॥ Hakinishvara Ashtottara Sahasranamastotram Kannada Lyrics ॥
॥ ಹಾಕಿನೀಶ್ವರಾಷ್ಟೋತ್ತರಸಹಸ್ರನಾಮಸ್ತೋತ್ರ ॥
ಶ್ರೀಆನನ್ದಭೈರವ ಉವಾಚ ।
ಆನನ್ದಭೈರವಿ ಪ್ರಾಣವಲ್ಲಭೇ ಜಗದೀಶ್ವರಿ ।
ತವ ಪ್ರಸಾದವಾಕ್ಯೇನ ಶ್ರುತಂ ನಾಮಸಹಸ್ರಕಮ್ ॥ 1 ॥
ಹಾಕಿನ್ಯಾಃ ಕುಲಯೋಗಿನ್ಯಾಃ ಪರಮಾದ್ಭುತಮಂಗಲಮ್ ।
ಇದಾನೀಂ ಶ್ರೋತುಮಿಚ್ಛಾಮಿ ಪರನಾಥಸ್ಯ ವಾಂಛಿತಮ್ ॥ 2 ॥
ಸಹಸ್ರನಾಮಯೋಗಾಂಗಮಷ್ಟೋತ್ತರಸಮಾಕುಲಮ್ ।
ಭ್ರೂಪದ್ಮಭೇದನಾರ್ಥಾಯ ಹಾಕಿನೀಯೋಗಸಿದ್ಧಯೇ ॥ 3 ॥
ಪರನಾಥಸ್ಯ ಯೋಗಾಧಿಸಿದ್ಧಯೇ ಕುಲಭೈರವಿ ।
ಕೃಪಯಾ ವದ ಮೇ ಪ್ರೀತಾ ಧರ್ಮಸಿದ್ಧಿನಿಬನ್ಧನಾತ್ ॥ 4 ॥
ಮಮ ದೇಹರಕ್ಷಣಾಯ ಪಾತಿವ್ರಾತ್ಯಪ್ರಸಿದ್ಧಯೇ ।
ಮಹಾವಿಷಹರೇ ಶೀಘ್ರಂ ವದ ಯೋಗಿನಿ ವಿಸ್ತರಾತ್ ॥ 5 ॥
ತ್ವತ್ಪ್ರಸಾದಾತ್ ಖೇಚರಾಣಾಂ ಭೈರವಾಣಾಂ ಹಿ ಯೋಗಿನಾಮ್ ।
ನಾಥೋಽಹಂ ಜಗತೀಖಂಡೇ ಸುಧಾಖಂಡೇ ವದ ಪ್ರಿಯೇ ॥ 6 ॥
ಪುನಃ ಪುನಃ ಸ್ತೌಮಿ ನಿತ್ಯೇ ತ್ವಮೇವ ಸುಪ್ರಿಯಾ ಭವ ।
ಶ್ರೀಆನನ್ದಭೈರವೀ ಉವಾಚ
ಅಥ ಯೋಗೇಶ್ವರ ಪ್ರಾಣನಾಥ ಯೋಗೇನ್ದ್ರ ಸಿದ್ಧಿದ ॥ 7 ॥
ಇದಾನೀಂ ಕಥಯೇ ತೇಽಹಂ ನಿಜದೇಹಸುಸಿದ್ಧಯೇ ।
ಸರ್ವದಾ ಹಿ ಪಠಸ್ವ ತ್ವಂ ಕಾಲಮೃತ್ಯುಂ ವಶಂ ನಯ ॥ 8 ॥
ಕೃಪಯಾ ತವ ನಾಥಸ್ಯ ಸ್ನೇಹಪಾಶನಿಯನ್ತ್ರಿತಾ ।
ತವಾಜ್ಞಾಪಾಲನಾರ್ಥಾಯ ಕಾಲಕೂಟವಿನಾಶನಾತ್ ॥ 9 ॥
ಭುಕ್ತಿಮುಕ್ತಿಕ್ರಿಯಾಭಕ್ತಿಸಿದ್ಧಯೇ ತಚ್ಛೃಣು ಪ್ರಭೋ ।
ನಿತ್ಯಾಮೃತಖಂಡರಸೋಲ್ಲಾಸನಾಮಸಹಸ್ರಕಮ್ ॥ 10 ॥
ಅಷ್ಟೋತ್ತರಂ ಪ್ರಯತ್ನೇನ ಯೋಗಿನಾಂ ಹಿ ಹಿತಾಯ ಚ ।
ಕಥಯಾಮಿ ಸಿದ್ಧನಾಮಜ್ಞಾನನಿರ್ಣಯಸಾಧನಮ್ ॥ 11 ॥
ಓಂ ಹ್ಸೌ ಸಾಂ ಪರೇಶಶ್ಚ ಪರಾಶಕ್ತಿಃ ಪ್ರಿಯೇಶ್ವರಃ ।
ಶಿವಃ ಪರಃ ಪಾರಿಭದ್ರಃ ಪರೇಶೋ ನಿರ್ಮಲೋಽದ್ವಯಃ ॥ 12 ॥
ಸ್ವಯಂಜ್ಯೋತಿರನಾದ್ಯನ್ತೋ ನಿರ್ವೀಕಾರಃ ಪರಾತ್ಪರಃ ।
ಪರಮಾತ್ಮಾ ಪರಾಕಾಶೋಽಪರೋಽಪ್ಯಪರಾಜಿತಃ ॥ 13 ॥
ಪಾರ್ವತೀವಲ್ಲಭಃ ಶ್ರೀಮಾನ್ ದೀನಬನ್ಧುಸ್ತ್ರಿಲೋಚನಃ ।
ಯೋಗಾತ್ಮಾ ಯೋಗದಃ ಸಿದ್ಧೇಶ್ವರೋ ವೀರಃ ಸ್ವರಾನ್ತಕಃ ॥ 14 ॥
ಕಪಿಲೇಶೋ ಗುರುರ್ಗೀತಃ ಸ್ವಪ್ರಿಯೋ ಗೀತಮೋಹನಃ ।
ಗಭೀರೋ ಗಾಧನಸ್ಥಶ್ಚ ಗೀತವಾದ್ಯಪ್ರಿಯಂಕರಃ ॥ 15 ॥
ಗುರುಗೀತಾಪವಿತ್ರಶ್ಚ ಗಾನಸಮ್ಮಾನತೋಜ್ಝಿತಃ ।
ಗಯಾನಾಥೋ ದತ್ತನಾಥೋ ದತ್ತಾತ್ರೇಯಪತಿಃ ಶಿವಃ ॥ 16 ॥
