॥ Hakini Sahasranamastotram Odia Lyrics ॥
॥ ହାକିନୀସହସ୍ରନାମସ୍ତୋତ୍ର ॥
ଶ୍ରୀଗଣେଶାୟ ନମଃ ।
ଶ୍ରୀ ଆନନ୍ଦଭୈରଵ ଉଵାଚ ।
ଆନନ୍ଦାର୍ଣଵମଧ୍ୟଭାଵଘଟିତଶ୍ରୌତପ୍ରଵାହୋଜ୍ଜ୍ଵଲେ
କାନ୍ତେ ଦତ୍ତସୁଶାନ୍ତିଦେ ୟମଦମାହ୍ଲାଦୈକଶକ୍ତିପ୍ରଭେ ।
ସ୍ନେହାନନ୍ଦକଟାକ୍ଷଦିଵ୍ୟକୃପୟା ଶୀଘ୍ରଂ ଵଦସ୍ଵାଦ୍ଭୁତଂ
ହାକିନ୍ୟାଃ ଶୁଭନାମ ସୁନ୍ଦରସହସ୍ରାଷ୍ଟୋତ୍ତରଂ ଶ୍ରୀଗୁରୋଃ ॥ ୧ ॥
ଶ୍ରୀ ଆନନ୍ଦଭୈରଵୀ ଉଵାଚ
ସାକ୍ଷାତ୍ତେ କଥୟାମି ନାଥ ସକଲଂ ପୁଣ୍ୟଂ ପଵିତ୍ରଂ ଗୁରୋ
ନାମ୍ନାଂ ଶକ୍ତିସହସ୍ରନାମ ଭାଵିକଂ ଜ୍ଞାନାଦି ଚାଷ୍ଟୋତ୍ତରମ୍ ।
ୟୋଗୀନ୍ଦ୍ରୈର୍ଜୟକାଙ୍କ୍ଷିଭିଃ ପ୍ରିୟକଲାପ୍ରେମାଭିଲାଷାଚୀତୈଃ
ସେଵ୍ୟଂ ପାଠ୍ୟମତୀଵ ଗୋପ୍ୟମଖିଲେ ଶୀଘ୍ରଂ ପଠସ୍ଵ ପ୍ରଭୋ ॥ ୨ ॥
ଅସ୍ୟ ଶ୍ରୀପରନାଥମହାଶକ୍ତିହାକିନୀପରମେଶ୍ଵରୀଦେଵ୍ୟଷ୍ଟୋତ୍ତରସହସ୍ରନାମ୍ନଃ
ସ୍ତୋତ୍ରସ୍ୟ ସଦାଶିଵ ଋଷିଃ, ଗାୟତ୍ରୀଚ୍ଛନ୍ଦଃ,
ଶ୍ରୀପରମେଶ୍ଵରୀହାକିନୀମହାଶକ୍ତିର୍ଦେଵତା, କ୍ଲୀଂ ବୀଜଂ, ସ୍ଵାହା ଶକ୍ତିଃ,
ସିଦ୍ଧଲକ୍ଷ୍ମୀମୂଲକୀଲକଂ, ଦେହାନ୍ତର୍ଗତ ମହାକାୟଜ୍ଞାନସିଦ୍ଧ୍ୟର୍ଥେ ଜପେ ଵିନିୟୋଗଃ ।
ଓଂ ହାକିନୀ ଵସୁଧା ଲକ୍ଷ୍ମୀ ପରମାତ୍ମକଲା ପରା ।
ପରପ୍ରିୟା ପରାତୀତା ପରମା ପରମପ୍ରିୟା ॥ ୩ ॥
ପରେଶ୍ଵରୀ ପରପ୍ରେମା ପରବ୍ରହ୍ମସ୍ଵରୂପିଣୀ ।
ପରନ୍ତପା ପରାନନ୍ଦା ପରନାଥନିସେଵିନୀ ॥ ୪ ॥
ପରାକାଶସ୍ଥିତା ପାରା ପାରାପାରନିରୂପିଣୀ ।
ପରାକାଙ୍କ୍ଷ୍ୟା ପରାଶକ୍ତିଃ ପୁରାତନତନୁଃ ପ୍ରଭା ॥ ୫ ॥
ପଞ୍ଚାନନପ୍ରିୟା ପୂର୍ଵା ପରଦାରା ପରାଦରା ।
ପରଦେଶଗତା ନାଥା ପରମାହ୍ଲାଦଵର୍ଧିନୀ ॥ ୬ ॥
ପାର୍ଵତୀ ପରକୁଲାଖ୍ୟା ପରାଞ୍ଜନସୁଲୋଚନା ।
ପରଂବ୍ରହ୍ମପ୍ରିୟା ମାୟା ପରଂବ୍ରହ୍ମପ୍ରକାଶିନୀ ॥ ୭ ॥
ପରଂବ୍ରହ୍ମଜ୍ଞାନଗମ୍ୟା ପରଂବ୍ରହ୍ମେଶ୍ଵରପ୍ରିମୟା ।
ପୂର୍ଵାତୀତା ପରାତୀତା ଅପାରମହିମସ୍ଥିତା ॥ ୮ ॥
ଅପାରସାଗରୋଦ୍ଧାରା ଅପାରଦୁସ୍ତରୋଦ୍ଧରା ।
ପରାନଲଶିଖାକାରା ପରଭ୍ରୂମଧ୍ୟଵାସିନୀ ॥ ୯ ॥
ପରଶ୍ରେଷ୍ଠା ପରକ୍ଷେତ୍ରଵାସିନୀ ପରମାଲିନୀ ।
ପର୍ଵତେଶ୍ଵରକନ୍ୟା ଚ ପରାଗ୍ନିକୋଟିସମ୍ଭଵା ॥ ୧୦ ॥
ପରଚ୍ଛାୟା ପରଚ୍ଛତ୍ରା ପରଚ୍ଛିଦ୍ରଵିନିର୍ଗତା ।
ପରଦେଵଗତିଃ ପ୍ରେମା ପଞ୍ଚଚୂଡାମଣିପ୍ରଭା ॥ ୧୧ ॥
ପଞ୍ଚମୀ ପଶୁନାଥେଶୀ ତ୍ରିପଞ୍ଚା ପଞ୍ଚସୁନ୍ଦରୀ ।
ପାରିଜାତଵନସ୍ଥା ଚ ପାରିଜାତସ୍ରଜପ୍ରିୟା ॥ ୧୨ ॥
ପରାପରଵିଭେଦା ଚ ପରଲୋକଵିମୁକ୍ତିଦା ।
ପରତାପାନଲାକାରା ପରସ୍ତ୍ରୀ ପରଜାପିନୀ ॥ ୧୩ ॥
ପରାସ୍ତ୍ରଧାରିଣୀ ପୂରଵାସିନୀ ପରମେଶ୍ଵରୀ ।
ପ୍ରେମୋଲ୍ଲାସକରୀ ପ୍ରେମସନ୍ତାନଭକ୍ତିଦାୟିନୀ ॥ ୧୪ ॥
ପରଶବ୍ଦପ୍ରିୟା ପୌରା ପରାମର୍ଷଣକାରିଣୀ ।
ପ୍ରସନ୍ନା ପରୟନ୍ତ୍ରସ୍ଥା ପ୍ରସନ୍ନା ପଦ୍ମମାଲିନୀ ॥ ୧୫ ॥
ପ୍ରିୟଂଵଦା ପରତ୍ରାପ୍ତା ପରଧାନ୍ୟାର୍ଥଵର୍ଧିନୀ ।
ପରଭୂମିରତା ପୀତା ପରକାତରପୂଜିତା ॥ ୧୬॥
ପରାସ୍ୟଵାକ୍ୟଵିନତା ପୁରୁଷସ୍ଥା ପୁରଞ୍ଜନା ।
ପ୍ରୌଢା ମେୟହରା ପ୍ରୀତିଵର୍ଧିନୀ ପ୍ରିୟଵର୍ଧିନୀ ॥ ୧୭ ॥
ପ୍ରପଞ୍ଚଦୁଃଖହନ୍ତ୍ରୀ ଚ ପ୍ରପଞ୍ଚସାରନିର୍ଗତା ।
ପୁରାଣନିର୍ଗତା ପୀନା ପୀନସ୍ତନଭଵୋଜ୍ଜ୍ଵଲା ॥ ୧୮ ॥
ପଟ୍ଟଵସ୍ତ୍ରପରୀଧାନା ପଟ୍ଟସୂତ୍ରପ୍ରଚାଲିନୀ ।
ପରଦ୍ରଵ୍ୟପ୍ରଦା ପ୍ରୀତା ପରଶ୍ରଦ୍ଧା ପରାନ୍ତରା ॥ ୧୯ ॥
ପାଵନୀୟା ପରକ୍ଷୁବ୍ଧା ପରସାରଵିନାଶିନୀ ।
ପରମେଵ ନିଗୂଢାର୍ଥତତ୍ତ୍ଵଚିନ୍ତାପ୍ରକାଶିନୀ ॥ ୨୦ ॥
ପ୍ରଚୁରାର୍ଥପ୍ରଦା ପୃଥ୍ଵୀ ପଦ୍ମପତ୍ରଦ୍ଵୟସ୍ଥିତା ।
ପ୍ରସନ୍ନହୃଦୟାନନ୍ଦା ପ୍ରସନ୍ନାସନସଂସ୍ଥିତା ॥ ୨୧ ॥
ପ୍ରସନ୍ନରତ୍ନମାଲାଢ୍ୟା ପ୍ରସନ୍ନଵନମାଲିନୀ ।
ପ୍ରସନ୍ନକରୁଣାନନ୍ଦା ପ୍ରସନ୍ନହୃଦୟସ୍ଥିତା ॥ ୨୨ ॥
