॥ Sri Guruvayurappa Sahasranama Stotram Telugu Lyrics ॥
॥ గురువాయురప్ప అథవా నారాయణీయ తథా రోగహరసహస్రనామస్తోత్రమ్ ॥
అథ ధ్యానమ్ ।
సూర్యస్పర్ధికిరీటమూర్ధ్వతిలకప్రోద్భాసిఫాలాన్తరం
కారుణ్యాకులనేత్రమార్ద్రహసితోల్లాసం సునాసాపుటమ్ ।
గణ్డోద్యన్మకరాభకుణ్డలయుగం కణ్ఠోజ్జ్వలత్కౌస్తుభం
త్వద్రూపం వనమాల్యహారపటలశ్రీవత్సదీప్రం భజే ॥
కేయూరాఙ్గదకఙ్కణోత్తమమహారత్నాఙ్గులీయాఙ్కిత-
శ్రీమద్బాహుచతుష్కసఙ్గతగదాశఙ్ఖారిపఙ్కేరుహామ్ ।
కాఞ్చిత్కాఞ్చనకాఞ్చిలాఞ్ఛితలసత్పీతామ్బరాలమ్బినీ-
మాలమ్బే విమలామ్బుజద్యుతిపదాం మూర్తిం తవార్తిచ్ఛిదమ్ ॥
యత్త్రైక్యమహీయసోఽపి మహితం సమ్మోహనం మోహనాత్
కాన్తం కాన్తినిధానతోఽపి మధురం మాధుర్యధుర్యాదపి ।
సౌన్దర్యోత్తరతోఽపి సున్దరతరం త్వద్రుపమాశ్చర్యతో-
ఽప్యాశ్చర్యం భువనే న కస్య కుతుకం పుష్ణాతి విష్ణో విభో ॥
అథ స్తోత్రమ్ ।
గురువాయుపురాధీశో సాన్ద్రానన్దావబోధదః ।
రుజాసాకల్యసంహర్తా దురితాటవిదాహకః ॥ ౧ ॥
వాయురూపో వాగతీతః సర్వబాధాప్రశామకః ।
యుగన్ధరో యుగాతీతో యోగమాయాసమన్వితః ॥ ౨ ॥
పురుజిత్పురుషవ్యాఘ్రః పురాణపురుషః ప్రభుః ।
రాధాకాన్తో రమాకాన్తః రతీరమణజన్మదః ॥ ౩ ॥
ధీరోఽధీశో ధనాధ్యక్షో ధరణీపతిరచ్యుతః ।
శరణ్యః శర్మదః శాన్తః సర్వశాన్తికరః స్మృతః ॥ ౪ ॥
మతిమాన్మాధవో మాయీ మానాతీతో మహాద్యుతిః ।
మతిమోహపరిచ్ఛేత్తా క్షయవృద్ధివివర్జితః ॥ ౫ ॥
రోగపావకదగ్ధానామమృతస్యన్దదాయకః ।
గతిస్సమస్తలోకానాం గణనాతీతవైభవః ॥ ౬ ॥
మరుద్గణసమారాధ్యో మారుతాగారవాసకః ।
పాలకస్సర్వలోకానాం పూరకస్సర్వకర్మణామ్ ॥ ౭ ॥
కురువిన్దమణీబద్ధదివ్యమాలావిభూషితః ।
రుక్మహారావలీలోలవక్షఃశోభావిరాజితః ॥ ౮ ॥
సూర్యకోటిప్రభాభాస్వద్బాలగోపాలవిగ్రహః ।
రత్నమాయూరపిఞ్ఛోద్యత్సౌవర్ణముకుటాఞ్చితః ॥ ౯ ॥
కాళామ్బుదరుచిస్పర్ధికేశభారమనోహరః ।
మాలేయతిలకోల్లాసిఫాలబాలేన్దుశోభితః ॥ ౧౦ ॥
ఆర్తదీనకథాలాపదత్తశ్రోత్రద్వయాన్వితః ।
భ్రూలతాచలనోద్భూతనిర్ధూతభువనావలిః ॥ ౧౧ ॥
భక్తతాపప్రశమనపీయుషస్యన్దిలోచనః ।
కారుణ్యస్నిగ్ధనేత్రాన్తః కాఙ్క్షితార్థపదాయకః ॥ ౧౨ ॥
అనోపమితసౌభాగ్యనాసాభఙ్గివిరాజితః ।
మకరమత్స్యసమాకారరత్నకుణ్డలభూషితః ॥ ౧౩ ॥
ఇన్ద్రనీలశిలాదర్శగణ్డమణ్డలమణ్డితః ।
దన్తపఙ్క్తిద్వయోద్దీప్తదరస్మేరముఖామ్బుజః ॥ ౧౪ ॥
మన్దస్మితప్రభాముగ్ధసర్వదేవగణావృతః ।