ಆಕಾಶವಾಹಕೋ ನೀಲೋ ನೀಲಾಂಜನಶರೀರಧೃಕ್ ।
ಖಗರೂಪೀ ಖೇಚರಶ್ಚ ಗಗನಾತ್ಮಾ ಗಭೀರಗಃ ॥ 17 ॥
ಗೋಕೋಟಿದಾನಕರ್ತ್ತಾ ಚ ಗೋಕೋಟಿದುಗ್ಧಭೋಜನಃ ।
ಅಭಯಾವಲ್ಲಭಃ ಶ್ರೀಮಾನ್ ಪರಮಾತ್ಮಾ ನಿರಾಕೃತಿಃ ॥ 18 ॥
ಸಂಖ್ಯಾಧಾರೀ ನಿರಾಕಾರೀ ನಿರಾಕರಣವಲ್ಲಭಃ ।
ವಾಯ್ವಾಹಾರೀ ವಾಯುರೂಪೀ ವಾಯುಗನ್ತಾ ಸ್ವವಾಯುಪಾಃ ॥ 19 ॥
ವಾತಘ್ನೋ ವಾತಸಮ್ಪತ್ತಿರ್ವಾತಾಜೀರ್ಣೋ ವಸನ್ತವಿತ್ ।
ವಾಸನೀಶೋ ವ್ಯಾಸನಾಥೋ ನಾರದಾದಿಮುನೀಶ್ವರಃ ॥ 20 ॥
ನಾರಾಯಣಪ್ರಿಯಾನನ್ದೋ ನಾರಾಯಣನಿರಾಕೃತಿಃ ।
ನಾವಮಾಲೋ ನಾವಕರ್ತಾ ನಾವಸಂಜ್ಞಾನಧಾರಕಃ ॥ 21 ॥
ಜಲಾಧಾರೋ ಜ್ಞೇಯ ಇನ್ದ್ರೋ ನಿರಿನ್ದ್ರಿಯಗುಣೋದಯಃ ।
ತೇಜೋರೂಪೀ ಚಂಡಭೀಮೋ ತೇಜೋಮಾಲಾಧರಃ ಕುಲಃ ॥ 22 ॥
ಕುಲತೇಜಾ ಕುಲಾನನ್ದಃ ಶೋಭಾಢ್ಯೋ ವೇದರಶ್ಮಿಧೃಕ್ ।
ಕಿರಣಾತ್ಮಾ ಕಾರಣಾತ್ಮಾ ಕಲ್ಪಚ್ಛಾಯಾಪತಿಃ ಶಶೀ ॥ 23 ॥
ಪರಜ್ಞಾನೀ ಪರಾನನ್ದದಾಯಕೋ ಧರ್ಮಜಿತ್ಪ್ರಭುಃ ।
ತ್ರಿಲೋಚನಾಮ್ಭೋಜರಾಜೋ ದೀರ್ಘನೇತ್ರೋ ಮನೋಹರಃ ॥ 24 ॥
ಚಾಮುಂಡೇಶಃ ಪ್ರಚಂಡೇಶಃ ಪಾರಿಭದ್ರೇಶ್ವರೋ ಹರಃ ।
ಗೋಪಿತಾ ಮೋಹಿತೋ ಗೋಪ್ತಾ ಗುಪ್ತಿಸ್ಥೋ ಗೋಪಪೂಜಿತಃ ॥ 25 ॥
ಗೋಪನಾಖ್ಯೋ ಗೋಧನೇಶಶ್ಚ ಚಾರುವಕ್ತ್ರೋ ದಿಗಮ್ಬರಃ ।
ಪಂಚಾನನಃ ಪಂಚಮೀಶೋ ವಿಶಾಲೋ ಗರುಡೇಶ್ವರಃ ॥ 26 ॥
ಅರ್ಧನಾರೀಶ್ವರೇಶಶ್ಚ ನಾಯಿಕೇಶಃ ಕುಲಾನ್ತಕಃ ।
ಸಂಹಾರವಿಗ್ರಹಃ ಪ್ರೇತಭೂತಕೋಟಿಪರಾಯಣಃ ॥ 27 ॥
ಅನನ್ತೇಶೋಽಪ್ಯನನ್ತಾತ್ಮಾ ಮಣಿಚೂಡೋ ವಿಭಾವಸುಃ ।
ಕಾಲಾನಲಃ ಕಾಲರೂಪೀ ವೇದಧರ್ಮೇಶ್ವರಃ ಕವಿಃ ॥ 28 ॥
ಭರ್ಗಃ ಸ್ಮರಹರಃ ಶಮ್ಭುಃ ಸ್ವಯಮ್ಭುಃ ಪೀತಕುಂಡಲಃ ।
ಜಾಯಾಪತಿರ್ಯಾಜಜೂಕೋ ವಿಲಾಶೀಶಃ ಶಿಖಾಪತಿಃ ॥ 29 ॥
ಪರ್ವತೇಶಃ ಪಾರ್ವಣಾಖ್ಯಃ ಕ್ಷೇತ್ರಪಾಲೋ ಮಹೀಶ್ವರಃ ।
ವಾರಾಣಸೀಪತಿರ್ಮಾನ್ಯೋ ಧನ್ಯೋ ವೃಷಸುವಾಹನಃ ॥ 30 ॥
ಅಮೃತಾನನ್ದಿತೋ ಮುಗ್ಧೋ ವನಮಾಲೀಶ್ವರಃ ಪ್ರಿಯಃ ।
ಕಾಶೀಪತಿಃ ಪ್ರಾಣಪತಿಃ ಕಾಲಕಂಠೋ ಮಹೇಶ್ವರಃ ॥ 31 ॥
ಕಮ್ಬುಕಂಠಃ ಕ್ರಾನ್ತಿವರ್ಗೋ ವರ್ಗಾತ್ಮಾ ಜಲಶಾಸನಃ ।
ಜಲಬುದ್ಬುದವಕ್ಷಶ್ಚ ಜಲರೇಖಾಮಯಃ ಪೃಥುಃ ॥ 32 ॥
ಪಾರ್ಥಿವೇಶೋ ಮಹೀಕರ್ತಾ ಪೃಥಿವೀಪರಿಪಾಲಕಃ ।
ಭೂಮಿಸ್ಥೋ ಭೂಮಿಪೂಜ್ಯಶ್ಚ ಕ್ಷೌಣೀವೃನ್ದಾರಕಾರ್ಚೀತಃ ॥ 33 ॥
ಶೂಲಪಾಣಿಃ ಶಕ್ತಿಹಸ್ತೋ ಪದ್ಮಗರ್ಭೋ ಹಿರಣ್ಯಭೃತ್ ।