ପରାଭାସରତା ପୂର୍ଵପଶ୍ଚିମୋତ୍ତରଦକ୍ଷିଣା ।
ପଵନସ୍ଥା ପାନରତା ପଵନାଧାରଵିଗ୍ରହା ॥ ୨୩ ॥
ପ୍ରଭୁପ୍ରିୟା ପ୍ରଭୁରତା ପ୍ରଭୁଭକ୍ତିପ୍ରଦାୟିନୀ ।
ପରତୃଷ୍ଣାଵର୍ଧିନୀ ଚ ପ୍ରଚୟା ପରଜନ୍ମଦା ॥ ୨୪ ॥
ପରଜନ୍ମନିରସ୍ତା ଚ ପରସଞ୍ଚାରକାରିଣୀ ।
ପରଜାତା ପାରିଜାତା ପଵିତ୍ରା ପୁଣ୍ୟଵର୍ଧିନୀ ॥ ୨୫ ॥
ପାପହର୍ତ୍ରୀ ପାପକୋଟିନାଶିନୀ ପରମୋକ୍ଷଦା ।
ପରମାଣୁରତା ସୂକ୍ଷ୍ମା ପରମାଣୁଵିଭଞ୍ଜିନୀ ॥ ୨୬ ॥
ପରମାଣୁସ୍ଥୂଲକରୀ ପରାତ୍ପରତରା ପଥା ।
ପୂଷଣଃ ପ୍ରିୟକର୍ତ୍ରୀ ଚ ପୂଷଣା ପୋଷଣତ୍ରୟା ॥ ୨୭ ॥
ଭୂପପାଲା ପାଶହସ୍ତା ପ୍ରଚଣ୍ଡା ପ୍ରାଣରକ୍ଷିଣୀ ।
ପୟଃଶିଲାଽପୂପଭକ୍ଷା ପୀୟୂଷପାନତତ୍ପରା ॥ ୨୮ ॥
ପୀୟୂଷତୃପ୍ତଦେହା ଚ ପୀୟୂଷମଥନକ୍ରିୟା ।
ପୀୟୂଷସାଗରୋଦ୍ଭୂତା ପୀୟୂଷସ୍ନିଗ୍ଧଦୋହିନୀ ॥ ୨୯ ॥
ପୀୟୂଷନିର୍ମଲାକାରା ପୀୟୂଷଘନଵିଗ୍ରହା ।
ପ୍ରାଣାପାନସମାନାଦିପଵନସ୍ତମ୍ଭନପ୍ରିୟା ॥ ୩୦ ॥
ପଵନାଂଶପ୍ରଭାକାରା ପ୍ରେମୋଦ୍ଗତସ୍ଵଭକ୍ତିଦା ।
ପାଷାଣତନୁସଂସ୍ଥା ଚ ପାଷାଣଚିତ୍ତଵିଗ୍ରହା ॥ ୩୧ ॥
ପଶ୍ଚିମାନନ୍ଦନିରତା ପଶ୍ଚିମା ପଶ୍ଚିମପ୍ରିୟା ।
ପ୍ରଭାକାରତନୂଗ୍ରା ଚ ପ୍ରଭାକରମୁଖୀ ପ୍ରଭା ॥ ୩୨ ॥
ସୁପ୍ରଭା ପ୍ରାନ୍ତରସ୍ଥା ଚ ପ୍ରେୟତ୍ଵସାଧନପ୍ରିୟା ।
ଅସ୍ଥିତା ପାମସୀ ପୂର୍ଵନାଥପୂଜିତପାଦୁକା ॥ ୩୩ ॥
ପାଦୁକାମନ୍ତ୍ରସିଦ୍ଧା ଚ ପାଦୁକାମନ୍ତ୍ରଜାପିନୀ ।
ପାଦୁକାମଙ୍ଗଲସ୍ଥା ଚ ପାଦୁକାମ୍ଭୋଜରାଜିନୀ ॥ ୩୪ ॥
ପ୍ରଭାଭାରୁଣକୋଟିସ୍ଥା ପ୍ରଚଣ୍ଡସୂର୍ୟକୋଟିଗା ।
ପାଲୟନ୍ତୀ ତ୍ରିଲୋକାନାଂ ପରମା ପରହାକିନୀ ॥ ୩୫ ॥
ପରାଵରାନନା ପ୍ରଜ୍ଞା ପ୍ରାନ୍ତରାନ୍ତଃପ୍ରସିଦ୍ଧିଦା ।
ପାରିଜାତଵନୋନ୍ମାଦା ପରମୋନ୍ମାଦରାଗିଣୀ ॥ ୩୬ ॥
ପରମାହ୍ଲାଦମୋଦା ଚ ପରମାକାଶଵାହିନୀ ।
ପରମାକାଶଦେଵୀ ଚ ପ୍ରଥାତ୍ରିପୁରସୁନ୍ଦରୀ ॥ ୩୭ ॥
ପ୍ରତିକୂଲକରୀ ପ୍ରାଣାନୁକୂଲପରିକାରିଣୀ ।
ପ୍ରାଣରୁଦ୍ରେଶ୍ଵରପ୍ରୀତା ପ୍ରଚଣ୍ଡଗଣନାୟିକା ॥ ୩୮ ॥
ପୋଷ୍ଟ୍ରୀ ପୌତ୍ରାଦିରକ୍ଷତ୍ରୀ ପୁଣ୍ଡ୍ରକା ପଞ୍ଚଚାମରା ।
ପରୟୋଷା ପରପ୍ରାୟା ପରସନ୍ତାନରକ୍ଷକା ॥ ୩୯ ॥
ପରୟୋଗିରତା ପାଶପଶୁପାଶଵିମୋହିନୀ ।
ପଶୁପାଶପ୍ରଦା ପୂଜ୍ୟା ପ୍ରସାଦଗୁଣଦାୟିନୀ ॥ ୪୦ ॥
ପ୍ରହ୍ଲାଦସ୍ଥା ପ୍ରଫୁଲ୍ଲାବ୍ଜମୁଖୀ ପରମସୁନ୍ଦରୀ ।
ପରରାମା ପରାରାମା ପାର୍ଵଣୀ ପାର୍ଵଣପ୍ରିୟା ॥ ୪୧ ॥
ପ୍ରିୟଙ୍କରୀ ପୂର୍ଵମାତା ପାଲନାଖ୍ୟା ପରାସରା ।
ପରାଶରସୁଭାଗ୍ୟସ୍ଥା ପରକାନ୍ତିନିତମ୍ବିନୀ ॥ ୪୨ ॥
ପରଶ୍ମଶାନଗମ୍ୟା ଚ ପ୍ରିୟଚନ୍ଦ୍ରମୁଖୀପଲା ।
ପଲସାନକରୀ ପ୍ଲକ୍ଷା ପ୍ଲଵଙ୍ଗଗଣପୂଜିତା ॥ ୪୩ ॥
ପ୍ଲକ୍ଷସ୍ଥା ପଲ୍ଲଵସ୍ଥା ଚ ପଙ୍କେରୁହମୁଖୀ ପଟା ।
ପଟାକାରସ୍ଥିତା ପାଠ୍ୟା ପଵିତ୍ରଲୋକଦାୟିନୀ ॥ ୪୪ ॥
ପଵିତ୍ରମନ୍ତ୍ରଜାପ୍ୟସ୍ଥା ପଵିତ୍ରସ୍ଥାନଵାସିନୀ ।
ପଵିତ୍ରାଲଙ୍କୃତାଙ୍ଗୀ ଚ ପଵିତ୍ରଦେହଧାରିଣୀ ॥ ୪୫ ॥
ତ୍ରିପୁରା ପରମୈଶ୍ଵର୍ୟପୂଜିତା ସର୍ଵପୂଜିତା ।
ପଲାଲପ୍ରିୟହୃଦ୍ୟା ଚ ପଲାଲଚର୍ଵଣପ୍ରିୟା ॥ ୪୬ ॥
ପରଗୋଗଣଗୋପ୍ୟା ଚ ପ୍ରଭୁସ୍ତ୍ରୀରୌଦ୍ରତୈଜସୀ ।
ପ୍ରଫୁଲ୍ଲାମ୍ଭୋଜଵଦନା ପ୍ରଫୁଲ୍ଲପଦ୍ମମାଲିନୀ ॥ ୪୭ ॥
ପୁଷ୍ପପ୍ରିୟା ପୁଷ୍ପକୁଲା କୁଲପୁଷ୍ପପ୍ରିୟାକୁଲା ।
ପୁଷ୍ପସ୍ଥା ପୁଷ୍ପସଙ୍କାଶା ପୁଷ୍ପକୋମଲଵିଗ୍ରହା ॥ ୪୮ ॥
ପୌଷ୍ପୀ ପାନରତା ପୁଷ୍ପମଧୁପାନରତା ପ୍ରଚା ।
ପ୍ରତୀଚୀ ପ୍ରଚୟାହ୍ଲାଦୋ ପ୍ରାଚନାଖ୍ୟା ଚ ପ୍ରାଞ୍ଚିକା ॥ ୪୯ ॥
ପରୋଦରେ ଗୁଣାନନ୍ଦା ପରୌଦାର୍ୟଗୁଣପ୍ରିୟା ।
ପାରା କୋଟିଧ୍ଵନିରତା ପଦ୍ମସୂତ୍ରପ୍ରବୋଧିନୀ ॥ ୫୦ ॥
ପ୍ରିୟପ୍ରବୋଧନିରତା ପ୍ରଚଣ୍ଡନାଦମୋହିନୀ ।
ପୀଵରା ପୀଵରଗ୍ରନ୍ଥିପ୍ରଭେଦା ପ୍ରଲୟାପହା ॥ ୫୧ ॥
