রফুল্লপঙ্কজাস্যং চ চারুরূপং বৃষধ্বজম্।
জটাজূটজ্বলত্কালকূটশোভিতবিগ্রহম্ ॥ ১৫৮ ॥
ত্রিশূলং ডমরু চৈব দধানং দক্ষবাময়োঃ ।
দ্বীপিচর্মাম্বরধরং শান্তং ত্রৈলোক্যমোহনম্ ॥ ১৫৯ ॥
এবং হৃদি নরো ভক্ত্যা বিভাব্যৈতত্পঠেদ্যদি ।
ইহ ভুক্ত্বা পরং ভোগং পরত্র চ মহামতে ॥ ১৬০ ॥
শম্ভোঃ স্বরূপতাং য়াতি কিমন্যত্কথয়ামি তে ॥ ১৬১ ॥
তত্রৈব সদ্ভক্তিয়ুতঃ পঠেদিদং
স্তোত্রং মম প্রীতিকরং পরং মুনে ।
মর্ত্যো হি য়োঽন্যঃ খলু সোঽপি কৃচ্ছ্রং
জগত্পবিত্রায়ত এব পাপতঃ ॥ ১৬২ ॥
॥ শ্রীমহাভাগবতে উপপুরাণে ভগীরথপ্রোক্তং
শিবসহস্রনামস্তোত্রং সম্পূর্ণম্ ॥
– Chant Stotra in Other Languages –
1000 Names of Devi Bhagavata Sri Shiva in Sanskrit – English – Bengali – Gujarati – – Kannada – Malayalam – Odia – Telugu – Tamil