ಭೂಗರ್ತಸಂಸ್ಥಿತೋ ಯೋಗೀ ಯೋಗಸಮ್ಭವವಿಗ್ರಹಃ ॥ 34 ॥
ಪಾತಾಲಮೂಲಕರ್ತಾ ಚ ಪಾತಾಲಕುಲಪಾಲಕಃ ।
ಪಾತಾಲನಾಗಮಾಲಾಢ್ಯೋ ದಾನಕರ್ತಾ ನಿರಾಕುಲಃ ॥ 35 ॥
ಭ್ರೂಣಹನ್ತಾ ಪಾಪರಾಧಿನಾಗಕಃ ಕಾಲನಾಗಕಃ ।
ಕಪಿಲೋಗ್ರತಪಃಪ್ರೀತೋ ಲೋಕೋಪಕಾರಕೃನ್ನೃಪಃ ॥ 36 ॥
ನೃಪಾರ್ಚೀತೋ ನೃಪಾರ್ಥಸ್ಥೋ ನೃಪಾರ್ಥಕೋಟಿದಾಯಕಃ ।
ಪಾರ್ಥಿವಾರ್ಚನಸನ್ತುಷ್ಟೋ ಮಹಾವೇಗೀ ಪರೇಶ್ವರಃ ॥ 37 ॥
ಪರಾಪಾರಾಪಾರತರೋ ಮಹಾತರುನಿವಾಸಕಃ ।
ತರುಮೂಲಸ್ಥಿತೋ ರುದ್ರೋ ರುದ್ರನಾಮಫಲೋದಯಃ ॥ 38 ॥
ರೌದ್ರೀಶಕ್ತಿಪತಿಃ ಕ್ರೋಧೀ ಕೋಪನಷ್ಟೋ ವಿರೋಚನಃ ।
ಅಸಂಖ್ಯೇಯಾಖ್ಯಯುಕ್ತಶ್ಚ ಪರಿಣಾಮವಿವರ್ಜಿತಃ ॥ 39 ॥
ಪ್ರತಾಪೀ ಪವನಾಧಾರಃ ಪ್ರಶಂಸ್ಯಃ ಸರ್ವನಿರ್ಣಯಃ ।
ವೇದಜಾಪೀ ಮನ್ತ್ರಜಾಪೀ ದೇವತಾ ಗುರುರೀಶ್ವರಃ ॥ 40 ॥
ಶ್ರೀನಾಥೋ ಗುರುದೇವಶ್ಚ ಪರನಾಥೋ ಗುರುಃ ಪ್ರಭುಃ ।
ಪರಾಪರಗುರುರ್ಜ್ಞಾನೀ ತನ್ತ್ರಜ್ಞೋಽರ್ಕಶತಪ್ರಭಾಃ ॥ 41 ॥
ತೀರ್ಕ್ಷ್ಯೋ ಗಮನಕಾರೀ ಚ ಕಾಲಭಾವೀ ನಿರಂಜನಃ ।
ಕಾಲಕೂಟಾನಲಃ ಶ್ರೋತಃ ಪುಂಜಪಾನಪರಾಯಣಃ ॥ 42 ॥
ಪರಿವಾರಗಣಾಢ್ಯಶ್ಚ ಪಾರಾಶಾಷಿಸುತಸ್ಥಿತಃ ।
ಸ್ಥಿತಿಸ್ಥಾಪಕರೂಪಶ್ಚ ರೂಪಾತೀತೋಽಮಲಾಪತಿಃ ॥ 43 ॥
ಪತೀಶೋ ಭಾಗುರಿಶ್ಚೈವ ಕಾಲಶ್ಚೈವ ಹರಿಸ್ತಥಾ ।
ವೈಷ್ಣವಃ ಪ್ರೇಮಸಿನ್ಧುಶ್ಚ ತರಲೋ ವಾತವಿತ್ತಹಾ ॥ 44 ॥
ಭಾವಸ್ವರೂಪೋ ಭಗವಾನ್ ನಿರಾಕಾಶಃ ಸನಾತನಃ ।
ಅವ್ಯಯಃ ಪುರುಷಃ ಸಾಕ್ಷೀ ಚಾಚ್ಯುತೋ ಮನ್ದರಾಶ್ರಯಃ ॥ 45 ॥
ಮನ್ದರಾದ್ರಿಕ್ರಿಯಾನನ್ದೋ ವೃನ್ದಾವನತನೂದ್ಭವಃ ।
ವಾಚ್ಯಾವಾಚ್ಯಸ್ವರೂಪಶ್ಚ ನಿರ್ಮಲಾಖ್ಯೋ ವಿವಾದಹಾ ॥ 46 ॥
ವೈದ್ಯೋ ವೇದಪರೋ ಗ್ರನ್ಥೋ ವೇದಶಾಸ್ತ್ರಪ್ರಕಾಶಕಃ ।
ಸ್ಮೃತಿಮೂಲೋ ವೇದಯುಕ್ತಿಃ ಪ್ರತ್ಯಕ್ಷಕುಲದೇವತಾ ॥ 47 ॥
ಪರೀಕ್ಷಕೋ ವಾರಣಾಖ್ಯೋ ಮಹಾಶೈಲನಿಷೇವಿತಃ ।
ವಿರಿಂಚಪ್ರೇಮದಾತಾ ಚ ಜನ್ಯೋಲ್ಲಾಸಕರಃ ಪ್ರಿಯಃ ॥ 48 ॥
ಪ್ರಯಾಗಧಾರೀ ಪಯೋಽರ್ಥೀ ಗಾಂಗಾಗಂಗಾಧರಃ ಸ್ಮರಃ ।
ಗಂಗಾಬುದ್ಧಿಪ್ರಿಯೋ ದೇವೋ ಗಂಗಾಸ್ನಾನನಿಷೇವಿತಃ ॥ 49 ॥
ಗಂಗಾಸಲಿಲಸಂಸ್ಥೋ ಹಿ ಗಂಗಾಪ್ರತ್ಯಕ್ಷಸಾಧಕಃ ।
ಗಿರೋ ಗಂಗಾಮಣಿಮರೋ ಮಲ್ಲಿಕಾಮಾಲಧಾರಕಃ ॥ 50 ॥
ಮಲ್ಲಿಕಾಗನ್ಧಸುಪ್ರೇಮೋ ಮಲ್ಲಿಕಾಪುಷ್ಪಧಾರಕಃ ।
ಮಹಾದ್ರುಮೋ ಮಹಾವೀರೋ ಮಹಾಶೂರೋ ಮಹೋರಗಃ ॥ 51 ॥
ಮಹಾತುಷ್ಟಿರ್ಮಹಾಪುಷ್ಟಿರ್ಮಹಾಲಕ್ಷ್ಮೀಶುಭಂಕರಃ ।