ପ୍ରଲୟା ପ୍ରଲୟାନନ୍ଦା ପ୍ରଲୟସ୍ଥା ପ୍ରୟୋଗିନୀ ।
ପ୍ରୟୋଗକୁଶଲା ପକ୍ଷା ପକ୍ଷଭେଦପ୍ରକାଶିନୀ ॥ ୫୨ ॥
ଏକପକ୍ଷା ଦ୍ଵିପକ୍ଷା ଚ ପଞ୍ଚପକ୍ଷପ୍ରସିଦ୍ଧିଦା ।
ପଲାଶକୁସୁମାନନ୍ଦା ପଲାଶପୁଷ୍ପମାଲିନୀ ॥ ୫୩ ॥
ପଲାଶପୁଷ୍ପହୋମସ୍ଥା ପଲାଶଚ୍ଛଦସଂସ୍ଥିତା ।
ପାତ୍ରପକ୍ଷା ପୀତଵସ୍ତ୍ରା ପୀତଵର୍ଣପ୍ରକାଶିନୀ ॥ ୫୪ ॥
ନିପୀତକାଲକୂଟୀ ଚ ପୀତସଂସାରସାଗରା ।
ପଦ୍ମପତ୍ରଜଲସ୍ଥା ଚ ପଦ୍ମପତ୍ରନିଵାସିନୀ ॥ ୫୫ ॥
ପଦ୍ମମାଲା ପାପହରା ପଟ୍ଟାମ୍ବରଧରା ପରା ।
ପରନିର୍ଵାଣଦାତ୍ରୀ ଚ ପରାଶା ପରଶାସନା ॥ ୫୬ ॥
ଅପ୍ରିୟଵିନିହନ୍ତ୍ରୀ ଚ ପରସଂସ୍କାରପାଲିନୀ ।
ପ୍ରତିଷ୍ଠା ପୂଜିତା ସିଦ୍ଧା ପ୍ରସିଦ୍ଧପ୍ରଭୁଵାଦିନୀ ॥ ୫୭ ॥
ପ୍ରୟାସସିଦ୍ଧିଦା କ୍ଷୁବ୍ଧା ପ୍ରପଞ୍ଚଗୁଣନାଶିନୀ ।
ପ୍ରଣିପତ୍ୟା ପ୍ରାଣିଶିଷ୍ୟା ପ୍ରତିଷ୍ଠିତତନୂପ୍ରିୟା ॥ ୫୮ ॥
ଅପ୍ରତିଷ୍ଠା ନିହନ୍ତ୍ରୀ ଚ ପାଦପଦ୍ମଦ୍ଵୟାନ୍ଵିତା ।
ପାଦାମ୍ବୁଜପ୍ରେମଭକ୍ତିପୂଜ୍ୟପ୍ରାଣପ୍ରଦାୟିନୀ ॥ ୫୯ ॥
ପୈଶାଚୀ ଚ ପ୍ରକ୍ଷପିତା ପିତୃଶ୍ରଦ୍ଧା ପିତାମହୀ ।
ପ୍ରପିତାମହପୂଜ୍ୟା ଚ ପିତୃଲୋକସ୍ଵଧାପରା ॥ ୬୦ ॥
ପୁନର୍ଭଵା ପୁନର୍ଜୀଵା ପୌନଃପୁନ୍ୟଗତିସ୍ଥିତା ।
ପ୍ରଧାନବଲିଭକ୍ଷାଦିସୁପ୍ରିୟା ପ୍ରିୟସାକ୍ଷିଣୀ ॥ ୬୧ ॥
ପତଙ୍ଗକୋଟିଜୀଵାଖ୍ୟା ପାଵକସ୍ଥା ଚ ପାଵନୀ ।
ପରଜ୍ଞାନାର୍ଥଦାତ୍ରୀ ଚ ପରତନ୍ତ୍ରାର୍ଥସାଧିନୀ ॥ ୬୨ ॥
ପ୍ରତ୍ୟଗ୍ଜ୍ୟୋତିଃ ସ୍ଵରୂପା ଚ ପ୍ରଥମାପ୍ରଥମାରୁଣା ।
ପ୍ରାତଃସନ୍ଧ୍ୟା ପାର୍ଥସନ୍ଧ୍ୟା ପରସନ୍ଧ୍ୟାସ୍ଵରୂପିଣୀ ॥ ୬୩ ॥
ପ୍ରଧାନଵରଦା ପ୍ରାଣଜ୍ଞାନନିର୍ଣୟକାରିଣୀ ।
ପ୍ରଭଞ୍ଜନା ପ୍ରାଞ୍ଜନେଶୀ ପ୍ରୟୋଗୋଦ୍ରେକକାରିଣୀ ॥ ୬୪ ॥
ପ୍ରଫୁଲ୍ଲପଦଦାତ୍ରୀ ଚ ପ୍ରସମାୟା ପୁରୋଦୟା ।
ପର୍ଵତପ୍ରାଣରକ୍ଷତ୍ରୀ ପର୍ଵତାଧାରସାକ୍ଷିଣୀ ॥ ୬୫ ॥
ପର୍ଵତପ୍ରାଣଶୋଭା ଚ ପର୍ଵତଚ୍ଛତ୍ରକାରିଣୀ ।
ପର୍ଵତା ଜ୍ଞାନହର୍ତ୍ରୀ ଚ ପ୍ରଲୟୋଦୟସାକ୍ଷିଣୀ ॥ ୬୬ ॥
ପ୍ରାରବ୍ଧଜନନୀ କାଲୀ ପ୍ରଦ୍ୟୁମ୍ନଜନନୀ ସୁରା ।
ପ୍ରାକ୍ସୁରେଶ୍ଵରପତ୍ନୀ ଚ ପରଵୀରକୁଲାପହା ॥ ୬୭ ॥
ପରଵୀରନିୟନ୍ତ୍ରୀ ଚ ପରପ୍ରଣଵମାଲିନୀ ।
ପ୍ରଣଵେଶୀ ପ୍ରଣଵଗା ପ୍ରଣଵାଦ୍ୟାକ୍ଷରପ୍ରିୟା ॥ ୬୮ ॥
ପ୍ରଣଵାର୍ଣଜପପ୍ରୀତା ପ୍ରାଣମୃତ୍ୟୁଞ୍ଜୟପ୍ରଦା ।
ପ୍ରଣଵାଲଙ୍କୃତା ଵ୍ୟୂଢା ପଶୁଭକ୍ଷଣତର୍ପଣା ॥ ୬୯ ॥
ପଶୁଦୋଷହରା ପାଶୁପତାସ୍ତ୍ରକୋଟିଧାରିଣୀ ।
ପ୍ରଵେଶିନୀ ପ୍ରଵେଶାଖ୍ୟା ପଦ୍ମପତ୍ରତ୍ରିଲୋଚନା ॥ ୭୦ ॥
ପଶୁମାଂସାସଵାନନ୍ଦା ପଶୁକୋଟିବଲିପ୍ରିୟା ।
ପଶୁଧର୍ମକ୍ଷୟା ପ୍ରାର୍ୟା ପଶୁତର୍ପଣକାରିଣୀ ॥ ୭୧ ॥
ପଶୁଶ୍ରଦ୍ଧାକରୀ ପୂଜ୍ୟା ପଶୁମୁଣ୍ଡସୁମାଲିନୀ ।
ପରଵୀରୟୋଗଶିକ୍ଷା ପରସିଦ୍ଧାନ୍ତୟୋଗିନୀ ॥ ୭୨ ॥
ପରଶୁକ୍ରୋଧମୁଖ୍ୟାସ୍ତ୍ରା ପରଶୁପ୍ରଲୟପ୍ରଦା ।
ପଦ୍ମରାଗମାଲଧରା ପଦ୍ମରାଗାସନସ୍ଥିତା ॥ ୭୩ ॥
ପଦ୍ମରାଗମଣିଶ୍ରେଣୀହାରାଲଙ୍କାରଶୋଭିତା ।
ପରମଧୂଲିସୌନ୍ଦର୍ୟମଞ୍ଜୀରପାଦୁକାମ୍ବୁଜା ॥ ୭୪ ॥
ହର୍ତ୍ରୀ ସମସ୍ତଦୁଃଖାନାଂ ହିରଣ୍ୟହାରଶୋଭିତା ।
ହରିଣାକ୍ଷୀ ହରିସ୍ଥା ଚ ହରା ହାରାଵତୀ ହିରା ॥ ୭୫ ॥
ହାରକୁଣ୍ଡଲଶୋଭାଢ୍ୟା ହାରକେୟୂରମଣ୍ଡିତା ।
ହରଣସ୍ଥା ହାକିନୀ ଚ ହୋମକର୍ମପ୍ରକାଶିନୀ ॥ ୭୬ ॥
ହରିଦ୍ରା ହରିପୂଜ୍ୟା ଚ ହରମାଲା ହରେଶ୍ଵରୀ ।
ହରାତୀତା ହରସିଦ୍ଧା ହ୍ରୀଂକାରୀ ହଂସମାଲିନୀ ॥ ୭୭ ॥
ହଂସମନ୍ତ୍ରସ୍ଵରୂପା ଚ ହଂସମଣ୍ଡଲଭେଦିନୀ ।
ହଂସଃ ସୋଽହଂ ମଣିକରା ହଂସରାଜୋପରିସ୍ଥିତା ॥ ୭୮ ॥
ହୀରକାଭା ହୀରକସୂକଧାରିଣୀ ହରମେଖଲା ।
ହରକୁଣ୍ଡମେଖଲା ଚ ହୋମଦଣ୍ଡସୁମେଖଲା ॥ ୭୯ ॥
ହରଧରପ୍ରିୟାନନ୍ଦା ହଲୀଶାନୀ ହରୋଦୟା ।