పక్వబిమ్బఫలాధర ఓష్ఠకాన్తివిలాసితః ॥ ౧౫ ॥
సౌన్దర్యసారసర్వస్వచిబుకశ్రీవిరాజితః ।
కౌస్తుభాభాలసత్కణ్ఠః వన్యమాలావలీవృతః ॥ ౧౬ ॥
మహాలక్ష్మీసమావిష్టశ్రీవత్సాఙ్కితవక్షసః ।
రత్నాభరణశోభాఢ్యో రామణీయకశేవధిః ॥ ౧౭ ॥
వలయాఙ్గదకేయురకమనీయభుజాన్వితః ।
వేణునాళీలసద్ధస్తః ప్రవాళాఙ్గులిశోభితః ॥ ౧౮ ॥
చన్దనాగరుకాశ్మీరకస్తూరీకళభాఞ్చితః ।
అనేకకోటిబ్రహ్మాణ్డసఙ్గృహీతమహోదరః ॥ ౧౯ ॥
కృశోదరః పీతచేలాపరివీతకటీతటః ।
బ్రహ్మావాసమహాపద్మావాలనాభిప్రశోభితః ॥ ౨౦ ॥
పద్మనాభో రమాకాన్తః ఫుల్లపద్మనిభాననః ।
రశనాదామసన్నద్ధహేమవస్త్రపరిచ్ఛదః ॥ ౨౧ ॥
గోపస్త్రీహృదయోన్మాథికోమళోరుద్వయాన్వితః ।
నీలాశ్మపేటకాకారజానుద్వన్ద్వమనోహరః ॥ ౨౨ ॥
కామతుణీరసఙ్కాశచారుజఙ్ఘావిశోభితః ।
నమజ్జనసమస్తార్తిహారిపాదద్వయాన్వితః ॥ ౨౩ ॥
వైద్యనాథప్రణమితః వేదవేదాఙ్గకారకః ।
సర్వతాపప్రశమనః సర్వరోగనివారకః ॥ ౨౪ ॥
సర్వపాపప్రమోచకః దురితార్ణవతారకః ।
బ్రహ్మరూపః సృష్టికర్తా విష్ణురూపః పరిత్రాతా ॥ ౨౫ ॥
శివరూపః సర్వభక్షః క్రియాహీనః పరమ్బ్రహ్మః ।
వికుణ్ఠలోకసంవాసీ వైకుణ్ఠో వరదో వరః ॥ ౨౬ ॥
సత్యవ్రతతపఃప్రీతః శిశుమీనస్వరూపవాన్ ।
మహామత్స్యత్వమాపన్నో బహుధావర్ధితః స్వభూః ॥ ౨౭ ॥
వేదశాస్త్రపరిత్రాతా హయగ్రీవాసుహారకః ।
క్షీరాబ్ధిమథనాధ్యక్షః మన్దరచ్యుతిరోధకః ॥ ౨౮ ॥
ధృతమహాకూర్మవపుః మహాపతగరూపధృక్ ।
క్షీరాబ్ధిమథనోద్భూతరత్నద్వయపరిగ్రహః ॥ ౨౯ ॥
ధన్వన్తరీరూపధారీ సర్వరోగచికిత్సకః ।
సమ్మోహితదైత్యసఙ్ఘః మోహినీరూపధారకః ॥ ౩౦ ॥
కామేశ్వరమనస్థైర్యనాశకః కామజన్మదః ।
యజ్ఞవారాహరూపాఢ్యః సముద్ధృతమహీతలః ॥ ౩౧ ॥
హిరణ్యాక్షప్రాణహారీ దేవతాపసతోషకః ।
హిరణ్యకశిపుక్రౌర్యభీతలోకాభిరక్షకః ॥ ౩౨ ॥
నారసింహవపుః స్థూలసటాఘట్టితఖేచరః ।
మేఘారావప్రతిద్వన్ద్విఘోరగర్జనఘోషకః ॥ ౩౩ ॥
వజ్రక్రూరనఖోద్ఘాతదైత్యగాత్రప్రభేదకః ।
అసురాసృగ్వసామాంసలిప్తభీషణరూపవాన్ ॥ ౩౪ ॥
సన్త్రస్తదేవర్షిసఙ్ఘః భయభీతజగత్త్రయః ।
ప్రహ్లాదస్తుతిసన్తుష్టః శాన్తః శాన్తికరః శివః ॥ ౩౫ ॥
దేవహూతీసుతః ప్రాజ్ఞః సాఙ్ఖ్యయోగప్రవాచకః ।
మహర్షిః కపిలాచార్యః ధర్మాచార్యకులోద్వహః ॥ ౩౬ ॥
వేనదేహసముద్భూతః పృథుః పృథులవిక్రమః ।
గోరూపిణీమహీదోగ్ధా సమ్పద్దుగ్ధసమార్జితః ॥ ౩౭ ॥
ఆదితేయః కాశ్యపశ్చ వటురూపధరః పటుః ।
మహాబలిబలధ్వంసీ వామనో యాచకో విభుః ॥ ౩౮ ॥
