॥ Gargasamhita’s Krishna Sahasranama Stotram Odia Lyrics ॥
॥ ଗର୍ଗସଂହିତାନ୍ତର୍ଗତଂ ଶ୍ରୀକୃଷ୍ଣସହସ୍ରନାମମ୍ ॥
ଗର୍ଗ ଉଵାଚ
ଅଥୋଗ୍ରସେନୋ ନୃପତିଃ ପୁତ୍ରସ୍ୟାଶାଂ ଵିସୃଜ୍ୟ ଚ ।
ଵ୍ୟାସଂ ପପ୍ରଚ୍ଛ ସନ୍ଦେହଂ ଜ୍ଞାତ୍ଵା ଵିଶ୍ଵଂ ମନୋମୟମ୍ ॥ ୧ ॥
ଉଗ୍ରସେନ ଉଵାଚ
ବ୍ରହ୍ମନ୍ କେନ ପ୍ରକାରେଣ ହିତ୍ଵା ଚ ଜଗତଃ ସୁଖମ୍ ।
ଭଜେତ୍ କୃଷ୍ଣଂ ପରଂବ୍ରହ୍ମ ତନ୍ମେ ଵ୍ୟାଖ୍ୟାତୁମର୍ହସି ॥ ୨ ॥
ଵ୍ୟାସ ଉଵାଚ
ତ୍ଵଦଗ୍ରେ କଥୟିଷ୍ୟାମି ସତ୍ୟଂ ହିତକରଂ ଵଚଃ ।
ଉଗ୍ରସେନ ମହାରାଜ ଶୃଣୁଷ୍ଵୈକାଗ୍ରମାନସଃ ॥ ୩ ॥
ସେଵନଂ କୁରୁ ରାଜେନ୍ଦ୍ର ରାଧାଶ୍ରୀକୃଷ୍ଣୟୋଃ ପରମ୍ ।
ନିତ୍ୟଂ ସହସ୍ରନାମଭ୍ୟାମୁଭୟୋର୍ଭକ୍ତିତଃ କିଲ ॥ ୪ ॥
ସହସ୍ରନାମ ରାଧାୟା ଵିଧିର୍ଜାନାତି ଭୂପତେ ।
ଶଙ୍କରୋ ନାରଦଶ୍ଚୈଵ କେଚିଦ୍ଵୈ ଚାସ୍ମଦାଦୟଃ ॥ ୫ ॥
ଉଗ୍ରସେନ ଉଵାଚ
ରାଧିକାନାମସାହସ୍ରଂ ନାରଦାଚ୍ଚ ପୁରା ଶ୍ରୁତମ୍ ।
ଏକାନ୍ତେ ଦିଵ୍ୟଶିବିରେ କୁରୁକ୍ଷେତ୍ରେ ରଵିଗ୍ରହେ ॥ ୬ ॥
ନ ଶ୍ରୁତଂ ନାମସାହସ୍ରଂ କୃଷ୍ଣସ୍ୟାକ୍ଲିଷ୍ଟକର୍ମଣଃ ।
ଵଦ ତନ୍ମେ ଚ କୃପୟା ୟେନ ଶ୍ରେୟୋଽହମାପ୍ନୁୟାମ୍ ॥ ୭ ॥
ଗର୍ଗ ଉଵାଚ
ଶ୍ରୁତ୍ଵୋଗ୍ରସେନଵଚନଂ ଵେଦଵ୍ୟାସୋ ମହାମୁନିଃ ।
ପ୍ରଶସ୍ୟ ତଂ ପ୍ରୀତମନାଃ ପ୍ରାହ କୃଷ୍ଣଂ ଵିଲୋକୟନ୍ ॥ ୮ ॥
ଵ୍ୟାସ ଉଵାଚ
ଶୃଣୁ ରାଜନ୍ ପ୍ରଵକ୍ଷ୍ୟାମି ସହସ୍ରଂ ନାମ ସୁନ୍ଦରମ୍ ।
ପୁରା ସ୍ଵଧାମ୍ନି ରାଧାୟୈ କୃଷ୍ଣେନାନେନ ନିର୍ମିତମ୍ ॥ ୯ ॥
ଶ୍ରୀଭଗଵାନୁଵାଚ
ଇଦଂ ରହସ୍ୟଂ କିଲ ଗୋପନୀୟଂ ଦତ୍ତେ ଚ ହାନିଃ ସତତଂ ଭଵେଦ୍ଧି ।
ମୋକ୍ଷପ୍ରଦଂ ସର୍ଵସୁଖପ୍ରଦଂ ଶଂ ପରଂ ପରାର୍ଥଂ ପୁରୁଷାର୍ଥଦଂ ଚ ॥ ୧୦ ॥
ରୂପଂ ଚ ମେ କୃଷ୍ଣସହସ୍ରନାମ ପଠେତ୍ତୁ ମଦ୍ରୂପ ଇଵ ପ୍ରସିଦ୍ଧଃ ।
ଦାତଵ୍ୟମେଵଂ ନ ଶଠାୟ କୁତ୍ର ନ ଦାମ୍ଭିକାୟୋପଦିଶେତ୍ କଦାପି ॥ ୧୧ ॥
ଦାତଵ୍ୟମେଵଂ କରୁଣାଵୃତାୟ ଗୁର୍ଵଂଘ୍ରିଭକ୍ତିପ୍ରପରାୟଣାୟ ।
ଶ୍ରୀକୃଷ୍ଣଭକ୍ତାୟ ସତାଂ ପରାୟ ତଥା ମଦକ୍ରୋଧଵିଵର୍ଜିତାୟ ॥ ୧୨ ॥
ଓଂ ଅସ୍ୟ ଶ୍ରୀକୃଷ୍ଣସହସ୍ରନାମସ୍ତୋତ୍ରମନ୍ତ୍ରସ୍ୟ ନାରାୟଣଋଷିଃ ।
ଭୁଜଙ୍ଗପ୍ରୟାତଂ ଛନ୍ଦଃ । ଶ୍ରୀକୃଷ୍ଣଚନ୍ଦ୍ରୋ ଦେଵତା ।
ଵାସୁଦେଵୋ ବୀଜଂ । ଶ୍ରୀରାଧା ଶକ୍ତିଃ । ମନ୍ମଥଃ କୀଲକଂ ।
ଶ୍ରୀପୂର୍ଣବ୍ରହ୍ମକୃଷ୍ଣଚନ୍ଦ୍ରଭକ୍ତିଜନ୍ମଫଲପ୍ରାପ୍ତୟେ ଜପେ ଵିନିୟୋଗଃ ॥ ॥
ଅଥ ଧ୍ୟାନମ୍ । (ଭୁଜଙ୍ଗପ୍ରୟାତମ୍)
ଶିଖିମୁକୁଟଵିଶେଷଂ ନୀଲପଦ୍ମାଙ୍ଗଦେଶଂ
ଵିଧୁମୁଖକୃତକେଶଂ କୌସ୍ତୁଭାପୀତଵେଶମ୍ ।
ମଧୁରରଵକଲେଶଂ ଶଂ ଭଜେ ଭ୍ରାତୃଶେଷଂ
ଵ୍ରଜଜନଵନିତେଶଂ ମାଧଵଂ ରାଧିକେଶମ୍ ॥ ୧୩ ॥
ଇତି ଧ୍ୟାନମ୍ ॥
ହରିର୍ଦେଵକୀନନ୍ଦନଃ କଂସହଂତା ପରାତ୍ମା ଚ ପୀତାମ୍ବରଃ ପୂର୍ଣଦେଵଃ ।
ରମେଶସ୍ତୁ କୃଷ୍ଣଃ ପରେଶଃ ପୁରାଣଃ ସୁରେଶୋଽଚ୍ୟୁତୋ ଵାସୁଦେଵଶ୍ଚ ଦେଵଃ ॥ ୧୪ ॥
ଧରାଭାରହର୍ତା କୃତୀ ରାଧିକେଶଃ ପରୋ ଭୂଵରୋ ଦିଵ୍ୟଗୋଲୋକନାଥଃ ।
ସୁଦାମ୍ନସ୍ତଥା ରାଧିକାଶାପହେତୁର୍ଘୃଣୀ ମାନିନୀମାନଦୋ ଦିଵ୍ୟଲୋକଃ ॥ ୧୫ ॥
ଲସଦ୍ଗୋପଵେଷୋ ହ୍ୟଜୋ ରାଧିକାତ୍ମା ଚଲତ୍କୁଣ୍ଡଲଃ କୁନ୍ତଲୀ କୁନ୍ତଲସ୍ରକ୍ ।
ରଥସ୍ଥଃ କଦା ରାଧୟା ଦିଵ୍ୟରତ୍ନଃ ସୁଧାସୌଧଭୂଚାରଣୋ ଦିଵ୍ୟଵାସାଃ ॥ ୧୬ ॥