ହରପତ୍ନୀ ହରରତା ସଂହାରଵିଗ୍ରହୋଜ୍ଜ୍ଵଲା ॥ ୮୦ ॥
ସଂହାରନିଲୟା ହାଲା ହ୍ଲୀଂବୀଜପ୍ରଣଵପ୍ରିୟା ।
ହଲକ୍ଷା ହକ୍ଷଵର୍ଣସ୍ଥା ହାକିନୀ ହରମୋହିନୀ ॥ ୮୧ ॥
ହାହାହୂହୂପ୍ରିୟାନନ୍ଦଗାୟନପ୍ରେମସୁପ୍ରିୟା ।
ହରଭୂତିପ୍ରଦା ହାରପ୍ରିୟା ହୀରକମାଲିନୀ ॥ ୮୨ ॥
ହୀରକାଭା ହୀରକସ୍ଥା ହରାଧାରା ହରସ୍ଥିତା ।
ହାଲାନିଷେଵିତା ହିନ୍ତା ହିନ୍ତାଲଵନସିଦ୍ଧିଦା ॥ ୮୩ ॥
ମହାମାୟା ମହାରୌଦ୍ରୀ ମହାଦେଵନିଷେଵିତା ।
ମହାନୟା ମହାଦେଵୀ ମହାସିଦ୍ଧା ମହୋଦୟା ॥ ୮୪ ॥
ମହାୟୋଗା ମହାଭଦ୍ରା ମହାୟୋଗେନ୍ଦ୍ରତାରିଣୀ ।
ମହାଦୀପଶିଖାକାରା ମହାଦୀପପ୍ରକାଶିନୀ ॥ ୮୫ ॥
ମହାଦୀପପ୍ରକାଶାଖ୍ୟା ମହାଶ୍ରଦ୍ଧା ମହାମତିଃ ।
ମହାମହୀୟସୀ ମୋହନାଶିନୀ ମହତୀ ମହା ॥ ୮୬ ॥
ମହାକାଲପୂଜିତା ଚ ମହାକାଲକୁଲେଶ୍ଵରୀ ।
ମହାୟୋଗୀନ୍ଦ୍ରଜନନୀ ମୋହସିଦ୍ଧିପ୍ରଦାୟିନୀ ॥ ୮୭ ॥
ଆହୁତିସ୍ଥାହୁତିରତା ହୋତୃଵେଦମନୁପ୍ରିୟା ।
ହୈୟଙ୍ଗବୀଜଭୋକ୍ତ୍ରୀ ଚ ହୈୟଙ୍ଗବୀଜସୁପ୍ରିୟା ॥ ୮୮ ॥
ହେ ସମ୍ବୋଧନରୂପା ଚ ହେ ହେତୋଃ ପରମାତ୍ମଜା ।
ହଲନାଥପ୍ରିୟା ଦେଵୀ ହିତାହିତଵିନାଶିନୀ ॥ ୮୯ ॥
ହନ୍ତ୍ରୀ ସମସ୍ତପାପାନାଂ ହଲହେତୁପ୍ରଦାପ୍ରଦା ।
ହଲହେତୁଚ୍ଛଲସ୍ଥା ଚ ହିଲିହିଲିପ୍ରୟାଗିନୀ ॥ ୯୦ ॥
ହୁତାସନମୁଖୀ ଶୂନ୍ୟା ହରିଣୀ ହରତନ୍ତ୍ରଦା ।
ହଠାତ୍କାରଗତିପ୍ରୀତା ସୁଣ୍ଟକାଲଙ୍କୃତା ଇଲା ॥ ୯୧ ॥
ହଲାୟୁଧାଦ୍ୟଜନନୀ ହିଲ୍ଲୋଲା ହେମବହୀଣୀ ।
ହୈମୀ ହିମସୁତା ହେମପର୍ଵତଶୃଙ୍ଗସଂସ୍ଥିରା ॥ ୯୨ ॥
ହରଣାଖ୍ୟା ହରିପ୍ରେମଵର୍ଧିନୀ ହରମୋହିନୀ ।
ହରମାତା ହରପ୍ରଜ୍ଞା ହୁଙ୍କାରୀ ହରପାଵନୀ ॥ ୯୩ ॥
ହେରମ୍ବଜନନୀ ହଟ୍ଟମଧ୍ୟସ୍ଥଲନିଵାସିନୀ ।
ହିମକୁନ୍ଦେନ୍ଦୁଧଵଲା ହିମପର୍ଵତଵାସିନୀ ॥ ୯୪ ॥
ହୋତୃସ୍ଥା ହରହାଲା ଚ ହେଲାତୀତା ଅହର୍ଗଣା ।
ଅହଙ୍କାରା ହେତୁଗର୍ତା ହେତୁସ୍ଥା ହିତକାରିଣୀ ॥ ୯୫ ॥
ହତଭାଗ୍ୟନିହନ୍ତ୍ରୀ ଚ ହତାସଦ୍ବୁଦ୍ଧିଜୀଵିକା ।
ହେତୁପ୍ରିୟା ମହାରାତ୍ରୀ ଅହୋରାଖ୍ୟା ହରୋଦ୍ଗମା ॥ ୯୬ ॥
ଅର୍ହଣାଦିପ୍ରିୟା ଚାର୍ହା ହାହାକାରନିନାଦିନୀ ।
ହନୁମତ୍କଲ୍ପସଂସ୍ଥାନା ହନୁମତ୍ସିଦ୍ଧିଦାୟିନୀ ॥ ୯୭ ॥
ହଲାହଲପ୍ରିୟାଘୋରା ମହାଭୀମା ହଲାୟୁଧା ।
ହ୍ସୌଃ ବୀଜସ୍ଵରୂପା ଚ ହ୍ସୌଂ ପ୍ରେତାଖ୍ୟଜାପିନୀ ॥ ୯୮ ॥
ଆହ୍ଲାଦିନୀ ଇହାନନ୍ଦା ଅର୍ଘ୍ୟକ୍ରାନ୍ତା ହରାର୍ଚନା ।
ହରଭୀତିହରାହଃକା ବୀଜହଃକାମହକ୍ଷରା ॥ ୯୯ ॥
ହେରମ୍ବୟୋଗସିଦ୍ଧିସ୍ଥା ହେରମ୍ବାଦିସୁତପ୍ରିୟା ।
ହନନାଖ୍ୟା ହେତୁନାମ୍ନୀ ହଠାତ୍ ସିଦ୍ଧିପ୍ରୟୋଗଦା ॥ ୧୦୦ ॥
ଉମା ମହେଶ୍ଵରୀ ଆଦ୍ୟା ଅନନ୍ତାନନ୍ତଶକ୍ତିଦା ।
ଆଧାରାର୍ହସୁରକ୍ଷା ଚ ଈଶ୍ଵରୀ ଉଗ୍ରତାରିଣୀ ॥ ୧୦୧ ॥
ଉଷେଶ୍ଵରୀ ଉତ୍ତମା ଚ ଊର୍ଧ୍ଵପଦ୍ମଵିଭେଦିନୀ ।
ଋଦ୍ଧିସିଦ୍ଧିପ୍ରଦା କ୍ଷୁଲ୍ଲାକାଶବୀଜସୁସିଦ୍ଧିଦା ॥ ୧୦୨ ॥
ତୃତକସ୍ଥାତୃତକସ୍ଥା ତୃସ୍ଵରାଖର୍ଵବୀଜଗା ।
ଏରଣ୍ଡପୁଷ୍ପହୋମାଢ୍ୟା ଐଶ୍ଵର୍ୟଦାନତତ୍ପରା ॥ ୧୦୩ ॥
ଓଡ୍ରପୁଷ୍ପପ୍ରିୟା ଓଂକାରାକ୍ଷରା ଔଷଧପ୍ରିୟା ।
ଅର୍ଵଣାସାରଃ ଅଂଶାଖ୍ୟା ଅଃସ୍ଥା ଚ କପିଲା କଲା ॥ ୧୦୪ ॥
କୈଲାସସ୍ଥା କାମଧେନୁଃ ଖର୍ଵା ଖେଟକଧାରିଣୀ ।
ଖରପୁଷ୍ପପ୍ରିୟା ଖଡ୍ଗଧାରିଣୀ ଖରଗାମିନୀ ॥ ୧୦୫ ॥
ଗଭୀରା ଗୀତଗାୟତ୍ରୀ ଗୁର୍ଵା ଗୁରୁତରା ଗୟା ।
ଘନକୋଟିନାଦକରୀ ଘର୍ଘରା ଘୋରନାଦିନୀ ॥ ୧୦୬ ॥
ଘନଚ୍ଛାୟା ଚାରୁଵର୍ଣା ଚଣ୍ଡିକା ଚାରୁହାସିନୀ ।
ଚାରୁଚନ୍ଦ୍ରମୁଖୀ ଚାରୁଚିତ୍ତଭାଵାର୍ଥଗାମିନୀ ॥ ୧୦୭ ॥
ଛତ୍ରାକିନୀ ଛଲଚ୍ଛିନ୍ନା ଛାଗମାଂସଵିନୋଦିନୀ ।
ଜୟଦା ଜୀଵୀ ଜନ୍ୟା ଚ ଜୀମୂତୈରୁପଶୋଭିତା ॥ ୧୦୮ ॥
ଜୟିତ୍ରୀ ଜୟମୁଣ୍ଡାଲୀ ଝଙ୍କାରୀ ଝଞ୍ଜନାଦିକା ।