ద్విపాదమాతత్రైలోక్యః త్రివిక్రమస్త్రయీమయః ।
జామదగ్న్యో మహావీరః శివశిష్యః ప్రతాపవాన్ ॥ ౩౯ ॥
కార్తవీర్యశిరచ్ఛేత్తా సర్వక్షత్రియనాశకః ।
సమన్తపఞ్చకస్రష్టా పితృప్రీతివిధాయకః ॥ ౪౦ ॥
సర్వసఙ్గపరిత్యాగీ వరుణాల్లబ్ధకేరళః ।
కౌసల్యాతనయో రామః రఘువంశసముద్భవః ॥ ౪౧ ॥
అజపౌత్రో దాశరథిః శత్రుఘ్నభరతాగ్రజః ।
లక్ష్మణప్రియభ్రాతా చ సర్వలోకహితే రతః ॥ ౪౨ ॥
వసిష్ఠశిష్యః సర్వజ్ఞః విశ్వామిత్రసహాయకః ।
తాటకామోక్షకారీ చ అహల్యాశాపమోచకః ॥ ౪౩ ॥
సుబాహుప్రాణహన్తా చ మారీచమదనాశనః ।
మిథిలాపురిసమ్ప్రాప్తః శైవచాపవిభఞ్జకః ॥ ౪౪ ॥
సన్తుషితసర్వలోకో జనకప్రీతివర్ధకః ।
గృహీతజానకీహస్తః సమ్ప్రీతస్వజనైర్యుతః ॥ ౪౫ ॥
పరశుధరగర్వహన్తా క్షత్రధర్మప్రవర్ధకః ।
సన్త్యక్తయౌవరాజ్యశ్చ వనవాసే నియోజితః ॥ ౪౬ ॥
సీతాలక్ష్మణసంయుక్తః చీరవాసా జటాధరః ।
గుహద్రోణీముపాశ్రిత్య గఙ్గాపారమవాప్తవాన్ ॥ ౪౭ ॥
సంసారసాగరోత్తారపాదస్మరణపావనః ।
రోగపీడాప్రశమనః దౌర్భాగ్యధ్వాన్తభాస్కరః ॥ ౪౮ ॥
కాననావాససన్తుష్టః వన్యభోజనతోషితః ।
దుష్టరాక్షససంహర్తా మునిమణ్డలపూజితః ॥ ౪౯ ॥
కామరూపాశూర్పణఖానాసాకర్ణవికృన్తకః ।
ఖరముఖాసురముఖ్యానామసఙ్ఖ్యబలనాశకః ॥ ౫౦ ॥
మాయామృగసమాకృష్టః మాయామానుషమూర్తిమాన్ ।
సీతావిరహసన్తప్తః దారాన్వేషణవ్యాపృతః ॥ ౫౧ ॥
జటాయుమోక్షదాతా చ కబన్ధగతిదాయకః ।
హనూమత్సుగ్రీవసఖా బాలిజీవవినాశకః ॥ ౫౨ ॥
లీలానిర్మితసేతుశ్చ విభీషణనమస్కృతః ।
దశాస్యజీవసంహర్తా భూమిభారవినాశకః ॥ ౫౩ ॥
ధర్మజ్ఞో ధర్మనిరతో ధర్మాధర్మవివేచకః ।
ధర్మమూర్తిస్సత్యసన్ధః పితృసత్యపరాయణః ॥ ౫౪ ॥
మర్యాదాపురుషో రామః రమణీయగుణామ్బుధిః ।
రోహిణీతనయో రామః బలరామో బలోద్ధతః ॥ ౫౫ ॥
కృష్ణజ్యేష్ఠో గదాహస్తః హలీ చ ముసలాయుధః ।
సదామదో మహావీరః రుక్మిసూతనికృన్తనః ॥ ౫౬ ॥
కాళిన్దీదర్పశమనః కాలకాలసమః సుధీః । var కాళీయదర్పశమనః
ఆదిశేషో మహాకాయః సర్వలోకధురన్ధరః ॥ ౫౭ ॥
శుద్ధస్ఫటికసఙ్కాశో నీలవాసో నిరామయః ।
వాసుదేవో జగన్నాథః దేవకీసూనురచ్యుతః ॥ ౫౮ ॥
ధర్మసంస్థాపకో విష్ణురధర్మిగణనాశకః ।
కాత్యాయనీసహజనీ నన్దగోపగృహే భృతః ॥ ౫౯ ॥
కంసప్రేరితపైశాచబాధాసఙ్ఘవినాశకః ।
గోపాలో గోవత్సపాలః బాలక్రీడావిలాసితః ॥ ౬౦ ॥
క్షీరచోరో దధిచోరః గోపీహృదయచోరకః ।
ఘనశ్యామో మాయూరపిఞ్ఛాభూషితశీర్షకః ॥ ౬౧ ॥
గోధూళీమలినాకారో గోలోకపతిః శాశ్వతః ।