ಮಹಾಶ್ರಮೀ ಮಹಾಧ್ಯಾನೀ ಮಹಾಚಂಡೇಶ್ವರೋ ಮಹಾನ್ ॥ 52 ॥
ಮಹಾದೇವೋ ಮಹಾಹ್ಲಾದೋ ಮಹಾಬುದ್ಧಿಪ್ರಕಾಶಕಃ ।
ಮಹಾಭಕ್ತೋ ಮಹಾಶಕ್ತೋ ಮಹಾಧೂರ್ತೋ ಮಹಾಮತಿಃ ॥ 53 ॥
ಮಹಾಚ್ಛತ್ರಧರೋ ಧಾರೋಧರಕೋಟಿಗತಪ್ರಭಾ ।
ಅದ್ವೈತಾನನ್ದವಾದೀ ಚ ಮುಕ್ತೋ ಭಂಗಪ್ರಿಯೋಽಪ್ರಿಯಃ ॥ 54 ॥
ಅತಿಗನ್ಧಶ್ಚಾತಿಮಾತ್ರೋ ನಿಣೀತಾನ್ತಃ ಪರನ್ತಪಃ ।
ನಿಣೀತೋಽನಿಲಧಾರೀ ಚ ಸೂಕ್ಷ್ಮಾನಿಲನಿರೂಪಕಃ ॥ 55 ॥
ಮಹಾಭಯಂಕರೋ ಗೋಲೋ ಮಹಾವಿವೇಕಭೂಷಣಃ ।
ಸುಧಾನನ್ದಃ ಪೀಠಸಂಸ್ಥೋ ಹಿಂಗುಲಾದೇಶ್ವರಃ ಸುರಃ ॥ 56 ॥
ನರೋ ನಾಗಪತಿಃ ಕ್ರೂರೋ ಭಕ್ತಾನಾಂ ಕಾಮದಃ ಪ್ರಭುಃ ।
ನಾಗಮಾಲಾಧರೋ ಧರ್ಮೀ ನಿತ್ಯಕರ್ಮೀ ಕುಲೀನಕೃತ್ ॥ 57 ॥
ಶಿಶುಪಾಲೇಶ್ವರಃ ಕೀರ್ತಿವಿಕಾರೀ ಲಿಂಗಧಾರಕಃ ।
ತೃಪ್ತಾನನ್ದೋ ಹೃಷೀಕೇಶೇಶ್ವರಃ ಪಾಂಚಾಲವಲ್ಲಭಃ ॥ 58 ॥
ಅಕ್ರೂರೇಶಃ ಪತಿಃ ಪ್ರೀತಿವರ್ಧಕೋ ಲೋಕವರ್ಧಕಃ ।
ಅತಿಪೂಜ್ಯೋ ವಾಮದೇವೋ ದಾರುಣೋ ರತಿಸುನ್ದರಃ ॥ 59 ॥
ಮಹಾಕಾಲಃ ಪ್ರಿಯಾಹ್ಲಾದೀ ವಿನೋದೀ ಪಂಚಚೂಡಧೃಕ್ ।
ಆದ್ಯಾಶಕ್ತಿಪತಿಃ ಪಾನ್ತೋ ವಿಭಾಧಾರೀ ಪ್ರಭಾಕರಃ ॥ 60 ॥
ಅನಾಯಾಸಗತಿರ್ಬುದ್ಧಿಪ್ರಫುಲ್ಲೋ ನನ್ದಿಪೂಜಿತಃ ।
ಶೀಲಾಮೂರ್ತೀಸ್ಥಿತೋ ರತ್ನಮಾಲಾಮಂಡಿತವಿಗ್ರಹಃ ॥ 61 ॥
ಬುಧಶ್ರೀದೋ ಬುಧಾನನ್ದೋ ವಿಬುಧೋ ಬೋಧವರ್ಧನಃ ।
ಅಘೋರಃ ಕಾಲಹರ್ತಾ ಚ ನಿಷ್ಕಲಂಕೋ ನಿರಾಶ್ರಯಃ ॥ 62 ॥
ಪೀಠಶಕ್ತಿಪತಿಃ ಪ್ರೇಮಧಾರಕೋ ಮೋಹಕಾರಕಃ ।
ಅಸಮೋ ವಿಸಮೋ ಭಾವೋಽಭಾವೋ ಭಾವೋ ನಿರಿನ್ದ್ರಿಯಃ ॥ 63 ॥
ನಿರಾಲೋಕೋ ಬಿಲಾನನ್ದೋ ಬಿಲಸ್ಥೋ ವಿಷಭುಕ್ಪತಿಃ ।
ದುರ್ಗಾಪತಿರ್ದುರ್ಗಹರ್ತಾ ದೀರ್ಘಸಿದ್ಧಾನ್ತಪೂಜಿತಃ ॥ 64 ॥
ಸರ್ವೋ ದುರ್ಗಾಪತಿವೀಪ್ರೋ ವಿಪ್ರಪೂಜಾಪರಾಯಣಃ ।
ಬ್ರಾಹ್ಮಣಾನನ್ದನಿರತೋ ಬ್ರಹ್ಮಕರ್ಮಸಮಾಧಿವಿತ್ ॥ 65 ॥
ವಿಶ್ವಾತ್ಮಾ ವಿಶ್ವಭರ್ತಾ ಚ ವಿಶ್ವವಿಜ್ಞಾನಪೂರಕಃ ।
ವಿಶ್ವಾನ್ತಃಕಾರಣಸ್ಥಶ್ಚ ವಿಶ್ವಸಂಜ್ಞಾಪ್ರತಿಷ್ಠಿತಃ ॥ 66 ॥
ವಿಶ್ವಾಧಾರೋ ವಿಶ್ವಪೂಜ್ಯೋ ವಿಶ್ವಸ್ಥೋಽಚೀತ ಇನ್ದ್ರಹಾ ।
ಅಲಾಬುಭಕ್ಷಣಃ ಕ್ಷಾನ್ತಿರಕ್ಷೋ ರಕ್ಷನಿವಾರಣಃ ॥ 67 ॥
ತಿತಿಕ್ಷಾರಹಿತೋ ಹೂತಿಃ ಪುರುಹೂತಪ್ರಿಯಂಕರಃ ।
ಪುರುಷಃ ಪುರುಷಶ್ರೇಷ್ಠೋ ವಿಲಾಲಸ್ಥಃ ಕುಲಾಲಹಾ ॥ 68 ॥
ಕುಟಿಲಸ್ಥೋ ವಿಧಿಪ್ರಾಣೋ ವಿಷಯಾನನ್ದಪಾರಗಃ ।
ಬ್ರಹ್ಮಜ್ಞಾನಪ್ರದೋ ಬ್ರಹ್ಮಜ್ಞಾನೀ ಬ್ರಹ್ಮಗುಣಾನ್ತರಃ ॥ 69 ॥