ଟଙ୍କାରଧାରିଣୀ ଟଙ୍କବାଣକାର୍ମୁକଧାରିଣୀ ॥ ୧୦୯ ॥
ଠକୁରାଣୀ ଠଠଙ୍କାରୀ ଡାମରେଶୀ ଚ ଡିଣ୍ଡିମା ।
ଢକ୍କାନାଦପ୍ରିୟା ଢକ୍କା ତଵମାଲା ତଲାତଲା ॥ ୧୧୦ ॥
ତିମିରା ତାରିଣୀ ତାରା ତରୁଣା ତାଲସିଦ୍ଧିଦା ।
ତୃପ୍ତା ଚ ତୈଜସୀ ଚୈଵ ତୁଲନାତଲଵାସିନୀ ॥ ୧୧୧ ॥
ତୋଷଣା ତୌଲିନୀ ତୈଲଗନ୍ଧାମୋଦିତଦିଙ୍ମୁଖୀ ।
ସ୍ଥୂଲପ୍ରିୟା ଥକାରାଦ୍ୟା ସ୍ଥିତିରୂପା ଚ ସଂସ୍ଥିରା ॥ ୧୧୨ ॥
ଦକ୍ଷିଣଦେହନାଦାକ୍ଷା ଦକ୍ଷପତ୍ନୀ ଚ ଦକ୍ଷଜା ।
ଦାରିଦ୍ର୍ୟଦୋଷହନ୍ତ୍ରୀ ଚ ଦାରୁଣାସ୍ତ୍ରଵିଭଞ୍ଜିନୀ ॥ ୧୧୩ ॥
ଦଂଷ୍ଟ୍ରକରାଲଵଦନୀ ଦୀର୍ଘମାତ୍ରାଦଲାନ୍ଵିତା ।
ଦେଵମାତା ଦେଵସେନା ଦେଵପୂଜ୍ୟା ଦୟାଦଶା ॥ ୧୧୪ ॥
ଦୀକ୍ଷାଦାନପ୍ରଦା ଦୈନ୍ୟହନ୍ତ୍ରୀ ଦୀର୍ଘସୁକୁନ୍ତଲା ।
ଦନୁଜେନ୍ଦ୍ରନିହନ୍ତ୍ରୀ ଚ ଦନୁଜାରିଵିମର୍ଦିନୀ ॥ ୧୧୫ ॥
ଦେଶପୂଜ୍ୟା ଦାୟଦାତ୍ରୀ ଦଶନାସ୍ତ୍ରପ୍ରଧାରିଣୀ ।
ଦାସରକ୍ଷା ଦେଶରକ୍ଷା ଦିଗମ୍ବରଦିଗମ୍ବରୀ ॥ ୧୧୬ ॥
ଦିକ୍ପ୍ରଭାପାଟଲଵ୍ୟାପ୍ତା ଦରୀଗୃହନିଵାସିନୀ ।
ଦର୍ଶନସ୍ଥା ଦାର୍ଶନିକା ଦତ୍ତଭାର୍ୟା ଚ ଦୁର୍ଗହା ॥ ୧୧୭ ॥
ଦୁର୍ଗା ଦୀର୍ଘମୁଖୀ ଦୁଃଖନାଶିନୀ ଦିଵିସଂସ୍ଥିତା ।
ଧନ୍ୟା ଧନପ୍ରଦା ଧାରା ଧରଣୀ ଧାରିଣୀ ଧରା ॥ ୧୧୮ ॥
ଧୃତସୌନ୍ଦର୍ୟଵଦନା ଧନଦା ଧାନ୍ୟଵର୍ଧିନୀ ।
ଧ୍ୟାନପ୍ରାପ୍ତା ଧ୍ୟାନଗମ୍ୟା ଧ୍ୟାନଜ୍ଞାନପ୍ରକାଶିନୀ ॥ ୧୧୯ ॥
ଧ୍ୟେୟା ଧୀରପୂଜିତା ଚ ଧୂମେଶୀ ଚ ଧୁରନ୍ଧରା ।
ଧୂମକେତୁହରା ଧୂମା ଧ୍ୟେୟା ସର୍ଵସୁରେଶ୍ଵରଈ ॥ ୧୨୦ ॥
ଧର୍ମାର୍ଥମୋକ୍ଷଦା ଧର୍ମଚିନ୍ତା ଧର୍ମପ୍ରକାଶିନୀ ।
ଧୂଲିରୂପା ଚ ଧଵଲା ଧଵଲଚ୍ଛତ୍ରଧାରିଣୀ ॥ ୧୨୧ ॥
ଧଵଲାମ୍ବରଧାତ୍ରୀ ଚ ଧଵଲାସନସଂସ୍ଥିତା ।
ଧଵଲା ହିମାଲୟଧରା ଧରଣୀ ସାଧନକ୍ରିୟା ॥ ୧୨୨ ॥
ଧଵଲେଶ୍ଵରକନ୍ୟା ଚ ଧଵଲାଧ୍ଵାଧଲାମୁଖୀ ।
ଧୀରକନ୍ୟା ଧର୍ମକନ୍ୟା ଧ୍ରୁଵସିଦ୍ଧିପ୍ରଦାୟିନୀ ॥ ୧୨୩ ॥
ଧ୍ରୁଵାନନ୍ଦା ଧ୍ରୁଵଶ୍ରଦ୍ଧା ଧ୍ରୁଵସନ୍ତୋଷଵର୍ଧିନୀ ।
ନାରିକେଲଜଲସ୍ନାତା ନାରିକେଲଫଲାସନା ॥ ୧୨୪ ॥
ନାରୀ ନାରାୟଣୀଶାନା ନମ୍ରପୂଜନସୁପ୍ରିୟା ।
ନରଦେଵରତା ନିତ୍ୟଗଣଗନ୍ଧର୍ଵପୂଜିତା ॥ ୧୨୫ ॥
ନରକଵିହାରିଣୀ ଚୈଵ ନରକାନ୍ତକକାରିଣୀ ।
ନରକ୍ଷେତ୍ରକଲାଦେଵୀ ନଵକୋଶନିଵାସିନୀ ॥ ୧୨୬ ॥
ନାକ୍ଷତ୍ରଵିଦ୍ୟା ନାକ୍ଷତ୍ରୀ ନକ୍ଷତ୍ରମଣ୍ଡଲସ୍ଥିତା ।
ନୃପୋନ୍ନାଶକରୀ ନାରାୟଣୀ ନୂପୁରଧାରିଣୀ ॥ ୧୨୭ ॥
ନୃତ୍ୟଗୀତପ୍ରିୟାନୀତା ନଵୀନା ନାମଶାୟିନୀ ।
ନୌନୂତନାସ୍ତ୍ରଧରା ନିତ୍ୟା ନଵପୁଷ୍ପଵନସ୍ଥିତା ॥ ୧୨୮ ॥
ନଵପୁଷ୍ପପ୍ରେମରତା ନଵଚମ୍ପକମାଲିନୀ ।
ନଵରତ୍ନହାରମାଲା ନଵଜାମ୍ବୂନଦପ୍ରଭା ॥ ୧୨୯ ॥
ନମସ୍କାରପ୍ରିୟା ନିନ୍ଦା ଵାଦନାଦପ୍ରଣାଶିନୀ ।
ପଵନାକ୍ଷରମାଲା ଚ ପଵନାକ୍ଷରମାଲିନୀ ॥ ୧୩୦ ॥
ପରଦୋଷଭୟଙ୍କାରା ପ୍ରଚରଦ୍ରୂପସଂସ୍ଥିତା ।
ପ୍ରସ୍ଫୁଟିତାମ୍ଭୋଜମାଲାଧାରିଣୀ ପ୍ରେମଵାସିନୀ ॥ ୧୩୧ ॥
ପରମାନନ୍ଦସପ୍ତାନହରୀ ପୃଥୁନିତମ୍ବିନୀ ।
ପ୍ରଵାଲମାଲା ଲୋଭାଙ୍ଗୀ ପୟୋଦା ଶତଵିଗ୍ରହା ॥ ୧୩୨ ॥
ପୟୋଦକରୁଣାକାରା ପାରମ୍ପର୍ୟାପ୍ରସାଦିନୀ ।
ପ୍ରାରମ୍ଭକର୍ମନିରତା ପ୍ରାରବ୍ଧଭୋଗଦାୟିନୀ ॥ ୧୩୩ ॥
ପ୍ରେମସିଦ୍ଧିକରୀ ପ୍ରେମଧାରା ଗଙ୍ଗାମ୍ବୁଶୋଭିନୀ ।
ଫେରୁପୁଣ୍ୟଵରାନନ୍ଦା ଫେରୁଭୋଜନତୋଷିଣୀ ॥ ୧୩୪ ॥
ଫଲଦା ଫଲଵର୍ଧା ଚ ଫଲାହ୍ଲାଦଵିନୋଦିନୀ ।
ଫଣିମାଲାଧରା ଦେଵୀ ଫଣିହାରାଦିଶୋଭିନୀ ॥ ୧୩୫ ॥
ଫଣା ଫଣୀକାରମୁଖୀ ଫଣସ୍ଥା ଫଣିମଣ୍ଡଲା ।
ସହସ୍ରଫଣିସମ୍ପ୍ରାପ୍ତା ଫୁଲ୍ଲାରଵିନ୍ଦମାଲିନୀ ॥ ୧୩୬ ॥
ଵାସୁକୀ ଵ୍ୟାସପୂଜ୍ୟା ଚ ଵାସୁଦେଵାର୍ଚନପ୍ରିୟା ।
ଵାସୁଦେଵକଲାଵାଚ୍ୟା ଵାଚକସ୍ଥା ଵସୁସ୍ଥିତା ॥ ୧୩୭ ॥
ଵଜ୍ରଦଣ୍ଡଧରାଧାରା ଵିରଦା ଵାଦସାଧିନୀ ।