గర్గర్షికృతసంస్కారః కృష్ణనామప్రకీర్తితః ॥ ౬౨ ॥
ఆనన్దరూపః శ్రీకృష్ణః పాపనాశకరః కృష్ణః ।
శ్యామవర్ణతనుః కృష్ణః శత్రుసంహారకః కృష్ణః ॥ ౬౩ ॥
లోకసఙ్కర్షకః కృష్ణః సుఖసన్దాయకః కృష్ణః ।
బాలలీలాప్రముదితః గోపస్త్రీభాగ్యరూపకః ॥ ౬౪ ॥
దధిజప్రియః సర్ప్యశ్నీ దుగ్ధభక్షణతత్పరః ।
వృన్దావనవిహారీ చ కాళిన్దీక్రీడనోత్సుకః ॥ ౬౫ ॥
గవలమురళీవేత్రః పశువత్సానుపాలకః ।
అఘాసురప్రాణహారీ బ్రహ్మగర్వవినాశకః ॥ ౬౬ ॥
కాళియమదమర్దకః పరిపీతదవానలః ।
దురితవనదాహకః ప్రలమ్బాసురనాశకః ॥ ౬౭ ॥
కామినీజనమోహనః కామతాపవినాశకః ।
ఇన్ద్రయాగనిరోధకః గోవర్ధనాద్రిపూజకః ॥ ౬౮ ॥
ఇన్ద్రదర్పవిపాటకః గోవర్ధనో గిరిధరః ।
సురభిదుగ్ధాభిషిక్తో గోవిన్దేతి ప్రకీర్తితః ॥ ౬౯ ॥
వరుణార్చితపాదాబ్జః సంసారామ్బుధితారకః ।
రాసలీలావిలాసితః శృఙ్గారైకరసాలయః ॥ ౭౦ ॥
మురళీగానమాధుర్యమత్తగోపీజనావృతః ।
రాధామానసతోషకః సర్వలోకసన్తోషకః ॥ ౭౧ ॥
గోపికాగర్వశమనః విరహక్లేశనాశకః ।
సుదర్శనచక్రధరః శాపముక్తసుదర్శనః ॥ ౭౨ ॥
శఙ్ఖచూడకృతాన్తశ్చ అరిష్టాసురమర్దకః ।
శూరవంశకులోద్భూతః కేశవః కేశిసూదనః ॥ ౭౩ ॥
వ్యోమాసురనిహన్తా చ వ్యోమచారప్రణమితః ।
దుష్టకంసవధోద్యుక్తః మథురాపురిమాప్తవాన్ ॥ ౭౪ ॥
బలరామసహవర్తీ యాగచాపవిపాటకః ।
కువలయాపీడమర్దకః పిష్టచాణూరముష్టికః ॥ ౭౫ ॥
కంసప్రాణసమాహర్తా యదువంశవిమోచకః ।
జరాసన్ధపరాభూతః యవనేశ్వరదాహకః ॥ ౭౬ ॥
ద్వారకాపురనిర్మాతా ముచుకున్దగతిప్రదః ।
రుక్మిణీహారకో రుక్మివీర్యహన్తాఽపరాజితః ॥। ౭౭ ॥
పరిగృహీతస్యమన్తకః ధృతజామ్బవతీకరః ।
సత్యభామాపతిశ్చైవ శతధన్వానిహన్తకః ॥ ౭౮ ॥
కున్తీపుత్రగుణగ్రాహీ అర్జునప్రీతికారకః ।
నరకారిర్మురారిశ్చ బాణహస్తనికృన్తకః ॥ ౭౯ ॥
అపహృతపారిజాతః దేవేన్ద్రమదభఞ్జకః ।
నృగమోక్షదః పౌణ్డ్రకవాసుదేవగతిప్రదః ॥ ౮౦ ॥
కాశిరాజశిరచ్ఛేత్తా భస్మీకృతసుదక్షిణః ।
జరాసన్ధమృత్యుకారీ శిశుపాలగతిప్రదః ॥ ౮౧ ॥
సాల్వప్రాణాపహారీ చ దన్తవక్త్రాభిఘాతకః ।
యుధిష్ఠిరోపదేష్టా చ భీమసేనప్రియఙ్కరః ॥ ౮౨ ॥
అర్జునాభిన్నమూర్తిశ్చ మాద్రీపుత్రగురుస్తథా ।
ద్రౌపదీరక్షకశ్చైవ కున్తీవాత్సల్యభాజనః ॥ ౮౩ ॥
కౌరవక్రౌర్యసన్దష్టపాఞ్చాలీశోకనాశకః ।
కౌన్తేయదూతస్తేజస్వీ విశ్వరూప్రపదర్శకః ॥ ౮౪ ॥
నిరాయుధో నిరాతఙ్కో జిష్ణుసూతో జనార్దనః ।
గీతోపదేష్టా లోకేశః దుఃఖమౌఢ్యనివారకః ॥ ౮౫ ॥