ಪಾಲಕೇಶೋ ವಿರಾಜಶ್ಚ ವಜ್ರದಂಡೋ ಮಹಾಸ್ತ್ರಧೃಕ್ ।
ಸರ್ವಾಸ್ತ್ರರಕ್ಷಕಃ ಶ್ರೀದೋ ವಿಧಿಬುದ್ಧಿಪ್ರಪೂರಣಃ ॥ 70 ॥
ಆರ್ಯಪುತ್ರೋ ದೇವರಾಜಪೂಜಿತೋ ಮುನಿಪೂಜಿತಃ ।
ಗನ್ಧರ್ವಪೂಜಿತಃ ಪೂಜ್ಯೋ ದಾನವಜ್ಞಾನನಾಶನಃ ॥ 71 ॥
ಅಪ್ಸರೋಗಣಪೂಜ್ಯಶ್ಚ ಮರ್ತ್ಯಲೋಕಸುಪೂಜಿತಃ ।
ಮೃತ್ಯುಜಿದ್ರಿಪೂಜಿತ್ ಪ್ಲಕ್ಷೋ ಮೃತ್ಯುಂಜಯ ಇಷುಪ್ರಿಯಃ ॥ 72 ॥
ತ್ರಿಬೀಜಾತ್ಮಾ ನೀಲಕಂಠಃ ಕ್ಷಿತೀಶೋ ರೋಗನಾಶನಃ ।
ಜಿತಾರಿಃ ಪ್ರೇಮಸೇವ್ಯಶ್ಚ ಭಕ್ತಿಗಮ್ಯೋ ನಿರುದ್ಯಮಃ ॥ 73 ॥
ನಿರೀಹೋ ನಿರಯಾಹ್ಲಾದಃ ಕುಮಾರೋ ರಿಪುಪೂಜಿತಃ ।
ಅಜೋ ದೇವಾತ್ಮಜೋ ಧರ್ಮೋಽಸನ್ತೋ ಮನ್ದಮಾಸನಃ ॥ 74 ॥
ಮನ್ದಹಾಸೋ ಮನ್ದನಷ್ಟೋ ಮನ್ದಗನ್ಧಸುವಾಸಿತಃ ।
ಮಾಣಿಕ್ಯಹಾರನಿಲಯೋ ಮುಕ್ತಾಹಾರವಿಭೂಷಿತಃ ॥ 75 ॥
ಮುಕ್ತಿದೋ ಭಕ್ತಿದಶ್ಚೈವ ನಿರ್ವಾಣಪದದಾನದಃ ।
ನಿರ್ವಿಕಲ್ಪೋ ಮೋದಧಾರೀ ನಿರಾತಂಕೋ ಮಹಾಜನಃ ॥ 76 ॥
ಮುಕ್ತಾವಿದ್ರುಮಮಾಲಾಢ್ಯೋ ಮುಕ್ತಾದಾಮಲಸತ್ಕಟಿಃ ॥ 77 ॥
ರತ್ನೇಶ್ವರೋ ಧನೇಶಶ್ಚ ಧನೇಶಪ್ರಾಣವಲ್ಲಭಃ ।
ಧನಜೀವೀ ಕರ್ಮಜೀವೀ ಸಂಹಾರವಿಗ್ರಹೋಜ್ಜ್ವಲಃ ॥ 78 ॥
ಸಂಂಕೇತಾರ್ಥಜ್ಞಾನಶೂನ್ಯೋ ಮಹಾಸಂಕೇತಪಂಡಿತಃ ।
ಸುಪಂಡಿತಃ ಕ್ಷೇಮದಾತಾ ಭವದಾತಾ ಭವಾನ್ವಯಃ ॥ 79 ॥
ಕಿಂಕರೇಶೋ ವಿಧಾತಾ ಚ ವಿಧಾತುಃ ಪ್ರಿಯವಲ್ಲಭಃ ।
ಕರ್ತಾ ಹರ್ತಾ ಕಾರಯಿತಾ ಯೋಜನಾಯೋಜನಾಶ್ರಯಃ ॥ 80 ॥
ಯುಕ್ತೋ ಯೋಗಪತಿಃ ಶ್ರದ್ಧಾಪಾಲಕೋ ಭೂತಶಂಕರಃ ।
ಭೂತಾಧ್ಯಕ್ಷೋ ಭೂತನಾಥೋ ಭೂತಪಾಲನತತ್ಪರಃ ॥ 81 ॥
ವಿಭೂತಿದಾತಾ ಭೂತಿಶ್ಚ ಮಹಾಭೂತಿವಿವರ್ಧನಃ ।
ಮಹಾಲಕ್ಷ್ಮೀಶ್ವರಃ ಕಾನ್ತಃ ಕಮನೀಯಃ ಕಲಾಧರಃ ॥ 82 ॥
ಕಮಲಾಕಾನ್ತ ಈಶಾನೋ ಯಮೋಽಮರೋ ಮನೋಜವಃ ।
ಮನಯೋಗೀ ಮಾನಯೋಗೀ ಮಾನಭಂಗೋ ನಿರೂಪಣಃ ॥ 83 ॥
ಅವ್ಯಕ್ತಾನನ್ದನಿರತೋ ವ್ಯಕ್ತಾವ್ಯಕ್ತನಿರೂಪಿತಃ ।
ಆತ್ಮಾರಾಮಪತಿಃ ಕೃಷ್ಣಪಾಲಕೋ ರಾಮಪಾಲಕಃ ॥ 84 ॥
ಲಕ್ಷಣೇಶೋ ಲಕ್ಷಭರ್ತಾ ಭಾವತೀಶಃ ಪ್ರಜಾಭವಃ ।
ಭರತಾಖ್ಯೋ ಭಾರತಶ್ಚ ಶತ್ರುಘ್ನೋ ಹನುಮಾನ್ ಕಪಿಃ ॥ 85 ॥
ಕಪಿಚೂಡಾಮಣಿಃ ಕ್ಷೇತ್ರಪಾಲೇಶೋ ದಿಕ್ಕರಾನ್ತರಃ ।
ದಿಶಾಂಪತಿದೀಶೀಶಶ್ಚ ದಿಕ್ಪಾಲೋ ಹಿ ದಿಗಮ್ಬರಃ ॥ 86 ॥
ಅನನ್ತರತ್ನಚೂಡಾಢ್ಯೋ ನಾನಾರತ್ನಾಸನಸ್ಥಿತಃ ।
ಸಂವಿದಾನನ್ದನಿರತೋ ವಿಜಯೋ ವಿಜಯಾತ್ಮಜಃ ॥ 87 ॥