ଵସନ୍ତକାଲନିଲୟା ଵସୋର୍ଦ୍ଧାରା ଵସୁନ୍ଧରା ॥ ୧୩୮ ॥
ଵେପମାନରକ୍ଷକା ଚ ଵପୂରକ୍ଷା ଵୃଷାସନା ।
ଵିଵସ୍ଵତ୍ପ୍ରେମକୁଶଲା ଵିଦ୍ୟାଵାଦ୍ୟଵିନୋଦିନୀ ॥ ୧୩୯ ॥
ଵିଧିଵିଦ୍ୟାପ୍ରକାଶା ଚ ଵିଧିସିଦ୍ଧାନ୍ତଦାୟିନୀ ।
ଵିଧିଜ୍ଞା ଵେଦକୁଶଲା ଵେଦଵାକ୍ୟଵିଵାସିନୀ ॥ ୧୪୦ ॥
ବଲଦେଵପୂଜିତା ଚ ବାଲଭାଵପ୍ରପୂଜିତା ।
ବାଲା ଵସୁମତୀ ଵେଦ୍ୟା ଵୃଦ୍ଧମାତା ବୁଧପ୍ରିୟା ॥ ୧୪୧ ॥
ବୃହସ୍ପତିପ୍ରିୟା ଵୀରପୂଜିତା ବାଲଚନ୍ଦ୍ରିକା ।
ଵିଗ୍ରହଜ୍ଞାନରକ୍ଷା ଚ ଵ୍ୟାଘ୍ରଚର୍ମଧରାଵରା ॥ ୧୪୨ ॥
ଵ୍ୟଥାବୋଧାପହନ୍ତ୍ରୀ ଚ ଵିସର୍ଗମଣ୍ଡଲସ୍ଥିତା ।
ବାଣଭୂଷାପୂଜିତା ଵନମାଲା ଵିହାୟସୀ ॥ ୧୪୩ ॥
ଵାମଦେଵପ୍ରିୟା ଵାମପୂଜାଜାପପରାୟଣା ।
ଭଦ୍ରା ଭ୍ରମରଵର୍ଣା ଚ ଭ୍ରାମରୀ ଭ୍ରମରପ୍ରଭା ॥ ୧୪୪ ॥
ଭାଲଚନ୍ଦ୍ରଧରା ଭୀମା ଭୀମନେତ୍ରାଭଵାଭଵା ।
ଭୀମମୁଖୀ ଭୀମଦେହା ଭୀମଵିକ୍ରମକାରିଣୀ ॥ ୧୪୫ ॥
ଭୀମଶ୍ରଦ୍ଧା ଭୀମପୂଜ୍ୟା ଭୀମାକାରାତିସୁନ୍ଦରୀ ।
ଭୀମସଙ୍ଗ୍ରାମଜୟଦା ଭୀମାଦ୍ୟା ଭୀମଭୈରଵୀ ॥ ୧୪୬ ॥
ଭୈରଵେଶୀ ଭୈରଵୀ ଚ ସଦାନନ୍ଦାଦିଭୈରଵୀ ।
ସଦାନନ୍ଦଭୈରଵୀ ଚ ଭୈରଵେନ୍ଦ୍ରପ୍ରିୟଙ୍କରୀ ॥ ୧୪୭ ॥
ଭଲ୍ଲାସ୍ତ୍ରଧାରିଣୀ ଭୈମୀ ଭୃଗୁଵଂଶପ୍ରକାଶିନୀ ।
ଭର୍ଗପତ୍ନୀ ଭର୍ଗମାତା ଭଙ୍ଗସ୍ଥା ଭଙ୍ଗଭକ୍ଷିଣୀ ॥ ୧୪୮ ॥
ଭକ୍ଷପ୍ରିୟା ଭକ୍ଷରତା ଭୃକୁଣ୍ଡା ଭାଵଭୈରଵୀ ।
ଭାଵଦା ଭଵଦା ଭାଵପ୍ରଭାଵା ଭାଵନାଶିନୀ ॥ ୧୪୯ ॥
ଭାଲସିନ୍ଦୂରତିଲକା ଭାଲଲୋକସୁକୁଣ୍ଡଲା ।
ଭାଲମାଲାଲକାଶୋଭା ଭାସୟନ୍ତୀ ଭଵାର୍ଣଵା ॥ ୧୫୦ ॥
ଭଵଭୀତିହରା ଭାଲଚନ୍ଦ୍ରମଣ୍ଡଲଵାସିନୀ ।
ମଦ୍ଭ୍ରମରନେତ୍ରାବ୍ଜସୁନ୍ଦରୀ ଭୀମସୁନ୍ଦରୀ ॥ ୧୫୧ ॥
ଭଜନପ୍ରିୟରୂପା ଚ ଭାଵଭୋଜନସିଦ୍ଧିଦା ।
ଭ୍ରୂଚନ୍ଦ୍ରନିରତା ବିନ୍ଦୁଚକ୍ରଭ୍ରୂପଦ୍ମଭେଦିନୀ ॥ ୧୫୨ ॥
ଭଵପାଶହରା ଭୀମଭାଵକନ୍ଦନିଵାସିନୀ ।
ମନୋୟୋଗସିଦ୍ଧିଦାତ୍ରୀ ମାନସୀ ମନସୋ ମହୀ ॥ ୧୫୩ ॥
ମହତୀ ମୀନଭକ୍ଷା ଚ ମୀନଚର୍ଵଣତତ୍ପରା ।
ମୀନାଵତାରନିରତା ମାଂସଚର୍ଵଣତତ୍ପରା ॥ ୧୫୪ ॥
ମାଂସପ୍ରିୟା ମାଂସସିଦ୍ଧା ସିଦ୍ଧମାଂସଵିନୋଦିନୀ ।
ମାୟା ମହାଵୀରପୂଜ୍ୟା ମଧୁପ୍ରେମଦିଗମ୍ବରୀ ॥ ୧୫୫ ॥
ମାଧଵୀ ମଦିରାମଧ୍ୟା ମଧୁମାଂସନିଷେଵିତା ।
ମୀନମୁଦ୍ରାଭକ୍ଷିଣୀ ଚ ମୀନମୁଦ୍ରାପତର୍ପିଣୀ ॥ ୧୫୬ ॥
ମୁଦ୍ରାମୈଥୁନସଂତୃପ୍ତା ମୈଥୁନାନନ୍ଦଵର୍ଧିନୀ ।
ମୈଥୁନଜ୍ଞାନମୋକ୍ଷସ୍ଥା ମହାମହିଷମର୍ଦିନୀ ॥ ୧୫୭ ॥
ୟଜ୍ଞଶ୍ରଦ୍ଧା ୟୋଗସିଦ୍ଧା ୟତ୍ନୀ ୟତ୍ନପ୍ରକାଶିନୀ ।
ୟଶୋଦା ୟଶସି ପ୍ରୀତା ୟୌଵନସ୍ଥା ୟମାପହା ॥ ୧୫୮ ॥
ରାସଶ୍ରଦ୍ଧାତୁରାରାମରମଣୀରମଣପ୍ରିୟା ।
ରାଜ୍ୟଦା ରଜନୀରାଜଵଲ୍ଲଭା ରାମସୁନ୍ଦରୀ ॥ ୧୫୯ ॥
ରତିଶ୍ଚାରତିରୂପା ଚ ରୁଦ୍ରଲୋକସରସ୍ଵତୀ ।
ରୁଦ୍ରାଣୀ ରଣଚାମୁଣ୍ଡା ରଘୁଵଂଶପ୍ରକାଶିନୀ ॥ ୧୬୦ ॥
ଲକ୍ଷ୍ମୀର୍ଲୀଲାଵତୀ ଲୋକା ଲାଵଣ୍ୟକୋଟିସମ୍ଭଵା ।
ଲୋକାତୀତା ଲକ୍ଷଣାଖ୍ୟା ଲିଙ୍ଗଧାରା ଲଵଙ୍ଗଦା ॥ ୧୬୧ ॥
ଲଵଙ୍ଗପୁଷ୍ପନିରତା ଲଵଙ୍ଗତରୁସଂସ୍ଥିତା ।
ଲେଲିହାନା ଲୟକରୀ ଲୀଲାଦେହପ୍ରକାଶିନୀ ॥ ୧୬୨ ॥
ଲାକ୍ଷାଶୋଭାଧରା ଲଙ୍କା ରତ୍ନମାସଵଧାରିଣୀ ।
ଲକ୍ଷଜାପସିଦ୍ଧିକରୀ ଲକ୍ଷମନ୍ତ୍ରପ୍ରକାଶିନୀ ॥ ୧୬୩ ॥
ଵଶିନୀ ଵଶକର୍ତ୍ରୀ ଚ ଵଶ୍ୟକର୍ମନିଵାସିନୀ ।
ଵେଶାଵେଶ୍ୟା ଵେଶଵେଶ୍ୟା ଵଂଶିନୀ ଵଂଶଵର୍ଧିନୀ ॥ ୧୬୪ ॥
ଵଂଶମାୟା ଵଜ୍ରଶବ୍ଦମୋହିନୀ ଶବ୍ଦରୂପିଣୀ ।
ଶିଵା ଶିଵମୟୀ ଶିକ୍ଷା ଶଶିଚୂଡାମଣିପ୍ରଭା ॥ ୧୬୫ ॥
ଶଵୟୁଗ୍ମଭୀତିଦା ଚ ଶଵୟୁଗ୍ମଭୟାନକା ।
ଶଵସ୍ଥା ଶଵଵକ୍ଷସ୍ଥା ଶାବ୍ଦବୋଧପ୍ରକାଶିନୀ ॥ ୧୬୬ ॥
ଷଟ୍ପଦ୍ମଭେଦିନୀ ଷଟ୍କା ଷଟ୍କୋଣୟନ୍ତ୍ରମଧ୍ୟଗା ।
ଷଟ୍ଚକ୍ରସାରଦା ସାରା ସାରାତ୍ସାରସରୋରୁହା ॥ ୧୬୭ ॥