భీష్మద్రోణద్రౌణికర్ణాద్యగ్నిజ్వాలాప్రశామకః ।
కుచేలపత్నీదారిద్ర్యదుఃఖబాధావిమోచకః ॥ ౮౬ ॥
అజః కాలవిధాతా చ ఆర్తిఘ్నః సర్వకామదః ।
అనలో అవ్యయో వ్యాసః అరుణానుజవాహనః ॥ ౮౭ ॥
అఖిలః ప్రాణదః ప్రాణః అనిలాత్మజసేవితః ।
ఆదిభూత అనాద్యన్తః క్షాన్తిక్లాన్తివివర్జితః ॥ ౮౮ ॥
ఆదితేయో వికుణ్ఠాత్మా వైకుణ్ఠో విష్టరశ్రవాః ।
ఇజ్యః సుదర్శనో ఈడ్యః ఇన్ద్రియాణామగోచరః ॥ ౮౯ ॥
ఉత్తమః సత్తమో ఉగ్ర ఉదానః ప్రాణరూపకః ।
వ్యానాపానో సమానశ్చ జీవమృత్యువిభాజకః ॥ ౯౦ ॥
ఊర్ధ్వగో ఊహితో ఊహ్యః ఊహాతీతప్రభావవాన్ ।
ఋతమ్భరో ఋతుధరః సప్తర్షిగణసేవితః ॥ ౯౧ ॥
ఋషిగమ్యో ఋభురృద్ధిః సనకాదిమునిస్తుతః ।
ఏకనాథో ఏకమూర్తిరీతిబాధావినాశకః ॥ ౯౨ ॥
ఐన్ధనో ఏషణీయశ్చ అనుల్లఙ్ఘితశాసనః ।
ఓజస్కరో ఓషధీశో ఓడ్రమాలావిభూషితః ॥ ౯౩ ॥
ఔషధః సర్వతాపానాం సమానాధిక్యవర్జితః ।
కాలభృత్కాలదోషఘ్నః కార్యజ్ఞః కర్మకారకః ॥ ౯౪ ॥
ఖడ్గీ ఖణ్డకః ఖద్యోతః ఖలీ ఖాణ్డవదాహకః ।
గదాగ్రజో గదాపాణీ గమ్భీరో గర్వనాశకః ॥ ౯౫ ॥
ఘనవర్ణో ఘర్మభానుః ఘటజన్మనమస్కృతః ।
చిన్తాతీతః చిదానన్దః విశ్వభ్రమణకారకః ॥ ౯౬ ॥
ఛన్దకః ఛన్దనః ఛన్నః ఛాయాకారకః దీప్తిమాన్ ।
జయో జయన్తో విజయో జ్ఞాపకః జ్ఞానవిగ్రహః ॥ ౯౭ ॥
ఝర్ఝరాపన్నివారకః ఝణజ్ఝణితనూపురః ।
టఙ్కటీకప్రణమితః ఠక్కురో దమ్భనాశకః ॥ ౯౮ ॥
తత్త్వాతీతస్తత్త్వమూర్తిః తత్త్వచిన్తాప్రచోదకః ।
దక్షో దాతా దయామూర్తిః దాశార్హో దీర్ఘలోచనః ॥ ౯౯ ॥
పరాజిష్ణుః పరన్ధామః పరానన్దసుఖ్రపదః ।
ఫాలనేత్రః ఫణిశాయీ పుణ్యాపుణ్యఫలప్రదః ॥ ౧౦౦ ॥
బన్ధహీనో లోకబన్ధుః బాలకృష్ణః సతాఙ్గతిః ।
భవ్యరాశిర్భిషగ్వర్యః భాసురః భూమిపాలకః ॥ ౧౦౧ ॥
మధువైరిః కైటభారిర్మన్త్రజ్ఞో మన్త్రదర్శకః ।
యతివర్యో యజమానః యక్షకర్దమభూషితః ॥ ౧౦౨ ॥
రఙ్గనాథో రఘువరః రసజ్ఞో రిపుకర్శనః ।
లక్ష్యో లక్ష్యజ్ఞో లక్ష్మీకః లక్ష్మీభూమినిషేవితః ॥ ౧౦౩ ॥
వర్షిష్ఠో వర్ధమానశ్చ కరుణామృతవర్షకః ।
విశ్వో వృద్ధో వృత్తిహీనః విశ్వజిద్విశ్వపావనః ॥ ౧౦౪ ॥
శాస్తా శంసితః శంస్తవ్యః వేదశాస్త్రవిభావితః ।
షడభిజ్ఞః షడాధారపద్మకేన్ద్రనివాసకః ॥ ౧౦౫ ॥
సగుణో నిర్గుణః సాక్షీ సర్వజిత్సాక్షివర్జితః ।
సౌమ్యః క్రూరః శాన్తమూర్తిః క్షుబ్ధః క్షోభవినాశకః ॥ ౧౦౬ ॥
హర్షకః హవ్యభుక్ హవ్యః హితాహితవిభావకః ।
వ్యోమ వ్యాపనశీలశ్చ సర్వవ్యాపిర్మహేశ్వరః ॥ ౧౦౭ ॥