କଦା ଵୃନ୍ଦକାରଣ୍ୟଚାରୀ ସ୍ଵଲୋକେ ମହାରତ୍ନସିଂହାସନସ୍ଥଃ ପ୍ରଶାନ୍ତଃ ।
ମହାହଂସଭୈ(?)ଶ୍ଚାମରୈର୍ଵୀଜ୍ୟମାନଶ୍ଚଲଚ୍ଛତ୍ରମୁକ୍ତାଵଲୀଶୋଭମାନଃ ॥ ୧୭ ॥
ସୁଖୀ କୋଟିକନ୍ଦର୍ପଲୀଲାଭିରାମଃ କ୍ଵଣନ୍ନୂପୁରାଲଽଗ୍କୃତାଂଘ୍ରିଃ ଶୁଭାଂଘ୍ରିଃ ।
ସୁଜାନୁଶ୍ଚ ରଂଭାଶୁଭୋରୁଃ କୃଶାଙ୍ଗଃ ପ୍ରତାପୀ ଭୁଶୁଣ୍ଡାସୁଦୋର୍ଦଣ୍ଡଖଣ୍ଡଃ ॥ ୧୮ ॥
ଜପାପୁଷ୍ପହସ୍ତଶ୍ଚ ଶାତୋଦରଶ୍ରୀର୍ମହାପଦ୍ମଵକ୍ଷସ୍ଥଲଶ୍ଚନ୍ଦ୍ରହାସଃ ।
ଲସତ୍କୁନ୍ଦଦନ୍ତଶ୍ଚ ବିମ୍ବାଧରଶ୍ରୀଃ ଶରତ୍ପଦ୍ମନେତ୍ରଃ କିରୀଟୋଜ୍ଜ୍ଵଲାଭଃ ॥ ୧୯ ॥
ସଖୀକୋଟିଭିର୍ଵର୍ତମାନୋ ନିକୁଞ୍ଜେ ପ୍ରିୟାରାଧୟା ରାସସକ୍ତୋ ନଵାଙ୍ଗଃ ।
ଧରାବ୍ରହ୍ମରୁଦ୍ରାଦିଭିଃ ପ୍ରାର୍ଥିତଃ ସଦ୍ଧରାଭାରଦୂରୀକୃତାର୍ଥଂ ପ୍ରଜାତଃ ॥ ୨୦ ॥
ୟଦୁର୍ଦେଵକୀସୌଖ୍ୟଦୋ ବନ୍ଧନଚ୍ଛିତ୍ ସଶେଷୋ ଵିଭୁର୍ୟୋଗମାୟୀ ଚ ଵିଷ୍ଣୁଃ ।
ଵ୍ରଜେ ନନ୍ଦପୁତ୍ରୋ ୟଶୋଦାସୁତାଖ୍ୟୋ ମହାସୌଖ୍ୟଦୋ ବାଲରୂପଃ ଶୁଭାଙ୍ଗଃ ॥ ୨୧ ॥
ତଥା ପୂତନାମୋକ୍ଷଦଃ ଶ୍ୟାମରୂପୋ ଦୟାଲୁସ୍ତ୍ଵନୋଭଞ୍ଜନଃ ପଲ୍ଲଵାଂଘ୍ରିଃ ।
ତୃଣାଵର୍ତସଂହାରକାରୀ ଚ ଗୋପୋ ୟଶୋଦାୟଶୋ ଵିଶ୍ଵରୂପପ୍ରଦର୍ଶୀ ॥ ୨୨ ॥
ତଥା ଗର୍ଗଦିଷ୍ଟଶ୍ଚ ଭାଗ୍ୟୋଦୟଶ୍ରୀଃ ଲସଦ୍ବାଲକେଲିଃସରାମଃ ସୁଵାଚଃ ।
କ୍ଵଣନ୍ନୂପୁରୈଃ ଶବ୍ଦୟୁଗ୍ରିଙ୍ଗମାଣସ୍ତଥା ଜାନୁହସ୍ତୈର୍ଵ୍ରଜେଶାଙ୍ଗଣେ ଵା ॥ ୨୩ ॥
ଦଧିସ୍ପୃକ୍ଚ ହୈୟଙ୍ଗଵୀଦୁଗ୍ଧଭୋକ୍ତା ଦଧିସ୍ତେୟକୃଦ୍ଦୁଗ୍ଧଭୁଗ୍ଭାଣ୍ଡଭେତ୍ତା ।
ମୃଦଂ ଭୁକ୍ତଵାନ୍ ଗୋପଜୋ ଵିଶ୍ଵରୂପଃ ପ୍ରଚଣ୍ଡାଂଶୁଚଣ୍ଡପ୍ରଭାମଣ୍ଡିତାଙ୍ଗଃ ॥ ୨୪ ॥
ୟଶୋଦାକରୈର୍ଵର୍ଧନଂ ପ୍ରାପ୍ତ ଆଦ୍ୟୋ ମଣିଗ୍ରୀଵମୁକ୍ତିପ୍ରଦୋ ଦାମବଦ୍ଧଃ ।
କଦା ନୃତ୍ୟମାନୋ ଵ୍ରଜେ ଗୋପିକାଭିଃ କଦା ନନ୍ଦସନ୍ନନ୍ଦକୈର୍ଲାଲ୍ୟମାନଃ ॥ ୨୫ ॥
କଦା ଗୋପନନ୍ଦାଂକଗୋପାଲରୂପୀ କଲିନ୍ଦାଙ୍ଗଜାକୂଲଗୋ ଵର୍ତମାନଃ ।
ଘନୈର୍ମାରୁତୈଶ୍ଚ୍ଛନ୍ନଭାଣ୍ଡୀରଦେଶେ ଗୃହୀତୋ ଵରୋ ରାଧୟା ନନ୍ଦହସ୍ତାତ୍ ॥ ୨୬ ॥
ନିକୁଞ୍ଜେ ଚ ଗୋଲୋକଲୋକାଗତେଽପି ମହାରତ୍ନସଙ୍ଘୈଃ କଦମ୍ବାଵୃତେଽପି ।
ତଦା ବ୍ରହ୍ମଣା ରାଧିକାସଦ୍ଵିଵାହେ ପ୍ରତିଷ୍ଠାଂ ଗତଃ ପୂଜିତଃ ସାମମନ୍ତ୍ରୈଃ ॥ ୨୭ ॥
ରସୀ ରାସୟୁଙ୍ମାଲତୀନାଂ ଵନେଽପି ପ୍ରିୟାରାଧୟାଽଽରାଧିତାର୍ଥୋ ରମେଶଃ ।
variation ପ୍ରିୟାରାଧୟା ରାଧିକାର୍ଥମ୍
ଧରାନାଥ ଆନନ୍ଦଦଃ ଶ୍ରୀନିକେତୋ ଵନେଶୋ ଧନୀ ସୁନ୍ଦରୋ ଗୋପିକେଶଃ ॥ ୨୮ ॥
କଦା ରାଧୟା ପ୍ରାପିତୋ ନନ୍ଦଗେହେ ୟଶୋଦାକରୈର୍ଲାଲିତୋ ମନ୍ଦହାସଃ ।
ଭୟୀ କ୍ଵାପି ଵୃନ୍ଦାରକାରଣ୍ୟଵାସୀ ମହାମନ୍ଦିରେ ଵାସକୃଦ୍ଦେଵପୂଜ୍ୟଃ ॥ ୨୯ ॥
ଵନେ ଵତ୍ସଚାରୀ ମହାଵତ୍ସହାରୀ ବକାରିଃ ସୁରୈଃ ପୂଜିତୋଽଘାରିନାମା ।
ଵନେ ଵତ୍ସକୃଦ୍ଗୋପକୃଦ୍ଗୋପଵେଷଃ କଦା ବ୍ରହ୍ମଣା ସଂସ୍ତୁତଃ ପଦ୍ମନାଭଃ ॥ ୩୦ ॥
ଵିହାରୀ ତଥା ତାଲଭୁଗ୍ଧେନୁକାରିଃ ସଦା ରକ୍ଷକୋ ଗୋଵିଷାର୍ଥିପ୍ରଣାଶୀ ।
କଲିନ୍ଦାଙ୍ଗଜାକୂଲଗଃ କାଲିୟସ୍ୟ ଦମୀ ନୃତ୍ୟକାରୀ ଫଣେଷ୍ଵପ୍ରସିଦ୍ଧଃ ॥ ୩୧ ॥
ସଲୀଲଃ ଶମୀ ଜ୍ଞାନଦଃ କାମପୂରସ୍ତଥା ଗୋପୟୁଗ୍ଗୋପ ଆନନ୍ଦକାରୀ ।
ସ୍ଥିରୀହ୍ୟଗ୍ନିଭୁକ୍ପାଲକୋ ବାଲଲୀଲଃ ସୁରାଗଶ୍ଚ ଵଂଶୀଧରଃ ପୁଷ୍ପଶୀଲଃ ॥ ୩୨ ॥