ସମନାଦିନିହନ୍ତ୍ରୀ ଚ ସିଦ୍ଧିଦା ସଂଶୟାପହା ।
ସଂସାରପୂଜିତା ଧନ୍ୟା ସପ୍ତମଣ୍ଡଲସାକ୍ଷିଣୀ ॥ ୧୬୮ ॥
ସୁନ୍ଦରୀ ସୁନ୍ଦରପ୍ରୀତା ସୁନ୍ଦରାନନ୍ଦଵର୍ଧିନୀ ।
ସୁନ୍ଦରାସ୍ୟା ସୁନଵସ୍ତ୍ରୀ ସୌନ୍ଦର୍ୟସିଦ୍ଧିଦାୟିନୀ ॥ ୧୬୯ ॥
ତ୍ରିସୁନ୍ଦରୀ ସର୍ଵରୀ ଚ ସର୍ଵା ତ୍ରିପୁରସୁନ୍ଦରୀ ।
ଶ୍ୟାମଲା ସର୍ଵମାତା ଚ ସଖ୍ୟଭାଵପ୍ରିୟା ସ୍ଵରା ॥ ୧୭୦ ॥
ସାକ୍ଷାତ୍କାରସ୍ଥିତା ସାକ୍ଷାତ୍ସାକ୍ଷିଣୀ ସର୍ଵସାକ୍ଷିଣୀ ।
ହାକିନୀ ଶାକିନୀମାତା ଶାକିନୀ କାକିନୀପ୍ରିୟା ॥ ୧୭୧ ॥
ହାକିନୀ ଲାକିନୀମାତା ହାକିନୀ ରାକିଣୀପ୍ରିୟା ।
ହାକିନୀ ଡାକିନୀମାତା ହରା କୁଣ୍ଡଲିନୀ ହୟା ॥ ୧୭୨ ॥
ହୟସ୍ଥା ହୟତେଜଃସ୍ଥା ହ୍ସୌଂବୀଜପ୍ରକାଶିନୀ ।
ଲଵଣାମ୍ବୁସ୍ଥିତା ଲକ୍ଷଗ୍ରନ୍ଥିଭେଦନକାରିଣୀ ॥ ୧୭୩ ॥
ଲକ୍ଷକୋଟିଭାସ୍କରାଭା ଲକ୍ଷବ୍ରହ୍ମାଣ୍ଡକାରିଣୀ ।
କ୍ଷଣଦଣ୍ଡପଲାକାରା କ୍ଷପାକ୍ଷୋଭଵିନାଶିନୀ ॥ ୧୭୪ ॥
କ୍ଷେତ୍ରପାଲାଦିଵଟୁକଗଣେଶୟୋଗିନୀପ୍ରିୟା ।
କ୍ଷୟରୋଗହରା କ୍ଷୌଣୀ କ୍ଷାଲନସ୍ଥାକ୍ଷରପ୍ରିୟା ॥ ୧୭୫ ॥
କ୍ଷାଦ୍ୟସ୍ଵରାନ୍ତସିଦ୍ଧିସ୍ଥା କ୍ଷାଦିକାନ୍ତପ୍ରକାଶିନୀ ।
କ୍ଷାରାମ୍ବୁତିକ୍ତନିକରା କ୍ଷିତିଦୁଃଖଵିନାଶିନୀ ॥ ୧୭୬ ॥
କ୍ଷୁନ୍ନିଵୃତ୍ତିଃ କ୍ଷଣଜ୍ଞାନୀ ଵଲ୍ଲଭା କ୍ଷଣଭଙ୍ଗୁରା ।
ଇତ୍ୟେତତ୍ କଥିତଂ ନାଥ ହାକିନ୍ୟାଃ କୁଲଶେଖର ॥ ୧୭୭ ॥
ସହସ୍ରନାମୟୋଗାଙ୍ଗମଷ୍ଟୋତ୍ତରଶତାନ୍ଵିତମ୍ ।
ୟଃ ପଠେନ୍ନିୟତଃ ଶ୍ରୀମାନ୍ ସ ୟୋଗୀ ନାତ୍ର ସଂଶୟଃ ॥ ୧୭୮ ॥
ଅସ୍ୟ ସ୍ମରଣମାତ୍ରେଣ ଵୀରୋ ୟୋଗେଶ୍ଵରୋ ଭଵେତ୍ ।
ଅସ୍ୟାପି ଚ ଫଲଂ ଵକ୍ତୁଂ କୋଟିଵର୍ଷଶତୈରପି ॥ ୧୭୯ ॥
ଶକ୍ୟତେ ନାପି ସହସା ସଂକ୍ଷେପାତ୍ ଶୃଣୁ ସତ୍ଫଲମ୍ ।
ଆୟୁରାରୋଗ୍ୟମାପ୍ନୋତି ଵିଶ୍ଵାସଂ ଶ୍ରୀଗୁରୋଃ ପଦୈଃ ॥ ୧୮୦ ॥
ସାରସିଦ୍ଧିକରଂ ପୁଣ୍ୟଂ ପଵିତ୍ରଂ ପାପନାଶନମ୍ ।
ଅତ୍ୟନ୍ତଦୁଃଖଦହନଂ ସର୍ଵସୌଭାଗ୍ୟଦାୟକମ୍ ॥ ୧୮୧ ॥
ପଠନାତ୍ ସର୍ଵଦା ୟୋଗସିଦ୍ଧିମାପ୍ନୋତି ୟୋଗିରାଟ୍ ।
ଦେହସିଦ୍ଧିଃ କାଵ୍ୟସିଦ୍ଧିର୍ଜ୍ଞାନସିଦ୍ଧିର୍ଭଵେଦ୍ ଧ୍ରୁଵମ୍ ॥ ୧୮୨ ॥
ଵାଚାଂ ସିଦ୍ଧିଃ ଖଡ୍ଗସିଦ୍ଧିଃ ଖେଚରତ୍ଵମଵାପ୍ନୁୟାତ୍ ।
ତ୍ରୈଲୋକ୍ୟଵଲ୍ଲଭୋ ୟୋଗୀ ସର୍ଵକାମାର୍ଥସିଦ୍ଧିଭାକ୍ ॥ ୧୮୩ ॥
ଅପ୍ରକାଶ୍ୟଂ ମହାରତ୍ନଂ ପଠିତ୍ଵା ସିଦ୍ଧିମାପ୍ନୁୟାତ୍ ।
ଅସ୍ୟ ପ୍ରପଠନେନାପି ଭ୍ରୂପଦ୍ମେ ଚିତ୍ତମର୍ପୟନ୍ ॥ ୧୮୪ ॥
ୟଶୋଭାଗ୍ୟମଵାପ୍ନୋତିରାଜରାଜେଶ୍ଵରୋ ଭଵେତ୍ ।
ଡାକିନୀସିଦ୍ଧିମାପ୍ନୋତି କୁଣ୍ଡଲୀଵଶମାନୟେତ୍ ॥ ୧୮୫ ॥
ଧ୍ୟାନାତ୍ମା ସାଧକେନ୍ଦ୍ରଶ୍ଚ ୟତିର୍ଭୂତ୍ଵା ଶୁଭେ ଦିନେ ।
ଧ୍ୟାନଂ କୁର୍ୟାତ୍ ପଦ୍ମମଧ୍ୟକର୍ଣିକାୟାଂ ଶିଖାଲୟେ ॥ ୧୮୬ ॥
ଭ୍ରୂମଧ୍ୟେ ଚକ୍ରସାରେ ଚ ଧ୍ୟାତ୍ଵା ଧ୍ୟାତ୍ଵା ପଠେଦ୍ ୟଦି ।
ରାକିଣୀସିଦ୍ଧିମାପ୍ନୋତି ଦେଵତାଦର୍ଶନଂ ଲଭେତ୍ ॥ ୧୮୭ ॥
ଭାଗ୍ୟସିଦ୍ଧିମଵାପ୍ନୋତି ନିତ୍ୟଂ ପ୍ରପଠନାଦ୍ୟତଃ ।
ସାକ୍ଷାତ୍ସିଦ୍ଧିମଵାପ୍ନୋତି ଶକ୍ତିୟୁକ୍ତଃ ପଠେଦ୍ୟଦି ॥ ୧୮୮ ॥
ହିରଣ୍ୟାକ୍ଷୀ ଲାକିନୀଶା ଵଶମାପ୍ନୋତି ଧୈର୍ୟଵାନ୍ ।
ରାତ୍ରିଶେଷେ ସମୁତ୍ଥାୟ ପଠେଦ୍ ୟଦି ଶିଵାଲୟେ ॥ ୧୮୯ ॥
ପୂଜାନ୍ତେ ଵା ଜପାନ୍ତେ ଵା ଵାରମେକଂ ପଠେଦ୍ୟଦି ।
ଵୀରସିଦ୍ଧିମଵାପ୍ନୋତି କାକିନୀଵଶମାନୟେତ୍ ॥ ୧୯୦ ॥
ରାତ୍ରିଂ ଵ୍ୟାପ୍ୟ ପଠେଦ୍ୟସ୍ତୁ ଶୁଦ୍ଧଚେତା ଜିତେନ୍ଦ୍ରିୟଃ ।
ଶୟ୍ୟାୟାଂ ଚଣ୍ଡିକାଗେହେ ମଧୁଗେହେଽଥଵା ପୁନଃ ॥ ୧୯୧ ॥
ଶାକିନୀସିଦ୍ଧିମାପ୍ନୋତି ସର୍ଵଦେଶେ ଚ ସର୍ଵଦା ।
ପ୍ରଭାତେ ଚ ସମୁତ୍ଥାୟ ଶୁଦ୍ଧାତ୍ମା ପଞ୍ଚମେ ଦିନେ ॥ ୧୯୨ ॥
ଅମାଵାସ୍ୟାସୁ ଵିଜ୍ଞାୟାଂ ଶ୍ରଵଣାୟାଂ ଵିଶେଷତଃ ।