నారాయణో నారశాయీ నరాయణో నరసఖః ।
నన్దకీ చక్రపాణిశ్చ పాఞ్చజన్యప్రఘోషకః ॥ ౧౦౮ ॥
కుమోదకః పద్మహస్తః విశ్వరూపో విధిస్తుతః ।
ఆదిశేషోఽప్రమేయశ్చ అనన్తః జ్ఞానవిగ్రహః ॥ ౧౦౯ ॥
భక్తిగమ్యః పరన్ధామః పరమో భక్తవత్సలః ।
పరఞ్జ్యోతిః పరబ్రహ్మ పరమేష్ఠిః పరాత్పరః ॥ ౧౧౦ ॥
విశ్వాధారో నిరాధారః సదాచారప్రచారకః ।
మహాయోగీ మహావీరో మహారూపో మహాబలః ॥ ౧౧౧ ॥
మహాభోగీ హవిర్భోక్తా మహాయాగఫలప్రదః ।
మహాసత్త్వో మహాశక్తిః మహాయోద్ధా మహాప్రభుః ॥ ౧౧౨ ॥
మహామోహో మహాకోపః మహాపాతకనాశకః ।
శాన్తః శాన్తిప్రదః శూరః శరణాగతపాలకః ॥ ౧౧౩ ॥
పద్మపాదః పద్మగర్భః పద్మపత్రనిభేక్షణః ।
లోకేశః శర్వః కామేశః కామకోటిసమప్రభః ॥ ౧౧౪ ॥
మహాతేజా మహాబ్రహ్మా మహాజ్ఞానో మహాతపాః ।
నీలమేఘనిభః శ్యామః శుభాఙ్గః శుభకారకః ॥ ౧౧౫ ॥
కమనః కమలాకాన్తః కామితార్త్థప్రదాయకః ।
యోగిగమ్యో యోగరూపో యోగీ యోగేశ్వరేశ్వరః ॥ ౧౧౬ ॥
భవో భయకరో భానుః భాస్కరో భవనాశకః ।
కిరిటీ కుణ్డలీ చక్రీ చతుర్బాహుసమన్వితః ॥ ౧౧౭ ॥
జగత్ప్రభుర్దేవదేవః పవిత్రః పురుషోత్తమః ।
అణిమాద్యష్టసిద్ధీశః సిద్ధః సిద్ధగణేశ్వరః ॥ ౧౧౮ ॥
దేవో దేవగణాధ్యక్షో వాసవో వసురక్షకః ।
ఓఙ్కారః ప్రణవః ప్రాణః ప్రధానః ప్రక్రమః క్రతుః ॥ ౧౧౯ ॥
నన్దిర్నాన్దిదో నాభ్యశ్చ నన్దగోపతపఃఫలః ।
మోహనో మోహహన్తా చ మైత్రేయో మేఘవాహనః ॥ ౧౨౦ ॥
భద్రో భద్రఙ్కరో భానుః పుణ్యశ్రవణకీర్తనః ।
గదాధరో గదధ్వంసీ గమ్భీరో గానలోలుపః ॥ ౧౨౧ ॥
తేజసస్తేజసాం రాశిః త్రిదశస్త్రిదశార్చితః ।
వాసుదేవో వసుభద్రో వదాన్యో వల్గుదర్శనః ॥ ౧౨౨ ॥
దేవకీనన్దనః స్రగ్వీ సీమాతీతవిభూతిమాన్ ।
వాసవో వాసరాధీశః గురువాయుపురేశ్వరః ॥ ౧౨౩ ॥
యమో యశస్వీ యుక్తశ్చ యోగనిద్రాపరాయణః ।
సూర్యః సురార్యమార్కశ్చ సర్వసన్తాపనాశకః ॥ ౧౨౪ ॥
శాన్తతేజో మహారౌద్రః సౌమ్యరూపోఽభయఙ్కరః ।
భాస్వాన్ వివస్వాన్ సప్తాశ్వః అన్ధకారవిపాటకః ॥ ౧౨౫ ॥
తపనః సవితా హంసః చిన్తామణిరహర్పతిః ।
అరుణో మిహిరో మిత్రః నీహారక్లేదనాశకః ॥ ౧౨౬ ॥
ఆదిత్యో హరిదశ్వశ్చ మోహలోభవినాశకః ।
కాన్తః కాన్తిమతాం కాన్తిః ఛాయానాథో దివాకరః ॥ ౧౨౭ ॥
స్థావరజఙ్గమగురుః ఖద్యోతో లోకబాన్ధవః ।
కర్మసాక్షీ జగచ్చక్షుః కాలరూపః కృపానిధిః ॥ ౧౨౮ ॥
సత్త్వమూర్తిస్తత్త్వమయః సత్యరూపో దివస్పతిః ।
శుభ్రాంశుశ్చన్ద్రమా చన్ద్రః ఓషధీశో నిశాపతిః ॥ ౧౨౯ ॥