ପ୍ରଲମ୍ବପ୍ରଭାନାଶକୋ ଗୌରଵର୍ଣୋ ବଲୋ ରୋହିଣୀଜଶ୍ଚ ରାମଶ୍ଚ ଶେଷଃ ।
ବଲୀ ପଦ୍ମନେତ୍ରଶ୍ଚ କୃଷ୍ଣାଗ୍ରଜଶ୍ଚ ଧରେଶଃ ଫଣୀଶସ୍ତୁ ନୀଲାମ୍ବରାଭଃ ॥ ୩୩ ॥
ମହାସୌଖ୍ୟଦୋ ହ୍ୟଗ୍ନିହାରୋ ଵ୍ରଜେଶଃ ଶରଦ୍ଗ୍ରୀଷ୍ମଵର୍ଷାକରଃ କୃଷ୍ଣଵର୍ଣଃ ।
ଵ୍ରଜେ ଗୋପିକାପୂଜିତଶ୍ଚୀରହର୍ତା କଦମ୍ବେ ସ୍ଥିତଶ୍ଚୀରଦଃ ସୁନ୍ଦରୀଶଃ ॥ ୩୪ ॥
କ୍ଷୁଧାନାଶକୃଦ୍ୟଜ୍ଞପତ୍ନୀମନଃସ୍ପୃକ୍କୃପାକାରକଃ କେଲିକର୍ତାଵନୀଶଃ ।
ଵ୍ରଜେ ଶକ୍ରୟାଗପ୍ରଣାଶୀ ମିତାଶୀ ଶୁନାସୀରମୋହପ୍ରଦୋ ବାଲରୂପୀ ॥ ୩୫ ॥
ଗିରେଃ ପୂଜକୋ ନନ୍ଦପୁତ୍ରୋ ହ୍ୟଗଧ୍ରଃ କୃପାକୃଚ୍ଚ ଗୋଵର୍ଧନୋଦ୍ଧାରିନାମା ।
ତଥା ଵାତଵର୍ଷାହରୋ ରକ୍ଷକଶ୍ଚ ଵ୍ରଜାଧୀଶଗୋପାଙ୍ଗନାଶଙ୍କିତଃ ସନ୍ ॥ ୩୬ ॥
ଅଗେନ୍ଦ୍ରୋପରି ଶକ୍ରପୂଜ୍ୟଃ ସ୍ତୁତଃ ପ୍ରାଙ୍ମୃଷାଶିକ୍ଷକୋ ଦେଵଗୋଵିନ୍ଦନାମା ।
ଵ୍ରଜାଧୀଶରକ୍ଷାକରଃ ପାଶିପୂଜ୍ୟୋଽନୁଜୈର୍ଗୋପଜୈର୍ଦିଵ୍ୟଵୈକୁଣ୍ଠଦର୍ଶୀ ॥ ୩୭ ॥
ଚଲଚ୍ଚାରୁଵଂଶୀକ୍ଵଣଃ କାମିନୀଶୋ ଵ୍ରଜେ କାମୀନୀମୋହଦଃ କାମରୂପଃ ।
ରସାକ୍ତୋ ରସୀ ରାସକୃଦ୍ରାଧିକେଶୋ ମହାମୋହଦୋ ମାନିନୀମାନହାରୀ ॥ ୩୮ ॥
ଵିହାରୀ ଵରୋ ମାନହୃଦ୍ରାଧିକାଂଗୋ ଧରାଦ୍ଵୀପଗଃ ଖଣ୍ଡଚାରୀ ଵନସ୍ଥଃ ।
ପ୍ରିୟୋ ହ୍ୟଷ୍ଟଵକ୍ରର୍ଷିଦ୍ରଷ୍ଟା ସରାଧୋ ମହାମୋକ୍ଷଦଃ ପଦ୍ମହାରୀ ପ୍ରିୟାର୍ଥଃ ॥ ୩୯ ॥
ଵଟସ୍ଥଃ ସୁରଶ୍ଚନ୍ଦନାକ୍ତଃ ପ୍ରସକ୍ତୋ ଵ୍ରଜଂ ହ୍ୟାଗତୋ ରାଧୟା ମୋହିନୀଷୁ ।
ମହାମୋହକୃଦ୍ଗୋପିକାଗୀତକୀର୍ତୀ ରସସ୍ଥଃ ପଟୀ ଦୁଃଖିତାକାମିନୀଶଃ ॥ ୪୦ ॥
ଵନେ ଗୋପିକାତ୍ୟାଗକୃତ୍ପାଦଚିହ୍ନପ୍ରଦର୍ଶୀ କଲାକାରକଃ କାମମୋହୀ ।
ଵଶୀ ଗୋପିକାମଧ୍ୟଗଃ ପେଶଵାଚଃ ପ୍ରିୟାପ୍ରୀତିକୃଦ୍ରାସରକ୍ତଃ କଲେଶଃ ॥ ୪୧ ॥
ରସାରକ୍ତଚିତ୍ତୋ ହ୍ୟନନ୍ତସ୍ଵରୂପଃ ସ୍ରଜା ସଂଵୃତୋ ଵଲ୍ଲଵୀମଧ୍ୟସଂସ୍ଥଃ ।
ସୁବାହୁଃ ସୁପାଦଃ ସୁଵେଶଃ ସୁକେଶୋ ଵ୍ରଜେଶଃ ସଖା ଵଲ୍ଲଭେଶଃ ସୁଦେଶଃ ॥ ୪୨ ॥
କ୍ଵଣତ୍କିଙ୍କିଣୀଜାଲଭୃନ୍ନୂପୁରାଢ୍ୟୋ ଲସତ୍କଙ୍କଣୋ ହ୍ୟଙ୍ଗଦୀ ହାରଭାରଃ ।
କିରୀଟୀ ଚଲତ୍କୁଣ୍ଡଲଶ୍ଚାଙ୍ଗୁଲୀୟସ୍ଫୁରତ୍କୌସ୍ତୁଭୋ ମାଲତୀମଣ୍ଡିତାଙ୍ଗଃ ॥ ୪୩ ॥
ମହାନୃତ୍ୟକୃଦ୍ରାସରଙ୍ଗଃ କଲାଢ୍ୟଶ୍ଚଲଦ୍ଧାରଭୋ ଭାମିନୀନୃତ୍ୟୟୁକ୍ତଃ ।
କଲିନ୍ଦାଙ୍ଗଜାକେଲିକୃତ୍କୁଂକୁମଶ୍ରୀଃ ସୁରୈର୍ନାୟିକାନାୟକୈର୍ଗୀୟମାନଃ ॥ ୪୪ ॥
ସୁଖାଢ୍ୟସ୍ତୁ ରାଧାପତିଃ ପୂର୍ଣବୋଧଃ କଟାକ୍ଷସ୍ମିତୀଵଲ୍ଗିତଭ୍ରୂଵିଲାସଃ ।
ସୁରମ୍ୟୋଽଲିଭିଃ କୁନ୍ତଲାଲୋଲକେଶଃ ସ୍ଫୁରଦ୍ବର୍ହକୁନ୍ଦସ୍ରଜା ଚାରୁଵେଷଃ ॥ ୪୫ ॥
ମହାସର୍ପତୋ ନନ୍ଦରକ୍ଷାପରାଂଘ୍ରିଃ ସଦା ମୋକ୍ଷଦଃ ଶଙ୍ଖଚୂଡପ୍ରଣାଶୀ ।
variation ମହାମୋକ୍ଷଦଃ
ପ୍ରଜାରକ୍ଷକୋ ଗୋପିକାଗୀୟମାନଃ କକୁଦ୍ମିପ୍ରଣାଶପ୍ରୟାସଃ ସୁରେଜ୍ୟଃ ॥ ୪୬ ॥
କଲିଃ କ୍ରୋଧକୃତ୍କଂସମନ୍ତ୍ରୋପଦେଷ୍ଟା ତଥାକ୍ରୂରମନ୍ତ୍ରୋପଦେଶୀ ସୁରାର୍ଥଃ ।
ବଲୀ କେଶିହା ପୁଷ୍ପଵର୍ଷୋଽମଲଶ୍ରୀସ୍ତଥା ନାରଦାଦ୍ଦର୍ଶିତୋ ଵ୍ୟୋମହନ୍ତା ॥ ୪୭ ॥
ତଥାକ୍ରୂରସେଵାପରଃ ସର୍ଵଦର୍ଶୀ ଵ୍ରଜେ ଗୋପିକାମୋହଦଃ କୂଲଵର୍ତୀ ।
ସତୀରାଧିକାବୋଧଦଃ ସ୍ଵପ୍ନକର୍ତା ଵିଲାସୀ ମହାମୋହନାଶୀ ସ୍ଵବୋଧଃ ॥ ୪୮ ॥