ଶୁକ୍ଲପକ୍ଷେ ନଵମ୍ୟାଂ ତୁ କୃଷ୍ଣପକ୍ଷେଽଷ୍ଟମୀଦିନେ ॥ ୧୯୩ ॥
ଭାର୍ୟାୟୁକ୍ତଃ ପଠେଦ୍ୟସ୍ତୁ ଵଶମାପ୍ନୋତି ଭୂପତିମ୍ ।
ଏକାକୀ ନିର୍ଜନେ ଦେଶେ କାମଜେତା ମହାବଲୀ ॥ ୧୯୪ ॥
ପ୍ରପଠେଦ୍ ରାତ୍ରିଶେଷେ ଚ ସ ଭଵେତ୍ ସାଧକୋତ୍ତମଃ ।
କଲ୍ପଦ୍ରୁମସମୋ ଦାତା ଦେଵଜେତା ନ ସଂଶୟଃ ॥ ୧୯୫ ॥
ଶିଵଶକ୍ତିମଧ୍ୟଭାଗେ ୟନ୍ତ୍ରଂ ସଂସ୍ଥାପ୍ୟ ୟତ୍ନତଃ ।
ପ୍ରପଠେତ୍ ସାଧକେନ୍ଦ୍ରଶ୍ଚ ସର୍ଵଜ୍ଞାତା ସ୍ଥିରାଶୟଃ ॥ ୧୯୬ ॥
ଏକାନ୍ତନିର୍ଜନେ ରମ୍ୟେ ତପଃସିଦ୍ଧିଫଲୋଦୟେ ।
ଦେଶେ ସ୍ଥିତ୍ଵା ପଠେଦ୍ୟସ୍ତୁ ଜୀଵନ୍ମୁକ୍ତି ଫଲଂ ଲଭେତ୍ ॥ ୧୯୭ ॥
ଅକାଲେଽପି ସକାଲେଽପି ପଠିତ୍ଵା ସିଦ୍ଧିମାପ୍ନୁୟାତ୍ ।
ତ୍ରିକାଲଂ ୟସ୍ତୁ ପଠତି ପ୍ରାନ୍ତରେ ଵା ଚତୁଷ୍ପଥେ ॥ ୧୯୮ ॥
ୟୋଗିନୀନାଂ ପତିଃ ସାକ୍ଷାଦାୟୁର୍ଵୃଦ୍ଧିଦୀନେ ଦିନେ ।
ଵାରମେକଂ ପଠେଦ୍ୟସ୍ତୁ ମୂର୍ଖୋ ଵା ପଣ୍ଡିତୋଽପି ଵା ॥ ୧୯୯ ॥
ଵାଚାମୀଶୋ ଭଵେତ୍ କ୍ଷିପ୍ରଂ ୟୋଗୟୁକ୍ତୋ ଭଵେଦ୍ ଧ୍ରୁଵମ୍ ।
ସମ୍ଭାଵିତୋ ଭଵେଦେକଂ ଵାରପାଠେନ ଭୈରଵ ॥ ୨୦୦ ॥
ଜିତ୍ଵା କାଲମହାମୃତ୍ୟୁଂ ଦେଵୀଭକ୍ତିମଵାପ୍ନୁୟାତ୍ ।
ପଠିତ୍ଵା ଵାରମେକଂ ତୁ ୟାତ୍ରାଂ କୁର୍ଵନ୍ତି ୟେ ଜନାଃ ॥ ୨୦୧ ॥
ଦେଵୀଦର୍ଶନସିଦ୍ଧିଞ୍ଚ ପ୍ରାପ୍ତୋ ୟୋଗମଵାପ୍ନୁୟାତ୍ ।
ପ୍ରତ୍ୟେକଂ ନାମମୁଚ୍ଚାର୍ୟ ୟୋ ୟାଗମନୁସଞ୍ଚରେତ୍ ॥ ୨୦୨ ॥
ସ ଭଵେନ୍ମମ ପୁତ୍ରୋ ହି ସର୍ଵକାମଫଲଂ ଲଭେତ୍ ।
ସର୍ଵୟଜ୍ଞଫଲଂ ଜ୍ଞାନସିଦ୍ଧିମାପ୍ନୋତି ୟୋଗିରାଟ୍ ॥ ୨୦୩ ॥
ଭୂତଲେ ଭୂଭୃତାଂନାଥୋ ମହାସିଦ୍ଧୋ ମହାକଵିଃ ।
କଣ୍ଠେ ଶୀର୍ଷେ ଦକ୍ଷଭୁଜେ ପୁରୁଷୋ ଧାରୟେଦ୍ୟଦି ॥ ୨୦୪ ॥
ୟୋଷିଦ୍ଵାମଭୁଜେ ଧୃତ୍ଵା ସର୍ଵସିଦ୍ଧିମଵାପ୍ନୁୟାତ୍ ।
ଗୋରୋଚନାକୁଙ୍କୁମେନ ରକ୍ତଚନ୍ଦନକେନ ଚ ॥ ୨୦୫ ॥
ୟାଵକୈର୍ଵା ମହେଶାନି ଲିଖେନ୍ମନ୍ତ୍ରଂ ସମାହିତଃ ।
ଆଦ୍ୟା ଦେଵୀ ପରପ୍ରାଣସିଦ୍ଧିମାପ୍ନୋତି ନିଶ୍ଚିତମ୍ ॥ ୨୦୬ ॥
ଲିଙ୍ଗଂ ପୀଠେ ପୂର୍ଣିମାୟାଂ କୃଷ୍ଣଚତୁର୍ଦଶୀଦିନେ ।
ଭୌମଵାରେ ମଧ୍ୟରାତ୍ରୌ ପଠିତ୍ଵା କାମସିଦ୍ଧିଭାକ୍ ॥ ୨୦୭ ॥
କିଂ ନ ସିଦ୍ଧ୍ୟତି ଭୂଖଣ୍ଡେ ଅଜରାମର ଏଵ ସଃ ।
ରମଣୀକୋଟିଭର୍ତା ସ୍ୟାଦ୍ ଵର୍ଷଦ୍ଵାଦଶପାଠତଃ ॥ ୨୦୮ ॥
ଅଷ୍ଟଵର୍ଷପ୍ରପାଠେନ କାୟପ୍ରଵେଶସିଦ୍ଧିଭାକ୍ ।
ଷଡ୍ଵର୍ଷମାତ୍ରପାଠେନ କୁବେରସଦୃଶୋ ଧନୀ ॥ ୨୦୯ ॥
ଵାରୈକମାତ୍ରପାଠେନ ଵର୍ଷେ ଵର୍ଷେ ଦିନେ ଦିନେ ।
ସ ଭଵେତ୍ ପଞ୍ଚତତ୍ତ୍ଵଜ୍ଞୋ ତତ୍ତ୍ଵଜ୍ଞାନୀ ନ ସଂଶୟଃ ॥ ୨୧୦ ॥
ସର୍ଵପାପଵିନିର୍ମୁକ୍ତୋ ଵସେତ୍ କଲ୍ପତ୍ରୟଂ ଭୁଵି ।
ୟଃ ପଠେତ୍ ସପ୍ତଧା ନାଥ ସପ୍ତାହନି ଦିନେ ଦିନେ ॥ ୨୧୧ ॥
ରାତ୍ରୌ ଵାରତ୍ରୟଂ ଧୀମାନ୍ ପଠିତ୍ଵା ଖେଚରୋ ଭଵେତ୍ ।
ଅଶ୍ଵିନୀ ଶୁକ୍ଲପକ୍ଷେ ଚ ରୋହିଣ୍ୟସିତପକ୍ଷକେ ॥ ୨୧୨ ॥
ଅଷ୍ଟମ୍ୟାଂ ହି ନଵମ୍ୟାଂ ତୁ ପଠେଦ୍ ଵାରତ୍ରୟଂ ନିଶି ।
ଦିଵସେ ଵାରମେକଂ ତୁ ସ ଭଵେତ୍ ପଞ୍ଚତତ୍ତ୍ଵଵିତ୍ ॥ ୨୧୩ ॥
ଅନାୟାସେନ ଦେଵେଶ ପଞ୍ଚାମରାଦିସିଦ୍ଧିଭାକ୍ ।
ଖେଚରୀମେଲନଂ ତସ୍ୟ ନିତ୍ୟଂ ଭଵତି ନିଶ୍ଚିତମ୍ ॥ ୨୧୪ ॥
ସ୍ଵର୍ଗେ ମର୍ତ୍ୟେ ଚ ପାତାଲେ କ୍ଷଣାନ୍ନିଃସରତି ଧ୍ରୁଵମ୍ ।
ଅଗ୍ନିସ୍ତମ୍ଭଂ ଜଲସ୍ତମ୍ଭଂ ଵାତସ୍ତମ୍ଭଂ କରୋତି ସଃ ॥ ୨୧୫ ॥
ପଞ୍ଚତତ୍ତ୍ଵକ୍ରମେଣୈଵ ଶ୍ମଶାନେ ୟସ୍ତୁ ସମ୍ପଠେତ୍ ।
ସ ଭଵେଦ୍ ଦେଵଦେଵେଶଃ ସିଦ୍ଧାନ୍ତସାରପଣ୍ଡିତଃ ॥ ୨୧୬ ॥
ଶୂକରାସଵସଂୟୁକ୍ତଃ କୁଲଦ୍ରଵ୍ୟେଣ ଵା ପୁନଃ ।
ବିଲ୍ଵମୂଲେ ପୀଠମୂଲେ ଵିଧାନେନ ପ୍ରପୂଜୟେତ୍ ।
ପରେଣ ପରମା ଦେଵୀ ତୁଷ୍ଟା ଭଵତି ସିଦ୍ଧିଦା ॥ ୨୧୭ ॥
॥ ଇତି ଶ୍ରୀରୁଦ୍ରୟାମଲେ ଉତ୍ତରତନ୍ତ୍ରେ ଭୈରଵଭୈରଵୀସଂଵାଦେ
ହାକିନୀସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