ಜಯಾಜಯವಿಚಾರಶ್ಚ ಭಾವಚೂಡಾಮಣೀಶ್ವರಃ ।
ಮುಂಡಮಾಲಾಧರಸ್ತನ್ತ್ರೀ ಸಾರತನ್ತ್ರಪ್ರಚಾರಕಃ ॥ 88 ॥
ಸಂಸಾರರಕ್ಷಕಃ ಪ್ರಾಣೀ ಪಂಚಪ್ರಾಣೋ ಮಹಾಶಯಃ ।
ಗರುಡಧ್ವಜಪೂಜ್ಯಶ್ಚ ಗರುಡಧ್ವಜವಿಗ್ರಹಃ ॥ 89 ॥
ಗಾರುಡೀಶೋ ಮನ್ತ್ರಿಣೀಶೋ ಮೈತ್ರಪ್ರಾಣಹಿತಾಕರಃ ।
ಸಿದ್ಧಿಮಿತ್ರೋ ಮಿತ್ರದೇವೋ ಜಗನ್ನಾಥೋ ನರೇಶ್ವರಃ ॥ 90 ॥
ನರೇನ್ದ್ರೇಶ್ವರಭಾವಸ್ಥೋ ವಿದ್ಯಾಭಾವಪ್ರಚಾರವಿತ್ ।
ಕಾಲಾಗ್ನಿರುದ್ರೋ ಭಗವಾನ್ ಪ್ರಚಂಡೇಶ್ವರಭೂಪತಿಃ ॥ 91 ॥
ಅಲಕ್ಷ್ಮೀಹಾರಕಃ ಕ್ರುದ್ಧೋ ರಿಪೂಣಾಂ ಕ್ಷಯಕಾರಕಃ ।
ಸದಾನನ್ದಮಯೋ ವೃದ್ಧೋ ಧರ್ಮಸಾಕ್ಷೀ ಸುಧಾಂಶುಧೃಕ್ ॥ 92 ॥
ಸಾಕ್ಷರೋ ರಿಪುವರ್ಗಸ್ಥೋ ದೈತ್ಯಹಾ ಮುಂಡಧಾರಕಃ ।
ಕಪಾಲೀ ರುಂಡಮಾಲಾಢ್ಯೋ ಮಹಾಬೀಜಪ್ರಕಾಶಕಃ ॥ 93 ॥
ಅಜೇಯೋಗ್ರಪತಿಃ ಸ್ವಾಹಾವಲ್ಲಭೋ ಹೇತುವಲ್ಲಭಃ ।
ಹೇತುಪ್ರಿಯಾನನ್ದದಾತಾ ಹೇತುಬೀಜಪ್ರಕಾಶಕಃ ॥ 94 ॥
ಶ್ರುತಿಕ್ಷಿಪ್ರಮಣಿರತೋ ಬ್ರಹ್ಮಸೂತ್ರಪ್ರಬೋಧಕಃ ।
ಬ್ರಹ್ಮಾನನ್ದೋ ಜಯಾನನ್ದೋ ವಿಜಯಾನನ್ದ ಏವ ಚ ॥ 95 ॥
ಸುಧಾನನ್ದೋ ಬುಧಾನನ್ದೋ ವಿದ್ಯಾನನ್ದೋ ಬಲೀಪತಿಃ ।
ಜ್ಞಾನಾನನ್ದೋ ವಿಭಾನನ್ದೋ ಭಾವಾನನ್ದೋ ನೃಪಾಸನಃ ॥ 96 ॥
ಸರ್ವಾಸನೋಗ್ರಾನನ್ದಶ್ಚ ಜಗದಾನನ್ದದಾಯಕಃ ।
ಪೂರ್ಣಾನನ್ದೋ ಭವಾನನ್ದೋ ಹ್ಯಮೃತಾನನ್ದ ಏವ ಚ ॥ 97 ॥
ಶೀತಲೋಽಶೀತಿವರ್ಷಸ್ಥೋ ವ್ಯವಸ್ಥಾಪರಿಚಾಯಕಃ ।
ಶೀಲಾಢ್ಯಶ್ಚ ಸುಶೀಲಶ್ಚ ಶೀಲಾನನ್ದೋ ಪರಾಶ್ರಯಃ ॥ 98 ॥
ಸುಲಭೋ ಮಧುರಾನನ್ದೋ ಮಧುರಾಮೋದಮಾದನಃ ।
ಅಭೇದ್ಯೋ ಮೂತ್ರಸಂಚಾರೀ ಕಲಹಾಖ್ಯೋ ವಿಷಂಕಟಃ ॥ 99 ॥
ವಾಶಭಾಢ್ಯಃ ಪರಾನನ್ದೋ ವಿಸಮಾನನ್ದ ಉಲ್ಬಣಃ ।
ಅಧಿಪೋ ವಾರುಣೀಮತ್ತೋ ಮತ್ತಗನ್ಧರ್ವಶಾಸನಃ ॥ 100 ॥
ಶತಕೋಟಿಶರುಶ್ರೀದೋ ವೀರಕೋಟಿಸಮಪ್ರಭಃ ।
ಅಜಾವಿಭಾವರೀನಾಥೋ ವಿಷಮಾಪೂಷ್ಣಿಪೂಜಿತಃ ॥ 101 ॥
ವಿದ್ಯಾಪತಿರ್ವೇದಪತಿರಪ್ರಮೇಯಪರಾಕ್ರಮಃ ।
ರಕ್ಷೋಪತಿರ್ಮಹಾವೀರಪತಿಃ ಪ್ರೇಮೋಪಕಾರಕಃ ॥ 102 ॥
ವಾರಣಾವಿಪ್ರಿಯಾನನ್ದೋ ವಾರಣೇಶೋ ವಿಭುಸ್ಥಿತಃ ।
ರಣಚಂಡೋ ರಶೇಶಶ್ಚ ರಣರಾಮಪ್ರಿಯಃ ಪ್ರಭುಃ ॥ 103 ॥
ರಣನಾಥೀ ರಣಾಹ್ಲಾದಃ ಸಂಗ್ರಾಮಪ್ರೇತವಿಗ್ರಹಃ ।
ದೇವೀಭಕ್ತೋ ದೇವದೇವೋ ದಿವಿ ದಾರುಣತತ್ಪರಃ ॥ 104 ॥
ಖಡ್ಗೀ ಚ ಕವಚೀ ಸಿದ್ಧಃ ಶೂಲೀ ಧೂಲಿಸ್ತ್ರಿಶೂಲಧೃಕ್ ।
ಧನುಷ್ಮಾನ್ ಧರ್ಮಚಿತ್ತೇಶೋಽಚಿನ್ನನಾಗಸುಮಾಲ್ಯಧೃಕ್ ॥ 105 ॥