ଵ୍ରଜେ ଶାପତସ୍ତ୍ୟକ୍ତରାଧାସକାଶୋ ମହାମୋହଦାଵାଗ୍ନିଦଗ୍ଧାପତିଶ୍ଚ ।
ସଖୀବନ୍ଧନାନ୍ମୋହିତାକ୍ରୂର ଆରାତ୍ସଖୀକଙ୍କଣୈସ୍ତାଡିତାକ୍ରୂରରକ୍ଷୀ ॥ ୪୯ ॥
ରଥସ୍ଥୋ ଵ୍ରଜେ ରାଧୟା କୃଷ୍ଣଚନ୍ଦ୍ରଃ ସୁଗୁପ୍ତୋ ଗମୀ ଗୋପକୈଶ୍ଚାରୁଲୀଲଃ ।
ଜଲେଽକ୍ରୂରସନ୍ଦର୍ଶିତୋ ଦିଵ୍ୟରୂପୋ ଦିଦୃକ୍ଷୁଃ ପୁରୀମୋହିନୀଚିତ୍ତମୋହୀ ॥ ୫୦ ॥
ତଥା ରଙ୍ଗକାରପ୍ରଣାଶୀ ସୁଵସ୍ତ୍ରଃସ୍ରଜୀ ଵାୟକପ୍ରୀତିକୃନ୍ମାଲିପୂଜ୍ୟଃ ।
ମହାକୀର୍ତିଦଶ୍ଚାପି କୁବ୍ଜାଵିନୋଦୀ ସ୍ଫୁରଚ୍ଚଣ୍ଡକୋଦଣ୍ଡରୁଗ୍ଣପ୍ରଚଣ୍ଡଃ ॥ ୫୧ ॥
ଭଟାର୍ତିପ୍ରଦଃ କଂସଦୁଃସ୍ଵପ୍ନକାରୀ ମହାମଲ୍ଲଵେଷଃ କରୀନ୍ଦ୍ରପ୍ରହାରୀ ।
ମହାମାତ୍ୟହା ରଙ୍ଗଭୂମିପ୍ରଵେଶୀ ରସାଢ୍ୟୋ ୟଶଃସ୍ପୃଗ୍ବଲୀ ଵାକ୍ପଟୁଶ୍ରୀଃ ॥ ୫୨ ॥
ମହାମଲ୍ଲହା ୟୁଦ୍ଧକୃତ୍ସ୍ତ୍ରୀଵଚୋଽର୍ଥୀ ଧରାନାୟକଃ କଂସହନ୍ତା ୟଦୁଃପ୍ରାକ୍ ।
ସଦା ପୂଜିତୋ ହ୍ୟୁଗ୍ରସେନପ୍ରସିଦ୍ଧୋ ଧରାରାଜ୍ୟଦୋ ୟାଦଵୈର୍ମଣ୍ଡିତାଙ୍ଗଃ ॥ ୫୩ ॥
ଗୁରୋଃ ପୁତ୍ରଦୋ ବ୍ରହ୍ମଵିଦ୍ବ୍ରହ୍ମପାଠୀ ମହାଶଙ୍ଖହା ଦଣ୍ଡଧୃକ୍ପୂଜ୍ୟ ଏଵ ।
ଵ୍ରଜେ ହ୍ୟୁଦ୍ଧଵପ୍ରେଷିତୋ ଗୋପମୋହୀ ୟଶୋଦାଘୃଣୀ ଗୋପିକାଜ୍ଞାନଦେଶୀ ॥ ୫୪ ॥
ସଦା ସ୍ନେହକୃତ୍କୁବ୍ଜୟା ପୂଜିତାଙ୍ଗସ୍ତଥାକ୍ରୂରଗେହଂଗମୀ ମନ୍ତ୍ରଵେତ୍ତା ।
ତଥା ପାଣ୍ଡଵପ୍ରେଷିତାକ୍ରୂର ଏଵ ସୁଖୀ ସର୍ଵଦର୍ଶୀ ନୃପାନନ୍ଦକାରୀ ॥ ୫୫ ॥
ମହାକ୍ଷୌହିଣୀହା ଜରାସନ୍ଧମାନୀ ନୃପୋ ଦ୍ଵାରକାକାରକୋ ମୋକ୍ଷକର୍ତା ।
ରଣୀ ସାର୍ଵଭୌମସ୍ତୁତୋ ଜ୍ଞାନଦାତା ଜରାସନ୍ଧସଙ୍କଲ୍ପକୃଦ୍ଧାଵଦଂଘ୍ରିଃ ॥ ୫୬ ॥
ନଗାଦୁତ୍ପତଦ୍ଦ୍ଵାରିକାମଧ୍ୟଵର୍ତୀ ତଥା ରେଵତୀଭୂଷଣସ୍ତାଲଚିହ୍ନଃ ।
ୟଦୂ ରୁକ୍ମିଣୀହାରକଶ୍ଚୈଦ୍ୟଵେଦ୍ୟସ୍ତଥା ରୁକ୍ମିରୂପପ୍ରଣାଶୀ ସୁଖାଶୀ ॥ ୫୭ ॥
ଅନନ୍ତଶ୍ଚ ମାରଶ୍ଚ କାର୍ଷ୍ଣିଶ୍ଚ କାମୋ ମନୋଜସ୍ତଥା ଶମ୍ବରାରୀ ରତୀଶଃ ।
ରଥୀ ମନ୍ମଥୋ ମୀନକେତୁଃ ଶରୀ ଚ ସ୍ମରୋ ଦର୍ପକୋ ମାନହା ପଞ୍ଚବାଣଃ ॥ ୫୮ ॥
ପ୍ରିୟଃ ସତ୍ୟଭାମାପତିର୍ୟାଦଵେଶୋଽଥ ସତ୍ରାଜିତପ୍ରେମପୂରଃ ପ୍ରହାସଃ ।
ମହାରତ୍ନଦୋ ଜାମ୍ବଵଦ୍ୟୁଦ୍ଧକାରୀ ମହାଚକ୍ରଧୃକ୍ଖଡ୍ଗଧୃଗ୍ରାମସଂଧିଃ ॥ ୫୯ ॥
ଵିହାରସ୍ଥିତଃ ପାଣ୍ଡଵପ୍ରେମକାରୀ କଲିନ୍ଦାଙ୍ଗଜାମୋହନଃ ଖାଣ୍ଡଵାର୍ଥୀ ।
ସଖା ଫାଲ୍ଗୁନପ୍ରୀତିକୃନ୍ନଗ୍ରକର୍ତା ତଥା ମିତ୍ରଵିନ୍ଦାପତିଃ କ୍ରୀଡନାର୍ଥୀ ॥ ୬୦ ॥
ନୃପପ୍ରେମକୃଦ୍ଗୋଜିତଃ ସପ୍ତରୂପୋଽଥ ସତ୍ୟାପତିଃ ପାରିବର୍ହୀ ୟଥେଷ୍ଟଃ ।
ନୃପୈଃ ସଂଵୃତଶ୍ଚାପି ଭଦ୍ରାପତିସ୍ତୁ ଵିଲାସୀ ମଧୋର୍ମାନିନୀଶୋ ଜନେଶଃ ॥ ୬୧ ॥
ଶୁନାସୀରମୋହାଵୃତଃ ସତ୍ସଭାର୍ୟଃ ସତାର୍କ୍ଷ୍ୟୋ ମୁରାରିଃ ପୁରୀସଙ୍ଘଭେତ୍ତା ।
ସୁଵୀରଃଶିରଃଖଣ୍ଡନୋ ଦୈତ୍ୟନାଶୀ ଶରୀ ଭୌମହା ଚଣ୍ଡଵେଗଃ ପ୍ରଵୀରଃ ॥ ୬୨ ॥
ଧରାସଂସ୍ତୁତଃ କୁଣ୍ଡଲଚ୍ଛତ୍ରହର୍ତା ମହାରତ୍ନୟୁଗ୍ ରାଜକନ୍ୟାଭିରାମଃ ।
ଶଚୀପୂଜିତଃ ଶକ୍ରଜିନ୍ମାନହର୍ତା ତଥା ପାରିଜାତାପହାରୀ ରମେଶଃ ॥ ୬୩ ॥
ଗୃହୀ ଚାମରୈଃ ଶୋଭିତୋ ଭୀଷ୍ମକନ୍ୟାପତିର୍ହାସ୍ୟକୃନ୍ମାନିନୀମାନକାରୀ ।
ତଥା ରୁକ୍ମିଣୀଵାକ୍ପଟୁଃ ପ୍ରେମଗେହଃ ସତୀମୋହନଃ କାମଦେଵାପରଶ୍ରୀଃ ॥ ୬୪ ॥
ସୁଦେଷ୍ଣଃ ସୁଚାରୁସ୍ତଥା ଚାରୁଦେଷ୍ଣୋଽପରଶ୍ଚାରୁଦେହୋ ବଲୀ ଚାରୁଗୁପ୍ତଃ ।