మృగాఙ్కో మాః క్షపానాథః నక్షత్రేశః కలానిధిః ।
అఙ్గారకో లోహితాంశుః కుజో భౌమో మహీసుతః ॥ ౧౩౦ ॥
రౌహిణేయో బుధః సౌమ్యః సర్వవిద్యావిధాయకః ।
వాచస్పతిర్గురుర్జీవః సురాచార్యో బృహస్పతిః ॥ ౧౩౧ ॥
ఉశనా భార్గవః కావ్యః కవిః శుక్రోఽసురగురుః ।
సూర్యపుత్రో శనిర్మన్దః సర్వభక్షః శనైశ్చరః ॥ ౧౩౨ ॥
విధున్తుదః తమో రాహుః శిఖీ కేతుర్విరామదః ।
నవగ్రహస్వరూపశ్చ గ్రహకోపనివారకః ॥ ౧౩౩ ॥
దశానాథః ప్రీతికరః మాపకో మఙ్గలప్రదః ।
ద్విహస్తశ్చ మహాబాహుః కోటికోటిభుజైర్యుతః ॥ ౧౩౪ ॥
ఏకముఖో బహుముఖః బహుసాహ్రసనేత్రవాన్ ।
బన్ధకారీ బన్ధహీనః సంసారీ బన్ధమోచకః ॥ ౧౩౫ ॥
మమతారూపోఽహమ్బుద్ధిః కృతజ్ఞః కామమోహితః ।
నానామూర్తిధరః శక్తిః భిన్నదేవస్వరూపధృక్ ॥ ౧౩౬ ॥
సర్వభూతహరః స్థాణుః శర్వో భీమః సదాశివః ।
పశుపతిః పాశహీనః జటీ చర్మీ పినాకవాన్ ॥ ౧౩౭ ॥
వినాయకో లమ్బోదరః హేరమ్బో విఘ్ననాశకః ।
ఏకదన్తో మహాకాయః సిద్ధిబుద్ధిప్రదాయకః ॥ ౧౩౮ ॥
గుహః స్కన్దో మహాసేనః విశాఖః శిఖివాహనః ।
షడాననో బాహులేయః కుమారః క్రౌఞ్చభఞ్జకః ॥ ౧౩౯ ॥
ఆఖణ్డలో సహస్రాక్షః వలారాతిశ్శచీపతిః ।
సుత్రామా గోత్రభిద్వజ్రీ ఋభుక్షా వృత్రహా వృషా ॥ ౧౪౦ ॥
బ్రహ్మా ప్రజాపతిర్ధాతా పద్మయోనిః పితామహః ।
సృష్టికర్తా సురజ్యేష్ఠః విధాతా విశ్వసృట్ విధిః ॥ ౧౪౧ ॥
ప్రద్యుమ్నో మదనో కామః పుష్పబాణో మనోభవః ।
లక్ష్మీపుత్రో మీనకేతురనఙ్గః పఞ్చశరః స్మరః ॥ ౧౪౨ ॥
కృష్ణపుత్రో శర్వజేతా ఇక్షుచాపో రతిప్రియః ।
శమ్బరఘ్నో విశ్వజిష్ణుర్విశ్వభ్రమణకారకః ॥ ౧౪౩ ॥
బర్హిః శుష్మా వాయుసఖః ఆశ్రయాశో విభావసుః ।
జ్వాలామాలీ కృష్ణవర్త్మా హుతభుక్ దహనః శుచీ ॥ ౧౪౪ ॥
అనిలః పవనో వాయుః పృషదశ్వః ప్రభఞ్జనః ।
వాతః ప్రాణో జగత్ప్రాణః గన్ధవాహః సదాగతిః ॥ ౧౪౫ ॥
పాశాయుధో నదీకాన్తః వరుణో యాదసామ్పతిః ।
రాజరాజో యక్షరాజః పౌలస్త్యో నరవాహనః ॥ ౧౪౬ ॥
నిధీశః త్ర్యమ్బకసఖః ఏకపిఙ్గో ధనేశ్వరః ।
దేవేశో జగదాధారః ఆదిదేవః పరాత్పరః ॥ ౧౪౭ ॥
మహాత్మా పరమాత్మా చ పరమానన్దదాయకః ।
ధరాపతిః స్వర్పతిశ్చ విద్యానాథో జగత్పితా ॥ ౧౪౮ ॥
పద్మహస్తః పద్మమాలీ పద్మశోభిపదద్వయః ।
మధువైరిః కైటభారిః వేదధృక్ వేదపాలకః ॥ ౧౪౯ ॥
చణ్డముణ్డశిరచ్ఛేత్తా మహిషాసురమర్దకః ।
మహాకాళీరూపధరః చాముణ్డీరూపధారకః ॥ ౧౫౦ ॥
నిశుమ్భశుమ్భసంహర్తా రక్తబీజాసుహారకః ।