ಅರ್ಥೋಽನರ್ಥಪ್ರಿಯೋಽಪ್ರಾಯೋ ಮಲಾತೀತೋಽತಿಸುನ್ದರಃ ।
ಕಾಂಚನಾಢ್ಯೋ ಹೇಮಮಾಲೀ ಕಾಂಚನಶೃಂಗಶಾಸನಃ ॥ 106 ॥
ಕನ್ದರ್ಪಜೇತಾ ಪುರುಷಃ ಕಪಿತ್ಥೇಶೋಽರ್ಕಶೇಖರಃ ।
ಪದ್ಮಗನ್ಧೋಽತಿಸದ್ಗನ್ಧಶ್ಚನ್ದ್ರಶೇಖರಭೃತ್ ಸುಖೀ ॥ 107 ॥
ಪವಿತ್ರಾಧಾರನಿಲಯೋ ವಿದ್ಯಾವದ್ವರಬೀಜಭೃತ್ ।
ಕನ್ದರ್ಪಸದೃಶಾಕಾರೋ ಮಾಯಾಜಿದ್ ವ್ಯಾಘ್ರಚರ್ಮಧೃಕ್ ॥ 108 ॥
ಅತಿಸೌನ್ದರ್ಯಚೂಡಾಢ್ಯೋ ನಾಗಚಿತ್ರಮಣಿಪ್ರಿಯಃ ।
ಅತಿಗಂಡಃ ಕುಮ್ಭಕರ್ಣಃ ಕುರುಜೇತಾ ಕವೀಶ್ವರಃ ॥ 109 ॥
ಏಕಮುಖೋ ದ್ವಿತುಂಡಶ್ಚ ದ್ವಿವಿಧೋ ವೇದಶಾಸನಃ ।
ಆತ್ಮಾಶ್ರಯೋ ಗುರುಮಯೋ ಗುರುಮನ್ತ್ರಪ್ರದಾಯಕಃ ॥ 110 ॥
ಶೌರೀನಾಥೋ ಜ್ಞಾನಮಾರ್ಗೀ ಸಿದ್ಧಮಾರ್ಗೀ ಪ್ರಚಂಡಗಃ ।
ನಾಮಗಃ ಕ್ಷೇತ್ರಗಃ ಕ್ಷೇತ್ರೋ ಗಗನಗ್ರನ್ಥಿಭೇದಕಃ ॥ 111 ॥
ಗಾಣಪತ್ಯವಸಾಚ್ಛನ್ನೋ ಗಾಣಪತ್ಯವಸಾದವಃ ।
ಗಮ್ಭೀರೋಽತಿಸುಸೂಕ್ಷ್ಮಶ್ಚ ಗೀತವಾದ್ಯಪ್ರಿಯಂವದಃ ॥ 112 ॥
ಆಹ್ಲಾದೋದ್ರೇಕಕಾರೀ ಚ ಸದಾಹ್ಲಾದೀ ಮನೋಗತಿಃ ।
ಶಿವಶಕ್ತಿಪ್ರಿಯಃ ಶ್ಯಾಮವರ್ಣಃ ಪರಮಬಾನ್ಧವಃ ॥ 113 ॥
ಅತಿಥಿಪ್ರಿಯಕರೋ ನಿತ್ಯೋ ಗೋವಿನ್ದೇಶೋ ಹರೀಶ್ವರಃ ।
ಸರ್ವೇಶೋ ಭಾವಿನೀನಾಥೋ ವಿದ್ಯಾಗರ್ಭೋ ವಿಭಾಂಡಕಃ ॥ 114 ॥
ಬ್ರಹ್ಮಾಂಡರೂಪಕರ್ತಾ ಚ ಬ್ರಹ್ಮಾಂಡಧರ್ಮಧಾರಕಃ ।
ಧರ್ಮಾರ್ಣವೋ ಧರ್ಮಮಾರ್ಗೀ ಧರ್ಮಚಿನ್ತಾಸುಸಿದ್ಧಿದಃ ॥ 115 ॥
ಅಸ್ಥಾಸ್ಥಿತೋ ಹ್ಯಾಸ್ತಿಕಶ್ಚ ಸ್ವಸ್ತಿಸ್ವಚ್ಛನ್ದವಾಚಕಃ ।
ಅನ್ನರೂಪೀ ಅನ್ನಕಸ್ಥೋ ಮಾನದಾತಾ ಮಹಾಮನಃ ॥ 116 ॥
ಆದ್ಯಾಶಕ್ತಿಪ್ರಭುರ್ಮಾತೃವರ್ಣಜಾಲಪ್ರಚಾರಕಃ ।
ಮಾತೃಕಾಮನ್ತ್ರಪೂಜ್ಯಶ್ಚ ಮಾತೃಕಾಮನ್ತ್ರಸಿದ್ಧಿದಃ ॥ 117 ॥
ಮಾತೃಪ್ರಿಯೋ ಮಾತೃಪೂಜ್ಯೋ ಮಾತೃಕಾಮಂಡಲೇಶ್ವರಃ ।
ಭ್ರಾನ್ತಿಹನ್ತಾ ಭ್ರಾನ್ತಿದಾತಾ ಭ್ರಾನ್ತಸ್ಥೋ ಭ್ರಾನ್ತಿವಲ್ಲಭಃ ॥ 118 ॥
ಇತ್ಯೇತತ್ ಕಥಿತಂ ನಾಥ ಸಹಸ್ರನಾಮಮಂಗಲಮ್ ।
ಅಷ್ಟೋತ್ತರಂ ಮಹಾಪುಣ್ಯಂ ಸ್ವರ್ಗೀಯಂ ಭುವಿ ದುರ್ಲಭಮ್ ॥ 119 ॥
ಯಸ್ಯ ಶ್ರವಣಮಾತ್ರೇಣ ನರೋ ನಾರಾಯಣೋ ಭವೇತ್ ।
ಅಪ್ರಕಾಶ್ಯಂ ಮಹಾಗುಹ್ಯಂ ದೇವಾನಾಮಪ್ಯಗೋಚರಮ್ ॥ 120 ॥
ಫಲಂ ಕೋಟಿವರ್ಷಶತೈರ್ವಕ್ತುಂ ನ ಶಕ್ಯತೇ ಬುಧೈಃ ।
ಯಸ್ಯ ಸ್ಮರಣಮಾಕೃತ್ಯ ಯೋಗಿನೀಯೋಗಪಾರಗಃ ॥ 121 ॥
ಸೋಕ್ಷಣಃ ಸರ್ವಸಿದ್ಧಿನಾಂ ತ್ರೈಲೋಕ್ಯೇ ಸಚರಾಚರೇ ।