ସୁତୀ ଭଦ୍ରଚାରୁସ୍ତଥା ଚାରୁଚନ୍ଦ୍ରୋ ଵିଚାରୁଶ୍ଚ ଚାରୂ ରଥୀ ପୁତ୍ରରୂପଃ ॥ ୬୫ ॥
ସୁଭାନୁଃ ପ୍ରଭାନୁସ୍ତଥା ଚନ୍ଦ୍ରଭାନୁର୍ବୃହଦ୍ଭାନୁରେଵାଷ୍ଟଭାନୁଶ୍ଚ ସାମ୍ବଃ ।
ସୁମିତ୍ରଃ କ୍ରତୁଶ୍ଚିତ୍ରକେତୁସ୍ତୁ ଵୀରୋଽଶ୍ଵସେନୋ ଵୃଷଶ୍ଚିତ୍ରଗୁଶ୍ଚନ୍ଦ୍ରବିମ୍ବଃ ॥ ୬୬ ॥
ଵିଶଙ୍କୁର୍ଵସୁଶ୍ଚ ଶ୍ରୁତୋ ଭଦ୍ର ଏକଃ ସୁବାହୁର୍ଵୃଷଃ ପୂର୍ଣମାସସ୍ତୁ ସୋମଃ ।
ଵରଃ ଶାନ୍ତିରେଵ ପ୍ରଘୋଷୋଽଥ ସିଂହୋ ବଲୋ ହ୍ୟୂର୍ଧ୍ଵଗୋଵର୍ଧନୋନ୍ନାଦ ଏଵ ॥ ୬୭ ॥
ମହାଶୋ ଵୃକଃ ପାଵନୋ ଵହ୍ନିମିତ୍ରଃ କ୍ଷୁଧିର୍ହର୍ଷକଶ୍ଚାନିଲୋଽମିତ୍ରଜିଚ୍ଚ ।
ସୁଭଦ୍ରୋ ଜୟଃ ସତ୍ୟକୋ ଵାମ ଆୟୁର୍ୟଦୁଃ କୋଟିଶଃ ପୁତ୍ରପୌତ୍ରପ୍ରସିଦ୍ଧଃ ॥ ୬୮ ॥
ହଲୀ ଦଣ୍ଡଧୃଗ୍ରୁକ୍ମିହା ଚାନିରୁଦ୍ଧସ୍ତଥା ରାଜଭିର୍ହାସ୍ୟଗୋ ଦ୍ୟୂତକର୍ତା ।
ମଧୁର୍ବ୍ରହ୍ମସୂର୍ବାଣପୁତ୍ରୀପତିଶ୍ଚ ମହାସୁନ୍ଦରଃ କାମପୁତ୍ରୋ ବଲୀଶଃ ॥ ୬୯ ॥
ମହାଦୈତ୍ୟସଂଗ୍ରାମକୃଦ୍ୟାଦଵେଶଃ ପୁରୀଭଞ୍ଜନୋ ଭୂତସଂତ୍ରାସକାରୀ ।
ମୃଧୀ ରୁଦ୍ରଜିଦ୍ରୁଦ୍ରମୋହୀ ମୃଧାର୍ଥୀ ତଥା ସ୍କନ୍ଦଜିତ୍କୂପକର୍ଣପ୍ରହାରୀ ॥ ୭୦ ॥
ଧନୁର୍ଭଞ୍ଜନୋ ବାଣମାନପ୍ରହାରୀ ଜ୍ଵରୋତ୍ପତ୍ତିକୃତ୍ସଂସ୍ତୁତସ୍ତୁ ଜ୍ଵରେଣ ।
ଭୁଜାଚ୍ଛେଦକୃଦ୍ବାଣସଂତ୍ରାସକର୍ତା ମୃଡପ୍ରସ୍ତୁତୋ ୟୁଦ୍ଧକୃଦ୍ଭୂମିଭର୍ତା ॥ ୭୧ ॥
ନୃଗଂ ମୁକ୍ତିଦୋ ଜ୍ଞାନଦୋ ୟାଦଵାନାଂ ରଥସ୍ଥୋ ଵ୍ରଜପ୍ରେମପୋ ଗୋପମୁଖ୍ୟଃ ।
ମହାସୁନ୍ଦରୀକ୍ରୀଡିତଃ ପୁଷ୍ପମାଲୀ କଲିନ୍ଦାଙ୍ଗଜାଭେଦନଃ ସୀରପାଣିଃ ॥ ୭୨ ॥
ମହାଦଂଭିହା ପୌଣ୍ଡ୍ରମାନପ୍ରହାରୋ ଶିରଶ୍ଛେଦକଃ କାଶିରାଜପ୍ରଣାଶୀ ।
ମହାକ୍ଷୌହିଣୀଧ୍ଵଂସକୃଚ୍ଚକ୍ରହସ୍ତଃ ପୁରୀଦୀପକୋ ରାକ୍ଷସୀନାଶକର୍ତା ॥ ୭୩ ॥
ଅନନ୍ତୋ ମହୀଧ୍ରଃ ଫଣୀ ଵାନରାରିଃ ସ୍ଫୁରଦ୍ଗୌରଵର୍ଣୋ ମହାପଦ୍ମନେତ୍ରଃ ।
କୁରୁଗ୍ରାମତିର୍ୟଗ୍ଗତୋ ଗୌରଵାର୍ଥଃ ସ୍ତୁତଃ କୌରଵୈଃ ପାରିବର୍ହୀ ସସାମ୍ବଃ ॥ ୭୪ ॥
ମହାଵୈଭଵୀ ଦ୍ଵାରକେଶୋ ହ୍ୟନେକଶ୍ଚଲନ୍ନାରଦଃ ଶ୍ରୀପ୍ରଭାଦର୍ଶକସ୍ତୁ ।
ମହର୍ଷିସ୍ତୁତୋ ବ୍ରହ୍ମଦେଵଃ ପୁରାଣଃ ସଦା ଷୋଡଶସ୍ତ୍ରୀସହସ୍ରସ୍ଥିତଶ୍ଚ ॥ ୭୫ ॥ ॥
ଗୃହୀ ଲୋକରକ୍ଷାପରୋ ଲୋକରୀତିଃ ପ୍ରଭୁର୍ହ୍ୟୁଗ୍ରସେନାଵୃତୋ ଦୁର୍ଗୟୁକ୍ତଃ ।
ତଥା ରାଜଦୂତସ୍ତୁତୋ ବନ୍ଧଭେତ୍ତା ସ୍ଥିତୋ ନାରଦପ୍ରସ୍ତୁତଃ ପାଣ୍ଡଵାର୍ଥୀ ॥ ୭୬ ॥
ନୃପୈର୍ମନ୍ତ୍ରକୃତ୍ ହ୍ୟୁଦ୍ଧଵପ୍ରୀତିପୂର୍ଣୋ ଵୃତଃ ପୁତ୍ରପୌତ୍ରୈଃ କୁରୁଗ୍ରାମଗନ୍ତା ।
ଘୃଣୀ ଧର୍ମରାଜସ୍ତୁତୋ ଭୀମୟୁକ୍ତଃ ପରାନନ୍ଦଦୋ ମନ୍ତ୍ରକୃଦ୍ଧର୍ମଜେନ ॥ ୭୭ ॥
ଦିଶାଜିଦ୍ବଲୀ ରାଜସୂୟାର୍ଥକାରୀ ଜରାସନ୍ଧହା ଭୀମସେନସ୍ଵରୂପଃ ।
ତଥା ଵିପ୍ରରୂପୋ ଗଦାୟୁଦ୍ଧକର୍ତା କୃପାଲୁର୍ମହାବନ୍ଧନଚ୍ଛେଦକାରୀ ॥ ୭୮ ॥
ନୃପୈଃ ସଂସ୍ତୁତୋ ହ୍ୟାଗତୋ ଧର୍ମଗେହଂ ଦ୍ଵିଜୈଃ ସଂଵୃତୋ ୟଜ୍ଞସଂଭାରକର୍ତା ।
ଜନୈଃ ପୂଜିତଶ୍ଚୈଦ୍ୟଦୁର୍ଵାକ୍କ୍ଷମଶ୍ଚ ମହାମୋହଦୋଽରେଃ ଶିରଶ୍ଚ୍ଛେଦକାରୀ ॥ ୭୯ ॥
ମହାୟଜ୍ଞଶୋଭାକରଶ୍ଚକ୍ରଵର୍ତୀ ନୃପାନନ୍ଦକାରୀ ଵିହାରୀ ସୁହାରୀ ।
ସଭାସଂଵୃତୋ ମାନହୃତ୍କୌରଵସ୍ୟ ତଥା ଶାଲ୍ଵସଂହାରକୋ ୟାନହନ୍ତା ॥ ୮୦ ॥
ସଭୋଜଶ୍ଚ ଵୃଷ୍ଣିର୍ମଧୁଃଶୂରସେନୋ ଦଶାର୍ହୋ ୟଦୁର୍ହ୍ୟଂଧକୋ ଲୋକଜିଚ୍ଚ ।