భణ్డాసురనిషూదకో లళితావేషధారకః ॥ ౧౫౧ ॥
ఋషభో నాభిపుత్రశ్చ ఇన్ద్రదౌష్ట్యప్రశామకః ।
అవ్యక్తో వ్యక్తరూపశ్చ నాశహీనో వినాశకృత్ ॥ ౧౫౨ ॥
కర్మాధ్యక్షో గుణాధ్యక్షః భూతగ్రామవిసర్జకః ।
క్రతుర్యజ్ఞః హుతో మన్త్రః పితా మాతా పితామహః ॥ ౧౫౩ ॥
వేద్యో వేదో గతిర్భర్తా సాక్షీ కారక వేదవిద్ ।
భోక్తా భోజ్యః భుక్తికర్మ భోజ్యాభోజ్యవివేచకః ॥ ౧౫౪ ॥
సదాచారో దురాచారః శుభాశుభఫలప్రదః ।
నిత్యోఽనిత్యః స్థిరశ్చలః దృశ్యాదృశ్యః శ్రుతాశ్రుతః ॥ ౧౫౫ ॥
ఆదిమధ్యాన్తహీనశ్చ దేహీ దేహో గుణాశ్రయః ।
జ్ఞానః జ్ఞేయః పరిజ్ఞాతా ధ్యానః ధ్యాతా పరిధ్యేయః ॥ ౧౫౬ ॥
అవిభక్తో విభక్తశ్చ పృథగ్రూపో గుణాశ్రితః ।
ప్రవృత్తిశ్చ నివృత్తిశ్చ ప్రకృతిర్వికృతిరూపధృక్ ॥ ౧౫౭ ॥
బన్ధనో బన్ధకర్తా చ సర్వబన్ధవిపాటకః ।
పూజితః పూజకశ్చైవ పూజాకర్మవిధాయకః ॥ ౧౫౮ ॥
వైకుణ్ఠవాసః స్వర్వాసః వికుణ్ఠహృదయాలయః ।
బ్రహ్మబీజో విశ్వబిన్దుర్జడజీవవిభాజకః ॥। ౧౫౯ ॥
పిణ్డాణ్డస్థః పరన్ధామః శబ్దబ్రహ్మస్వరూపకః ।
ఆధారషట్కనిలయః జీవవ్యాపృతిచోదకః ॥ ౧౬౦ ॥
అనన్తరూపో జీవాత్మా తిగ్మతేజాః స్వయమ్భవః ॥
అనాద్యన్తః కాలరూపః గురువాయూపురేశ్వరః ॥ ౧౬౧ ॥
గూరుర్గురుతమో గమ్యో గన్ధర్వగణవన్దితః ।
రుక్మిణీవల్లభః శౌరిర్బలరామసహోదరః ॥ ౧౬౨ ॥
పరమః పరమోదారః పన్నగాశనవాహనః ।
వనమాలీ వర్ధమానః వల్లవీవల్లభో వశీ ॥ ౧౬౩ ॥
నన్దసూనుర్నిత్యతృప్తః నష్టలాభవివర్జితః ।
పురన్దరః పుష్కరాక్షః యోగిహృత్కమలాలయః ॥ ౧౬౪ ॥
రేణుకాతనయో రామః కార్తవీర్యకులాన్తకః ।
శరణ్యః శరణః శాన్తః శాశ్వతః స్వస్తిదాయకః ॥ ౧౬౫ ॥
రోగఘ్నః సర్వపాపఘ్నః కర్మదోషభయాపహః ।
గభస్తిమాలీ గర్వఘ్నో గర్గశిష్యో గవప్రియః ॥ ౧౬౬ ॥
తాపసో తాపశమనః తాణ్డవప్రియనన్దితః ।
పఙ్క్తిస్యన్దనపుత్రశ్చ కౌసల్యానన్దవర్ధనః ॥ ౧౬౭ ॥
ప్రథితః ప్రగ్రహః ప్రాజ్ఞః ప్రతిబన్ధనివారకః ।
శత్రుఞ్జయో శత్రుహీనః శరభఙ్గగతిప్రదః ॥ ౧౬౮ ॥
మఙ్గలో మఙ్గలాకాన్తః సర్వమఙ్గలమఙ్గలః ।
యజ్ఞమూర్తిర్విశ్వమూర్తిరాయురారోగ్యసౌఖ్యదః ॥ ౧౬౯ ॥
యోగీన్ద్రాణాం త్వదఙ్గేష్వధికసుమధురం ముక్తిభాజాం నివాసో
భక్తానాం కామవర్షద్యుతరుకిసలయం నాథ తే పాదములమ్ ।
నిత్యం చిత్తస్థితం మే పవనపురపతే ! కృష్ణ ! కారుణ్యసిన్ధో !
హృత్వా నిశ్శేషపాపాన్ ప్రదిశతు పరమానన్దసన్దోహలక్ష్మీమ్ ॥
ఇతి గురువాయురప్పన్ సహస్రనామస్తోత్రం సమాప్తమ్ ।