ದೇವಾಶ್ಚ ಬಹವಃ ಸನ್ತಿ ಯೋಗಿನಸ್ತತ್ತ್ವಚಿನ್ತಕಾಃ ॥ 122 ॥
ಪಠನಾದ್ಧಾರಣಾಜ್ಜ್ಞಾನೀ ಮಹಾಪಾತಕನಾಶಕಃ ।
ಆಯುರಾರೋಗ್ಯಸಮ್ಪತ್ತಿಬೃಂಹಿತೋ ಭವತಿ ಧ್ರುವಮ್ ॥ 123 ॥
ಸಂಗ್ರಾಮೇ ಗ್ರಹಭೀತೌ ಚ ಮಹಾರಣ್ಯೇ ಜಲೇ ಭಯೇ ।
ವಾರಮೇಕಂ ಪಠೇದ್ಯಸ್ತು ಸ ಭವೇದ್ ದೇವವಲ್ಲಭಃ ॥ 124 ॥
ಸರ್ವೇಷಾಂ ಮಾನಸಮ್ಭಂಗೀ ಯೋಗಿರಾಡ್ ಭವತಿ ಕ್ಷಣಾತ್ ।
ಪೂಜಾಂ ಕೃತ್ವಾ ವಿಶೇಷೇಣ ಯಃ ಪಠೇನ್ನಿಯತಃ ಶುಚಿಃ ॥ 125 ॥
ಸ ಸರ್ವಲೋಕನಾಥಃ ಸ್ಯಾತ್ ಪರಮಾನನ್ದಮಾಪ್ನುಯಾತ್ ।
ಏಕಪೀಠೇ ಜಪೇದ್ಯಸ್ತು ಕಾಮರೂಪೇ ವಿಶೇಷತಃ ॥ 126 ॥
ತ್ರಿಕಾಲಂ ವಾಥ ಷಟ್ಕಾಲಂ ಪಠಿತ್ವಾ ಯೋಗಿರಾಡ್ ಭವೇತ್ ।
ಆಕಾಶಗಾಮಿನೀಂ ಸಿದ್ಧಿಂ ಗುಟಿಕಾಸಿದ್ಧಿಮೇವ ಚ ॥ 127 ॥
ಪ್ರಾಪ್ನೋತಿ ಸಾಧಕೇನ್ದ್ರಸ್ತು ರಾಜತ್ವಂ ಹಿ ದಿನೇ ದಿನೇ ।
ಸರ್ವದಾ ಯಃ ಪಠೇನ್ನಿತ್ಯಂ ಸರ್ವಜ್ಞಃ ಸುಕುಶಾಗ್ರಧೀಃ ॥ 128 ॥
ಅವಶ್ಯಂ ಯೋಗಿನಾಂ ಶ್ರೇಷ್ಠಃ ಕಾಮಜೇತಾ ಮಹೀತಲೇ ।
ಅಜ್ಞಾನೀ ಜ್ಞಾನವಾನ್ ಸದ್ಯೋಽಧನೀ ಚ ಧನವಾನ್ ಭವೇತ್ ॥ 129 ॥
ಸರ್ವದಾ ರಾಜಸಮ್ಮಾನಂ ಪಂಚತ್ವಂ ನಾಸ್ತಿ ತಸ್ಯ ಹಿ ।
ಗಲೇ ದಕ್ಷಿಣಬಾಹೌ ಚ ಧಾರಯೇದ್ಯಸ್ತು ಭಕ್ತಿತಃ ॥ 130 ॥
ಅಚಿರಾತ್ತಸ್ಯ ಸಿದ್ಧಿಃ ಸ್ಯಾನ್ನಾತ್ರ ಕಾರ್ಯಾ ವಿಚಾರಣಾ ।
ಅವಧೂತೇಶ್ವರೋ ಭೂತ್ತ್ವಾ ರಾಜತೇ ನಾತ್ರ ಸಂಶಯಃ ॥ 131 ॥
ಅರಕ್ತಚನ್ದನಯುಕ್ತೇನ ಹರಿದ್ರಾಕುಂಕುಮೇನ ಚ ।
ಸೇಫಾಲಿಕಾಪುಷ್ಪದಂಡೈರ್ದಲಸಂಕುಲವರ್ಜಿತೈಃ ॥ 132 ॥
ಮಿಲಿತ್ವಾ ಯೋ ಲಿಖೇತ್ ಸ್ತೋತ್ರಂ ಕೇವಲಂ ಚನ್ದನಾಮ್ಭಸಾ ।
ಸ ಭವೇತ್ ಪಾರ್ವತೀಪುತ್ರಃ ಕ್ಷಣಾದ್ವಾ ದ್ವಾದಶಾಹನಿ ॥ 133 ॥
ಏಕಮಾಸಂ ದ್ವಿಮಾಸಂ ವಾ ತ್ರಿಮಾಸಂ ವರ್ಷಮೇವ ಚ ।
ಜೀವನ್ಮುಕ್ತೋ ಧಾರಯಿತ್ವಾ ಸಹಸ್ರನಾಮಕೀರ್ತನಮ್ ॥ 134 ॥
ಪಠಿತ್ವಾ ತದ್ ದ್ವಿಗುಣಶಃ ಪುಣ್ಯಂ ಕೋಟಿಗುಣಂ ಲಭೇತ್ ।
ಕಿಮನ್ಯಂ ಕಥಯಿಷ್ಯಾಮಿ ಸಾರ್ವಭೌಮೇಶ್ವರೋ ಭವೇತ್ ॥ 135 ॥
ತ್ರಿಭುವನಗಣನಾಥೋ ಯೋಗಿನೀಶೋ ಧನಾಢ್ಯೋ
ಮತಿಸುವಿಮಲಭಾವೋ ದೀರ್ಘಕಾಲಂ ವಸೇತ್ ಸಃ ।
ಇಹ ಪಠತಿ ಭವಾನೀವಲ್ಲಭಃ ಸ್ತೋತ್ರಸಾರಂ
ದಶಶತಮಭಿಧೇಯಂ ಜ್ಞಾನಮಷ್ಟೋತ್ತರಂ ಚ ॥ 136 ।
॥ ಇತಿ ಶ್ರೀರುದ್ರಯಾಮಲೇ ಉತ್ತರತನ್ತ್ರೇ ಭೈರವೀಭೈರವಸಂವಾದೇ
ಪರಶಿವಹಾಕಿನೀಶ್ವರಾಷ್ಟೋತ್ತರಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