ଦ୍ୟୁମନ୍ମାନହା ଵର୍ମଧୃଗ୍ଦିଵ୍ୟଶସ୍ତ୍ରୀ ସ୍ଵବୋଧଃ ସଦା ରକ୍ଷକୋ ଦୈତ୍ୟହନ୍ତା ॥ ୮୧ ॥
ତଥା ଦନ୍ତଵକ୍ତ୍ରପ୍ରଣାଶୀ ଗଦାଧୃଗ୍ଜଗତ୍ତୀର୍ଥୟାତ୍ରାକରଃ ପଦ୍ମହାରଃ ।
କୁଶୀ ସୂତହନ୍ତା କୃପାକୃତ୍ସ୍ମୃତୀଶୋଽମଲୋ ବଲ୍ଵଲାଙ୍ଗପ୍ରଭାଖଣ୍ଡକାରୀ ॥ ୮୨ ॥
ତଥା ଭୀମଦୁର୍ୟୋଧନଜ୍ଞାନଦାତାପରୋ ରୋହିଣୀସୌଖ୍ୟଦୋ ରେଵତୀଶଃ ।
ମହାଦାନକୃଦ୍ଵିପ୍ରଦାରିଦ୍ର୍ୟହା ଚ ସଦା ପ୍ରେମୟୁକ୍ ଶ୍ରୀସୁଦାମ୍ନଃ ସହାୟଃ ॥ ୮୩ ॥
ତଥା ଭାର୍ଗଵକ୍ଷେତ୍ରଗନ୍ତା ସରାମୋଽଥ ସୂର୍ୟୋପରାଗଶ୍ରୁତଃ ସର୍ଵଦର୍ଶୀ ।
ମହାସେନୟା ଚାସ୍ଥିତଃ ସ୍ନାନୟୁକ୍ତୋ ମହାଦାନକୃନ୍ମିତ୍ରସମ୍ମେଲନାର୍ଥୀ ॥ ୮୪ ॥
ତଥା ପାଣ୍ଡଵପ୍ରୀତିଦଃ କୁନ୍ତିଜାର୍ଥୀ ଵିଶାଲାକ୍ଷମୋହପ୍ରଦଃ ଶାନ୍ତିଦଶ୍ଚ ।
ଵଟେ ରାଧିକାରାଧନୋ ଗୋପିକାଭିଃ ସଖୀକୋଟିଭୀ ରାଧିକାପ୍ରାଣନାଥଃ ॥ ୮୫ ॥
ସଖୀମୋହଦାଵାଗ୍ନିହା ଵୈଭଵେଶଃ ସ୍ଫୁରତ୍କୋଟିକନ୍ଦର୍ପଲୀଲାଵିଶେଷଃ ।
ସଖୀରାଧିକାଦୁଃଖନାଶୀ ଵିଲାସୀ ସଖୀମଧ୍ୟଗଃ ଶାପହା ମାଧଵୀଶଃ ॥ ୮୬ ॥
ଶତଂ ଵର୍ଷଵିକ୍ଷେପହୃନ୍ନନ୍ଦପୁତ୍ରସ୍ତଥା ନନ୍ଦଵକ୍ଷୋଗତଃ ଶୀତଲାଙ୍ଗଃ ।
ୟଶୋଦାଶୁଚଃ ସ୍ନାନକୃକ୍ଦ୍ଦୁଃଖହନ୍ତା ସଦାଗୋପିକାନେତ୍ରଲଗ୍ନୋ ଵ୍ରଜେଶଃ ॥ ୮୭ ॥
ସ୍ତୁତୋ ଦେଵକୀରୋହିଣୀଭ୍ୟାଂ ସୁରେନ୍ଦ୍ରୋ ରହୋ ଗୋପିକାଜ୍ଞାନଦୋ ମାନଦଶ୍ଚ ।
ତଥା ସଂସ୍ତୁତଃ ପଟ୍ଟରାଜ୍ଞୀଭିରାରାଦ୍ଧନୀ ଲକ୍ଷ୍ମଣାପ୍ରାଣନାଥଃ ସଦା ହି ॥ ୮୮ ॥
ତ୍ରିଭିଃ ଷୋଡଶସ୍ତ୍ରୀସହସ୍ରସ୍ତୁତାଙ୍ଗଃ ଶୁକୋ ଵ୍ୟାସଦେଵଃ ସୁମନ୍ତୁଃ ସିତଶ୍ଚ ।
ଭରଦ୍ଵାଜକୋ ଗୌତମୋ ହ୍ୟାସୁରିଃ ସଦ୍ଵସିଷ୍ଠଃ ଶତାନନ୍ଦ ଆଦ୍ୟଃ ସରାମଃ ॥ ୮୯ ॥
ମୁନିଃ ପର୍ଵତୋ ନାରଦୋ ଧୌମ୍ୟ ଇନ୍ଦ୍ରୋଽସିତୋଽତ୍ରିର୍ଵିଭାଣ୍ଡଃ ପ୍ରଚେତାଃ କୃପଶ୍ଚ ।
କୁମାରଃ ସନନ୍ଦସ୍ତଥା ୟାଜ୍ଞଵଲ୍କ୍ୟଃ ଋଭୁର୍ହ୍ୟଙ୍ଗିରା ଦେଵଲଃ ଶ୍ରୀମୃକଣ୍ଡଃ ॥ ୯୦ ॥
ମରୀଚୀ କ୍ରତୁଶ୍ଚୌର୍ଵକୋ ଲୋମଶଶ୍ଚ ପୁଲସ୍ତ୍ୟୋ ଭୃଗୁର୍ବ୍ରହ୍ମରାତୋ ଵସିଷ୍ଠଃ ।
ନରଶ୍ଚାପି ନାରାୟଣୋ ଦତ୍ତ ଏଵ ତଥା ପାଣିନିଃ ପିଙ୍ଗଲୋ ଭାଷ୍ୟକାରଃ ॥ ୯୧ ॥
ସକାତ୍ୟାୟନୋ ଵିପ୍ରପାତଞ୍ଜଲିଶ୍ଚାଥ ଗର୍ଗୋ ଗୁରୁର୍ଗୀଷ୍ପତିର୍ଗୌତମୀଶଃ ।
ମୁନିର୍ଜାଜଲିଃ କଶ୍ୟପୋ ଗାଲଵଶ୍ଚ ଦ୍ଵିଜଃ ସୌଭରିଶ୍ଚର୍ଷ୍ୟଶୃଙ୍ଗଶ୍ଚ କଣ୍ଵଃ ॥ ୯୨ ॥
ଦ୍ଵିତଶ୍ଚୈକତଶ୍ଚାପି ଜାତୂଦ୍ଭଵଶ୍ଚ ଘନଃ କର୍ଦମସ୍ୟାତ୍ମଜଃ କର୍ଦମଶ୍ଚ ।
ତଥା ଭାର୍ଗଵଃ କୌତ୍ସକଶ୍ଚାରୁଣସ୍ତୁ ଶୁଚିଃ ପିପ୍ପଲାଦୋ ମୃକଣ୍ଡସ୍ୟ ପୁତ୍ରଃ ॥ ୯୩ ॥
ସପୈଲଃସ୍ତଥା ଜୈମିନିଃ ସତ୍ସୁମନ୍ତୁର୍ଵରୋ ଗାଙ୍ଗଲଃ ସ୍ଫୋଟଗେହଃ ଫଲାଦଃ ।
ସଦା ପୂଜିତୋ ବ୍ରାହ୍ମଣଃ ସର୍ଵରୂପୀ ମୁନୀଶୋ ମହାମୋହନାଶୋଽମରଃ ପ୍ରାକ୍ ॥ ୯୪ ॥
ମୁନୀଶସ୍ତୁତଃ ଶୌରିଵିଜ୍ଞାନଦାତା ମହାୟଜ୍ଞକୃଚ୍ଚାଭୃତସ୍ନାନପୂଜ୍ୟଃ ।
ସଦା ଦକ୍ଷିଣାଦୋ ନୃପୈଃ ପାରିବର୍ହୀ ଵ୍ରଜାନନ୍ଦଦୋ ଦ୍ଵାରିକାଗେହଦର୍ଶୀ ॥ ୯୫ ॥
ମହାଜ୍ଞାନଦୋ ଦେଵକୀପୁତ୍ରଦଶ୍ଚାସୁରୈଃ ପୂଜିତୋ ହୀନ୍ଦ୍ରସେନାଦୃତଶ୍ଚ ।
ସଦା ଫାଲ୍ଗୁନପ୍ରୀତିକୃତ୍ ସତ୍ସୁଭଦ୍ରାଵିଵାହେ ଦ୍ଵିପାଶ୍ଵପ୍ରଦୋ ମାନୟାନଃ ॥ ୯୬ ॥
ଭୁଵଂ ଦର୍ଶକୋ ମୈଥିଲେନ ପ୍ରୟୁକ୍ତୋ ଦ୍ଵିଜେନାଶୁ ରାଜ୍ଞାସ୍ଥିତୋ ବ୍ରାହ୍ମଣୈଶ୍ଚ ।
କୃତୀ ମୈଥିଲେ ଲୋକଵେଦୋପଦେଶୀ ସଦାଵେଦଵାକ୍ୟୈଃ ସ୍ତୁତଃ ଶେଷଶାୟୀ ॥ ୯୭ ॥
ପରୀକ୍ଷାଵୃତୋ ବ୍ରାହ୍ମଣୈଶ୍ଚାମରେଷୁ ଭୃଗୁପ୍ରାର୍ଥିତୋ ଦୈତ୍ୟହା ଚେଶରକ୍ଷୀ ।
ସଖା ଚାର୍ଜୁନସ୍ୟାପି ମାନପ୍ରହାରୀ ତଥା ଵିପ୍ରପୁତ୍ରପ୍ରଦୋ ଧାମଗନ୍ତା ॥ ୯୮ ॥
ଵିହାରସ୍ଥିତୋ ମାଧଵୀଭିଃ କଲାଙ୍ଗୋ ମହାମୋହଦାଵାଗ୍ନିଦଗ୍ଧାଭିରାମଃ ।
ୟଦୁର୍ହ୍ୟୁଗ୍ରସେନୋ ନୃପୋଽକ୍ରୂର ଏଵ ତଥା ଚୋଦ୍ଧଵଃ ଶୂରସେନଶ୍ଚ ଶୂରଃ ॥ ୯୯ ॥
ହୃଦୀକଶ୍ଚ ସତ୍ରାଜିତଶ୍ଚାପ୍ରମେୟୋ ଗଦଃ ସାରଣଃ ସାତ୍ୟକିର୍ଦେଵଭାଗଃ ।
ତଥା ମାନସଃ ସଞ୍ଜୟଃ ଶ୍ୟାମକଶ୍ଚ ଵୃକୋ ଵତ୍ସକୋ ଦେଵକୋ ଭଦ୍ରସେନଃ ॥ ୧୦୦ ॥
ନୃପୋଽଜାତଶତ୍ରୁର୍ଜୟୋ ମାଦ୍ରିପୁତ୍ରୋଽଥ ଭୀମଃ କୃପୋ ବୁଦ୍ଧିଚକ୍ଷୁଶ୍ଚ ପାଣ୍ଡୁଃ ।
ତଥା ଶନ୍ତନୁର୍ଦେଵବାହ୍ଲୀକ ଏଵାଥ ଭୂରିଶ୍ରଵାଶ୍ଚିତ୍ରଵୀର୍ୟୋ ଵିଚିତ୍ରଃ ॥ ୧୦୧ ॥
ଶଲଶ୍ଚାପି ଦୁର୍ୟୋଧନଃ କର୍ଣ ଏଵ ସୁଭଦ୍ରାସୁତୋ ଵିଷ୍ଣୁରାତଃ ପ୍ରସିଦ୍ଧଃ ।
ସଜନ୍ମେଜୟଃ ପାଣ୍ଡଵଃ କୌରଵଶ୍ଚ ତଥା ସର୍ଵତେଜା ହରିଃ ସର୍ଵରୂପୀ ॥ ୧୦୨ ॥
ଵ୍ରଜଂ ହ୍ୟାଗତୋ ରାଧୟା ପୂର୍ଣଦେଵୋ ଵରୋ ରାସଲୀଲାପରୋ ଦିଵ୍ୟରୂପୀ ।
ରଥସ୍ଥୋ ନଵଦ୍ଵୀପଖଣ୍ଡପ୍ରଦର୍ଶୀ ମହାମାନଦୋ ଗୋପଜୋ ଵିଶ୍ଵରୂପଃ ॥ ୧୦୩ ॥
ସନନ୍ଦଶ୍ଚ ନନ୍ଦୋ ଵୃଷୋ ଵଲ୍ଲଭେଶଃ ସୁଦାମାର୍ଜୁନଃ ସୌବଲସ୍ତୋକ ଏଵ ।
ସକୃଷ୍ଣୋ ଶୁକଃ ସଦ୍ଵିଶାଲର୍ଷଭାଖ୍ୟଃ ସୁତେଜସ୍ଵିକଃ କୃଷ୍ଣମିତ୍ରୋ ଵରୂଥଃ ॥ ୧୦୪ ॥
କୁଶେଶୋ ଵନେଶସ୍ତୁ ଵୃନ୍ଦାଵନେଶସ୍ତଥା ମଥୁରେଶାଧିପୋ ଗୋକୁଲେଶଃ ।
ସଦା ଗୋଗଣୋ ଗୋପତିର୍ଗୋପିକେଶୋଽଥ ଗୋଵର୍ଧନୋ ଗୋପତିଃ କନ୍ୟକେଶଃ ॥ ୧୦୫ ॥
ଅନାଦିସ୍ତୁ ଚାତ୍ମା ହରିଃ ପୂରୁଷଶ୍ଚ ପରୋ ନିର୍ଗୁଣୋ ଜ୍ୟୋତିରୂପୋ ନିରୀହଃ ।
ସଦା ନିର୍ଵିକାରଃ ପ୍ରପଞ୍ଚାତ୍ ପରଶ୍ଚ ସସତ୍ୟସ୍ତୁ ପୂର୍ଣଃ ପରେଶସ୍ତୁ ସୂକ୍ଷ୍ମଃ ॥ ୧୦୬ ॥ ସମତ୍ୟ ??
ଦ୍ଵାରକାୟାଂ ତଥା ଚାଶ୍ଵମେଧସ୍ୟ କର୍ତା ନୃପେଣାପି ପୌତ୍ରେଣ ଭୂଭାରହର୍ତା ।
ପୁନଃ ଶ୍ରୀଵ୍ରଜେ ରାସରଙ୍ଗସ୍ୟ କର୍ତା ହରୀ ରାଧୟା ଗୋପିକାନାଂ ଚ ଭର୍ତା ॥ ୧୦୭ ॥
ସଦୈକସ୍ତ୍ଵନେକଃ ପ୍ରଭାପୂରିତାଙ୍ଗସ୍ତଥା ୟୋଗମାୟାକରଃ କାଲଜିଚ୍ଚ ।
ସୁଦୃଷ୍ଟିର୍ମହତ୍ତତ୍ତ୍ଵରୂପଃ ପ୍ରଜାତଃ ସକୂଟସ୍ଥ ଆଦ୍ୟାଙ୍କୁରୋ ଵୃକ୍ଷରୂପଃ ॥ ୧୦୮ ॥
ଵିକାରସ୍ଥିତଶ୍ଚ ହ୍ୟହଙ୍କାର ଏଵ ସଵୈକାରିକସ୍ତୈଜସସ୍ତାମସଶ୍ଚ ।
ମନୋ ଦିକ୍ସମୀରସ୍ସ୍ତୁ ସୂର୍ୟଃ ପ୍ରଚେତୋଽଶ୍ଵିଵହ୍ନିଶ୍ଚ ଶକ୍ରୋ ହ୍ୟୁପେନ୍ଦ୍ରସ୍ତୁ ମିତ୍ରଃ ॥ ୧୦୯ ॥
ଶ୍ରୁତିସ୍ତ୍ଵକ୍ଚ ଦୃଗ୍ଘ୍ରାଣଜିହ୍ଵାଗିରଶ୍ଚ ଭୁଜାମେଢ୍ରକଃ ପାୟୁରଙ୍ଘ୍ରିଃ ସଚେଷ୍ଟଃ ।
ଧରାଵ୍ୟୋମଵାର୍ମାରୁତଶ୍ଚୈଵ ତେଜୋଽଥ ରୂପଂ ରସୋ ଗନ୍ଧଶବ୍ଦସ୍ପୃଶଶ୍ଚ ॥ ୧୧୦ ॥
ସଚିତ୍ତଶ୍ଚ ବୁଦ୍ଧିର୍ଵିରାଟ୍ କାଲରୂପସ୍ତଥା ଵାସୁଦେଵୋ ଜଗତ୍କୃଦ୍ଧତାଙ୍ଗଃ ।
ତଥାଣ୍ଡେ ଶୟାନଃ ସଶେଷଃ ସହସ୍ରସ୍ଵରୂପୋ ରମାନାଥ ଆଦ୍ୟୋଽଵତାରଃ ॥ ୧୧୧ ॥
ସଦା ସର୍ଗକୃତ୍ପଦ୍ମଜଃ କର୍ମକର୍ତା ତଥା ନାଭିପଦ୍ମୋଦ୍ଭଵୋ ଦିଵ୍ୟଵର୍ଣଃ ।
କଵିର୍ଲୋକକୃତ୍କାଲକୃତ୍ସୂର୍ୟରୂପୋ ନିମେଷୋ ଭଵୋ ଵତ୍ସରାନ୍ତୋ ମହୀୟାନ୍ ॥ ୧୧୨ ॥
ତିଥିର୍ଵାରନକ୍ଷତ୍ରୟୋଗାଶ୍ଚ ଲଗ୍ନୋଽଥ ମାସୋ ଘଟୀ ଚ କ୍ଷଣଃ କାଷ୍ଠିକା ଚ ।
ମୁହୂର୍ତସ୍ତୁ ୟାମୋ ଗ୍ରହା ୟାମିନୀ ଚ ଦିନଂ ଚର୍କ୍ଷମାଲାଗତୋ ଦେଵପୁତ୍ରଃ ॥ ୧୧୩ ॥
କୃତୋ ଦ୍ଵାପରସ୍ତୁ ତ୍ରିତସ୍ତତ୍କଲିସ୍ତୁ ସହସ୍ରଂ ୟୁଗସ୍ତତ୍ର ମନ୍ଵନ୍ତରଶ୍ଚ ।
ଲୟଃ ପାଲନଂ ସତ୍କୃତିସ୍ତତ୍ପରାର୍ଧଂ ସଦୋତ୍ପତ୍ତିକୃଦ୍ଦ୍ଵ୍ୟକ୍ଷରୋ ବ୍ରହ୍ମରୂପଃ ॥ ୧୧୪ ॥
ତଥା ରୁଦ୍ରସର୍ଗସ୍ତୁ କୌମାରସର୍ଗୋ ମୁନେଃ ସର୍ଗକୃଦ୍ଦେଵକୃତ୍ପ୍ରାକୃତସ୍ତୁ ।
ଶ୍ରୁତିସ୍ତୁ ସ୍ମୃତିଃ ସ୍ତୋତ୍ରମେଵଂ ପୁରାଣଂ ଧନୁର୍ଵେଦ ଇଜ୍ୟାଥ ଗାନ୍ଧର୍ଵଵେଦଃ ॥ ୧୧୫ ॥
ଵିଧାତା ଚ ନାରାୟଣଃ ସତ୍କୁମାରୋ ଵରାହସ୍ତଥା ନାରଦୋ ଧର୍ମପୁତ୍ରଃ ।
ମୁନିଃ କର୍ଦମସ୍ୟାତ୍ମଜୋ ଦତ୍ତ ଏଵ ସୟଜ୍ଞୋଽମରୋ ନାଭିଜଃ ଶ୍ରୀପୃଥୁଶ୍ଚ ॥ ୧୧୬ ॥
ସୁମତ୍ସ୍ୟଶ୍ଚ କୂର୍ମଶ୍ଚ ଧନ୍ଵନ୍ତରିଶ୍ଚ ତଥା ମୋହିନୀ ନାରସିଂହଃ ପ୍ରତାପୀ ।
ଦ୍ଵିଜୋ ଵାମନୋ ରେଣୁକାପୁତ୍ରରୂପୋ ମୁନିର୍ଵ୍ୟାସଦେଵଃ ଶ୍ରୁତିସ୍ତୋତ୍ରକର୍ତା ॥ ୧୧୭ ॥
ଧନୁର୍ଵେଦଭାଗ୍ରାମଚନ୍ଦ୍ରାଵତାରଃ ସସୀତାପତିର୍ଭାରହୃଦ୍ରାଵଣାରିଃ ।
ନୃପଃ ସେତୁକୃଦ୍ଵାନରେନ୍ଦ୍ରପ୍ରହାରୀ ମହାୟଜ୍ଞକୃଦ୍ରାଘଵେନ୍ଦ୍ରଃ ପ୍ରଚଣ୍ଡଃ ॥ ୧୧୮ ॥
ବଲଃ କୃଷ୍ଣଚନ୍ଦ୍ରସ୍ତୁ କଲ୍କିଃ କଲେଶସ୍ତୁ ବୁଦ୍ଧଃ ପ୍ରସିଦ୍ଧସ୍ତୁ
ହଂସଃସ୍ତଥାଶ୍ଵଃ ।
ଋଷୀନ୍ଦ୍ରୋଽଜିତୋ ଦେଵଵୈକୁଣ୍ଠନାଥୋ ହ୍ୟମୂର୍ତିଶ୍ଚ ମନ୍ଵନ୍ତରସ୍ୟାଵତାରଃ ॥ ୧୧୯ ॥
ଗଜୋଦ୍ଧାରଣଃ ଶ୍ରୀମନୁର୍ବ୍ରହ୍ମପୁତ୍ରୋ ନୃପେନ୍ଦ୍ରସ୍ତୁ ଦୁଷ୍ୟନ୍ତଜୋ ଦାନଶୀଲଃ ।
ସଦ୍ଦୃଷ୍ଟଃ ଶ୍ରୁତୋ ଭୂତ ଏଵଂ ଭଵିଷ୍ୟଦ୍ଭଵତ୍ସ୍ଥାଵରୋ ଜଙ୍ଗମୋଽଲ୍ପଂ ମହଚ୍ଚ ॥ ୧୨୦ ॥
ଇତି ଶ୍ରୀଭୁଜଙ୍ଗପ୍ରୟାତେନ ଚୋକ୍ତଂ ହରେ ରାଧିକେଶସ୍ୟ ନାମ୍ନାଂ ସହସ୍ରମ୍ ।
ପଠେଦ୍ଭକ୍ତିୟୁକ୍ତୋ ଦ୍ଵିଜଃ ସର୍ଵଦା ହି କୃତାର୍ଥୋ ଭଵେତ୍କୃଷ୍ଣଚନ୍ଦ୍ରସ୍ଵରୂପଃ ॥ ୧୨୧ ॥
ମହାପାପରାଶିଂ ଭିନତ୍ତି ଶ୍ରୁତଂ ୟତ୍ସଦା ଵୈଷ୍ଣଵାନାଂ ପ୍ରିୟଂ ମଙ୍ଗଲଂ ଚ ।
ଇଦଂ ରାସରାକାଦିନେ ଚାଶ୍ଵିନସ୍ୟ ତଥା କୃଷ୍ଣଜନ୍ମାଷ୍ଟମୀମଧ୍ୟ ଏଵ ॥ ୧୨୨ ॥
ତଥା ଚୈତ୍ରମାସସ୍ୟ ରାକାଦିନେ ଵାଥ ଭାଦ୍ରେ ଚ ରାଧାଷ୍ଟମୀ ସଦ୍ଦିନେ ଵା ।
ପଠେଦ୍ଭକ୍ତିୟୁକ୍ତସ୍ତ୍ଵିଦଂ ପୂଜୟିତ୍ଵା ଚତୁର୍ଧା ସୁମୁକ୍ତିଂ ତନୋତି ପ୍ରଶସ୍ତଃ ॥ ୧୨୩ ॥
ପଠେତ୍କୃଷ୍ଣପୁର୍ୟାଂ ଚ ଵୃନ୍ଦାଵନେ ଵା ଵ୍ରଜେ ଗୋକୁଲେ ଵାପି ଵଂଶୀଵଟେ ଵା ।
ଵଟେ ଵାକ୍ଷୟେ ଵା ତଟେ ସୂର୍ୟପୁତ୍ର୍ୟାଃ ସ ଭକ୍ତୋଽଥ ଗୋଲୋକଧାମ ପ୍ରୟାତି ॥ ୧୨୪ ॥
ଭଜେଦ୍ଭକ୍ତିଭାଵାଚ୍ଚ ସର୍ଵତ୍ରଭୂମୌ ହରିଂ କୁତ୍ର ଚାନେନ ଗେହେ ଵନେ ଵା ।
ଜହାତି କ୍ଷଣଂ ନୋ ହରିସ୍ତଂ ଚ ଭକ୍ତଂ ସୁଵଶ୍ୟୋ ଭଵେନ୍ମାଧଵଃ କୃଷ୍ଣଚନ୍ଦ୍ରଃ ॥ ୧୨୫ ॥
ସଦା ଗୋପନୀୟଂ ସଦା ଗୋପନୀୟଂ ସଦା ଗୋପନୀୟଂ ପ୍ରୟତ୍ନେନ ଭକ୍ତୈଃ ।
ପ୍ରକାଶ୍ୟଂ ନ ନାମ୍ନାଂ ସହସ୍ରଂ ହରେଶ୍ଚ ନ ଦାତଵ୍ୟମେଵଂ କଦା ଲମ୍ପଟାୟ ॥ ୧୨୬ ॥
ଇଦଂ ପୁସ୍ତକଂ ୟତ୍ର ଗେହେଽପି ତିଷ୍ଠେଦ୍ଵସେଦ୍ରାଧିକାନାଥ ଆଦ୍ୟସ୍ତୁ ତତ୍ର ।
ତଥା ଷଡ୍ଗୁଣାଃ ସିଦ୍ଧୟୋ ଦ୍ଵାଦଶାପି ଗୁଣୈସ୍ତ୍ରିଂଶଦ୍ଭିର୍ଲକ୍ଷଣୈସ୍ତୁ ପ୍ରୟାନ୍ତି ॥ ୧୨୭ ॥
ଇତି ଶ୍ରୀମଦ୍ଗର୍ଗସଂହିତାୟାଂ ଅଶ୍ଵମେଧଖଣ୍ଡେ ଶ୍ରୀକୃଷ୍ଣସହସ୍ରନାମଵର୍ଣନଂ
ନାମୈକୋନଷଷ୍ଟିତମୋଽଧ୍ୟାୟଃ ॥ ଦଶମଖଣ୍ଡେ ଅଧ୍ୟାୟ ୫୯ ॥